Food Myanmar

Food Myanmar Food Myanmar Magazine.

ဒူရင်းယို Crd #မူရင်းရေးသားသူ
20/06/2024

ဒူရင်းယို


Crd #မူရင်းရေးသားသူ

Amazing 😱 အံ့သြစေမဲ့မုန့်မျိုး “KFCစတိုင်ပန်းဂေါ်ဖီ”ကြော်နည်း #ပန်းဂေါ်ဖီ Crd Food-Mai Pan
20/06/2024

Amazing 😱 အံ့သြစေမဲ့မုန့်မျိုး “KFCစတိုင်ပန်းဂေါ်ဖီ”ကြော်နည်း


#ပန်းဂေါ်ဖီ

Crd Food-Mai Pan

ပြောင်းဖူးသုပ် (သက်သတ်လွတ်)​ပြောင်းဖူးပြုတ် ၂ဖူးကြက်သွန်နီ ၂လုံးခရမ်းချဉ်သီး ၂လုံးသံပုရာသီး ၁လုံးဆား အနည်းငယ်အချိုမှုန်...
20/06/2024

ပြောင်းဖူးသုပ် (သက်သတ်လွတ်)

​ပြောင်းဖူးပြုတ် ၂ဖူး
ကြက်သွန်နီ ၂လုံး
ခရမ်းချဉ်သီး ၂လုံး
သံပုရာသီး ၁လုံး
ဆား အနည်းငယ်
အချိုမှုန့် အနည်းငယ်
နံနံပင်
ငရုပ်သီးစိမ်း
(ပုစွန်ခြောက်
ကြက်ဥပြုတ် ၁လုံး)သက်သတ်လွတ်ဆို မထည့်နဲ့နော်😁
နှမ်း အနည်းငယ်
ရောသုပ်လိုက်ရုံပဲ
🌸 🌸


Crd #ဆွေဇင်

ပုစွန်ငံပြာရည်ကြော် Crd #ဆွေဇင်
20/06/2024

ပုစွန်ငံပြာရည်ကြော်


Crd #ဆွေဇင်

မုန့်လက်ဆောင်းဖတ်သုပ်*******************အရင်ဦးဆုံး ကြက်သွန်နီ၊ ပဲသီး၊ ဂေါ်ဖီထုပ်၊ ရှမ်းနံနံပါးပါးလှီးထားပါငါးပိရည်ထဲကို...
20/06/2024

မုန့်လက်ဆောင်းဖတ်သုပ်
*******************

အရင်ဦးဆုံး ကြက်သွန်နီ၊ ပဲသီး၊ ဂေါ်ဖီထုပ်၊ ရှမ်းနံနံပါးပါးလှီးထားပါ
ငါးပိရည်ထဲကို ပုစွန်ခြောက်ထောင်း(ငါးကင်ထောင်း)၊မရမ်းပြား၊
ငရုပ်သီးအကျက်မှုန့်
အချိုမှုန့် ရောမွှေထားပါ

မုန့်လက်ဆောင်းဖတ်ကိုဇလုံထဲထည့်
လှီးထားတဲ့အသီးအရွက်တွေထည့်

ပါဝင်ပစ္စည်းတွေအကုန်လုံးရောပြီ
ခပ်ဖွဖွလေး နယ် လိုက်ရုံပဲ
ပြီးမှ ပဲအကျက်မှုန့်ပါထည့် ရောမွှေ
အပေါ့အငံမြည်းပြီ ချဉ်ငံစပ်အရသာရပြီဆို စားလို့ရပါပြီ
မုန့်လက်ဆောင်းဖတ်ရပြီဆိုသုပ်စားရမှကျေနပ်
တာ😁
💕💕


Crd #ဆွေဇင်

ငါးဘတ် မရမ်းပြားဟင်းငါးကိုအနေတော်တုံးပြီ ရေဆေးထားပါ(ဂျင်းကြက်သွန်နီ ဖြူ ငရုပ်သီးအစိမ်းမှုန့်ငါးပိမရမ်းပြား) ထောင်းထားပါအ...
20/06/2024

