ინფორმერი ∫ Informer, Kyiv (2024)

19/02/2022

👉 ვოლოდიმერ ზელენსკი მიუნხენის უსაფრთხოების კონფერენციაზე იმყოფება, სადაც ძალიან საინტერესო და პირდაპირი განცხადებები გააკეთა:

🟢 ,,უკრაინა თავს დაიცავს ნებისმიერ შემთცვევაში დახმარებით თუ დახმარების გარეშე, მიუხედავად იმისა, მოკავშირეები მისცემენ ჩაფხუტებს თუ იარაღს".

„ევროპაში უსაფრთხოების არქიტექტურა დარღვეულია. ახლის დროა“

"ეს არ არის ომი უკრაინაში, ეს არის ომი ევროპაში".

ნატოს შესახებ: „გვითხრეს, რომ კარი ღიაა, მაგრამ არ გვაძლევენ შესვლის უფლებას". ,, წლების განმავლობაში გვერდს უვლიდნენ კითხვას, დროა პასუხი გასცეს, შეიძლება თუ არა უკრაინის მიღება ნატოში"

ზელენსკიმ ისაუბრა ესკალაციასა და მასობრივ დაბომბვებზე ბოლო დღეებში ,, ეს მე თვითონ ვნახე გუშინ მარიინკას ფრონტზე".

,, ჩვენ მზად ვართ ვეძიოთ ომის დასრულების გასაღები მოლაპარაკებების ნებისმიერ ფორმატში. არ აქვს მნიშვნელობა, სად მსოფლიოში შევთანხმდებით მშვიდობაზე, რათა დასრულდეს ომი უკრაინაში. მნიშვნელოვანია იმის გაგება, რომ მხოლოდ ჩვენ არ გვჭირდება მშვიდობა, მსოფლიოს სჭირდება მშვიდობა".

ზელენსკის კითხეს თუ რატომ გაემგზავრა იგი პირადად მიუნხენში, იმის გათვალისწინებით, რომ მის ქვეყანას ემუქრება რუსეთი. რად როსაც მან უპასუხა, რომ ბევრი შეხვედრა გამართა უცხოელ ლიდერებთან და ასევე მისი თქმით უკრაინა არ არის პანიკაში.

ზელენსკიმ აგრეთვე ისაუბრა ამერიკული დაზვევრის აგრესიულ ინფორმაციაზე, რამაც დესტაბილიზაცია გამოწვია უკრაინის შინ და გარეთ, რა დროსაც მან ახსენა, რომ "დაზვერვა, რომელსაც ენდობა, მხოლოდ მისი (უკრაინის) დაზვერვაა"

ზელენსკი შეეხო სანქციებსაც:
,,თქვენ გვეუბნებით, რომ სანქციები არ დაწესდება მანამ, სანამ ომი არ დაიწყება და თქვენ ამბობთ, რომ ომი რამდენიმე დღეში დაიწყება... მაშ, რას ელოდებით?

და ბოლოს ყველაზე საინტერესო, ზელენსკი ითხოვს ბუდაპეშტის მემორანდუმის მონაწილე ქვეყნების (რუსეთი, აშშ,ბრიტანეთი,საფრანგეთი) სამიტის მოწვევას, რომელიც ითვალისწინებდა უკრაინის სუვერენიტეტის დაცვის სანაცვლოდ უკრაინის მიერ უარის თქმას ბირთვულ იარაღზე. თუ სამიტი არ შედგა, კიევმა შესაძლოა ის ბათილად აღიაროს.

18/02/2022

👉 ნიკოლოზ ბასილაშვილი დოჰას ტურნირის ფინალშია

🤾‍♂ დოჰაში მიმდინარე ATP სერიის 250-ქულიან ტურნირზე ნიკოლოზ ბასილაშვილმა (22-ე ჩოგანი) ნახევარფინალში მსოფლიო რეიტინგის 61-ე ნომერი, 26 წლის ფრანგი არტურ რინდერკნეხი მარტივად, ორ სეტში 6:4, 6:2 დაამარცხა და ფინალში რობერტო ბაუტისტა-აგუტსა (16) და კარენ ხაჩანოვს (27) შორის გამარჯვებულს შეხვდება.

ნიკოლოზი Qatar ExxonMobil Open-ის შარშანდელი ჩემპიონია და ქართველი ჩოგბურთელი ტიტულისა და 250 სარეიტინგო ქულის შენარჩუნებასთან ძალიან ახლოსაა.

ბასილაშვილი შეჯიბრებაზე მე-3 ნომრადაა განთესილი, პირველი კი კანადელი დენის შაპოვალოვი იყო, რომელიც ტურნირს მეოთხედფინალში გამოეთიშა. შეგახსენებთ, რომ ქართველმა ტურნირზე მერვედფინალში შვედი ელიას იმერი დაამარცხა, ხოლო მეოთხედფინალურ დაპირისპირებაში უნგრელ მარტან ფუჩოვიჩს სძლია.

აღსანიშნავია, რომ ნიკოლოზს ოქტომბრის შემდეგ ერთეულებში თამაში არ ჰქონდა მოგებული. საქართველოს პირველი ჩოგანი დოჰას ტურნირში ასევე წყვილთა თანრიგშიც ასპარეზობდა, სადაც ქართველი ესპანელ ალეხანდრო დავიდოვიჩ ფოკინასთან ერთად მეოთხედფინალში დამარცხდა.

18/02/2022

👉 დმიტრო კულება - ყოველთვის მაწუხებდა კითხვა, რატომ ვითხოვთ მუდმივად სადმე მიღებას, თუ თავად შეგვიძლია რაღაცის შექმნა, ამიტომ დავიწყე მცირე ალიანსების სტრატეგიის განხორციელება

🔴 ყოველთვის მაწუხებდა კითხვა, რატომ ვითხოვთ მუდმივად სადმე მიღებას, თუ თავად შეგვიძლია რაღაცის შექმნა და მართვა. სწორედ ამიტომ, როდესაც გავხდი მინისტრი, დავიწყე მცირე ალიანსების სტრატეგიის იმპლემენტაცია, – ასე გამოეხმაურა უკრაინის საგარეო საქმეთა მინისტრი დმიტრო კულება დიდი ბრიტანეთის, პოლონეთისა და უკრაინის ალიანსის დაფუძნებას.

