Haneen Abdel

Haneen Abdel Contact information, map and directions, contact form, opening hours, services, ratings, photos, videos and announcements from Haneen Abdel, Digital creator, .
(4)

Formatrice en Copywriting
J'aide les jeunes entrepreneurs à mieux VENDRE à travers les MOTS
J'accompagne les jeunes entrepreneurs et Artisans dans leur stratégie Marketing

رسالة اليوم 🌷عمرك ما تيأس و لا تسلمأي محتوى ممكن يضرب في أي لحظة و يردك تراند في ليلة و نهارحتى لو كان تكتب ستاتو على طب...
02/04/2024

رسالة اليوم 🌷
عمرك ما تيأس و لا تسلم
أي محتوى ممكن يضرب في أي لحظة و يردك تراند في ليلة و نهار
حتى لو كان تكتب ستاتو على طبق بشكوطو 😌
مادام سعيدة أكبر مثال

#تراند #رمضان2024

كان الرسول ﷺ إذا رأى الهلالَ قال :( اللهم أهلّه علينا باليُمن والإيمان والسَّلامة والإسلام ربي وربك الله )رمضان مبارك عل...
10/03/2024

كان الرسول ﷺ إذا رأى الهلالَ قال :
( اللهم أهلّه علينا باليُمن والإيمان والسَّلامة والإسلام ربي وربك الله )
رمضان مبارك عليكم 🌙🤲
وفقنا الله لصيامه و قيامه 🤲🤲💙💙
🌙 #رمضان2024 #تونس

ليلة النصف من شعبان المباركة 🫶🫶اللهم بلغنا رمضان لا فاقدين و لا مفقودين 🤲
24/02/2024

ليلة النصف من شعبان المباركة 🫶🫶
اللهم بلغنا رمضان لا فاقدين و لا مفقودين 🤲

23/02/2024

كيف تبيع منتوجك للكليون من غير ما تفهمو كيفاش يستعملو ..
ماهوش باش يقول أنا ماعرفتش نستعملو
باش يقول المنتوج بيه حاجة و تحيلو عليا 😌
هذاكا علاش إلي أهم من البيوع
هي علاقتك مع الحريف و نصحك ليه قبل و بعد البيع ✅

#رسالةاليوم

رسالة اليوم تجينا من الصعيد المصري من عند عم ربيع بياع البرتقال 🍊🍊🍊شاف شاحنة متجهة لأرض العزة بالمساعدات حاول يعاون بلي ...
17/02/2024

رسالة اليوم تجينا من الصعيد المصري من عند عم ربيع بياع البرتقال 🍊🍊🍊
شاف شاحنة متجهة لأرض العزة بالمساعدات
حاول يعاون بلي يقدر
ولى يرمي في البرتقال على الشاحنة و يقلهم سلمولي عالحبايب 🥰
العفوية و الصدق فلي عملو عم ربيع خلاتو يوصل بسهولة لقلوب الناس و في ساعات قليلة يولي تراند على مواقع التواصل الاجتماعي و برشة حبوا يفرحوه منهم زوز رجال أعمال واحد تبرعلو بحجة و لاخر بمحل باش يبيع فيه سلعتو و الحمد لله 🥰

الخلاصة: خلي نيتك صافية مع ربي و مع عبادو ترى العجب
و خااااصة تاجر مع الله تربح
ربح البيع يا عم ربيع ✌️🥰🍉🍊🍊🍊🍊🍊

#البرتقال #تراندات #رسالةاليوم #مساعدات #غزةالصمود

" وأنا يا ربّ مفزوعٌ من فواتِ الأوان وعناء السعي، خائف من تكرارِ الخطوات وغياب الوجهة، أرني الدروبَ وامنحني من الطرق الي...
09/02/2024

" وأنا يا ربّ مفزوعٌ من فواتِ الأوان وعناء السعي، خائف من تكرارِ الخطوات وغياب الوجهة، أرني الدروبَ وامنحني من الطرق اليسير، وأنرْ بصيرتي وأمدّني بالقوة لأكمل المسير، ومدّ لي يدَ العون لأصلَ ولا أضلّ بعد وصولي أبدًا " 🤲🤲

