Vosfmtz

29/01/2025

Mtoto Ethan aliyezaliwa akiwa na uvimbe mkubwa kichwani amefariki dunia akipatiwa matibabu Jijini Dar es salaam katika Taasisi ya Tiba ya Mifupa na Ubongo Muhimbili (MOI).

Akizungumza na Mama mzazi wa Mtoto huyo Lilian Pius Ismail mwenye umri wa miaka ishirini na moja ( 21) mkazi wa Nkasi Mkoani Rukwa amethibitisha kutokea kwa kifo cha mwanae ambaye
alibainika kuwa hana ubongo na fuvu la kichwa, wakati juhudi za kupatiwa matibabu zikiendelea ndipo alipopatwa na umauti Jumapili Januari 26, 2025.

Ikumbukwe kuwa Lilian alipata ufadhili kutoka Wizara ya Afya wa mwanae kupata matibabu bure katika Taasisi ya Tiba ya Mifupa na Ubongo Muhimbili (MOI) kupitia taarifa iliyorushwa katika vipindi vya BREAKFAST BOAT na JALO hapa

Mungu ailaze Roho ya Marehemu mahali pema peponi.

27/01/2025

Droo ya michuano ya AFCON 2025 itakayofanyika nchini Morocco kuanzia Disemba 21 hadi Januari 18, 2026 imepangwa siku ya leo nchini Morocco.

Timu ya Taifa ya Tanzania (Taifa Stars) imepangwa kundi C na Mataifa ya Nigeriaz Tunisia na Uganda.

27/01/2025

Wajasiriamali zaidi ya 200 wanaouza Chakula katika Soko la Mandela Wilaya ya Sumbawanga Mkoani Rukwa wamekabidhiwa majiko ya gesi yatakayowawezesha kufanya shughuli zao kwa urahisi.

Majiko hayo yamekabidhiwa na Mkuu wa wilaya ya Sumbawanga kwa niaba ya Rais wa Jamhuri ya Muungano wa Tanzania ikiwa na lengo la kuhamasisha Wajasiriamali hao kutumia nishati safi.

Zoezi hilo limefanyika katika Uwanja wa Nelson Mandela lilipokuwa likifanyika Bonanza la Kumbukizi ya kuzaliwa Rais Samia likishuhudiwa na viongozi mbalimbali na mamia ya wakazi wa Mkoa wa Rukwa.

Wakizungumza kwa nyakati tofauti tofauti Wajasiriamali hao wamemshukuru Rais Samia kwa kuwapatia majiko hayo huku wakieleza hisia zao chanya juu yake na kuahidi kuwa mabalozi wazuri wa matumizi ya nishati safi.

27/01/2025

Au Mnasemaje?

27/01/2025

Timu ya Dew Drop kutoka Sumbawanga imeibuka mabingwa wa Samia Bonanza Cup mara baada ya kupata ushindi wa mabao 4-1 dhidi ya Suluhu Academy kutoka Kizimkazi Visiwani Zanzibar.

Bingwa amepokea kitita cha Shilingi Milioni Moja na laki mbili (1,200,000), mshindi wa pili Suluhu Academy Laki Saba na Nusu (750,000) mshindi wa tatu Terminal FC Laki tano (500,000).

Bonanza hilo limezikutanisha timu mbalimbali kutoka bara na visiwani ikiwa ni hafla ya kumbukizi ya siku ya kuzaliwa Rais wa Jamhuri ya Muungano wa Tanzania Samia Suluhu Hassan leo Januari 27.

27/01/2025

27/01/2025

Mpira upo mapumziko Dew Drop wako mbele kwa mabao 2-1 dhidi ya wageni wao Suluhu Academy kutoka Kizimkazi Visiwani Zanzibar.

27/01/2025

Mchezo wa Fainali ya Bonanza la Kumbukizi ya Kuzaliwa Rais wa Jamhuri ya Muungano wa Tanzania umeanza hapa dimba la Nelson Mandela Wilayani Sumbawanga ukizikutanisha timu ya Suluhu Academy kutoka Kizimkazi Zanzibar na Dew Drop kutoka Sumbawanga.

Mshindi wa mchezo huu atajinyakulia kitita cha shilingi Milioni Moja (1,000,000) na kikombe, mshindi wa pili Laki Saba (700,000).

26/01/2025

Jumatatu Januari 27, Wananchi wote wa Mkoa wa Rukwa tunaungana katika Kumbukizi ya kuzaliwa Rais wa Jamhuri ya Muungano wa Tanzania kwa kufanya shughuli mbalimbali.

