Hagere Ethiopia

01/04/2025

ግብፅ ወታደሮቿን በአውሮፕላንና በመርከብ ወደሱማሊያ ለመላክ ዝግጅቷን ማጠናቀቋን ዘናሽናል ዘግቧል

እንደዘገባው እነዚህን ወታደሮች የምትልከው በአዲሱ የአፍሪካ ህብረት ሰላም አስከባሪ ሀይል ውስጥ ለማካተት ነው፡፡

ግብፅ ወታደሮቿን ወደሱማሊያ የምትልክው በሱማሊያ ጥያቄ መሰረት መሆኑን ያወሳው ዘገባው ቀደም ሲል በርካታ የጦር መሳሪያዎችን ወደዚያው መላኳን ጠቅሷል፡፡ በዚህ ሳምንት በተከናወነው የፀጥታው ምክር ቤት ስብሰባ በሱማሊያ ውስጥ አዲስ ሰላም አስከባሪ ሀይል እንዲሰማራ የተወሰነ መሆኑን የገለፀው ዘገባው ይህን ተከትሎ የግብፅ ውጭ ጉዳይ መስሪያ ቤት የግብፅ ወታደሮች በአዲሱ ሀይል ውስጥ እንደሚካተቱ ማስታወቁን ጠቅሷል፡፡

በፀጥታው ምክር ቤት ውሳኔ መሰረት በአዲሱ ሰላም አስከባሪ ሀይል ውስጥ አስራ አንድ ሺ ወታደሮች እንደሚካተቱ መገለፁ ይታወሳል፡፡

በናሽናል ጋዜጣ እንደዘገበው ግብፅ ከዚህ ውስጥ ሀያ አምስት ፐርሰንቱን ለመሸፈን ዝግጅት እያደረገች ትገኛለች፡፡ እነዚህ ወታደሮችም በሚቀጥሉት ቀናት ውስጥ በአውሮፕላንና በመርከብ ተጭነው ሞቃዲሾ ይደርሳሉ ተብሎ እንደሚጠበቅ ዘገባው አስረድቷል፡፡

12/16/2024

በመቐለ ከተማ ውጥረት ነግሷል‼️
በፕሬዝዳንት ጌታቸው ረዳ የተሾመ የመቐለ ከንቲባ ወደ ፅህፈት ቤቱ እንደይገባ ፥ በጀነራል ታደሰ ወረደ የሚመራው የህወሓት ጦር የመቐለ መዘጋጃ ቤት ከቧል።

ጀነራል ታደሰ ወረደ ፕሬዝዳንት የመሆን ህልሙ ስለተጨናገፈ ፥ በፕሬዝዳንት ጌታቸው ረዳ የተሾመውን የመቐለ ከንቲባ ወደ ፅህፈት ቤቱ እንዳይገባ አድርጓል።
የመቐለ ወጣት ይሄንን ለመቋወም በየ አከባቢው እየተሰባሰበ እንደሚገኝ የገኘነው መረጃ ያመለክታል።

=====================

12/03/2024

ስምምነቱን ተከትሎ የኦሮሞ ነጻነት ሠራዊት አባላት ወደ ካምፕ መግባት ጀመሩ

አዲስ አበባ፣ ሕዳር 24፣ 2017 (ኤፍ ቢ ሲ) የኦሮሚያ ክልል መንግሥት እና የኦሮሞ ነጻነት ሠራዊት አመራሮች የደረሱትን የሰላም ስምምነት ተከትሎ የሠራዊቱ አባላት ወደ ተዘጋጀላቸው ካምፕ መግባት ጀምረዋል፡፡

ሕዝብን ለስቃይ ሲዳርግ የነበረውን ችግር በሰላማዊ መንገድ የፖለቲካ ልዩነትንም በውይይት መፍታት ተገቢ መሆኑ ታምኖበት ባሳለፍነው እሁድ የሰላም ስምምነቱ መፈረሙ ይታወሳል፡፡

በዚሁ መሠረት በተለያዩ አካባቢዎች ሲንቀሳቀሱ የነበሩ የኦሮሞ ነጻነት ሠራዊት አባላት ወደ ተዘጋጀላቸው ካምፕ እየገቡ መሆኑን በብልጽግና ፓርቲ የኦሮሚያ ክልል ቅርንጫፍ ጽሕፈት ቤት መረጃ አመላክቷል፡፡

