Salma Lemhamdi

04/06/2023

مفماش catalogue للنجاح يجمع الناس الكل ، كل واحد فينا عندو وصفة خاصة بيه ،
المهم انك تختار الدنيا الي تكون فيها 🤍jaimelart

10/05/2023

“ما دلني أحد علي. أنا الدليل"
محمود دوريش 🦋

30/04/2023

ممتنة لكل كلمة حب،
لكل أمنياتكم و دعواتكم ليًا ،
عيد ميلاد مبهج بوجودكم 🤍

08/03/2023

هم قالوا إنك لا تستحقين عيدا و ان كل يوم هو عيد ،
و انا اقول لك أنه لن يعيش احد تفاصيل رحلتك الا انت ،
الجميل في هذه الدنيا انها تضعنا في مفترق طرق
و مهمتنا ان نختار ما يشبهنا و مايشبعنا،
اختاري و اتركي و ارقصي و اضحكي ،
و كوني انت ❤
شكرا لكل امرأة موجودة اليوم في عالمي 🙏

14/02/2023

A woman with class is timeless ❤💎

07/02/2023

أخيرا في عالم التعليق الصوتي الاحترافي 🎙🎙

06/02/2023

الشيء الوحيد الثابت في الحياة هو التغيير المستمر ❤

05/02/2023

😊 الضحكة الأولى لسلمى خاطر وعدتها نهار من النهارات اني بش نرجع للمايك و من باب كبير باب الاحتراف ،
😊 الضحكة الثانية للدنيا ، مش قتلك بش نوصل و بش نعمل كان الي نرى فيه روحي،
و 😊 الضحكة الثالثة ليكم و لكل القلوب الي في دنيتي الي تعرف كان تحب و تشجع و ادز لقدام ❤

26/12/2022

ساعات تستحق تبعد شويا بش تفهم ،
تفهم روحك ،الي قاعد تعمل فيه ،البلاصة الي انت فيها،
وقتها برك تنجم تبدل و الا فقط تعدل ،تحسن،
المهم تجاوب على سؤال :
هذا وين نرا روحي و الا لا ؟
و تفكر ان الدنيا فيها برشا ثنايا تختار منهم خير من دنيا مافيها حتى ثنية 😉
#2022

24/12/2022

Notre Atelier a été reporté pour le 28/12/2022 a 19h
Voiçi le lien d inscription : https://lnkd.in/er9QRAG9
Dés que vous ferez l’inscription, nous vous envoyons deux documents à remplir avant notre séance de l’atelier.

هيا للناس الي بعيدة علينا عملنالكم كيما طلبتوا الورشة عن بعد السبعة متاع العشية نهار الإربعاء 28 ديسمبر البرنامج : - نقيموا الي عملناه في 2022 و الي تعلمناه - نحضر خطة لل....

20/12/2022

هيا شركنا أكثر رسالة حبيتها و تعبر عليك 💌
#2022 🤍

14/12/2022

ركز مع روحك
طور من روحك
شوف كيفاش تكون احسن
تعلم حب روحك
حب الي انت عليه توا
كل يوم خليك فيه احسن من امس
من غير ماتجرب تكون نسخة من حد ،

💚💚
#2022

09/11/2022

من الأسئلة الي ديما نسمعها ميسالش تنصحني شنوا نقرا ؟ كتاب ينجم يفيدني 🤔
و نفس الاجابة كل مرة الكتاب ينادي مولاه ،
انت أدرى الفترة هذي شنوا المعلومة الي ناقصتك؟فاش تحب انت تعمل خطوة القدام ؟
الكتاب صحيح يقصر عليك الثنية ، أما ثنيتك إنت ؟
الي في تفاصيلها ماتشبهش للثنايا الأخرى ❤️
#الكتاب

06/11/2022

'' اختاري حد ينورك مش يطفيك ''
الكلمة هذي نسمعوها برشا أول ما حكاية ماتكملش بين اثنين 💔
أنا نؤمن ان النور الحقيقي انت الي تزرعوا و تسقيه في داخلك ،في روحك ، وقتها برك ماينجم حد يطفيك ✨🤍
تنجم تعيش تجربة مش ناجحة،عادي ، و تقعد ديما منورة ليك و علي داير بيك .
سلمى لمحمدي
#علاقات #وعي

03/11/2022

من أقوى طرق تفريغ المشاعر الي انا جربتها :
- انك تكتب
- تعمل تأمل
- التنفس العميق
- انك تمارس الرياضة
- انك تمارس هواية ( تغني،ترقص،اطيب..)
- البكاء
- تحكي مع مختص (كوتش او مختص نفسي) .
عادي انك تعيش مشاعر مش باهية ،
لا ترفضها و لا وتقاومها ،
مهم انك تتقبلها و تعرف كيفاش تنفس
على روحك 👌

31/10/2022

نقلكم على سر 🤫
أنا أول مرة سمعت صوتي في المايك ،وقتها كنا تسجلوا في الراديو ،قلتلهم الصوت هذا بصراحة مستحيل يتسمع 😓 و مقبلتوش جملة !
و اليوم كي ناخو المايك من احلى الاصوات الي انا نسمعها 😅

