Di Myos ဒီမြို့

05/23/2024

***နွေဦး***

>သွေးအေးသွားတာ မဟုတ်ဘူး
သွေးအေးအေးနဲ့ ဆက်လျှောက်နေတာ>

>အသံတိတ်သွားတာ မဟုတ်ဘူး
တိတ်ဆိတ်စွာနဲ့ ဟစ်ကြွေးနေတာ>

>ငြိမ်ကြသွားတာမဟုတ်ဘူး
တည်တည်ငြိမ်ငြိမ်နဲ့ ဖြတ်သန်းနေတာ>

>ရပ်တန့်သွားတာမဟုတ်ဘူး
ခြေသံလုံလုံနဲ့ ချီတက်နေတာ>

>နောက်ဆုတ်သွားတာ မဟုတ်ဘူး
နွေဦးပန်းတိုင်ကို အရောက်လှမ်းနေတာ>

>အချို့နေရာတွေ အခုဆို
ဖက်ဒရယ်ယူနစ်တောင် ဖြစ်နေပြီ>

05/23/2024

# #အာဏာရူး # # #

လက်နက်မဲ့ပြည်သူကို
လေယာဉ်တွေနဲ့ဗုံးကြဲ

မြို့ရွာတွေမီးတိုက်ပြီး
အစုအပြုံလိုက်သတ်ဖြတ်

တွေ့သမျှ ခိုးယူလို့
ရှိသမျှကို ဓားမြတိုက်
လုပ်ရက်လိုက်ကြတာ

ပြည်သူကိုကာကွယ်ဖို့
သစ္စာဆိုထားတဲ့
တပ်မတော်ကြီးတဲ့

မြင်ရတာ ရင်ရော အသည်းရော
တစ်ပြိုင်ထည်းနာကျဉ်ရတယ်

ပြည်သူတွေမှာ ခိုကိုးရာမဲ့
ပြေးလွှားပုန်းရှောင်ရင်း

အငတ်ငတ်အပြတ်ပြတ်နဲ့
သွေးရော မျက်ရည်ရော
တစ်ပြိုင်ထည်းကျနေကြရတယ်

အာဏာဟာ သေနတ်ပြောင်းဝက
လာတယ်ဆိုတဲ့စကားကို
နွေဦးတော်လှန်ရေးမှာ
အဆုံးသတ်မယ်

သေနတ်ရှိရင်
အနိုင်ကျင့်လို့ရတယ်ဆိုတဲ့ စနစ်ကို
နွေဦးတော်လှန်ရေးမှာ
အဆုံးသတ်မယ်

စစ်ဟာခါးမှန်းသိပေမယ့်
စနစ်ကမတရားတဲ့အခါ
အပစ်ရပ်ဖို့ထက် အမြစ်ဖြတ်ဖို့က
အဖြေဖြစ်လာတယ်

ဒီမြို့

01/12/2024

01/01/2024