ساعات لازمك تخرج من منطقة الأمان و الراحة باش تنجم تغزر مليح لثنيتك .. ما فماش سفر من غير تعب أما خليك متفكر أنو موش مهم...
08/02/2024

ساعات لازمك تخرج من منطقة الأمان و الراحة باش تنجم تغزر مليح لثنيتك .. ما فماش سفر من غير تعب
أما خليك متفكر أنو موش مهم وين تمشي
المهم تستمتع بالرحلة
Life Is About The Journey, Not The Destination ..
PS: نشرب في قهوتي و نخمم فيكم 😌
أول express نشربها ملي مشيت هههه
قريب ننسى طعمها من كثر قهوة الهيل و شاي الكرك ❤️
لنا عودة بإذن الله 🤲

قليل من الراحة في انتظار المغامرة الحقيقية 😌✌️تابعوا
03/02/2024

قليل من الراحة في انتظار المغامرة الحقيقية 😌✌️
تابعوا

في لا أقول سوى اللهم أدمها نعمة و احفظها من الزوال 🤲💙
01/02/2024

في
لا أقول سوى اللهم أدمها نعمة و احفظها من الزوال 🤲💙

نهاركم زين 🌷
31/01/2024

نهاركم زين 🌷

الطّريق المفروشة بالورد لا تقود إلى المجد.نهاركم زين 🌷
30/01/2024

الطّريق المفروشة بالورد لا تقود إلى المجد.
نهاركم زين 🌷

شنوة أول جملة جات عليها عينيك 🥰🫶💙 #تحفيزات
27/01/2024

شنوة أول جملة جات عليها عينيك 🥰🫶💙


#تحفيزات

"بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً."هاك علاش كان مازال ماعندكش coffee corner في ...
27/01/2024

"بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً."
هاك علاش كان مازال ماعندكش coffee corner في الدار وقيت تخمم فيه 😌
و أنا هاني جبتلكم bon plan باش تتفرجو و تختارو
Vanilla Shop 👈👈👈👈👈👈👈👈👈👈👈

اللهم آمييين 🤲🤲🫶
26/01/2024

اللهم آمييين 🤲🤲🫶

J’ai reçu plus de 1 000 réactions sur mes publications au cours des 30 derniers jours. Merci pour votre soutien. 🙏🤗🎉 ربي...
25/01/2024

J’ai reçu plus de 1 000 réactions sur mes publications au cours des 30 derniers jours. Merci pour votre soutien. 🙏🤗🎉
ربي يباركلكم 🤲💙🥰

كملنا منامة العتارس مع المنتخب في توة نرجعو للمواضيع المهمة 😌أي منتوج في الدنيا ينجم يقوم سعدو تسويقيا في أي لحظة كيف ...
25/01/2024

كملنا منامة العتارس مع المنتخب في
توة نرجعو للمواضيع المهمة 😌

أي منتوج في الدنيا ينجم يقوم سعدو تسويقيا في أي لحظة
كيف هالمنتوج إلي في التصويرة
كشعب مسلم (أغلبه) متعودين على السبحة العادية بالخيط و الكعابر هاك إلي يجيبوهالنا هدية كيف يمشيو للحج و لا للعمرة
و الكلنا عندنا في الدار قجر معبي بيهم
توة مدة سنين اكتشفنا خاتم التسبيح الي ظهر pratique اكثر خاطرو يعاونك في الحساب باش ما تغلطش و خاصة صغير و discret تنجم تخبيه بسهولة و انت تسبح و تمشي و هكاكا نتجنبو إشهار الذكر و الرياء
هالمنتوج ولى متوفر في كل بلاصة بسعر رمزي مايفوتش 2د
و الناس اقبلوا عليه خاصة في شهر رمضان وين تطلع إبرة الروحانيات و تكثر ممارسة العبادات
حتى لتوة المنتوج لاقي حظو في السوق و مع المستهلك من غير حتى إشكال .. فقط هو منتوج يبيع روحو بروحو و ما فماش إشهار كبير ليه

