Citizens Journalists Timor-Leste

17/04/2024

Sekretaria Estadu Asuntu Toponimia Organizasaun Urbanu (SEATOU) ho Ekipa Kontinua Sobu Uma Komunidade Ne'ebe Okupa Espasu Públiku Iha Dili Laran

Dili, 17/04/2024 ekipa konjunta ne'ebe lideradu husi SEATOU kontinua sobu uma komunidade iha area aitarak-laran Aldeia Anin Fuik suku Kampung Alor.

Orseik ekipa SEATOU sobu ona uma no kios komunidade nian iha Ex.merkadu Sengol Bidau tanba komunidade sira okupa fatin públiku hodi faan produtu lokal inklui produtu sira seluk (Sembako) ne'ebe povu kiik sira faan hodi hadia sira nia moris no sustenta ba oan sira nia eskola.

19/03/2024

𝐂𝐕𝐓𝐋 𝐅𝐨 𝐅𝐨𝐫𝐦𝐚𝐬𝐚𝐮𝐧 𝐏𝐫𝐢𝐦𝐞𝐢𝐫𝐮 𝐬𝐨𝐤𝐨𝐫𝐮 𝐁𝐚 𝐣𝐨𝐫𝐧𝐚𝐥𝐢𝐬𝐭𝐚 𝐡𝐨𝐝𝐢 𝐚𝐮𝐦𝐞𝐧𝐭𝐚 𝐬𝐢𝐫𝐚 𝐧𝐢𝐚 𝐤𝐨𝐧̃𝐞𝐬𝐢𝐦𝐞𝐧𝐭𝐮

𝐃𝐢𝐥𝐢, 𝟏𝟗/𝟎𝟑/𝟐𝟎𝟐𝟒, 𝐂𝐉𝐓𝐋, Cruz Vermelha Timor-Leste(CVTL) servisu hamutuk ho Cruz Vermelha internasional (sigla Ingles ICRC) organiza formasaun Primeiru sokoru ba maluk media jornalista sira hotu iha Timor laran, Para aumenta sira nia koñesimentu em termos ba Primeiru Sokoru no deseminasaun valores humanitariu sira nune’e bele aplika situasaun emerjensia nian.

Sekretariu Jeral CVTL,Luis Pedro Pinto, informa, iha situasaun konflitu,situasaun dezastre naturais,situasaun normal no hanesan asisdente sira,media nia papél sira ne’e importante teb-tebes. Tanba sira tenke ba iha jornalista sira ne’e papél importante teb-tebes tanba sira tenke tun ba treinu,tun ba fatin asisdente sira mos iha koñesimentu para oinsa bele ajuda ema seluk no ajuda sira nia an rasik,” 𝐃𝐞𝐡𝐚𝐧 𝐒𝐞𝐤𝐫𝐞𝐭𝐚𝐫𝐢𝐮 𝐣𝐞𝐫𝐚𝐥, 𝐛𝐚 𝐣𝐨𝐫𝐧𝐚𝐥𝐢𝐬𝐭𝐚 𝐬𝐢𝐫𝐚 𝐢𝐡𝐚 𝐂𝐕𝐓𝐋 𝐅𝐨𝐫𝐦𝐨𝐬𝐚.

Nia hatutam, mesmo tempo media sai faktor importante ida ba parseiru diak ba Cruz Vermelha Timor-Leste, ho kooperasaun tenke kontinua halao bele kolega jornalista sira hot-hotu tenke iha koñesimentu ne’ebé naton ba Primeiru sokoru para ajuda sira nia an rasik, no mos ajuda sira nia instituisaun no ba iha komunidade ne’ebé sira servi ba.

Tanba nee, Oportunidade ne’e husu ba media sira atu kontinua divulga informasaun sira ne’e.ba ita nia komunidade hotu- hotu Para sira iha koñesimentu bele hetan oportunidade mos bele hetan formasaun buat hirak ne’e depende fila fali ita hotu nia vontante hakarak ka lae bele fo formasaun hotu pelo menus familia ida koñesimentu iha Primeiru sokoru ajuda sira nia familia rasik,”relata nia.

Nia akresenta, Materia sira ne’e barak sira mak oinsa atu bele ajuda ema liliu konaba ema tohar karik ema ran sai barak oinsa bele hapara ran sai barak.Formasaun Primeiru sokoru sira durante loron tolu (3) nia laran.

