Békalta - البقالطة

20/05/2024

البطلة العالمية و البطلة التونسية زوز نجمات من #بقالطة ... لكن يلعبو بإسم مدينة اخرى ! علاش ؟؟ خاطر في بقالطة ماعناش شكون !!
تصور كان جاء عنا نادي رياضة فالبقالطة، شوف قداش باش يطلع من بطل و بطلة كيما وفاء و وجدان ...

13/05/2024

#الدزيرة ( الزيرة) #الديماس #البقالطة ❤️❤️

24/04/2024

في عمر ال 5/10 سنين : papa
في عمر ال 15/20 : pa
في عمر ال 25/30 : baba
في عمر ال 35 : الوالد
في عمر ال 40 : الشايب

علاش ؟ ماهو بوك من أول نهار ال اخر نهار ! علاش الشايب و العجوز ؟!
خليها ديما بابا و راسك الفوق

10/04/2024

عيد مبارك و سنين دايمة
🌛🕌❤️
حبوا بعضكم، سامحوا بعضكم و إدعيوا
لفلس🇵🇸طين 🙏🏻

09/04/2024

فالفترة الاخيرة برشااا برشا باجات نشرة خبر موسم جني #الفراز فالبقالطة ! خبر كنا نتمناو انو صحيح و كان يضيف لعاصمة الباكورات برشاا ... لكن للاسف لا يوجد !
إن شاء الله تكون فكرة للفلاحة البقالطية للمبادرة ...
#بقالطة #بقلوطي

05/04/2024

صحة شريبتكم !
موضوع ديما يعاود
علاش البقالطية ما يستثمروش في #بقالطة ... علاش يمشيو لمدن مجاورة باش يحلو حوانتهم و مشاريعهم ... !

اغلب الاجابات ديما نلقاو : بقالطة مدينة صغيرة 4 كعبات و كعبة و البقالطية ميحبوش الخير لبعضهم !!!

هذي فكرة كبرنا بيها مالصغر ( كي الكذبة و صدقناها)
علاش ؟؟ خاتر البقالطة من ناحية المساحة 3 اكبر مدينة فالمستير !! و عدد سكان البقالطة 20 الف نسمة و فالصيف يوصل ال 80 الف نسمة !!! يعني حكاية البقالطة صغيرة هذي موش صحيحة !!
نجيو لحكاية البقالطية ما يحبوش الخير لبعضهم !!!
هذي خرافة زادا ! علاش ؟؟ الرزق بيد ربي ! تحل حتى فالصحرة ربي يحب يباركلك يباركلك ... اما لازم شويا اشتهاد ...
علاش لنا في بقالطة يحل محل متاع دبش في ڨراج دارو بابو يبدا حديد مخزز ... في حين في مدن اخرى اخرى صاحب المحل يصرف ملاين على واجهة المحل و décoration !!! يعني اذا تحب تحل مشروع او محل اعمل حاجة على قاعدة و تكون تجلب الانتباه !!! موش حانوت مكتوب عليه ملابس جاهزة و تلقى فيه خضرة و غلة !!!

و نقطة اخرى علاش المحلات مفرتين كي ولاد الحجلة !! واحد فالشرق و واحد فالغرب !! في مدن مجاورة المحلات الكل تبدى بحذي بعضها هذا قسم و القسم ما يفكهولك حد !.. هوكا محلات الملابس الجاهزة للنساء موجودة بكثرة و بجنب بعضها في بقالطة و ما شاء الله يخدمو !!! ..

يعني خلاصة الحديث كي تعمل حاجة مزيانة و مشرهة العباد تجيك حتى مالمريخ !

16/03/2024

ايا هاو #البغدادي ولات منطقة سياحية جديدة بالمهدية...
افرحو يا شعب
🤦🤦🤦🤦

05/03/2024

رسالة الجديد بالبقالطة ...
اولا ربي يوفقكم و يكون فالعون ..

بربي خمو فالبقالطة و البقالطية .. و موش في سي فولان و فلتان ... ( باش تعمل مزية على قريبك .. يا سيدي ميسالش ... اما ما تهملش و ما تتكبرش على حد ...)