أحنا هكا و تطل علينا "مؤثرة مشهورة بطلعاتها" باش تحكيلنا قصة من قصص كفاحها و هي لابسة هالمنتوج مع لمسة إضافية إلي هي الفصوص اللماعة إلي خلاتو يظهر ك accessoire أكثر منو خاتم تسبيح
في أقل من 24 ساعة هالمنتوج يولي تراند
ينفجر الطلب عليه رغم إلي سومو وصل تضرب في 10 مرات
و تنفجر المبيعات
و خاصة تتغير الفئة المستهدفة و لا خلينا نقولو الفئة المستهلكة
من ناس تحب تذكر ربي لناس تحب إتبع هالمؤثرة فلي تعمل فيه
و يتغير استعمال المنتوج
من أداة تعاون على الذكر لمظهر من مظاهر الزينة

و هوني نفهمو مليح أنو التسويق ساعات يتحكم فيه الحريف قبل صاحب المنتوج .. و أنو لو هو قرر يسوق لمنتوجك بطريقتو و حسب فهمو ما تنجمش تعكسو و ما عليك كان تتوافق معاه ..

و انتوما شريتو الخاتم إلي بالفصوص و إلا إلي بلاش 😌

#مؤثرون #تراندات

صباح البشائر من أرض العزة ✌️✌️الحمد لله كثيرا 🥰
23/01/2024

صباح البشائر من أرض العزة ✌️✌️
الحمد لله كثيرا 🥰

يااا ياااا يااااا Mahbouba 🎶🎶🎵🎵محبوبة مثلتك تبدع يا للة البنات 🥰تحفة mini قاطو في Lunch Box مع شبعة فازات 😋😋و تحية للي ق...
22/01/2024

يااا ياااا يااااا Mahbouba 🎶🎶🎵🎵

محبوبة مثلتك تبدع يا للة البنات 🥰
تحفة mini قاطو في Lunch Box مع شبعة فازات 😋😋

و تحية للي قراها باللحن 😌🫶

Coup de 💙 لأسومة صاحبة هالمشروع البنين
و ربي يجيبلك القسم للا 🤲💙

😉 ذهبت لابتاع بعض الخضار، فقالت لي البائعة المحجبة : - "سوف أقضي معك الليلة .. بالتأكيد .. " كنت اعتقد أنني وسيم .. أ...
22/01/2024

😉


ذهبت لابتاع بعض الخضار، فقالت لي البائعة المحجبة :
- "سوف أقضي معك الليلة .. بالتأكيد .. "

كنت اعتقد أنني وسيم .. أمي يرحمها الله قالت لي هذا ، لكن سحري لا يعمل بهذه السرعة وهذه القوة .. غريب جدا .. قالت البائعة وهي تزن لي الخضر :
- " أنت حلو كقطعة من الحلوى "

ابتسمت في خجل بطريقة من يعرف أن هذا صحيح لكنه يخجل من الاعتراف به فعادت تقول :
- " هات قبلة .. "

بدا لي هذا غريبا جدا ولحسن الحظ لم أطعها .. ثم سمعتها تقول :
- " أنت حبيب ماما .. "

نظرت مدققا فرأيت أنها تدس الهاتف الجوال تحت طرحة الحجاب وهكذا تتكلم ويداها حرتان .. تكلم ابنها في البيت طبعا بينما هي تتعامل معي بنصف انتباه.

أحمد خالد توفيق / وساوس وهلاوس.

شكون صارلو موقف هكا 😅 و كيفاش تعامل معاه 😌

خليك متفكر 📢📢هي ثنيتك .. باش تبداها وحدك و تكملها وحدك و في الوسط غربلإلي مد يدو و عاون نشكروه و فوق الرأس نحطوهو إلي عم...
22/01/2024

خليك متفكر 📢📢
هي ثنيتك .. باش تبداها وحدك و تكملها وحدك
و في الوسط غربل
إلي مد يدو و عاون نشكروه و فوق الرأس نحطوه
و إلي عمل ماغناني نشكروه زادة على خاطر خلانا نأمنو برواحنا و نكبشو باش نوصلو للي نحبو عليه
و ربي فوق الكل 🫶

إن شاء الله نهاركم زين 🌷
و ماتنساوش تعملوا طلة عالانستاغرام زادة 🥰💙
https://www.instagram.com/7aneen_abdel_marketing?igsh=MWppbGViMzExeHN0eA==