የሠራዊቱ አባላት ወደ ካምፕ መግባታቸውም ስምምነቱ ወደ ተግባር መሸጋገሩን አመላካች ነው ተብሏል፡፡

12/01/2024

የጃል መሮ ተገንጣይ ቡድን አዲስ አበባ ገባ‼️
በጃል መሮ ከሚመራው የኦሮሞ ነጻነት ነጻነት ሰራዊት የተገነጠለው የጃል ሰኚ ረጋሳ ቡድን፣ ከኦሮሚያ ክልል ጋር ተስማምቶ አዲስ አበባ ገብቷል።

የተገንጣይ ቡድኑ መሪ ጃል ሰኚ እና የኦሮሚያ ክልል ፕሬዝዳንት ሽመልስ አብዲሳ በአዲስ አበባ የሰላም ስምምነት ተፈራርመዋል።

የኦሮሚያ ብሔራዊ ክልላዊ መንግስት ርዕስ መስተደድር አቶ ሽመልስ አብዲሳ በበኩላቸው የኦሮሞ ህዝብ በባህልና በወጉ መሰረት በሮቹን ጠምዶና ፈረሶችን ጭኖ በመውጣት ሰላም ይውረድ ባለው መሰረት ጥሪውን ተቀብላችሁ በመምጣታችሁ በራሴና በክልሉ መንግስት ስም አመሠግናለሁ ብለዋል።

አቶ ሽመልስ አብዲሳ የመከላከያ ሠራዊቱ ለሰላም ስምምነቱ ላበረከተው አስተዋፅኦም ምስጋና አቅርበዋል።
በዚህ ዓለም የሰው ልጅ የፖለቲካ ልዩነት ያለው መሆኑን ያወሱት የኦሮሞ ነፃነት ሠራዊት አመራር ጃል ሰኚ ነጋሳ እኛም ያለንን የፖለቲካ ልዩነት በጠመንጃ ከመፍታት በሰለጠነ መንገድ በጠረጴዛ ዙሪያ ለመፍታት ወስነን ነው ስምምነቱን የመረጥነው ብለዋል።
የመከላከያ ሰራዊት ኢታማዦር ሹም ፊ/ማርሻል ብርሃኑ ጁላ በስምምነቱ ላይ ተገኝተዋል።
#

11/30/2024

ተፈራ ማሞ ጃውሳን መቀላቀሉ ለቡድኑ ከዳይፐር ወጪ ውጭ ምንም አላተረፈም😋

ጀግናው የሃገር መከላከያ ሰራዊት ከአንድ ወር በፊት በሰሜን ሸዋ ባደረገው ኦፕሬሽን ከባድ ጉዳት ያስተናገደው ተፈራ ማሞ በሞት እና በህይወት መካከል እንዳለ መረጃዎች ይጠቁማሉ። ተፈራ የተመታው ጭንቅላቱን በመሆኑ ከጊዜ ወደጊዜ እራሱን መቆጣጠር አቅቶት ሱሪው ላይ እንደሚፀዳዳም መረጃዎች ይጠቁማሉ። ሌላው ተፈራ የህክምና እርዳታ የማያገኝ ከሆነ በቅርቡ ሞቱ ሊሰማ እንደሚችልም በአጠገቡ ያሉት የቡድኑ ታጣቂዎች እየተንሾካሾኩ ነው። በስተእርጅናው የጃውሳን የሽብር እንቅስቃሴ እቀላቀላለሁ በሚል እብሪት ተነሳስቶ በቃሬዛ ወደጫካ የወረደው ተፈራ ለጃውሳ ከዳይፐር ውጪ ውጭ ምንም አላተረፈም።

11/29/2024

ለአንድ ከተማ ሁለት ከንቲባ ተሾመ

ትግራይ ክልል ዓዲግራት ከተማ ሁለት ከንቲባዎች ተሾሙባት

የትግራይ ጊዜያዊ አስተዳደር ከትላንት በስቲያ አቶ ዓለም አረጋዊ ለዓዲግራት ከተማ “ከንቲባ” አድርጎ የሾመ ሲሆን፣

በዶ.ር ደብረ ጽዮን ገብረሚካኤል የሚመራው የህወሓት ቡድን ደግሞ ዛሬ ባካሄደው የምክር ቤት ጉባኤ አቶ ረዳኢ ገብረእግዚኣብሄር ለዓዲግራት ከተማ “ከንቲባ” አድርጎ መሾሙን የአሜሪካ ድምፅ ዘግቧል:: ሁለቱንም ተሿሚዎች VOA አነጋግሯል።

