28/07/2024
SOMO:sehemu ya tano hitimisho.
KUMKARIBISHA ROHO MATAKITU ATAWALE MAISHA YAKO KIBINAFSI
Tunaendelea mbele kuhitimisha kujifunza somo letu katika kipengele kinachoitwa;
SHETANI
Ni roho chafu iliyotupwa duniani ili kushindana na ufalme wa Mungu kwa kuwadanganya wanadamu ili wamuasi Mungu.
Au
SHETANI ni adui ambaye anafanya kazi ya kuwash*taki watakatifu mbele za Mungu mchana na usiku.
Au
SHETANI ni roho chafu inayoishi duniani kwaajili ya kuwadanganya wanadamu kuhusu ukweli wa njia za Mungu ili waende naye jehanamu.
• Ebu turudi kwenye Biblia tuangalie inasema nini kuhusu shetani ili tuweze kumfahamu kiundani.
EZEKIELI 28:13-19
13 Ulikuwa ndani ya Adeni, bustani ya Mungu; kila jiwe la thamani lilikuwa kifuniko chako, akiki, na yakuti manjano, na almasi, na zabarajadi, na shohamu, na yaspi, na yakuti samawi, na zumaridi, na baharamani, na dhahabu; kazi ya matari yako na filimbi zako ilikuwa ndani yako; katika siku ya kuumbwa kwako zilitengenezwa tayari.
14 Wewe ulikuwa kerubi mwenye kutiwa mafuta afunikaye; nami nalikuweka hata ukawa juu ya mlima mtakatifu wa Mungu, umetembea huko na huko kati ya mawe ya moto.
15 Ulikuwa mkamilifu katika njia zako tangu siku ile ulipoumbwa, hata uovu ulipoonekana ndani yako.
16 Kwa wingi wa uchuuzi wako watu walikujaza udhalimu ndani yako, nawe umetenda dhambi; kwa sababu hiyo nimekutoa kwa nguvu katika mlima wa Mungu, k**a kitu kilicho najisi; nami nimekuangamiza, Ewe kerubi ufunikaye, utoke katika mawe hayo ya moto.
17 Moyo wako uliinuka kwa sababu ya uzuri wako; umeiharibu hekima yako kwa sababu ya mwangaza wako; nimekutupa chini, nimekulaza mbele ya wafalme, wapate kukutazama.
18 Kwa wingi wa maovu yako, katika uovu wa uchuuzi wako, umepatia unajisi patakatifu pako; basi nimetokeza moto kutoka ndani yako, nao umekuteketeza, nami nimekufanya kuwa majivu juu ya nchi, machoni pa watu wote wakutazamao.
19 Wote wakujuao kati ya kabila za watu watakustaajabia; umekuwa kitu cha kutisha, wala hutakuwapo tena hata milele.
Angalia na hili andiko;
UFUNUO 12:7-10
7 Kulikuwa na vita mbinguni; Mikaeli na malaika zake wakapigana na yule joka, yule joka naye akapigana nao pamoja na malaika zake;
8 nao hawakushinda, wala mahali pao hapakuonekana tena mbinguni.
9 Yule joka akatupwa, yule mkubwa, nyoka wa zamani, aitwaye Ibilisi na Shetani, audanganyaye ulimwengu wote; akatupwa hata nchi, na malaika zake wakatupwa pamoja naye.
10 Nikasikia sauti kuu mbinguni, ikisema, Sasa kumekuwa wokovu, na nguvu, na ufalme wa Mungu wetu, na mamlaka ya Kristo wake; kwa maana ametupwa chini msh*taki wa ndugu zetu, yeye awash*takiye mbele za Mungu wetu, mchana na usiku.
Ongezea na;
ZEKARIA 3:1
1 Kisha akanionyesha Yoshua, kuhani mkuu, amesimama mbele ya malaika wa Bwana, na Shetani amesimama mkono wake wa kuume ili kushindana naye.
