05/06/2025
🔴 تذكر دائما أن تنام على حلم وتستيقظ على هدف
✅️ قِصّة نجاح ..
عمناول الوقت هذا، تعديت بأصعب أصعب أيامات حياتي،
أنا في طمبك الرفيزيون للكونكور وأمي و بابا يمشيوا للحج و يخليوني وحدي، في أكثر وقت أنا مستحقتهم فيه ..
غضبت عاركت لحلحت وشيء ماما قتلي ألف وأعوذ بالله كان نبطل حجتي الي نستنى فيها سنين ..
يا مما يهديك راو مستقبلي راو موش لعبة راو السعودية تمول في إسرائيل راني كان ما ننجحش نقتل روحي ..
وهي شيء قاتلي كي درا شيصير ديني وعبادتي قبل كل شيء ..
هوما قصدوا ربي وأنا الحق متاع ربي صار فيا الويل قراية وصغار ودار وشارع وقضية وتطييب ..
نعدي بال 15 ساعة على البيرو نريفز ضهري قوس سمنت زدت أكثر من 10 كيلو .. النوم نسيته لا ليل لا نهار ..
وبرشا تعب آخر منجمش نحكي كيفاش وشكون وعلاش (حسيبهم ربي).
لكن فالاخر الحمد الله الكله قعد كلام، نجحت وفرحت وفرّحت أمي وبابا الي تعبوا علينا ووصلونا ..
بيت القصيد عمرك ما تسلم مهما كانت الظروف وحتى كان لقيت روحك وحدك ..
بالنسبة للزملاء والأصدقاء الي يستناوا في النتيجة كملوا لاخر نفس وما تسلموش راو ما فما حتى واحد فيكم تعدى بأصعب ملي تعديت بيه أنا ..
خِتاما كل الذي أوجعني صنعني وحقّق حُلمي ..
لِيطمئن قلبك ❤️⚖️🖤
✍️ الأستاذة فاطمة محيسن
