The Chin Journal

The Chin Journal Empowering the Voices of Chin Ethnic Minoirty in Myanmar. The Chin Journal (TCJ) was founded by enthusiastic Chin youngsters from Australia and Myanmar in 2016.
(1)

Our aim is to deliver accurate information to the Chin people, and bring out the voice of the Chin people. We cover breaking news, politics, economics, sports and social issues affecting Chin society. As a part of the expansion of our operation, we have published news in both Chin and Burmese languages since 2021. The Chin Journal always tries to bring you the most accurate information as soon as it breaks. You can contact us at [email protected].

ချွန်ကျုံးရွာကို စစ်ကောင်စီဗုံးကြဲတိုက်ခိုက်လို့ ကလေးတစ်ယောက်အပါအ၀င် မိသားစု၀င် ၄ဦး သေဆုံး ချင်းဂျာနယ်၊ ဒီဇင်ဘာ ၁၀ရက် ချ...
12/10/2024

ချွန်ကျုံးရွာကို စစ်ကောင်စီဗုံးကြဲတိုက်ခိုက်လို့ ကလေးတစ်ယောက်အပါအ၀င် မိသားစု၀င် ၄ဦး သေဆုံး

ချင်းဂျာနယ်၊ ဒီဇင်ဘာ ၁၀ရက်

ချင်းပြည်နယ်၊ ဟားခါးမြို့နဲ့ ၁၄ မိုင်ခန့်အကွာတွင်တည်ရှိသည့် ဟားခါး-ဖလမ်းကားလမ်းမပေါ်ရှိ ချွန်ကျုံးကျေးရွာကို စစ်ကောင်စီမှ တိုက်လေယာဉ်ဖြင့် ဗုံးကြဲတိုက်ခိုက်လို့ အသက်မပြည့်သေးတဲ့ ကလေးတစ်ယောက်အပါအ၀င် မိသားစု၀င် ၄ဦးသေဆုံးခဲ့ကြောင်း သိရပါတယ်။

ဒီကနေ့ ဒီဇင်ဘာ ၁၀ရက်နေ့ နံနက်ပိုင်း ၂နာရီအချိန်ခန့်မှာ တိုက်ပွဲဖြစ်ပွားခြင်းမရှိသည့် ချွန်ကျုံးကျေးရွာကို စစ်ကောင်စီမှ တိုက်လေယာဉ် တစ်စင်းဖြင့် ဗုံး ၂လုံးကြဲချခဲ့ပါတယ်။

ဗုံးကြဲတိုက်ခိုက်မှုကြောင့် တစ်အိမ်တည်းနေ မိသားစု၀င်များဖြစ်ကြသည့် ဦးရမ်ကျုံး (၆၆နှစ်)၊ ဒေါ်တီာလ်ပူမ် (၆၅နှစ်)၊ ဒေါ်ရွှေလဲန်း (၄၇နှစ်) နဲ့ မဗျက်ထာသင်ကြွယ် (၁၃နှစ်) တို့ သေဆုံးခဲ့ပါတယ်။

စစ်ကောင်စီရဲ့ ဗုံးကြဲတိုက်ခိုက်မှုကြောင့် မိသားစု၀င် ၄ဦးသေဆုံးသည့်အပြင် ဒေသခံပြည်သူ ၈ဦးလည်း ထိခိုက်ဒဏ်ရာရရှိကြောင်း CDF-Hakha မှ ထုတ်ပြန်ထားပါတယ်။

ဗုံးကြဲတိုက်ခိုက်မှုဖြစ်ပွားချိန်တွင် ဟားခါး-ဖလမ်း ကားလမ်းဖက်မှာတိုက်ပွဲဖြစ်ပွားခြင်းမရှိသည့်အပြင် ဟားခါး-ထန်တလန်အကြားမှာလည်း တိုက်ပွဲဖြစ်ပွားခြင်းမရှိဘူးလို့ သိရပါတယ်။

|| ဟားခါး-ထန်တလန်အကြား လက်ကျန်စခန်း အော်တိုတောင်ကို ချင်းပြည်အစိုးရပူးပေါင်းတပ်သိမ်းပိုက် ချင်းဂျာနယ်၊ ဒီဇင်ဘာ ၈ရက်ချင...
12/08/2024

|| ဟားခါး-ထန်တလန်အကြား လက်ကျန်စခန်း အော်တိုတောင်ကို ချင်းပြည်အစိုးရပူးပေါင်းတပ်သိမ်းပိုက်

ချင်းဂျာနယ်၊ ဒီဇင်ဘာ ၈ရက်

ချင်းပြည်နယ်၊ ဟားခါးမြို့နဲ့ ထန်တလန်မြို့အကြားရှိ တစ်ခုတည်းကျန်ရှိတဲ့ အော်တိုတောင်စစ်ကောင်စီစခန်းကို ဒီကနေ့ ဒီဇင်ဘာ ၈ရက် ညနေပိုင်း ၃နာရီခွဲအချိန်မှာ ချင်းပြည်အစိုးရပူးပေါင်းတပ်ဖွဲ့မှ သိမ်းပိုက်လိုက်ပြီဖြစ်ကြောင်း ချင်းအမျိုးသားတပ်ဦး/တပ်မတော် (CNF/CNA) အပြောရေးဆိုခွင့်ရှိသူ ဆလိုင်းထက်နီမှ အတည်ပြုပြောကြားပါတယ်။

"ဒီကနေ့ ညနေ ၃ နာရီ မိနစ် ၃၀ လောက်မှာ အော်တိုတောင် တခုလုံးကို စိုးမိုးနိုင်ခဲ့ပါပြီ။ မြေပြင်ဘက်ကနေ အသေးစိတ်သတင်းပို့ချက် မလာသေးတာမို့ အသေးစိတ်တော့ ပြောလို့ မရသေးဘူး။ လက်နက်တချို့ရတယ်၊ ထန်တလန်ဘက်ကနေ ဆုတ်ခွာကြတာတွေရှိတယ်လို့ သိရတယ်။ လက်််ရှိမှာ ဝေဟင်ကနေ ဗုံးကြဲတိုက်ခိုက်နေတယ်“ လို့ CNF/A ပြောရေးဆိုခွင့်ရှိသူ ဆလိုင်းထက်နီက Chinland Channel ကိုပြောပါတယ်။

ဟားခါးမြို့နဲ့ ထန်တလန်မြို့အကြားရှိ စစ်ကောင်စီစခန်းတွေကို နို၀◌င်ဘာ ၂၂ရက်နေ့မှစပြီး ချင်းပြည်အစိုးရပူးပေါင်းတပ်ဖွဲ့မှ Jericho စစ်ဆင်ရေးအမည်ဖြင့် ထိုးစစ်ဆင်တိုက်ခိုက်ခဲ့ရာ နှစ်ပတ်အတွင်းမှာ စစ်ကောင်စီစခန်းအားလုံးကို သိမ်းပိုက်နိုင်ခဲ့တာဖြစ်ပါတယ်။

12/08/2024

Cordy Durden ကိုအနိုင်ရရှိပြီး Top-15 အထိတက်လှမ်းနိုင်ပြီဖြစ်တဲ့ Joshua Van

ချင်းဂျာနယ်၊ ဒီဇင်ဘာ ၈ ရက်

ဒီကနေ့ ဒီဇင်ဘာ ၈ ရက်နေ့မှာ အမရိကန်ပြည်ထောင်စု၊ နီဗာဒါးပြည်နယ်မှာ ကျင်းပတဲ့ UFC 310 ထိုးသတ်ပွဲမှာ မြန်မာပြည်ဖွား ချင်းတိုင်းရင်းသား Joshua Van က ပြိုင်ဖက် Cordy Durden ကို အနိုင်ရရှိပြီး Top-15 အထိတက်လှမ်းနိုင်ခဲ့ပြီဖြစ်ကြောင်း UFC မှ တရား၀င်အသိပေးလိုက်ပါတယ်။

Flyweight တန်း အဆင့် ၁၄မှာ ရှိတဲ့ Cordy Durden ကို Joshua Van မှ ၃ချီစလုံးအသာစီးထိုးသတ်နိုင်ခဲ့ပြီး Unaimous Decision (၂၉-၂၈, ၃၀-၂၆, ၃၀-၂၇) နဲ့ အနိုင်ရရှိခဲ့ပါတယ်။

ဟားခါး-ထန်တလန်အကြားရှိ C3 စခန်းကုန်းကို ချင်းပြည်အစိုးတပ်ဖွဲ့မှ ထပ်မံသိမ်းပိုက်ချင်းဂျာနယ်၊ ဒီဇင်ဘာ ၅ရက်ချင်းပြည်နယ်၊ ဟာ...
12/05/2024

ဟားခါး-ထန်တလန်အကြားရှိ C3 စခန်းကုန်းကို ချင်းပြည်အစိုးတပ်ဖွဲ့မှ ထပ်မံသိမ်းပိုက်

ချင်းဂျာနယ်၊ ဒီဇင်ဘာ ၅ရက်

ချင်းပြည်နယ်၊ ဟားခါးမြို့နဲ့ ထန်တလန်မြို့အကြားတွင် ကျန်ရှိ‌နေသေးသော စစ်ကောင်စီစခန်း ၂ခုထဲမှာ C3 စခန်းကုန်းကို ချင်းပြည်အစိုးရပူးပေါင်းတပ်ဖွဲ့မှ သိမ်းပိုက်နိုင်ခဲ့ပြီဖြစ်‌ကြောင်း သိရပါတယ်။