მისივე თქმით, სხვა საქმეა ნატო-სა და ევროკავშირში გაწევრიანება.

„მჯერა, რომ ლონდონი-ვარშავა-კიევის ალიანსი განამტკიცებს შავი და ბალტიის ზღვების უსაფრთხოებას და შექმნის ახალ გეოპოლიტიკურ რეალობას ევროპის ჩვენს ნაწილში“, – წერს კულება სოციალურ ქსელში.

უკრაინის საგარეო საქმეთა მინისტრის ფეისბუქგვერდზე განთავსებულია ფოტო, სადაც აღნიშნულია უკრაინის მცირე ალიანსები. მათ შორის არის „ლუბლინის სამკუთხედი“, ასევე „ასოცირებული ტრიო“, რომელშიც საქართველო და მოლდოვაც შედიან და თურქეთთან „ოთხეულის“ თანამშრომლობის ფორმატი.

„მცირე ალიანსების სისტემას შეუძლია, გადაჭრას გადაუდებელი პრობლემები დღეს, განამტკიცოს თავდაცვითი შესაძლებლობები და აამოქმედოს სასარგებლო ეკონომიკური პროექტები, განავითაროს სატრანსპორტო პროექტები და გააძლიეროს ენერგოუსაფრთხოება“, – წერს კულება.

დიდი ბრიტანეთის პოლონეთისა და უკრაინის ალიანსის დაფუძნების შესახებ გუშინ, 17 თებერვალს კიევში დიდი ბრიტანეთის საგარეო საქმეთა მინისტრის ვიზიტის დროს გახდა ცნობილი.

17/02/2022

🖍 მამუკა მდინარაძე ბადრი ჯაფარიძისთვის მანდატის გაუქმებაზე: ამბობენ პოლიტიკური გადაწყვეტილება მიიღესო, აბა რა გადაწვეტილებას მივიღებდით, ეკონომიკურს?

🛑 ამბობენ [ოპოზიცია] პოლიტკური გადაწყვეტილება მიიღესო, აბა რა გადაწვეტილებას მივიღებდით, ეკონომიკურს? პარლამენტმა როგორი გადაწყვეტილება უნდა მიეღოს?!, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ ბადრი ჯაფარიძისთვის საპარლამენტო უფლებამოსილების შეწყვეტის შესახებ საუბრისას გადაცემაში „იმედი LIVE“ განაცხადა.

„კონსტიტუციაში წერია რაღაც, რაც სამართლებრივი საფუძველია კონკრეტული ადამიანის მიმართ უფლებამოსილების შეწყვეტაზე რომ ისაუბროს და ეს თემა პარლამენტმა განიხილოს. დღეს, ბადრი ჯაფარიძესთან მიმართებაში ატრიალეს სიტყვები - „ნასამართლევი ხომ არ არის“, „ცნობასაც არ მისცემენ“ -ო, ეს ყველაფერი ცალკე აღებული მართალია. ნასამართლევად არ ითვლება პირი, რომელსაც ხანდაზმულობის გამო ასეთი პრეცედენტი დაუდგა, რომელიც დამნაშავედ ცნეს, მაგრამ კონსტიტუციაში ამ დროს მათთვის საუბედუროდ, ახლა წერია - თუ მის მიმართ გამოტანილია კანონიერ ძალაში შესული გამამტყუნებელი განაჩენი, ის არის დამნაშავედ ცნობილი“, - განაცხადა მამუკა მდინარაძემ.

პარლამენტის ოთხ წევრს, მათ შორის ბადრი ჯაფარიძეს სადეპუტატო უფლებამოსილება 16 თებერვალს შეუწყდათ, რის შემდეგაც, რამდენიმე საათში, „ლელოში“ განაცხადეს, რომ პარტია ჯაფარიძეს შუალედურ არჩევნებზე რუსთავის მაჟორიტარად წარადგენს.

17/02/2022

🖌 ნიკოლოზ ბასილაშვილმა დოჰაში ფუჩოვიჩი დაამარცხა და ნახევარფინალში ითამაშებს

🤾‍♂ დოჰაში მიმდინარე ATP სერიის 250-ქულიან ტურნირზე დღეს ნიკოლოზ ბასილაშვილმა მეოთხედფინალურ შეხვედრაში რეიტინგის 36-ე ნომერი, 30 წლის უნგრელი მარტან ფუჩოვიჩი სამ სეტში 1:6 6:2 7:5 დაამარცხა და ტიტულის დასაცავად კიდევ ერთი ნაბიჯი გადადგა.

შეგახსენებთ,რომ ნიკოლოზი Qatar ExxonMobil Open-ის შარშანდელი ჩემპიონია და ქართველი ჩოგბურთელი ტიტულისა და 250 სარეიტინგო ქულის შენარჩუნებას ცდილობს.

დოჰას ტურნირის ნახევარფინალში ბასილაშვილი ფრანგ არტურ რინდერკნეხს (61-ე ჩოგანი) დაუპირისპირდება, რომელმაც ყველასთვის მოულოდნელად ტურნირზე პირველი ნომერი კანადელი დენის შაპოვალოვი დაამარცხა.

ბასილაშვილი შეჯიბრებაზე მე-3 ნომრადაა განთესილი. შეგახსენებთ, რომ გუშინ ტურნირის პირველ შეხვედრაში ბასილაშვილმა შვედი ელიას იმერი ორ სეტში 6:4, 7:5 დაამარცხა.

აღსანიშნავია, რომ ნიკოლოზს ოქტომბრის შემდეგ ერთეულებში თამაში არ ჰქონდა მოგებული. საქართველოს პირველი ჩოგანი დოჰას ტურნირში ასევე წყვილთა თანრიგშიც ასპარეზობდა, სადაც ქართველი ესპანელ ალეხანდრო დავიდოვიჩ ფოკინასთან ერთად მეოთხედფინალში დამარცხდა.

