Gilly Bonny Tv

Home
Tanzania
Dar es Salaam
Gilly Bonny Tv

Independent Media.
(23)

12/12/2024

Baada ya aliyekuwa Makamu Mwenyekiti wa Chadema Taifa bara kutangaza kuwania nafasi ya Uenyekiti Taifa wa chama hicho, makundi kadhaa yenye nguvu yameibuka kuitaka nafasi ya Umakamu uenyekiti ambayo sasa ni rasmi iko wazi.

Vyanzo vya kuaminika ndani ya Chama hicho vinaeleza kuwa makundi hayo ni lile la aliyewahi kuwa Mwenyekiti wa Baraza la Vijana Taifa (Bavicha) , Mwenyekiti wa kanda ya Mashariki anayemaliza muda wake na swahiba mkuu wa Mwenyekiti wa Taifa (Mbowe) na Mwenyekiti wa Kanda ya Victoria mtoto wa mama ntilie Ezekiel Wenje.

Taarifa za ndani ya kambi hizo zinaeleza kuwa vita ni kubwa kutokana na kila mmoja kuonekana kuwa na uswahiba wa namna moja ama nyingine na Mwenyekiti wa sasa , hali ambayo inakiweka chama hicho kwenye sitofahamu pale hatua ya mchujo itakapowadia, na hatimae Uchaguzi wenyewe wa kumpata Makamu Mwenyekiti wa Chadema Taifa.

Wasifu wa Vijana wa makundi haya tukianza na yeye alianzia kwenye nafasi ya Uenyekiti wa Baraza la Vijana (Bavicha) kisha kuwa Mbunge wa Tarime kwa miaka 5 (yani 2015 hadi 2020) baadaye kuwa Mwenyekiti wa Kanda Serengeti, yeye alianza kuwa mwanachama wa kawaida kisha Ubunge jimbo la Arusha Mjini na hatimae Mwenyekiti wa Kanda ya Mashariki, Ezekiel Wenje Ubunge Nyamagana kwa miaka 5 kisha Uenyekiti wa kanda ya Victoria nafasi ambayo anaishikilia hadi sasa.

Credit : Iamperfecti, Efm Tanzania

12/12/2024

Mwenyekiti wa Taasisi ya Mama Ongea na Mwanao Taifa, Steve Nyerere amempongeza Makamu Mwenyekiti wa Chama cha Demokrasia na Maendeleo (CHADEMA), Tundu Lissu kwa kutangaza nia ya kugombea uenyekiti wa chama hicho.

Steve Nyerere kupitia ukurasa wake wa mtandao wa kijamii wa Instagram, amepongeza Tundu Lissu kwa kutumia haki yake ya kikatiba ya chama chake kutaka kugombea nafasi hiyo ambayo kwa sasa inashikiliwa na Freeman Mbowe.

"Nimekusikiliza mara 100 nasema nimekulewa. Ni haki yako kikatiba kugombea ili mradi huvunji katiba ya chama chako, miko ya chama chako. Basi ukijiona unatosha na muda wa kujipima kwa mwanachama wenzako kwa maslahi mapana ya Umoja wenu".

Steve ameendelea kwa kuandika "Natamani soon (hivi karibuni) nimuone mgombea mwenza wako nae akijitokeza hadharani. Hongera Mwenyekiti"

Leo Alhamisi mapema Tundu Lissu alitangaza rasmi nia ya kugombea nafasi ya Uenyekiti wa CHADEMA Taifa.

Akitangaza nia yake Jijini Dar es Salaam, Lissu alisema "Napenda kuwajulisha rasmi kwamba nimeshawasilisha taarifa rasmi kwa Katibu wa Chama chetu ya kuondoa kusudio langu la kugombea nafasi ya Makamu Mwenyekiti na badala yake nimeshawasilisha rasmi kusudio langu la kugombea nafasi ya Mwenyekiti wa Chama chetu".

12/12/2024

VIDEO:

Taasisi ya Sekta Binafsi Tanzania (TPSF) imefanya mageuzi makubwa kwenye Katiba ili kuendelea kuimarisha ushiriki na kuongeza ufanisi wa sekta binafsi nchini.

Akizungumza leo Desemba 12, 2024 jijini Dar es Salaam kwenye kikao na wahariri na waandishi wa habari, Mkurugenzi Mkuu wa Taasisi ya Sekta Binafsi, Raphael Maganga amesema maboresho hayo yalipitishwa na mkutano mkuu wa wanachama uliofanyika tarehe 20 Novemba, 2024.