21/01/2024

تيكتوك حس بيا شكتبت في ما يخص
أنا حليت وهو حطلي تفسير عملي للمنشور الي قبل 😅😅
اتقل تاكل حاجة نظيفة 😂😂😂

علاش نمشي نشريهم من عند LOMJA بنة و نظافة و سوم مرفقو قت انجم نعملهم في الدار و نصرف عليهم 100د و في لخر يجيو درى كيفاش...
21/01/2024


علاش نمشي نشريهم من عند LOMJA بنة و نظافة و سوم مرفق
و قت انجم نعملهم في الدار و نصرف عليهم 100د و في لخر يجيو درى كيفاش 😏

محاولاتك و انت تتعلم ما تجيش كيف ضربة المعلم 😉
هاك علاش ما فيها باس كيف تشتهى حاجة تشجع أصحاب مشاريع حرفية خاصة كيف يبداو مغرومين و متقنين للي يعملو فيه 🥰🫶

إلي سماك غناك Handmade
إلي سماك غناك Handmade

"مع أواسط القرن العشرين تزايد الاهتمام باعتماد الصورة في الإعلان؛ نظرًا للفعالية التي تؤديها، وهو ما فرض تطوير الإبداع ا...
21/01/2024

"مع أواسط القرن العشرين تزايد الاهتمام باعتماد الصورة في الإعلان؛ نظرًا للفعالية التي تؤديها، وهو ما فرض تطوير الإبداع الإشهاري، استنادًا للسلطة التي أصبحَت الصورة تمارسها على المتلقي، بدل الاقتصار على الخطاب اللَّفظي الذي أصبحت وظيفته ثانوية نسبيًّا في ظلِّ عصر الصورة ... "

مقتبس من كتاب "الإشهار والصورة، صورة الإشهار" لدافيد فيكتوروف
👇👇👇👇👇👇👇👇👇👇👇👇👇👇
https://www.instagram.com/7aneen_abdel_marketing?igsh=MWppbGViMzExeHN0eA==

#اقتباسات #إشهار

أحياناً تحتاج في الحياة فقط إلى عناق. لا كلمات، ولا نصائح، فقط عناق.و كيف ما تلقى شكون يعنقك .. عنق روحك و قلها نحبك 🫶💙
21/01/2024

أحياناً تحتاج في الحياة فقط إلى عناق. لا كلمات، ولا نصائح، فقط عناق.
و كيف ما تلقى شكون يعنقك .. عنق روحك و قلها نحبك 🫶💙

نهاركم زين 🌷عشية أحد و طقس بارد 🥶قلت برة نعمل قهيوة عربي بنينة و دافية من عند Fresh'ka فرشكة ☕😋و نكمل نحكي معاكم باقي في...
21/01/2024

نهاركم زين 🌷

عشية أحد و طقس بارد 🥶
قلت برة نعمل قهيوة عربي بنينة و دافية من عند
Fresh'ka فرشكة ☕😋
و نكمل نحكي معاكم باقي في حكاية التصويرة 📸

هو صحيح تصويرة واضحة و محترفة و مزيانة تجلب الانتباه و تخلق تفاعل لاإرادي و ساعات نكتبو فوقها no caption needed
على خاطرها بالحق تصويرة تنطق و موش محتاجة كلام 🤐

أما هالحالة ماتنطبقش على تصاور خدمتنا الكل
و حتى لو كان تنطبق .. مانجموش نخليو تصاورنا ديما من غير محتوى مكتوب يفسر و يعبر
على خاطر مع الوقت المتابع باش يقلق من صور صامتة و ماذا بيه يلقى وصف للمنتوج و كيفاش يتواصل مع صاحب المنتوج

و حتى لو كان باش تحط تصويرتك في تعليق في إطار إشهار و إلا باش تتفاعل مع منشور كيف منشوري السابق متاع الماكارون 😋

ما فيها باس تزيد كليمتين و لا حتى رابط صفحتك باش تعاون المتابع يكتشف خدمتك ✅

ما تنساوش انكم فنانين ... كيف ما خذيتو وقتكم باش تخدمو قطايعكم بكل حب و فن
خوذوا وقتكم اكثر باش تحكيو عليهم بكل حب و فن زادة 🥰🫶

