Lindi News

24/10/2023

Oktoba 15 chama cha kupigania haki za watu weusi nchini marekani Black Panther ndio rasmi kilianzishwa, katika kuadhimisha siku ya kuanzishwa kwa chama hicho, mwezi huu mwanamuziki na mwanaharakati kutoka Tanzania Charlotte Hill ambaye pia ni mke wa Pete O'Neal , ametembelea eneo la Oakland, Califonia nchini Marekani.
Kupitia Account yake ya Instagram anaonekana akielezea na kutuma picha za Baadhi ya maeneo k**a kwenye Sanamu ya Muanzilishi wa chama hicho Huey P. Newton, eneo lenye mchoro wa mwanaharakati Bidada Tarika Lewis, Orodha ya Majina ya wanawake waliohudumu katika chama hicho ambapo jina lake lipo katika orodha hiyo.

Charlotte Hill na mumewe Pete O'Neal ni wazaliwa wa Marekani ambapo wakati chama cha Black Panther kikiwa na nguvu na kuonekana tishio kwa serikali ya Marekani, wao walifanikiwa kukimbia nchini mwao na kutorokea Tanzania ambapo walipatiwa hifadhi toka wakati huo mpaka leo hii.

24/10/2023

WAZIRI MKUU Kassim Majaliwa amewataka madereva wa Serikali kuwa mfano wa kuzingatia sheria zote kwa sababu kuendesha gari ya Serikali haimaanishi wamepewa rungu la kuvunja sheria bali wanapaswa kuwa mfano wa kuzizingatia hasa zile za usalama barabarani.

Mheshimiwa Majaliwa amesema kuwa, “ukiwa dereva wa Serikali haimaanishi kuwa uko juu ya sheria bali kila dereva anatakiwa kuwa mfano wa kuzingatia sheria zote. Aidha, madereva wa vyombo visivyo vya Serikali wanapaswa kujifunza kutoka kwenu madereva wa Serikali.”

Pia, Waziri Mkuu amesema madereva hao wanapaswa kufanya kazi kwa kufuata maadili ya taaluma ya madereva wa Serikali ambayo yanawataka madereva hao kuzingatia na kutii sheria za usalama barabarani. “Madereva wa Serikali hakikisheni mnakuwa kioo cha jamii.”

Ameyasema hayo leo (Jumanne, Oktoba 24, 2023) alipofungua Kongamano la Chama cha Madereva wa Serikali, katika Ukumbi wa Hoteli ya Morena mkoani Morogoro. Kongamano hilo limebeba kauli mbiu isemayo; “Dereva wa Serikali bila ajali inawezekana. Kazi iendelee”

Akizungumzia kauli mbiu hiyo, Waziri Mkuu amesema ni kweli inawezekana kuendesha magari ya Serikali bila kusababisha ajali iwapo kila mmoja atatimiza wajibu wake kwa kuzingatia sheria zilizopo, hivyo amewasisitiza madereva hao wahakikishe wanafuata sheria.

23/10/2023

KOROSHO BEI YA JUU 2032 NA BEI YA CHINI 1965 MNADA WA KWANZA RUNALI

MNADA wa kwanza wa zao la korosho wa chama RUNALI umefanyika katika wilaya ya Nachingwea kwa kilo moja ya korosho kuuzwa Kwa kiasi cha shilingi 2032 ikiwa ndio Bei ya juu zaidi huku Bei ya chini ikiwa shilingi 1965.

Akizungumza wakati wa Mnada huo mwenyekiti wa cha RUNALI Odasi Mpunga alisema kuwa wakulima wote wa zao la korosho wamekubari kuuza Kwa Bei hiyo wakati wa Mnada kwenye maghara yote ya chama cha RUNALI.

Mpunga alisema kuwa korosho ya RUNALI imekuwa korosho bora hadi sasa kutokana na usimamizi mzuri viongozi wa RUNALI wanaofanya wakati wa kupokea korosho hizo gharani.