Maganga amesema maboresho hayo yamefanywa kwa kuzingatia maazimio ya kikao cha 13 na 14 cha Baraza la Taifa la Biashara cha tarehe 7 Juni, 2022 na 9 Juni, 2023, ambayo pamoja na mambo mengine Rais Dkt. Samia Suluhu Hassan aliagiza kufanyika kwa maboresho hayo k**a anavyomnukuu, "Taasisi za Sekta Binafsi nchini ziimarishe uhusiano miongoni mwa wadau wa sekta binafsi na taasisi zao zisomane/zishirikiane, waimarishe miiko na maadili ya sekta binafsi (Private Sector code of Conduct."

"Hivyo k**a TPSF tuliona agizo la Mh. Rais ni muhimu sana katika kuhakikisha sekta binafsi nchini ina uratibu madhubuti wa vyama vya biashara, inakuwa sekta inayotii sheria, na yenye nidhamu (Coordinate, disciplined and Compliant Private Sector)." ameongeza Maganga.

Aidha amesema katika maboresho hayo, jina la taasisi hiyo limebadilishwa kuwa Shirikisho la Sekta Binafsi Tanzania (Tanzania Private Sector Federation - TPSF) badala ya Taasisi ya Sekta Binafsi Tanzania (Tanzania Private Sector Foundation - TPSF) ili kuondoa mkanganyiko uliokuwepo juu ya taasisi hiyo kuonekana k**a shirika la kutoa misaada (charity).

Vilevile Shirikisho hilo, litaongozwa na Baraza la Uongozi (Governing Council) ambalo litashughulika na wanachama na changamoto zao, na chini yake kutakuwa na Kamati Tendaji (Executive Committee).

Pia, kutakuwa na wawakilishi wa kongani 25 sawa na wale wa Baraza la Taifa la Biashara (TNBC) badala ya konga 10 za awali, ambapo sasa katika kila kila konga kutakuwa na makundi mengine madogo (sub clusters) zenye wanachama walio kwenye kundi moja kuweza kukutana na kujadili changamoto wanazokumbana nazo.

Vilevile, katika maboresho hayo, uwajibikaji utasimamiwa na k**ati tendaji ili kuhakikisha kunakuwa na uendeshaji imara wa shirikisho.

12/12/2024

MAKAMU Mwenyekiti wa Chama Cha Demokrasia na Maendeleo (CHADEMA) Tundu Lissu, amenyimwa Ukumbi wa kufanyia mkutano wake Makao Makuu ya Chadema kutokana na mgogoro wa kuwania uenyekiti ndani ya chama hicho na kulazimika kutangaza nia yake ya kuwania nafasi ya Uenyekiti katika Ukumbi wa Mlimani City, jijini Dar es Salaam.

Uamuzi wa Lissu wa kufanyia mkutano wake Mlimani City ulikuja saa chache baada ya kunyimwa ukumbi ndani ya Makao Makuu ya chama chao, hali inayoendeleza joto la mgogoro Chadema.

“Kwa jinsi tu minyukano jinsi ilivyo katika mitandao huko, tungefanyia Makao Makuu ingeweza kuleta sintofahamu. Tumekuja huku ili niwe na uwezo na uhuru wa kuzungumza na nyie wote bila hofu.

“Miezi michache iliyopita kuna bwana mmoja alitangaza nia ya kugombea nafasi ya Makamu Mwenyekiti wa chama chetu na k**a sikosei alitangazia nia hotelini pamoja na kwamba yeye ni Mwenyekiti wa Kanda ya Victoria,”Tundu Lissu Mgombea Uenyekiti Chadema.

Mgogoro wa Chadema unatokana na uwepo wa kambi mbili zinazomuhusisha Mwenyekiti wake Freeman Mbowe na Lissu wakichuana kuwania nafasi ya Mwenyekiti wa Chadema.

12/12/2024

Waziri wa Mambo ya Ndani ya Nchi, Innocent Bashungwa (Mb) ameiagiza Menejimenti ya Wizara ya Mambo ya Ndani kusimamia Kitengo kinachoshughulikia Malalamiko yanayotolewa kwa Wizara, Taasisi na Vyombo vya Usalama kuhakikisha wanayafanyia kazi na kutoa mrejesho wa utatuzi wa malalamiko kwa Wananchi.

Aidha, Bashungwa amevitaka Vitengo vya Mawasiliano na Habari vya Wizara, Vyombo vya Usalama na Taasisi zote kuboresha mfumo wa Mawasiliano na habari kwa umma.