Kuanzia Saa 12 Asubuhi tutaanza na Jogging (Mbio za pole), Ukaguzi wa miradi, kuwaona wenye uhitaji na kutoa misaada, Ugawaji wa Majiko ya gesi kwa Wajasiriamali na Michezo mbalimbali.

23/01/2025

Wawakilishi wa mshambuliaji wa Uingereza Marcus Rashford walikutana na viongozi wa Barcelona siku ya Jumanne huku mchezaji huyo mwenye umri wa miaka 27 akitafuta njia ya kuondoka Manchester United. 

22/01/2025

Mwanaume mmoja aliyefahamika kwa jina la Redfusi Gabriel mkazi wa mtaa wa Kasimba kata ya Ilembo halmashauri ya Manispaa ya Mpanda mkoani Katavi, amefariki dunia baada ya kuonyesha dalili za ugonjwa wa Kipindupindu.

Wakizungmza na chanzo hiki, wajumbe wa mtaa huo wamesema kuwa marehemu alipatwa na dalili za kutapika na kuharisha kabla ya kifo chake.

Kwa upande wake mwenyekiti wa mtaa wa Kasimba, Benard Nsima amewatahadharisha wananchi kufuatia kifo hicho kuwa kila mwananchi ahakikishe anatumia choo bora na kufanya usafi wa mazingira ili kuepukana na ugonjwa huo hatari.

Hata hivyo Afisa Afya wa kata ya Ilembo, Grace Kunchela amesema kuwa dalili zilizopelekea kifo cha marehemu zinaonyesha kuwa ni za kipindupindi, hivyo amewataka wananchi kuchukua tahadhari ya kufanya usafi wa mazingira na kutumia choo bora.

Ugonjwa wa Kipindupindu husababishwa na bakteria wa Vibrio cholerae na hujulikana kwa dalili k**a vile kutapika, kuhara iliyokuwa na maji ya rangi ya kikahawia, na upungufu wa maji mwilini.

Ugonjwa huu unaweza kusababisha kifo ndani ya masaa machache k**a usipokuwa na matibabu sahihi. Ni muhimu kunywa maji safi na salama, kutumia vyoo bora, na kufanya usafi wa mazingira ili kuepuka kuenea kwa ugonjwa huu hatari.

22/01/2025

Mwanamke mmoja anayekadiriwa kuwa na umri kati ya miaka 19 hadi 22, ambaye jina lake halijajulikana, amekutwa amefariki dunia kwa kujinyonga katika Kijiji cha Makongolo, kata ya Magamba, Manispaa ya Mpanda, mkoani Katavi.

Kwa mujibu wa taarifa, mwili wa marehemu ulipatikana ukining'inia juu ya mti katika kitongoji hicho.

Mwenyekiti wa Kijiji cha Makongolo, Zeno Saidi, amesema kwamba, alipokea taarifa kutoka kwa watoto wanaochunga ng'ombe kuhusu mwili wa binti huyo ukiwa umening'inia, huku marehemu akiwa na majeraha katika miguu.

Baadhi ya mashuhuda wa tukio hilo wamesema kuwa binti huyo ni mgeni katika eneo hilo na wameiomba Serikali kuongeza juhudi za kutoa elimu kwa wananchi ili wasichukue maamuzi yasiyofaa, na pia wametaka jeshi la polisi kufanya uchunguzi wa kina kuhusu tukio hili ili kupunguza hofu miongoni mwa wananchi.

Kamanda wa Jeshi la Polisi Mkoa wa Katavi, SACP Kaster Ngonyani, amethibitisha kutokea kwa tukio hilo na kusema kuwa mwili wa marehemu umefanyiwa uchunguzi na madaktari na umethibitisha kuwa chanzo cha kifo ni kukosa hewa baada ya kujinyonga.

Mwili wa marehemu umehifadhiwa katika Hospitali ya Manispaa ya Mpanda kwa taratibu za mazishi, huku jeshi la polisi likiendelea na uchunguzi ili kubaini zaidi kuhusu mazingira yanayohusiana na tukio hili.

✍

22/01/2025

Aliyekuwa Mwenyekiti wa CHADEMA Taifa Mh. Freeman Mbowe amekubali kushindwa katika uchaguzi Mkuu uliofanyika siku ya jana na kumpongeza Mwenyekiti Mpya wa Chama na viongozi wengine.

Kupitia Mtandao wa X Mbowe ameandika ujumbe uliosomeka

"Nimepokea kwa mikono miwili maamuzi ya uchaguzi wa Mkutano Mkuu wa Chama chetu CHADEMA uliohitimishwa leo asubuhi 22 Januari 2025. Nampongeza Mhe. Tundu Lissu na wenzake kwa kuaminiwa kutwikwa jukumu la uongozi wa chama. Nawatakia kila la kheri katika kukipeleka mbele chama chetu." - Freeman Mbowe
Viongozi wapya wa Taifa CHADEMA, Tundu Antipas Lissu Mwenyekiti na John Heche Makamu Mwenyekiti.