17/02/2022

👉 დიდმა ბრიტანეთმა, უკრაინამ და პოლონეთმა სამმხრივი ალიანსი დააფუძნეს

🔴 დიდმა ბრიტანეთმა, უკრაინამ და პოლონეთმა სამმხრივი ალიანსი დააფუძნეს. ამის შესახებ უკრაინის საგარეო საქმეთა მინისტრმა, დმიტრო კულებამ დიდი ბრიტანეთის საგარეო საქმეთა მინისტრთან ერთად გამართულ პრესკონფერენციაზე განაცხადა.

„დიდი ბრიტანეთი და პოლონეთი უკრაინელი ხალხის მხარდამხარ დგანან, ჩვენი ქვეყნის სუვერენიტეტისა და ტერიტორიული მთლიანობის დაცვაში. პოლონეთი და დიდი ბრიტანეთი გვეხმარებიან სამშობლოს დაცვაში. ასევე, ჩვენ გავაერთიანებთ ძალისხმევას სამმხრივ ფორმატში ეკონომიკის, ვაჭრობის, ენერგეტიკისა და დეზინფორმაციასთან ბრძოლის სფეროებში. ყირიმის საკითხზე ჩვენ ვითანამშრომლებთ ყირიმის პლატფორმის ფარგლებში“, – განაცხადა უკრაინის საგარეო საქმეთა მინისტრმა.

კულებას თქმით, სამი ქვეყანა იმუშავებს, რათა ახალი ფორმატი მაქსიმალურად შედეგიანი იყოს.

„ჩვენი თანამშრომლობით წვლილს შევიტანთ ევროპაში მშვიდობისა და უსაფრთხოების დაცვაში“, – განაცხადა კულებამ.

17/02/2022

👉 რუსეთის საგარეო საქმეთა სამინისტრო უსაფრთხოების გარანტიებთან დაკავშირებით აშშ-სთვის გაგზავნილ წერილს ასაჯაროებს

🔴 ვაშინგტონი არ არის მზად, უარი თქვას დესტაბილიზაციურ კურსზე, რომელიც მიმართულია აშშ-სა და მისი მოკავშირეებისთვის უპირატესი მდგომარეობის შექმნისკენ, რაც რუსეთის უსაფრთხოების ინტერესების ხარჯზე ხდება, – ამის შესახებ ნათქვამია რუსეთის მიერ ვაშინგტონში გაგზავნილ წერილში, რომელიც რუსეთის საგარეო უწყებამ გაასაჯაროვა.

„ვაშინგტონმა არ უარყო კონტრპროდუქტიული და დესტაბილიზაციური კურსი, რომელიც ითვალისწინებს აშშ-ისა და მისი მოკავშირეებისთვის უპირატესი მდგომარეობის შექმნას რუსეთის უსაფრთხოების ინტერესების ხარჯზე. სწორედ ეს ეხება ჩრდილოატლანტიკური ალიანსის მიერ პოსტსაბჭოთა სივრცის, მათ შორის უკრაინის ტერიტორიის, გეოსტრატეგიული და სამხედრო ათვისების შეუჩერებელი და არაფრით შეზღუდული კურსის რეალიზაციას და ამაში აშშ წამყვან როლს თამაშობს. ეს რუსეთისთვის განსაკუთრებით მგრძნობიარე ხასიათს ატარებს. ეს ყველაფრი ხდება უშუალოდ რუსეთის საზღვრებთან“, – ნათქვამია დოკუმენტში, რასთან დაკავშირებითაც ინფორმაციას მედია ავრცელებს.

ამასთან, რუსული მედიის ცნობით, ოფიციალურმა მოსკოვმა უსაფრთხოების გარანტიების თაობაზე საპასუხო წერილი რუსეთში შეერთებული შტატების ელჩს ჯონ სალივანს გადასცა.

„ვაცხადებთ, რომ უსაფრთხობის გარანტიების შესახებ რუსული მხარის მიერ მომზადებული ხელშეკრულების პროექტის ძირითად ელემენტებზე ამერიკულმა მხარემ კონსტრუქციული პასუხი არ გასცა“, – ნათქვამია რუსეთის საგარეო საქმეთა სამინისტროს ინფორმაციაში.

რუსული მედიის ინფორმაციით, ქვეყნის საგარეო უწყებაში განმარტავენ, რომ საუბარი ეხება ნატო-ს შემდგომ გაფართოებაზე უარის თქმას, „ბუქარესტის ფორმულის“ გაუქმებას, რომლის მიხედვით „უკრაინა და საქართველო ნატო-ს წევრები გახდებიან“, ასევე, იმ სახელმწიფოების ტერიტორიებზე სამხედრო ბაზების შექმნაზე უარის თქმას, რომლებიც მანამდე საბჭოთა კავშირის შემადგენლობაში შედიოდნენ და ალიანსის წევრებს არ წარმოადგენენ, მათ შორის უარის თქმას სამხედრო აქტივობის განსახორციელებლად ამ ქვეყნების ინფრასტრუქტურისა და შეიარაღებული შესაძლებლობების გამოყენებაზე.

აგრეთვე, წერილში საუბარია, რომ ნატო-ს ინფრასტრუქტურა უნდა დაუბრუნდეს 1997 წლის მდგომარეობას.

„ამერიკული მხარის მხრიდან მზადყოფნის არარსებობას, მოხდეს შეთანხმება მტკიცე, იურიდიულად სავალდებულო გარანტიებზე, რათა უზრუნველყოფილი იქნას ჩვენი უსაფრთხოება შეერთებული შტატებისა და მისი მოკავშირეების მხრიდან, რუსეთი იძულებული იქნება, უპასუხოს, მათ შორის სამხედრო-ტექნიკური ხასიათის ღონისძიებების განხორციელებით“, – ნათქვამია რუსეთის საგარეო უწყების ინფორმაციაში.