Ameeleza hayo leo tarehe 12 Disemba, 2024 wakati akizungumza na Wakuu wa Idara na Vitengo mara baada ya kupokelewa Makao Makuu ya Wizara yaliyopo Mji wa Serikali Mtumba - Dodoma na kusisitiza kuwa ni haki ya Watanzania kupata taarifa sahihi kwa wakati.

“Kuna Malalamiko mengine yanakuwepo kwa sababu hamna taarifa sahihi au taarifa imechelewa, kwahiyo lazima mhakikishe mnashughulikia Malalamiko na kutoa mrejesho”, ameeleza Bashungwa.

Vilevile, Bashungwa ametoa wito kwa Watumishi wa Wizara kutoa ushirikiano kwake na viongozi wengine wote ili kwa pamoja kutimiza adhima ya Mheshimiwa Rais, Dkt. Samia Suluhu Hassan kwa kuwahudumia Wananchi.

Kwa Upande wake, Naibu Waziri wa Mambo ya Ndani ya Nchi, Daniel Sillo amemkaribisha Waziri Bashungwa na kumhakikishia ushirikiano wa karibu katika utekelezaji wa majukumu katika Wizara ya Mambo ya Ndani ya Nchi.

12/12/2024

“Mwanachama wa CHADEMA au mtu mwingine yeyote anayeona ajabu, au anayechukizwa na uamuzi wangu wa kutangaza nia ya kugombea nafasi ya Mwenyekiti wa chama chetu, atakuwa ama hajui, au amesahau au hataki kuenzi na kuendeleza urithi tulioachiwa na wazee wetu Edwin Mtei na Bob Makani wa kuachiana madaraka ya uongozi ndani ya chama kwa njia ya uchaguzi huru na wa haki. Mtu wa aina hiyo anatakiwa kuelimishwa” Lissu.

12/12/2024

"Ukomo wa madaraka utapunguza sana, k**a sio kuondoa kabisa, upambe na uchawa unaoshamiri pale viongozi wanapong’ang’ania madaraka katika mazingira yasiyokuwa na ukomo wa madaraka.

Katika hili ni muhimu tukumbuke tahadhari aliyowahi kuitoa Baba wa Taifa Mwalimu Julius Kambarage Nyerere: “Kila nilipokuwa nikitaka kung’atuka walikuwa wakiniambia: ‘Mwalimu endelea tu, hii nchi ni changa na umeitoa mbali. Nchi hii haitaendelea bila wewe.’

Nami niliendelea hadi pale nilipokuja kugundua kumbe nchi changa waliyoiongelea ni familia zao, na hazitaendelea bila mimi kuwepo madarakani, maana walikuwa hawana uhakika k**a Rais ajaye atawaacha katika nafasi walizokuwa nazo.” Lissu.

12/12/2024

“Chama chetu (CHADEMA) kimekuwa kikubwa sana. Hakuna tena hofu ya kukosa viongozi katika ngazi mbali mbali za uongozi wa chama. Michuano mikali ambayo tumeishuhudia katika chaguzi za chama zinazoendelea ni ushahidi tosha kwamba chama kimekua.

Katika mazingira haya, hatuna budi kurudisha tena utaratibu wa kikatiba wa ukomo wa madaraka katika chama tuliokuwa nao katika miaka ya mwanzo ya chama chetu.

Kuweka ukomo wa madaraka katika uongozi wa chama sio tu utaondoa uwezekano wa viongozi wa chama kung’ang’ania madaraka, bali pia utawezesha kujengeka kwa utamaduni wa kuandaa viongozi wapya wa chama wa kila kizazi.

Utaratibu huu utawezesha pia kupatikana kwa mawazo mapya na mbinu mpya katika uongozi na uendeshaji wa chama kwa vizazi vijavyo ili kuhakikisha chama kinaendelea kukua na kuimarika.

Hii ndio ilikuwa ndoto ya Mzee Mtei wakati anajiandaa kung’atuka kwenye madaraka yake ya Mwenyekiti mwanzilishi wa CHADEMA”. Tundu Lissu.

12/12/2024

Makamu Mwenyekiti wa CHADEMA - Bara, Tundu Lissu ametangaza rasmi nia ya kugombea nafasi ya Uenyekiti wa CHADEMA Taifa ambayo kwa sasa inashikiliwa na Freeman Mbowe.