Alimazia kwa kusema kuwa kwenye Mnada wa kwanza wa korosho uliofanyikia wilaya ya Nachingwea jumla ya kampuni 43 zulijitokeza kununua korosho kwenye chama cha RUNALI.

Kwa upande wake mkurugenzi mkuu wa bodi ya korosho Tanzania Francis Alfred aliwapongeza RUNALI Kwa kupokea korosho zilizokauka vizuri na zenye ubora unaotakiwa sokoni na kuifanya korosho inayotoka RUNALI kuwa namba Moja sokoni.

Alisema kuwa korosho inayotoka RUNALI imepanda sana thamani na kuifanya kuuzwa Kwa gharama kubwa kulinganisha na korosho nyingine za ukanda wa kusini

Naye mkuu wa wilaya ya Nachingwea Mohamed Hassan Moyo alisema kuwa korosho zote za msimu huu wa kilimo zitasafirishwa kupitia bandari ya Mtwara ili kuongeza tija ya uwepo wa bandari hiyo Kwa ajili ya kusafisha mazao mbalimbali.

Moyo aliwataka RUNALI kuharakisha malipo Kwa wakulima ili wapate fedha Kwa ajili ya kufanya shughuli za kiuchumi kwenye maeneo wanayoishi.

Pia mkuu wa wilaya ya Nachingwea Mohamed Hassan Moyo alizitaka taasisi za kibenk kuendelea kutoa elimu ya kifedha ili wakulima wasiendelee kuibiwa na watu ambao sio waadilifu.

23/10/2023

Sabaya Isaskar (31) kijana wa kimasai/Morani kutoka Wilayani Kiteto Mkoani Manyara, amekutwa akiwa amejinyonga kwa kutumia kamba aina ya manila hadi kufikwa na mauti. Ambapo wazee katika kijiji hicho wamesema ni nadra mno kwa mtu wa kabila lao kuchukua maamuzi ya namna hiyo. Sababu ya Sabaya kujiua inaendelea kufuatiliwa huku wazee wakiitisha mkutano na kuzungumza na vijana ili kukomesha tabia hiyo.

18/10/2023

Shirika la Afya Ulimwenguni (WHO) limelaani vikali shambulio la Israel dhidi ya Hospitali ya al Ahli-Arab iliyopo kaskazini mwa Ukanda wa Gaza. Hospitali hiyo ilikuwa inafanya kazi ikiwa na wagonjwa, wafanyakazi wa afya na watu waliolazimika kuhama makazi yao na kujipatia hifadhi Hospitalini hapo. Ripoti za awali zinaonyesha shambulio hilo limesababisha mamia ya vifo na majeruhi.

Hospitali hiyo ilikuwa moja kati ya hospitali 20 kaskazini mwa Ukanda wa Gaza zilizopewa amri ya kuondoka na jeshi la Israel. Amri hiyo ya kuondoka imekuwa ngumu kutekelezwa kutokana na hali ya kutokuwa na usalama, hali mbaya ya kuwepo kwa wagonjwa wengi, ukosefu wa magari ya wagonjwa, wafanyakazi na Hospitali hiyo kutumika k**a makazi mbadala kwa wale waliohamishwa, imesema WHO katika taarifa yake.

WHO imetoa wito wa raia pamoja na vituo vya Afya kulindwa.

"Amri za kuondoka lazima zifutiliwe mbali. Sheria ya kimataifa ya Haki za Binadamu lazima iheshimiwe, sheria inasema huduma za afya ni haki na hivyo lazima zilindwe kwa dhati na kamwe zisishambuliwe," imesema WHO.

14/10/2023

14/10/2023

Ikiwa ni miaka 24 imepita Tangu afariki Rais na Muasisi wa nchi ya Tanganyika (Baadae Tanzania) hayati Mwalimu Julius Kambarage Nyerere ambapo leo Oktoba 14 watanzania wanaadhimisha kifo chake.
Abdallah Mkokoi ambaye ni mfuasi mkubwa wa Falsafa za Mwalimu Nyerere, anaeleza Namna Mwalimu alivyoijenga Tanzania kwa nia njema na misingi bora ambayo anawasihi Watanzania na Viongozi kuziishi Falsafa hizo.