ယမန်နေ့ ဒီဇင်ဘာ ၅ရက်နေ့မှာ သီတာနာနေစခန်းနဲ့ အော်တိုတောင်အကြားရှိ C3 စခန်းကုန်းကိုတိုက်ခိုက်ရန် ချင်းပြည်အစိုးရပူးပေါင်းတပ်ဖွဲ့တွေ သွားရောက်ချိန်မှာ စခန်းရှိစစ်ကောင်စီတပ်သားတွေအကုန် ထွက်ပြေးလို့ သေနတ်ပစ်ဖောက်စရာမလိုပဲ C3 စခန်းကို သိမ်းပိုက်ရရှိခဲ့ပါတယ်။

C3 စခန်းတွင်သေနတ် ၂လက်နဲ့ မော်တာလောင်ချာတစ်လက်အပါအ၀င် လက်ပစ်ဗုံး၊ မိုင်း၊ ဗုံးသီးတွေနဲ့ ခဲယမ်းအချို့ကို ချင်းပြည်အစိုးရပူးပေါင်းတပ်ဖွဲ့မှ သိမ်းပိုက်ရရှိခဲ့ပါတယ်။

ဟားခါးမြို့နဲ့ ထန်တလန်မြို့အကြားရှိ စစ်ကောင်စီစခန်းတွေကို နို၀င်ဘာ ၂၂ရက်နေ့ကစပြီး Jericho စစ်ဆင်ရေးအမည်ဖြင့် ချင်းပြည်အစိုးရပူးပေါင်းတပ်ဖွဲ့မှ တိုက်ခိုက်ခဲ့ရာ သီမစ်လွင်ပြင်ရှိ စစ်ကောင်စီစခန်းတွေအပါအ၀င် စခန်း ၆ခုကို သိမ်းပိုက်နိုင်ခဲ့ပြီး ထန်တလန်နဲ့နီးတဲ့ အော်တိုတောင်စခန်းတစ်ခုသာ ကျန်ရှိနေပါတယ်။

စစ်ကောင်စီလက်လွှက်ခဲ့ရတဲ့ ဟားခါးမြို့အနီးက စခန်းတွေကို ပြန်လည်ရရှိရန် ဒီကနေ့ ဒီဇင်ဘာ ၅ရက်နေ့မှာ စစ်ကောင်စီမှပြန်လည်ထိုးစစ်ဆင်တိုက်ခိုက်ခဲ့ရာ ဟားခါးမြို့အနီးမှာ တိုက်ပွဲပြင်းထန်နေတယ်လို့ သိရပါတယ်။

12/03/2024

ဟားခါးမြို့နဲ့ ထန်တလန်မြို့အကြား Jericho စစ်ဆင်ရေးမှတ်တမ်းဗီဒီယို

ချင်းဂျာနယ်၊ ဒီဇင်ဘာ ၃ရက်

ချင်းပြည်နယ်၊ ဟားခါးမြို့နဲ့ ထန်တလန်မြို့အကြားရှိ စစ်ကောင်စီတပ်စခန်း ၅ခုကို ချင်းပြည်အစိုးရပူးပေါင်းတပ်ဖွဲ့မှ Jericho စစ်ဆင်ရေးအမည်ဖြင့် နို၀င်ဘာ ၂၂ရက်နေ့နဲ့ ဒီဇင်ဘာ ၃ရက်နေ့အကြားမှာ သိမ်းပိုက်ခဲ့ပါတယ်။

စစ်ရေးအရအချက်အချာကျတဲ့ ပွိုင့် ၃ စခန်းကို နို၀င်ဘာ ၂၅ရက်နေ့မှာ ချင်းပြည်အစိုးတပ်ဖွဲ့မှ သိမ်းပိုက်နိုင်ခဲ့ပြီး နို၀င်ဘာ ၃၀ရက်နေ့မှာ ဟားခါးမြို့အနီး ရွာဗာဇုန် (Ruavazung) စစ်တပ်စခန်း၊ သီမစ်ချောင်းတံတားအနီး အွန်ပူပွက်နာခ်တောင် (Umpupuaknak Tlang) နဲ့ နောင်ထလော့ဘို (Nawnthlawk Bo) စခန်းများကိုလည်း ဆက်လက်သိမ်းပိုက်ခဲ့ပါတယ်။

သီမစ်ချောင်းအနီး ဟားခါးဖက်ခြမ်းမှာရှိတဲ့ ကေဗန်ဇွန် (Keivangzuan) စစ်ကောင်စီစခန်းက စစ်သားတွေအကုန်ထွက်ပြေးလို့ သေနတ်ပစ်ဖောက်စရာမလိုဘဲ ဒီကနေ့မနက်ပိုင်းမှာ ချင်းပြည်အစိုးရပူးပေါင်းတပ်ဖွဲ့ စခန်းကိုရရှိပါတယ်။

ဟားခါးမြို့နဲ့ ထန်တလန်မြို့အကြားမှာ ထန်တလန်ဖက်ခြမ်းရှိ အော်တိုတောင်နဲ့ စီသရီး စစ်ကောင်စီစခန်း ၂ခုသာကျန်ရှိပြီး သီမစ်လွင်ပြင်မှ သီတာနားနေစခန်းအထိ စစ်ကောင်စီစခန်းတွေကို ချင်းပြည်အစိုးရပူးပေါင်းတပ်ဖွဲ့ မှ Jericho စစ်ဆင်ရေးအမည်ဖြင့် သိမ်းပိုက်နိုင်ခဲ့ပြီလို့ သိရပါတယ်။

ဟားခါး-ထန်တလန်အကြား စစ်ကောင်စီစခန်း ၃ခုကို ချင်းပြည်အစိုးရတပ်ဖွဲ့မှ တစ်ပြိုင်တည်းသိမ်းပိုက်ချင်းဂျာနယ်၊ ဒီဇင်ဘာ ၁ရက် ချင...
12/01/2024

ဟားခါး-ထန်တလန်အကြား စစ်ကောင်စီစခန်း ၃ခုကို ချင်းပြည်အစိုးရတပ်ဖွဲ့မှ တစ်ပြိုင်တည်းသိမ်းပိုက်

ချင်းဂျာနယ်၊ ဒီဇင်ဘာ ၁ရက်

ချင်းပြည်နယ်၊ ဟားခါးမြို့နဲ့ ထန်တလန်မြို့အကြား ထိန်းချုပ်နိုင်ရေးအတွက် အဓိကကျသည့် သီမစ်လွင်ပြင်က စခန်းနှစ်ခုနဲ့ ဟားခါးမြို့အနီးက စခန်းတစ်ခုကို ချင်းပြည်အစိုးရတပ်ဖွဲ့က နို၀င်ဘာ ၃၀ရက်နေ့မှာ တိုက်ခိုက်သိမ်းပိုက်ခဲ့ပါတယ်။

ဟားခါးမြို့အနီး ရွာဗာဇုန် (Ruavazung) စစ်ကောင်စီစခန်းကို မနက်ပိုင်း ၉နာခွဲမှာ အပြီးသက်သိမ်းပိုက်နိုင်ခဲ့ပြီး တိုက်ပွဲအတွင်း စစ်ကောင်စီတပ်ရင်းမှူးသေဆုံးခဲ့သလို ၁၉ဦးကို အရှင်ဖမ်းမိနိုင်ခဲ့ပါတယ်။

သီမစ်ချောင်းတံတားအနီးရှီ အွန်ပူပွက်နာခ်တောင် (Umpupuaknak Tlang) နဲ့ နောင်ထလော့ဘို (Nawnthlawk Bo) စခန်းကိုလည်း ချင်းပြည်အစိုးရတပ်ဖွဲ့မှ ဆက်လက်သိမ်းပိုက်ခဲ့ပါတယ်။

အွန်ပူပွက်နာခ်တောင် နဲ့ နောင်ထလော့ဘို စခန်းသိမ်းတိုက်ပွဲအတွင်း စစ်ကောင်စီတပ်သားတစ်ချို့သေဆုံးခဲ့ကြပြီး ၈၀ ကျော်ထွက်ပြေးခဲ့ကြပါတယ်။

ဟားခါးမြို့အနီး ရွာဗာဇုန်စစ်တပ်စခန်းသိမ်းတိုက်ပွဲနဲ့ သီမစ်ချောင်းတံတားအနီးရှိ အွန်ပူပွက်နာခ်တောင်နဲ့ နောင်ထလော့ဘို စခန်းသိမ်းတိုက်ပွဲတွင် ချင်းပြည်အစိုးရတပ်ဖွဲ့မှ လက်နက် ၆၀ကျော်နဲ့ ခဲယမ်းအများအပြားကို သိမ်းဆည်းရရှိပါတယ်။

ဟားခါးမြို့နဲ့ ထန်တလန်မြို့အကြားရှိ စစ်ရေးအရအရေးပါတဲ့ ပွိုင့် ၃ စခန်းကိုလည်း နို၀င်ဘာ ၂၅ရက်နေ့မှာ ချင်းပြည်အစိုးတပ်ဖွဲ့မှ သိမ်းပိုက်နိုင်ခဲ့ပြီဖြစ်ပါတယ်။