"Napenda kuwajulisha rasmi kwamba nimeshawasilisha taarifa rasmi kwa Katibu wa Chama chetu la kuondoa kusudio langu la kugombea nafasi ya Makamu Mwenyekiti na badala yake mimewasilisha rasmi kusudia langu la kugombea nafasi ya Mwenyekiti wa Chama chetu".

12/12/2024

Waziri Mkuu Kassim Majaliwa leo Desemba 12, 2024 anafungua mkutano Mkuu wa 19 wa Umoja wa Wakuu wa Shule za Sekondari Tanzania, katika Kituo cha Mikutano cha Jakaya Kikwete jijini Dodoma.

Mkutano huo unatoa fursa kwa wakuu wa shule kufanya tathmini ya utendaji kazi kwa mwaka mzima na kubadilishana uzoefu katika masuala mbalimbali ya usimamizi na uendeshaji wa elimu nchini.

Kaulimbiu ya Mkutano huo ni TEHAMA ni ufunguo katika kutekeleza mitaala na kutengeneza fursa za ajira Tanzania.

12/12/2024

Shirikisho la soka duniani FIFA, limethibitisha kuwa Kombe la Dunia la mwaka 2034 litafanyika Nchini Saudi Arabia ambapo hiyo itakuwa mara ya kwanza kufanyika katika Nchi moja pekee tangu idadi ya Timu ilipoongezwa hadi 48.

Saudi Arabia ambayo ni moja ya Nchi zilizoharamisha mapenzi ya jinsia moja, imegubikwa na ukosoaji mkubwa tangu kuonesha nia yake ya kutaka kuwa Mwenyeji wa Kombe la dunia ambapo imekua ikikosolewa kwa ukiukaji wake wa haki za Binadamu, vizuizi vya uhuru wa kusema na ukosefu wa haki za Wanawake.

Nchi hiyo ambayo hadi mwaka 2023 ilikua ina idadi ya Watu milioni 36.95 itakuwa Mwenyeji wa mashindano hayo ya hadhi ya juu zaidi ya soka kwa mara ya kwanza huku ushawishi wake ukiendelea kushuhudiwa kuzidi kukua siku hadi siku.

12/12/2024

Manchester City sasa wamekuwa vibonde kwa kila mtu, anachukua alama tatu hii ni baada ya usiku wa jana kupokea kichapo cha mabao 2-0 ugenini dhidi ya Juventus katika mchezo wa Ligi ya Mabingwa Ulaya.

Kipindi kibaya zaidi katika historia ya kocha Pep Guardiola, katika Michezo 10 katika mashindano yote, amepoteza michezo 7 na kutoa sare michezo miwili na kupata ushindi mchezo mmoja huku wakiruhusu kufungwa magoli 23.

Kwenye Ligi Kuu ya England wapo katika nafasi ya 4 na katika Ligi ya Mabingwa wapo katika nafasi ya 22. City hawajashinda mchezo wowote wa ugenini tangu Oktoba 30 mwaka huu.

Matokeo ya mechi zingine
FT Arsenal 🏴󠁧󠁢󠁥󠁮󠁧󠁿 3-0 🇫🇷 AS Monaco
FT Benfica 🇵🇹 0-0 🇮🇹 Bologna
FT Dortmund 🇩🇪 2-3 🇪🇸 Barcelona
FT Feyenoord 🇳🇱 4-2 🇨🇿 Sparta Praha
FT Juventus 🇮🇹 2-0 🏴󠁧󠁢󠁥󠁮󠁧󠁿 Man City
FT Milan 🇮🇹 2-1 🇷🇸 Crvena Zvezda
FT Stuttgart 🇩🇪 5-1 🇨🇭 Young Boys.

11/12/2024

Hapo zamanı Morogoro ulikuwa ni moja ya mikoa yenye Viwanda vingi Tanzania kabla ya kushuka kwa hadhi yake.
Maono ya Rais Dkt. Samia Suluhu Hassan ni kuhakikisha Morogoro inarudisha hadhi yake ya Viwanda na kushindana na mikoa ya Dar es Salaam na Pwani.

11/12/2024

Msanii wa Bongo fleva ameachia Nyimbo ambazo zitapatikana kwenye Album yake mpya ya "The Big One' ambayo imepangwa kuachiliwa rasmi Disemba 13, 2024.

11/12/2024

Rais wa Jamhuri ya Muungano wa Tanzania, Dkt. Samia Suluhu Hassan, ambaye pia ni Mwenyekiti wa Asasi ya Siasa, Ulinzi na Usalama ya Jumuiya ya Maendeleo Kusini mwa Afrika (SADC-Organ), ameshiriki Mkutano wa Utatu wa Wakuu wa Nchi na Serikali wa Asasi hiyo kwa njia ya mtandao.

