Ammari Rafik

10/09/2023

⏳🕐

18/06/2023

17/02/2023

New start 😊
New energy 💪
See you soon inchallah ♥️

02/05/2022

مزلنا مواصلين مع خطبة العيد مع ف*ج السمسار نكملوا نشوفوا شنوة صار معاه 😅
خطبة العيد || partie 2

17/04/2022

صحة شريبتكم ❤
ولينا ألفين يا جماعة .. مرسي على دعمكم المتواصل ❤

12/04/2022

Mention spéciale à mes nouveaux super fans !

Adel Ghnimi, Ahmed Saadouli

11/04/2022

"ما نكرهوش أما زادة ما نحبوش "
عمرك لا تحب البحر و أنت على الشاطئ لازمك تغوص في داخلوا باش تفهم خفاياه 💔
لهفة البدايات ليست حب 🤷‍♂️
✍ Ammari Rafik

10/04/2022

بقلمي ✍

غصة في القلب و برشا وجيعة .. 💔
تفاصيل صغيرة تخلي أحلامك الكل تطيح في الماء .. عمرك لا تتغر و تقول سياي فلان يحبني و ضمنتوا و مستحيل يتخلى عليا
في قانون الحب كل شي كماتش الكورة كل شي ممكن و ديما ألعب للخر .. ❤🙂
✍ Ammari Rafik

08/04/2022

" مسمار في حيط "
الجملة هاذي ولات شائعة اليوم في مجتمعنا ..
برشا آباء و أمهات يقرى ولدهم شوية من بعد يولي التخمام ديراكت في خدمة المسمار في حيط .. 🙂

نعذر برشا والدين همهم يتهنوا على ولادهم لكن الوقت تبدل توة و ولت فما ألف حاجة و حاجة ينجم يعملها صغيرك باش يضمن مستقبلوا .. فما وسائل التواصل الإجتماعي الي كان يعرف يوضفها ينجم يدخل منها برشا فلوس كيما Degital marketing بالعربية التسويق الإلكتروني الي باش يكون من مهن المستقبل

يعني ما تفرضش على ولدك و الا بنتك وظيفة أو مهنة معينة تحبها انتي و يكرهها هو و يعدي عمروا كامل فاد منها و ينجم حتى يبطلها خاطروا موش مقتنع بيها من البداية و تغصبت عليه بالسيف .. ما تلزوش على حاجة موش حاببها ✋

نذكركم بمقولة علي بن أبي طالب رضي الله عنه و أرضاه : " لا تربوا أولادكم كما رباكم آباؤكم فإنهم خلقوا لزمان غير زمانكم "
الوقت تبدل و كل وقت ووقتوا ✋

08/04/2022

يمكنكم وضع آرائكم .. إقتراحاتكم .. توصياتكم ( Avis ) الآن على الصفحة
آرائكم تهمني و شكرا 🥰
جمعة مباركة للجميع ❤

06/04/2022

" توة موش كندعوا حد غير ربي حرام "

