ang narra

04/27/2025

Celebrating our 2nd year on Facebook. Thank you for your continuing support. We could never have made it without you. 🙏🤗🎉

04/25/2025

Mabunying pagbati sa mga mamamahayag ng Ang Narra sa pagkilalang iginawad sa inyo bilang Outstanding Butuanon Learners!

04/24/2025

04/15/2025

ANHS JUNIOR HIGH SCHOOL COMPLETION CEREMONY 2025.

04/12/2025

Walang tagumpay na nakukuha nang mag-isa. Bawat hakbang sa aming paglalakbay ay sinabayan ng mga kamay na umalalay, mga tinig na nagbigay-lakas, at mga pusong patuloy na naniwala sa aming kakayahan lalo na sa mga panahon ng pag-aalinlangan na sinubok ang aming katatagan.

Sa lahat ng nagdasal, nagdasal pa ulit, at patuloy na nanalangin, maraming maraming salamat. Ang inyong pagmamahal, tiwala, at gabay ang naging sandigan ng pahayagan upang magpatuloy.

Una sa lahat, itinataas at ibinabalik namin ang panalangin na ito sa Poong Maykapal na may likha ng lahat.

Isang espesyal na pasasalamat sa aming punongg**o Elmer M. Cataluna, katuwang na punongg**o Eleanor B. Masul, SPTA sa pangunguna ni Sir Marlon Awitan sa suportang pinansyal. Sa buong Accounting Team ng Sanhay Ma’am Poculan, Ma’am Bawiga at Mam Luyahan. Sa Supply office Team Sir Exekiel Alviso. Sa magulang ng mamamahayag. Sa ama ng kagawaran ng Filipino Angelito Agustin sa di matatawarang suporta at paniniwala sa paninindigan at lakas ng pahayagan, ‘Ika nga “TATAK ANG NARRA”. Maging sa mga g**o at mag-aaral. Kayo po ay naging bahagi ng aming inspirasyon upang magpatuloy sa kabila ng lahat.

Para sa SANHAY ang tagumpay na ito. Para ito sa bawat taong naniwala, umunawa, at hindi nagsawang sumuporta.

Mula sa kaibuturan ng aming puso, maraming maraming salamat po.

(Mensahe ng Tagapayo)

03/30/2025

Isang taos-pusong pagbati sa isa sa mga mamamahayag na may dedikasyon, integridad, at pusong handang maglingkod. Higit pa sa pagiging mahusay sa larangan, isa kang mapagkakatiwalaang Kuya—kalmado, maaasahan, at inspirasyon sa marami. Nawa’y patuloy kang pagpalain ng tagumpay, kalusugan, at kasiyahan.
Mahal ka namin ♥️♥️♥️

03/06/2025

𝐒𝐈𝐍𝐄 -ta𝐇𝐀𝐍an with your 𝐊𝐀𝐒𝐀𝐌𝐀! 🎬👫
Ngayong 𝙃𝙞𝙜𝙝 𝙎𝙘𝙝𝙤𝙤𝙡 𝙙𝙖𝙮𝙨, itodo na ang saya at sabay-sabay tayong manood para 𝗺𝗮𝗴-𝗲𝗻𝗷𝗼𝘆, 𝗺𝗮𝗴-𝗿𝗲𝗹𝗮𝘅, 𝗮𝘁 𝗺𝗮𝗴-𝗿𝗼𝗹𝗹𝗲𝗿-𝗰𝗼𝗮𝘀𝘁𝗲𝗿 𝗿𝗶𝗱𝗲 ng samut-saring pelikula na aming dala dito lamang sa tanggapan ng Ang Narra. 🍿🎞️

🔥𝙃𝙪𝙬𝙖𝙜 𝙢𝙖𝙜𝙥𝙖𝙝𝙪𝙡𝙞 𝙖𝙩 𝙞-𝙘𝙡𝙞𝙘𝙠 𝙣𝙖 𝙖𝙣𝙜 𝙡𝙞𝙣𝙠 sa ibaba para makakuha ng ticket. 𝐊𝐢𝐭𝐚𝐤𝐢𝐭𝐬 🎟️
🔗 https://forms.gle/ybcaW1xnHbssuqZs5
Registration Fee:
PHP 25/per person
PHP 45/per pair

03/06/2025

UNANG ARAW | 03-05-2025

𝐒𝐀𝐍𝐇𝐀𝐘, 𝟏𝟎𝟔 𝐓𝐚𝐨𝐧 𝐧𝐠 𝐇𝐮𝐬𝐚𝐲, 𝐏𝐚𝐠𝐤𝐚𝐤𝐚𝐢𝐬𝐚 𝐚𝐭 𝐓𝐚𝐠𝐮𝐦𝐩𝐚𝐲

Ni: Jullie Laurence Abucay

Matapos ang apat na taong pananabik, muling umapaw ang sigla at kasiyahan sa loob ng Agusan National High School (SANHAY) sa pagdiriwang ng Ika-106 na Foundation Day at Alma Mater Day.
Nagtipon-tipon ang mga mag-aaral, g**o, at alumni upang ipagbunyi ang mahigit isang siglo ng husay, katatagan, at pagkakaisa, na nagsisilbing gabay sa patuloy na misyon ng paaralan sa paghuhubog ng mga mag-aaral.