Mkutano huo umefanyika katika Ikulu ndogo ya Tunguu, Zanzibar, leo Desemba 11, 2024.

11/12/2024

Waziri wa Ujenzi, Mhe. Abdallah Ulega amekutana na kufanya mazungumzo na Wakuu wa Taasisi zilizo chini ya Wizara ya Ujenzi katika Ofisi ndogo za Wakala ya Barabara (TANROADS), leo tarehe 11 Disemba, 2024 Dar es Salaam.

Kikao hicho kimehudhuriwa na Katibu Mkuu wa Wizara ya Ujenzi, Balozi Eng. Aisha Amour, pamoja na Wakuu wa Taasisi kutoka Wakala ya Barabara (TANROADS), Wakala wa Majengo (TBA), Wakala wa Ufundi na Umeme (TEMESA), Bodi ya Usajili ya Wahandisi (ERB), Bodi ya Usajili ya Wakandarasi (CRB), Bodi ya Usajili ya Wabunifu Majengo na Wakadiriaji Majenzi (AQRB), Bodi ya Mfuko wa Barabara (RFB), Baraza la Taifa la Ujenzi (NCC) na Taasisi ya Teknolojia ya Ujenzi (ICoT).

Akizungumza katika kikao hicho, Waziri Ulega amemshukuru Mheshimiwa Rais Dkt. Samia Suluhu Hassan kwa kuendelea kumuamini na kumteua kuhudumu katika Wizara ya Ujenzi.

Aidha, Waziri Ulega ameahidi kuwapa ushirikiano Wakuu wa Taasisi hizo na kuendeleza yale yote ambayo yapo katika utekelezaji yakiwemo majukumu makuu ya Wizara ya Ujenzi wa miundombinu ya barabara, madaraja, viwanja vya ndege, ujenzi na usimamizi wa vivuko, ujenzi wa majengo na nyumba za watumishi na Viongozi wa Serikali.

Kwa upande wake, Katibu Mkuu wa Wizara hiyo, Balozi Eng. Aisha Amour amemkaribisha Waziri Ulega na kumuahidi ushirikiano kutoka kwa Menejimenti na watumishi wa Wizara pamoja na Taasisi zake.

11/12/2024

Mchezo wa Ligi Kuu ya NBC kati ya Simba dhidi ya JKT Tanzania uliokuwa uchezwe Oktoba 29, 2024 sasa utapigwa Disemba 24, 2024 katika uwanja wa KMC Complex majira ya saa kumi jioni.

Mchezo huo uliahirishwa kutokana na JKT Tanzania kupata ajali ya gari mnamo Oktoba 27, 2024 iliyopelekea baadhi ya wachezaji wao kuumia na sasa umepangiwa Tarehe nyingine ambayo ni Disemba 24, 2024.

Address

Sinza Makaburini
Dar Es Salaam
1110111101(2)

Website

https://www.youtube.com/channel/UCyWN8UUznvkIsK7Kz-fIOYA

Alerts

Be the first to know and let us send you an email when Gilly Bonny Tv posts news and promotions. Your email address will not be used for any other purpose, and you can unsubscribe at any time.

Videos

CHAMA Cha Demokrasia na Maendeleo (Chadema), kimepasuka rasmi baada ya Makamu Mwenyekiti wake Tundu Lissu, kutangaza nia ya kugombea uenyekiti unaoshikiliwa na Freeman Mbowe, aliyedumu kwenye kiti hicho kwa miaka 20. Awali Lissu alitangaza kutetea nafasi yake ya Makamu Mwenyekiti, lakini amebadilisha mtazamo wake, badala yake akamuandikia barua Katibu Mkuu wa Chadema, John Mnyika, akimuarifu uamuzi wake wa kuitaka nafasi ya juu kabisa katika chama hiki cha upinzani. Uamuzi wa Lissu kuitaka nafasi hiyo imetajwa kama sehemu ya kuendeleza joto na mpasuko kutokana na baadhi ya wadau wa chama hicho kuamini ni Mbowe tu anayeweza kushikilia kiti cha Mwenyekiti wa Chadema. “Mzee Edwin Mtei na Mzee Bob Makani hawakutaka kukaa madarakani mpaka watakapolazimishwa kuondoka kwa aibu. Waliandaa utaratibu wa kuondoka madarakani kwa hiari yao,” Tundu Lissu, Makamu Mwenyekiti wa Chadema. Maneno ya Lissu kuhusu viongozi kungángánia madaraka ni kama kejeli kwa Mwenyekiti wake Mbowe, aliyeshikilia nafasi hiyo kwa miaka 20 huku kila anayetangaza nia ya kuitaka nafasi hiyo kutimuliwa kwenye chama hicho.