22/01/2024

𝐔𝐍𝐈𝐕𝐄𝐑𝐒𝐈𝐓𝐀𝐑𝐈𝐔 𝐇𝐀𝐌𝐔𝐓𝐔𝐊 𝐏𝐑𝐎𝐅𝐄𝐒𝐒𝐎𝐑 𝐊𝐎𝐍𝐓𝐑𝐀𝐓𝐀𝐃𝐔 𝐒𝐈𝐑𝐀 𝐇𝐀𝐋𝐎 𝐀𝐒𝐀𝐔𝐍 𝐏𝐀𝐒𝐈𝐅𝐈𝐊𝐀 𝐇𝐀𝐒𝐎𝐑𝐔 𝐌𝐄 𝐈𝐇𝐀 𝐁𝐈𝐃𝐀𝐔

“Ha'u nu’udar edukadora ami hotu sente triste tebes ho desizaun ministra edukasaun bainhira hapara kontratu sem justifika tanba ha'u laos foin hanorin maibe desde 2014 ate agora, sentimentu ha'u nia ba ida ne’e vitima dala rua ona Primeiro bazeia ba verifikasaun husi ministeiru edukasaun uluk iha 2019 ami nia naran sai tiha to'o fali asina kontratu ha'u nia naran la iha tiha, 𝐃𝐞𝐡𝐚𝐧 𝐞𝐝𝐮𝐤𝐚𝐝𝐨𝐫𝐚 𝐈𝐝𝐚𝐥𝐢𝐧𝐚 𝐌𝐚𝐫𝐢𝐚 𝐌𝐚𝐢𝐚 𝐒𝐨𝐚𝐫𝐞𝐬 𝐆𝐨𝐧𝐳𝐚𝐠𝐚 𝐢𝐡𝐚 𝐟𝐚𝐭𝐢𝐧 𝐝𝐞𝐦𝐨𝐬𝐭𝐫𝐚𝐬𝐚𝐮𝐧 𝐁𝐢𝐝𝐚𝐮 𝐒𝐚𝐧𝐭𝐚 𝐚𝐧𝐚, 𝐒𝐞𝐠𝐮𝐧𝐝𝐚 𝟐𝟐/𝟎𝟏/𝟐𝟎𝟐𝟒.

Nia konta momentu naran la iha sira lamenta tebes maibe mai hasoru ministru edukasaun maibe dehan lao ho pakote nune’e sira hein faze daharuak nune’e sira fuan boot nafatin hodi hanorin loron ida estadu sei rekonhese tanba laos hanorin estranjeiru nia ona maibe hanorin sira nia oan liuliu munisipiu Viqueque eskola EBF Riun Yudaha Bibleo no EBF Ular Rihik Kararas

“Ita eduka ita nia oan rasik ita la hein ema seluk mak fahe sira nia matenek ho nune’e verifikasaun ikus ami tama ona iha sistema hanesan porta voz hateten ami nia naran publika ona iha jornal da republika hetan promulgasaun husi Presidente da Republika ho ida ne’e ami asina ami nia kontratu iha 2023 mandatu oitavu governu no ami sente hamnasa tiha momentu ne’eba tanba durante tinan naruk ami voluntariu la haree ba osan asina kontratu iha 01 de Janeiru to'o 30 de Dezembru 2023 hamnasa fulan balun de’it” dehan Professora kontratadu

Iha fatin hanesan professor Manuel dos Santos, nia dedika an iha tinan barak nia laran maibe ministra edukasaun hapara kontratu nia sente triste tebes hanorin tinan sanulu resin ona iha 2012 hahu hanorin eskola iha EBF ATOS munisipiu Bobonaru postu Lolotoe too agora

“Ha'u servisu mos labele ona, ha'u garantia para ministra edukasaun bele atensaun nafatin ami nia vida kontratadu ida ne’e, hodi sustenta ami nia oan sira, kontratu para tenke fila ba halo toos se ministra dehan kontinua ha'u sei bele ba hanorin”

