29/04/2024
ဒီနေ့မှာတော့ Project တချို့ရဲ့ Pre-production နဲ့ Distribution ကာလဖြစ်နေတာမို့ ကြုံနေရတဲ့ အခက်အခဲလေးတွေပေါ်မူတည်ပြီး “Communication Technology” ဆိုတဲ့အပိုင်းလေးကို ရိုက်ကူးထုတ်လုပ်ရေးနဲ့ ပတ်သက်ပြီးပြောချင်ပါတယ်။
ချစ်စုအနေနဲ့ မြန်မာနိုင်ငံမှာ ဘွဲ့ရကျောင်းပြီးခဲ့တာ အနုပညာတက္ကသိုလ်ကမဟုတ်ပဲ ကွန်ပျူတာတက္ကသိုလ်ကနေ ပြီးထားပါတယ်။ ကျောင်းပြီးပြီးချင်းပဲ ၀ါသနာပါတဲ့ ဒီအပိုင်းထဲကို၀င်ပြီး စအလုပ်လုပ်ခဲ့တယ်ပေ့ါ။ စစချင်းကတော့ ကျောင်း(၅)နှစ်ကို အချိန်ပုပ်လိုက်တာလို့ တွေးမိပေမယ့် အလုပ်လုပ်လာရင်းနဲ့ နည်းပညာ Background ရဲ့ အားသာချက်တွေကို သိလာတယ်။
Creative အပိုင်းမှာ ထက် Management အပိုင်းမှာက ဒီဘက်ခေတ်နည်းပညာနဲ့အမှီ သုံးရတဲ့ Tools တွေ၊ Platform တွေ၊ Third Party Software တွေဟာ သုံးတတ်ရင် သုံးတတ်သလောက် အချိန်ကုန် လူပင်ပန်းအရမ်းသက်သာစေပါတယ်။ အထူးသဖြင့် ကိုယ့်ရဲ့ Vision ကို တဖွဲ့သားလုံး တသားတည်းကျနေအောင် မျှ၀ေရတဲ့ အပိုင်းမှာပါ။ Portfolio Building နဲ့ Communication အပိုင်းမှာလည်း ဘယ် Platform မှာမဆို ကိုယ့်ကိုရှာတွေ့နိုင်တယ်၊ အလုပ်အပ်နိုင်အောင်လုပ်ထားတယ်။ Data Research လုပ်မလား၊ Sheets တွေနဲ့ Budget တွက်မလား၊ Visual Board တွေ Pitch Deck တွေ ပြင်မလား၊ တချို့ Department တွေနဲ့ ပြောဆိုဆက်ဆံရတဲ့အခါမှာ Technical Terms တွေပါလာရင် ပြင်ဆင်တဲ့အပိုင်းမှာ လွတ်သွားတာမရှိအောင် စသဖြင့် Work Flow တခုလုံးမှာ အားသာချက်တွေရှိလာတာကိုလည်း သတိထားမိတယ်။ (ဒီနေရာမှာ သီးသန့်ကမ္ဘာတခုလို ဖြစ်နေတဲ့ Virtual Wall နဲ့ရိုက်ကူးရေးအပိုင်းတွေအတွက် ဒါကအခြေခံတောင်မဟုတ်သေးပါဘူး)
တဖက်ထဲမှာပဲ အဲ့အပိုင်းတွေကို အားနည်းတဲ့သူတွေဟာ အလုပ်မှာ အားနည်းချက်အဖြစ်ဖြစ်လာနိုင်ပါတယ်။ ဆိုတော့ Technology Skill Set ကို အပြည့်မလေ့လာချင်ရင်တောင် ကိုယ်ရေရှည်သွားမယ့် Role အတွက်လိုအပ်မယ့် အပိုင်းတွေမှာတော့ လေ့ကိုလေ့လာထားသင့်တာဖြစ်ပါတယ်။ အားလုံးအတွက်အခြေခံကတော့ Team တခုလုံးနဲ့ ဆက်သွယ်ဖို့ Basic Communication Tools တွေဖြစ်တဲ့ GSuite, Social Media Platforms တွေပဲဖြစ်ပါတယ်။
အဲ့မှာမှ ကြုံနေရတာကတော့ နိုင်ငံအလိုက် အသုံးပြုပုံကွာသွားတဲ့ Social Media Platforms ကိစ္စပဲဖြစ်ပါတယ်။ အားလုံးတပြေးညီ information share ဖို့ Group Chat ဖွဲ့တဲ့အခါမှာ(အများစု) မြန်မာတွေက Messenger ၊ ထိုင်းတွေက Line ၊ Westerner တွေက Mail ကွဲတဲ့အခါမှာ Platform တခုထဲမှာ Group ဖွဲ့လိုက်ရင် သုံးနေကျမဟုတ်တဲ့ လူတွေအတွက် information ကနောက်ကျဖြစ်သွားတယ်။ တချို့ဆို အကောင့်မရှိလို့ GP ထဲတောင်ထည့်မရတာက တမျိုးရှိပါသေးတယ်။ GP chat လုပ်တဲ့အခါမှာလည်း ဟို Department ကတခု၊ သရုပ်ဆောင်တွေက သက်သက်၊ Post အတွက် တဖွဲ့ စသဖြင့် Chat တွေကွဲတာလည်းဖြစ်ပေ့ါနော်။
ဒီနေရာမှာ ဘာကိုသတိရမိလဲဆိုတော့ Youtube မှာပြောပြဖူးတဲ့ NFT Film Project မှာ ဒီပြဿနာတွေအားလုံးရှင်းတယ်။ Discord Based Project တွေဟာ Channel ခွဲထုတ်ရ၊ Role ပေးရ၊ Security စစ်ဆေးရ အားလုံးက လွယ်လွယ်ကူကူပဲဖြစ်တယ်။ Web3 Filmmaker တွေအားလုံးကလည်း Discord ကိုအသားကျပြီးသားဖြစ်တယ်။ ရုပ်ရှင် Project တွေဆို နှစ်နဲ့ချီကြာတဲ့အလျှောက် အခုထိ Announcement Channel မှာ Screening Country တွေနဲ့ Date တွေပို့ပေးတုန်း။
ဆိုတော့ ခေတ်အဆက်ဆက်ပြောင်းလဲ တိုးတက်လာတဲ့အခါမှာ Technology ရဲ့ အရေးပါမှုဟာ အမြဲတမ်းထိပ်ဆုံးမှာ ရှိနေဦးမယ်လို့ ထင်ပါတယ်။ တန်းတူရင်ဘောင်မတန်းနိုင်ရင်တောင် မျက်ခြေမပြတ်သွားဖို့ အရေးကြီးနေဦးမှာပါ။
(ဒါက Technology အကြောင်းပြောချင်တာမို့ အဲ့အားသာချက်တွေကိုပဲ ပြောသွားတာပါ။ နောက်Post မှာ ၀ါသနာနဲ့အလုပ်အကိုင်အခွင့်အလမ်းဆက်စပ်ပုံကို သီးသန့်ထပ်ပြောတဲ့အခါကျ အခြား Skill တွေကိုပြောပါ့မယ်)