14/10/2023

Jeshi la Polisi Mkoani Mtwara linamshikilia mwanaume mmoja mkazi wa Kijiji cha Makong’onda, wilayani Masasi, kwa tuhuma sa kumpiga mkewe na kisha kumuingizia panga sehemu za siri (njia ya haja kubwa) na kumsababishia majeraha.

Kulingana na taarifa iliyotolewa kwa waandishi wa habari leo Oktoba 14, 2023, na Kamanda wa Polisi, ACP Nicodemus Katembo amesema kuwa tukio hilo limetokea Oktoba 8 mwaka huu, saa moja jioni katika Kijiji cha Makong’onda.

“Baada ya kipigo hicho, inadaiwa mtuhumiwa alichukua panga na kumuingizia sehemu ya haja kubwa na hivyo kusababisha majeraha. Hata hivyo mhanga wa tukio hilo anandelea vizuri baada ya kupata matibabu katika Hospitali ya Wilaya ya Newala.”

Kamanda huyo alitoa rai kwa wananchi akiwataka kushiriki katika kupinga vitendo vya ukatili na unyanyasaji kuhu akisema: “Tutaendelea kuwachulia hatua kali za kisheria wote watakabainika kuhusika katika vitendo hivi vya kikatili kwa jamii zetu kwa kisingizio cha wivu wa mapenzi na mengineyo.”

14/10/2023

13/10/2023

Kamanda wa Jeshi la Polisi Mkoani Simiyu Edith Swebe amezungumza na waganga wa tiba za asili na tiba mbadala kuhusu masuala ya ukiukwaji wa taratibu za kisheria kutokana na kuwepo kwa shutuma nyingi k**a za mauwaji ambazo zinazowahusisha moja kwa moja kutokana na huduma wanazotoa kwa wateja wao.

13/10/2023

Mahak**a ya wilaya Manyoni mkoani Singida imemtia hatiani MLANDA LHAMIS YOHANA mwenye umri wa miaka 33 mkazi wa kijiji cha Chibumagwa wilayani humo, kwa kukutwa na kosa la kufanya tendo la ndoa na mtoto wake wa kumzaa wa darasa la saba ikiwa ni kinyume cha sheria ambapo amehukukumiwa kutumikia kifungo cha miaka 30 jela na fidia ya shilling milioni mbili.

13/10/2023

Mkuu wa Wilaya ya Nachingwea Mohammed Moyo amesema, kupitia fedha za makato ya Wakulima Shilingi 30 fedha hizo zitarudi kwa wananchi kwaajili ya kujenga zahanati kwa kuendeleza hatua iliyoanza kupigwa na wananchi hao.

13/10/2023

Wananchi wa kijiji cha Namkula Wilayani Nachingwea Mkoani Lindi, wamekiri kusikitishwa na adha ya kukosa Zahanati kijijini kwao, jambo linalowasukuma kutembea umbali mrefu kufuata huduma ya Afya, changamoto inayowaathiri zaidi watoto na akina mama wajawazito kijijini hapo.

12/10/2023

Mkuu wa Wilaya ya Nachingwea Mohammed Moyo amewataka viongozi KUACHA TABIA YA KUFICHA MAMBO na kwamba sio wakati wote viongozi wawe ni wa kusifiwa tu.
Shule ya Namkula ni wanufaika wa ujenzi wa madarasa matatu ya mradi wa Boost lakini pia wananchi wamepewa ahadi ya kupatiwa fedha zingine kwaajili ya kurekebisha miundombinu ya shule za msingi.
Mkurugenzi na Afisa elimu wa Wilaya ya Nachingwea wameagizwa kutafuta haraka shilingi milioni 72 za kujenga vyumba vitatu vya madarasa katika Shule ya hiyo kutokana na vilivyopo sasa kuchakaa kiasi cha kuhatarisha usalama wa wanafunzi.

