People's Police News & Media

Home
People's Police News & Media

သတင်းအချက်အလက်များမျှဝေရန်
(1)

15/05/2023

မမ ပေါက်ကွဲ🙃

04/02/2023

ပြည်သူ့အကျိုးအတွက်ရည် E-Police ဆီ

⭐ အာဏာသိမ်းမှု အစပြုလို့
လက်ခမောင်းခတ်ထင်တိုင်းကြဲ
သည့်
သူခိုး၊ဓားပြ တောကြောင်များအား
အသင် ဘယ်သို့ တိုင်ကြားရမည်နည်း -----

⭐ စစ်တပ်နှင့်ပေါင်း ရွာကိုရောင်း၍
ပစ္စည်းကိုသိမ်း လူကိုကြိမ်းသည့်
အုပ်ကြီးနှင့်သား ဒလန်များအား
အသင် ဘယ်သို့ တိုင်ကြားရမည်နည်း -----

⭐ အိမ်ကိုမီးရှို့ ပစ္စည်းလုသည့်
ဥပဒေမဲ့ ထင်တိုင်းကြဲသော
ရဲနှင့်စစ်သား လူငနွားများအား
အသင် ဘယ်သို့ တိုင်ကြားရမည်နည်း -----

⭐ လမ်းတကာရောက် ဘန်ကာဆောက်
ယူနီဖောင်းဝတ် ဆက်ကြေးကောက်သမား
ရဲနှင့်စစ်သား လူငနွားအား
အသင် ဘယ်သို့ တိုင်ကြားရမည်နည်း -----

⭐ မိကောင်းဖခင် သား/ သမီးပျိုများအား
အလိုမတူ အဓမ္မပြုကျင့်
ရဲနှင့်စစ်သား အမျိုးယုတ်များကို
အသင် ဘယ်သို့ တိုင်ကြားရမည်နည်း -----

⭐ ဒီ ဒီ ဒီလို မေးလာကြလို့
ကူညီဖြေရှင်း ဆောင်ကျဥ်းပေးမည့်
လုံခြုံစိတ်ချ တိုင်ကြားသည့်နေရာ
ညွှန်ကာပြမည် - E-Police ဆီ
တော်လှန်ရေးလည်း မဝေးတော့ပြီ။

03/02/2023

မြစ်ကြီးနားမြို့ရှိ အမှတ် ၃၀ ရဲတပ်ရင်းကို လက်နက်ကြီးဖြင့် ပစ်ခတ် တိုက် ခိုက်မှု ဖြစ်၊ မိုးညိုတွင် စစ်တပ်ဆန့်ကျင်ရေး ပိုစတာ လာဖြုတ်သည့် စစ် ကြောင်း မိုင်းဆွဲခံရ သည့် သတင်း

Feb2 , 2023

ဖေဖော်ဝါရီ ၂ ရက်နေ့ နံနက် ၅ နာရီခွဲအချိန် မြစ်ကြီးနားမြို့ အကျဉ်းထောင် အနီးရှိ အမှတ် ၃၀ ရဲတပ်ရင်းထဲသို့ လက်နက်ကြီးဖြင့် ၃ လုံး ပစ်ခတ်တိုက်ခိုက် မှု ဖြစ်ပွားခြင်းဖြစ်ကြောင်း၊ ထိခိုက်သေဆုံးမှု အခြေအနေ မသိရသေးကြောင်း‌ ဒေသပြည်သူတစ်ဦးက ဆိုသည်။
"ရဲတပ်ရင်း ၃၀ က စစ်တပ်လိုပဲ ဘန်ကာတွေအထပ်ထပ် ကတုတ်ကျင်းတွေ အထပ်ထပ်ရှိပြီး လုံခြုံရေးတင်းကျပ်တယ်။ ပေါက်ကွဲသံ ၃ ချက်ကြားရတယ်။ အဲဒီရဲတပ်ရင်း ၃၀ က တပ်ဖွဲ့တွေရဲ့ ရမ်းသမ်းပစ်ခတ်မှုကြောင့် ကလေးငယ် ၁ ဦး သေဆုံးခဲ့ဖူးတယ်" ဟု ဒေသပြည်သူက ပြောဆိုသည်။
အလားတူ ဇန်နဝါရီလ ၃၀ ရက်နေ့ နံနက် ၉ နာရီအချိန် ပဲခူးတိုင်း၊ သာယာ ဝတီ ခရိုင်၊ မိုးညိုမြိုနယ် ဆုံကုန်းကျေးရွာအုပ်စုအနီး ကားလမ်းဘေး၌ "၂၀၂၃ ရွေးကောက်ပွဲ လုံးဝလက်မခံ စစ်အာဏာရှင်အလိုမရှိ မင်းအောင်လှိုင်မအေ -ိုး" ဟူ‌သောစာသား ချိတ်ဆွဲထားသည့်ဗီနိုင်းကို လာဖြုတ်သည့် စစ်ကောင်စီ တပ် ကို မိုင်းဆွဲတိုက်ခိုက်ကြောင်း မိုးညိုမြို့နယ် ပြည်သူ့ကာကွယ် ရေး တပ်ဖွဲ့ ထံ မှ သိရှိရသည်။
အဆိုပါ မိုင်းဆွဲတိုက်ခိုက်မှုတွင် မြေပြင်သတင်းရင်းမြစ်များအရ စစ်ကောင်စီ တပ်ဖွဲ့ဝင် ၂ ဦးအပြင်းအထန်ဒဏ်ရာရရှိခဲ့ပြီး သေဆုံးခြင်း ရှိ၊ မရှိကိုမူ အတည် ပြုနိုင်ခြင်း မရှိကြောင်း၊ တော်လှန်ရေးတပ်ဖွဲဝင်များမှာ အထိအခိုက်မရှိ အောင် မြင် စွာဆုတ်ခွာနိုင်ခဲ့ကြောင်း မိုးညို မြို့နယ် ပြည်သူ့ကာကွယ် ရေးတပ် ဖွဲ့ ၏ အဆိုအရ သိရှိရသည်။

01/02/2023

ပြည်မြို့ အသံတိတ်သပိတ် မြို့ခံတွေပူးပေါင်း ပိတ်ထားတဲ့ဆိုင်အချို့ကို ရဲတွေက ချိတ်ပိတ်ဖို့ ပြင်ဆင်။ ဖေဖော်ဝါရီ ၁၊ ၂၀၂၃။

ပဲခူးတိုင်းအနောက်ပိုင်း၊ ပြည်မြို့မှာ ယနေ့ စစ်အာဏာသိမ်းမှု ၂ နှစ်ပြည့် အပြင်မထွက် အသံတိတ်သပိတ်မှာ မြို့ခံတွေက ပါဝင်ဆင်နွှဲနေကြပြီး စစ်ကောင်စီရဲတပ်ဖွဲ့က ပိတ်ထားတဲ့ ဆိုင်အချို့ကို လိုက်လံမှတ်တမ်းယူတာတွေ လုပ်ဆောင်နေတာတွေ ပြုလုပ်နေပါတယ်။

စစ်ကောင်စီဝါဒဖြန့် တယ်လီဂရမ်တွေကနေပြီး ပြည်မြို့ပေါ်က ပိတ်ထားတဲ့ ဆိုင်တွေကို ဓါတ်ပုံနဲ့တကွ ဖော်ပြပြီး အရေးယူပေးဖို့ ပြောဆိုပြီးနောက်ပိုင်း ပြည်မြို့က နယ်မြေအပိုင် စခန်းမှူးတွေ ဦးဆောင်ပြီး ရဲတပ်ဖွဲ့ စစ်ကားတွေနဲ့ လိုက်လံ ဓါတ်ပုံရိုက်တာ ဖွင့်ခိုင်းတာ ချိတ်ပိတ်ဖို့ ပြင်ဆင်တာတွေ လုပ်ဆောင်နေတာပဲ ဖြစ်ပါတယ်။

"မနှစ်ကတော့ ဆိုင်ကြီးတဆိုင်ပဲ လိုင်းပေါ်လည်းတင်လိုက်တောပေါ့ အဲဒါလာဖမ်းပြီး ငွေတောင်းညှိုတယ်။ အခုလည်း လိုက်ပြီး ဓါတ်ပုံတွေ ရိုက်နေတယ်။ သူတို့ ရပ်ကျေးအုပ်မှူတွေကလည်း လိုက်ပြီးပုံတွေရိုက်ပြီး ပို့နေတာတွေ လုပ်နေတယ်" လို့ မြို့ခံအမျိုးသားတဦးက ဆိုပါတယ်။

ပြီးခဲ့တဲ့နှစ် အသံတိတ်သပိတ်မှာလည်း လိုင်းပေါ်မှာတင်သူ ပူးပေါင်းသူ ဆိုင်တချို့ကို ဖမ်းဆီးချိတ်ပိတ်ဖို့ ပြင်ဆင်ခဲ့ပြီး ငွေသိန်းပေါင်းများစွာ တောင်းရမ်းပြီး ညှိုနှိုင်းတာတွေ လုပ်ဆောင်ခဲ့သေးတယ်လို့ မြို့ခံတွေက ဆိုပါတယ်။

"အမတို့ကတော့ ဆိုင်ဖွင့်ထားတယ်။ ကိုယ်နည်းကိုယ့်နဲ့ ပါဝင်တယ်။ လာဝယ်တဲ့သူလည်း မရှိပါဘူး။ စားသောက်ကုန်တို့ နံနက်ဈေးတွေမှာတော့ ဆယ်နာရီမထိုးခင် ချက်ဖို့ပြုတ်ဖို့ ဝယ်တာတွေ ရှိတယ်။ အခုတော့ ရှင်းနေတာပဲ။ ထွက်တဲ့လူလည်းထွက်ကြတာပဲ" လို့ မြို့ခံဆိုင်ပိုင်ရှင် အမျိုးသမီးတဦးက ပြောပါတယ်။

ပြည်မြို့မှာ မြို့ပြမြေအောက်လှုပ်ရှားမှုများ ပျောက်ဆုံးသွားပြီးနောက် စစ်ကောင်စီက ဖိနှိပ်မှုမျိုးစုံကို ပြုလုပ်နေပြီး စစ်ကောင်စီခေါင်းဆောင်နဲ့ ဝန်ကြီးများ မကြာခဏလာရောက် လှုပ်ရှားမှုများ ပြုလုပ်နေတဲ့မြို့လည်း ဖြစ်ပါတယ်။

01/02/2023

ခွေးတွေလမ်းပေါ် တက်နေရသည့် အကြောင်း အရင်း👇🏻👇🏻👇🏻👇🏻

https://m.facebook.com/story.php?story_fbid=110573148611825&id=100089774195348&mibextid=Nif5oz

https://www.facebook.com/385165108587508/posts/1717787335325272/?mibextid=Nif5oz

01/02/2023

ယနေ့ ပြည်သူအများအပြား အသံတိတ်သပိတ် ပြုလုပ်နေတဲ့နေ့မှာပဲ (ဒီကနေ့)နေပြည်တော်က စစ်ကောင်စီ၏ နောက်ပါများ တို့ကလဲ အန္တရယ်ကင်းစေဖို့ ဆုတောင်းပွဲ ယတြာပြုလုပ်နေကြောင်း သိရပါတယ် ။

🤣🤣🤣🤣🤣🤣🤣🤣🤣🤣

Feb1 , 2023

01/02/2023

အကြမ်းဖက်စစ်ကောင်စီနှင့် ပါဝင်ပူးပေါင်းသူများအား
နောင်တစ်ချိန် အရေးယူနိုင်ရေး E - Police Station ကိုဆက်သွယ်ပေး

24/01/2023

တိုက်ပွဲပြင်းထန်ဖြစ်ပွားပြီး ဘုရားသုံးဆူမြို့တွင်းရှိ စစ်ကောင်စီလက်အောက်ခံ ဌာနဆိုင်ရာရုံးများ မီးရှို့လောင်နေသည့်မြင်ကွင်း။
crd