09/12/2023

𝐃𝐄𝐋𝐈𝐀𝐍𝐀: 𝐑𝐀𝐈 𝐑𝐀𝐇𝐔𝐍 𝐇𝐀𝐅𝐀𝐋𝐔𝐍 𝐇𝐀’𝐔 𝐌𝐀𝐈𝐁𝐄 𝐏𝐀𝐒𝐄𝐍𝐒𝐈𝐀 𝐍𝐀𝐅𝐀𝐓𝐈𝐍 𝐀𝐓𝐔 𝐍𝐔𝐍𝐄,𝐄 𝐇𝐀𝐓𝐔𝐓𝐀𝐍 𝐌𝐎𝐑𝐈𝐒 𝐍𝐄,𝐄

DILI, CJTL (09/12/2023)-“Ha’u durante fa’an iha ne’e dezafiu boot ne’ebé loro-loron ha’u hasoru mak rai rahun barak tebes hafalun ha'u maibe pasensia nafatin atu nune’e hatutan moris iha mundu ne’e, dalabarak ema dehan ba ha’u uja tiha masker maibe la toman uja tanba dada iis la di’ak, dehan Deliana ba jornalista Citizen jornalist iha faan fatin Fatuhada”.

Deliana Alice Mau husi Viqueque, suku Umawain Kraik, aldeia Naeboruk nia faan iha estrada ninin tanba ekonomia menus tebe-tebes hanesan estudante labele garantia de’it ba inan aman, ho nunee nia mos esforsu an nafatin liu husi faan sasan iha dalan ninin Fatuhada, edifisiu Guardamor nia oin hodi ajuda mos inan aman no ba nia presiza loro-loron

“Ita hein de’it inan aman iha foho mos sira iha difikuldade tanba sira mos uja ba nesesidade loro-loron, ema hotu dehan inan aman nia “tanggungjawab” maibe sira nia kbiit ne’ebé lato'o atu haree ita oan hotu tanba oan mos barak labele haree ida de’it, dehan Deliana Alice Mau ba jornalista Citizen jornalist iha faan fatin Fatuhada”.

Nia konta sira hamutuk nain haat feto nain tolu mane nain ida husi sira nain haat ne’e eskola hotu, Deliana dadaun kontinua nia estudu iha Universidade Nasional Timor Lorosa'e (UNTL), Faculdade Ciencia Sociais (FCS), Departamento Inkluzaun Sosial nia too ona prosesu hakerek mini monografia

Deliana haktuir, nia tuir sosializasaun telkomsel nian iha sesaun husu no hatan mak nia hetan osan montante $100 dolar hafoin hetan tiha osan ne’e nia hanoin atu faan sasan, mak primeru nia hola uluk pulsa telkomsel faan, no ikus mai sosa tan sasan ne’ebé faan mak sigaru suria, LA, Marboro, Pulsa, Kelu no mina nuu.


̃o

09/12/2023

KOLIGASAUN AGRIKULTURA HALO KONFERENSIA IMPRENSA HODI LANSA SENTRU MEDIA HODI OBSERVASAUN DEBATE OJE 2024

Dili, 09/12/2023- Rede Koligasaun Agrikultura Timor-Leste ne’ebe kompostu husi toos nain sira, grupu joventude agrikultura, organizasaun sosiedade sivil, Asosiasaun Jornalista Timor Lorosa’e, organizasaun ema ho defisiensia, grupu feto no Alumni Parlamentu Foinsa’e (APFTL), ne’ebé iha interese atu tau matan ba asuntu mudansa klimátika, feto no rai, sustentabilidade fiskál, husu governu atu dezenvolve setór agrikultura no promove ekonomia diversifikadu ne’ebé sustentável no inkluzivu iha Timor-Leste, lansa sentru media, hodi halo obsersaun monitoriza debate Orsamentu Jeral Estadu 2024.

“Rede Koligasaun Agrikultura refere ba proposta OJE tinan 2024 katak despeza estadu ne’ebé la sustentável no la realistiku sei fó risku bo’ot ba sustentabilidade rezerva Fundu Petroliferu no finansas públiku iha futuru bainhira Timor-Leste la iha ona reseita husi kampu mina no gas ne ebé Timor-Leste iha. Alende ne’e , problema seluk hanesan mudansa klimátika feto no direitu ba rai tenke sai prioridade mós ba ( IX ) governu konstitusional ida ne’e”, dehan, porta voz Remigia Aleixo X. Belo liuhosi Konferensia Imprensa iha Fundasaun Haburas Farol, 07/12/2023 kinta ne'e.