ဟားခါးမြို့အနီး တပ်စခန်းတစ်ခုကို ချင်းပြည်အစိုးရတပ်ဖွဲ့သိမ်းပိုက်ပြီး စစ်ကောင်စီတပ်သား ၁၉ဦးကို အရှင်ဖမ်းမိချင်းဂျာနယ်၊ န...
11/30/2024

ဟားခါးမြို့အနီး တပ်စခန်းတစ်ခုကို ချင်းပြည်အစိုးရတပ်ဖွဲ့သိမ်းပိုက်ပြီး စစ်ကောင်စီတပ်သား ၁၉ဦးကို အရှင်ဖမ်းမိ

ချင်းဂျာနယ်၊ နို၀င်ဘာ ၃၀ရက်

ချင်းပြည်နယ်၊ ဟားခါးမြို့အနီးရှိ Ruavazung စစ်ကောင်စီတပ်စခန်းကို ဒီကနေ့ နို၀င်ဘာ ၃၀ရက်နေ့ မနက်ကိုင်း ၉နာရီခွဲခန့်တွင် ချင်းပြည်အစိုးရပူးပေါင်းတပ်ဖွဲ့မှ တိုက်ခိုက်သိမ်းပိုက်ခဲ့ပြီး စစ်ကောင်စီတပ်သား ၁၉ဦးကိုလည်း အရှင်ဖမ်းမိထားကြောင်း သတင်းရရှိပါတယ်။

Ruavazung စစ်တပ်စခန်းသိမ်းတိုက်ပွဲအတွင်း စစ်ကောင်စီဖက်မှ တပ်ရင်းမှူးအပါအ၀င် ၁၀ဦးကျော်သေဆုံးခဲ့ပြီး လက်နက် ၃၀ကျော်နဲ့ ခဲယမ်းအချို့ကိုလည်း သိမ်းဆည်းရရှိခဲ့ပါတယ်။

ဟားခါးမြို့နဲ့ ထန်တလန်မြို့အကြားရှိ စစ်ကောင်စီစခန်းများကို နို၀င်ဘာ ၂၂ရက်နေ့ကစပြီး ချင်းပြည်အစိုးရပူးပေါင်းတပ်ဖွဲ့မှ ထိုးစစ်ဆင်တိုက်ခိုက်ခဲ့ရာ သီတာနားနေစခန်းနဲ့ သီမစ်အကြားရှိ စစ်ရေးအရအရေးပါသည့် ပွိုင့် ၃ စခန်းကုန်းကို နို၀င်ဘာ ၂၆ ရက်က သိမ်းပိုက်နိုင်ခဲ့ပြီဖြစ်ပါတယ်။

စစ်ကောင်စီဖက်မှ ၎င်းတို့စခန်းမကျရေးအတွက် ဟားခါးဗျူဟာကုန်းမှ လက်နက်ကြီးများဖြင့် ပစ်ကူပေးသည့်အပြင် တိုက်လေယာဉ်နဲ့ Y-12 လေယာဉ်များဖြင့် နေစဉ်တိုက်ခိုက်နေကြောင်း သိရပါတယ်။

ဟားခါးမြို့အနီးတိုက်ပွဲတွင် ဒဏ်ရာရစစ်ကောင်စီတပ်သား တစ်ဦးကို ချင်းပြည်အစိုးရတပ်ဖွဲ့မှ ဖမ်းဆီး ချင်းဂျာနယ်၊ နို၀င်ဘာ ၂၈ရက်...
11/28/2024

ဟားခါးမြို့အနီးတိုက်ပွဲတွင် ဒဏ်ရာရစစ်ကောင်စီတပ်သား တစ်ဦးကို ချင်းပြည်အစိုးရတပ်ဖွဲ့မှ ဖမ်းဆီး

ချင်းဂျာနယ်၊ နို၀င်ဘာ ၂၈ရက်

ယမန်နေ့ နို၀င်ဘာ ၂၇ရက်နေ့က ဖြစ်ပွားတဲ့ ဟားခါးမြို့ပြင် Rual-U သင်္ချိုုင်းကုန်းအနီးတိုက်ပွဲတွင် ဒဏ်ရာကြောင့် ထွက်မပြေးနိုင်တဲ့ စစ်ကောင်စီတပ်သားတစ်ဦးကို ချင်းပြည်အစိုးရတပ်ဖွဲ့က ဖမ်းဆီးပြီး ဆေးကုသပေးခဲ့ကြောင်း သိရပါတယ်။

Rual-U သင်္ချိုုင်းကုန်းအနီးတိုက်ပွဲတွင် ချင်းပြည်အစိုးရတပ်ဖွဲ့မှ စစ်ကောင်စီတပ်သားတစ်ဦးကို အရှင်ဖမ်းမိသလို သေနတ် ၂လက်ကိုလည်း သိမ်းဆည်းရရှိခဲ့ပါတယ်။

ဟားခါးမြို့နဲ့ ထန်းတလန်မြို့အကြားရှိ စစ်ကောင်စီစခန်းများကို နို၀င်ဘာ ၂၂ရက်နေ့ကစပြီး ချင်းပြည်အစိုးရပူးပေါင်းတပ်ဖွဲ့မှ ထိုးစစ်ဆင်တိုက်ခိုက်ခဲ့ရာ အော်တိုတောင်နဲ့ သီတာနားနေစခန်းအကြားရှိ အရေးပါတဲ့ ပွိုင့် ၃ စခန်းကုန်းကို ချင်းပြည်အစိုးရပူးပေါင်းတပ်ဖွဲ့မှ သိမ်းပိုက်နိုင်ခဲ့ပါတယ်။

ဒီကနေ့ နို၀င်ဘာ ၂၈ရက် နံနက်ပိုင်း ၃နာရီနဲ့ ၅နာရီအကြားမှာ ဟားခါးမြို့နဲ့ ထန်တလန်မြို့အကြားကို စစ်ကောင်စီမှ တိုက်လေယာဉ်နဲ့ Y-12 လေယာဉ်တို့ဖြင့် ဗုံးကြဲတိုက်ခိုက်မှုတွေပြုလုပ်ခဲ့တယ်လို့ သိရပါတယ်။

ဟားခါး-ထန်တလန်အကြားရှိ ပွိုင့် ၃ စခန်းကုန်းကို ချင်းပြည်အစိုးရပူးပေါင်းတပ် သိမ်းပိုက်ရရှိ ချင်းဂျာနယ်၊ နို၀င်ဘာ ၂၆ရက် ချ...
11/26/2024

ဟားခါး-ထန်တလန်အကြားရှိ ပွိုင့် ၃ စခန်းကုန်းကို ချင်းပြည်အစိုးရပူးပေါင်းတပ် သိမ်းပိုက်ရရှိ

ချင်းဂျာနယ်၊ နို၀င်ဘာ ၂၆ရက်

ချင်းပြည်နယ်၊ ဟားခါးမြို့နဲ့ ထန်တလန်မြို့အကြားရှိ ပွိုင့် ၃ စခန်းကုန်းကို ချင်းပြည်အစိုးရ ပူးပေါင်းတပ်ဖွဲ့က ဒီကနေ့ နို၀င်ဘာ ၂၆ရက်နေ့မှာ သိမ်းပိုက်ရရှိခဲ့တယ်လို့ သိရပါတယ်။

ဟားခါးမြို့နဲ့ ထန်တလန်မြို့အကြားရှိစခန်းတွေကို အောက်တိုဘာလထဲမှာ စစ်ကောင်စီတပ်မှ ထိုးစစ်ဆင်တိုက်ခိုက်သိမ်းပိုက်ခဲ့ရာ ယခုလ နို၀င်ဘာ ၂၂ရက်နေ့မှစတင်ကာ အဆိုပါစခန်းတွေကို ချင်းပြည်အစိုးရ ပူးပေါင်းတပ်ဖွဲ့မှ ပြန်လည်ထိုးစစ်ဆင်တိုက်ခိုက်တာဖြစ်ပါတယ်။

ချင်းပြည်အစိုးရ ပူးပေါင်းတပ်ဖွဲ့မှ သိမ်းပိုက်ရှိသော ပွိုင့် ၃စခန်းကုန်းတွင် စက်သေနက်တစ်လက်အပါအ၀◌င် သေနတ် ၆လက်နဲ့ ခဲယမ်းအချို့သိမ်းဆည်းရရှိခဲ့ပါတယ်။

ဟားခါးမြို့အနီး Rual-U သုသာန်၀န်းကျင်နဲ့ ဟားခါး-ထန်တလန်အကြားတွင် နို၀င်ဘာ ၂၂ရက်နေ့မှစတင်ကာ ချင်းပြည်အစိုးရ ပူးပေါင်းတပ်ဖွဲ့နဲ့ စစ်ကောင်စီတပ်ဖွဲ့အကြားတိုက်ပွဲပြင်းထန်ခဲ့ပြီး နို၀င်ဘာ ၂၂ရက်နေ့မှ ဒီကနေ့ နို၀င်ဘာ ၂၆ရက်နေ့အထိ စစ်ကောင်စီဖက်မှ လေကြောင်းနဲ့ ဟားခါးမြို့ ၂၆၆ တပ်စခန်းမှလက်နက်ကြီးများဖြင့် အပြင်းအထန်ခုခံတိုက်နေကြောင်း သိရပါတယ်။