VIDEO: Taasisi ya Sekta Binafsi Tanzania (TPSF) imefanya mageuzi makubwa kwenye Katiba ili kuendelea kuimarisha ushiriki na kuongeza ufanisi wa sekta binafsi nchini. Akizungumza leo Desemba 12, 2024 jijini Dar es Salaam kwenye kikao na wahariri na waandishi wa habari, Mkurugenzi Mkuu wa Taasisi ya Sekta Binafsi, Raphael Maganga amesema maboresho hayo yalipitishwa na mkutano mkuu wa wanachama uliofanyika tarehe 20 Novemba, 2024. Maganga amesema maboresho hayo yamefanywa kwa kuzingatia maazimio ya kikao cha 13 na 14 cha Baraza la Taifa la Biashara cha tarehe 7 Juni, 2022 na 9 Juni, 2023, ambayo pamoja na mambo mengine Rais Dkt. Samia Suluhu Hassan aliagiza kufanyika kwa maboresho hayo kama anavyomnukuu, "Taasisi za Sekta Binafsi nchini ziimarishe uhusiano miongoni mwa wadau wa sekta binafsi na taasisi zao zisomane/zishirikiane, waimarishe miiko na maadili ya sekta binafsi (Private Sector code of Conduct." "Hivyo kama TPSF tuliona agizo la Mh. Rais ni muhimu sana katika kuhakikisha sekta binafsi nchini ina uratibu madhubuti wa vyama vya biashara, inakuwa sekta inayotii sheria, na yenye nidhamu (Coordinate, disciplined and Compliant Private Sector)." ameongeza Maganga. Aidha amesema katika maboresho hayo, jina la taasisi hiyo limebadilishwa kuwa Shirikisho la Sekta Binafsi Tanzania (Tanzania Private Sector Federation - TPSF) badala ya Taasisi ya Sekta Binafsi Tanzania (Tanzania Private Sector Foundation - TPSF) ili kuondoa mkanganyiko uliokuwepo juu ya taasisi hiyo kuonekana kama shirika la kutoa misaada (charity). Vilevile Shirikisho hilo, litaongozwa na Baraza la Uongozi (Governing Council) ambalo litashughulika na wanachama na changamoto zao, na chini yake kutakuwa na Kamati Tendaji (Executive Committee). Pia, kutakuwa na wawakilishi wa kongani 25 sawa na wale wa Baraza la Taifa la Biashara (TNBC) badala ya konga 10 za awali, ambapo sasa katika kila kila konga kutakuwa na makundi mengine madogo (sub clusters) zenye wanachama walio kwenye kundi moja kuweza kuku

MAKAMU Mwenyekiti wa Chama Cha Demokrasia na Maendeleo (CHADEMA) Tundu Lissu, amenyimwa Ukumbi wa kufanyia mkutano wake Makao Makuu ya Chadema kutokana na mgogoro wa kuwania uenyekiti ndani ya chama hicho na kulazimika kutangaza nia yake ya kuwania nafasi ya Uenyekiti katika Ukumbi wa Mlimani City, jijini Dar es Salaam. Uamuzi wa Lissu wa kufanyia mkutano wake Mlimani City ulikuja saa chache baada ya kunyimwa ukumbi ndani ya Makao Makuu ya chama chao, hali inayoendeleza joto la mgogoro Chadema. “Kwa jinsi tu minyukano jinsi ilivyo katika mitandao huko, tungefanyia Makao Makuu ingeweza kuleta sintofahamu. Tumekuja huku ili niwe na uwezo na uhuru wa kuzungumza na nyie wote bila hofu. “Miezi michache iliyopita kuna bwana mmoja alitangaza nia ya kugombea nafasi ya Makamu Mwenyekiti wa chama chetu na kama sikosei alitangazia nia hotelini pamoja na kwamba yeye ni Mwenyekiti wa Kanda ya Victoria,”Tundu Lissu Mgombea Uenyekiti Chadema. Mgogoro wa Chadema unatokana na uwepo wa kambi mbili zinazomuhusisha Mwenyekiti wake Freeman Mbowe na Lissu wakichuana kuwania nafasi ya Mwenyekiti wa Chadema.