̃o

07/11/2023

28/10/2023

ELEITÓR ALDEIA LABUBO LA KONTENTE HO MEKANIZMU ORGAUN SUKU

CJTL-(Manatuto 28 Outubro 2023) eleitór sira husi Aldeia Labubo,suku, Lacu-mesac, postu-administrativo Laclo, Munisipiu Manatuto, la kontente ho mekanizmu orgaun suku nian ne'ebé prejudika ba ferik ho katuas sira ne'ebé laiha koñesimentu edukasaun.

Ho razaun tanba bulletin entre kandidatura xefe suku, ho xefe aldeia no delegadu ho delegada hakerek ho Liman nomos laiha foto, tanba ne'e prejudika tebes ferik, katuas sira bainhira ezerse Diretu de Votus ba kandidatura ne'ebé mak sira rasik hakarak hodi hili.

Eleisaun suku ne'ebé hala'o iha loron 28 Outubro 2023, iha sede Aldeia Labubo suku Lacu-mesac ne'ebé eleitor sira hahu forma husi tuku 07:00, OTL to 19:53 lao ho di'ak no hakmatek, maibé maioria eleitór sira kestiona Kona-ba mekanizmu orgaun suku nian, ne'ebé Brigada STAE nia servisu ho manual ka hakerek ho liman deit no han tempu Naruk.

Tuir observasaun Citizens Journalists Timor-Leste nian iha Aldeia Labubo, eleitor sira ezerse Diretu de Votus ho di'ak tebs, maibé mekanizmu orgaun suku diferente tebes ho eleisaun Prezidente ho eleisaun Parlamentar Liu ba.

24/10/2023

Report by Zevonia Vieira We, the undersigned Six journalist organizations in Southeast Asia condemn the killing of journalists and other civilians with impunity and see this as fundamental violations of international human rights and humanitarian laws, including the Geneva Conventions. We convey our...

20/10/2023

KOMUNIDADE LACLO KONSUMU BEE MOTA DURANTE TEMPU NARUK

Susar tebes ba moris povu ida ne'e, iha leten koalia buat midar no mer deit, maibé povu nafatin terus no halerik ba babeik.

Komunidade postu-administrativo laclo konsumu bee mota durante tempu Naruk hodi sustenta nesesidade familia uma laran.

Tanba moris, la senti kole, la haree ba idade hodi ba kuru bee iha mota ho distansia kuaze kilometer 4/5 hodi sustenta Moris loro-loron nian, nomos ba eskola.

Menus bee mos pasiesia, ferik, katuas, Inan isin rua no Labarik hodi ba buka bee mos iha mota ho distansia ne'ebé dook. Ida ne'e mak realidade moris povu iha baze, ne'ebé mak governante labele identifika.

Foto kredit: Mabais Pilas Kou

18/10/2023

18/10/2023

LAMPU LA ESTANDAR FÓ RISKU BA VIAJEN IHA TEMPU KALAN

CJTL-18/10/2023,Husi imajen ne'ebé publika iha pajina Citizens Journalist Timor-Leste (CJTL), hafoin halo viajen Dili ba Baucau, nota transporte públiku sira ne'ebé halo movimentu iha tempu kalan ne'e maioria la uza lampu estandar hodi fo risku ba ema nia movimentu iha tempu kalan.

Ho publikasaun ne'e, hakarak husu ba parte seguransa, liuliu Polisia Tranzitu hodi halo revista ba transporte hirak ne'ebé halo movimentu iha tempu kalan la uza lampu estandar, hodi fo risku ba Movimentu kalan.

16/10/2023

MENTALIDADE TIMOR-OAN FRAKU IHA HAKEREK ISTORIA

Vigario Igreja Santo Antonio Balibo, Pe. Urbanos Bunga Lolo SVD, iha nia Omilia hatete, Labarik joven sira hakas Aan hodi bele hakerek istoria, tanba Timor-oan barak, koalia barak, maibé la hakerek, estrajeiru sira mak hakerek, no hanorin tan iha edukasaun, tanba ne'e Timor-oan lakon mentalidade kultura hakerek istoria nian.