ချင်းညီနောင် စစ်ဆင်ရေးမှာ CNF/CNA ဦးဆောင်သော ချင်းပြည်ကောင်စီတပ်များမှ နှောက်ယှက်နေဟု ချင်းညီနောင်စွပ်စွဲ ချင်းဂျာနယ်၊ န...
11/15/2024

ချင်းညီနောင် စစ်ဆင်ရေးမှာ CNF/CNA ဦးဆောင်သော ချင်းပြည်ကောင်စီတပ်များမှ နှောက်ယှက်နေဟု ချင်းညီနောင်စွပ်စွဲ

ချင်းဂျာနယ်၊ နို၀င်ဘာ ၁၅ရက်

ချင်းညီနောင်အဖွဲ့မှ မင်းတပ်မြို့နဲ့ ဖလမ်းမြို့သိမ်းတိုက်ပွဲ ဆင်နွဲနေစဉ် ချင်းအမျိုးသားတပ်မတော် (CNF/CNA) ဦးဆောင်သော ချင်းပြည်ကောင်စီတပ်များမှ နှောက်ယှက်နေတယ်လို့ ချင်းညီနောင်အဖွဲ့က နို၀င်ဘာ ၁၄ရက်နေ့တွင်ထုတ်ပြန်ချက်တစ်စောင် ထုတ်ပြန်ပြီး ချင်းပြည်ကောင်စီကို စွပ်စွဲထားပါတယ်။

ချင်းညီနောင်အဖွဲ့ ထိန်းချုပ်နယ်မြေထဲတွင် ချင်းပြည်ကောင်စီမှ တပ်ချခြင်း၊ လက်နက်အင်အား အဆမတန်ဖြည့်တင်းခြင်းများပြုလုပ်နေပြီး ပြည်သူများအလန့်တကြားဖြစ်စေရန် သေနက်ပစ်ဖောက်ခြင်းနဲ့ လူမှုကွန်ယက်တွင် ‌ေ၀ဖန်တိုက်ခိုက်မှုများ ပြုလုပ်နေတယ်လို့ ထုန်ပြန်ချက်မှာ ဖော်ပြထားပါတယ်။

ကန်ပက်လက်မြို့နယ် အနောက်ဖက်တွင် လုံခြုံရေးတာ၀န်ထမ်းဆောင်သော CDF-Kanpetlet ရဲဘော်များကို နို၀င်ဘာ ၁၂ရက်နေ့ ည ၉နာရီခွဲက ချင်းပြည်ကောင်စီတပ်ဖွဲ့များက အ‌‌ေ၀းတစ်နေရာကနေ ပစ်ခတ်ခဲ့တယ်လို့ ချင်းညီနောင်အဖွဲ့က စွပ်စွဲပါတယ်။

မတူပီမြို့နယ်မှာလည်း ချင်းပြည်ကောင်စီမှ တပ်အင်အားဖြည့်တင်းနေပြီး ဒရုန်းဖြင့်ထောင်လှမ်းခြင်းအပါအ၀င် သေနက်ပစ်ဖောက် ခြိမ်းခြောက်ခြင်းများ ပြုလုပ်ခဲ့တယ်လို့ ဆိုပါတယ်။

မတူမြို့နယ်၊ မရာနယ်တွင် ချင်းပြည်ကောင်စီတပ်ဖွဲ့မှ ကုန်စည်စီးဆင်းမှုဖြတ်ထောက်ထားပြီး ပင်တီယာရွာသား ၂ဦးကိုလည်း ချင်းညီနောင်အဖွဲ့ MDF နဲ့ ဆက်နွယ်သည်ဟုဆိုကာ ဖမ်းဆီးနှိပ်စပ်ခဲ့တယ်လို့ ချင်းညီနောင်အဖွဲ့ရဲ့ ထုတ်ပြန်ချက်မှာ ဖော်ပြပါတယ်။

ချင်းညီနောင်အဖွဲ့ရဲ့စွပ်စွဲချက်နဲ့ ပတ်သက်ပြီး ချင်းပြည်ကောင်စီဖက်မှ တစ်စုံတစ်ရာတုန့်ပြန်ပြောဆိုခြင်း မရှိသေးဘူးလို့ သိရပြီး ချင်းညီနောင်စွပ်စွဲထားသည့် ဖြစ်စဉ်များဟာ စစ်ကောင်စီနဲ့ ချင်းညီနောင်အကြား တိုက်ပွဲဖြစ်ပွားခြင်းမရှိသည့် ကန်ပက်လက်မြို့နယ်နဲ့ မတူပီမြို့နယ်ဖက်ကို အခြေခံထားကြောင်း ထုတ်ပြန်ချက်အရသိရှိရပါတယ်။

မင်းတပ်မြို့နဲ့ ဖလမ်းမြို့မှာ မြို့သိမ်းတိုက်ပွဲ ပြင်းထန်လျှက်ရှိကြောင်း ချင်းညီနောင်အသိပေးချင်းဂျာနယ်၊ နို၀င်ဘာ ၁၃ရက်ချ...
11/13/2024

မင်းတပ်မြို့နဲ့ ဖလမ်းမြို့မှာ မြို့သိမ်းတိုက်ပွဲ ပြင်းထန်လျှက်ရှိကြောင်း ချင်းညီနောင်အသိပေး

ချင်းဂျာနယ်၊ နို၀င်ဘာ ၁၃ရက်

ချင်းပြည်နယ်၊ မင်းတပ်မြို့နဲ့ ဖလမ်းမြို့မှာ ချင်းညီနောင်ဖော်ဆောင်တဲ့ မြို့သိမ်းတိုက်ပွဲ ပြင်းထန်လျှက်ရှိကြောင်း ချင်းညီနောင်အဖွဲ့မှ အသိပေးထုတ်ပြန်ထားပြီး စစ်ရေးသတင်းများ မဟုတ်မမှန်ရေးသားဖော်ပြခြင်း မပြုလုပ်ကြရန်လည်း မေတ္တာရပ်ခံထားပါတယ်။

ဖလမ်းမြို့ ရဲစခန်းနဲ့ ထွေအုပ်ရုံးကိုချင်းညီနောင်သိမ်းပိုက်ပြီး မြို့ကိုထိန်းချုပ်ထား၊ စစ်ကော်စီအဖွဲ့မှ လူ ၄၀ကျော် အလင်း၀...
11/12/2024

ဖလမ်းမြို့ ရဲစခန်းနဲ့ ထွေအုပ်ရုံးကိုချင်းညီနောင်သိမ်းပိုက်ပြီး မြို့ကိုထိန်းချုပ်ထား၊ စစ်ကော်စီအဖွဲ့မှ လူ ၄၀ကျော် အလင်း၀င်

ချင်းဂျာနယ်၊ နိုဝင်ဘာလ ၁၂ ရက်

ချင်းပြည်နယ်၊ ဖလမ်းမြို့ပေါ်ရှိ စစ်ကောင်စီတပ်ဖွဲ့၀င်တွေ တပ်ဆွဲထားသည့်
ရဲစခန်းနဲ့ မြို့နယ်ထွေအုပ်ရုံးကို ဒီကနေ့ နိုဝင်ဘာလ ၁၂ ရက်နေ့မှာ CNDF ပါ၀င်တဲ့ ချင်းညီနောင် ပူးပေါင်းတပ်ဖွဲ့မှ သိမ်းပိုက်နိုင်ခဲ့ပြီး မြို့ကို ထိန်းချုပ်နိုင်ပြီဖြစ်ကြောင်း သိရပါတယ်။

ချင်းညီနောင်ပူးပေါင်းတပ်ဖွဲ့မှ သိမ်းပိုက်ရရှိတဲ့ ရဲစခန်းကနေ စစ်ကောင်စီတပ်သားတွေနဲ့ ၎င်းတို့ရဲ့မိသားစု၀င် ၄၀ကျော်ဟာ CNDF ထံသို့ လက်နက်ချ အလင်း၀င်ခဲ့တယ်လို့ ဒေသခံတစ်ဦးက ပြောပါတယ်။

“ဒီကနေ့ ရဲစခန်းနဲ့ ထွေအုပ်ရုံးကို သိမ်းပိုက်နိုင်ပြီ။ ရဲစခန်းကနေ အလင်းဝင်တဲ့သူ ၄၀ ကျော်ရှိတယ်။ ဖလမ်းမြို့တွင်း အားလုံးထိန်းချုပ်နိုင်ပြီ။ အခုက ခလရ ၂၆၈ တပ်ကုန်းပဲ ကျန်တော့တယ်” လို့ ဒေသခံတစ်ဦးက ချင်း‌ေ၀ါလ်မီဒီယာကို ပြောပါတယ်။

နိုဝင်ဘာလ ၈ ရက်နေ့က ချင်းညီနောင်ပူးပေါင်းတပ်ဖွဲ့မှ ဖလမ်းမြို့သိမ်းတိုက်ပွဲကို စတင်ဆင်နွဲခဲ့ပြီး ၅ရက်အကြာမှာ မြို့ထဲရှိစစ်ကောင်စီစခန်းတွေကို သိမ်းပိုက်နိုင်ခဲ့တာဖြစ်ပါတယ်။

လက်ရှိမှာ ဖလမ်းမြို့စွန်ဖက်မှာရှိတဲ့ ခလ၇ ၂၆၈ စစ်ကောင်စီတပ်ကုန်းတစ်ခုသာ တိုက်ခိုက်သိမ်းပိုက်ရန် ကျန်ရှိနေကြောင်း သိရပါတယ်။

