پەیجی فەرمی مەڵبەندی (1)ی هەولێری پارتی سۆسیال دیموکراتی کوردستان
07/02/2024
سەرۆک محەمەد حاجی مەحمود، پێشوازی لە کونسولی گشتيى نوێى شانشینی یەکگرتوو له هه‌رێمى كوردستان كرد
ئەمڕۆ ۲ـی تەمموزی ۲٠۲٤ لە شاری سلێمانی، بەڕێز محەمەد حاجی مەحمود، سەرۆکی پارتی سۆسیال دیموکراتی کودستان، بەئامادەبوونی ژمارەیەک لە هەڤاڵانی مەکتەبی سیاسی، پێشوازی له بەڕێز ئەندرو بیزلی، كونسوڵى گشتيى نوێى شانشینی یەکگرتوو له هه‌رێمى كوردستان و شاندێکی یاوەری کرد.
لەدیدارەکەدا، سەرۆک محەمەد حاجی مەحمود، پیرۆزبایی دەستبەکاربوونی لە بەڕێز ئەندرو کرد لە بەرپرسیارێتی نوێیاندا و ئومێدی خواست سەرکەوتوبێت لەکارەکانیدا و تەواوکاری کار و هەوڵەکانی کونسوڵەکانی بەرلەخۆی بێت.
لەبەشێکی تری دیدارەکەدا، گفتوگۆ دەربارەی بارودۆخی ناوچەکە، عێراق و هەرێمی کوردستان بەگشتی کرا، پرسی هەڵبژاردنی پەرلەمانی کوردستان تاوتوێکرا و، بەڕێز محەمەد حاجی مەحمود، ڕاشکاوانە تێڕوانینی پارتی سۆسیال دیموکراتی کورستانی لەبارەی پێویستی و گرنگی ئەنجامدانی پرۆسەکەوە خستەڕوو.
بەڕێز ئەندرو بیزلی، خوازیاربوو سەرجەم هێز و لایەنەکان ڕۆڵیان هەبێت لە ئەنجامدان و سەرخستنی پرۆسەکە لەوادەی دیاریکراودا.
لەکۆتایی دیدارەکەدا، سەرۆک محەمەد حاجی مەحمود، داواکاربوو لە کونسولی نوێ ڕۆڵیان هەبێت لە چارەسەرکردنی پرسە هەڵپەسێردراوەکانی نێوان هەولێر و بەغداد بەتایبەت پرسی موچە، کەخەڵکی هەرێمی کوردستان بەگشتی و موچەخۆران بەتایبەتی دووچاری دۆخێکی سەخت بوونەتەوە بەهۆی بڕیاری تاکڕەوانەی بەشێک لە بەرپرسانی عێراق.