Sisi ndio makuhani wa leo inamana hata sisi shetani amesimama ili kushindana na sisi.
1 PETRO 2:5
5 Ninyi nanyi, k**a mawe yaliyo hai, mmejengwa mwe nyumba ya Roho, ukuhani mtakatifu, mtoe dhabihu za roho, zinazokubaliwa na Mungu, kwa njia ya Yesu Kristo.
UHALISIA
Mashindano haya kwa jina jingine yanaitwa vita.
o Mashindano kati ya Mungu na shetani uwanja wake wa vita ni duniani.
MWANADAMU K**A CHOMBO CHA VITA
Mwanadamu ndio chombo kinachotumika kushindaniwa. Hiyo ni kwa sababu Mungu huwa anamtumia mwanadamu kupigana. Hata Shetani akitaka kukuletea vita mara nyingi atamtumia mwanadamu mwenzako ili kukuletea vita.
- Kwa sura unaweza kuona ni mwanadamu mwenzako ndio anakuletea shida.
- Ila katika ulimwengu wa Roho anakuwa ni shetani ndani yake anamtumia
MATHAYO 16:21-23
21 Tangu wakati huo Yesu alianza kuwaonya wanafunzi wake ya kwamba imempasa kwenda Yerusalemu, na kupata mateso mengi kwa wazee na wakuu wa makuhani, na waandishi, na kuuawa, na siku ya tatu kufufuka.
22 Petro akamchukua, akaanza kumkemea, akisema, Hasha, Bwana, hayo hayatakupata.
23 Akageuka, akamwambia Petro, Nenda nyuma yangu, Shetani; u kikwazo kwangu; maana huyawazi yaliyo ya Mungu, bali ya wanadamu.
KUFUNGUA MLANGO WA KUTUMIWA
Shetani kazi yake ni kuzunguka-zunguka duniani kila eneo akitafuta MTU wa kumshambulia.
AYUBU 1:6-12
6 Ilikuwa, siku moja ambayo hao wana wa Mungu walikwenda kujihudhurisha mbele za Bwana, Shetani naye akaenda kati yao.
7 Bwana akamwuliza Shetani, Umetoka wapi wewe? Ndipo Shetani akamjibu Bwana, na kusema, Natoka katika kuzunguka-zunguka duniani, na katika kutembea huku na huku humo.
8 Kisha Bwana akamwuliza Shetani, Je! Umemwangalia huyo mtumishi wangu Ayubu? Kwa kuwa hapana mmoja aliye k**a yeye duniani, mtu mkamilifu na mwelekevu, mwenye kumcha Mungu na kuepukana na uovu.
9 Ndipo Shetani akamjibu Bwana, na kusema, Je! Huyo Ayubu yuamcha Bwana bure?
10 Wewe hukumzingira kwa ukigo pande zote, pamoja na nyumba yake, na vitu vyote alivyo navyo? Kazi za mikono yake umezibarikia, nayo mali yake imeongezeka katika nchi.
11 Lakini nyosha mkono wako sasa, uyaguse hayo yote aliyo nayo, naye atakukufuru mbele za uso wako.
12 Bwana akamwambia Shetani, Tazama, yote aliyo nayo yamo katika uwezo wako; lakini usinyoshe mkono wako juu yake yeye mwenyewe. Basi Shetani akatoka mbele za uso wa Bwana.
Tunatakiwa tuwe macho kwa sababu uwezi jua shetani amemuingia mwenzako saangapi na atamtumia kukushambulia saangapi.
MFANO;
Shetani alimtumia hata mke wa Ayubu kumsambulia Ayubu bila mkewe kujua amefungua mlango saangapi wa kutumiwa.
AYUBU 2:9-10
9 Ndipo mkewe akamwambia, Je! Wewe hata sasa washik**ana na utimilifu wako? Umkufuru Mungu, ukafe.
10 Lakini yeye akamwambia, Wewe wanena k**a mmoja wa hao wanawake wapumbavu anenavyo. Je! Tupate mema mkononi mwa Mungu, nasi tusipate na mabaya? Katika mambo hayo yote Ayubu hakufanya dhambi kwa midomo yake.