ချင်းညီနောင်နဲ့ AA ပူးပေါင်းတပ်မှ ချင်းပြည်ကောင်စီပူးပေါင်းတပ်စခန်းတစ်ခုကို တိုက်ခိုက်သိမ်းပိုက်၊ ဒေသခံအမျိုးသမီးတစ်ဦး သ...
11/12/2024

ချင်းညီနောင်နဲ့ AA ပူးပေါင်းတပ်မှ ချင်းပြည်ကောင်စီပူးပေါင်းတပ်စခန်းတစ်ခုကို တိုက်ခိုက်သိမ်းပိုက်၊ ဒေသခံအမျိုးသမီးတစ်ဦး သေဆုံး

ချင်းဂျာနယ်၊ နို၀င်ဘာ ၁၂ရက်

ချင်းညီနောင်အဖွဲ့၀င် မရာကာကွယ်ရေးတပ်ဖွဲ့ (MDF)နဲ့ ရခိုင်တိုင်းရင်းသားလက်နက်ကိုင် အာရက္ခတပ်တော် (AA) ပူးပေါင်းတပ်ဖွဲ့မှ ချင်းပြည်နယ်၊ မတူပီမြို့နယ်ထဲရှိ ချင်းပြည်ကောင်စီပူးပေါင်းတပ်ဖွဲ့ (CDF-Mara နဲ့ CNA) ရဲ့ စခန်းတစ်ခုကို တိုက်ခိုက်သိမ်းပိုက်ခဲ့တယ်လို့ သိရပါတယ်။

မတူပီမြို့နယ်၊ လိုင်လင်းပီမြို့အနီး ပင်တီယာကျေးရွာရှိ CDF-Mara နဲ့ CNA စခန်းတစ်ခုကို မနေ့ နို၀င်ဘာ ၁၁ရက်နေ့က MDF နဲ့ AA ပူးပေါင်းတပ်ဖွဲ့မှ ၀င်ရောက်တိုက်ခိုက်ပြီး တစ်နာရီခန့်အပြန်အလှန်ပစ်ခတ်မှုဖြစ်ပွားခဲ့တယ်လို့ ဒေသခံတစ်ဦးကပြောပါတယ်။

"ညနေပိုင်း ၃နာရီလောက်မှာ MDF နဲ့ AA ပူးပေါင်းတပ်ဖွဲ့မှ ၀င်ရောက်တိုက်ခိုက်တယ်။ တိုက်ပွဲက တစ်နာရီကျော်ကျော်လောက်ပဲကြာတယ်။ AA နဲ့ MDF ဖက်ကပစ်တဲ့ လက်နက်ကြီးကြောင့် ရွာထဲကအမျိုးသမီးတစ်ယောက်ဆုံးသွားတယ်လို့" ပြောပါတယ်။

ရွာထဲကို ကျရောက်ပေါက်ကွဲတဲ့ လက်နက်ကြီးကြောင့် ဒေသခံအမျိုးသမီး ဒေါ်နီဇီပါရ် သေဆုံးခဲ့ပြီး ပြည်သူတစ်ချို့လည်း ဒဏ်ရာရှိကြောင်း ၎င်းကဆက်ပြောပါတယ်။

ပင်တီယာကျေးရွာရှိ စခန်းကနေ CDF-Mara နဲ့ CNA ပူးပေါင်းတပ်ဖွဲ့ တွေ တပ်ဆုတ်ပြီးနောက် MDF နဲ့ AA ပူးပေါင်းတပ်ဖွဲ့မှ နေရာယူတပ်ဆွဲထားပါတယ်။

ချင်းပြည်ကောင်စီပူးပေါ်င်းတပ်ဖွဲ့မှ တိုက်ခိုက်သိမ်းပိုက်ခဲ့တဲ့ လိုင်လင်းပီမြို့ကိုလည်း ချင်းညီနောင်အဖွဲ့၀င် MDF နဲ့ AA ပူးပေါင်းတပ်ဖွဲ့မှ ယခုနှစ်ဇူလိုင်လမှာ CDF-Mara နဲ့ CNA လက်ထဲကနေ့ တိုက်ခိုက်သိမ်းပိုက်ခဲ့ပါတယ်။

ဇာနိယက်ဒေသ CDF မှ ဒေသခံပြည်သူတွေနဲ့ စစ်ရှောင်တွေအတွက် အခမဲ့ကျန်းမာရေး၀န်ဆောင်မှုပေးချင်းဂျာနယ်၊ နို၀င်ဘာ ၁၁ရက် ချင်းပြည်...
11/11/2024

ဇာနိယက်ဒေသ CDF မှ ဒေသခံပြည်သူတွေနဲ့ စစ်ရှောင်တွေအတွက် အခမဲ့ကျန်းမာရေး၀န်ဆောင်မှုပေး

ချင်းဂျာနယ်၊ နို၀င်ဘာ ၁၁ရက်

ချင်းပြည်နယ်၊ ဖလမ်းမြို့နယ်၊ ဇာနိယက်ဒေသ ချင်းကာကွယ်ရေးတပ်ဖွဲ့ (CDF-Zanniatram) မှ ဒေသအတွင်း ပြည်သူတွေနဲ့ စစ်ဘေးရှောင်ပြည်သူတွေအတွက် အခမဲ့ကျန်းမာရေး၀န်ဆောင်မှု ပြုလုပ်ပေးခဲ့ကြောင်း အသိပေးထုတ်ပြန်ထားပါတယ်။

အခမဲ့ကျန်းမာရေး၀န်ဆောင်မှုကို ဒေါက်တာ ဖြိုးကျော်ဦးဆောင်တဲ့ CDF-Zanniatram Army Combat Medic အဖွဲ့မှဆောင်ရွက်ခဲ့တယ်လို့သိရပါတယ်။

ဇာနိယက်ဒေသအတွင်းရှိ ကျေးရွာ ၉ရွာတွင် နေထိုင်ကြတဲ့ ပြည်သူတွေနဲ့ စစ်ဘေးရှောင်ပြည်သူ အယောက် ၃၉၉ကို အခမဲ့ကျန်းမာရေး၀န်ဆောင်မှုပေးနိုင်ခဲ့ပြီး လူနာ ၁၈ဦးကို ခွဲစိပ်ကုသပေးနိုင်ခဲ့ကြောင်း နို၀င်ဘာ ၁၀ရက်မှာ CDF-Zanniatram Army Combat Medic မှ အသိပေးထုတ်ပြန်ပါတယ်။

မင်းတပ်မြို့နဲ့ ဖလမ်းမြို့မှာ ချင်းညီနောင်နဲ့ စစ်ကောင်စီအကြား တိုက်ပွဲပြင်းထန်နေချင်းဂျာနယ်၊ နို၀င်ဘာ ၁၁ရက် ချင်းပြည်နယ်...
11/11/2024

မင်းတပ်မြို့နဲ့ ဖလမ်းမြို့မှာ ချင်းညီနောင်နဲ့ စစ်ကောင်စီအကြား တိုက်ပွဲပြင်းထန်နေ

ချင်းဂျာနယ်၊ နို၀င်ဘာ ၁၁ရက်

ချင်းပြည်နယ်၊ မင်းတပ်မြို့နဲ့ ဖလမ်းမြို့မှာ ချင်းညီနောင်အဖွဲ့တွေ မြို့သိမ်းတိုက်ပွဲ့ဆင်နွဲနေလို့ စစ်ကောင်စီနဲ့ တိုက်ပွဲပြင်းထန်နေတယ်လို့ သတင်းရရှိပါတယ်။

ဖလမ်းမြို့မှာ နို၀င်ဘာ ၈ရက်နေ့ကနေ တိုက်ပွဲစတင်ဖြစ်ပွားခဲ့ပြီး ဒီကနေ့ နို၀င်ဘာ ၁၁ရက်မှာလည်း စစ်ကောင်စီတပ်စခန်း ခလရ ၂၆၈ ဖက်မှာ ချင်းညီနောင်အဖွဲ့၀င် ချင်းအမျိုးသားကွယ်ရေးတပ်ဖွဲ့ (CNDF) နဲ့ စစ်ကောင်စီတပ်အကြား တိုက်ပွဲပြင်းထန်နေတယ်လို့ ဒေသခံတစ်ဦးကပြောပါတယ်။

မင်းတပ်မြို့မှာလည်း နို၀င်ဘာ ၉ရက်နေ့စလို့ တိုက်ပွဲဖြစ်ပွားခဲ့ပြီး ဒီကနေ့ နို၀င်ဘာ ၁၁ရက်မှာ စစ်ကောင်စီတပ်ဖက်က လေကြောင်းနဲ့ အပြင်းအထန်ခုခံတိုက်ခိုက်နေတယ်လို့ သိရပါတယ်။

မနေ့က နို၀င်ဘာ ၁၀ရက်နေ့နဲ့ ဒီကနေ့ နို၀င်ဘာ ၁၁ရက်မှာ ဖြစ်ပွားတဲ့ မင်းတပ်မြို့တိုက်ပွဲမှာ စစ်ကောင်စီတပ်သားတွေက မြို့ထဲရှိနေအိမ်တွေကို မီးရှို့လို့ အိမ် ၄၀လုံးခန့် မီးလောင်ပျက်စီးသွားတယ်လို့လည်း သိရပါတယ်။