በጊዜያዊ አስተዳደሩ የተሾሙት አቶ ዓለም ብለዋል።

የእነ ዶ/ር ደብረፂዮን ተሿሚ አቶ ረዳኢ ሹመቱን አረጋግጠው ሲሉ ሹመቱ በም/ቤት እንደፀደቀላቸው ለጣቢያው ተናግረዋል።

11/28/2024

አዲስ አበባ! ከቦሌ መገናኛ መንገድ!

Bole, Megenagna Finfinne/Addis Ababa! 🌸💐
the city practically committed to live the very meaning of its name NEW FLOWER 🌸??️💐
😍😍😍

11/28/2024

“ችግሩ ካልተፈታ የፌደራል መንግሥት ክልሉን ይረከባል”አቶ ጌታቸው

የህወሓት አመራሮች በውስጣቸው ያለውን በመፍታት ያዋጣል የሚሉትን መንገድ የማያቀርቡ ከኾነ፣ ብልጽግና የክልሉን አስተዳደር ራሱ ሊይዘው እንደሚችል ማሳሰቢያ መስጠቱን፣ የትግራይ ክልል ጊዜያዊ አስተዳደር ፕሬዝዳንት ጌታቸው ረዳ ተናገሩ።

አቶ ጌታቸው ብዙኅን መገናኛ በሰጡት መግለጫ፣ በክልሉ ባለፉት ሦስት ወራት ተኩል ከ28 ኩንታል በላይ ወርቅ መዘረፉን እና ወደ ፌዳራል መንግሥትም ሆነ “የክልሉ መንግሥት ከዚህ ውስጥ ያገኘው ገቢ የለም” ብለዋል።

11/27/2024

ከ7000 በላይ እስረኞች ከማረሚያ ቤት አምልጠዋል ተባለ!

አማራ ክልል ዉስጥ እየተደረገ ባለ ዉጊያ ምክንያት ከ 7000 በላይ እስረኞች ከማረሚያ ቤት አምልጠዋል ተብሎል

ከአመለጡት መካከል አንዳንዶቹ በተጠቂዎች መገደላቸዉ ሲገለፅ ሌሎቹ ደግሞ ከሳሾቻቸዉ ላይ ጉዳት ማድረሳቸዉ ተነግሮል ፡፡
Via_ankuar merja

11/27/2024

11/26/2024

ዛሬ ህዳር 17/ 2017 የተወዳጁ አርቲስት ሠለሞን ቦጋለ አባት ስርዓተ ቀብር በቅዱስ ዮሴፍ ቤተክርስቲያን የአርቲስቱ ወዳጅ ጓደኞችና መላ ቤተሰቦቻቸው በተገኙበት ተፈጸመ።

11/26/2024

ካፒቴን መሐመድ አሕመድ ከዚህ ዓለም በሞት ተለይተዋል

| የኢትዮጵያ አየር መንገድን እ.ኤ.አ ከ1980 እስከ 1991 ዓ.ም በዋና ስራ አስፈፃሚነት በማገልገል ለአየር መንገዳችን ዘመን ተሻጋሪ ዕድገት የበኩላቸውን የመሪነት አስተዋፅዖ ያበረከቱት ካፒቴን መሐመድ አሕመድ ከዚህ ዓለም በሞት ተለይተዋል።

ካፒቴን መሐመድ አሕመድ የኢትዮጵያ አየር መንገድ ዋና ስራ አስፈፃሚ ሆነው ባገለገሉበት ወቅት አየር መንገዱ ዛሬ ለደረሰበት የስኬት ደረጃ እንዲበቃ መሰረት የጣሉ ውሳኔዎችን በማሳለፍ የማይተካ የመሪነት ሚናቸውን ተጫውተው አልፈዋል።

የኢትዮጵያ አየር መንገድ ካፒቴን መሐመድ አሕመድ በህይወት ዘመናቸው ለአየር መንገዱ ባበረከቱት የመሪነት አስተዋፅዖ ምንግዜም ያስታውሳቸዋል።