"Hau hanoin ho selebrasaun ne'e bele hanorin labarik joven sira hakas Aan hodi bele hakerek istoria, tanba ita iha Timor ne'e ema barak koalia barak, maibé la hakerek, estrajeiru sira Mak Hakerek, tan ne'e ita lakon iha aspetu ida mentalidade kultura hakerek nian,tanba ne'e mak estrajeiru oan sira esplika Timor nia istoria husi f*k to ain nee" dehan Vigario Pe. Urbanos Bunga Lolo SVD, iha-nia omilia hafoin halo misa selebrasaun ba loron nasional Liberdade Imprensa dahuluk iha Munisipiu Maliana, postu-Administrativu Balibo, (Segunda 16/10/2023)

Nai Lulik ne'e akresenta selebrasaun Ida ne'e bele hanorin labarik joven sira, atu hahu ho mentalidade, hahalok, maneira, nomos talentu hakerek nian nomos nia apresia ba ba parte governu, tanba bele fo oportunidade ba joven no Jornalista sira hato'o sira-nia talentu oinsa hakerek foka liu-ba Liberdade Imprensa.

"Ha'u Espera ho selebrasaun Ida ne'e bele hanorin labarik joven sira, atu hahu ho mentalidade, hahalok, maneira, nomos talentu oinsa hakerek, hau apresia ba parte governu, tanba bele fo oportunidade ba joven no Jornalista sira hato'o sira-nia talentu oinsa hakerek foka liu-ba Liberdade Imprensa. Tan nee hau espera tinan-tinan bele selebra fatin ne'e, tanba fatin istoriku ba jornalista nain 5 mate iha fatin ne'e," haktuir Pe. Urbanos hafoin remata misa selebrasaun ba loron nasional Liberdade Imprensa.

Nai Lulik nee enkoraja jornalista sira katak, Sai jornalista nee hanesan vokasaun Ida, tan nee kontente ho knaar Ida nee. Ho Ida nee hakerek buat Ida ne’ebe los no uza liafuan Atrativu tuir realidade ne’ebe iha, labele bosok leitores no haree nain sira, atu nune’e sira bele Lee no nonton ho diak.

16/10/2023

FORUM NASIONAL EDITORIAL, HODI HASAE KAPASIDADE JORNALISTA SIRA NIAN

Balibo, 15/10/2023, CJTL-Komemora loron liberdade emprensa no liberdade espresaun iha municipio bobonaro postu-administrativu balibo hodi hanoin hikas luta jornalista nain lima (5) ne’ebe mate.

Jornalista mak sai matan no tilun ba publiku sira, hodi akumula informasaun no divulga informasaun, Hodi nune’e jornalista sira tenke kapasita sira nia-an atu nune’e sira buka informasaun ga divulga informasaun karik tenke klaru no kredivel

Tuir Secretario Estado Comunikasaun Sosial Expedito Loro Dias Ximenes declara katak iha IX Governo ne’e Sei kria formasaun ba jornalista sira hodi nune’e bele aumenta kapasida intelektual, kapasidade profisional, no kapasidade tekniku, hodi nune’e bele solusiona duvida ba informasaun ne’ebe Mak durante ne povu sira enfrenta

Alende ne’e mos governu Sei fo apoiu ba media sira ho kontestu hodi fortifika sira nia servisu, no iha mos apoiu indireta ne’ebe governu Agora dadauk fo ba media, ne’e laos atu hamate produto jornalismo, Governu Ida ne konsiente katak nia Sei defende forti liu produto jornalismo atu nune’e produto jornalismo labele kriminaliza husi Se deit.

13/10/2023

AJTL HO UNFPA ASINA MEMORANDU HODI HAMETIN KOOPERASAUN ATU HASAE KOÑESIMENTU JORNALISTA SIRA NIAN.

Asosiasaun Jornalista Timor-Leste (AJTL) asina memorandu ho United Nations Population Fund (UNFPA) hametin kooperasaun hodi hasae koñesimentu jornalista sira nian iha area kobertura.

Reprezentante UNFPA iha Timor Leste Pressia Arifin-Cabo hatete kolaborasaun ne'ebé AJTL ho UNFPA halo ne'e tanba hare'e ba média nia papél importante tebes hodi partilla ka fo sai informasaun kona-ba joventude nian no Inan mortalidade sira nian hodi halo advokasia no muda mentalidade sosiedade nian ho isu sira ne'ebé akontese iha komunidade sira nia leet.

"Ami presiza média sira fo sai informasaun kona-ba joventude nian no Inan mortalidade sira nian nee ho kredivél no loloos. Tanba ne'e mak ami presiza informasaun sira ne'ebé fó sai ba komunidade ne'e ho kredivél atu nune'e ema bele hatene, tan ne'e informasaun sira ne'ebé fó sai ba komunidade ne'e presiza suporta ho faktus atu nune'e informasaun sira ne'ebé fó sai komunidade no povu bele fiar, komprende no hatene" dehan Pressia iha Salaun Cofi Annan Room (sesta ,13/10/2023).

