07/19/2023
ជម្រាបសួរបងប្អូន ប្រិយមិត្តទាំងអស់ជាទីស្រឡាញ់ និងរាប់អាន
ខ្ញុំសូមជម្រាបជូនថា ចាប់តាំងពីខ្ញុំបានចាប់ផ្ដើមព្យាបាលអ្នកជំងឺ ជាពិសេសព្យាបាលជូនបងប្អូនប្រជាពលរដ្ឋដែលជាអ្នកជំងឺខ្វះខាត ដោយចំណាយពេលវេលា ថវិកាផ្ទាល់ខ្លួន ក៏ដូចជាជូនថវិកាផ្ទាល់ខ្លួនថែមទៀតដល់អ្នកជំងឺដើម្បីទិញថ្នាំ និងតាមរយៈគ្លីនិកទាំង១១ របស់ខ្ញុំ ចំណាយសរុបគឺអស់រាប់លានដុល្លារ ហើយចំនួនអ្នកជំងឺសរុបគឺជិតហាសិបម៉ឺននាក់ឯណោះ។ ទោះបីជាយ៉ាងណា ការឆ្លើយតបរបស់ខ្ញុំមិនអាចបំពេញតាមតម្រូវការរបស់បងប្អូនប្រជាពលរដ្ឋឱ្យបានទាន់ពេលវេលាបានទេ ដោយសារអ្នកជំងឺមានចំនួនច្រើន ហើយខ្ញុំមិនអាចមានពេលគ្រប់គ្រាន់សម្រាប់ព្យាបាល។ អាស្រ័យដូចបានជម្រាបជូនខាងលើ សូមបងប្អូនទាំងអស់មេត្តាអធ្យាស្រ័យសម្រាប់ការឆ្លើយតបមិនទាន់ពេលវេលា ដែលធ្វើឱ្យបងប្អូនប្រជាពលរដ្ឋត្រូវរង់ចាំយូរ ប៉ុន្តែខ្ញុំនឹងបន្តព្យាបាលជំងឺបន្តទៅទៀតតាមលទ្ធភាពជាក់ស្ដែង។
ម្យ៉ាងទៀត ខ្ញុំក៏សូមអធ្យាស្រ័យផងដែរ ប្រសិនបើខ្ញុំមានការខ្វះខាតលើការយល់ដឹងអំពីការប្រើប្រាស់ខេមរភាសា ជាពិសេសលើការបកប្រែពាក្យបច្ចេកទេសវេជ្ជសាស្រ្ដមួយចំនួន ព្រោះខេមរភាសាមិនមែនជាភាសាដែលខ្ញុំបានរៀនកាលនៅពីក្មេងទេ។ ទោះបីជាយ៉ាងណា ខ្ញុំបានធ្វើរោគវិនិច្ឆ័យ និងព្យាបាលជំងឺបានត្រឹមត្រូវដោយផ្អែកលើភាសាអង់គ្លេស ហើយអ្នកជំងឺរបស់ខ្ញុំក៏ត្រូវបានព្យាបាលយ៉ាងយកចិត្តទុកដាក់ផងដែរ។
ដោយក្ដីគោរព ស្រឡាញ់ និងរាប់អាន អំពីខ្ញុំ
អ្នកឧកញ៉ា វេជ្ជបណ្ឌិត គួច ម៉េងលី
——————-
គ្លីនិកផ្ទាល់ខ្លួនរបស់ខ្ញុំ ស្ថិតនៅក្នុងអគារការិយាល័យរបស់ខ្ញុំ ផ្លូវ 402 ម៉ៅសេទុង រាជធានីភ្នំពេញ។
MJQ Education Group Headquarter (Quach Leng Hoa Tower) - at Aii MTT
បើកអ្នកមានចម្ងល់ផ្សេងៗ ឬ ត្រូវការណាត់ជួប សូមផ្ញើសារមកកាន់ខ្ញុំផ្ទាល់ (គួច ម៉េងលី) តាមរយៈតេលេក្រាម ឬតាមតំណភ្ជាប់ https://t.me/drmenglyjquach ។ ប្រសិនបើអ្នកមានគណនីតេលេក្រាមហើយ សូមវាយពាក្យ នៅលើតេលេក្រាម (Telegram) នោះអ្នកនឹងឃើញគណនីតេឡេក្រាម (Telegram) របស់ខ្ញុំហើយ។
បើអ្នកចង់បានការពិគ្រោះ និងព្យាបាលជំងឺ សូមទាក់ទងមកលោកគ្រូ សេន បញ្ញា ដែលជាជំនួយការការិយាល័យរបស់ខ្ញុំតាមរយៈ តេលេក្រាម ឬតាមតំណភ្ជាប់ https://t.me/PANHATOKO17 ឬតាមលេខទូរសព្ទ 092 777 852។
សូមអរគុណ
វេជ្ជបណ្ឌិត គួច ម៉េងលី
ចំណាំ៖ ខ្ញុំព្យាបាលអ្នកជំងឺតាមការណាត់តែប៉ុណ្ណោះ។