البقالطة تاريخها كبير و يحكي علاها ! لكن حاضرها يااااسر مازال التالي ... و مدن مجاورة هربت بينا ...
فما برشا نقاط لازم تخدمو عليها و من توا ...من غير تضيع وقت ...
و اهمها :
1 و اهم شي تعبيد طريق الديماس و الشرف ... راهم وجهة البلاد فالصيف !
2 : سوق الجملة ... راهي البقالطة القلب النابض للفلاحة في تونس ... والله عيب سوق جملة يكون هكا !!!! كي نتفكر 15 عام التالي كيفاش كان و العباد تجي من ليبيا و مصر خصيصا لسوق الجملة ... توا ....
3 : وجه البلاد ! بربي اخدمو عليه !!! مرا صاحبي جاي من بنزرت قتلو اهبط حذي النافورة ... كي وصل قعد يضحك عليا ... قلي هذي النافورة !!!!

و الله ولي التوفيق !
بلدية البقالطة - Municipalité de Bekalta

05/03/2024

انطلاق اشغال تهيئة كرنيش #الشرف ..
ان شاء الله تكون حاجة تليق باسم البقالطة و ما تكونش متاع شد بيها يدك و برا !!

05/02/2024

ما فهمتش علاش كل حاجة باهية في بقالطة يحبو بصيف ينسبوها لمدينة او ولاية مجاورة ...
عرضني فيديو متاع شكون جرب fly in Tunisia.. الكل تسأل فين البلاصة، يقلهم فالمهدية !!؛
دخلت للباح متاع ال fly in Tunisia نلقاهوم مبلبزينها اصل .. حاطين. البقالطة و لاية المهدية

يا بن عمي، اول هام البقالطة تابعة المستير و ثاني هام ىاهي fly in Tunisia فالبقالطة موش في مهدية
و السلام

15/01/2024

بربي ميساج لبرشا #بقالطية ...
توا مولود في بقالطة و طول عمرك عايش في بقالطة ( و حتى كان ما عشتش فيها )، تحط فالفايسبوك من مستير و الا من سوسة ! متاع شنيا هذي ؟؟ خاترك قريت عامين غادي ؟؟؟ و الا مستعار باش تقول من بقالطة ؟!!!

21/12/2023

#برتاجيوا يباركلكم...في كل ڨروب تعرفوه....
و الرجاء من #ادمينات صفحات المدن و الولايات الاخرى انهم ياخذوا النداء و يعاونونا عليه...
عندنا امرأة مسنة تعاني الزهايمر تدعى زهرة ..خرجت من يوم الاثنين من دارها في #البقالطة لحد الساعة ما لقاوهاش ..
امرأة مسنة اسمها زهرة ضعيفة و قصيرة شوية لابسة سفساري ....
كان جات في البقالطة راهي تشافت...
الاغلب تكون البرا من بقالطة...
الي عندو اي معلومة يتصل بالصفحة او 97811048

28/11/2023

السلام
فالاونة الاخيرة كثر الحديث علي مسلسل الصغار " #ماشا و الدب" و حملة المقاطعة الخ الخ باعتبار اسلوب تجسيد دور ماشا الي لا يتماشى مع الصغار ...
قررت نتفرج في بعض الحلاقات ( تقريبا 15 حلقة) و لاحظت انو موش صحيح الي تقال ...
ممكن ماشا مفرفشة شويا, لكن علاش شفتوها كونها موش متربية ؟؟ علاش ميكونش انها ناشطة برشاا و تحب الحركة و النشاط ؟؟ و في عديد اللقطات تكون ذكية !!!
مسلسل لا فيه اخلالات لا بالدين و لا بالتربية ...
مسلسل مفعم بالحيوية ... خلاف الصور المتحركة الغربية الي اصبحت تروج للمثلية ...
و اني متأكد الي 80% مالناس الي حكات على ماشا ما تعرفهاش جملا و عمرها ما تفرجت فيها، فقط قاو ستاتي فايسبوك صدقو الحكاية و نشروها ...

و انت يا مادام، ميسالش اقعد مع صغيرك حتى نصف ساعة و تفرجو مع بعضكم و بعد احكم، خير ملي تعطيه تلفون يتفرج فاليوتوب لمدة ساعات و انت تبدى شادة الفيسبوك و موش عارفة عليه فاش يتفرج.

25/10/2023

04/09/2023

موش عارف فما عباد تكذب كذبة و يصدقوها
توا عارفين الي البغدادي تابعة البقالطة .. اما تجي عند البحر و يحبوه بالغورة يكون تابعهم ..