မင်းတပ်မြို့တိုက်ပွဲမှာ စစ်ကောင်စီဖက်က ဒရုန်း၊ တိုက်လေယာဉ်နဲ့ ကင်းထောင်လေယာဉ်နဲ့ပါ ဗုံးကျဲတိုက်ခိုက်မှုတွေ အပြင်းအထန်ပြုလုပ်ခဲ့ပြီး နှစ်ရက်အတွင်း ဗုံးအလုံးရေ ၁၀၀ကျော် ကျဲချခဲ့ပါတယ်။

မင်းတပ်မြို့ကနေ ထွက်မပြေးဘဲကျန်ရှိတဲ့ ဒေသခံပြည်သူရှိမရှိမသိရသော်လည်း ဖလမ်းမြို့မှာတော့ ထွက်မပြေးတဲ့ ပြည်သူအနည်းငယ် မြို့ထဲမှာကျန်ရှိနေသေးတယ်လို့ ဖလမ်းမြို့အနီးနားရွာမှာထွက်ပြေးတဲ့ ဖလမ်းမြို့ခံတစ်ဦးကပြောပါတယ်။

AA ဖမ်းဆီးသော ပလက်၀ဒေသခံတစ်ဦးကို ကျပ်သိန်း ၁၀၀ကျော် တောင်းပြီး ပြန်လွှတ်ပေးချင်းဂျာနယ်၊ နို၀င်ဘာ ၉ရက်ပြီးခဲ့တဲ့ အောက်တို...
11/09/2024

AA ဖမ်းဆီးသော ပလက်၀ဒေသခံတစ်ဦးကို ကျပ်သိန်း ၁၀၀ကျော် တောင်းပြီး ပြန်လွှတ်ပေး

ချင်းဂျာနယ်၊ နို၀င်ဘာ ၉ရက်

ပြီးခဲ့တဲ့ အောက်တိုဘာ ၂၈ရက်နေ့က ရခိုင်တိုင်းရင်းသားလက်နက်ကိုင် ရက္ခိုင့်တပ်တော် (AA) ဖမ်းဆီးသော ပလက်၀ဒေသခံတစ်ဦးကို AA တပ်ဖွဲ့မှ ကျပ်သိန်း၁၀၀ ကျော် တောင်းပြီး ပြန်လွှတ်ပေးခဲ့ကြောင်း Chinland Information Center (CIC) မှ သတင်းထုတ်ပြန်ထားပါတယ်။

ဖမ်းဆီးခံရသူအမျိုးသားဟာ ချင်းလူမျိုးများ စည်းလုံးညီညွတ်ရေးအတွက် ဦးဆောင်လုပ်ကိုင်နေသူတစ်ဦးဖြစ်ပြီး ရပ်ရွာတာဝန်ရှိသူများမှ ပြန်လွတ်ပေးရန် တောင်းဆိုခဲ့ကြရာ AA မှ သိန်း ၁၀၀ ကျော် ပေးချေခိုင်းပြီးနောက် နိုဝင်ဘာလ ၇ ရက်နေ့တွင် ပြန်လည်လွတ်မြှောက်လာတယ်လို့ ပလက်ဝပြည်သူ တစ်ဦးထံမှ သိရှိရကြောင်း CIC ရဲ့ထုတ်ပြန်ချက်မှာ ဖော်ပြထားပါတယ်။

ဖမ်းဆီးခံရချိန်မှာ ရိုက်နှပ်ခံရသည့် အရိပ်အရောင်တွေ မျက်နှာတွေ့ရှိရတယ်လို့ ဒေသခံတစ်ဦးက ပြောပါတယ်။

"မျက်နှာမှာတော့ ဖူးယောင်တာတွေ ရှိတယ်၊ သူတို့ ရိုက်နှက်ထားတာဖြစ်မှာပေါ့" ဟု မျက်မြင် ပြည်သူတစ်ဦးမှ CIC ကို ပြောပါတယ်။

AA မှ ပလက်၀ဒေသခံတွေကို တစ်အိမ်မှာ လစဉ် ကျပ် ၅သောင်းပေးရမည်ဟု ပြောဆိုမှုတွေလည်းရှိနေတာကြောင့် အရင်ကထက် စား၀က်နေရေးပိုမိုကျပ်တည်းလာကြတဲ့ ပလက်ဝဒေသခံတွေ စိုးရိမ်ပူပင်လျှက်ရှိကြောင်း ဒေသခံပြည်သူတစ်ဦးမှ CIC ကို ပြောပါတယ်။

ချင်းပြည်နယ်၊ ပလက်၀မြို့နယ်မှာ စစ်ကောင်စီကင်းစင်ပြီဖြစ်သော်လည်း AA တပ်ဖွဲ့မှ CDF/CNA ကိုထောက်ပံ့လို့ဆိုပြီး ဖမ်းဆီးတာတွေ၊ ဒေသခံပြည်သူတွေ သွားလာမှုကန့်သက်တာတွေ ပြုလုပ်နေတာကြောင့် လစဉ် မီဇိုရမ်ဖက်ကို ထွက်ပြေးတဲ့ ပလက်၀ဒေခံတွေ ရှိနေသေးတယ်လို့လည်း သိရှိရပါတယ်။

ထန်တလန်မြို့တိုက်ပွဲအတွင်း စစ်ကောင်စီဒုဗိုလ်မှူးကြီးနဲ့ ဒုရဲအုပ် အပါအဝင် ၁၀ ဦးသေဆုံးချင်းဂျာနယ်၊ နို၀င်ဘာ ၈ရက်နို၀င်ဘာလ ...
11/08/2024

ထန်တလန်မြို့တိုက်ပွဲအတွင်း စစ်ကောင်စီဒုဗိုလ်မှူးကြီးနဲ့ ဒုရဲအုပ် အပါအဝင် ၁၀ ဦးသေဆုံး

ချင်းဂျာနယ်၊ နို၀င်ဘာ ၈ရက်

နို၀င်ဘာလ ပထမအပတ်အတွင်းမှာ ဖြစ်ပွားတဲ့ ချင်းပြည်နယ်၊ ထန်တလန်မြို့တိုက်ပွဲမှာ စစ်ကောင်စီတပ်ဖွဲ့မှ ဒုဗိုလ်မှူးကြီးတစ်ဦးနဲ့ ဒုရဲအုပ် တစ်ဦးအပါအဝင် စစ်ကောင်စီဖက်မှ ၁၀ ဦးသေဆုံးခဲ့ကြောင်း သိရပါတယ်။

နို၀င်ဘာ ၁ရက်နေ့မှ ၇ရက်နေ့အကြားကဖြစ်ပွားတဲ့ ထန်တလန်မြို့တိုက်ပွဲအတွင်း NLD ရုံးမှာတပ်ဆွဲထားတဲ့ စစ်ကောင်စီ ဒုဗိုလ်မှူးကြီးကို ချင်းလဲန်းကောင်စီပူးပေါင်းတပ်ရဲ့ လက်ဖြောင့်တပ်ဖွဲ့မှ ရှင်းလင်းနိုင်ခဲပြီး နိုဝင်ဘာလ ၅ ရက်က ဖြစ်ပွားတဲ့ ထန်တလန်မြို့တွင်း အနီးကပ်တိုက်ပွဲတွင် စစ်ကောင်စီ ဒုရဲအုပ် တစ်ဦးအပါအဝင် တပ်ဖွဲ့ဝင်တချို့ သေဆုံးခဲ့ပါတယ်။

“ထန်တလန်မြို့ထဲမှာ တိုက်ပွဲကတော့ ဆက်လက်ဖြစ်နေတာပေါ့နော်။ သူတို့ဘက်က ဒုဗိုလ်မှူးကြီး ၁ဦးနဲ့ ဒုရဲအုပ် ၁ ဦးအပါအဝင် ၁၀ ဦးကျတယ်။ ဒုဗိုလ်မှူးကြီးကတော့ လက်ဖြောင့်မိတာပါ။ ကျနော်တို့ ဘက်က ထိခိုက်ဒဏ်ရာ ရရှိမှု အနည်းငယ် ရှိတယ်” ဟု ချင်းအမျိုးသားတပ်မတော် CNF/CNA ပြောရေးဆိုခွင့်ရှိသူ ဆလိုင်းထက်နီက Khonumthung သတင်းဌာကို ပြောသည်။

စစ်ကောင်စီတပ်ဖွဲ့ဟာ ထန်တလန်မြို့ တပ်ကုန်း၊ NLD ရုံး၊ ရဲစခန်းနဲ့ မြို့ထဲရှိအဆောက်အအုံတွေမှာ တပ်ဖြန့်ထားပြီး ထန်တလန်မြို့ အလုံးစုံမကျဆုံးရေးအတွက် ဟားခါးဖက်က လက်နက်ကြီးပစ်ကူအပါ၀င် ဒရုန်းနဲ့တိုက်လေယာဉ်များဖြင့် အပြင်းအထန်ခုခံနေကြောင်း သိရပါတယ်။

The Chin Journal

အမေရိကန် သမ္မတရွေးကောက်ပွဲ ဒေါ်နယ်ထရမ့် အနိုင်ရရှိကြောင်း သတင်းဌာကြီးတွေ ကြေညာချင်းဂျာနယ်၊ နို၀င်ဘာ ၆ရက် မြန်မာစံတော်ချိ...
11/06/2024