Iha fatin hanesan Prezidente Asosiasaun Jornalista Timor-Leste AJTL Zevonia Vieira hatete kolaborasaun ne'ebé AJTL ho UNFPA halo ne'e tanba hare'e ba média nia kobertura, tanba ne'e média nia kobertura hodi halo advokasia no muda mentalidade sosiedade nian. Nune'e mós hodi influénsia ukun-nain sira nia desizaun hodi halo protesaun ne'ebé di'ak-liu ba ema ho vulneravel sira, iha AJTL nia parte mos halo advokasia.

" Ho kolaborasaun ne'ebé AJTL ho UNFPA halo ne'e hodi hasae koñesimentu jornalista sira nian importante tebes, ita hotu hatene katak ita -nia kobertura iha instituisaun saúde menus, tanba ne'e husi kolaborasaun ne'e hasae tan numeru kobertura iha instituisaun saúde, hodi halo advokasia ba Inan feton Sira ne'ebé vitima no hasoru violensia. Husi ida ne'e hanorin ita hodi fo informasaun loos, ATU nune'e grupu vulneravel sira bele asesu ho diak, atu nune'e sira bele hadok-an husi buat ne'ebé la iha vantajen ba sira, ida mos parte hanesan diretus Umanus" dehan Zevonia

AJTL fiar katak membru sira hanesan Jornalista sira halo servisu ho di'ak hodi kontribui no dezenvolve rai ne'e ho diak, husi Jornalista sira nia obra kobertura, importante kumpri kode etika Jornalista no fo espasu ba feto sira atu hato'o sira-nia Lian ba problema ne'ebé sira hasoru,liuliu kona-ba asuntu saúde asuntu bazeia ba jeneru ho violensia hasoru feto no labarik feto.

Nune'e AJTL nafatin kolabora ho UNFPA hodi fo treinamentu ba jornalista sira,hodi hasae koñesimentu jornalista sira nian iha area kobertura,liuliu iha area saúde nian.

CitizenJournalismTimor-Leste

04/10/2023

MINA GAZOLINA FOLIN SA'E MIKROLETE LA HALAI (MOGOK)

DILI, 04/10/2023 (CJTL)- Mikrolete (mogok) husi diresaun Tasi-Tolu, Manleu, Bidau mikrolete 03, 010, 011, 013, tanba Mina Folin Sa'e no Pasajeiru Sira Selu La Tuir Tarifa.

Adriano Souza Martins hateten intensaun mikrolete la halai tanba mina karun no pasajeiru barak la selu tuir tarifa.

"Ami husu ba governu hatun mina nia folin hanesan baibain, se bele tau mos regra ba pasajeiru sira nune'e selu tuir tarifa, kondutor Adriano hateten ba jornalista CJTL iha Comoro, 04/10/2023".

Dalabarak pasajeiru sira pasiar mos tun selu 15 centavus nain tolu dalaruma selu de'it 50 centavus, husu ba estudante sira bele karik selu 20 centavus funsiunariu selu 25 centavos tanba agora mina karun, uluk $1.10 centavos sae fali $1.30 centavos.

"Ami nia ezizensia ne'e tanba dalaruma estor osan la too estandar ba patraun tenke ko'a fali ami nia osan"

Iha Fatin hanesan pasajeiru Saturnina Boavida Sarmento hateten, nia sente triste bainhira mikrolete hatun sira iha dalan de'it.

"Ami ohin dader 06:00 htl hein mikrolete iha Tasi-Tolu la halai hotu, ami hein too 09:00 htl mak sae mikrolete 011 tun iha Timor Plaza, kontinua sae fali 03 atu ba hospital Bidau maibe iha dalan eskola 10 Dezembru nia oin, kondutor mikrolete sira hapara haruka ami tun hotu tanba mina karun mikrolete sira (mogok), dehan Saturnina ba jornalista CJTL iha Comoro".

Relasiona ho transporte sira labele halai tanba mina folin sa'e no pasajeiru sira selu la tuir tarifa, nune'e nia husu ba pasajeiru sira seluk tenke kompriende no selu lolos nune'e labele prejudika ba ita nia atividade, durante ne'e nia selu 25 centavus banhira sae mikrolete.