ငါးဘတ် မရမ်းပြားဟင်း

ငါးကိုအနေတော်တုံးပြီ ရေဆေးထားပါ

(ဂျင်း
ကြက်သွန်နီ ဖြူ
ငရုပ်သီးအစိမ်းမှုန့်
ငါးပိ
မရမ်းပြား) ထောင်းထားပါ
အိုးထဲဆီထည့်ဆီပူလာရင် နနွင်းမှုန့်ထည့်ပြီ
ထောင်းထားတာထည့် အနံ့မွှေးလာရင်
ငါးထည့်မွှေပြီ ဆား အချိုမှုန့် ထည့် ခနမွှေထားပါ
ရေအနည်းငယ်ထည့်ပါ
အဖုံးအုပ် ထားပါ
ရေခန်းရင် ရေနည်းနည်းထပ်ထည့်
ငရုပ်သီးစိမ်းထည့် အဖုံးခနအုပ်ပြီ
ရေခန်းလို့ အိုးချခါနီး အရသာမြည်း
နံနံပင်အုပ်လိုက်ရုံပဲ
ရပြီနော်😋😋
edit ကိုယ့်ချက်နည်းအတိုင်းကိုယ်ချက်တာ မညှီပါဘူး အမတို့ရေ🙄🙄
🌸 🌸


Crd #ဆွေဇင်

သရက်သီးခြောက်ငါးပိကြော်ညပိုင်းမှမီးလာတော့ ညငါးပိကြော် အရောင်လေးက မလှသလိုဖစ်နေတာ စားလို့အရမ်းကောင်းပါတယ်နော်😁သရက်သီးခြောက...
20/06/2024

သရက်သီးခြောက်ငါးပိကြော်

ညပိုင်းမှမီးလာတော့ ညငါးပိကြော် အရောင်လေးက မလှသလိုဖစ်နေတာ စားလို့အရမ်းကောင်းပါတယ်နော်😁

သရက်သီးခြောက်ကိုရေနဲ့ဆေးပြီ
ရေနွေးနဲ့စိမ်ထားပါ
ပုစွန်ခြောက်ရေစိမ်ထားပါ
ဒယ်အိုးထဲဆီထည့် မီးဖွင့်
ကြက်သွန်နီကြက်သွန်ဖြူ
ထည့်ကြော် ကျွပ်ခါနီး
နနွင်းမှုန့် ငရုပ်သီးအစိမ်းမှုန့်
ပုစွန်ခြောက် စိမ်းစားငါးပိ
အချိုမှုန့် အနည်းငယ်ထည့် မွှေပြီ သရက်သီးခြောက်စိမ်ထားတာထည့် ရေအနည်းငယ်ထည့် ရေခန်းရင်
မြည်းကြည့် လိုအပ်ရင် ဆားထည့် ရေထပ်ထည့်
ငရုပ်သီးစိမ်းထည့်မွှေ ဆီပြန်လာရင်
မီးပိတ်လို့ရပါပြီ
ထမင်းပူပူလေးနဲ့ဆို ရှယ်ပဲနော်
🌸 🌸


Crd #ဆွေဇင်

ပုဇွန်ရေညှိပြောင်းဖူးကြော်နည်းသားသားမီးမီးလေးတွေကြိုက်မဲ့အရသာလေးလူကြီးလည်းကြိုက်ပါတယ်ပုဇွန်ကိုအခွံခွာပြီးနုတ်နုတ်စင်းထား...
20/06/2024

ပုဇွန်ရေညှိပြောင်းဖူးကြော်နည်း
သားသားမီးမီးလေးတွေကြိုက်မဲ့အရသာလေး
လူကြီးလည်းကြိုက်ပါတယ်
ပုဇွန်ကိုအခွံခွာပြီးနုတ်နုတ်စင်းထားပါ
ပြောင်းဖူးတဖူး နဲ့ကြက်သွန်မြိတ်သုံးပင်လောက် လှီးထားပါ
မုန်လာဥနီဥတဝက်လောက်ခြစ်ထည့်ပါ
ပြီးရင်ကော်မုန့်ထမင်းစားဇွန်းသုံးဇွန်း
ဆန်မုန့်တဇွန်း၊ကြက်ဥတလုံး၊အရသာအတွက်ကြက်သားမုန့် ​သကြားဆားအနည်းငယ်ထည့်ပါ
ပြီးရင်အားလုံးရောနယ်ပါ
ပြီးရင်မီးအနေတော်လေးနဲ့ပဲရွှေညိုရောင်လေးသန်းတဲ့အထိကြော်ပေးပြီးရပါပြီ