የካፒቴን መሐመድ አሕመድ ስርዐተ ቀብር ዛሬ ሕዳር 17 ቀን 2017 ዓ.ም የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው፣ የኢትዮጵያ አየር መንገድ ማኔጅመንት አባላትና ሰራተኞች ፣ የቀድሞ የስራ ባልደረቦቻቸው እንዲሁም ቤተሰቦቻቸውና ወዳጅ ዘመዶቻቸው በተገኙበት በኮልፌ ሙስሊም መካነ መቃብር ተፈፅሟል።

የኢትዮጵያ አየር መንገድ ለቤተሰቦቻቸው እንዲሁም ለወዳጅ ዘመዶቻቸው መጽናናትን ይመኛል።

የኢትዮጵያ አየር መንገድ

11/26/2024

ሠውዬውን ለምን እደግፈዋለሁ?

የአብይ ፈተና የጀመረው በመጣ በጥቂት ቀን ውስጥ የድጋፍ ሰልፍ ላይ ቦንብ በመወርወር ነበር። ይህ በሆነ በጥቂት ወራት ውስጥ ደግሞ በተቀናጀ ሁኔታ በሚዲያ ከባድ ስሙን የመበከል ተግባር ይፈፀምበት ጀመር።

በአንድ ቡድን Monopoly ተይዞ የነበረውን የደህንነትና የመከላከያ chain of command እንደገና ለማዋቀር ሲሞክር Power vacuum መፈጠሩን ያዩ ጠላቶች ከገዛ ድርጅቱ ባንዳዎች ጋር በፉጨት ተጠራርተው ከ 120 በላይ መፈናቀሎች በሐገሪቱ ላይ በጭካኔ በመፈፀም ሐገሪቱን በአጭር ግዜ ውስጥ በሐገር ውስጥ መፈናቀል ከአለም አንደኛ አድርገው ኢትዮጵያ እየደማች እነሱ ዳር ቆመው ማላገጥ ጀመሩ። ሠውየው ግን ጥርሱን ነክሶ ጉዞውን ቀጠለ። ህዝብ ከባድ ድንጋጤ ውስጥ ገባ።

ያፈሰሱት ደም ያላረካቸው የጥፋት ኔቶርኮች ሚሊየኖችን ለሚዲያ በመመደብ specifically አብይን ሰይጣናዊ መልክ በመስጠት ከህዝቡ ሊነጥሉት ሠሩ። አነስተኛ መፈንቅለ መንግስት ከመሞከር ጀምሮ ጠቅላይ ሚኒስትሩ ላይ የግድያ ሙከራ እከማቀነባበር እቅድ ነደፉ። ሠውየውን ግን ማቆም የሚችል እቅድና ሴራ ፈፅሞ ሊፈጠር አልቻለም። ጉዞውን ቀጠለ።

አንዱ የኦሮሞ ጠላት አረገው። ሌላው የአማራ ጠላት ነው ብሎ የፕሮፖጋንዳ ዘመቻ ከፈተበት። የገዛ የሚመራትን ሐገር ህዝብ አፈናቀለ የሚል የሞኝ ዘመቻ ተከፈተበት። እኔ በዚህ ሁሉ ነገር ውስጥ የሚፈጠሩትን ነገሮች ከቅርብ ሆኜ ታዝቢያለሁ። የሰውዬውን ልፋትና በሱ ላይ የተከፈተውን የማያቋርጥ ዘመቻና የጠላትን ክፋትም አይቻለሁ።

ሁሉ እንዳልተሳካ ያዩ ጠላቶች የመጨረሻ አማራጭ ያሉትን ጦርነት ከፈቱ። የጦርነቱ አስከፊ ጎን መከላከያ ሠራዊታችን የተመታው ውስጡ ባሉ ከሃዲዎች መሆኑ ነበር። ባመነው ተከዳ። ከጀርባ ተወጋ። ግዜ ጠብቀው ጦርነት ከፈቱበት። ነገር ግን ይህ ሁሉ እልቂትና የሚዲያ ዘመቻ ያላሸነፈው የኢትዮጵያ ህዝብ ከአብይና ከመከላከያ ጎን ተሰለፈ ሠውየው የአለም አቀፍ ጫናና የዲስኩር ጋጋታ አድርገው ወደአዲስ አበባ ተጠጋን ሲሉ ጭራሽ ወደጦር ሜዳ ሄዶ ፊት ለፊት እንደወንድ ገጠማቸው። ግዙፍ የሚመስለውንና በአውሮፕላን ሳይቀር ከካይሮ መሳሪያ ይላክለት የነበረውን ጎልያድ በፈጣሪ ድጋፍ ድል አደረገ። የሚገርመው ድል ማድረጉ አይደለም። ይህን ሁሉ ያደረገውን አካል ሊያጠፋ ሲችል በድሉ አፋፍ ላይ ቆሞ የይቅርታ እጁን ዘረጋ።