Mikrolete sira ne'ebé (mogok) la halai mak husi diresaun Tasi-Tolu, Manleu, Bidau mikrolete 03, 010, 011, 013.

09/09/2023

NEON METIN HO APC ORGANIZA FORMASAUN BA JORNALISTA, CITIZENS JOURNALIST NO ATIVISTA DIREITOS HUMANOS

Dili, 8-9/09/2023-(CJTL), Neon Metin servisu hamutuk ho Association For Progressive Communications (APC), organiza formasaun durante loron rua ba Jornalista, Citizens Journalist, ativista Direitos Humanos kona-ba Direitos Humanos, Justisa Klimatika no Open Source Intelligence (OSINT).

Workshop ne'e hodi fasilita jornalista no ativista sira oinsa hatene kona-ba Direitos Humanos no bele identifika assuntu ka problema ne’ebé feto, ema ho defisensia, labarik, ema vulneravel sira hasoru, liga ho asuntu mudansa klimátika.

Fasilitador ba treinamentu ne’e mak Prezidente AJTL, Xefe Redasaun Neon Metin, OXFAM, no membru Citizens Journalist Timor-Leste (CJTL).

Partisipasaun formasaun ne'e husi ativista Direitos Humanos, Jornalista radiu komunidade, Jornalista sidadania no jornalista media online sira.

01/09/2023

INTERNASIONAL CONFERENCE
The Dili Dialogue Forum, ho tema “Promove no Haforsa Liberdade Imprensa Iha Sudeste Asiatiku Nu'udar Empurrador ba Tipu Diteitu Umanu Hotu", konferensia ne'e hala'o iha Salaun CNE Lalini Larigutu, Dili Caicoli, 01/09/2023.

Konsellu Imprensa Timor-Leste, liuhosi konferensia internasional The Dili Dialogue Forum ne'e hanesan formasaun ida atu nune'e promove media sira iha Sudeste Asiatiku.

31/08/2023

KONGREGASAUN MARYKNOLL SISTERS OF St.DOMINIC HAMUTUK KOMUNIDADE AILEU HARII GRUPO HIM LOKE RASIK SERVISU

Aileu, 30/08/2023 (CJTL)-Kongregasaun Maryknoll of St.Dominic hamutuk komunidade harii grupo Hakbiit Inan Sira Moris (HIM) loke rasik kampu traballu ba sira nia an, iha Munisipiu Aileu, Postu-Administrativu Aileu-Villa, Suku Malere, Aldeia Kabas Fatin.

Susan wanzagi Kongregasaun Maryknoll sisters of St.Dominic, husi Tanzania Africa hala'o misaun iha Timor observasaun rasik haree inan feton barak mak hetan difikuldade oioin, balun nia bolu ba uma hodi husu tuir sira nia problema uma laran ho preukupasaun barak tebes.

Situasaun ne'ebé inan sira hasoru mak balun ho nia kaben Soe malu, balun la iha osan, hahan, liuhosi ida ne'e madre harii grupo agrikultura ida naran, Hakbiit Inan Sira Moris (HIM) hamutuk ho komunidade Aileu hodi fahe esperensia ba malu, grupo ne'e akumula feto nain 26 hahu servisu ho voluntariu tanba la iha osan ida apoiu husi parte balun, dehan madre Susan iha toos laran.

Nia hatutan iha grupo ne'e komunidade balun faan ikan, modo no seluk tan, maibe madre apoiu nafatin sira-nia bisnis hirak ne'ebé iha vontade no valor ba sira-nia an.

"Traballador sira ne'e ha'u selu osan tuir situasaun Timor nian kada loron ema ida $5 dolar, osan sira ne'ebé ami hetan iha toos ne'e kada fulan bele hetan montante $300 -$500 bainhira ami fokus kuda barak, maibe tanba fatin agora ne'e foun aluga rai kada fulan $100, dehan madre Susan iha modo fatin, Quarta-Feira ne'e".

Grupo ne'e hahu servisu iha 2018 maibe situasaun Covid-19 ne'e ema la dun hola sira nia produto konsege atividade para sira hahu fali iha 2021 hela ema nain lima 5 mak servisu permanente traballador seluk balun hetan oportunidade servisu governu no balun iha atividade seluk.