23/01/2023

ရဲအုပ်ရဲ့ သမီး ၈ တန်းကျောင်းသူရဲ ခိုးပြေးတာခံရတဲ့ ၆ တန်းကျောင်းသား အမှုဖွင့်ခံလိုက်ရပါတယ်။

ပေးချင်တဲ့ မက်ဆေ့ကတော့ ''မောင်လေးစား အားရပါးရစား'' ဆိုလည်း သတိရှိဖို့ပါပဲ။

ဘယ်မြို့မှာဖြစ်တာလဲဆိုတော့ ပုသိမ်မြို့မှာဖြစ်တာပါ။

ဖြစ်စဥ်ကတော့ ၈ တန်းကျောင်းသူက ၆ တန်း ကျောင်းသားလေးကို ခိုးပြေးတာပါ။ ဇန်နဝါရီလ ၁၇ ရက်နေ့ကပါ။

''မောင်လေးစား''ဆိုပြီး ချောင်းသာမှာ အဝသွားကျွေး တဲ့အချိန်မှာ အဖမ်းခံလိုက်ရတာပါ။

၈ တန်းကျောင်းသူရော ၆ တန်းကျောင်းသားရော အသက် မပြည့်သေးပါဘူး။ ဒါပေမယ့် ၈ တန်း ကျောင်းသူက ရဲအုပ်ရဲ့ သမီးဖြစ်နေတော့ ၆ တန်း ကျောင်းသားလေးကို ရတဲ့ပုဒ်မနဲ့ အမှုဖွင့် ဖမ်းထားတဲ့ သဘောပါ။

အမှန်ဆို ရဲအုပ်ရဲ့ သမီး ၈ တန်းကျောင်းသူကလည်း ခိုးပြေးတာခံရသေးတယ်။ အမှုလည်း အဖွင့်ခံရသေးတယ်ဆိုတော့ မိအေး ၂ ခါနာရတဲ့အဖြစ်ပါ။

အဲ့တော့ နောက်ထပ်သတိပေးချင်တာကတော့ ''မောင်လေးစား မောင်လေးအားရပါးရ စား''ဆိုလည်း ညိုကီတို့အနေနဲ့ သတိနဲ့ထားစားဖို့ပါပဲ။
crd

18/01/2023

5
အမှောင်မှအလင်းဆီသို့ ..(အပိုင်း -၅)

ဆိုင်ကယ်မောင်းလာရင်း နေကဝင်သွားခဲ့လေပြီ ဆိုင်ကယ်ကမီးမပါတော့ သွားလေရာဆောင်ထားတတ်သည့် ဓာတ်မီးသေးသေးလေးအားထွန်းကာဆက်မောင်းလာခဲ့သည်...
ကိုယ်ကဆိုင်ကယ်အား လိပ်ပြေးသလောက်သာမောင်းသူဆိုတော့သူများကို ဝင်တိုက်မှာ မစိုးရိမ်ရပေမယ့် မျက်နှာချင်းဆိုင်မှ မောင်းလာသူ ဂျိမ်းဘွမ်းများနှင့်ဆုံလျင် မီးမြင်စေရန်ဖြစ်သည် အနောက်ကဝင်တိုက်လျင်တော့ မတတ်နိုင် တိုက်လိုကတိုက်ပါစေတော့...ပါးစပ်ကတော့ သံဗုဒ္ဓေဂါထာကို အမြုတ်ထွက်အောင် ရွတ်လျက်ရှိသည်...
တော်တော်တရားကျဖို့ကောင်းသည် အခုမှဘုရားတရားမြဲနေလိုက်သည့်ဖြစ်ခြင်း...အဝေးပြေးကားဝင်းဖြစ်ဟန်တူသည့် နေရာရောက်လာသည် ဖုန်းကိုထုတ်ပြီး google map ကိုကြည့်လိုက်တော့ မြောက်ဦးရောက်နေပြီ ဗိုက်ကလဲအတော်လေးဆာလောင် လာသဖြင့် ထမင်းဆိုင်တစ်ခုရှေ့တွင် ထိုးရပ်လိုက်ပြီး ဆိုင်အတွင်းဝင်သွားလိုက်သည်ကြက်တစ်ကောင်ထည့်ထားသည့် ပလိုင်းနှင့် ကျောပိုးအိတ်တစ်လုံးလွယ်ကာ ဦးထုပ်အဝိုင်းတစ်လုံးအား ခပ်ငိုက်ငိုက်ဆောင်းထားသည့် ပေစုတ်စုတ်လူတစ်ယောက်အား အထူးအဆန်းဖြစ်နေကြသည် ရပ်ထားသည့် ဆိုင်ကယ်ကလဲ စက်မသတ်ထားပဲ အသံမျိုးစုံထွက်ကာနှိုးထားသည်ကိုး မဖြစ်ချေတော့ ဖြစ်လိုရာဖြစ်ပါစေတော့ ဆိုပြီး ဆိုင်ကယ်အားစက်သတ်လိုက်သည်...
ထမင်းဟင်းများမှာပြီး ရောက်လာလို့စားလိုက်တော့လဲ ထင်သလောက်စားမဝင် ထမင်းစားရင်းတန်းလန်းတွင် ဖုန်းမြည်သံစကြားရတော့သည်
မကိုင်ချင်တော့ ခေါ်ကြပါစေ ညောင်းလျင်ရပ်သွားလိမ့်မည်
ထမင်းစားပြီး ခရီးဆက်ရန် ဆိုင်ကယ်အားပြန်နှိုးတော့ ထင်သည့်အတိုင်းပင် ဆိုင်ကယ်ကနှိုးမရတော့ မတတ်နိုင်တွန်းရပေတော့မည် မြို့ထဲနှင့်သိပ်မဝေးဘူးလို့ထင်ထားခဲ့သော်လည်း တွန်းလာရင်း စားထားသမျှတွေ ကုန်သွားသလိုခံစားရသည်.
လမ်းမီးများမရှိသည့် ခပ်မှောင်မှောင်နေရာတစ်ခုအရောက်တွင် ဘေးကကျော်တက်သွားသော ဆိုင်ကယ်နှစ်စီးထဲမှ တစ်စီးကပြန်ကွေ့လာသည် ကိုယ်လဲသတိနဲ့ဆက်တွန်းလာခဲ့သည် ပထမပြန်လှည့်ခဲ့သော ဆိုင်ကယ်က ကိုယ့်အနားမရောက်တရောက်တွင် ဒုတိယဆိုင်ကယ်ပါပြန်လှည့်လာသည်ကိုတွေ့ရသည် ပထမဆိုင်ကယ်တွင် နှစ်ဦး ဒုတိယဆိုင်ကယ်တွင် တစ်ဦး အခြေအနေကို အကဲခတ်ပြီး ဆက်ဆံရမည် ပထမဆိုင်ကယ်ပေါ်မှ မောင်းသူက ဆိုင်ကယ်ဆီ ပြတ်သလား ဘယ်ကလာသလဲ ဘယ်သွားမလဲ ဘာကူညီမလဲဟု ရခိုင်သံခပ်ဝဲဝဲ
ဖြင့်မေးလာခဲ့သည် ဆိုင်ကယ်ဆီမပြတ်ကြောင်း ပုဏ္ဏားကျွန်းကလာကြောင်း မြောက်ဦးမြို့အတွင်းသွားမည်ဖြစ်ကြောင်း ဖြေကြားလိုက်သည်တွင် ဆိုင်ကယ်နောက်ကဆေးလိပ်ဖွာကာလိုက်ပါလာသူက ပုဏ္ဏားကျွန်းကလာတယ် ကချင်ကပြောင်းလာတာမကြာသေးဘူးမလား ဟု မျက်နှာကြောတင်းတင်းဖြင့် မေးလာသည် ဘာမှပြန်မပြောတော့ဘဲ ခပ်မဆိတ်ဘဲနေလိုက်ပြီး အဆိုပါသူအား စိုက်ကြည့်လိုက်သည် စိတ်ထဲတွင်တော့ သုံးယောက်တစ်ယောက် ဖြစ်ပါ့မလားဟု ကိုယ့်ကိုကိုယ်ပြန်မေးနေမိသည်...
ဘာကြောင့်ရယ်မသိ အဆိုပါလူက လက်ထဲကဆေးလိပ်ကို အဆက်မပြတ်ဖွားရင်းက သူတို့အချင်းချင်း ရခိုင်လိုပြောကြသည် စစ်သားဖြစ်ကြောင်း ကူညီရန်မလိုကြောင်း သွားရအောင် ဟုပြောနေသည် ထိုတော့မှစိတ်ထဲတော်တော်အေးသွားသည် တော်သေးသည် ရခိုင်စကားကိုအတော်လေးကျွမ်းကျွမ်းကျင်ကျင်နားလည်သည့် ကိုယ့်ကိုကိုယ်လဲ ကျေးဇူးတင်မိသည် ၎င်းတို့ထွက်သွားမှ ဆိုင်ကယ်အားဆက်တွန်းခဲ့သည် စိတ်ထဲကတော့နောက်ကျောသိပ်မလုံချင်ပေ တွန်းလာရင်းမြို့ထဲရောက်လာမှ စိတ်အေးရတော့သည် လမ်းဆုံတစ်ခုရောက်တော့ ကွမ်းယာဆိုင်တစ်ခုကို တည်းခိုခန်းဘယ်နားရှိလဲမေးရာ ကိုယ်ရောက်နေသည့် လမ်းအတွင်းပိုင်းတွင်ရှိကြောင်းသိရသည်.
ကွမ်းယာဆိုင်ကဖြေပေးသည့်လူကိုကြည့်ရသည်မှာလဲ ကိုယ့်ကိုစူးစမ်းပြီး မလိုလားသည့်ပုံစံပေါက်နေနသည် လမ်းအတွင်းသို့ ဆိုင်ကယ်အားတွန်းယူလာပြီး တည်းခိုခန်းအားရှာသည် တွေ့ပါပြီတော်တော်သားနားသည့် တည်းခိုခန်း အဲ့ဒိတော့မှ သတိရပြီးကိုယ့်ပုံစံကိုကိုယ်ပြန်ကြည့်မိသည် လည်ပင်းတွင် ကြက်ထည့်ထားသည့်ပလိုင်းကလွယ်လျက် ဦးထုပ်ကခပ်ငိုက်ငိုက်ဆောင်းထားသေးသည် မြင်ယောင်သာကြည့်ပါတော့ ဘာပုံစံပေါက်နေမည် ဆိုသည်ကို တည်းခိုခန်းအားနည်းနည်းကျော်သွားပြီး ဆိုင်ကယ်အားဒေါက်ထောက်ကာ ဆိုင်ကယ်ဖင်ထိုင်ခုံအပြဲအတွင်းထိုးထည့်ထားသည့် ပိုက်ဆံထုပ်၊ မှတ်ပုံတင် နှင့် ယာဥ်မောင်းလိုင်စင်တို့အား ထုတ်ယူပြီး ကြက်ထည့်ထားသည့် ပလိုင်းအား ကျောပိုးအိတ်အတွင်းထည့်လိုက်သည့် ခဏတော့ သည်းခံပါလေသာတော်မောင် ဟု စိတ်ထဲက ရေရွတ်ရင်း တည်းခိုခန်းအတွင်းသို့ ခပ်တည်တည်ပင်ဝင်သွားလိုက်သည်...

အပိုင်း(၆)ဆက်ရန်...