ፈተናው ቀጠለ። የኢትዮጵያ ጠላቶች አልተኙም። የብሔራቸውን ካባ ለብሰው በነፃ አውጪ ስም እዚያም እዚም ተደራጁ። ሐገራቸው ላይ ከግብፅ እስከሶማሊያ ከሐገር ቤት እስከአንታርቲካ የሚዘረጋ የጥፋት ሴራ ይሸርባሉ። ሐገሪቱን እረፍት መንሳትና ሠውየውን የማቆም ዘመቻው ቀጠለ። የኢትዮጵያ ህዝብ አሁንም ይታዘባል።

ሠውየውን ማከብረው በፈተኑት ቁጥር ህልሙ ስለሚጨምር ነው። ጦርነት መሀል አባይን ይገነባል። እሳት መሀል ቆሞ ወደብ ያልማል። የትኛውንም አይነት ፈተና ብትደቅንበት ከመርሀግብሩ ፈቀቅ አታደርገውም። ሊያጠፉት የሚያሴሩትን ሳይቀር አሸንፏቸው ሊያጠፋቸው ሲችል ለይቅርታ እጁን ሲዘረጋ ደጋግሜ አይቸዋለሁ።

ባጭሩ ጠቅላይ ሚኒስትር ዶክተር አብይ አህመድ በኢትዮጵያ ታሪክ የትኛውም መሪ ያልገጠመውን ፈተና በስድስት አመት ውስጥ ተፈትኖ ያለፈ። እንደወርቅ በእሳት የነጠረና ኢትዮጵያን ከመፍረስ የታደገ መሪ መሆኑን እኔ ሁሉን ነገር ከቅርብ ሆኜ የተመለከትኩት ናትናኤል መኮንን ህያው ምስክር ነኝ።

11/25/2024

መስከረም አበራ የአንድ ዓመት ከአራት ወር እስራት ተፈረደባት

የቅጣት ውሳኔው በፍርድ ቤት ሲገለጽ፤ መስከረም አበራ ችሎት አለመገኘቷን ጠበቃዋ አቶ ሄኖክ አክሊሉ ተናግረዋል።

በመስከረም አበራ ላይ የቅጣት ውሳኔውን ያስተላለፈው የፌደራል ከፍተኛ ፍርድ ቤት አንደኛ ልዩ ልዩ ከባድ ወንጀሎች ችሎት ነው።

ፍርድ ቤቱ መስከረምን ጥፋተኛ ያላት “በኮምፒውተር ተጠቅማ በኅብረተሰብ መካከል አመጽ፣ ሁከት እና ግጭት ለማነሳሳት ሞክራለች” በሚል ክስ ነው።

መስከረም ጥፋተኛ የተባለችው በባለቤትነት በምታስተዳደረው ‘ኢትዮ ንቃት’ የዩቱዩብ ገጽ ላይ በተላለፉ ሁለት ፕሮግራሞች ምክንያት ነው።

ከተደጋጋሚ ተለዋጭ ቀጠሮዎች በኋላ ዛሬ ሰኞ ኅዳር 16/2017 ዓ.ም የዋለው ችሎት የቅጣት ውሳኔውን ማስተላለፉን ጠበቃ ሄኖክ ገልጸዋል።