რუსული მედიის ცნობებით, დოკუმენტში აგრეთვე აღნიშნულია, რომ უკრაინაში „არანაირი შეჭრა“ არ არის და არ იგეგმება.

„ბრალდებები „ესკალაციაზე რუსეთის პასუხისმგებლობის თაობაზე“ შეიძლება, ჩაითვალოს მხოლოდ ზეწოლის და უსაფრთხოების გარანტიების შესახებ რუსეთის მიერ წარმოდგენილი წინადადებების გაუფასურების მცდელობად“, – ნათქვამია რუსეთის საგარეო საქმეთა სამინისტროს ინფორმაციაში.

შეგახსენებთ, რომ რუსეთმა უკრაინის საზღვრებთან სამხედროების მობილიზაციის ფონზე, დასავლეთისგან უსაფრთხოების გარანტიების უზრუნველყოფის მიზნით დიალოგი მოითხოვა.

ასეთ გარანტიებს შორის მოსკოვმა დაასახელა იურიდიული ვალდებულება, რომ ნატო აღმოსავლეთით არ გაფართოვდება. ამ პირობის შესრულებაზე დასავლეთმა უარი თქვა და საპასუხო მოთხოვნები გაუგზავნა მოსკოვს. აშშ-მა რუსეთისთვის სხვა მოთხოვნებთან ერთად, საქართველოდან რუსეთის ჯარის გაყვანაც დაასახელა.

17/02/2022

👉 დიდი ბრიტანეთის საგარეო საქმეთა მინისტრი - კიევში დიდი ბრიტანეთის მტკიცე მხარდაჭერის საჩვენებლად ვიმყოფები

🟣 კიევში ვიმყოფები დიდი ბრიტანეთის მტკიცე მხარდაჭერის საჩვენებლად, – ამის შესახებ დიდი ბრიტანეთის საგარეო საქმეთა მინისტრმა, ლიზ ტრასმა უკრაინის დედაქალაქში ვიზიტის დროს განაცხადა.

„ჩემზე საოცარი შთაბეჭდილება მოახდინა, რომ მიუხედავად რუსეთის აგრესიისა უკრაინის წინააღმდეგ, კიევში ცხოვრება ჩვეულ რიტმში გრძელდება. შთაბეჭდილების ქვეშ ვარ უკრაინელი ხალხისა და მთავრობის თავშეკავებით. დიდი ბრიტანეთი თქვენ გვერდით დგას უკრაინის უფლების დაცვაში, რათა თავად განსაზღვროთ თქვენი ქვეყნის მომავალი“, – განაცხადა ლიზ ტრასმა.

მისივე თქმით, დიდმა ბრიტანეთმა მნიშვნელოვანი სამხედრო და ფინანსური დახმარება გაუწია უკრაინას.

ტრასის განცხადებით, ლონდონი აპირებს 100 მილიონ გირვანქა სტერლინგამდე გაზარდოს უკრაინის ფინანსური დახმარება, რომელიც მიმართული იქნება ქვეყნის დემოკრატიისა და ენერგოდამოუკიდებლობის განმტკიცებისთვის.

თავის გამოსვლაში ლიზ ტრასმა ასევე აღნიშნა, რომ მოხარულია უკრაინასთან და პოლონეთთან ახალი სამმხრივი თანამშრომლობის ფორმატის დაფუძნებით.

„ჩვენ გავაძლიერებთ თანამშრომლობას თავდაცვისა და უსაფრთხოების სფეროში, სანქციების შემუშავების კუთხით, ენერგოუსაფრთხოებასა და დეზინფორმაციასთან ბრძოლაში. ეს აჩვენებს, რომ დიდი ბრიტანეთი მზადაა, მხარში დაუდგეს მოკავშირეებს აღმოსავლეთ და ცენტრალურ ევროპაში“, – განაცხადა ლიზ ტრასმა.

მან რუსეთს ვითარების განმუხტვისკენ მოუწოდა.

„მიუხედავად რუსეთის მტკიცებისა, მათი სამხედროების მობილიზაცია არ შენელებულა. არ არსებობს მტკიცებულება, რომ მათი ჯარი გადის. ჩვენ გვჭირდება, რუსეთმა უფსკრულის კიდიდან უკან დაიხიოს. მათ უნდა აირჩიონ დიპლომატიის გზა. მე სერგეი ლავროვს პირადად ვუთხარი, რომ რუსეთმა უნდა სცეს პატივი უკრაინის სუვერენიტეტს და ჩაებას გონივრულ მოლაპარაკებებში. ისინი თუ ამ გზას არ აირჩევენ, მე ლავროვს გავაცანი ის საფასური, რომლის გადახდაც რუსეთს მოუწევს. ჩვენ მზად ვართ მოკავშირეებთან ერთად მძიმე საფასურის დასაწესებლად. ჩვენ შევთანხმდით უპრეცედენტო სანქციების პაკეტზე. აშშ მკაფიოდ აცხადებს, რომ „ჩრდილოეთის ნაკადი-2“ არ ამუშავდება“, – განაცხადა დიდი ბრიტანეთის საგარეო საქმეთა მინისტრმა.

17/02/2022

👉 თეა ახვლედიანმა საქართველოში გაერთიანებული სამეფოს ელჩთან, მარკ კლეინტონთან შეხვედრა გამართა

🔴 შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა თეა ახვლედიანმა საქართველოში გაერთიანებული სამეფოს ელჩთან, მარკ კლეინტონთან შეხვედრა გამართა.

სახელმწიფო მინისტრის აპარატის ინფორმაციით, ახვლედიანმა ელჩს მადლობა გადაუხადა საერთაშორისოდ აღიარებულ საზღვრებში საქართველოს სუვერენიტეტისა და ტერიტორიული მთლიანობის მიმართ ურყევი პოზიციის, ასევე საქართველოს სამშვიდობო პოლიტიკისა და ნდობის აღდგენის ინიციატივების მტკიცე მხარდაჭერის გამო.