အမေရိကန် သမ္မတရွေးကောက်ပွဲ ဒေါ်နယ်ထရမ့် အနိုင်ရရှိကြောင်း သတင်းဌာကြီးတွေ ကြေညာ

ချင်းဂျာနယ်၊ နို၀င်ဘာ ၆ရက်

မြန်မာစံတော်ချိန် ဒီကနေ့ နို၀င်ဘာ ၆ရက်နေ့မှာ ကျင်းပတဲ့ အမေရိကန် သမ္မတရွေးကောက်ပွဲမှာ ရိပါဘလီကန်ပါတီ သမ္မတလောင်း ဒေါ်နယ်ထရမ့်မှ ဒီမိုကရက်တစ်ပါတီ သမ္မတလောင်း ကမာလာဟေရစ်ကို ပေါပြူလာမဲနဲ့ အီလက်ထောရီရာလ်မဲ နှစ်ခုစလုံးမှာ အသာစီးနဲ့အနိုင်ရရှိသွားပြီဖြစ်ကြောင်း အမေရီကန်သတင်းဌာနကြီးတွေက ကြေညာလာကြပါတယ်။

Fox News, New York Times, CNN, NBC, Associated Press စသည့်သတင်းဌာနတွေက ဒေါ်နယ်ထရမ့်မှ အနိုင်ရရှိသွားပြီဖြစ်ကြောင်း ၎င်းတို့ရဲ့ Live Election Updates စာမျက်နှာ ဖော်ပြကြပါတယ်။

ဒီမိုကရက်တစ်ဖက်ယိမ်းတဲ့ CNN နဲ့ NBC သတင်းဌာနတွေက "Trump Wins" "Trump Defeats Harris" လို့ ခေါင်းကြီးနဲ့ ကြေညာလာကြပြီး New York Times ကတော့ "Trump Storms Back" လို့ ရေးထားတာကို တွေ့ရပါတယ်။

အမေရိကန် အထက်လွှတ်တော် (Senate) ရွေးကောက်ပွဲမှာလည်း ရိပါဘလီကန်ပါတီအနိုင်ရရှိပြီး အောက်လွှတ်တော် (House) မဲဆက်လက်ရေတွက်နေဆဲဖြစ်ကြောင်း သိရပါတယ်။

The Chin Journal

Address

Chandmary
New York, NY
796891

Telephone

+919233553743

Website

Alerts

Be the first to know and let us send you an email when The Chin Journal posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Chin Journal:

Videos

ဟားခါးမြို့နဲ့ ထန်တလန်မြို့အကြား Jericho စစ်ဆင်ရေးမှတ်တမ်းဗီဒီယို
ဟားခါးမြို့နဲ့ ထန်တလန်မြို့အကြား Jericho စစ်ဆင်ရေးမှတ်တမ်းဗီဒီယို

ဟားခါးမြို့နဲ့ ထန်တလန်မြို့အကြား Jericho စစ်ဆင်ရေးမှတ်တမ်းဗီဒီယို ချင်းဂျာနယ်၊ ဒီဇင်ဘာ ၃ရက် ချင်းပြည်နယ်၊ ဟားခါးမြို့နဲ့ ထန်တလန်မြို့အကြားရှိ စစ်ကောင်စီတပ်စခန်း ၅ခုကို ချင်းပြည်အစိုးရပူးပေါင်းတပ်ဖွဲ့မှ Jericho စစ်ဆင်ရေးအမည်ဖြင့် နို၀င်ဘာ ၂၂ရက်နေ့နဲ့ ဒီဇင်ဘာ ၃ရက်နေ့အကြားမှာ သိမ်းပိုက်ခဲ့ပါတယ်။ စစ်ရေးအရအချက်အချာကျတဲ့ ပွိုင့် ၃ စခန်းကို နို၀င်ဘာ ၂၅ရက်နေ့မှာ ချင်းပြည်အစိုးတပ်ဖွဲ့မှ သိမ်းပိုက်နိုင်ခဲ့ပြီး နို၀င်ဘာ ၃၀ရက်နေ့မှာ ဟားခါးမြို့အနီး ရွာဗာဇုန် (Ruavazung) စစ်တပ်စခန်း၊ သီမစ်ချောင်းတံတားအနီး အွန်ပူပွက်နာခ်တောင် (Umpupuaknak Tlang) နဲ့ နောင်ထလော့ဘို (Nawnthlawk Bo) စခန်းများကိုလည်း ဆက်လက်သိမ်းပိုက်ခဲ့ပါတယ်။ သီမစ်ချောင်းအနီး ဟားခါးဖက်ခြမ်းမှာရှိတဲ့ ကေဗန်ဇွန် (Keivangzuan) စစ်ကောင်စီစခန်းက စစ်သားတွေအကုန်ထွက်ပြေးလို့ သေနတ်ပစ်ဖောက်စရာမလိ

တိုက်ပွဲကြောင့် ချောက်ကပ်လာတဲ့ ဖလမ်းမြို့ လက်ရှိအခြေအနေ
တိုက်ပွဲကြောင့် ချောက်ကပ်လာတဲ့ ဖလမ်းမြို့ လက်ရှိအခြေအနေ

တိုက်ပွဲကြောင့် ချောက်ကပ်လာတဲ့ ဖလမ်းမြို့ လက်ရှိအခြေအနေ ချင်းဂျာနယ်၊ နို၀င်ဘာ ၂ရက် ချင်းပြည်နယ်၊ ဖလမ်းမြို့ပေါ်မှာ ချင်းအမျိုးသာကာကွယ်တပ်ဖွဲ့ (CNDF) နဲ့ စစ်ကောင်စီတပ်ဖွဲ့အကြား တိုက်ပွဲဖြစ်ပွားပြီနောက် ဖလမ်းမြို့ဒေသခံ ၉၅% ကျော်က မြို့ကိုစွန့်ခွာ ထွက်ပြေးခဲ့ကြပါတယ်။ အောက်တိုဘာလ ၂၅ရက်နေ့မှ ၂၈ရက်နေ့အထိ ဖလမ်းမြို့ပေါ်မှာ တိုက်ပွဲဖြစ်ပွားခဲ့ပြီး စစ်ကောင်စီတပ်မှ ပစ်ခတ်သောလက်နက်ကြီးကြောင့် ပြည်သူ ၄ဦး ဒဏ်ရာရရှိကာ အသက် ၃၈နှစ်ရှိ ကျောင်းဆရာမတစ်ဦး လက်နက်ကြီးကျည်ထိလို့ သေဆုံးခဲ့ပါတယ်။ ဖလမ်းမြို့ပေါ်မှာနေထိုင်တဲ့ လူဦးရေ တစ်သောင်းကျော်ဟာ နီးစပ်ရာကျေးရွာများ၊ ဟားခါးမြို့၊ ကလေးမြို့နဲ့ မီဇိုရမ်ဖက်သို့ ထွက်ပြေးကြပြီး လက်ရှိမြို့ပေါ်မှာ လူအနည်းငယ်သာ ကျန်ရှိကြောင်း သိရပါတယ်။ The Chin Journal

“ကောင်းကင်ကြီးကို… ပိတ်” ဆွေးနွေးပွဲစကားဝိုင်း
“ကောင်းကင်ကြီးကို… ပိတ်” ဆွေးနွေးပွဲစကားဝိုင်း

မြန်မာနိုင်ငံရှိ လေကြောင်းတိုက်ခိုက်မှုများ၏ အဓိကတရားခံ အစိုးရများ၊ ကုမ္ပဏီများ၏ အထောက်အပံ့များနှင့် လေကြောင်းအန္တရာယ် ရပ်တန့်ရေး “ကောင်းကင်ကြီးကို… ပိတ်” ဆွေးနွေးပွဲစကားဝိုင်း။ ပြည်သူလူထုမှ သိရှိလိုသော အကြောင်းအရာများကို တိုက်ရိုက် မေးမြန်းနိုင်သော အမေးအဖြေကဏ္ဍလဲ ပါ၀င်မှာ ဖြစ်ပါတယ်။ 📌 ကောင်းကင်ကြီးကိုပိတ် စကားဝိုင်းကို ကိုမိုက် (သွေးစွန်းငွေ ဖြတ်တောက်ရေး လှုပ်ရှားမှု) မှ Moderator အဖြစ် ဦးဆောင်သွားမှာ ဖြစ်ပြီး ( ၁ ) ဆုဂျင်း - Woman Activist ( ၂ ) ကိုဇေယျ - CDM လေတပ်သား ( ၃ ) ဒေါက်တာ ရဲဇော် - CDM ဆရာဝန် ( ၄ ) မေ - Human Rights Defender တို့က ပါဝင်ဆွေးနွေးသွားမှာ ဖြစ်ပါတယ်။ 📌 ဆွေးနွေးမည့်ရက် - အောက်တိုဘာလ ၂၄ ရက် (ကြာသပတေးနေ့)။ 🕕 အချိန် - မြန်မာ စံတော်ချိန် ညနေ ( ၆ )နာရီ #AirBus2AirStrikes #Airbusted #BusinessAndHumanRights #WarCrimes #WhatsHappeninglnMyanmar #AVIC #BloodMoneyCampaignMM