Crd K Kitchen

ငါးပုတ်သင်ဥ ကိုင်းခရမ်းချဉ်သီး ဆီပြန်အိမ်မှာ အမေလာလည်တော့ ပျော်တာပေါ့နော်။ အမေက လာခဲတာကိုး ။အမေလာတုန်းလေး သူစားချင်တာလေး...
20/06/2024

ငါးပုတ်သင်ဥ ကိုင်းခရမ်းချဉ်သီး ဆီပြန်

အိမ်မှာ အမေလာလည်တော့ ပျော်တာပေါ့နော်။ အမေက လာခဲတာကိုး ။
အမေလာတုန်းလေး သူစားချင်တာလေးကျွေးချင်တာပေါ့နော်။ အားနာတတ်တဲ့ အမေက ကျမ အလုပ်ရှုတ်မှာဆိုးလို့ လွယ်တာပဲချက်ပါတဲ့ ။
ကလေးတွေကို အမေနဲ့ထားပြီး စျေးထဲ မြန်မြန်ထွက်ခဲ့တယ်။ လျှောက်ကြည့်ရင်း ငါးပုတ်သင်ဥ မြင်တော့ ချက်ချင်းဝယ်လိုက်တယ်။ အမေ ကြိုက်တယ်လေ။
အမေ့ကြိုက်တဲ့ ပုံစံလေး ချက်ဖို့ ကိုင်းခရမ်းချဉ်သီးပါရှာဝယ်ရတယ်။ ခုချိန်က ကိုင်းခရမ်းချဉ်သီးက ရှားပါးသွားပြီလေ။

ဒီဟင်းကလွယ်လည်းလွယ် မြန်လည်းမြန်တဲ့ဟင်းလေးတခွက်ပါ။

ချက်နည်းလေးပြောပြမယ်နော်။

ပထမဆုံး ငါးပုတ်သင်ဥ ကိုသန့်စင်ပါ။ရေအနည်းငယ်ကို ဆူအောင်တည်ပါ။ ဆူရင် ဆနွင်းမှုန့် ၊ဂျင်း ရည်၊ အရသာမှုန့် ၊ ဆားတိုနဲ့ ပြုတ်ပါ။ ရေကုန် ငါးသလောက်ဥ ကျက် အနေအထားလောက်စာပဲ ရေထည့်ပေးပါနော်။
ချက်တော့မယ်ဆိုရင် မီးဖိုး ပေါ် ဆီပူလာရင်နုပ်နုပ်စင်းထားတဲ့ကြက်သွန် ဖြူနဲ့နီ ၊ ထည့်ပါ။ နွမ်းလာရင် ကိုင်းခရမ်ချဉ်သီးပါးပါးလှီး ထားတာရယ် ၊ ဆား ၊ အရောင်တင်မှုန့် ၊ ဆနွင်းမှုန့် တို့ထည့်ပြီး အဆီပြန်ပြီး လှိမ့်နေအောင်ချက်ပါ။ အဆီပြန်လာရင် ငါးပုတ်သက်ဥလေးတွေထည့်ပြီး ရေအနည်းငယ်(လက်ဖက်ရည်ပန်းလုံးတစ်ဝက်)ခန့်ထည့်ကာ ရေကုန်တဲ့အထိ ချက်ပေးပါ။ ရေကုန်ရင် နံနံပင်နဲ့ငရုတ်သီးစိမ်းလေး အုပ်ကာ သုံးဆောင်နိုင်ပါပြီ။