„შეხვედრაზე მხარეებმა საქართველოს ოკუპირებულ რეგიონებში უსაფრთხოების, ჰუმანიტარული და ადამიანის უფლებათა კუთხით არსებულ მძიმე ვითარებაზე, ასევე საქართველოს მთავრობის შერიგებისა და ჩართულობის პოლიტიკის განხორციელების მიმდინარეობასა და სამომავლო ხედვებზე იმსჯელეს. თეა ახვლედიანმა უცხოელ დიპლომატს გააცნო ოკუპირებული ტერიტორიების მიმართ 2010 წლის სახელმწიფო სტრატეგიისა და თანმდევი სამოქმედო გეგმის სტრატეგიული გადახედვის პროცესი, რომელიც ფართო საზოგადოებრივი და საერთაშორისო ჩართულობით მიმდინარეობს.

თავის მხრივ, გაერთიანებული სამეფოს ელჩმა დადებითად შეაფასა საქართველოს მთავრობის ძალისხმევა; მან შერიგებისა და ჩართულობის პოლიტიკის განხორციელების მიმართულებით სახელმწიფო მინისტრს მხარდაჭერა აღუთქვა და სტრატეგიული გადახედვის პროცესში საელჩოს აქტიური მონაწილეობისთვის მზადყოფნა გამოხატა.

მხარეები ამ და სხვა შესაბამისს საკითხებზე მჭიდრო თანამშრომლობის გაგრძელებაზე შეთანხმდნენ“,- აღნიშნულია სახელმწიფო მინისტრის აპარატის ინფორმაციაში.

17/02/2022

👉 დევნილთა სააგენტო - ვეტერან დევნილთა განსახლების საკითხზე კომისიამ მუშაობა დაიწყო

🟣 დევნილთა საკითხების შემსწავლელმა კომისიამ დევნილ ვეტერანთა ოჯახების განსახლების მიზნით მუშაობა დაიწყო. ამის შესახებ ინფორმაციას დევნილთა, ეკომიგრანტთა და საარსებო წყაროებით უზრუნველყოფის სააგენტო ავრცელებს.

„ამ ეტაპზე, კომისია თბილისში რეგისტრირებული ვეტერანი დევნილების საცხოვრებლით უზრუნველყოფის საკითხს განიხილავს. ოჯახების სია, რომლებსაც დევნილთა სააგენტო სათანადო საცხოვრებლით უზრუნველყოფს ორი კვირის ვადაში გამოქვეყნდება. ქვეყნის წინაშე განსაკუთრებული დამსახურების გათვალისწინებით, სააგენტო დევნილი ვეტერანებისთვის ღირსეული საცხოვრებელი პირობების შექმნის მიზნით სპეციალურ პროექტს ახორციელებს“,- აღნიშნულია სააგენტოს ინფორმაციაში.

17/02/2022

👉 უკრაინული მედიის ცნობით, ლუგანსკის რეგიონში საოკუპაციო ძალების მიერ დასახლებული პუნქტის დაბომბვის შედეგად საბავშვო ბაღი დაზიანდა, არიან დაშავებულები

🔴 რუსეთის საოკუპაციო ძალების მიერ ლუგანსკის რეგიონში დასახლებული პუნქტის დაბომბვის შედეგად საბავშვო ბაღი დაზიანდა, არიან დაშავებულები. აღნიშნულის შესახებ ინფორმაციას უკრაინის გაერთიანებული ძალების ოპერაციის პრესცენტრი ავრცელებს.

„რუსეთის ოკუპაციურმა ძალებმა განსაკუთრებული ცინიზმით სროლები განახორციელეს ლუგანსკის ოლქის დასახლებულ პუნქტში, „სტანიცა ლუგანსკაიაში“. ტერორისტების მხრიდან მძიმე საარტილერიო იარაღის გამოყენების შედეგად ჭურვები მოხვდა საბავშვო ბაღის შენობას. წინასწარი მონაცემებით, ორი მოქალაქე დაშავდა“, – ნათქვამია პრესცენტრის განცხადებაში.

ამასთან, პრესცენტრის ინფორმაციით, დაბომბვის შედეგად დაზიანებულია კომუნალური ინფრასტრუქტურა, კერძოდ დასახლებული პუნქტის ნახევარი ელექტროენერგიის გარეშე დარჩა.

პრესცენტრის განცხადებით, გაერთიანებული ძალების ოპერაციის სამხედროებმა ოპერატიულად მოახდინეს დასახლებულ პუნქტში მცხოვრებთა ევაკუაცია.

17/02/2022

👉 „დინამოს“ კაპიტანი - ბოლო მატჩებში ჩამოყალიბებული გუნდის შთაბეჭდილება დავტოვეთ

🟣 „დინამო თბილისის“ კაპიტანმა გიორგი პაპავამ თურქულ შეკრებაზე ტაშკენტის „ფახთაქორთან“ (3:0) მოგებასა და განვლილ შეკრებაზე კომენტარი გააკეთა. თბილისელთა კაპიტნის თქმით, გუნდს ბოლო თამაშებში შეთამაშება დაეტყო.

„კარგია გუნდია „ფახთაქორი“, ზედიზედ სამი წელია უზბეკეთის ჩემპიონი ხდება. მაგრამ ჩვენ ბევრად მეტი მომენტი შევქმენით. მეორე ტაიმში მომენტები უზბეკებმაც შექმნეს, მაგრამ გაგვიმართლა, რადგან ჩვენმა მეკარემ კარგად ითამაშა. მთლიანობაში, ვაჯობეთ, რადგან ვიცოდით, როგორ უნდა გვეთამაშა და მწვრთნელის დასახული გეგმები შევასრულეთ.

ბევრი ახალგაზრდა ფეხბურთელი გვყავს, რაც სასიამოვნოა. მათ დიდი პოტენციალი გააჩნიათ და დარწმუნებული ვარ, ჩემპიონატის მსვლელობისას კიდევ უფრო მოუმატებენ. რაც შეეხება ლეგიონერებს, რა თქმა უნდა, ჯერ მათ თავი ბოლომდე არ გამოუვლენიათ. მაგრამ მათაც უფრო მეტი პოტენციალი აქვთ.