𝗜𝘀𝗮𝗻𝗴 𝗦𝗶𝗴𝗹𝗼 𝗻𝗴 𝗧𝗮𝗴𝘂𝗺𝗽𝗮𝘆

Binuksan ang selebrasyon sa isang Thanksgiving Mass sa Audio-Visual Room (AVR) Amphitheater, bilang pagpapasalamat sa patuloy na paglago at tagumpay.

Sinundan ito ng isang makasaysayang Wreath Laying Ceremony, isang pagpaparangal sa mga pundasyong nagpatibay sa paaralan sa loob ng 106 na taon. Pinangunahan ito ni Punongg**o IV Elmer M. Cataluña, kasama ang mga pinuno ng iba’t ibang kagawaran, at sinaksihan ng ANHS Senior Scouts at Rover Scouts.

“This ceremony is more than a simple celebration; it’s a bridge that connects our past, present, and future. We reaffirm our commitment to the power of education, the vision of our founders, and our promise to the next generations,” pahayag ni Katuwang na Punongg**o Eleanor A. Masul, na nagbigay-diin sa patuloy na dedikasyon ng SANHAY sa paghubog ng mahuhusay at responsableng mamamayan.

𝗢𝗽𝗶𝘀𝘆𝗮𝗹 𝗻𝗮 𝗣𝗮𝗴𝗯𝘂𝗯𝘂𝗸𝗮𝘀 𝗻𝗴 𝗛𝗶𝗴𝗵 𝗦𝗰𝗵𝗼𝗼𝗹 𝗗𝗮𝘆𝘀

Matapos ang makasaysayang seremonya, isang makulay na opening salvo ang nagsilbing hudyat ng opisyal na pagsisimula ng High School Days.
Nagpakitang-gilas ang ANHS Senior Scouts sa kanilang Fancy Drill Exhibition, isang patunay ng disiplina at koordinasyon ng organisasyon. Kasunod nito, ay ang masisiglang himig ng Drum and Lyre Corps, na nagdagdag-buhay sa unang araw na pagdiriwang. Mas lalong nag-alab ang diwa ng kasayahan sa mass demonstration performance ng mga piling mag-aaral, isang simbolo ng pagkakaisa at determinasyon ng SANHAY.
Sa panapos na mensahe, nagpaabot ng taos-pusong pasasalamat si G. Nasroden M. Ala, pinuno ng Science Department, sa suporta ng buong paaralan, lalo na sa ANHS Pearl, isa sa mga tampok na aktibidad ngayong taon.

Patunay ang pagdiriwang ng ika-106 na Foundation Day ng paaralan nang isang matatag na institusyon na patuloy na lumalaban, lumalago, at humuhubog ng hinaharap.

Kuhang Larawan: Jerwin Abregana at Nathalie Lagare

03/04/2025

𝐒𝐈𝐍𝐄 -ta𝐇𝐀𝐍an with your 𝐊𝐀𝐒𝐀𝐌𝐀! 🎬👫

Ngayong 𝙃𝙞𝙜𝙝 𝙎𝙘𝙝𝙤𝙤𝙡 𝙙𝙖𝙮𝙨, itodo na ang saya at sabay-sabay tayong manood para 𝗺𝗮𝗴-𝗲𝗻𝗷𝗼𝘆, 𝗺𝗮𝗴-𝗿𝗲𝗹𝗮𝘅, 𝗮𝘁 𝗺𝗮𝗴-𝗿𝗼𝗹𝗹𝗲𝗿-𝗰𝗼𝗮𝘀𝘁𝗲𝗿 𝗿𝗶𝗱𝗲 ng samut-saring pelikula na aming dala dito lamang sa tanggapan ng Ang Narra. 🍿🎞️

🔥𝙃𝙪𝙬𝙖𝙜 𝙢𝙖𝙜𝙥𝙖𝙝𝙪𝙡𝙞 𝙖𝙩 𝙞-𝙘𝙡𝙞𝙘𝙠 𝙣𝙖 𝙖𝙣𝙜 𝙡𝙞𝙣𝙠 sa ibaba para makakuha ng ticket. 𝐊𝐢𝐭𝐚𝐤𝐢𝐭𝐬 🎟️
🔗 https://forms.gle/ybcaW1xnHbssuqZs5