و ربي يجيبلكم القسم 🤲💙

#تسويق #إشهار

التصويرة و ما ادراك ما التصويرة ..هي رأس مالك في التسويق الافتراضي سواءا كانت ثابتة أو متحركة (فيديو)و انت تخدم في حملتك...
20/01/2024

التصويرة و ما ادراك ما التصويرة ..
هي رأس مالك في التسويق الافتراضي سواءا كانت ثابتة أو متحركة (فيديو)

و انت تخدم في حملتك الإعلانية و لا في منشوراتك اليومية على مواقع التواصل الاجتماعي
خلي إلي يشوف كل تصويرة من خدمتك يغرق في تفاصيلها و يعيش معاها
يذوقها، يشمها، يحسها و ما يتهنى إلا ما يقرر يجربها في الواقع

و هكاكا تعاونك التصويرة كيف تبدى محترفة باش تحول المتابع لحريف من غير برشة كلام ✅

و تفكر أنو انت تخدم قبل كل شي باش تبني علامة تجارية موش مهبط إشهار فقط للبيع و إلي تعجبو التصويرة يشري و إلي ماتعجبوش يتعدى ..

و هذا أبرز مثال على إلي كنت نحكي فيه
خدمة Krokontina ما شاء الله عليها 👉👉👉👉👉👉👉
No caption needed 😍😋🫶

المتابعين إلي جايين من جروب إلي سماك غناك Handmade
مازلتو تتفكرو تصاور سوق الجمعة 😌
جاوبوني بآخر تصويرة من خدمتكم

#تسويق #إشهار

20/01/2024

جيل التسعينات وينكم 📢📢📢
أكيد فيكم شكون مازال يتفكرو الإشهار هذا 😄😄
حسب رايكم علاش نجح الإشهار هذا و قعدنا نتفكروه حتى لتوة ؟؟

ماتقولش الدنيا خيابت و ماعادش فما خير في الدنيا ..ساعات بنية صافية و مع شخص واحد اكهو تنجم تعمل برشة تغيير إيجابي ✅ربي ي...
19/01/2024

ماتقولش الدنيا خيابت و ماعادش فما خير في الدنيا ..
ساعات بنية صافية و مع شخص واحد اكهو تنجم تعمل برشة تغيير إيجابي ✅
ربي يباركلها و ينفع بيها 🤲💙

Address


Telephone

+21620085767

Website

Alerts

Be the first to know and let us send you an email when Haneen Abdel posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Haneen Abdel:

Videos

كيف تبيع منتوجك للكليون من غير ما تفهمو كيفاش يستعملو .. ماهوش باش يقول أنا ماعرفتش نستعملو باش يقول المنتوج بيه حاجة و تحيلو عليا 😌 هذاكا علاش إلي أهم من البيوع هي علاقتك مع الحريف و نصحك ليه قبل و بعد البيع ✅ #رسالةاليوم #مهارات_التسويق #اخدمها_صح #haneen_abdel_marketing

تيكتوك حس بيا شكتبت في ما يخص #عقلية_الاقتصاد أنا حليت وهو حطلي تفسير عملي للمنشور الي قبل 😅😅 اتقل تاكل حاجة نظيفة 😂😂😂

جيل التسعينات وينكم 📢📢📢 أكيد فيكم شكون مازال يتفكرو الإشهار هذا 😄😄 حسب رايكم علاش نجح الإشهار هذا و قعدنا نتفكروه حتى لتوة ؟؟ @followers

#حدث_الاسبوع #تراندات الزفاف الأسطوري للأمير عبد المتين نجل سلطان بروناي أو دار السلام، أغنى دولة في العالم الإسلامي، موجودة في جنوب شرق آسيا، و فيها مستوى معيشي مرتفع جدا من ثروات الطاقة و السياحة خاصة. السلطان حسن البلقية، معز الدين وعد الله الي يعتبر من أثرى أثرياء العالم هو من مواليد 15 يوليو 1946 وهو الحاكم التاسع والعشرين لسلطنة بروناي. نجله الأمير عبد المتين الي احتفل بزفافو نهار الأحد 14 جانفي 2024 بحضور ابرز زعماء و قاعدة العالم الإسلامي عمرو 32 سنة و يخدم طيار و لاعب بولو محترف زادة زوجتو آنيشا عمرها 29 سنة و هي من عائلة مقربة للأسرة الحاكمة و هي شخصية فاعلة و ناشطة على مواقع التواصل الاجتماعي كيف زوجها و هي زادة صاحبة شركة سياحية و دار أزياء هذا ملخص للي فاتوا العرس إلي دام أسبوع كامل و كان تراند على مواقع التواصل الاجتماعي اش قولكم في هالكوبل المزيان 😌 @followers

