15/01/2025
PICHA YA LEO.
Pichani ni Katibu wa Idara ya Watoto yatima, Wajane, Wagane na wanaoishi katika mazingira magumu ya Kanisa la Moravian Tanzania Jimbo la Kusini, Mch. Nikwisa Mwakamele (Mwenye gauni la blue), akiwa na Mkuu wa Chuo cha ufundi stadi Namtumbo moravian vtc Ndg. Mulundi Barnaba Mulundi pamoja na wanafunzi waliomaliza chuoni hapo.
Mchungaji Mwakamele amefanya ziara ya kutembelea chuoni hapo ikiwa ni mwendelezo wa ziara zake za ufuatiliaji ili kufahamu maendeleo ya vijana wanaofadhiliwa kupitia Ofisi yake kabla na baada ya kumaliza chuoni hapo.
Pamoja na mambo mengine pia Mchungaji Mwakamele ametumia nafasi hiyo kuzungumza mambo mbalimbali na Mkuu wa Chuo pamoja na Walimu wa Chuo hicho ikiwemo kuwatia moyo pamoja na kuwataka kufanya kazi kwa bidii.
Ikumbukwe kwamba kupitia ufadhili wa Shirika la Mission 21 la Nchini Uswisi, Kanisa la Moravian Tanzania Jimbo la kusini chini ya Idara hii wamekuwa wakifadhili vijana mbalimbali kupata elimu ya mafunzo ya ufundi stadi.
Katika ziara yake chuoni hapo, Mchungaji Mwakamele pia ameongozana na Mkaguzi wa ndani KMT - JK Mch. Upendo Mbwaga pamoja na Afisa habari KMT-JK.