Kilichomsaidia Ayubu kushinda hii vita ni kwa sababu alikuwa macho hivyo akatambua mkewe tayari ameshavamiwa.
Usimuamini mtu muamini Mungu peke yake wengine tuishi nao kwa tahadhari ya kuwa macho yaani kuchunguzana kwenye kila tunalosemeshana la Kiroho.
MAANA YA KUWA MACHO; Ni kitendo cha kulipima jambo unalosikia na kuliona kimaandiko kwamba limetoka kwa roho gani.
1 YOHANE 4:1-6
1 Wapenzi, msiiamini kila roho, bali zijaribuni hizo roho, kwamba zimetokana na Mungu; kwa sababu manabii wa uongo wengi wametokea duniani.
2 Katika hili mwamjua Roho wa Mungu; kila roho ikiriyo kwamba Yesu Kristo amekuja katika mwili yatokana na Mungu.
3 Na kila roho isiyomkiri Yesu haitokani na Mungu. Na hii ndiyo roho ya mpinga Kristo ambayo mmesikia kwamba yaja; na sasa imekwisha kuwako duniani.
4 Ninyi, watoto wadogo, mwatokana na Mungu nanyi mmewashinda, kwa sababu yeye aliye ndani yenu ni mkuu kuliko yeye aliye katika dunia.
5 Hao ni wa dunia; kwa hiyo wanena ya dunia na dunia huwasikia
6 Sisi twatokana na Mungu. Yeye amjuaye Mungu atusikia; yeye asiyetokana na Mungu hatusikii. Katika hili twamjua Roho wa kweli, na roho ya upotevu.
MAJIUNDO
Mara nyingi shetani uwa anapenda kutumia watu wako wa karibu waliokuzunguka ili kukushambulia.
LUKA 12:51-53
51 Je! Mwadhani ya kwamba nimekuja kuleta amani duniani? Nawaambia, La, sivyo, bali mafarakano.
52 Kwa kuwa tokea sasa katika nyumba moja watakuwamo watu watano wamefarakana, watatu kwa wawili, wawili kwa watatu.
53 Watafarakana baba na mwanawe, na mwana na babaye; mama na binti yake, na binti na mamaye; mkwe mtu na mkwewe, mkwe na mkwe mtu.
Ongezea na;
MATHAYO 10:35-36
34 Msidhani ya kuwa nimekuja kuleta amani duniani; la! Sikuja kuleta amani, bali upanga.
35 Kwa maana nalikuja kumfitini mtu na babaye, na binti na mamaye, na mkwe na mkwe mtu;
36 na adui za mtu ni wale wa nyumbani mwake.
CHANGAMOTO
Changamoto liyopo duniani tunaishi na roho kubwa mbili nazo ni:-
1) Mungu
2) Shetani
1) Mungu
Mungu ndio Roho kuu zaidi na hakuna k**a yeye ambapo anavipaumbele vyake ambavyo anataka kila mwanadamu avifanye hapa duniani.
2) SHetani
Shetani naye anavipaumbele vyake ambavyo anataka mwanadamu avifanye hapa duniani.
Siku zote vipaumbele vya shetani uwa vipo kinyume na vipaumbele vya Mungu.
YAANI;
Anachokitaka Mungu mwanadamu afanye;
Ndicho shetani asichotaka mwanadamu afanye.