လင်းခေး

16/01/2023

ရွှေဘိုက ရဲမှူးနေအိမ် ဗုံးခွဲခံရ
+++++++++++++++
ဇန်နဝါရီ ၁၅
စစ်ကိုင်းတိုင်း၊ ရွှေဘိုမြို့၊ အမှတ် ၃ ရပ်ကွက်၊ ဘိုကုန်းရပ်က ရဲမှူးအိမ်မှာ ဇန်နဝါရီလ ၁၅ ရက်ဒီမနက်ပိုင်းမှာ ဗုံးခွဲတိုက်ခိုက်ခံရတယ်လို့ သိရပါတယ်။
အဲ့ဒီရဲမှူးဟာ အခုလက်ရှိ ရွှေဘိုမြို့မရဲစခန်းမှာ တာဝန်ထမ်းဆောင်နေတာဖြစ်ပြီး သူ့ရဲ့အိမ်ကို ဒီမနက် ၇ နာရီခွဲဝန်းကျင်မှာ တိုက်ခိုက်ခဲ့တာလို့ Flying Dragon Force အဖွဲ့မှ ကိုဗလက ပြောပြထားပါတယ်။
“ရဲမှူးအိမ်က လဝက ရုံးဘက်သွားတဲ့ အရာရှိအိမ်ယာဘက်မှာရှိတာ။ လက်ပစ်ဗုံး ၁ လုံး ပစ်ခဲ့တာ။ ထိခိုက်သေဆုံးမှုကိုတော့ အတိအကျအတည်မပြုနိုင်သေးပါဘူး”လို့ ပြောပါတယ်။
တိုက်ခိုက်ခံရပြီးနောက် စစ်ကောင်စီတပ်ဖွဲ့ဝင်တွေက အိမ်အနီးတဝိုက်ကို ကား ၂ စီးနဲ့ကင်းပတ်နေခဲ့တယ်လို့လည်း ဆိုပါတယ်။
ပြီးခဲ့တဲ့ဇန်နဝါရီလ ၁၀ ရက်ကလည်း စစ်ကိုင်းတိုင်း၊ ရွှေဘိုမြို့နယ်၊ သီးလုံးရွာအနီးတဝိုက်မှာ ပြည်သူပိုင်စပါးခင်းတွေကို ရိတ်နေတဲ့ စစ်အုပ်စုနဲ့ပျူတွေကို Flying Dragon Force အဖွဲ့က ဒရုန်းနဲ့ ဗုံးကြဲတိုက်ခိုက်ခဲ့ပါသေးတယ်။
crd

16/01/2023

*ဟုတ်သည်ဖြစ်စေ မဟုတ်သည်ဖြစ်စေ သတိတော့ထားပေးကြပါ

CDM ဝန်ထမ်းများက စစ်တပ်အတွက် အန္တရာယ်ရှိ၍ ပစ်မှတ်ထားစောင့်ကြည့် ရန် စိုးထွဋ် အမိန့်ပေး၊ ဝန်ကြီးဌာနများတွင် CDM စာရင်းနှင့် ကိုယ်ရေးအကျဉ်းများ အရေးပေါ် ပေးပို့ရန် လျှို့ဝှက် ညွှန်ကြား

ရန်ကုန်၊ ဇန်နဝါရီ ၁၆

စစ်ကောင်စီ၏ ပိတ်ပင်မှုများကြောင့် ပြည်တွင်းတွင် အလုပ်မရှိ၊ ပြည်ပထွက်ခွင့်ပိတ်ပင်ခံထားရသော CDM ဝန်ထမ်းများသည် စစ်တပ််အတွက် အန္တရာယ်ရှိ၍ ပစ်မှတ်ထားစောင့်ကြည့်ရန် ပြည်ထဲရေးဝန်ကြီး စိုးထွဋ်က အမိန့်ထုတ်ထားကြောင်း သိရှိရသည်။

ဒီဇင်ဘာလအတွင်း ပြုလုပ်ခဲ့သည့် ပြည်ထဲရေးဝန်ကြီး တက်ရောက်သော စစ်ကောင်စီ အစည်းအဝေးတွင် ၎င်းက အထက်ပါအတိုင်း အမိန့်ပေးလာခြင်းဖြစ်သည်။

"CDM လုပ်သူများ Black List ရေးသွင်းထားသည့်အတွက် ပြည်ပသို့ထွက်ခွင့်မရတော့ဘဲ လေဆိပ်တွင် တားဆီးမှုများ ရာနှင့်ချီ၍ ရှိလာကြောင်း၊ ထိုသို့ တားဆီးခံရသူများသည် စစ်ကောင်စီအပေါ် မကျေနပ် သည့်အဖွဲ့များဖြစ်လာနိုင်ကြောင်း၊ ပြည်တွင်းတွင်လည်း အလုပ်မရှိ ၊ ပြည်ပသို့လည်း သွားမရခြင်းတို့ကြောင့် ထိုလူအုပ်စု၏ အန္တရာယ်သည် ကြီးမားလာနိုင်ကြောင်း၊ ထို CDM များကို ပြည်နယ်/တိုင်းရဲတပ်ဖွဲ့မှူးများက စောင့်ကြည့်ပစ်မှတ်အနေဖြင့် သေချာစွာ စောင့်ကြည့်သွားရန် လိုအပ်ကြောင်း ပြည်ထဲရေးဝန်ကြီး စိုးထွဋ်က ပြောသည်။

လက်ရှိတွင် ဇန်နဝါရီလဆန်းပိုင်းမှစတင်၍ ဝန်ကြီးဌာနများတွင် CDM စာရင်းများ ကောက်ယူခြင်း၊ CDM လုပ်ထားရမှ ပြန်ဝင်လာသော Non-CDM စာရင်းများ ကောက်ယူခြင်းများကို အရှိန်အဟုန်မြှင့် လုပ်ဆောင်လာကြောင်း သိရှိရသည်။

"အခု ဝန်ကြီးဌာနတွေမှာ ဌာနအလိုက် CDM လုပ်သွားသူတွေရဲ့ ကိုယ်ရေးအကျဉ်းနဲ့စာရင်းတွေ ပြန်တောင်းတယ်။ နောက်ပြီး CDM လုပ်ပြီးမှ ပြန်အလုပ်ဝင်တဲ့ Non-CDM စာရင်းတွေလည်းတောင်းနေတယ်။အရေးပေါ် တောင်းနေတာ" ဟု နေပြည်တော် ဝန်ထမ်းတစ်ဦးက ပြောဆိုသည်။

လျှို့ဝှက် ညွှန်ကြားစာတွင် ဝန်ကြီးဌာနများတွင် CDM လုပ်သွားသူများ၊ CDM လုပ်ပြီးမှ ပြန်လည် ဝင်ရောက်လာသူ Non-CDM များ၏ စာရင်းနှင့်ကိုယ်ရေးအကျဉ်းများကို အရေးပေါ် ဇန်နဝါရီလ ၂၀ ရက်နေ့ ပေးပို့ရန် ညွှန်ကြားချက် ထုတ်ပြန်ထားသည်ကို ဖတ်ရှုရသည်။

16/01/2023

စစ်တပ်၏ အတုအယောင် ရွေးကောက်ပွဲအတွက် လူဦးရေ စာရင်းကောက်သည့် မြောင်မြို့နယ် အုပ်ချုပ်ရေးမှူး၏ ကတော် အပါအဝင် ထွေ/အုပ်ဝန်ထမ်း ၄ ဦးကို PDF တပ်ဖွဲ့က ဖမ်းဆီးရမိ၊ NUG က ထုတ်ပြန်ထားသော အကြမ်းဖက်မှုတိုက်ဖျက်ရေးဥပဒေဖြင့် တရားစွဲမည်

ရန်ကုန်၊ ဇန်နဝါရီ ၁၅

စစ်ကိုင်းတိုင်း၊ မြောင်မြို့နယ်၊ အထွေထွေအုပ်ချုပ်ရေးဦးစီးဌာနမှူး၏ ဇနီးဖြစ်သူ အပါအဝင် ထွေ/အုပ်ဝန်ထမ်း ၄ ဦးကို PDF တပ်များက ဖမ်းဆီးလိုက်ပြီး အကြမ်းဖက်မှု တိုက်ဖျက်ရေး ဥပေဒဖြင့် တရားစွဲမည်ဖြစ်ကြောင်း သိရှိရသည်။

ဇန်နဝါရီလ ၁၄ ရက်နေ့တွင် မြောင်မြို့နယ် အထွေထွေအုပ်ချုပ်ရေးမှူး၏ ဇနီးဖြစ်သူ အပါအဝင် ရုံးဝန်ထမ်း ၄ ယောက်သည် လူဦးရေသန်းခေါင်စာရင်းများ ကောက်ယူနေစဉ် ဖမ်းဆီးရမိခြင်းဖြစ်ကြောင်း သိရှိရသည်။

လက်ရှိတွင် ဖမ်းဆီးရမိသူများကို ဥပဒေနှင့်အညီ ကောင်းမွန်စွာ ထိန်းသိမ်းထားပြီး အမျိုးသားညီညွတ်ရေးအစိုးရNUG ၏ ညွှန်ကြားချက်အတိုင်း အကြမ်းဖက်မှု တိုက်ဖျက်ရေး ဥပဒေဖြင့် အရေးယူသွားမည်ဖြစ်ကြောင်း သိရှိရသည်။
crd

16/01/2023

ဟုတ်ပါမလား မောင်ကာဠုရဲ့

နေပြည်တော်တွင် ဗုံးသီးများတွေ့ရှိပြီး ရန်ကုန်မှာ ဗုံးတပ်ဆင်ထားသော ဒရုန်းတချို့ ဖမ်းဆီးရမိဟု စစ်တပ်က သတင်းထုတ်ပြန်

ရန်ကုန်၊ ဇန်နဝါရီ ၁၆

အကြမ်းဖက် စစ်ကောင်စီ အခြေစိုက်ထားသော နေပြည်တော်တွင် ဗုံးသီးများတွေ့ရှိရပြီး ရန်ကုန်တွင်လည်း ဗုံးတပ်ဆင်ထားသော ဒရုန်းတချို့ ဖမ်းဆီးရမိကြောင်း စစ်တပ်ဘက်က သတင်းထုတ်ပြန်သည်။

ဇန်နဝါရီလ ၆ ရက်နေ့ နေပြည်တော်၊ သမဝါယမဝန်ကြီးဌာန ရုံးအနီးတွင် လက်နက်ဖြင့် ပစ်ခတ်ရသော ဗုံးသီး ၅ လုံးတွေ့ရှိခဲ့ရပြီး ယင်းတွေ့ရှိမှုကြောင့် ဝန်ကြီးဌာနအနီး လုံခြုံရေးတိုးမြှင့်မှုများရှိနေကြောင်း၊ ဝန်ထမ်းတချို့မှာလည်း ရုံးတက်ရန် မဝံ့မရဲဖြစ်နေကြကြောင်း နေပြည်တော်သမဝါယဝန်ကြီးဌာန ဝန်ထမ်းများထံမှ သိရှိရသည်။

အလားတူ ယနေ့ ဇန်နဝါရီလ ၁၆ ရက်နေ့ နံနက် ၁၁ နာရီဝန်းကျင်အချိန် အင်းလျားကန်ဘောင်အနီးတွင် ဗုံးတပ်ဆင်ထားသော ဒရုန်းတစ်စီးပျက်ကျနေသည်တွေ့ရှိရကြောင်း စစ်တပ်ဘက်က သတင်းထုတ်ပြန်သည်။

စစ်လော်ဘီတချို့က အင်လျားကန်ဘောင်အနီးတွင် ဗုံးတပ်ထားသည့် ဒရုန်းလေယာဉ် ၁ စင်း၊ မြောက်ဥက္ကလာတွင် ဒရုန်းလေယာဉ် ၁ စင်း၊ မှော်ဘီမြို့နယ် ဝါးနက်ချောင်းကျေးရွာ အရှေ့တောင်ဘက်တွင် ဒရုန်း ၆ စီးတွေ့ရှိ ဖမ်းဆီးရမိကြောင်း သတင်းဖြန့်ဝေနေကြသည်။

