#Шоу_ситора
Некрӯз Худойбердиев ба душманонаш чӣ посух дод?
#Як_тарона
Меҳрнигори Рустам- «Анор-анор»
#НавидиОила
Шастсолагии Фарзонаро дар Теҳрон ҷашн мегиранд
Рӯзи 27-уми январ дар шаҳри Теҳрони Эрон 60-солагии Шоири халқии Тоҷикистон Фарзонаи Хуҷандиро ҷашн мегиранд. Инчунин, дар назар аст, ки нишасти навбатии маҳфили “Ҳумоюн” ва рӯнамоии китоби “Ҳумоюннома” низ дар Теҳрон баргузор шавад.
Гуфта мешавад, ки маросими мазкур дар толори Муассисаи фарҳангии “ЭКО” дар шаҳри Теҳрон бо ҳузури шоирон Фарзонаи Хуҷандӣ ва Толиби Озарахш баргузор мегардад. Ҳамчунин шоирон, пажӯҳишгарон ва аҳли зиёи кишварҳои ЭКО, роҳбари ин муассиса ва сафири Тоҷикистон дар Эрон Низомиддин Зоҳидӣ низ ба маросим даъват шудаанд.
Ин иқдомро Муассисаи фарҳангии ЭКО дар ҳамкорӣ бо Сафорати Тоҷикистон дар Теҳрон роҳандозӣ карда, он идомаи силсиланишастҳои “Ахтарони адаб” арзёбӣ мегардад.
Ёдовар мешавем, ки Фарзонаи Хуҷандӣ 3-юми ноябри соли 1964 таваллуд шудааст. Моҳи ноябри соли гузашта дар шаҳри Хуҷанд бахшида ба 60-солагии ӯ чорабинии васеъ доир гардида буд.
#Hi-techОила
Аввалин мошини парвозкунандаи русӣ озмоиш мешавад
Идораи конструктории «Филатов»-и Москва дар бораи тасмими сохтани аввалин мошини парвозкунандаи русии ИФ-9 хабар дод. Телеграм-канали No Limits зикр мекунад, ки айни замон модели мазкур барои озмоиш омода шуда истодааст.
Тарҳи мошин ба шарофати қанотҳои дар қисмҳои паҳлу ниҳонаш ба квадрокоптер шабоҳат дорад. Дар мавриди сӯзишворӣ бошад, ИФ-9 метавонад ҳам бо неруи барқ ва ҳам бо водород кор кунад, ки онро аз ҷиҳати экологӣ тоза ва универсалӣ менамояд.
Гуфта мешавад, ки ин мошин барои ду нафар ба назар гирифта шудааст. Аҷибаш ин аст, ки зимни пеш омадани ҳолати фавқулода дар ҳаво кабинаи ИФ-9 боло меравад ва одамон дар курсиҳои парашютдор ба рӯи замин мефароянд.
Нархи ин модели нави мошин ҳанӯз муайян нашудааст.
#Навиди оила
Автобуси муҳоҷирони тоҷику ӯзбек дар биёбони пурбарфи Қазоқистон вайрон шуд
Автобусе, ки бо хатсайри Шимкент-Самара ҳаракат мекард, дар вилояти Актюбини Қазоқистон, ки бениҳоят сард ва пурбарф аст, вайрон шудааст.
Бино ба иттилои расонаҳои қазоқӣ, наҷотдиҳандагони Қазоқистон ба таври ҳирфавӣ фаъолият кардаву сари вақт ба ҷойи ҳодиса расида, 82 нафар мусофирони автобус, ки шаҳрвандони Тоҷикистон, Ӯзбекистон ва Русия мебошанд, ба ҷойи гарм бурда шудаанд.
Гуфта мешавад, ки дар байни мусофирони автобуси шикаста 3 нафар кӯдакон низ будаанд. Хушбахтона, зикр мегардад, ки касе аз мусофирон, на калонсолон ва на кӯдакон осеби ҷиддӣ надидаанд.
#НавидиОила
Дар роҳи Душанбе-Хуҷанд як оила зери тарма монданд
Имрӯз, 22-юми январ дар километри 67-уми шоҳроҳи Душанбе-Хучанд-Чаннок тарма фаромада, як мошини сабукрави Mersedes зери тарма мондааст. Дар ин бора намояндагии ширкати IRS ба расонаҳо хабар додаанд.
Ронандагони дигар мошинҳои дар ин роҳ ҳаракаткунада дарҳол ба ёрӣ шитофтаанд, баъдан кормандони Кумитаи ҳолатҳои фавқуллода ва мудофиаи гражданӣ низ ба имдод расида, аз мошини ба фалокат дучоршуда 4 нафарро берун бароварданд.
Бино бар гуфтаҳои шоҳидон мусофирони дар мошин буда аҳли як оила буда, кӯдакони хурдсол низ доштаанд. Ин зану шавҳар бо 3 фарзандашон ба фалокат дучор гаштаанд, ки худтаринаш 10 моҳа будааст.
Субҳи имрӯз дар роҳи Душанбе-Хуҷанд якбора 4 тарма фаромадааст, ки баландии яке аз ин тармаҳо 4 метр ва дарозиаш 40 метр мебошад. Айни замон кормандони ширкати IRS ба тоза кардани роҳ ва таъмини бехатарии мусофирон машғуланд. Ҳарчанд роҳ кушода бошад ҳам, бо дарназардошти вазъи номусоиди ҳаво бидуни зарурат ба роҳҳои кӯҳӣ ба сафар баромадан маслиҳат дода намешавад.