26/10/2022

أنا مش مع فكرة النهايات المفتوحة ☺️.
خلي اي نهاية تعيشها ان كانت عمل او علاقة
نهاية واضحة و مفهومة ،بش تاخذك لبدايات قوية 🔥💪

24/10/2022

أحسن وقت تنجم تعيشو و تحس بيه هو توا (الآن)
مافاتك شيء !
اي تنجم تبدا منين ماوقفت ،
الماضي درس راهو تعلمنا منو فقط متخليهش يتبعك
و يعيش معاك ،
غدوة (المستقبل) مازال ماجاش ،
مربوط اساسا بلي نعيش فيه توا (الان) من افكار على روحي و على الدنيا 🤔
ماترميش الكرة خليها ديما عندك ⚽️

21/09/2022

في اليوم العالمي للسلام ❤️
حابة نذكر روحي و نذكركم ان السلام يبدا من الداخل و من بعدها ينتشر في الكون كله ✨💎

05/08/2022

مش مع فكرة اني نقعد نصنف في الناس هذا باهي و هذا خايب !
الحقيقة الي نؤمن بيها ان اي حد دخل لحياتي اكيد علمني حاجة و غير فيا للاحسن و خاصة الناس الي وجعتنا خلتنا نكونوا اقوى اليوم وقت الي هي تستنى تتفرج في ضعفنا 🤍
الشعور بالألم عادي انك تمر بيه اما الي مش عادي انك تقعد ساكن فيه !
خليها فرصة لبداية جديدة بنسخة متطورة !
الصورة خذيتها من أول يوم تدريب ميسرين بناء السلام في تونس 🇹🇳 🕊

28/07/2022

في هذا البوست اشاركك ثلاثة قواعد تعاونك في الثنية :

🍃حب روحك : في كل قصة نعيشها نلقى حب الذات هو المخرج و الا طريق للشفاء .
اول ماتحب روحك و تقدرها الخطة الي انت راسمها اصلا ممكن تتغير ساعات تنجم تخسر ناس او اشياء (وجودهم اصلا كان وقتي ) و لكن بالاخير تربح روحك و هذا المهم .

🍃عيش بمشاعر ايجابية و ماتستناش حاجة تصير بش تفرح : اسأل اي شخص علاش تحب تحقق الهدف هذا بالذات فلخر الاجابة تكون اني نعيش بمشاعر ايجابية ، شنوا الي يمنع ان نعيش هذي المشاعر من البداية .

🍃 انت الي تعطي للدنيا قيمة مش العكس ، انت الي تزيد في المنصب الي انت فيه و في الشهادات الي خذيتها، و حتى في الناس الي دايرة بيك .

خبرني انت توا و الا خبريني شنوا القاعدة الي عشتها انت
و اثرت فيك خلينا نتشارك التجربة ؟

توحشتكم برشا يا رب تكونوا بخير 🤍

#سلمى 🪁

24/07/2022

كل ما تقابل ناس يتحل في قلب كل واحد منا رصيد
و الرصيد هذا،مع الزمن،مرة يطلع و مرة ينقص على حسب الأحداث و المواقف .
الصورة من اخر يوم تدريب في تركيا فيها رسايل من المشاركين من دول مختلفة 🤍

19/07/2022

لو فما حاجة ماسهلتش لتوا يبقى خير،
اي كيما قريت اكيد فما ما خير جاي في بلاصتو غير انت آمن انك تستحق كل هذا الخير .
المشكلة ان اكثرنا يتعلق بالنتائج و هذا يبعد علينا الفرص القوية الي في طريقنا . و اغلب النتائج الي نجروا وراها مبرمجة من قبلنا مش احنا صنعناها كيما الوظيفة ،الزواج و الشهادة .. و كأننا في سباق شكون الاحسن و الافضل الي يوصل الاول .
انا من سنوات اخترت اني مانشاركش في هذا السباق العظيم ،
مش مع فكرة اني ندخل في حرب و الا صراع مع غيري و لا مع الدنيا و لا حتى مع روحي ،
انا مع ان الدنيا الوان ،برشا الوان مش ابيض
و اسود .
ان عادي كيما فما لحظات باهية فما الي مش باهية
انو كيما نجحت نجم ماننجحش
غادي وين نتعلم ،نتعلم بحب مش بخوف
ماعندي من شنوا نخاف
نعرف و مؤمنة بحاجة وحدة الي اليوم انا بخير وغدوى باقي خير 🤍

15/07/2022

نقلك على سر بيني و بينك ،
يخليك في كل مرة وين ماتحب توصل لحاجة معينة ،تكون راضي و فرحان مهما كانت النتيجة :
انك تسعى بكل الطرق المتاحة الي عندك و بعدها تسلم امرك للمولى و تقبل بقدره ،
على فكرة على قد ماتحب لروحك الخير تلقاه مخبيلك اضعافها .
عن تجربة بش تكون مطمئن في الحالتين 🤍