ကိုင်းခရမ်းချဉ်သီးလေးနဲ့ဆိုတော့ အနှစ်လေးကလည်း သိပ်အရသာရှိတာပေါ့နော်။


Crd #ချစ်ခြင်းဖြင့် ချက်သော စားဖွယ်စုံ

အမဲသားသနပ်ဟင်းဒီနေ့တော့ အအီပြေ လေးဖြစ်တဲ့ အမဲသားသနပ်ဟင်းလေး ချက်ဖြစ်တယ် ။ သူက ချဥ်ပြုံး ပြုံးလေးနဲ့ပါ။ ပဲဟင်းချိုလေး ငရု...
20/06/2024

အမဲသားသနပ်ဟင်း

ဒီနေ့တော့ အအီပြေ လေးဖြစ်တဲ့ အမဲသားသနပ်ဟင်းလေး ချက်ဖြစ်တယ် ။ သူက ချဥ်ပြုံး ပြုံးလေးနဲ့ပါ။ ပဲဟင်းချိုလေး ငရုတ်သီး ဘာလချောင်ကြော်နဲ့ဆို အရမ်းလိုက်ဖက်လွန်းပါတယ်။ အားလုံးပဲ စားဝင်သောက်ကောင်းကြပါစေနော်။

ချက်နည်းလေးကတော့
ကြက်သွန်နီပါးပါး လှီးပြီးကြော်ထားပါ။
အမဲသားကို အရသာမှုန့် ဆား ဆနွင်း ငရုတ်သီးအရောင်တင်မှုန့်တို့နဲ့ နယ်ပြီး ရေခဲသေတ္တာအောက်ခန်းထဲ နှစ်နာရီလောက်နှပ်ထားပါ။
ဇီယာစေ့လှော်ပြီးထောင်းထားပါ
ကြက်သွန်ဖြူ ကို သရက်သီး သနပ်ထဲ ထည့်သလို အရှည်လှီးထားပါ။
မီးဖိုပေါ် ဆီအိုးပူရင် ခုနက အမဲသားနှပ်ထားတာထည့်မွှေပါ ။ သုံးမိနစ်လောက် မွှေပြီးရင် ကြက်သွန်ကြော် ထည့်ရေထည့်ပြီး မီးအေးနဲ့ အသားနူးပြီး အဆီပြန်တဲ့ အထိတည်ပါ။ ဂျင်းကြက်သွန်ဖြူ မထည့်ရဘူးနော် ။ အသားလည်းနူး ပြီး ရေကုန်ဖို့ နည်းနည်းလိုတဲ့အချိန် ရှလကာရည် ကို ဟင်းချက်ဇွန်းနဲ့ ၂ဇွန်း (အသား ၄၀သား နီးပါးဆိုရင်)ထည့်ပါ။ အများကြီး ထည့်ရင်ချဥ်လို့ ကိုယ်ကြိုက်တဲ့အချဥ် ပမာဏပဲ ထည့်ပါနော်။အဆီလည်းပြန် ရှလကာရည် ထည့်တာလည်း အဆင်ပြေပြီဆိုရင် ခုနက ထောင်းထားတဲ့ ဇီယာစေ့ လက်ဖက်ရည်ဆိုင်သုံးဇွန်းလေးနဲ့ နှစ်ဇွန်းလောက်ထည့်ပါ။ များရင် ခါးသလိုဖြစ်ပါတယ်။
ပြီးရင် အိုးချ ​ပြီးတာနဲ့ ကြက်သွန်ဖြူ လှီးထားတာ ထည့်ပေး ပြီး မွှေလိုက်ပါ။
စားချင်ဖွယ် အမဲသားသနပ် လေးရပါပြီ။


Crd #ချစ်ခြင်းဖြင့် ချက်သော စားဖွယ်စုံ

Cooking Wine (ဟင်းချက်ဝိုင်) ကို စွန်ပလွံနဲ့ စပျစ်ကလုပ်ထားတာ မဟုတ်ရင် ဟင်းလျာတွေမှာ အရသာတိုးစေဖို့ အနည်းအကျဉ်းထည့်သုံးလိ...
20/06/2024