Registration Fee:
PHP 25/per person
PHP 45/per pair

02/19/2025

OPINYON

𝐁𝐨𝐁𝐎𝐓𝐀𝐍𝐓𝐄
ni: Gail Bendanillo

Hindi nakabase ang pagiging lider sa taas ng nakamit. Sa bawat “iboto n’yo siya mataas kredentials n’yan eh” na iniendorso ng mga estudyanteng hindi alam ang katuturan ng salitang "pamumuno" nakataya ang tunay na pagbabago.
Para sa karamihan, sukatan ang pagiging matalino ngunit aanhin naman ito kung lumalaki na ang ulo at wala ng respeto dahil masyadong mataas na ang tingin sa kanilang pagkatao at wala ng sinasanto.
Ang iba naman anyong panlabas ang unang pinapansin, hindi ang kakayahang mamuno. Ngunit, anong silbi kung magiging palamuti lamang sa gilid ang tinuturing na idolo. Wala sa salita kundi nasa gawa ang totoong kalidad ng isang pinuno. Hindi rin nakabatay ang pagiging lider kung paano ka tumulong sa harap ng kamera upang maipakita sa maraming tao.
Pasikatan at pabanguhan ang binabalandra sa social media ngunit tiklop sa totoong resbonsibilidad. Kung sa mga tungkuling inatas ay tumalikod at iniwan sa ere ang mga kasamahan sapat ng dahilan upang hindi piliin ng nakararami. Ito'y patalandaan ng isang taong walang paninindigan sa kanyang mga salita at pagpapakita ng pagiging makasarili.
Taon-taon walang pagbabago sa mga mukha ng mga tumatakbo at nananalo at kasabay nito ay mga proyektong basahan na paulit-ulit na lamang. Tila ba ginagawang laro na lamang ang halalan.
Tuwing may eleksyon dagsa ang promoter ng Jollibee bida ang saya pinapakita ang pagiging makatao, makabansa, makakalikasan, makadiyos at huwarang estudyante kuno na dating hindi naman nila ginagawa. Isa-isang nagpapakitang gilas na umanoy tupa sa harapan ng madla at kay amo ng mukha ngunit tagong naka-ngising lobo naman pala na nagtagumpay sa pang-uuto upang makakuha ng boto at maibulsa sa kanilang mga plano.
Kahit na sino walang tatakbo kung walang mapapakinabangan. Tatakbo ka ba talaga upang maglingkod at magsilbi sa mag-aaral at paaralan o tatakbo ka para sa papel na iyong ipapasa upang hiranging Outstanding Student of the Year at makatanggap ng pera’t medalya? Maganda at tinuturingang matalino ngunit kahit sariling sanaysay ginagamitan pa ng AI. Kaya maging mulat at isaalang-alang ang tunay na plataporma at integridad ng mga kandito.
Kung sa paaralan pa lamang at simpleng halalan makikitaan na ng kabaluktutan ano pa kaya kung sasabak na sa totoong politika? Bilang estudyante, habang maaga pa itama ang pagpili na hindi sa kadahilanan na maganda o gwapo siya ay mabuting lider na dahil hindi naman ito beauty pageant o modelling. Hindi rin ito sa kung sino ang pinakamatalino dahil hindi naman ito paligsahan sa Quiz Bee. Ito ay nakabatay sa pinunong may puso sa paglilingkod sa harap at likuran ng mga mag-aaral may nakakita man o wala.
Huwag magbulag-bulagan sa pagpili ng tagapamahala. Huwag pabibihag sa matatamis na dila ng mga kandidato at mga pangakong naglalaho pagkatapos maluklok sa puwesto. Ilagay sa kokote na huwag magpalinlang sa mga nagbabalat-kayo. Panahon na upang ibunyag at ilantad ang huwad na nasa likod ng maskara at makita ng madla ang totoong kaanyuan at hindi puro kabulastugan.
Ngayong halalan huwag sayangin ang boto, ilagay sa puso’t isipan ang kahalagahan sa pagtakda ng tunay na mamumuno na may hangarin ng serbisyong totoo at hindi puro litrato. Kung ang mithiin natin ay ang maalwan na paaralan nakasalalay sa ating mga kamay ang desisyon kung sino ang itatalaga sa posisyon. Bawat boto ay importante kaya huwag maging bobong botante.

𝐃𝐄𝐁𝐔𝐇𝐈𝐒𝐓𝐀 : Joshua Y. Padilla

02/17/2025

Maligayang kaarawan!

Sa iyong espesyal na araw, ipinahahatid namin ang taong pusong pasasalamat sa iyong dedikasyon, pamumuno, at pagmamahal sa ating pahayagang pangkampus. Nagsisilbing inspirasyon hindi lamang sa iyong mga kapwa manunulat kundi pati na rin sa amin, iyong mga tagapayo ang iyong pagsusumikap at pagpupunyagi.

Nawa’y magdala ang taong ito ng maraming bagong oportunidad, pag-unlad, at tagumpay na tunay at nararapat. Ipagpatuloy mo ang paggamit ng iyong tinig upang maghatid ng mahahalagang kuwento at positibong pagbabago.