تطرحت في إحدى المسلسلات الحكاية الشائعة في مجتمعنا الي هي الولية الصالحين ..
الحكاية هاذي ماهيش جديدة علينا خاطر توارثناها منذ القدم مع جدودنا
و ما ننسوش الجملة الشهيرة للجنرال رشيد عمار كقال : " تونس حامينها الولية و الصالحين " !!!
لليوم فما برشا ناس يمنوا بيها ياااسر العادة هاذي و الي كتناقشهم فيها بالنسبة ليهم هي خط أحمر ما نفدلكووش بيه ... و الكلنا ديما نسمعوا " ما تتزهاش على سيدي " !!! 😌
" رد بالك راو سيدي فلان معطيلوا يدقك و يطيح فيك " 😌
" وجاه سيدي فلان " ..😌
" ا سيدي فلتان حني أعطيني " 😌
" هيا نزوروا سيدي فلان " ..
"أطلب من عند سيدي فلان و هزلوا الضحية راو أقربلك منا لربي " .. 😌
و غيرها من الكلام الي العام 12 نسمعوا فيه .. يعني فما فئة من المجتمع قاعدة تستعين بواسطة باش حسب كلاموا ربي يستجيبلنا !!
وقتلي ربي سبحانوا خلقك انتي كيف ما خلقوا هو و شي ما يزيد عليك .. الذي يختلف أنه كان عبد صالح هو ليس بنبي و لا برسول نزل عليه الوحي و حدثت معه المعجزات ..
القداسة و العبودية هي لله وحده و دون ذلك فيعد شركا بالله و برشا ناس موش فايقة بيه الشي هذا و يتصرفوا على نياتهم ..
نحب نذكركم بالمقولة الشهيرة لأ بو بكر الصديق عند وفاة الرسول : " من كان يعبد محمد فإن محمدا قد مات .. و من كان يعبد الله فإن الله حي لا يموت "
إفهم انتي وحدك هذا الرسول عليه الصلاة و السلام أعظم خلق الله 😌
موضوع للنقاش ...

05/04/2022

"إيطاليا باش ترجع تربيكم بالشكل الصحيح ..
حبوساتنا هي الأقدم في أوروبا ..
في البلاد هاذي تعلمنا كيفاش نتعاملوا مع أمثالكم ..
في الحبس هذا القوانين الي حطتها إيطاليا تمشي على الكل ..
باش تهبطوا على ركايبكم و تسمعوا الكلام ..
سيبتوا بلدانكم و جيتوا باش توسخوا ترابنا ..
لهنا الي يهز راسوا ما ليه كان الماتراك ..
في الحبس هذا ما فماش رجال ..
فما مجرمين و منحرفين ..
تطبق القانون و تسكر أفامها ..
إيطاليا باش تحميكم من أرواحكم ..
و كتروحوا هازين معاكم فلوسنا وقتها تتفكروا مليح هالحبس ..
في بلدانكم جوعوكم و هملوكم و رباوكم روسكم لوطة ..
إيطاليا ردتكم رجال و نظفتكم من داخل "

الكلام وحدوا كتقراه تحس روحك لا عاد عندك لا قدر و لا قيمة .. فما بالك كتسمعوا مباشرة
لكن للأسف تحب و إلا تكره هذا الواقع و هذا الكلام لتسمعوا وقتلي يغروك بنعيم و فلوس إيطاليا و كتمشي غادي تسمع وسخ وذنك الي يهينك و يحسسك بالذل لين تنطق و تقول شمجيبني و شناقصني حتى يطيح قدري لهدرجة
إيطاليا ، إيطاليا ، إيطاليا الي ولت على كل لسان
وعلاش ؟
خاطر الشباب ما لقاش الخير في بلادوا .. خاطر وصل نقم على الوضع و كره العيشة فيها .. خاطر يحببوه في بلاد الناس وقتلي هوما ما يعطووش بعضهم و ما يفلدلكوش بالوطنية و الغيرة على بلادهم

يا أيها الشعب الكريم رام أغلبيتهم يشوفونا نحن العرب متطفلون .. همج غايتنا الفلوس و تلويث مجتمعهم و انتي هاد عليهم !!
إلى كل شاب قاعد يخمم في الحرقة خمم مليح خاطر فما حلين يا توصل سلامات و تعدي عمرك مهان و صبعك تحت الزرصة تسمع و فمك بالع يا إما تسرق ، يا تخدم في السواني .. يا تطيح لحبك درباني مع المخدرات و المافيات الي نهايتها شنيعة
أو لا قدر الله تكون لقمة سائفة للحيتان ...
أحنا مانكرهوش بلادنا أحنا ناقمين على الوضع ..
بلادنا صحيح ما عطيتنااش الي نحبوه .. لكن زادة حبك لبلاد الغير ما وراه كان المذلة


Stop Viva l'italia ✋
Viva la Tunisia ❤