ရန်ကုန်ခေတ်သစ်က စစ်တပ်သတင်းရင်းမြစ်တချို့ထံ ဗုံးတပ်ဆင်ထားသော ဒရုန်းလေယာဉ်များ ရန်ကုန်တွင် တွေ့ရှိမှု ကိစ္စကို ဆက်သွယ် မေးမြန်းရာ လက် ရှိ တွင် အသေးစိတ်မသိရသေးကြောင်း၊ ပြည်နယ်/တိုင်းအရေးကြီး ဌာနရုံးတွင် ဒရုန်း ပစ်ချသည့်လက်နက်နှင့် ဒရုန်းဆက် သွယ်ရေး ဖြတ်တောက်သည့် ဂျန်မာ ထားရှိရန် စစ်ကောင်စီက ညွှန်ကြားထားကြောင်း ပြောဆိုသည်။
crd

16/01/2023

ဆားလင်းကြီးတွင် PDF များ ညှပ်တိုက်ခံရ

ဧရာဝတီ၊ ဇန်နဝါရီ ၁၄၊ ၂၀၂၃

စစ်ကိုင်းတိုင်း၊ ဆားလင်းကြီးမြို့နယ်တွင်း ကျေးရွာများအား မီးရှို့နေသည့် စစ်ကြောင်းကို မိုင်းဆွဲ တိုက်ခိုက်ရန် လုပ်ဆောင်သည့် ကာကွယ်ရေး တပ်ဖွဲ့ဝင်များအား စစ်ကောင်စီတပ်ဖွဲ့ဝင်များက ညှပ်ပူးတိုက်ခိုက်သဖြင့် လက်နက်ခဲယမ်းနှင့် မော်တော်ယာဉ် အပါအဝင် သိန်းရာချီ ဆုံးရှုံးခဲ့ရကြောင်း သတင်းရရှိသည်။

ဆားလင်းကြီးမြို့နယ်ရှိ ပိုင်းတောင်ကြီးနှင့် ကျောက်မှော်ကျေးရွာများကို မီးရှို့ပြီးနောက် စစ်ကြောင်းထိုးလာသော စစ်ကောင်စီတပ်ဖွဲ့ကို ဇန်နဝါရီလ ၁၂ ရက်နေ့တွင် ညောင်ပင်ကြီး - ဆားလင်းကြီး လမ်းပေါ်အရောက် ပြည်သူ့ကာကွယ်ရေး အဖွဲ့များက မိုင်းဆွဲတိုက်ခိုက်ရန် ပြင်ဆင်နေချိန်တွင် စစ်ကြောင်းက ၂ ဖက်ပိတ် တိုက်ခိုက်ခြင်းကြောင့် အပြန်အလှန်ပစ်ခတ်မှုများ ဖြစ်ပွားခဲ့ကြောင်း သိရသည်။

သေမင်းတမန် ပြောက်ကျားတပ်ဖွဲ့ဝင် တဦးက “စစ်ကြောင်းတကြောင်းက သုံးဆယ်လောက်ပါတယ်။ အဲဒီသုံးဆယ်လောက် စစ်ကြောင်းက ရှေ့ကနေ ပိတ်ထားတာ။ နောက်ဖက်ကနေ လက်နက်ကြီးနဲ့ ပစ်တဲ့ အဖွဲ့လည်း ရှိတယ်။ ရှေ့ရော နောက်ရော ညှပ်ထားတဲ့ သဘောပေါ့။ ကျနော်တို့ ပြန်ဆုတ်လာတဲ့ လမ်းကြောင်းက မှန်လို့ အထိ အခိုက်မရှိခဲ့တာ။ ကျနော်တို့ကို ရှစ်လက်လောက်နဲ့ လမ်းပေါ်ထွက်ပစ်သေးတာ။ ကားကို ဘေးဆွဲချပြီး ဆင်းပြေးခဲ့ ရတာပေါ့ ဝါးတစ်ပြန် ကျော်ကျော်ပဲဝေးတော့မယ်” ဟု ပြောသည်။

ဇန်နဝါရီ ၁၂ တွင် ပိုင်းတောင့်ကြီးနှင့် ကျောက်မှော်ရွာ၊ ဇန်နဝါရီ ၁၃ ရက်နေ့တွင် ဖောင်းကထာရွာနှင့် ကျောက်ဖြူတောင်ရွာတို့ကို အင်အား ၁၀၀ ဝန်းကျင်ခန့်ရှိသည့် စစ်ကောင်စီတပ်က စီးနင်းပြီး မီးရှို့ဖျက်ဆီးခဲ့သည်။

မိုင်းဆွဲတိုက်ခိုက်ရန် ပြင်ဆင်မှုတွင် ပါဝင်ခဲ့သည့် သေမင်းတမန်ပြောက်ကြားအဖွဲ့ ( Salingyi ) ၊ ရွှေညီကိုပြောက်ကြားအဖွဲ့( Salingyi ) နှင့် Salingyi Revolution Army မဟာမိတ်ပူးပေါင်း ၃ ဖွဲ့ပေါင်းမှ မော်တော်ယာဥ် ၃ စီး၊ ဆိုင်ကယ် ၁ စီး၊ လက်လုပ်ရှော့ဂန်းများ၊ မိုင်း၊ တဖက်ပွင့် ရှော့တိုက်ပြောင်းများ၊ ၆၀ မမ၊ ၁၆၀ မမ၊ ၄၀ မမ ဗုန်းသီးပစ် လက်နက်အပြင် မိုင်းနှင့် ဆက်စပ်ပစ္စည်းများ စုစုပေါင်း သိန်း ၁၅၀ ကျော် ဆုံးရှုံးခဲ့ကြောင်း သိရသည်။

သေမင်းတမန် ပြောက်ကျားတပ်ဖွဲ့ဝင် တဦးက “အစထဲက မောင်းပြန်မရှိဘဲ လက်လုပ်တွေနဲ့ တိုက်ပွဲဝင်နေရတဲ့ အဖွဲ့ပါဗျ။ တကယ်လို့ မောင်းပြန် ၃၊၄ လက်ပါရင် Battle ကောင်းကောင်းဆိုင်လို့ရပေမယ့် အခုလိုဖြစ်သွားတော့ ကျနော်တို့ အများကြီး ဆုံးရှုံးခဲ့ရတာပေါ့။ လက်နက်ကလဲ မရှိတဲ့ကြားက ပါသွားတာဆိုတော့ အခုချိန်မှာ ကျနော်တို့ ဘာမှ မရှိတော့သလိုဖြစ်သွားတာပေါ့” ဟု ဆိုသည်။

ထိုသို့ သိမ်းဆည်းရသော ကားများကို ယင်းနေရာတွင်ပင် စစ်ကောင်စီတပ်ဖွဲ့ဝင်များက မီးရှို့ခဲ့ကြောင်းနှင့် အဆိုပါ ပစ်ခတ်မှုတွင် စစ်ကောင်စီတပ်ဖွဲ့ဝင် ၁ ဦး သေဆုံးပြီး ၂ ဦးဒဏ်ရာ အပြင်းအထန် ရရှိခဲ့ကာ ပြည်သူ့ကာကွယ်ရေး တပ်ဖွဲ့ဝင် ၁ ဦးခြေထောက်ကျည်ထိမှန် ဒဏ်ရာရှိခဲ့ကြောင်း သိရသည်။
crd

14/01/2023

နွားထိုးကြီးမြို့မရဲစခန်းမှ ရဲတပ်ကြပ်သန်းဇော်မင်းနှင့် ရဲတပ်သား အောင်ကျော်ဖြိုးတို့ကို PDF တပ်က တိုက်ခိုက်မှု ၂ ဦးစလုံး သေဆုံး၊ သေနတ်တစ်လက် သိမ်းဆည်းရရှိ

ရန်ကုန်၊ ဇန်နဝါရီ ၁၄

မန္တလေးတိုင်း၊ နွားထိုးကြီးမြို့နယ်၊ နွားထိုးကြီးမြို့မ ရဲစခန်းမှ မှ ရဲတပ်ကြပ်သန်းဇော်မင်းနှင့် ရဲတပ်သား အောင်ကျော်ဖြိုးတို့ကို PDF တပ်က တိုက်ခိုက်ရာ ၂ ဦးစလုံး သေဆုံးသွားပြီး သေနတ်တစ်လက် သိမ်းဆည်းရရှိကြောင်း သိရှိရသည်

ယနေ့ ဇန်နဝါရီလ ၁၄ ရက် နံနက်ပိုင်း နယ်ထိန်းရဲတပ်ကြပ်သန်းဇော်မင်းနှင့် ရဲတပ်သား အောင်ကျော်ဖြိုးတို့ ပစ်ခတ်ခံရပြီး သေဆုံးသွားကြောင်း၊ သေနတ်တစ်လက်နှင့်ခဲယမ်းများ သိမ်းဆည်းရရှိခဲ့ကြောင်း မြင်းခြံခရိုင်တပ်ရင်း ၄ NPDF မှတာဝန်ရှိသူတစ်ဦးက ရန်ကုန်ခေတ် သစ်သတင်းဌာနထံသို့ ပြောကြားသည်။

ယနေ့ နံနက် ၉ နာရီခန့်အချိန် နွားထိုးကြီးမြို့မရဲစခန်းမှ နယ်ထိန်းရဲတပ်ကြပ် သန်းဇော်မင်းနှင့် ရဲတပ်သား အောင်ကျော်ဖြိုးတို့သည် တစ်ပတ်တစ်ခါဖွင့်လှစ်သော နွားထိုးကြီး နွားဈေးကွင်းသို့ ဆတ်ကြေး ကောက်ရန် ဆိုင်ကယ်ဖြင့်ဝင်ရောက်လာစဉ် ပစ်ခတ်ရှင်းလင်းခဲ့ခြင်းဖြစ်ကြောင်း၊ ရဲ ၂ ဦးစလုံး နေရာ၌ ပွဲချင်းပြီးသေဆုံးသွားကြောင်း၊ ၎င်းတို့ ကိုင်ဆောင်လာသော အူစီတစ်လက်၊ ကျည်ဘောက်နှစ်ခု၊ 9 MM ကျည် ၁၅၆ တောင့်နှင့် လက်ကိုင်ဖုန်း တစ်လုံးကို သိမ်းဆည်းရရှိခဲ့ကြောင်း သိရသည်။

“ပြန်တောင်မပစ်နိုင်ဘူး၊ နွားဈေးကွင်းကို ဆိုင်ကယ်နဲ့ နှစ်ယောက်တည်းပဲလာတာ၊ စခန်းက နေလာမယ် ဆိုင်ရင် ၅ မိနစ်လောက်နဲ့ရောက်တဲ့ နေရာမှာပဲ၊ နွားထိုးကြီးမြို့လယ်ရဲ့ အရှေ့ တောင်နားလေးမှာ လုပ်တဲ့ နွားဈေးကွင်းမှာရှင်းခဲ့တာ၊ ပစ်ခတ်တဲ့အချိန်မှာ ပြည်သူတွေ ထိခိုက်မှာစိုးရိမ်တဲ့အတွက် ဆင်ဆင် ခြင်ခြင်တော့ ပစ်ခတ်ခဲ့ ရတာပေါ့” ဟု မြင်းခြံခရိုင် တပ်ရင်း ၄ NPDF မှတာဝန်ရှိသူတစ်ဦးက ပြောဆိုသည်။

အဆိုပါ နယ်ထိန်း သန်းဇော်မင်း နှင့် ရဲအပေါင်းအပါများသည် နွားထိုးကြီးမြို့နယ် အတွင်းရှိ ပြည်သူ များ ထံမှ ခြိမ်းခြောက်၍ ငွေတောင်းခံခြင်း၊ လောင်း ကစားများထံမှ ဆက်ကြေးကောက်ခံခြင်း၊ နိုင်ငံရေး ပုဒ်မ ဖြင့် ချိတ်ပိတ်ခံထားရသည့် ပစ္စည်းများ ခိုးယူ လုယက်ခြင်းတို့ကို အကြိမ်ကြိမ် ပြုလုပ် ခဲ့သဖြင့် သုတ် သင်ရှင်းလင်းခဲ့ရခြင်း ဖြစ်ကြောင်း မြင်းခြံခရိုင် တပ်ရင်း ၄ NPDF က ပြော သည်။