"Inisiativa harii grupo ne'e ha'u tulun familia sira ne'ebé la hetan servisu ami bele hamutuk hodi loke rasik kampu traballu, no ami mos husu ba governu relevante bele ajuda sasan ne'ebé ami presiza tebes hodi fasilita ami feto sira hanesan traktor fila rai, fini, no sasan seluk ba atividade halo toos ne'e, tanba dadaun uja manual no fini naton de'it, Sisters Susan informa ba Jornalista CJTL iha Aileu Suku Malere , 30/08/2023."

Iha fatin hanesan Amelia Cibere haktuir ba Citizen Jornalists Timor-Leste, modo hirak ne'ebé sira kuda alfase fuan, alfase tahan, repollu fuan, brokoli, baksoi (white, green) modo (nauli) no seluk tan.

Xefe grupo kantreitu ne'e hatutan, modo hirak ne'e kuda espasu la hanesan ho nune'e sira nia servisu loro-loron mak fila rai ke'e rai ku'ak sukat tuir modo ida ne'ebé mak kuda iha espasu ida.

"Ha'u kontenti tebes bele hetan oportunidade husi madre tanba ami bele servisu iha grupo agrikultor ne'e hodi augenta ami nia nesesidade loro-loron uma laran nian, xefe grupo Amelia Cibere informa ba jornalista CJTL, Quarta-Feira 30/08/2023 iha kantreiru, aldeia Kabas fatin, suku Malere.

Modo hirak ne'ebé komunidade hamutuk Comgregasaun Maryknoll Sisters of St.Dominic, kuda dala barak sira fa'an iha merkadu de'it tanba la iha kompania ruma ne'ebé simu sira nia produto direta.

30/08/2023

EMA DESKONHESIDU SUNU FOHO MATEBIAN

Baukau, 30/08/2023 (CJTL)- Ema deskonhesidu balun sunu foho matebian iha area Postu-Administrativu Quelicai, Suku Abo, Aldeia Abo-Lir.

Akontesimentu ahi han foho matebian hahu iha 09:00 htl, lakan makas hafoin komunidade sira haree hodi ba hamate durante oras rua nia laran.
"Insendiu ne'e ami hamutuk ho inan aman joven Abo-Lir konsege hamate duni ahi-lakan, dehan komunidade Aldeia Abo-Lir Guido Cabral deklara liuhosi via telefone".

Nia hatutan akontesimentu ahi-han foho matebian ne'e bebeik ona ho nune'e komunidade hakarak atu informa mos vizitante sira ne'ebé vizita Cristo-Liurai, kuidadu sunu rai, fuma sigaru labele soe arbiru.

23/08/2023

LANSAMENTU PROJETU PROGRAMA SWIPE SAFE ONLINE SAFETY REGIONAL PROJECT

Dili, (23/08/2023) ChildFund Timor Leste hala’o ninia projetu ida hanaran Swipe Safe nu’udar programa inovadór seguransa online ida ne’ebé destina atu aumenta ambiente protesaun ba labarik no joven sira.
Imanuel Assunção Soares husi Associação Parlamentu Foinsa'e Timor Leste (APFTL) nu'udar Koordenador ba projetu Swipe Safe hatete,Projetu Swipe Safe nudar Projetu Rejionál husi ChildFund ne’ebé mak implementa iha nasaun 4: Vietnam, Kambodia, Indonézia no Timor Leste.
Agora daudaun, ChildFund Timor Leste hala’o ninia projetu ida hanaran Swipe Safe nu’udar programa inovadór seguransa online ida ne’ebé destina atu aumenta ambiente protesaun ba labarik no joven sira, tantu ho meiu online (ativu iha internet laran) ka offline (fora hosi liña internet). Programa Swipe Safe sei implementa nia atividade iha munisípiu rua hanesan munisípiu Dili no munisípiu Lautém.
Projetu ne’e sei halo durante tinan 3, hahú iha data 01/07/2022 to’o 30/06/2025 no kobre munisipiu rua mak hanesan Dili no Lautém iha eskola Sekundaria sira – Eskola 8 iha Munisipiu Dili no 7 iha Munisípiu Lautém.
Iha Fatin hanesan, Diretor Eskola ETI Dili, Antonio Moniz hateten katak projetu Swipe safe ne importante tebes ba Estudante sira tanba hodi hafasil estudante sira aprende no foti informasaun ne’ebe iha benifisiu nune'e mos bele hanorin estudante, joven no inan aman sira oinsa atu asegura sira nia-an iha internet/media sosial.