MFANO;
• Mungu akisema usile tunda! Shetani anasema kula tunda! (Mwa 3:1-7)
• Mungu akisema usiibe! Shetani anasema iba! (K*t 20:15)
• Mungu akisema msamehe aliyekukosea! Mpende adui yako, muombee anayekuudhi! Shetani anasema usimsamehe huo ni ujinga mlipizie kisasi! Usimpende adui yako! Mlaani anaye kulaani k**a noma na iwe noma! (Mat 6:14)
• Mungu akisema mwanamke usivae suruali, kimini na nguo za uchi ni dhambi! Shetani anasema vaa Mungu anaangalia moyo nenda na wakati kwani kuna shida gani! (Kumb 22:5)
KAZI YA MWANADAMU
Kazi kubwa aliyonayo mwanadamu hapa duniani ni kuchagua aishi k**a Mungu anavyotaka au k**a shetani anavyotaka.
Kwa sababu Mungu alipomuumba Mwanadamu alimpa uhuru wa kuchagua aishi Maisha ya aina gani hapa duniani.
Ingawa katika kila uchaguzi utakao chagua kuna gharama yake
KUMB 30:15-20
15 Angalia, nimekuwekea leo mbele yako uzima na mema, na mauti na mabaya;
16 kwa hivi nikuagizavyo leo kumpenda Bwana, Mungu wako, kuenenda katika njia zake, na kushika maagizo yake, na amri zake, na hukumu zake, upate kuwa hai na kuongezeka; Bwana, Mungu wako, apate kukubarikia katika nchi uingiayo kuimiliki.
17 Lakini moyo wako ukikengeuka, usipotaka kusikiza, lakini ukavutwa kando kwenda kuabudu miungu mingine, na kuitumikia;
18 nawahubiri hivi leo hakika mtaangamia; hamtazifanya siku zenu kuwa nyingi juu ya nchi, uivukiayo Yordani, uingie kuimiliki.
19 Nazishuhudiza mbingu na nchi juu yenu hivi leo, kuwa nimekuwekea mbele yako uzima na mauti, baraka na laana; basi chagua uzima, ili uwe hai, wewe na uzao wako;
20 kumpenda Bwana, Mungu wako, kuitii sauti yake, na kushik**ana naye; kwani hiyo ndiyo uzima wako, na wingi wa siku zako; upate kukaa katika nchi Bwana aliyowaapia baba zako, Ibrahimu, na Isaka, na Yakobo, kuwa atawapa.
SHETANI UWA ANATABIA YA KUVIFANYA VITU VYA DUNIANI VIONEKANE BORA KWENYE MACHO YA DAMU NA NYAMA
Shetani uwa anatabia ya kuwadanganya watu kwa kuvifanya vitu vya duniani vionekane vizuri kwa macho ya damu na nyama kuliko vya rohoni.
2 KOR 4:4
4 ambao ndani yao mungu wa dunia hii amepofusha fikira zao wasioamini, isiwazukie nuru ya injili ya utukufu wake Kristo aliye sura yake Mungu.
MFANO;
Ni rahisi watu kuvutwa Kwenda kwenye matamasha ya kiduniani kwa kutamani majukwaa yake kuliko matamasha ya injili ya kudharau muonekano wa majukwaa yake.
Ndiomana ni muhimu kujifunza kutazama kila kitu kwa jicho la rohoni kwa sababu sisi wanafunzi wa Yesu niwa Kiroho.
Tumezaliwa mara ya pili asili yetu ni rohoni sio mwilini.
YOHANE 3:3-6
3 Yesu akajibu, akamwambia, Amin, amin, nakuambia, Mtu asipozaliwa mara ya pili, hawezi kuuona ufalme wa Mungu.
4 Nikodemo akamwambia, Awezaje mtu kuzaliwa, akiwa mzee? Aweza kuingia tumboni mwa mamaye mara ya pili akazaliwa?
5 Yesu akajibu, Amin, amin, nakuambia, Mtu asipozaliwa kwa maji na kwa Roho, hawezi kuuingia ufalme wa Mungu.
6 Kilichozaliwa kwa mwili ni mwili; na kilichozaliwa kwa Roho ni roho.
Kwakuwa asili yetu ni rohoni lazima tujifunze kila kitu kikutazama kwa jicho la rohoni na sio mwilini.