ვიმედოვნებთ, რომ მოვუმატებთ როგორც გუნდი, ასევე ინდივიდუალურად – ფეხბურთელები. მიმაჩნია, რომ „დინამოში“ კარგი კოლექტივი შეიკრიბა. მიუხედავად იმისა, რომ ბევრი ახალი ფეხბურთელია, ეს თამაშებში არ დაგვეტყო – განსაკუთრებით ბოლო მატჩებში. მიმაჩნია, რომ ბოლო სპარინგებში შეთამაშებული და ჩამოყალიბებული გუნდის შთაბეჭდილება დავტოვეთ.“

17/02/2022

🎥 ეთერ ლიპარტელიანი თელ-ავივის გრანდ სლემის მეოთხედფინალშია

🥋 ისრაელის დედაქალაქ თელ-ავივში დღეს ძიუდოში გრანდ სლემმა აიღო სტარტი, სადაც საქართველოს ნაკრები 15 სპორტსმენით არის წარმოდგენილი. ტურნირზე მხოლოდ 34 ქვეყნის 298 ძიუდოისტი იასპარეზებს, რაც მსოფლიოში კორონავირუსის პანდემიითაა გამოწვეული.

თელ-ავივის გრანდ სლემზე პირველ საშეჯიბრო დღეს საქართველოს ნაკრები ხუთი სპორტსმენით გამოვიდა, რომელთაგანაც მეოთხედფინალში მხოლოდ ეთერ ლიპარტელიანი (57კგ) იჭიდავებს. ოთხი მათგანი კი თემურ ნოზაძე (60კგ), ირაკლი კუპატაძე (60კგ), ლაშა ნადირაძე (66კგ) და მარიამ ჯანაშვილი (52კგ) ტურნირს პირველივე შეხვედრებში გამოეთიშნენ.

57 კგ წონით კატეგორიაში ეთერ ლიპარტელიანმა ტურნირის მერვედფინალში იტალიელ მირიამ ბოის სძლია და მეოთხედფინალში ბრაზილიელ ტაიანე ლემოსს შეხვდება.

17/02/2022

👉 შვეიცარია „კოვიდ-19“-თან დაკავშირებული შეზღუდვების უმრავლესობას რამდენიმე დღეში, გერმანია და ავსტრია კი მარტში გააუქმებენ

🟢 შვეიცარია კორონავირუსთან დაკავშირებული შეზღუდვების უმეტესობას რამდენიმე დღეში, გერმანია და ავსტრია კი მარტში გააუქმებენ.

გერმანიის მთავრობის ინფორმაციით, შეზღუდვების უმრავლესობა 20 მარტამდე მოიხსნება. გერმანიის კანცლერი ოლაფ შოლცი და ფედერალური მიწების ხელმძღვანელები შეზღუდვების მოხსნის სამსაფეხურიან გეგმაზე შეთანხმდნენ.

პირველ ეტაპზე მაღაზიების ნაწილში შესვლისას აცრის ან გამოჯანმრთელების დამადასტურებელი დოკუმენტის წარდგენა საჭირო აღარ იქნება, ასევე მოიხსნება შეზღუდვები აცრილი ადამიანების შეკრებებზე.

გერმანიაში 4 მარტიდან რესტორნებში და ბარებში შესვლისას მხოლოდ უარყოფითი ტესტის პასუხი იქნება საკმარისი და მოქალაქეებს აცრის ან გამოჯანმრთელების ცნობას აღარ მოსთხოვენ. ავსტრიაში შეზღუდვების უმრავლესობა 5 მარტიდან გაუქმდება.

17/02/2022

👉 ირაკლი შოთაძე - ჩვენი სისხლის სამართლის პოლიტიკა სრულად მორგებულია დაზარალებულების საუკეთესო ინტერესებზე, არც ერთი საქმე არ მთავრდება მათი ინფორმირების გარეშე

🔴 საქართველოს გენერალური პროკურორის ირაკლი შოთაძის განცხადებით, პროკურატურის ერთ-ერთი მთავარი პრიორიტეტი და მიზანი დაზარალებულების კმაყოფილების ზრდაა.

მისივე თქმით, გენერალური პროკურატურის სისხლის სამართლის პოლიტიკა სრულად მორგებულია დაზარალებულების საუკეთესო ინტერესებზე და არც ერთი სისხლის სამართლის საქმე არ მთავრდება დაზარალებულების ინფორმირების, მათთან კონსულტაციის გარეშე.

„ამ მიმართულებით ჩენ ვაგრძელებთ მუშაობას, რიგი გამოწვევების დასაძლევად საჭირო კონკრეტული მიზნები და გეგმები გაწერილია პროკურატურის ახალ 6-წლიან სტრატეგიაში“, – განაცხადა ირაკლი შოთაძემ საპროკურორო საბჭოსთვის საქართველოს პროკურატურის 2021 წლის საქმიანობის ანგარიშის წარდგენისას.

ირაკლი შოთაძის თქმით, ასევე იგეგმება დაზარალებულებთან და განმცხადებლებთან პროკურორებისა და პროკურატურის მენეჯერების კომუნიკაციის ეფექტიანობის გაუმჯობესება.

„ამ მიმართულებით დაინერგება ფორმატი, რომლის ფარგლებშიც დაზარალებულებს, განმცხადებლებს ექნებათ პროკურორებთან და მენეჯერებთან როგორც უშუალოდ, ისე ონლაინ შეხვედრების გამართვის შესაძლებლობა მათთვის მნიშვნელოვან საკითხებზე. ამ ფორმატის ფარგლებში შეხვედრების შესაძლებლობა საჭიროების შემთხვევაში იქნება უშუალოდ ჩემთანაც“, – აღნიშნა გენერალურმა პროკურორმა.