Cooking Wine (ဟင်းချက်ဝိုင်) ကို စွန်ပလွံနဲ့ စပျစ်ကလုပ်ထားတာ မဟုတ်ရင် ဟင်းလျာတွေမှာ အရသာတိုးစေဖို့ အနည်းအကျဉ်းထည့်သုံးလို့ရတယ်နော်။ ဝိုင်မြင်တိုင်း Alcohol လို့မထင်နဲ့။ အဲ့ဒါရှာလကာရည်အစားထိုး ပစ္စည်းတစ်မျိုးပဲ။ Halal Restaurant တွေ အတော်များများလည်း အဲ့ဒီဝိုင်ကိုသုံးကြတယ်။

အသားရာသီဆိုတော့ အသားတွေနှပ်တဲ့အခါ အဲ့ဒီဝိုင်နဲ့နှပ်ကြည့်ပါ။ စာဖိုးမှူးလက်ရာကောင်းရင်ကောင်းသလို လျှာပေါ်မှာစွဲနေလိမ့်မယ်။ တစ်ခုပဲ သတိထားရမှာ ကိုယ်ဝယ်မယ့် Cooking Wine ကိုဘာနဲ့လုပ်ထားလဲဆိုတာ ပါဝင်ပစ္စည်းတွေကို ကြည့်လိုက်ပါ။ Grape 🍇 နဲ့ Date 🌴(စွန်ပလွံ) ကလုပ်ထားတာဆို ရှောင်လိုက်ရုံပဲ။ ပုံမှာပြထားတဲ့ White Wine Vinegar ဆိုရင် လွတ်လပ်စွာသုံးလို့ရတယ်။


Crd #အရှ်ရဖ်စအီးဒ် (ကာစေမီ)

ခေါက်ဆွဲပြုတ် အုန်းသီးခြစ်သကြားလေးနဲ့နှမ်းလှော်ထောင်း ဆားအာ့လေးပဲလိုတာစားဖူးက လားမသိဘူးစားလို့အရမ်းကောင်းတယ်နော် 😋😋ခေါက်...
20/06/2024

ခေါက်ဆွဲပြုတ်
အုန်းသီးခြစ်
သကြားလေးနဲ့
နှမ်းလှော်ထောင်း
ဆား
အာ့လေးပဲလိုတာ
စားဖူးက လားမသိဘူး
စားလို့အရမ်းကောင်းတယ်နော် 😋😋

ခေါက်ဆွဲကိုအရင်ပြုတ်ပြီ ရေစစ်ထားပါ

ရေစစ်ရင် မြေပဲဆီနဲ့ နယ်ထားပါ

အုန်းသီးခြစ်ကိုဆားအနည်းငယ်ထည့်ပြီ နယ်ထားပါ

ခေါက်ဆွဲကို ပန်းကန်ထဲထည့်
အုန်းသီး သကြား
နှမ်းလှော်ထောင်း လေးတွေ ဖြူးထည့်ပြီ

ခပ်ဖွဖွလေးနယ် စားလို့ရပါဘီနော်
စားလို့ကောင်း

ကော်ဖီတခွက်နဲ့ဆို လိုက်ဖက်နေရော
😋😋
မစားဖူးရင် လုပ်စားကြည့်နော်
လွယ်လွယ်လေးနဲ့ မနက်စာလေးရပါပြီ
🌸 🌸


Crd Zin

ခံသီး ငါးပိထောင်း ပါဝင်ပစ္စည်းများ***************ခံသီး (ထက်ခြမ်းခွဲ အစေ့ထုတ်)ပုစွန်ခြောက် (ရေစိမ်ထားပါ)ငါးပိ ( မီးကင်ထာ...
20/06/2024

ခံသီး ငါးပိထောင်း

ပါဝင်ပစ္စည်းများ
***************
ခံသီး (ထက်ခြမ်းခွဲ အစေ့ထုတ်)
ပုစွန်ခြောက် (ရေစိမ်ထားပါ)
ငါးပိ ( မီးကင်ထားပါ )
ငရုပ်သီး အကျက်မှုန့်
(ငရုပ်သီးစိမ်း +
ကြက်သွန်ဖြူ +
ကြက်သွန်နီ ​လှော်ထားပါ)
ဟင်းချိုမှုန့် (အနည်းငယ်)
ရှမ်းနံနံ အနည်းငယ်