ရဲ ၂ ဦး သေဆုံးသော ပစ်ခတ်မှုဖြစ်ပွားပြီး ၁၅ မိနစ်ခန့်အကြာတွင် အကြမ်း ဖက်စစ်သား၊ ရဲ အင်အားအလုံးအရင်းဖြင့် ရောက်ရှိလာကာဝိုင်းဝန်း ပိတ်ဆို့ပြီး သေဆုံးသွားသော ရဲနှစ်ဦး၏ အလောင်းကို သယ်ဆောင်သွားကြောင်း သိရသည်။

ဓာတ်ပုံ- ရဲ ၂ ဦးထံမှ ရရှိသော သေနတ်နှင့်ခဲယမ်းများ။
thit media

14/01/2023

အမှောင်မှအလင်းဆီသို့ ..(အပိုင်း-၄)

ကလေး မိသားစုလွတ်မြောက်သွားခြင်းက ကိုယ့်ကိုတွန်းအားပေးလိုက်သလိုလဲဖြစ်သွားသည်.
သူတောင်လွတ်သေးတာငါက ဘာလို့မလွတ်ရမလဲဆိုသောစိတ်ကဝင်လာသည် မိမိကိုယ်ကိုယ်လဲအထပ်ထပ်မေးဖြစ်သည် လမ်းမှာ အကြောင်းအမျိုးမျိုးကြောင့် အဖမ်းခံရခြင်း အခန့်မသင့်လျင် အသက်ဆုံးရှုံးနိုင်ခြင်း ဖြစ်လာလျင် ခံနိုင်သလားဟု အဖြေကတော့ လုပ်စရာရှိတာဆက်လုပ်ပါပဲ အဖြေထွက်လာသည်...
အောက်တိုဘာလကုန်ပြီးလျင် မရရတဲ့နည်းဖြင့်ထွက်ရန်လျာထားလိုက်သည် အဲ့အချိန် သိကြအားမင်းဆင်းတားလျင်တောင်မရစေရဟု ကိုယ့်ကိုကိုယ် စိတ်ပိုင်းဖြတ်ထားလိုက်သည်...
လုပ်ရင်းကိုင်ရင်း အားမွေးရင်းဖြင့် အောက်တိုဘာ လကုန်လေပြီ လစာထုတ်ခဲ့ပြီ ရိက္ခာတွေဝယ်ခဲ့ပြီ ထွက်မဲ့ရက်ကိုသေချာရွေးချယ်ရသည် ရုံးပိတ်ရက်ဖြစ်ရမည် လဆန်းပိုင်း စျေးဝယ်ပြီးသောရက်ဖြစ်ရမည် နိုဝင်ဘာလ ၈ ရက်ကို တာထွက်ရက်အဖြစ်သတ်မှတ်ကာ ထွက်လာခဲ့တော့သည်...
အတွေးက ဆွဲခေါ်သွားသဖြင့် ပတ်ဝန်းကျင်ကို မေ့နေမိသည် စိတ်ကပစ္စုပန်ကို ပြန်ရောက်လာ၍ ကြည့် လိုက်တော့ နေညိုတော့မည် အိပ်တန်းဝင်ငှက်တို့ အုပ်လိုက်ခေါင်းပေါ်ကဖြတ်ပျံသွားနေကြသည် သာယာလိုက်သည့်ဖြစ်ခြင်း လှလိုက်တဲ့မြင်ကွင်းတွေ ကိုယ့်ကိုကိုယ်တောင် ခဏတာမေ့လျော့သွားပြန်သည်...
လယ်ကွင်းတွေလွန်လို့အိမ်ခြေများရှိသည့် ဘက်ပြန်ရောက်လာတော့ ဆိုင်ကယ်ဆီဖြည့်ရန်ခဏရပ်လိုက်သည် ဆီဖြည့်ပြီး စက်ပြန်နှိုးတော့ ဘယ်လိုမှနှိုးမရ တော်သေးသည်က အနားတွင်အပြင်ဆိုင်တစ်ခုတွေ့ရသည် အပြင်ဆိုင်ကိုတွန်းယူသွားပြီး စစ်လိုက်တော့ အင်ဂျင်ဝိုင်တစ်စက်မှမရှိတော့ပေ အင်ဂျင်ဝိုင်ဖြည့်ပြီးပြန်နှိုးတော့လည်းနိုးမလာ ဂွကျချေပြီ ကလပ်ပြားတွေပါးပြီး ကစ်ကနင်းမရချော်နေသည် လဲမည်ဆိုလဲအချိန်ကမရတော့ အနီးအနားတွင်လည်း တည်းခိုခန်းကမရှိ စက်ပြင်ဆရာက ဘယ်သွားမှာလဲမေးရာ ပါးစပ်ထဲရှိရာမြောက်ဦးသွားမည်ဖြစ်ကြောင်းပြောလိုက်သည်...ဆရာသမားကသူတွန်းနှိုးပေးလိုက်မည် မြောက်ဦးရောက်ရင်သာ ကလပ်ပြားလဲလိုက်ရန်မှာကြားပြီး တွန်းနှိုးပေးကြသည် မောင်မင်းကြီးသားများ ကျန်းမာချမ်းသာကြပါစေ စိတ်ထဲကဆိုရင်း ဆိုင်ကယ်မောင်းထွက်ခဲ့တော့သည်...

အပိုင်း(၅)ဆက်ရန်...

လင်းခေး

11/01/2023

အမှောင်မှ အလင်းဆီသို့.. (အပိုင်း ၃ )

မနက်မိုးလင်းလို့မျက်စိနှစ်လုံးပွင့်တာနဲ့ အိပ်ယာမထနိုင်သေးခင်မှာပဲ ဘယ်လမ်းကနေသွားရင်လွတ်မလဲဆိုတဲ့အတွေးကအရင်ရောက်လာတယ်.
တစ်နေကုန်ထိုစိတ်နဲ့ပဲအိပ်ယာပြန်ဝင်သည်အထိပင်ဖြစ်သည်.
တာဝန်ကျသည့်နေရာသို့ရောက်ပြီးမကြာမီပင်
ကလေးနှစ်ယောက် လေယာဥ်စီးကာလွတ်သွားကြောင်းသတင်းကြားရပြီး မြို့ဝင်ဂိတ်တွေမှာရာထူးကြီးကြီးတွေကိုယ်တိုင်ထိုင်ကာ စစ်ဆေးတာလုပ်နေကြောင်း တပ်ဖွဲ့အသီးသီးနှင့် ဌာနချုပ်တွင်လည်း အာဏာသိမ်းသည့်ကိစ္စကမှန်ကန်ကြောင်း စည်းရုံးရေးဆင်းနေကြောင်း သိနေရသည်... ကံကောင်းသည်က ဘယ်သူမှမနေချင်သည့်
နေရာတွင်နေနေသည့် ကိုယ်ကအဲ့လိုပွဲမျိုးတွေ
မတက်ရတာ အတော်အကုသိုလ်နည်းသည်ပြောရမည်...
နောက်နှစ်လအကြာတွင် ကိုယ့်တပ်ဖွဲ့အပြင်စခန်းတစ်ခုမှကလေးနှစ်ယောက် ထပ်ပြီးထွက်ခွါကြသည် ထိုကလေးနှစ်ယောက်ကံမကောင်းအကြောင်းမလှဘဲ စစ်တွေလေဆိပ်တွင်ဖမ်းခံရသည်. စစ်တွေတင်ပင်ထောင်ချ လိုက်ကြောင်းကြားရသည်.
စိတ်မကောင်းပေမယ့် ကိုယ်လဲဘာမှမလုပ်ပေးနိုင်အခြေအနေက တောင်မင်းမြောက်မင်း မကယ်နိုင်အခြေအနေဖြစ်နေသည်ကိုး...ကိုယ်လဲလေကြောင်းလမ်းအစီအစဥ်ကို ခေါင်းထဲကထုတ်လိုက်ရလေသည်...
ကျန်သည့်ရေကြောင်းလမ်း ကုန်းကြောင်းလမ်းခရီးအတွက်သာအာရုံစိုက်ရတော့သည်...ရေလမ်းခရီးကိုတော့စိတ်ထဲသိပ်မပါချင် တိမ်းရရှောင်ခက်သည် ကုန်းလမ်းကိုသာ အဓိကထားလေ့လာသည်
လမ်းတစ်လျောက်တွေ့နိုင်သည့် မြို့ဝင်မြို့ထွက်ဂိတ်များ လမ်းခရီးအကွာအဝေးတွက်ချက်ရသည် တစ်နေ့တစ်နေ့ google map ကို ကသိုင်းရှုသလိုကြည့်ပြီး အချိန်ကုန်နေရသည်...
ဒီလိုနဲ့ဇူလိုင်လထဲရောက်လာသည် အနယ်နယ်အရပ်ရပ်က သတင်းတွေနားမဆံ့အောင်ကြားနေရသည် သတင်းတွေကြားလေ စကစလက်အောက်မှာ တာဝန်ထမ်းဆောင်ရတာကိုရွံလေလေဖြစ်လာသည်.
တစ်ရက် facebook ကြည့်နေရင်း ပြည်သူ့ရင်ခွင် page ကိုတွေ့ရပြီး အားကိုးတကြီးဆက်သွယ်မိသည်...အခြေအနေက ကိုယ်အားကိုယ်ကိုးရမည့်အနေအထားပဲဖြစ်နေတာတွေ့ရသည်.စိတ်ဓာတ်တအားထိုးကျသွားသည်...
ကြာတော့ ကိုယ့်ကိုကိုယ်မကျေမနပ်ပြန်ဖြစ်လာသည် စိတ်ကအလိုလိုနေရင်းတိုချင်လာသည် မြင်မြင်သမျှက ရန်လိုချင်စရာ စိတ်တိုင်းမကျချင်စရာတွေကြီးဖြစ်နေသည် ကျန်းမာရေးထိခိုက်ပြီးလူလဲတအားပိန်ကျသွားသည်
အရင်က ၁၆၅ ပေါင်ရှိတဲ့လူက ပေါင် ၁၄၀ ပင်မပြည့်ချင်တော့ လူကသေးသေးလေးကျန်တော့သည် မဖြစ်တော့ ဒီအတိုင်းဆက်သွားရင် ရခိုင်မာပင်အရိုးဆွေးမည့် အခြေအနေဖြစ်နေသည်...ကိုယ့်ကိုကိုယ် ပြန်ထိန်းမတ်ပြီး ငွေစုသည် ကျန်းမာရေး ပြန်ကောင်းအောင်တည်ဆောက်သည်... စက်တင်ဘာလကိုထွက်ခွါရေး လအဖြစ်လျာထားလိုက်သည်...
စက်တင်ဘာလကုန်လေပြီ လစာထုတ်ပြီး ဆိုင်ကယ် ပြင်ဆိုင်တွင် ဆိုင်ကယ်လေးနည်းနည်းပြန်ပြင်နေစဥ် ကိုယ့်စခန်းတွင်နေခဲ့ဖူးသည့် ကလေးတစ်ယောက် မိသားစုလိုက် သုံးဘီးဆိုင်ကယ်လေးဖြင်မောင်တော့မြို့ဘက်တက်သွားတာတွေ့ရသည်...
ညနေဘက်စခန်းသို့ပြန်ရောက်ပြီးမကြာမီပင် အဆိုပါကလေးထွက်ပြေးကြောင်းနှင့် ဖမ်းဆီးပေးရန်သွေးရူးသွေးတမ်း viber group တွင်စာတွေပို့နေတာဖတ်ရသည်.
ဝမ်းသာလိုက်သည့်ဖြစ်ခြင်း ကလေးမိသားစုလွတ်မြောက်ပါစေကြောင်း ဆုတောင်းနေမိသည်. ကိုယ့်အစီအစဥ်ကိုတော့လက်လျော့လိုက်ရသည်...