#Hi-techОила
Аввалин скутер-квадрокоптери парвозкунанда муаррифӣ шуд
Ширкати чинии Rictor скутер-квадрокоптери парвозкунандаи Skyrider X1-ро муаррифӣ кард, ки арзиши он 60 000 доллар аст. Ин мошини барқӣ метавонад ҳам дар ҳаво ва ҳам дар рӯи замин ҳаракат кунад ва имкониятҳои беназирро барои ҳамлу нақли инфиродӣ пешниҳод намояд.
Барои парвоз, он дорои чор “қаноти” бозшаванда мебошад, ки ҳар яки онҳо бо ду шамолдиҳаки пурқувват муҷаҳҳазанд. Скутер вобаста ба тағйирот метавонад аз 25 то 40 дақиқа дар ҳаво бимонад.
Илова бар ин, Skyrider X1 бо чархҳо муҷаҳҳаз шудааст, ки онро ба як мошини универсалӣ табдил медиҳанд ва метавонад ҳам тавассути ҳаво, ҳам дар роҳ ҳаракат кунад.
Skyrider X1 барои интиқоли як нафар ва бори кам, бо вазни умумии то 100 килограмм пешбинӣ шудааст. Он метавонад дар баландии то 200 метр парвоз кунад ва суръаташро то 70 километр дар як соат расонад.
#Навиди_Оила
Ваксиназании ҳатмии зидди менингит барои адокунандагони ҳаҷ ҷорӣ мешавад
Арабистони Саудӣ аз 1-уми феврали соли равон ваксиназании ҳатмии зидди менингитро барои адокунандагони ҳаҷ ҷорӣ мекунад.
Вазорати тандурустии ин кишвар ба далели хатари баланди паҳншавии сироятҳо ҳама нафарони адокунандаи ҳаҷро уҳдадор кардааст, ки муқобили менингит ваксина гузаронанд.
Инчунин, тавре гуфта мешавад, аз 1-уми феврали соли 2025 барои мусофироне, ки ба қаламрави Арабистони Саудӣ сафар мекунанд, новобаста аз намуди раводид, ваксиназанӣ бар зидди менингит талаб карда мешавад. Мусофирон бояд ваксина гиранд ва дар ин хусус шаҳодатнома дошта бошанд, ки на камтар аз даҳ рӯз пеш аз ваксинагирӣ дода шуда бошад. Барои кӯдакони то 1-сола ваксина талаб карда намешавад.
✔️Ширкати Фаберлик” бонувонро ба кор даъват мекунад.
✔️Шумо духтари хонашин ҳастед ё таҳсил мекунед, зани оиладоред, фарзанд доред, вале мехоҳед аз хона набаромада даромади худро дошта бошед. Ин шонсро ширкати “Фаберлик” ба шумо медиҳад. Дар ширкати “Фаберлик” худро ба қайд гузошта, аз хона набаромадаву ба воситаи интернет кор карда, маблағ ба даст оред.
✔️Инчунин, саёҳати ройгон, туҳфаҳои беҳтарин ба даст меоред. Худро номнавис намоед ва ба шумо ройгон роҳи оғоз кардани бизнесро меомӯзонанд.
Барои дарёфти маълумоти бештар ба рақамҳои ☎️ +7 (937) 6497992 тариқи Вотсап муроҷиат намоед ва ба шумо тамоми маълумоти иловагиро медиҳанд.
#Навиди_Оила
Вазорати тандурустӣ гуфт, ки хабари хуруҷи коронавируси нав дар кишвар асоси воқеӣ надорад
Имрӯзҳо дар шабакаҳои иҷтимоӣ ва сомонаҳои интернетӣ, аз ҷумла WhatsApp ва Telegram матни тавсияномае аз номи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба хуруҷи варианти нави коронавируси COVID-Omicron XBB дар кишвар чарх мезанад.
Бино ба иттилои маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, маводи мазкур ҳеҷ алоқамандие ба вазорат надошта, он аз номи саҳифаҳои сохта, ё ба ибораи дигар «фейк» нашру пахш гардида истодааст.
- Аз ин лиҳоз, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз тамоми сокинони мамлакат даъват ба амал меорад, ки ба ҳар гуна хабару овозаҳои бардурӯғ вобаста ба хуруҷи сирояти мазкур, ки гӯё дар Тоҷикистон ба қайд гирифта шудааст, бовар накунанд,- меафзояд дафтари матбуоти вазорат.
Блогери машҳури Ӯзбекистон @abdurahmon_fazilov аз мусобиқаи UFC, ки дар аренаи Intuit Dome дар Лос-Анҷелес баргузор шуд, дидан намуд. Дар онҷо ин блогер ҳамватанамон Муин Ғафуровро фаъолона дастгирӣ мекард.
🏆Ёдовар мешавем, ки дар ин набард варзишгари тоҷик Муин Ғафуров пирӯз шуд.
#UFS #Muingafurov #sport #MMA #usa #tajikistan #таджикистан #точикистон #варзиш
Мирвайс Мирвайсов чӣ гуна машҳур шуд?