ငရုပ်ဆုံထဲတွင် ပုစွန်ခြောက်ထည့်
ကြက်သွန်ဖြူ ကြက်သွန်နီ
ငရုပ်သီးစိမ်း ​လှော်ထားတာ ထည့်ထောင်းပါ။

ငါးပိ မီးဖုတ်ထည့်ထောင်း ပြီရင်

ခံသီး တွေ ထည့်ပြီး ထောင်းပါ။

ဟင်းချိုမှုန့် ငရုပ်သီးအကျက်မှုန့်လေး
ထည့်ထောင်းပါ။
ခွဲထားတဲ့ခံသီးလေးထည့်
ရှမ်းနံနံ ထည့်ထောင်းပါ။

အဲ့ဆို ခံသီး ငါးပိထောင်း ရပါပြီနော်။

ငါးပိထောင်းကိုပန်းကန်ထဲထည့်
ငရုပ်ဆုံထဲကျန်နေတာလေးကို ထမင်းနဲ့နယ်စား
ရှယ်ဂွတ်
🌼 🌼


Crd #ဆွေဇင်

ဂျုံယို (ကုလားစပါးယို)မြန်မာ့ရိုးရာအစားအစာတွေထဲက တစ်ခုဖြစ်ပြီး မန္တလေးမြို့ရဲ့ နေ့လည်ခင်း သရေစာအဖြစ် ဗန်းလေးရွတ် လိုက်ရေ...
20/06/2024

ဂျုံယို (ကုလားစပါးယို)

မြန်မာ့ရိုးရာအစားအစာတွေထဲက တစ်ခုဖြစ်ပြီး မန္တလေးမြို့ရဲ့ နေ့လည်ခင်း သရေစာအဖြစ် ဗန်းလေးရွတ် လိုက်ရောင်းတတ်တဲ့ စျေးသည်တွေထဲက နာမည်ကြီး သရေစာတမျိုးဖြစ်တဲ့ ကုလားစပါးယို (ဂျုံယို)လေးပါ…

ရှေးရိုးရာနည်းအရ လုပ်ရတာ လက်ဝင် အချိန်ပေးရလို့ တော်ရုံ လုပ်မစားကြဘဲ ဝယ်စားကြပါတယ်… ခေတ်မှီစက်ကိရိယာတွေ ရှိလာပြီဆိုတော့ လက်မဝင်ဘဲ အလွယ်တကူ အိမ်မှာ လုပ်စားလို့ အဆင်ပြေလာပါပြီ…

ပါဝင်ပစ္စည်းတွေကတော့
1. ဂျုံစေ့
2. သာကူစေ့
3. ထန်းညက်
4. ကောက်ညှင်းမှုန့်
5. ဆား
6. ရေ
7. အုန်းနို့
8. အုန်းသီးခြစ်တို့ လိုအပ်ပါတယ်…

The ingredients
1. A grain of wheat
2. Tapioca seeds
3. Palm Sugar
4. Sticky rice flour
5. Salt
6. Water
7. Coconut milk
8. Shredded coconut...

ဘယ်လိုလေးလုပ်မလဲ ပုံလေးတွေ လိုက်ကြည့်ပေးပါအုန်းနော်….


Crd

နေမကောင်းဖြစ်နေတဲ့ သားသားမီးမီးလေးတွေအတွက် ဘာကျွေးရမှန်းမသိတဲ့ မေမေတို့အတွက်နဲ့ တစ်နှစ်အထက် သားသားမီးမီးလေးတွေအတွက်ပါ အဟ...
20/06/2024

နေမကောင်းဖြစ်နေတဲ့ သားသားမီးမီးလေးတွေအတွက် ဘာကျွေးရမှန်းမသိတဲ့ မေမေတို့အတွက်နဲ့ တစ်နှစ်အထက် သားသားမီးမီးလေးတွေအတွက်ပါ အဟာရပြည့်ဆန်ပြုတ်လေးတွေချက်ကျွေးဖို့ ဆန်ပြုတ်ချက်နည်း #6မျိုး လေးပါနော်။