12/10/2023

Mkuu wa Wilaya ya Nachingwea MOHAMMED MOYO akizungumza kwenye mkutano na wananchi wa kata ya Mnero Baada ya kusikiliza hoja ya msisitizo iliyotolewa na Diwani na wananchi wa kata hiyo ameamrisha ujenzi wa madarasa katika shule ya Namkula kuanza mara moja ili kudhibiti hatari ya wanafunzi kusoma katika mazingira yasiyo rafiki kwa usalama wao.

12/10/2023

Wakazi wa Kata ya Mnero Miembeni Wilayani Nachingwea Mkoani Lindi wamelalamika kuhusu ubovu wa madarasa katika Shule ya msingi Namkula madarasa ambayo yanatishia usalama wa watoto kwani ni mabovu mno.

Wananchi hao wamesema, serikali ilijenga madarasa matatu katika shule hiyo Kongwe lakini hali ni mbaya katika madarasa mengine kwani hayajafanyiwa ukarabati kwa kitambo kirefu na Bado wanafunzi wanayatumia katika masomo.

12/10/2023

Ndugu Wawili wa Familia moja wamefariki kwa kuzama Baharini katika Pwani ya Shuka (kitunda) Mkoani Lindi.

Ndugu hao ambao ni Twaha Hamisi (30) na Hassan Hamisi (35) wakazi wa Ingawali, inasemekana walikwenda kuvua samaki Octoba 10 mwaka huu ambapo hawakurudi tena nyumbani hadi miili yao ilipokutwa pembezoni mwa fukwe ha shuka, kata ya Navanga.

11/10/2023

Mratibu wa Shirika la TUNA NDOTO, shirika lililo chini ya Kanisa la FPCT Mkoani Lindi, Suleiman Moses katika kuadhimisha Siku ya Mtoto wa K**e Duniani ambapo Shirika hilo kwa kushirikiana na Jeshi la Polisi wametoa elimu kwa wanafunzi Wa Sekondari na Msingi - ametaka elimu ya ukatili iendelee kutolewa kwa watoto wa k**e kwani wamekuwa ni wahanga wakubwa wa matukio hayo.

Aidha, watoto nao wameeleza ni kwa namna gani wameelewa mafunzo waliyopatiwa na namna watakavyotumia ujuzi huo kujilinda ili wasifanyiwe vitendo vya ukatili.

11/10/2023

Katika kuadhimisha siku ya mtoto wa k**e duniani, Kamanda wa Jeshi la Polisi Mkoani Lindi Pili Mande amezindua kampeni ya "ONGEA NAO" iliyodhamiria kuweka bayana matendo ya ukatili na namna ya kujikinga kwa watoto mashuleni.
Aidha, ameeleza ya kuwa elimu hiyo itawafikia watoto wa jinsia yote kwani suala la ukatili hufanyiwa yeyote na ili kuwaweka watoto wote katika mazingira salama ni lazima wafahamu ukweli.

11/10/2023

Ikiwa ni Siku ya Mtoto wa K**e Duniani, Jeshi la Polisi Mkoani Lindi kupitia mtandao wa Askari wanawake wa Mkoa wa Lindi wameiadhimisha siku hiyo kwa kutoa elimu na kuzungumza na wanafunzi wa k**e na wakiume kuhusu Masuala ya Ukatili, elimu iliyotolewa katika shule ya sekondari Lindi wakijumuishwa na wanafunzi wengine kutoka katika shule za msingi mbalimbali mkoani humo.