شوية موجات إيجابية 🫶💙😌😌

#عام_جديد #تحفيز #haneen_abdel_marketing #handmadetunisia

Objectif 2024 باش ندورها لايفات على الهاندمايد و نقلكم كبسوا كبسوا 😌 تنجح؟ #تيكتوك #reels #visibiliteenligne #Objectifs2024 #communicationdigitale #اخدمها_صح

شكون ماتعرفوش ههههههه و إن سألوك عن فن الإشهار فقل في تونس 🇹🇳 فما السيد هذا ما شاء الله عليه 😌 إلي سماك غناك Handmade

Retour en vidéo sur le démarrage de l'Expo 2023, événement organisé par Crayon Club Le Bardo aujourd'hui en fin d'après-midi Couverture et communication marketing par Coach Haneen Abdel Très bel événement, ambiance conviviale et surtout plein de petits Artistes avec de très grandes réalisations artistiques 🥰😍✌️💙 شكر كبير لستي زينة المبدعة على التنظيم و الإحاطة و التأطير لكافة الأعمال الفنية و أصحابها و شكر أكبر على ثقتها فيا لتغطية هالحدث المهم في مسيرة النادي حظ موفق و مازال التعامل مستمر بإذن الله 🥰

صحيح ولا موش صحيح 😌 مادام عمل جام يعني مهتم و الاهتمام أول خطوة في حلقة المبيعات 😉 #العيشة_تسويق_مع_حنين #relationclient #communicationdigitale #venteenlignetunisie #تسويق_بالمحتوى #اخدمها_صح #haneen_abdel_marketing

#تحفيز #دعم #إيجابيات #اخدمها_صح #تسويق_بالمحتوى #haneen_abdel_marketing

على سلامتكم 🌷 عيادي و سنين دايمة 🥰 مهبة العيد وصلتني من عند مستعملي المنصة الأقرب إلى قلبي 💙 تيكتوك و حبيت نشارك معاكم فرحتي 🎉🎉🥰 10k في أقل من جمعة بعد فيديو دعيوة الخير 🤲 تتفكروا وقت حكيتلكم كيفاش قاعدة نكبر في حسابي على تيكتوك باستعمال التسويق عبر الحنين فقط لا غير 😌 هاذي النتيجة و الحمد لله ✌️ تفاعل عفوي طبيعي من مستعملي تيكتوك مع كل حاجة تثير فيهم الحنين كيف مثلا دعوات من القلب بصوت تونسي 🇹🇳 مزيان في اخر أيامات سيدي رمضان الفضيل 🥰 الحساب كان و مازال لفائدة مجموعة إلي سماك غناك Handmade و قريبا إن شاء الله نقلة نوعية في طريقة الإشهار و التعريف بالهاندمايد التونسي 🇹🇳 و دعم المشاريع الصغرى خليكم متابعين 😉✌️ https://www.tiktok.com/@isg_handmade?_t=8biSj8caz2M&_r=1

اللهم آمييين 🤲💙 ان شاء الله نهاركم زين 🌷

نهاركم زين 🌷 هنا تونس 🇹🇳 طقس جميل و شاعري 🥰💙 Positive vibes ✌️💙

صحة شريبتكم 🌷 تعاليقكم على الفيديو ؟

#اليوم_العالمي_للمرأة #الله_يعيش_النساء #womeninternationalday #haneen_abdel_marketing

Shortcuts

  • Address
  • Telephone
  • Alerts
  • Contact The Business
  • Videos
  • Claim ownership or report listing

  • Want your business to be the top-listed Media Company?

Share