ထန်တလန် စကစတပ်ကုန်းကို ချင်းပြည်အစိုးရတပ်သိမ်း
ထန်တလန် စကစတပ်ကုန်းကို ချင်းပြည်အစိုးရတပ်သိမ်း

ချင်းပြည်နယ်၊ ထန်တလန်မြို့ရှိ စစ်ကောင်စီတပ်ရဲ့ အမာခံစခန်း ခလ၇ (၂၆၉) တပ်ကုန်း ကို ချင်းပြည်အစိုးရ ပူးပေါင်းတပ်ဖွဲ့မှ မနေ့ ဩဂုတ် ၅ရက်‌နေ့က သိမ်းပိုက်လိုက်တဲ့ ဗီဒီယိုဖိုင် ဖြစ်ပါတယ်။ #TheChinJournal

မတူပီမြို့ စစ်တပ်မိသားစုဝင် ၁၀၀ ကျော်ကို ချင်းညီနောင်အဖွဲ့မှ ကယ်ဆယ်ထိန်းသိမ်းထား
မတူပီမြို့ စစ်တပ်မိသားစုဝင် ၁၀၀ ကျော်ကို ချင်းညီနောင်အဖွဲ့မှ ကယ်ဆယ်ထိန်းသိမ်းထား

မတူပီမြို့ စစ်တပ်မိသားစုဝင် ၁၀၀ ကျော်ကို ချင်းညီနောင်အဖွဲ့မှ ကယ်ဆယ်ထိန်းသိမ်းထား ချင်းဂျာနယ်၊ ဇူလိုင် ၂၀ ချင်းပြည်နယ်၊ မတူပီမြို့သိမ်းတိုက်ပွဲမှ ထွက်ပြေးသွားသော စစ်ကောင်စီတပ် မိသားစုဝင် ၁၀၀ ကျော်ကို ကယ်ဆယ်ထိန်းသိမ်းထားကြောင်း ချင်းညီနောင်အဖွဲ့မှ ရုပ်သံနဲ့တကွ ထုတ်ပြန်လိုက်ပါတယ်။ "ချင်းညီနောင်နှင့် မဟာမိတ် တပ်ဖွဲ့ဝင်များမှ (Operation CB) မတူပီမြို့သိမ်းတိုက်တွင် စစ်ကောင်စီ နှင့် မိသားစုဝင် ၁၀၀ ကျော်ကို စစ်သုံ့ပန်းအဖြစ် ကယ်ဆယ်ထိန်းသိမ်းထားသည့်အပြင် အသက်မပြည့်သေးသည့် ကလေးငယ် ၃၀ ဦးကိုလည်း ချင်းညီနောင် ဖက်မှ ကျွေးမွေး ပြုစုထားလျက်ရှိသည်။ တောထဲသို့ ထွက်ပြေးစဉ် လမ်းခရီးတွင် ခရီးလမ်း ကြမ်းတမ်းမှု၊ မိုးဒဏ် လေဒဏ်၊ အစာငတ်ဒဏ် ခံစားခဲ့ကြရပြီး မိသားစုဝင်အားလုံး ဆုံးရှုံးခဲ့ရသော ကလေးငယ်များပါ ပါဝင်သည်" ဟု ချင်းညီနောင်

အဆိုတော် David Lai မင်္ဂလာဆောင်ပြီ ဇူလိုင်လ ၆ ရက်၊ ချင်းဂျာနယ် နိုင်ငံကျော် အဆိုတော် David Lai ဟာနော်ဝေးမှာနေထိုင်တဲ့ ချစ်သူချင်းအမျိုးသမီးလေးနဲ့မင်္ဂလာဆောင် အခမ်းအနားကို ဘန်ကောက််မြို့မှာ ဒီနေ့ ဇူလိုင် ၆ ရက်နေ့ ကျင်းပခဲ့တယ်လို့သိရပါတယ်။ #TheChinJournal

တီးတိန်မြို့မှာ တိုက်ပွဲဆက်လက်ဖြစ်ပွားနေပြီး စကစတပ်ရဲ့ မီးရှို့မူကြောင့် နေအိမ် ၄၀ကျော် ပျက်စီးသွတယ်လို့ သိရပါတယ်။ Video: PDF-Zoland

ဟားခါးမြို့ လွတ်လပ်ရေးကျောက်တိုင်ရှိ စစ်ကောင်စီတပ်ဖွဲ့ကို CDF-Hakha မှ ဇွန်လ ၁ရက်နေ့မှာ ဒရုန်းနဲ့ တိုက်ခိုက်ပါတယ်။

စစ်တပ်လေ‌ကြောင်းတိုက်ခိုက်မှုကြောင့် တီးတိန်မြို့ပေါ် လူနေအိမ်တွေ မီးလောင်နေ

ထန်တလန်မြို့ စစ်ကောင်စီတပ်ကို ၈၁မမဖြင့် ၅ကြီမ် ပစ်ခတ်၊ ထိခိုက်သေဆုံးမှုရှိနိုင် မေလ ၂၁၊ ချင်းဂျာနယ် ချင်းပြည်နယ်၊ ထန်တလန်မြို့‌ရှိ စစ်ကောင်စီတပ်ကုန်းကို ချင်းအမျိုးသားတပ်မတော် (CNA) တပ်ဖွဲ့၀င်များက မနေ့ မေလ ၂၀ရက်နေ့မှာ ၈၁မမဖြင့် ၅ကြီမ်ပစ်ခတ်ခဲ့ပြီး စခန်းထဲမှာ ကျရောက်ပေါက်ကွဲမှုတွေရှိတာကြောင့် ပျက်စီးမှုနဲ့ ထိခိုက်သေဆုံးမှုတွေရှိနိုင်တယ်လို့ မြေပြင်သတင်းအရင်းအမြစ်တစ်ဦးက ပြောပါတယ်။ လက်ရှိထန်တလန်မြို့ထဲမှာ စစ်ကောင်စီတပ်ဖွဲ့၊ CDF-Thantlang နဲ့ CNA တပ်ဖွဲ့၀င်များ လှုပ်ရှားလျှက်ရှိပြီး စစ်ကောင်စီတပ်ဖွဲ့နဲ့ CNA/CDF-Thantlang တပ်ဖွဲ့အကြား ချောင်းမြောင်းပစ်ခတ်မှုတွေ ဖြစ်ပွားလေ့ရှိပါတယ်။ #TheChinJournal

စစ်ကောင်စီမှ ရဟက်ယာဉ် ၃စင်းဖြင့် တွန်းဇံမြို့သို့ စစ်ကူအင်အားပို့
စစ်ကောင်စီမှ ရဟက်ယာဉ် ၃စင်းဖြင့် တွန်းဇံမြို့သို့ စစ်ကူအင်အားပို့

စစ်ကောင်စီမှ ရဟက်ယာဉ် ၃စင်းဖြင့် တွန်းဇံမြို့သို့ စစ်ကူအင်အားပို့ မေလ ၂၀ရက်၊ ချင်းဂျာနယ် ချင်းပြည်ကောင်စီအဖွဲ့၀င် တော်လှန်ရေးတပ်ဖွဲ့များလက်ထဲ တွန်းဇံမြို့ မကျရေးအတွက် စစ်ကောင်စီတပ်မှ လေကြောင်းနဲ့အပြင်းအထန် တိုက်ခိုက်နေပြီး ယနေ့ မေလ ၂၀ရက်နေ့တွင် ရဟက်ယာဉ် ၃စင်းဖြင့် တွန်းဇံမြို့သို့ စစ်ကူအင်အားပို့လိုက်တယ်လို့ သိရပါတယ်။ ချင်းအမျိုးသားတပ်မတော် (CNA) ဦးဆောင်တဲ့ ချင်းပြည်ကောင်စီတပ်ဖွဲ့၀င်များက ချင်းပြည်မြောက်ပိုင်း တွန်းဇံမြို့ကို မေလ ၁၆ရက်နေ့က စတင်တိုက်ခိုက်ခဲ့ပြီး မေလ ၁၉ရက်နေ့တွင် တွန်းဇံမြို့ထဲရှိ စစ်တပ်စခန်းနဲ့ ရဲစခန်းကို သိမ်းပိုက်နိုင်ခဲ့တယ်လို့ CNF/CNA ပြောရေးဆိုခွင့်ရှိသူ ဆလိုင်းထက်နီက ပြောပါတယ်။ တွန်းဇံမြို့နယ်ထဲရှိ ကျီခါးမြို့ကို မေလ ၁၉ရက်နေ့ မနေ့က ချင်းပြည်ကောင်စီအဖွဲ့၀င် တော်လှန်ရေးတပ်ဖွဲ

ချင်းပြည်နယ်၊ ကျီခါးမြို့ကို ချင်းအမျိုးသားတပ်မ‌တော် (CNA) နဗင့် ချင်းပြည်ကာကွယ်ရေးတပ်ဖွဲ့ (CDFs) များကသိမ်းပိုက်ပြီး စကစစခန်းကို မီးရှို့ Video: The Tedim Times

Shortcuts

Share

Category

The Chin Journal-TCJ

The Chin Journal (TCJ) is the leading online news media outlet among the Chin people in Myanmar and abroad.

Since 2016, it operates under Tilim News Agency with Reg. No. 00059 of Myanmar’s Ministry of Information.

The Chin Journal has both Chin and Burmese language versions, producing authentic and original local news while translating important international news for its readers.

Address -