Akizungumza na wanafunzi hao SSP Anna Tembo ambaye ni Kaimu Mkuu wa Upelelezi wa Makosa ya jinai Mkoani Lindi, amewataka watoto wa k**e kuwa makini na viashiria vyote vinavyoweza kuwasababishia kufanyiwa ukatili ikiwa ni pamoja na kuacha tabia ya kusikiliza hadaa za wanaume wanapowashawishi kuonana nao. SSP Tembo anasema, kwa umri wa watoto wa darasa la nne na kuendelea ni rahisi kung'amua dalili za hatari hivyo amewataka kujilinda dhidi ya tabia zote hatarishi zinazoweza kuwasababishia kufanyiwa ukatili.

11/10/2023

Kamanda wa Jeshi la polisi Mkoa wa Shinyanga Janeth Magomi amepiga marufuku maandamano yanayoashiria uvunjifu wa amani na kuwataka wananchi kuzingatia sheria na taratibu zilizowekwa ili kuepuka kuvunja sheria hasa nyakati hizi za mwisho wa Mwaka.

Magomi ametoa agizo hilo mara baada ya kumaliza mazoezi ya utayari kwa Jeshi la polisi ikiwa ni kuelekea mwisho wa mwaka huku akitoa rai kwa watu wanaojihusisha na uhalifu kuacha mara moja.

11/10/2023

Kamanda wa jeshi la polisi mkoa wa Mwanza Wilbroad Mutafungwa, ametoa onyo kali kwa watu wanaojihusisha na uhalifu katika kata ya Pamba wilaya ya Nyamagana, akiwataka kuacha mara moja na kujisalimisha kwa sababu oparesheni kali inaanza katika mtaa huo huku akisisitiza kuwa hawatanii wala hana utani na wahalifu.

11/10/2023

Katika Wiki ya Shirika la Posta duniani na maadhimisho ya siku ya Shirika hilo, Posta Mkoani Lindi wamempatia mlemavu wa miguu bi TERESIA MWANGA kiti maalumu na vyakula kwa Walemavu wote wa LASIBULA hii ikiwa k**a Desturi yao katika kuadhimisha siku yao. Aidha, wamewaomba wadau wengine kujitokeza kuwasaidia wazee hao kwani msaada wao pekee hautoshi na uhitaji katika kituo hiko ni Mkubwa.

11/10/2023

Bibi mlemavu wa viungo anayeishi katika nyumba ya kulea wazee akifurahia zawadi ya Kiti Mwendo alichopewa na shirika la Posta Mkoani Lindi katika maadhimisho ya siku/wiki ya Posta Duniani.
Furaha

10/10/2023

Katika kusherehekea siku ya Posta Duniani, shirika la Posta Mkoani Lindi limetembelea kituo cha kulea wazee/walemavu waishio kwenye mazingira magumu na kuwapatia vyakula na vitu mbalimbali.

Wakikabidhi vitu hivyo kwa wazee wa Lasibula, Posta wamempatia Bi Teresia Mwanga kiti mwendo (wheelchair) kwaajili ya kumsaidia kufanya shughuli zake awapo kituoni hapo na kumsaidia kukaa kwa usalama kwani kiti chake cha awali ni kibovu.

10/10/2023

Mahak**a ya wilaya ya Masasi mkoani Mtwara, imeendelea kusikiliza sh*taka la kesi ya ubakaji linalomhusu Baba aitwaye Evance Adam mwenye umri wa miaka 56 anayetuhumiwa kumbaka mwanafunzi wa darasa la nne mwenye umri wa miaka 10 anayesoma shule ya msingi Nambawara wilayani humo.
Mtuhumiwa huyo anadaiwa kutenda kosa hilo Septemba 17, 2023 baada ya kumshawishi mwanafunzi huyo kumpatia fedha na kukataa, ndipo mtuhumiwa alipoamua kumvutia kichani na kisha kumbaka.
Mbele ya mahak**a ya wilaya ya Masasi kesi hiyo namba 102 ya mwaka 2023 ikiwa na mashahidi sita tayari mashahidi wawili wamesikilizwa.
Kesi hiyo imehairishwa hadi hapo Oktoba19, mwaka huu na mtuhumiwa amerudishwa rumande

Cc: kusiniyetu

10/10/2023

Mahak**a ya wilaya ya Masasi mkoani Mtwara, imemwachia kwa dhamana Mwalimu wa shule ya msingi Mkalapa, aitwaye Nestory George (23) anayetuhumiwa kumbaka mwanafunzi-mhitimu wa darasa la saba katika shule hiyo mwenye umri wa miaka 13.