Hapo zamanı Morogoro ulikuwa ni moja ya mikoa yenye Viwanda vingi Tanzania kabla ya kushuka kwa hadhi yake. Maono ya Rais Dkt. Samia Suluhu Hassan ni kuhakikisha Morogoro inarudisha hadhi yake ya Viwanda na kushindana na mikoa ya Dar es Salaam na Pwani. #MaonoYaSamia #Morogoro

Tanzania imeibuka na Tuzo 14 kwenye tuzo kubwa za utalii Duniani za World Travel Awards kipengele cha Afrika Kwenye Tuzo hizi Tanzania ilichukua tuzo ya African Leading Destination (Sehemu Inayoongoza kwa utalii mwaka 2024), Africa's Leading Festival & Event Destination 2024 (Eneo bora la kufanya matamasha na matukio ya utalii Afrrika) ikipewa Zanzibar, Tanzania, Africa's Leading Tourist Board 2024 (Bodi Bora ya Utalii Afrika) ikipewa Bodi ya Utalii Tanzania TTB. Kivutio bora cha utalii ikapewa mlima Kilimanjaro na Mbuga Bora ya utalii ikapewa Serengeti National Park. Gosheni Safari’s, wamepata tuzo ya Kampuni bora ya uendeshaji utalii barani Afrika (Africa's Leading Tour Operator 2024), Kampuni ya utalii inayowajibika Afrika 2024 (Africa's Responsible Tourism Award 2024) amepata Twiga Tours, Wakala bora wa utalii Afrika 2024 (Africa's Leading Travel Agency 2024) amepata Blueberry Travel. Tuzo ya Africa's Leading Luxury Tented Safari Camp 2024 amechukua Siringit Serengeti camp huku Africa's Leading Luxury Safari Lodge 2024 akipewa &Beyond Grumeti Serengeti River Lodge, Tanzania, Africa's Leading Luxury Safari Company 2024 ikapewa kampuni ya &Beyond kutoka Tanzania. Tuzo ya Kisiwa bora cha utalii imepewa kisiwa cha Thanda cha mafia, Tanzania, tuzo ya wakala bora wa usafiri wa burudani Afrika (Africa's Leading Leisure Travel Agency 2024) imeenda kwa Satguru Travel huku kampuni bora ya kukodisha magari ya biashara kwa Afrika mwaka 2024 (Africa's Leading Business Car Rental Company 2024) tuzo yake imeenda kwa kampuni ya Budget. Haya ni matokeo ya uwekezaji mkubwa uliofanywa kwenye sekta ya utalii Pamoja na kuitangaza Tanzania nje ya nchi tangu kufanyika filamu ya Tanzania The Royal Tour iliyofanywa na rais wa Jamhuri ya muungano wa Tanzania Dkt. Samia Suluhu Hassan mwaka 2022. #SamiaApp #Utalii

Huduma ya Msaada wa kisheria bure "Mama Samia Legal Aid Campaign" inayoendelea kutolewa na Serikali kupitia Wizara ya Katiba na Sheria imeshafikia jumla ya wananchi 409,638 kote nchini, ikiwa ni sehemu ya juhudi za kuboresha upatikanaji wa msaada wa kisheria kwa umma. Kampeni hiyo imezinduliwa rasmi Mkoani Iringa na itatekelezwa kwa siku 10 mfululizo, kuanzia leo hadi tarehe 19 Disemba 2024. Akimwakilisha Mkuu wa Mkoa wa Iringa, Mhe. Peter Serukamba, Mstahiki Meya wa Manispaa ya Iringa, Mhe. Ibrahim Ngwada, ameeleza kuwa lengo la kampeni hiyo ni kuimarisha upatikanaji wa huduma za msaada wa kisheria na kuongeza uelewa wa wananchi kuhusu sheria na haki za binadamu, hasa haki za wanawake na watoto. Amesisitiza kuwa kampeni hiyo inahusisha ushirikiano mkubwa kati ya Serikali na wadau mbalimbali wa kisheria, ili kuhakikisha huduma za msaada wa kisheria zinawafikia wananchi popote walipo. Naye Naibu Katibu Mkuu wa Wizara ya Katiba na Sheria, Mhe. Dkt. Franklin Jasson Rwezimula, amesema kuwa kampeni hiyo ni ya kitaifa na inaendelea kutekelezwa kwa ushirikiano wa ngazi za kitaifa, kimkoa, na Mamlaka ya Serikali za Mitaa. Dkt. Rwezimula amesema kuwa huduma hiyo inalenga kuwafikia wananchi wa mikoa yote 26 ya Tanzania, ambapo tayari mikoa 7 imeshapata huduma hiyo. Kesho, tarehe 11 Desemba 2024, kampeni hiyo itazinduliwa rasmi mkoani Mara, baada ya hapo, itazinduliwa mkoani Songwe tarehe 12 Desemba 2024, kisha mkoani Morogoro, Lengo kuu ni kuhakikisha kuwa wananchi wa mikoa yote ya Tanzania wanapata huduma za msaada wa kisheria kabla ya kumalizika kwa mwaka wa fedha 2024/2025. Kampeni hiyo ni hatua muhimu katika kuboresha upatikanaji wa haki za kisheria na kutoa elimu kwa wananchi kuhusu haki zao, kutatua migogoro ya aina mbalimbali ili kuwezesha jamii kuwa na ufanisi zaidi katika utawala wa sheria