ဆားအရသာမထည့်ရင် ကနေစကျွေးလို့ရပါတယ်နော်။

ရိုးရိုးကြော်ချက်အိုးလေးတွေနဲ့ဘဲချက်ချက် ကြွေပေါင်းအိုးနဲ့ဘဲချက် အဆင်ပြေပါတယ်နော်။

သားသားမီးမီးအားလုံး နေကောင်းကျန်းမာကြပါစေ။

ချစ်ခြင်းမေတ္တာဖြင့်
Original Uploader 🙏 💗 J&Yသမီးလေးတွေရဲ့ Mommy


Crd Os

အိမ်ချက် မာလာရှမ်းကော --------------------------------ဒီနေ့ အိမ်မှာ ဝတ်ရည် ချက်စားဖြစ်တဲ့ မာလာရှမ်းကောပါ။ အိမ်မှာရှိတာနဲ...
20/06/2024

အိမ်ချက် မာလာရှမ်းကော
--------------------------------
ဒီနေ့ အိမ်မှာ ဝတ်ရည် ချက်စားဖြစ်တဲ့ မာလာရှမ်းကောပါ။ အိမ်မှာရှိတာနဲ့ ချက်ရတာမို့ အစာပလာ မစုံပင်မယ့် အရမ်းစားကောင်းတာမို့ ချက်နည်းလေး ရှယ်ပါရစေ။ ချက်နည်းထဲမှာတော့ အစာပလာ အစုံ ထည့်ရေးပေးထားပါတယ်။ လုပ်စားကြည့်နော်
--------------------------------
မာလာရှမ်းကော ငရုတ်သီး ဆီသပ်ရန် ပါ၀င်ပစ္စည်းများ

• စီချွမ့်ငရုတ်ကောင်း - စားပွဲတင်ဇွန်း ၃ဇွန်း
• နတ်နတ်ပွင့် - ရခု
• ကလဝေရွက် - ၅ရွက်
• သစ်ဂျပိုး - ၄ခု
• လီမ္မော်ခွံခြောက် - ၁ခု
• ဇာလိဖိုလ်သီး - ၁ခု (ခြစ်တံဖြင့် အမှုန့်များ ခြစ်ထည့်ပေးပေးပါ)
• ဂျင်း - ၇ပြား
• ဖာလာ - စားပွဲတင်ဇွန်း တ၀က်
• ငရုတ်သီးခြောက်နီ - ၅ခု (လက်မ၀က်ရွယ်များ ပိုင်းဖြတ်ပါ)
--------------------------------
မာလာရှမ်းကော ချက်ရန် ပါ၀င်ပစ္စည်းများ

• ငရုတ်သီးဆီမွှေး - စားပွဲတင်ဇွန်း ၄ဇွန်း
• ကြက်သွန်ဖြူ - ၄မွှာ (နှုတ်နှုတ်စဉ်းပါ)
• ငရုတ်သီးခြောက်နီ - ၁၀ခု (လက်မ၀က် ရွယ်များပိုင်းဖြတ်ပါ)
• ဆား - စားပွဲတင်ဇွန်း ၁ဇွန်း
• အသားမှုန့် - စားပွဲတင်ဇွန်း ၁ဇွန်း
• အချိုမှုန့် - စားပွဲတင်ဇွန်း တ၀က်
• မြေပဲနီ - ၁ထုပ် (အကျက်)
• နှမ်း - စားပွဲတင်ဇွန်း ၂ဇွန်းစာ (အပေါ်မှ ဖြူးရန်)
• ကြက်သွန်မြိတ် - စည်း၀က် (၁လက်မအရွယ်များပိုင်းဖြတ်ပါ)
• နံနံပင် - လက်တဆုတ်စာ (ပါးပါးလှီးပါ)