ጠበቃ ሄኖክ አክለውም “ይህ ውሳኔ የተላለፈው መስከረም አበራ ቅሬታ አለኝ ብላ ችሎት ባልቀረበችበት ሁኔታ ነው” ብለዋል።

አቶ ሄኖክ “ከዚህ ቀደም ያቀረብኳቸው መከላከያ ምስክሮቹ በአግባቡ ያልታዩልኝ ስለሆነ ከዚህ ችሎት ፍትህ አልጠብቅም፤ እናንተ ተገቢ ነው የምትሉትን ቅጣት ወስኑ፤ ከዚህ በኋላ በችሎት አልገኝም ብላ ገልጻለች ይሄንንም ለፍርድ ቤት በጽሁፍ አሳውቃለች” ሲሉ የደንበኛቸውን ቅሬታ አስረድተዋል።
(ቢቢሲ)

11/25/2024

ህወሓት ችግሩን መፍታት ካልቻለ ሥልጣኑን
የፌዴራል መንግሥት እንደሚረከበው ተገለጸ

የትግራይ ክልል ጊዜያዊ አስተዳደር ፕሬዚዳንት አቶ ጌታቸው ረዳ፣ ህወሓት ያለበትን ውስጣዊ ችግር በመግባባት ፈትቶ እንዲቀርብ የፌደራል መንግሥት ማሳሰቡን ተናገሩ።

ህወሓት የውስጥ ችግሩን መፍታት ካልቻለ፣ የክልሉን ጊዜያዊ አስተዳደር የፌዴራል መንግሥት እንደሚረከበው ማሳሰቡን ጨምረው ገልጸዋል።

አቶ ጌታቸው ረዳ ይህንን የተናገሩት በትግራይ ክልል ስላለው ወቅታዊ ሁኔታ ትላንት እሁድ፣ ህዳር 15 ቀን 2017 ዓ.ም ለመገናኛ ብዙኃን በሰጡት መግለጫ ነው፡፡

አቶ ጌታቸው በዚሁ መግለጫቸው፤ በዶ/ር ደብረጽዮን የሚመራው የህወሓት ቡድን በጊዜያዊ አስተዳደሩ ሲቪላዊ አስተዳደሮች ላይ “መፈንቅለ መንግሥት” እየፈጸመ ነው ሲሉ በድጋሚ ወንጅለዋል።

“ስልጣን ሙሉ ለሙሉ የመቆጣጠር ፍላጎት ነው ያላቸው” ያሏቸው የህወሓት ከፍተኛ ባለሥልጣናት፣ ወደ ፌደራል መንግሥት በመመላለስ “ስልጣን እንዲሰጣቸው ጠይቀዋል” ሲሉ አቶ ጌታቸው ገልጸዋል።

“ሦስት ጊዜ ወደ ፌደራል መንግሥት ሄደዋል፤ አንድ ላይ ሆናችሁ መምጣት አለባችሁ ተብለዋል። ያካሄዱትን ስብሰባም እንደ ጉባኤ አንቆጥረውም ተብለዋል” በማለት ድርጅቱ ችግሩን ውስጣዊ ድርድር በማድረግ እንዲፈታ እንደተነገረው አስታውቀዋል፡፡

አቶ ጌታቸው በሰጡት መግለጫ፣ በትግራይ ያለው ፖለቲካዊ ሁኔታ ወደ አሳሳቢ ደረጃ እየደረሰ መሆኑን በመጠቆም፣ ህወሓትን ለማዳን ንግግር ለማድረግ ዝግጁ መሆናቸውን አመልክተዋል።

የፌደራል መንግሥቱ ህወሓት የውስጥ ችግሩን እንዲፈታ ጥሪ እያቀረበ መሆኑን ጠቁመው፤ ካልሆነ ግን የክልሉን ጊዜያዊ አስተዳደር የፌዴራል መንግሥት እንደሚረከበው ማሳሰቡን ተናግረዋል።
(አዲስ አድማስ)

11/25/2024

በአፋር ክልል ሕገ ወጥ የጦር መሣሪያ በቁጥጥር ሥር ዋለ

ኅዳር 16/2017(አዲስ ዋልታ) በአፋር ክልል ኤሊዳአር ወረዳ መንዳ ቀበሌ 7 ክላሽንኮቭ፣ 8 ሽጉጥ፣ የክላሽንኮቭ ካዝና እና 1ሺሕ 200 የኤምፎርቲ (M14) ጥይት በሕገ ወጥ መንገድ ሲንቀሳቀስ እጅ ከፍንጅ በቁጥጥር ሥር ውሏል።