Tutazame mambo ya dunia kwa macho ya rohoni ili tuweze kuishi kwa kufuatisha mapenzi ya Mungu ambayo ndio vipaumbele vyake.
RUM 12:2
2 Wala msiifuatishe namna ya dunia hii; bali mgeuzwe kwa kufanywa upya nia zenu, mpate kujua hakika mapenzi ya Mungu yaliyo mema, ya kumpendeza, na ukamilifu.
MTUME PAULO NI MFANO MZURI WA MTU ALIYEISHI MAISHA YA KUMTUMIA ROHO MTAKATIFU KWENYE KILA HATUA YA MAISHA YAKE
Kila alikokwenda alimuuliza Roho Mtakatifu
Kila changamoto yake alimshirikisha Roho Mtatifu aitatue
Kila majaribu aliyopitia alimwita Roho Mtakatifu ampiganie
Na kila Roho Mtakatifu alichomwambia Paul alimtii kufanya kile alichoambiwa na alichokatazwa hakufanya
Tunaliona hilo kwenye’
MATENDO 16:1-15
Basi akafika Derbe na Listra, na hapo palikuwa na mwanafunzi mmoja jina lake Timotheo, mwana wa mwanamke Myahudi aliyeamini; lakini babaye alikuwa Myunani.
2 Mtu huyo alishuhudiwa vema na ndugu waliokaa Listra na Ikonio.
3 Paulo akamtaka huyo afuatane naye, akamtwaa akamtahiri kwa ajili ya Wayahudi waliokuwako pande zile; kwa maana wote walijua ya kuwa babaye ni Myunani.
4 Basi walipokuwa wakipita kati ya miji ile, wakawapa zile amri zilizoamriwa na mitume na wazee walioko Yerusalemu, ili wazishike.
5 Makanisa yakatiwa nguvu katika ile Imani, hesabu yao ikaongezeka kila siku.
6 Wakapita katika nchi ya Frigia na Galatia, wakikatazwa na Roho Mtakatifu, wasilihubiri lile neno katika Asia.
7 Walipofika kukabili Misia wakajaribu kuenda Bithinia, lakini Roho wa Yesu hakuwapa ruhusa,
8 wakapita Misia wakatelemkia Troa.
9 Paulo akatokewa na maono usiku; alimwona mtu wa Makedonia amesimama, akimsihi, na kumwambia, Vuka, uje Makedonia utusaidie.
10 Basi alipokwisha kuyaona yale maono, mara tukataka kutoka kwenda Makedonia, kwa kuwa tuliona hakika ya kwamba Mungu ametuita tuwahubiri Habari Njema.
11 Basi tukang'oa nanga kutoka Troa, tukafika Samothrake kwa tanga moja, na siku ya pili tukafika Neapoli;
12 na kutoka hapo tukafika Filipi, mji wa Makedonia, mji ulio mkuu katika jimbo lile, mahali walipohamia Warumi; tukawa katika mji huu, tukikaa siku kadha wa kadha.
13 Hata siku ya sabato tukatoka nje ya lango, tukaenda kando ya mto, ambapo tukadhani ya kuwa pana mahali pa kusali; tukaketi, tukasema na wanawake waliokutana pale.
14 Mwanamke mmoja, jina lake Lidia, mwenye kuuza rangi ya zambarau, mwenyeji wa Thiatira, mcha Mungu, akatusikiliza, ambaye moyo wake ulifunguliwa na Bwana, ayatunze maneno yaliyonenwa na Paulo.
15 Hata alipokwisha kubatizwa, yeye na nyumba yake, akatusihi, akisema, K**a mmeniona kuwa mwaminifu kwa Bwana, ingieni nyumbani mwangu mkakae. Akatushurutisha.
HITIMISHO
Sisi nasi tunapaswa kuwa k**a Paul ili Maisha yetu yote yasimamiwe na Roho Mtakatifu na sisi wenyewe.