Matokeo rasmi yatatangazwa na Mwenyekiti wa Uchaguzi zoezi la marejeo ya uchaguzi Makamu Mwenyekiti Zanzibar likikamilika.

21/01/2025

FREEMAN Mbowe Mwenyekiti wa Chama cha Demokrasia na Maendeleo (Chadema), amewasihi viongozi watakaoshika nyazifa katika Chama hicho ni lazima wakijingi katika misingi ya maadili na Nidhamu.

Haya ameyasema leo tarehe 21 Januari 2025 wakati anafungua Mkutano Mkuu wa chama hicho unaendelea Mlimani City jijini Dar es Salaam.

"Mtakaopewa mikoba ya chama hicho lazima mkarekebishe, inawezekana tukavumilia matusi kipindi hiki cha chaguzi lakini msingi wa Chadema sio matusi watakaokabidhiwa mikoba leo wakasafishe"

Hiki chama tunawajibu wote w kukulinda kwa gharama yoyote ile na chama hichi tutakilinda .

Mbowe amesema kuwa Chadema kitamaliza uchaguzi wakiwa wamoja na kwamba uchaguzi huo sio vita.

"Uchaguzi huu haupaswi kuwa vita unapaswa kuwa ujenzi ya Demokrasia. Wapo watabiri wengi walisema kuhusu Chadema , Mheshimiwa Mbowe mnakwenda kukipasua Chadema " amesema Mbowe.

Amesema kuwa Chadema kimebeba Ndoto ya Taifa sio Ndoto ya kiongozi mmoja mmoja tutaendelea kupita katika mabonde na Milima lakini kila mmoja wetu awe na wajibu wa kukulinda Chadema na njia ya kukulinda ni kuwa hekima na Nidhama.

"Kazi tunatowaachia warithi wa chama hichi ni kujenga misingi ya maadili na Nidhamu , matusi sio msingi wa Chadema " amesema Mbowe

20/01/2025

Rais wa Jamhuri ya Muungano wa Tanzania Mhe. Dkt. Samia Suluhu Hassan amefanya mazungumzo na Mkurugenzi Mkuu wa Shirika la Afya Duniani Dkt. Tedros Adhanom Ghebreyesus, Ikulu Chamwino Mkoani Dodoma leoJanuari 20, 2025.

20/01/2025

Wikiendi imeyabeba mengi ambayo Jumatatu ya leo Team ya VOS DRIVE inayaweka katika Kikokotoo na kuyapatia majibu.

Usikose kusikiliza kupitia 90.1na kupitia redio mtandao kwa kuandika VOS FM RADIO.

19/01/2025

Mwenyekiti wa Chama cha Mapinduzi (CCM) ambaye pia ni mgombea urais, Samia Suluhu Hassan amempendekeza Katibu Mkuu wa chama hicho, Dk Emmanuel Nchimbi kuwa mgombea mwenza katika uchaguzi utakaofanyika Oktoba 2025.

Dk Nchimbi ambaye aliteuliwa kuwa Katibu Mkuu wa CCM Januari 15, 2024 katika Kikao cha Halmashauri Kuu ya chama hicho kilichofanyikia Unguja, visiwani Zanzibar, alichukua nafasi iliyoachwa wazi na Daniel Chongolo aliyejiuzulu Novemba 29, 2023.

Rais Samia amempendekeza Dk Nchimbi leo Jumapili, Januari 19, 2025 katika mkutano mkuu maalumu jijini Dodoma ulioanza jana Jumamosi. Ni mkutano huo huo umemchagua kwa kura za ndio 1924 sawa na asilimia 100 Samia kuwa mgombea urais.

Akitoa maelezo, Rais Samia amesema: “Kutafuta mgombea mwenza, lakini k**a mnavyojua Dk Philip Mpango ndio Makamu wa Rais, amekuja kuniona kuniomba nimpumzishe, ana sababu kadhaa lakini sio za mahusiano ya kazi.”

19/01/2025

Klabu ya Simba imetamatisha hatua ya makundi ya michuano ya Kombe la shirikisho barani Afrika kwa ushindi wa mabao 2-0 dhidi ya CS Constantine ya nchini Algeria.

Ushindi wa leo wa Mnyama unaifanya kuongoza kundi kwa alama 13 wakifuatiwa na CS Constantine yenye alama 12 ambapo klabu hizi zote zimefuzu hatua ya robo fainali.

FT: Simba 2-0 CS Constantine
Kibu 61'
Ateba 79'