Rais wa Tanzania Mhe. Dkt Samia Suluhu Hassan alishiriki kwenye filamu ya Tanzania The Royal Tour iliyozinduliwa Aprili 19, 2022 na kutangaza fursa za utalii na uwekezaji zilizopo Tanzania. Rais Samia aliamini Filamu hiyo ingechangia kukua kwa sekta ya utalii na kuongeza idadi ya watalii kutoka nje na ndani ya nchi. Watalii wameongezeka kutoka Watalii 1,409,800 mwaka 2020/21 hadi kufikia 3,784,214 mwaka 2023/24 lengo ni kufikia Watalii 5,000,000 mwaka 2025/2026. Pia imechangia Pato la Taifa kutoka asilimia 14.9 mwaka 2020/21 hadi kufikia asilimia 17.2 lengo ni kufikia asilimia 18.9. Royal tour imeongeza fedha za kigeni kutoka asilimia 5.3 mwaka 2020/21 hadi kufikia asilimia 25 mwaka 2023/24 lengo ni kufikia asilimia 27 #MaonoYaSamia #SamiaApp

Makamu Mwenyekiti wa CHADEMA - Bara, Tundu Lissu, amesema maneno ya baadhi ya watu wanaomshambulia mitandaoni hayamuogopeshi wala kumfanya asiendele na majukumu yake ya kisiasa, huku akisema kuwa anatembea na risasi mgongoni, hivyo hawezi kutishwa na maneno ya aliowaita Mashujaa wa mitandaoni. Akijibu swali la Mwandishi wa Habari leo, Desemba 10, 2024, jijini Dar es Salaam, aliyehoji msimamo na kauli ya Lissu kuhusu wanaompiga mawe mitandaoni,

“Watakaoniambia Mbowe ondoka ni wanachadema hawa, watakaoniambia Mbowe gombea ni wanachadema hawa na viongozi wangu. Tutaelewana mambo yetu ya ndani yanawahusu nini? mie nashangaa tu mitandaoni yaani pilipili usizokula za kuwashia nini” Feeman Mbowe-Mwenyekiti wa Chadema Taifa.

“Kila siku mnazungumza mnadanganywa, ni hivi mazungumzo katika mambo ya Kijamii upende usipende ni fiche ya lazima. Niwape mfano kule mashariki ya kati Israel wanapigana na Palestina na kwingineko na mamia ya watu wanauwawa lakini ni wangapi mnajua vita inapoendelea kule nchini QATAR-DOHA kuna mazungumzo ya kutafuta amani yanaendelea?” Feeman Mbowe-Mwenyekiti wa Chadema Taifa.

“Kauli za ndani kwamba hakuna maandalizi, sikilizeni Jamani acheni kudakia vitu vidogo vidogo yaani vile vya uchimvi uchimvi. Inawezekana kila mmoja ana mtazamo tofauti, hiki ni Chama cha Siasa kuna watu wenye mitazamo tofauti lakini kuna maeneo tunakubaliana na kuna maeneo tunaweza tukabishana, na huo ndiyo ubinadamu wenyewe” Feeman Mbowe-Mwenyekiti wa Chadema Taifa.

“Manaibu Makatibu Wakuu na nyinyi kwa sababu tunakwenda kuimarisha hasa upande wa mabalozi wa kisiasa. Na mabalozi wengi wa upande wa kisiasa, kwenye ubalozi kuna aina mbili professional na wa kwangu wanaoniwakilisha huko. Tunawarudisha ili ili waje watuunge mkono kwenye kampeni za Uchaguzi huku,”Rais wa Jamhuri ya Muungano wa Tanzania Dkt. Samia Suluhu Hassan