အပိုင်း (၄)ဆက်ရန်

လင်းခေး

09/01/2023

အမှောင်မှ အလင်းဆီသို့...(အပိုင်း -၂)

စက်လှေပေါ်မှာ တစ်ခြားခရီးသည်လေးငါးယောက်တွေ့ရပါတယ်. ကိုယ်လဲအေးအေးလူလူထိုင်နေလိုက်ပါတယ် ၁၅ မိနစ်လောက်နေတော့ စက်လှေကထွက်ပါပြီ...
ပင်လယ်ပြင်ဘက်ကို စက်လှေဦးတည်လိုက်တယ်ဆိုရင်ပဲ အမျိုးအမည်မသိတဲ့ခံစားချက်ဖြစ်မိပါတယ်...ဒါပေမယ့် စက်လှေခွာလာတဲ့ ကမ်းဘက်ကိုယောင်လို့တောင်လှည့်မကြည့်ဖြစ်ပါဘူး...
ပင်လယ်ထဲမှာ နာရီဝက်ကျော်ကျော်လောက်ခုတ်မမောင်းပြီးတဲ့အချိန်မှာ စစ်တွေမြို့ဆိပ်ကမ်းကို ကပ်ပါပြီ...ကမ်းပေါ်ကိုရောက်ပြီဆိုတာနဲ့ဆိုင်ကယ်ကိုတောက်လျောက်မောင်းထွက်ခဲ့ပါတော့တယ် တစ်ခြားကြောင့်တော့မဟုတ်ပါဘူး ရုံးပိတ်ရက်ဖြစ်တဲ့အတွက် စစ်တွေကို စျေးဝယ်လာတတ်တဲ့သူတွေထဲမှာ ကိုယ့်ကိုသိတဲ့သူတွေပါလာမှာစိုးရိမ်တာပါ... ၂၀၁၅ ခုနှစ် တာဝန်ကျတုန်းက ကိုယ့်ကိုသိသူ
တစ်ချို့ကအခုထိမပြောင်းဘဲရှိနေသေးလို့ပါ...
တော်တော်ဝေးဝေးထိမောင်းသွားပြီးတော့မှ
ဗိုက်ဆာတာကိုသတိရလာပါတယ် ဗိုက်ကိုတွေ့တဲ့ ထမင်းဆိုင်တစ်ဆိုင်မှာဝင်ဖြည့်ပြီး ဆိုင်ကယ်ကိုတောက်လျောက်မောင်းလာပါတော့တယ် စစ်တွေမြို့ကြီးက ကိုယ်နဲ့မစိမ်းတဲ့နေရာမို့လို့မြို့ပြင်ကို ခပ်လွယ်လွယ်ပဲရောက်ခဲ့ပါတယ်...ရှုခင်းတွေကိုကြည့်ရင်း ခပ်မှန်မှန်ပဲမောင်းခဲ့လိုက်တာ မကြာပါဘူး
ပုဏ္ဏားကျွန်းမြို့ကိုရောက်လာပါတယ်...
မြို့ပြင်အထွက်ချောင်းကူးကုန်းကျော်တံတားရောက်တော့ သတိထားမိလိုက်တာက တံတားတစ်ခုတည်းမှာ ကားလမ်းရော ရထားလမ်းရောလုပ်ထားတာပါ ကားလမ်းအလယ်ခေါင်တည့်တည့်မှာ ရထားသံလမ်းဖြတ်ဖောက်ထားတာပါ ရထားလာတဲ့အခါ ကားတွေရပ် ရထားကြီးက တံတားပေါ်ကဖြတ် ပြီးမှ ကားတွေသွား ဒီလိုသဘောလုပ်ထားပုံရပါတယ် အဲ့ဒါနဲ့လျောက်ကြည့်မိပါတယ် ရထားလမ်းထိန်းတဲ့ဂျမဒါခေါ်မလား ရထားဝန်ထမ်းပေါ့(မှားရင်လဲမှားနိုင်ပါတယ်) ရထားလာရင် လမ်းပိတ်ပေးတဲ့သူနေတဲ့ရုံလေး လိုက်ရှာကြည့်တာ ကိုယ်ပဲမျက်စိလျှမ်းသလားမသိပါဘူး မတွေ့ပါဘူး...လျောက်စဥ်းစားဖြစ်ပါတယ် ရထားလာရင် ဘယ်သူက ရထားလာကြောင်း အချက်ပြမှာလဲ ဘယ်သူကလမ်းပိတ်ပေးမှာလဲ လဲပေါင်းများစွာနဲ့ မေးခွန်းတွေသာပွါးလာတယ် အဖြေက ဗလာပါ... နောက်ဆုံးကိုယ့်ဘာသာပဲ အဖြေပေးလိုက်ပါတယ် ဒီအလုပ်ကိုလုပ်ထားတဲ့သူက တော်တော်ကိုအသိဥာဏ်မဲ့တဲ့ကောင်ပဲလို့...အဲ့လိုကုန်းမျိုးကို ကျောက်တော်မှာ နောက်တစ်ခုထပ်တွေ့လိုက်ရပါသေးတယ်...

အပိုင်း(၃)..ဆက်ရန်...
လင်းခေး

09/01/2023

သတင်းတပ်ဖွဲ့မှ ရဲအုပ် ညီညီဝင်း ပစ်ခတ်ခံရ၍ သေဆုံး

ရေးမြို့နယ်တွင် စစ်အာဏာရှင်ဆန့်ကျင်ရေး ပြည်သူများနှင့် တော်လှန်ရေး ရဲဘော်များကို ထောက်လှမ်းနေသည့် ဗိုလ်ကြီး ညီညီကို YGF က ပစ်ခတ်ရာမှ ပွဲချင်းပြီး သေဆုံး

⛔ဒို့အရေး channel ⛔Jan 9

မွန်ပြည်နယ်၊ ရေးမြို့နယ်တွင် စစ်အာဏာရှင်ဆန့်ကျင်ရေး ပြည်သူများနှင့် တော်လှန်ရေးရဲဘော်များကို ထောက်လှမ်း ဒုက္ခပေးနေသည့် ဗိုလ်ကြီး ညီညီဝင်း ကို YGF က ပစ်ခတ်ရာမှ ပွဲချင်းပြီး သေဆုံးသွားကြောင်း ရေးပျောက်ကျား တပ်ဖွဲ့-YGF မှ ဗိုလ်ကျန်ရစ်က ရန်ကုန်ခေတ်သစ်သတင်းဌာနထံသို့ ပြောဆို သည်။
ဇန်နဝါရီလ ၉ ရက်နေ့ နံနက် ၆ နာရီ ၂၅ မိနစ်အချိန် လမိုင်းမြို့ လက်ဝှေ့ရုံ အနီးတွင် ရေးမြို့နယ် အထူးထောက်လှမ်းရေး ဗိုလ်ကြီး ညီညီဝင်း ကို ရေးပျောက် ကျား တပ်ဖွဲ့ -YGF က ရှင်းလင်းရာမှ ပွဲချင်းပြီး သေဆုံးသွားခြင်းဖြစ်ကြောင်း၊ ယင်းပစ် ခတ်မှုတွင် ပစ်ကွင်းမလွတ်သဖြင့် အခြားလူ ၁ ဦးလည်း မတော်တဆ ကျည်ဆန် ထိမှန် မှုရှိကြောင်း သိရှိရသည်။
"သူက အဓိကမိန်းပဲ့ပေါ့ ။ ရေးမြို့နယ် အထူးထောက်လှမ်းရေးဗိုလ်ကြီးညီညီဝင်း။ သူ့ကို ကျနော်တို့လိုက်နေတာ တစ်ပတ်ရှိပြီ။ သူ့ မှာ ဘော်ဒီဂတ်ကများတယ်။ အခုက အမြန်လုပ်ရတာဆိုတော့ ပြည်သူတစ်ဦးလည်း ထိသွားတယ်။ ကျည် ဆန် က ဗိုလ်ကြီး ညီညီဝင်း ခေါင်းကိုပေါက်ပြီး အခြားပြည်သူ ၁ ဦးကို ထိတာ။ ပတ်ပတ်လည် သူ့လူကများနေတော့။ လမ်းမှာပစ်တာ။ သူက ရေးမြို့နယ်ရဲ့ ထောက်လှမ်းရေး စစ်ဘက်ကော ရဲဘက်ကော တာဝန်ယူထားရတယ်။ ရေးမြို့ မှာ ပြည်သူတွေနဲ့ တော်လှန်ရေးရဲဘော်တွေကို သူဒုက္ခပေးနေတာ" ဟု ဗိုလ်ကျန်ရစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။
ထောက်လှမ်းရေးဗိုလ်ကြီး ညီညီဝင်း ကို ရှင်းလင်းစဉ် မတော်တဆ ကျည်ထိမှန် သော ပြည်သူ အမျိုးသမီး ၁ ဦးမှာ လတ်တလော ဆေးရုံတွင် ဆေးဝါးကုသမှု ခံယူနေရပြီး ရေးပျောက်ကျားတပ်ဖွဲ့-YGF အနေဖြင့် အလွန်စိတ်မကောင်း ဖြစ်ရကြောင်း ဗိုလ်ကျန်ရစ်က ပြောဆိုသည်။

08/01/2023

အမှောင်မှ အလင်းသို့ (အပိုင်း - 1)
Cdm ရဲ တစ်ယောက်ဖြတ်သန်းခဲ့တဲ့ ဖြစ်ရပ်မှန်ပါ

မနက်အိပ်ယာနိုးလို့ နာရီကြည့်လိုက်တော့ ၇ နာရီခွဲတော့မယ် အိပ်ယာလူးလဲထပြီး မနေ့ညကရေးထားတဲ့စာကို တစ်ခေါက်ပြန်ဖတ် တိုက်ချွတ်ထား တဲ့ လက်နက်ခဲယမ်းတွေကိုပြန်စစ် ကိုယ့်ဆီမာစုထားတဲ့ရိက္ခါငွေတွေကို တစ်ပြားတစ်ချပ်တောင်အပိုမပါလာအောင် ထပ်ပြီးစစ် အားလုံးပြီးပြီဆိုတာနဲ့
မွေးထားတဲ့ခွေးလေးတွေကိုအစာကျွေး
တည်ကြက်ကိုပလိုင်းထဲထည့် ကြက်ညွတ်တွေထည့်ထားတဲ့ ကျောပိုးအိတ်ကိုကောက်လွယ်ပြီး

တပည့်တွေနဲ့အတူ တောင်အောက်ဆင်းလာခဲ့တယ် ကင်းစခန်းခြံစည်းရိုးအပြင်ရောက်တော့ ၈ လကျော် နေခဲ့တဲ့ ကင်းစခန်းကိုနောက်ဆုံးအနေနဲ့တစ်ခေါက်လှည့်ကြည့်ပြီး စိတ်ထဲကပဲအားလုံးကို နှုတ်ဆက်ခဲ့လိုက်တယ်...
တောင်အောက်ရောက်တော့ စီးတော်ယာဥ်ကိုခွလိုက်တယ်ဆိုရင်ပဲ ပြဿနာကစပါပြီ နှိုးလို့ကိုမရပါဘူး...
ဒါပေမယ့် သကြားမင်းဆင်းတားရင်တောင် ကိုယ့်လမ်းကိုယ်လျောက်တော့မှာ မို့လို့ဘယ်လိုအခက်အခဲရှိနေပါစေ ရင်ဆိုင်ဖို့ဆုံးဖြတ်ထားပြီးသားပါ...

ဆိုင်ကယ်ကို ပြင်ဆိုင်ရောက်အောင်တွန်းယူသွားခဲ့ပါတယ်...ဆိုင်ကယ်ပြင်ပြီးတော့ နေ့လည် ၁၁ နာရီထိုးပါတော့မယ် ဘာမှမစားရသေးသလို စားချင်စိတ်လဲလုံးဝမရှိပါဘူး...
စိတ်ကဒီနေရာကနေအဝေးဆုံးကိုထွက်သွားဖို့ပဲလောနေပါတယ်...ဆိုင်ကယ်ပေါ်ခွပြီး တောက်လလျောက်မောင်းလာခဲ့လိုက်ပါတော့တယ်...