የአፋር ክልል ፖሊስ ኮሚሽነር ቢልኤ አህመድ ኮሬ የጦር መሣሪያው በቁጥጥር ስር የዋለው በኅብረተሰቡ ጥቆማ እና የአፋር ክልል አውሲ ረሱ ፖሊስ ባደረገው ክትትል እንደሆነ ተናግረዋል።

የአፋር ክልል ፖሊስ በሕገ ወጥ የጦር መሣሪያ ዝውውር ላይ እያደረገ ያለውን ቁጥጥርና ክትትል አጠናክሮ እንደሚቀጥልም ኮሚሽነሩ አክለው ገልፀዋል።

የአፋር ክልል አውሲ ረሱ ፖሊስ መምሪያ አዛዥ ኮማንደር መሀመድ ማሄ በበኩላቸው ትናንት አመሻሽ ላይ በተደረገ ጥብቅ ክትትል የጦር መሣሪያ ሲያዘዋውሩ የነበሩ 5 ተጠርጣሪዎች እና ሕገ ወጥ የጦር መሣሪያውን ከነተሽከርካሪው በቁጥጥር ሥር እንዳዋሉ መግለፃቸውን ከፌደራል ፖሊስ የተገኘው መረጃ ያመላክታል።

11/25/2024

ቀብር

| የአርቲስ ሰለሞን ቦጋለ አባት በሕክምና ሲረዱ ቆይተው ዛሬ አርፈዋል።

ሥርዓተ ቀብራቸው
ነገ፣ ህዳር 17 ቀን 2017ዓ.ም
ከቀኑ 6:00 ሰዓት
በቅዱስ ዮሴፍ ቤተክርስቲያን ይፈፀማል።

አድራሻ
ቄራ - አልማዝዬ ሜዳ (ቀበሌ 42 መዝናኛ ክበብ) ሲደርሱ፣
በሪታጅ ዳቦና ኬክና በአማራ ባንክ መካከል በምታስገባው መንገድ ይግቡ። ቄራ - መሰረተ ክርስቶሰ ቤተክርስቲያን ጋር ሲደርሱ በስተቀኝ ይታጠፉ።

11/25/2024

ሂዝቦላህ በሚሳኤሎችና ድሮኖች በመታገዝ እስራኤል ላይ ጥቃት ፈጸመ

አዲስ አበባ፣ ሕዳር 16፣ 2017 (ኤፍ ቢ ሲ) ሂዝቦላህ በመቶዎች በሚቆጠሩ ሚሳኤሎችና ድሮኖች በመታገዝ እስራኤል ላይ ጥቃት መፈጸሙን የእስራኤል መከላከያ ሚኒስቴር አስታውቋል፡፡

በእስራኤል እና በሊባኖሱ ታጣቂ ቡድን ሂዝቦህ መካከል እየተደረገ ያለው ጦርነት ተባብሶ መቀጠሉ ተመላክቷል፡፡

ከሰሞኑ እስራኤል በሊባኖስ መዲና ቤሩት የተለያዩ አቅጣጫዎች በተመረጡ የሂዝቦላህ ይዞታዎች ላይ ጥቃት መፈጸሟን ቢቢሲ ዘግቧል፡፡

በጥቃቱ እየደረሰ ያለውን ውድመት ተከትሎም በቤሩት እስከ ቀጣዩ ጥር ወር ድረስ ት/ቤት መዘጋቱን የሊባኖስ ትምህርት ሚኒስቴር አስታውቋል፡፡

ለጥቃቱ አጸፋም ሂዝቦላህ 340 በሚሆኑ ሚሳኤሎች እና ድሮኖች በእስራኤል ላይ ጥቃት መፈጸሙ ነው የተገለጸው፡፡

በጥቃቱም በሰሜንና ማዕከላዊ እስራኤል በርካታ ሰዎች የተጎዱ ሲሆን÷ ህንጻዎችና መኖሪያ ቤቶች መውደማቸውም ተጠቁሟል፡፡

እስካሁን ድረስ በ11 ሰዎች ላይ ከቀላል እስከ ከባድ ጉዳት መድረሱን የእስራኤል መከላከያ ሚኒስቴር ይፋ አድርጓል፡፡

በጥቃቱ ከደረሰው ውድመት ባሻገር በሚሊየን የሚቆጠሩ እስራኤላውያን ከጥቃቱ ሽሽት ወደ ምሽግ መግባታቸው ተጠቁሟል፡፡