بابا ! #البغدادي ببحرها، بفلاحتها بكلها بكلالها بقلوطية اب عن جد ! كيفها كيما #الشرف #البحيرة #الديماس و #زبيد

01/09/2023

جمال المنظر لا يحتاج كلمات 🥰😍
جمال البحر 🌊 مع زخات المطر ⛈️
شاطئ #البغدادي #البقالطة 🌊😍

06/08/2023

مهرجان #الكرموس بالبقالطة ❤️
تقرير القناة الوطنية
#البقالطة #الديماس

04/08/2023

مااا تركزش مع الكتيبة ! ركزز مع التصويرة
اي اي ماكش غاالط، شط #الديماس هكااا، تحديدا بحذي مقهي pavillon Bleu ❤️❤️😍😍
التصويرة هذي تشهرت برشااااا ( التصويرة من 2018)
و كل خبر عالسياحة التونسية ينشرو التصويرة هذي 😍😍🥰🥰

24/06/2023

#شباتي صديقنا رمزي 🥰🥰
#البحيرة قرب الجامع 🕌
ربي يعينو و يجيبلو القسم 🥰🥰
هكا نحبو شبابنا..
تاخو كعبة بحق زوز، يحسبلك الثانية بلاااااش 😁😁😁

07/06/2023

نتمنى لكم كل النجاح و التفوق انشاء اللهBAC 2023

25/05/2023

تحية شكر كبيرة برشا ل Vétérans Gazelle Bekalta
اولاد البقالطة بمباريات استعراضية عرفو و يعرفو اكثر و اكثر #ببقالطة في كل انحاء الجمهورية... من بنزرت ال بن ڨردان
العالمية ان شاء الله على قريب👏❤️❤️🥰🥰
كل الدعم و التشجيع ❤️👏👏👏
Veterans gazelle bekalta

23/05/2023

الحل موجود👍🌾🌾🌾🌾

28/04/2023

اكتشاف كعبة طماطم تزن 1كغ و150 غ في البقالطة… واتحاد الفلاحين يطلق صيحة فزع
التفاصيل بالفيديو في الرابط التالي: https://bit.ly/3LO09F7

26/04/2023

معدلاتهم في الدراسة بين 14 و 17 :ضبط 6 تلاميذ كانوا ينوون ''الحــ. ــرقة'' !!

04/04/2023

نسأل الله أن يتقبل الاخ عادل بواسع رحمته و ان يسكنه فسيح جناته 🙏🏻🙏🏻🙏🏻

04/04/2023

بسم الله الرحمان الرحيم
(يَا أَيَّتُهَا النَّفْسُ الْمُطْمَئِنَّةُ * ارْجِعِي إِلَى رَبِّكِ رَاضِيَةً مَرْضِيَّةً * فَادْخُلِي فِي عِبَادِي * وَادْخُلِي جَنَّتِي) صدق الله العظيم
بقلوب صابرة محتسبة، تلقينا نبــــأ وفــــاة المغفور له بإذن الله تعالى الشيخ و الصديق و الاخ و الاب الخلوق الإمام
ربي يرحمك شيخ عادل و يصبر عايلتك و يجعل مثواك الجنة. 🙏🏻🙏🏻
ادعولو بالمغفرة في هذا الشهر المبارك
وإنّا لله و إنا إليه راجعون

08/03/2023

تحديد اسعار بيع #التفاح و #الموز انطلاقا من يوم غد 9 مارس 2023 عبر المسالك الرسمية
التفاح
سعر البيع بالجملة 4000
سعر البيع بالتفصيل 4500
الموز
سعر البيع بالجملة 4500
سعر البيع بالتفصيل 5000

منشور صادر عن وزارة التجارة

تواااا الكورة عند المواطن !!! اكثر مالسوم هذا ما تشريش !!!!

11/02/2023

صفحة Békalta - البقالطة من #موسكو تتمنى للغزال حظ موفق غدوة في ثمن نهائي كأس تونس 🔥🔥
مربوحة ان شاء الله
GSB الغزال الرياضي بالبقالطة

10/02/2023

صورة اليوم من سوريا
ربي يرحم الي مات و يشفي المصابين و يخرج المفقودين سالمين 🙏🙏🙏
و ديما