မောင်တောသုံးမိုင်လမ်းဆုံကျော် မှ ဆိုင်ကယ်ဆီဖြည့်ပြီး အငူမော်ဘက်ကိုဆက်မောင်းခဲ့ပါတယ်...
ဥဒေါင်းကျေးရွာကိုလွန်တော့ ဘေးဘက်တွေကတောကြီးဖြစ်နေတာကိုတွေ့လိုက်ရပါတယ် ၂၀၁၅ ခုနှစ် တာဝန်ကျတုန်းက စည်ကားခဲ့တဲ့ ကျေးရွာတွေ ဘယ်ရောက်သွားပါလိမ့် လမ်းတစ်လျောက်တိတ်ဆိတ်ပြီး လူတစ်ယောက်တောင်မတွေ့ခဲ့ရပါဘူး...

အဲ့ဒီလိုနဲ့ဆိုင်ကယ်မောင်းလာရင်း အင်းဒင်စစ်ဆဆေးရေးဂိတ်ရောက်ခဲ့ပါတယ် ရဲတစ်ချို့ကဖုန်းသုံးလို့တစ်ချို့က ကားတွေကိုစစ်ဆေးနေတာတွေ့ရပါတယ်
ခပ်တည်တည်ပဲ ဖြတ်မောင်းခဲ့ပါတယ် အငူမော်ဆိပ်ကမ်းရောက်တော့ တွေ့တဲ့မော်တော်တစ်စီးပေါ်တက်ထိုင်နေလိုက်ပါတယ် ဆိုင်ကယ်ကို အလုပ်သမားတွေကပဲ ယူပြီးတင်ထားလိုက်ပါပြီ...

ဆက်ရန်...
လင်းခေး

ပုံကတော့ ပြည်သူ့စစ်သားကဆွဲပေးထားတာပါ ခွင့်မတောင်းဘဲသုံးမိတဲ့အတွက် ဒီကပဲ တောင်းပန်ရင်း သုံးခွင့်ပြုပါလို့ ခွင့်ပန်ပါတယ်...

08/01/2023

ရန်ကုန်တိုင်း၊ သုံးခွမြို့နယ်၊ ကတုံးပေါ် နယ်မြေရဲစခန်း ဝင်စီးခံရပြီး စခန်း မီးရှို့ခံရ၊ ရဲ ၃ ဦးသေဆုံးပြီး လက်နက် ၃ လက်ရရှိ

ရန်ကုန်၊ ဇန်နဝါရီ ၈

ရန်ကုန်တိုင်း၊ သုံးခွမြို့နယ်၊ ကတုံးပေါ်နယ်မြေရဲစခန်းကို ယနေ့ နံနက် ၄ နာရီဝန်းကျင်အချိန်တွင် ဝင်ရောက်စီးနင်းမှုဖြစ်ပွားပြီး ရဲစခန်းကိုပါ မီးရှို့သွား ကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ရန်ကုန်တိုင်း၊ သုံးခွအပိုင် ခရမ်းမြို့နှင့်အစပ် ကတုံးပေါ် နယ်မြေရဲစခန်းကို လက်နက်ကြီးများဖြင့် ပစ်ခတ်ပြီး ဝင်ရောက်စီးနင်းခြင်းဖြစ်ပြီး ရဲ စခန်း ကိုဝင်ရောက်စီးနင်းမီးရှို့သွားကြောင်း၊ ရဲများသေဆုံးမှုရှိပြီး လက်နက်များ ပါသွားသည်ဟု သိရှိရကြောင်း ဒေသ ပြည်သူတစ်ဦးက ပြောသည်။

"သုံးခွမြို့ ကတုံးပေါ် ကျေးရွာ ရဲစခန်းမှာ ပစ်ခတ်မှုတွေဖြစ်ပြီး ရဲစခန်း မီး လောင် သွားတယ်။ လက်နက်တွေလည်းပါတယ်လို့ အခုမနက်မှာကြားတယ်။ ဖြစ်တာက နံနက် ၄ နာရီဝန်းကျင်၊ ၄ ခွဲလောက်ဖြစ်မယ်" ဟု ဒေသပြည်သူ တစ်ဦးက ပြောဆိုသည်။

လက်ရှိတွင် စစ်တပ်က သုံးခွဲမြို့၊ ကတုံးပေါ် ကျေးရွာ နယ်မြေရဲစခန်း ပတ်ဝန်း ကျင်တစ်ခုလုံးကို ပိတ်ဆို့ထားကြောင်း၊ ကျေးရွာများမှ ရွာအုပ်ချုပ်ရေး အဖွဲ့ များကို ဆင့်ခေါ်ပြီး မသင်္ကာဖွယ်ရာ လှုပ်ရှားမှုများ နှင့်ပတ်သက်၍ မေးမြန်း နေကြောင်း၊ ရွာချင်းဆက် လမ်းဆုံလမ်းခွများကိုလည်း ပိတ်ဆို့ရန် ပြင်ဆင်နေ ကြောင်း သိရှိရသည်။

ရန်ကုန်မြို့ပြပျောက်ကျားတပ်ဖွဲ့တစ်ခုကမူ ကတုံးပေါ် နယ်မြေရဲစခန်း မစ်ရှင် သည် ပြည်သူ့ကာကွယ်ရေးတပ်ဖွဲ့၊ ပကဖအဖွဲ့မစ်ရှင်ဖြစ်ပြီး အသေး စိတ်ကို သက်ဆိုင်ရာက တရားဝင် ထုတ်ပြန်လိမ့်မည်ဟု ပြောဆိုသည်။

ရန်ကုန်တောင်ပိုင်းခရိုင် ဇုန် ၂ ၊ Fire Dragon တပ်ဖွဲ့၏ ထုတ်ပြန်ချက်တွင် နန်းထိုက်အောင် စစ်ဆင်ရေး ကတုံးပေါ်ရွာရဲစခန်းကို ဝင်တိုက်ခဲ့ခြင်းဖြစ်ပြီး ရဲ ၃ ဦးသေဆုံးကာ လက်နက် ၃ လက်ရရှိကြောင်း တရားဝင် သတင်း ထုတ် ပြန်ထားသည်။

Ppnm admin team

07/01/2023

အကျဉ်းထောင်ဖြစ်စဥ်တွင် တာဝန်ရှိသည့် စစ်ကောင်စီလက်အောက်ခံ စခန်းမှူး ကျော်ဦး အား အပြစ်ပေးအရေးယူနိုင်ရေးအတွက် မှတ်တမ်းတင်ထားရှိပါသည် ၎င်း၏ကိုယ်ရေးအချက်အလက်များ သိရှိပါက ppnm admin team သို့ ဆက်သွယ်ပေးပို့ပါရန် မေတ္တာရပ်ခံအပ်ပါသည်။

ပုသိမ်ထောင်တွင် နိုင်ငံရေးအကျဉ်းသား ၂ ဦးကို စစ်တပ်နှင့်ရဲက ပစ်ခတ်သတ် ဖြတ်ပြီးနောက် နိုင်ငံရေးအကျဉ်းသား ၇၀ ဦးကျော်ကို ရဲစခန်းမှူးကျော်ဦး ခေါင်း ဆောင်ပြီး ရိုက်နှက်နေ၊ ဆေးရုံကား ၃ စီးထက်မနည်းဝင်သွား

ရန်ကုန်၊ ဇန်နဝါရီ ၇

ဧရာဝတီတိုင်း၊ ပုသိမ် အကျဥ်းထောင်တွင် ယမန်နေ့ စစ်တပ်နှင့် ရဲ များ၏ ရိုက်နှက်၊ဝင်ရောက်ပစ်ခတ်မှု ကိုဝေယံဖြိုး(ခ)ရာစု ၊ ဝင်းမင်းထက် (ခေါ်) မဲကြီးတို့ ၂ ဦးသေဆုံးခဲ့ပြီးနောက် ယနေ့တွင် နိုင်ငံရေးအကျဉ်းသား ၇၀ ဦး ကျော်ကို စစ်တပ်နှင့်ရဲက ရိုက်နှက်နေကြောင်း၊ ဒဏ်ရာရသူများကို ဆေးရုံ ကား ၃ စီးထက်မနည်းဖြင့် သယ်ယူနေ ကြောင်း ပုသိမ်ထောင်သတင်း ရင်းမြစ်က ပြောသည်။

ဇန်နဝါရီလ ၅ ရက်နေ့ ညပိုင်းတွင် မဲကြီး(ခ) ဝင်းမင်းထက် ထံမှ ဖုန်း ၁ လုံး သိမ်း ဆည်းရမိသည်ဆိုသည့် စွပ်စွဲချက်ဖြင့် အကျဥ်းဦးစီး ဝန်ထမ်းများက မဲ ကြီး ခေါ်ဆောင်ရိုက်နှက်ခဲ့ကြောင်း၊ ဇန်နဝါရီလ ၆ ရက်နေ့ နံနက်ပိုင်းတွင် အကျဥ်း သားများက မဲကြီး(ခ) ဝင်းမင်းထက်ကို ပြန်လွှတ်ပေးရန် တောင်းဆို ရာမှ ထောင် ဆူမှု ဖြစ်ပွားခဲ့ကြောင်း၊ ထောင်ဆူပူမှုကို စစ်တပ်နှင့်ရဲများက အကြမ်း ဖက် နှိမ်နင်းသည့်အတွက် ကိုဝေယံဖြိုးက ဦးခေါင်းပွင့်ဒဏ်ရာဖြင့် သေဆုံးသွားကြောင်း သိရှိရသည်။

"ဖုန်းမိလို့ဆိုပြီး မဲကြီး(ခ) ဝင်းမင်းထက်ကို ခေါ်စစ်တာ။ အခု အရိုက်ခံရပြီး သေဆုံးပါတယ်။ အလောင်းပြန်မပေးဘူး။ နောက် ကိုဝေယံဖြိုး(ခ)ရာစုက သေနတ်နဲ့ပစ်လို့ နောက်စေ့ပွင့်ပြီး ဆုံးပါတယ်။ အလောင်း ၂ လောင်း ပြန်မပေးဘူး။ အခု နိုင်ငံရေးအကျဉ်းသား ၇၀ ကျော်ကို အဆောင် ၂ မှာ စရဖတွေရော ရဲတွေရော ထောင်ဝန်ထမ်းတွေရော ဝင်ရိုက်နေတယ်။ အဲဒီအသံတွေကြားနေရတယ်။ အကျဉ်းသား ၇၀ ကျော်ကို ကတုံးတွေလည်း တုံးထားတယ်။ ပုသိမ်ထောင် ကယ်မယ့်သူမရှိတော့ဘူး။ ဆေးရုံကားတွေ တောက်လျှောက်ဝင်နေတယ်။ အကျဉ်းသားတွေကို ဦးဆောင်ရိုက်နေတာက ရဲစခန်းမှူး ကျော်ဦးပါ" ဟု ပုသိမ်ထောင်သတင်းရင်းမြစ်က ပြောသည်။

ထို့ပြင် ယမန်နေ့ ထောင်တွင်း စစ်တပ်နှင့်ရဲ၏ အကြမ်းဖက် ပစ်ခတ်မှု များ ကြောင့် ဒဏ်ရာရရှိသူ ၄ ဦးကိုလည်း ဆေးရုံတွင် ရဲနှင့်စစ်တပ်က လုံခြုံရေး အပြည့်ဖြင့် စောင့်ကြည့်နေကြောင်း၊ ဒဏ်ရာရသူများသည် အသက်အန္တရာယ် စိုးရိမ်ရကြောင်း သိရှိရသည်။

Ppnm admin team

Address

Telephone

+66991096012

Website

facebook.com

Alerts

Be the first to know and let us send you an email when People's Police News & Media posts news and promotions. Your email address will not be used for any other purpose, and you can unsubscribe at any time.