17/02/2022

👉 დმიტრო კულება პარტნიორებს მოუწოდებს, დაუყოვნებლივ დაგმონ ლუგანსკის ოლქის დასახლებული პუნქტის, სტანიცა ლუგანსკაიას დაბომბვა

🔴 უკრაინის საგარეო საქმეთა მინისტრი დმიტრო კულება პარტნიორებს მოუწოდებს, დაუყოვნებლივ დაგმონ ლუგანსკის ოლქში მდებარე სტანიცა ლუგანსკაიას რაიონის დაბომბვა.

მისი თქმით, აღნიშნული ფაქტი მინსკის შეთანხმების უხეში დარღვევაა.

„ოკუპირებული ტერიტორიებიდან მძიმე არტილერიის გამოყენებით ცეცხლი გაუხსნეს უკრაინულ დასახლება სტანიცა ლუგანსკაიას. ჩვენ მოვუწოდებთ ყველა პარტნიორს, დაგმოს მინსკის შეთანხმების ეს უხეში დარღვევა, როდესაც სიტუაცია რეგიონში ისედაც დაძაბულია“, – წერს კულება „ტვიტერის“ გვერდზე.

16/02/2022

👉 პროკურატურამ ფოთში ახალშობილის განზრახ მკვლელობის ფაქტზე, დედას ბრალდება წარუდგინა

💬 საქართველოს პროკურატურამ, ფოთში მომხდარი ახალშობილის განზრახ მკვლელობის ფაქტზე, დედას ბრალდება წარუდგინა.

შინაგან საქმეთა სამინისტროს მიერ ჩატარებული გამოძიების შედეგად დადგინდა, რომ 10 თებერვალს, ფოთში, დ.კ.-მ, განზრახ მოკვლის მიზნით მისი ახალშობილი შვილი გაგუდა, შემდეგ კი საკანალიზაციო მილში მოათავსა.

სამართალდამცველებმა დ.კ. 14 თებერვალს დააკავეს. მას ბრალდება საქართველოს სისხლის სამართლის კოდექსის 112-ე მუხლით (დედის მიერ ახალშობილის განზრახ მკვლელობა) წარედგინა.

პროკურატურამ, ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით ფოთის საქალაქო სასამართლოს უკვე მიმართა.

15/02/2022

💬 დღეს არსებული შიდა და გარე გამოწვევებიდან გამომდინარე, არ ვეთანხმები დეპუტატებისთვის უფლებამოსილების შეწყვეტას!”
🖋 საქართველოს პრეზიდენტი, სალომე ზურაბიშვილი

15/01/2022

Drone footage shows the eruption of Wolf Volcano on Isabella Island in the Galapagos Islands. The volcano erupted on January 6th. The lava covered an area of 15 kilometers.

04/01/2022

საქართველოს მთავრობა მიისწრაფვის ერთპარტიული მმართველობისკენ

საქართველოს მთავრობა მიისწრაფვის ერთპარტიული მმართველობისკენ, – ამის შესახებ საქართველოში აშშ-ის ყოფილი ელჩი იან კელი “ტვიტერზე” წერს, რითაც ეხმაურება საქართველოში აშშ-ის საელჩოს მიერ გავრცელებულ განცხადებას.

“მესიჯი ნათელია: მარგინალიზებით ან აღმასრულებელი ხელისუფლების მიმართ ყოველგვარი შემოწმების გაუქმებით, საქართველოს მთავრობა მიისწრაფვის ერთპარტიული მმართველობისკენ. გასაკვირი არ არის, რომ საქართველოს მეგობრებმა დაიწყეს ეჭვის შეტანა მთავრობის ევროატლანტიკურ კეთილსინდისიერებაში”,- წერს კელი “ტვიტერზე” და საელჩოს შესაბამის განცხადებას აზიარებს.

შეგახსნებთ, საქართველოში აშშ-ის საელჩომ განცხადება გაავრცელა. განცხადების თანახმად, გასულ კვირას მმართველმა პარტიამ ძირი გამოუთხარა მთავრობის ანგარიშვალდებულებას, სახელმწიფო ინსპექტორის სამსახურის გაუქმებით. განცხადებაში ნათქვამია, რომ განზრახ თუ უნებლიედ, მმართველი პარტიის გზავნილი იყო, რომ ხელისუფლების დამოუკიდებელ ზედამხედველობას ან განსხვავებულ აზრს, კანონით განსაზღვრულსაც კი, პასუხი გაეცემა სამაგიეროს გადახდით, დასჯითა და გათავისუფლებით. როგორც საელჩო განცხადებაში აღნიშნავს, ნაბიჯები, რომლებიც ასუსტებს დემოკრატიულ ინსტიტუტებს, როგორიცაა სასამართლო ან დამოუკიდებელი საზედამხედველო უწყებები, აზიანებს საქართველოს მისწრაფებებს ნატოსა და ევროკავშირში გაწევრიანებისკენ და ძირს უთხრის ძირითად თავისუფლებებს.

02/01/2022

Ani Tabagua & Small Room - Memories in the Wind

02/01/2022

Jealous wife 👁

01/01/2022

ნიკა მელია: მიხეილ სააკაშვილის მიერ შიმშილობის დაწყება იქნება ფატალური შედეგის მომტანი, ამიტომ …

მიხეილ სააკაშვილის მიერ შიმშილობის დაწყება იქნება ფატალური შედეგის მომტანი, ამიტომ, თანამებრძოლებთან ერთად მივიღეთ გადაწყვეტილება, რომ გადავიდეთ ბრძოლის შემდეგ ეტაპზე, – ამის შესახებ “ნაციონალური მოძრაობის” თავმჯდომარე ნიკა მელია აცხადებს, რითაც პარტიის ოფისთან მოშიმშილე პირების, მათ შორის მის მიერ შიმშილობის შეწყვეტის მიზეზი განმარტა.

როგორც მელია აღნიშნავს, სააკაშვილის თხოვნას ითვალისწინებენ.

რაც შეეხება ბრძოლის ახალ ეტაპს, პარტიის თავმჯდომარის თქმით, ის “არაძალადობრივი, მაგრამ მრავალფეროვანი იქნება”.