Mwalimu huyo ameachiwa, baada ya mahak**a kutoa sharti la mtu mmoja kumdhamini mtuhumiwa na kumtolea dhamana ya kiasi cha shilingi milioni tatu kwa maneno, huku kesi hiyo ikiendelea upande wa mashtaka.

Mnamo Septemba 15, 2023 majira ya mchana mwalimu huyo Nestory George anatuhumiwa kutenda kosa la kumbaka mwanafunzi wake baada ya ndugu jamaa na marafiki wa mlalamikaji kuvamia katika nyumba anayoishi na kuwakuta wakiwa ndani.

Kesi hiyo namba 99 ya mwaka 2023 ambayo ipo mbele ya hakimu mkazi mwandamizi wa mahaka ya wilaya ya Masasi Batista Kashusha imeanza kuzikilizwa upande wa mlalamikaji.

Akisoma shtaka hilo na kutoa nafasi ya mashahidi kueleza ushahidi wao kwa wakati tofauti mbele ya mahak**a hiyo, ndugu wa mlalamikaji wameithibitishia mahak**a kuwa, ni kweli walimkuta mwalimu huyo ndani ya chumba chake akiwa amejificha chini ya uvungu wa kitanda huku mwanafunzi anayedaiwa kubakwa akiwa amelala uchi kitandani.

Katika shtaka hilo linaloendelea hadi sasa mashahidi wanne wameshatoa ushahidi wao, na watatu wanatarajiwa kuendelea kutoa ushahidi wao.

Mbele ya hakimu mkazi mwandamizi wa mahak**a ya wilaya ya Masasi Batisha Kashusha kesi hiyo imehairishwa na itasikilizwa tena Octoba 24, mwaka huu na mtuhumiwa yupo nje kwa dhamana.

Cc: kusiniyetu

08/10/2023

Katibu Mkuu wa Chama cha ACT Wazalendo Ado Shaibu amedai kuwa viongozi wa chama hiko wilaya ya Kilwa mkoani Lindi wamefunguliwa kesi kwa ajili ya kupinga uporwaji ardhi Pwani ya Jimbiza.

"Nataka kumuambia DC Kilwa, hawatatunyamazisha kwa vitisho vya kutufunga. ACT tutaendelea kuwa sauti ya Watu wa Kilwa bila kujali vitisho vyake"- Katibu Mkuu, ACT Wazalendo- Ado Shaibu

"Migogoro ya Wakulima na wafugaji inaleta maafa na mauaji. Serikali ipo kimya. Hakuna hatua za maana zinazochukuliwa. ACT Wazalendo haturidhishwi na hali hiyo"-Katibu Mkuu, ACT Wazalendo- Ado Shaibu

"Binafsi, baada ya ziara ya Mikoa ya Kusini, nilikwenda kumuona Waziri Mkuu. Nikamweleza, k**a hatua za dharura za dharura hazitachuliwa, maafa makubwa zaidi yatajitokeza"- Katibu Mkuu, ACT Wazalendo- Ado Shaibu
Ado
"Kwenye ziara yake Kusini, Rais Samia amesema amelichukua suala hili la migogoro ya wakulima na wafugaji. Sisi ACT Wazalendo tunafuatilia kwa karibu. Tunataka vitendo"- Katibu Mkuu, ACT Wazalendo- Ado Shaibu
cc: Nipashe

08/10/2023

Aidha Mary Laizer amesema mila ya kuchomeka mkuki mlangoni kwa jamii hiyo ilitokea zamani kutokana na kutokuwa na maradhi tofauti na sasa, pia kwa sasa elimu imeingia kwa jamii ya kimaasai.