Videos

မုံရွာမြို့တွင် ကွမ်းလာဝယ်သည့်ရဲများ တိုက်ခိုက်ခံရပြီး စခန်းမှူးအပါအဝင် သုံးဦးသေဆုံးကြောင်း သိရ။ စစ်ကိုင်းတိုင်း၊ မုံရွာမြို့ပေါ်တွင် ကွမ်းယာလာဝယ်သည့် စစ်ကောင်စီလက်ပါးစေ ရဲများအား ပစ်ခတ်တိုက်ခိုက်ရာ စခန်းမှူးအပါအဝင် ရဲ သုံးဦး သေဆုံးနိုင်ကြောင်း မုံရွာခရိုင်တပ်ရင်း(၇)-Monywa Lightning People Defence Force အဖွဲ့ သတင်းနှင့် ပြန်ကြားရေးတာဝန်ခံက ပြောသည်။ ယနေ့(ဒီဇင်ဘာ ၂၆ရက်) နံနက် ၇ နာရီ ၁၅မိနစ်ခန့်က မုံရွာမြို့၊ နန္ဒဝန်ရပ်ကွက်၊ သမစိတ္တလမ်း ၊ အင်ကြင်းခိုင်ဟိုတယ်အနီး ပစ်တိုင်းထောင်ကွမ်းယာဆိုင်တွင် ကွမ်းယာလာဝယ်သော အမှတ်(၂) ရဲစခန်းမှ စခန်းမှူးအပါအဝင် ရဲခုနစ်ဦးလိုက်ပါလာသော ကားတစ်စီးအား PDF နှစ်ဖွဲ့က ပူးပေါင်းတိုက်ခိုက်ခဲ့ခြင်း ဖြစ်သည်။ စခန်းမှူးအပါအဝင် ရဲ သုံးဦး သေဆုံးနိုင်ပြီး ကျန် ရဲ နှစ်ဦးလည်း အသက်အန္တရာယ်ထိခိုက်နိုင် ကြောင

ချောင်းနှစ်ခွရဲစခန်း ဒရုန်းနဲ့ ဗုံးချတိုက်ခိုက်ခံရပြီး ရဲမေ အပါအဝင် ရဲ ၄ ဦးသေဆုံး မဲခေါင်၊ ဒီဇင်ဘာ ၂၃ မွန်ပြည်နယ်၊ ကျိုက်မရောမြို့နယ်ရှိ ချောင်းနှစ်ခွရဲစခန်းကို ဒရုန်းနဲ့ ဗုံးချ တိုက်ခိုက်ခဲ့ရာ စစ်ကောင်စီ လက်အောက်ခံ ရဲတပ်ဖွဲ့ဝင် ၄ ဦး သေဆုံးခဲ့တယ်လို့ Lion Battalion Commando - ဗျူဟာစစ်ကြောင်းက မနေ့က ထုတ်ပြန်ပါတယ်။ ဒီဇင်ဘာ ၂၁ ရက်က ချောင်းနှစ်ခွ ရဲစခန်းမှာ လုံခြုံရေးယူနေတဲ့ စစ်ကောင်စီလက်အောက်ခံ ရဲတပ်ဖွဲ့ဝင်တွေကို Lion Battalion Commando - ဗျူဟာစစ်ကြောင်းရဲ့ ANGRY BIRD ဒရုန်းစစ်ဆင်ရေးတပ်ဖွဲ့က တိုက်ခိုက်ခဲ့တာပါ။ ဒရုန်းနဲ့ ဗုံးကြဲတိုက်ခိုက်မှုကြောင့် စစ်ကောင်စီဘက်တော်သား ရဲ ၄ ဦး သေဆုံးခဲ့ရာ ရဲတပ်သား ၃ ဦးနဲ့ ရဲမေ တစ်ဦး ဖြစ်တယ်လို့ မြေပြင် သတင်းပေးပို့ချက်ကို ကိုးကားပြီး ထုတ်ပြန်ချက်မှာ ဖော်ပြထားပါတယ်။ ဒီဇင်ဘာ ၂၂ ရက်မှာလည်း ANGRY BIRD ဒရုန်းအဖွဲ့က ထ

ဒီဇင်ဘာ ၂၁ ရက်နေ့ ကရင်ပြည်နယ် ကြာအင်းဆိပ်ကြီး ရဲစခန်း Drone ဖြင့် ဗုံးကျဲတိုက်ခိုက်ခံရမှု စစ်ကောင်စီလက်အောက်ခံ ရဲတပ်ဖွဲ့ဝင်များသေးဆုံးမှုရှိပြီး ပခုက္ကူခရိုင် ကံမ ရဲစခန်းအား တော်လှန်ရေး အင်အားစုမှ တိုက်ခိုက်သည့် ရုပ်သံ ထုတ်ပြန်ထားရှိကြောင်း သိရသည်။ Ppnm admin team

ဆားလင်းကြီးတွင် စစ်ကောင်စီလက်အောက်ခံ ရဲများပစ်ခတ်ခံရပြီး သေဆုံးမှုနှင့် လက်နက်များသိမ်းဆည်းရမိမှု တော်လှန်ရေးတပ်ဖွဲ့ ရုပ်သံထုတ်ပြန်

ဘယ်မှာတုန်း ပစ် ပစ် ပစ် ဆိုတဲ့ စကစတပ်ဖွဲ့ဝင် pdf လက်ချက်ဖြင့်သေဆုံး 😆😆😆

အောက်တိုဘာ ၂၁ရက် KNLA ပူးပေါင်းတပ်ဖွဲ့ တိုက်ခိုက်မှုကြောင့် ကော့ကရိတ်မြို့ရှိ ရဲငါးဦးသေဆုံး လက်နက်အချို့သိမ်းဆည်းရမိ KNLA ပူးပေါင်းတပ်ဖွဲ့ တိုက်ခိုက်မှုကြောင့် လတ်တလော ကော့ကရိတ်မြို့ရှိ ရဲငါးဦးသေဆုံးပြီး လက်နက်အချို့သိမ်းဆည်းရမိခဲ့ကြောင်း မြေပြင်သတင်းအရင်းအမြစ်၏ SMS ပေးပို့မှုအရ သိရသည်။ ပူးပေါင်းတပ်ဖွဲ့သည် ယနေ့ နံနက်ပိုင်းမှ စတင်ကာ ကော့ကရိတ်မြို့ရှိ စစ်ကောင်စီ၏ ဌာနဆိုင်ရာရုံးများ၊ ရဲစခန်းများ၊ ရဲအချုပ်ထောင်နှင့် စစ်ကောင်စီ စစ်ဆေးရေးဂိတ်များရှိသည့် ၇ ရပ်ကွက်တွင် ထိုးစစ်ဆင် တိုက်ခိုက်မှုများဆောင်ရွက်နေခြင်းဖြစ်သည်။ လက်ရှိ KNLA ပူးပေါင်းတပ်ဖွဲ့မှ ထွေအုပ်ရုံးကို ထိန်းချုပ်ထားပြီး၊ရဲစခန်းအား တိုက်ခိုက်မှုတွင် အချုပ်ထောင်ပေါက်ကာ၊ ရဲငါးဦးသေဆုံးပြီး၊ သေနတ် သုံးလက် သိမ်းဆည်းရမိခဲ့ကာ ထောင်သားများလည်း လွတ်မြ

ကော့ကရိတ်မြို့အတွင်း အကြမ်းဖက် စစ်ကောင်စီမှ လက်နက်ကြီး၊ လေကြောင်းတိုက်ခိုင်မှုကြောင့် ပြည်သူများထိခိုက်မှု

news logo video

နည်းပညာ အခက်အခဲ admin team ထဲမှ တစ်ယောက်ရဲ့ ပျက်ကွက်မှုတစ်ချို့ကြောင့် ရှေ့တစ်ပတ်က တင်ဆက်ဖို့ရှိတာတွေ မတင်ဖြစ်လိုက်တဲ့အတွက် အနူးအညွတ်တောင်းပန်ပါတယ် admin team ထဲက တစ်ခြားသောအဖွဲ့ဝင်တွေကိုလဲ တောင်းပန်ပါတယ်၊ ppnm page ရဲ့ သတင်း logo video ဖိုင်လေး စမ်းသပ်ထားတာဖြစ်ပါတယ် ဝေဖန်အကြံပြုချင်တာများရှိရင်လဲ com ကဖြစ်စေ messenger box ကဖြစ်စေ ဝေဖန်အကြံပြုနိုင်ပါတယ်။

ယုံကြည်လေးစားမှုမရှိတော့ခြင်း & ပြည်သူ့ဝန်ထမ်းအဖြစ် မိမိကိုယ်ကို မထင်မှတ်တော့ခြင်း

သီတင်းကျွတ်အားလပ်ရက်အပြီး လုပ်ငန်းခွင်ပြန်ဝင်တော့မည့် အစိုးရဝန်ထမ်းများ အုံနဲ့ကျင်းနဲ့ပြန်လာမှုကြောင့် အမြန်လမ်းတွင်ယာဥ်ကြောပိတ်ဆို့နေမှုကို ကောင်းမွန်စွာကိုင်တွယ်ဖြေရှင်းနိုင်ခြင်းမရှိသည့် စစ်ကောင်စီလက်အောက်ခံ ရဲများကို ဝေဖန်လိုက်သည့်Tiktok Celeကိုဇော်ဝင်းမောင်(ရုပ်/သံ) #crd admin team

စစ်ကောင်စီထံပြန်လည်အဖမ်းခံသွားတဲ့ ဗိုလ်မှူး မျိုးမင်းထွန်း

အခုလိုအဖြစ်အပျက်တွေကတော့ ရှိနေမှာပါပဲ ပြည်သူတွေအနေနဲ့ Cdm ရဲတွေ cdm စစ်သားတွေလို့ သိမ်းကြုံးမမြင်ဘဲ လူပုဂ္ဂိုလ် ၁ ဦးအနေနဲ့သာ သီးသန့်မြင်စေလိုပါတယ် တော်လှန်ရေးကို ကိုယ်ကျိုးစီးပွားအတွက် အသုံးချလိုသူ ၁ ယောက်အနေနဲ့ပေါ့ admin team#

တို့ချစ်တဲ့ကမ္ဘာ တို့ရဲ့ကလေးတွေ တို့ဆိုတဲ့သူတွေ ဘာလုပ်နေကြလဲ ငါ့တို့ရဲ့အနာဂတ်သွေး တွေကို

အားတင်းထားပါ CDMများ ခင်မျာ ဟေ့ မအလ ငါတို့ အတွက်တော့ နောက်ဆုံးပွဲဘဲ

Shortcuts

Address
Telephone
Alerts
Videos
Claim ownership or report listing
Want your business to be the top-listed Media Company?

Country:

City:

15/05/2023

04/02/2023

03/02/2023

01/02/2023

01/02/2023

01/02/2023

01/02/2023

24/01/2023

23/01/2023

18/01/2023

16/01/2023

16/01/2023

16/01/2023

16/01/2023

16/01/2023

14/01/2023

14/01/2023

11/01/2023

09/01/2023

09/01/2023

08/01/2023

08/01/2023

07/01/2023

Address

Telephone

Website

Alerts

Videos

news logo video

​​ယုံကြည်လေးစားမှုမရှိတော့ခြင်း & ပြည်သူ့ဝန်ထမ်းအ​ဖြစ် မိမိကိုယ်ကို မထင်မှတ်တော့ခြင်း

စစ်ကောင်စီထံပြန်လည်အဖမ်းခံသွားတဲ့ ဗိုလ်မှူး မျိုးမင်းထွန်း

တို့ချစ်တဲ့ကမ္ဘာ တို့ရဲ့ကလေးတွေ တို့ဆိုတဲ့သူတွေ ဘာလုပ်နေကြလဲ ငါ့တို့ရဲ့အနာဂတ်သွေး တွေကို

Shortcuts

Share

ယုံကြည်လေးစားမှုမရှိတော့ခြင်း & ပြည်သူ့ဝန်ထမ်းအဖြစ် မိမိကိုယ်ကို မထင်မှတ်တော့ခြင်း