“მიხეილ სააკაშვილი განიცდის თითოეული მოშიმშილის ჯანმრთელობის მდგომარეობას და თავადაც იძულებული გახდება, რომ მანაც განაახლოს შიმშილობა, რისი დაშვების უფლებაც არ გვაქვს არცერთ ჩვენგანს, ვინაიდან, მიხეილ სააკაშვილის მიერ შიმშილობის დაწყება იქნება ფატალური შედეგის მომტანი და ამიტომ, თანამებრძოლებთან ერთად მივიღეთ გადაწყვეტილება, რომ გადავიდეთ ბრძოლის შემდეგ ეტაპზე, რომელიც იქნება მრავალფეროვანი და არაძალადობრივი, მანამ, სანამ ქვეყანაში სამართლიანობა არ გაიმარჯვებს და არ დასრულდება პოლიტიკური მართლმსაჯულება. აქედან გამომდინარე, ჩვენ გადავდივართ ბრძოლის სხვა ეტაპზე”, – განაცხადა ნიკა მელიამ “მთავარ არხთან” საუბარში.

შეგახსენებთ, რომ საქართველოს მესამე პრეზიდენტის, მიხეილ სააკაშვილის თხოვნით, “ნაციონალური მოძრაობის” ოფისთან გაშლილ კარვებში მყოფმა მოშიმშილეებმა შიმშილობა შეწყვიტეს. მოშიმშილეებს სააკაშვილის თხოვნა მისმა ადვოკატმა გიორგი მშვენიერაძემ გააცნო. ყოფილი პრეზიდენტი აცხადებდა, რომ თუკი მოშიმშილეები შიმშილობას არ შეწყვეტდნენ, პროტესტის უკიდურეს ფორმას თავადაც მიმართავდა.

ცნობისთვის, “ნაციონალური მოძრაობის” ოფისთან პარტიის ლიდერები, მხარდამჭერები და სამოქალაქო აქტივისტები 12 დღის განმავლობაში შიმშილობდნენ.

01/01/2022

მიხეილ სააკაშვილი - წელს პირველი წელია, როდესაც ტელევიზორის ეკრანიდან თავის დედიკოსთან ერთად მოგვესალმება ელის მარია სააკაშვილი, ჩემი ყველაზე საყვარელი გოგო და ყველაზე უმცროსი შვილი

საქართველოს მესამე პრეზიდენტი მიხეილ სააკაშვილი აცხადებს, რომ 31 დეკემბერი განსხვავებული დღეა, რომელიც ყველას გვაერთიანებს. მისივე თქმით, ეს პირველი ახალი წელია, რომელსაც ციხეში ხვდება, მაგრამ შეეცადა ოპტიმიზმი არ დაეკარგა.

„მოგესალმებით რუსთავის ციხიდან, ფიზიკურად დასუსტებული, მაგრამ მორალურად მხნე!

სამშობლოს თავისუფლებისა და ჩვენი ხალხის ღირსეული მომავლისთვის ბრძოლა გრძელდება! თუმცა, დღეს მინდა მიმავალი წლის მთელი სიმძიმე გვერდით გადავდო.

31 დეკემბერი განსხვავებული დღეა. დღე, რომელიც ყველას გვაერთიანებს და ერთნაირად გვიყვარს დიდსა თუ პატარას. ის მხოლოდ საუკეთესო მოგონებებსა და კეთილ სურვილებს აცოცხლებს. ამიტომაც, მინდა მოგილოცოთ განურჩევლად ყველას, რადგან ეს დღე ყველასია - იწყება ახალი წელი და ჩნდება ახალი შანსი შეცვალო, გააუმჯობესო, გააკეთილშობილო! მიდის ძველი წელი და გეძლევა შანსი, რომ განვლილ წელში დატოვო ყველაფერი ის, რაც აქამდე არ ან ცუდად გამოგდიოდა! წარსულში დატოვო მტრობა, შუღლი, დაპირისპირება - ის, რაც განგრევს შიგნიდან და ანგრევს გარეთ შენს ქვეყანას.

ყველას გისურვებთ, ახალი 2022 წელი ბედნიერების მომტანი ყოფილიყოს პირადად თქვენთვის და თქვენი სამშობლოსთვის!

ეს პირველი ახალი წელია, რომელსაც ციხეში ვხვდები, მაგრამ შევეცადე ოპტიმიზმი მაინც არ დამეკარგა და ამაშიც მეპოვნა სიკეთის მარცვალი. დიახ, სამაგიეროდ, წელს პირველი წელია, როდესაც ტელევიზორის ეკრანიდან თავის დედიკოსთან ერთად სცენიდან მოგვესალმება "მთავარი არხის" საახალწლო კონცერტის ყველაზე პატარა მონაწილე, ელის მარია სააკაშვილი. ჩემი ყველაზე საყვარელი გოგო და ყველაზე უმცროსი შვილი. ბედნიერი ვარ, რომ ასეთი შესაძლებლობა მაქვს და ჩემი ახალი წელი სხვებისგან გამორჩეულია არა ციხის კედლებით, არამედ ჩემი საყვარელი გოგოს სატელევიზიო დებიუტით.

და კვლავ, გილოცავთ ახალ წელს და გისურვებთ ყოველივე საუკეთესოს. 2022 წელს აუცილებლად უნდა შევცვალოთ ყველაფერი ისე, რომ ჩვენი შვილები უფრო ლაღები და ბედნიერები გახდნენ!

გილოცავთ! მრავალს დაესწარით!- ნათქვამია მიხეილ სააკაშვილის ფეისბუქზე გავრცელებულ ინფორმაციაში.

ინფორმერი ∫ Informer

19/02/2022

18/02/2022

18/02/2022

17/02/2022

17/02/2022

17/02/2022

17/02/2022

17/02/2022

17/02/2022

17/02/2022

17/02/2022

17/02/2022

17/02/2022

17/02/2022

17/02/2022

17/02/2022

16/02/2022

15/02/2022

15/01/2022

04/01/2022

02/01/2022

02/01/2022

01/01/2022

01/01/2022

Address

Website

Alerts

Videos

Shortcuts

Share

Category

Other TV Channels in Kyiv