မာလာရှမ်းကော ပါ၀င်သည့် အစာပလာများ

• ပုဇွန်ထုပ် - ၂၀ ကျပ်သား (သန့်စင်ပေးထားပါ)
• ခေါက်ဆွဲခေါက် - ၁ထုပ် (ပြုတ်ထားပေးပြီ ပြန်ဆယ်ထားပါ)
• ကြက်အူချောင်း(အစို) - ၅ချောင်း (အချောင်း လှီးထားပါ)
• ငါးသားလုံး - ၁၀လုံး (ထက်ခြမ်းခြမ်းပါ)
• ငါးတို့ဟူး - ၄ခု (အရှည်အတုံးများ လှီးဖြတ်ပါ)
• ကြာစွယ် - ၁ခု (အခွံနွှာပြီ ပါးပါးလှီးပါ)
• အာလူး - ၂လုံး (အခွံနွှာပြီ ပါးပါးလှီးပါ)
• အပ်မှို - ၁စည်း (အမြစ်ပိုင်း လှီးဖြတ်ပါ)
• ဂေါ်ဖီ - တစိတ် (ပိုင်းဖြတ်ပါ)
• မှိုနားရွက် - လက်တဆုပ်စာ (ရေစိမ်ထားပြီ ပါးပါးလှီးပေးပါ)
• ပဲလိပ် - လက်တဆုပ်စာ (ရေစိပ်ထားပြီ ထပ်ခြမ်းခြမ်းပါ)
• ပြောင်းဖူး - ဖူးဝက် (ပြုတ်ပြီ အတုံးတုံးထားပါ)
• ကြက်သွန်မြိတ် - ၂စည်း (၁လက်မရွယ်များ ပိုင်းဖြတ်ပါ)
• မုန့်ညှင်းစိမ်း - ၁စည်း (၁လက်မရွယ်များ ပိုင်းဖြတ်ပါ)
• ကန်စွန်းရွက် - စည်း၀က် (ပိုင်းဖြတ်ပေးပါ)
• နံနံပင် - လက်တဆုတ်စာ (ပါးပါးလှီးပါ)
--------------------------------
မာလာ ငရုတ်သီးဆီသပ် ချက်နည်း

၁။ အရင်ဆုံး ဒယ်ထဲ ဆီ(၄၀၀ ဂရမ်)ကို ထည့်ပါ။

၂။ ဆီပူလာလျှင် ဂျင်း၊ စီချွမ့်ငရုတ်ကောင်း၊ နတ်နတ်ပွင့်၊ ငရုတ်သီးခြောက်၊ ဖာလာ၊ ကလဝေရွက်၊ သစ်ဂျပိုး၊ လီမ္မော်ခွံ၊ ဇာလိဖိုလ်သီးမှုန့် တို့ကို ထည့်ပြီ ၁မိနစ်ခန့် ဆီသပ်ပေးပါ။

၃။ ပြီလျှင် ငရုတ်သီးခြောက်နီများ ထည့် ၁မိနစ်ခန့် ထပ်ဆီသပ်ပါ။

၄။ ထို့နောက် ဇကာဖြင့် ဟင်းခတ်အမွှေးအကြိုင် အားလုံးကို ဖယ်ထားလိုက်ပါ။

၅။ ဒယ်ထဲမှ ငရုတ်သီးဆီသပ်ကို ဒီအတိုင်းထားပါ။
--------------------------------
မာလာရှမ်းကော ချက်နည်း

၁။ ခုနက ငရုတ်သီးဆီသပ်ထားသော ဒယ်ထဲသို့ ကြက်သွန်ဖြူများထည့်ဆီသပ်ပေးပါ။

၂။ ပြီလျှင် ငရုတ်သီးဆီမွှေး၊ ငရုတ်သီးခြောက်နီများထည့်ပြီ ၁မိနစ် ဆီသပ်ပါ။

၃။ ပြီနောက် ပုဇွန်ထုပ်၊ ကြက်သွန်မြိတ် များကို ထည့်ပြီ ရောမွှေပေးပါ။

၄။ ပြီလျှင် (ကြက်အူချောင်း၊ ငါးသားလုံး၊ ငါးတို့ဟူး၊ ဂေါ်ဖီ၊ ပဲလိပ်၊ မှိုနားရွက်၊ ပဲထပ်) တို့ကို ထည့်ပေးပြီ ရေ(၂၀၀မီလီလီတာ)ခန့် ထည့်ပေးပြီ အဖုံးအုပ်ပြီ ခဏတည်ထားပါ။

၅။ ရေခမ်းခါနီး (ခေါက်ဆွဲ) ၊ ကြာစွယ်၊ ပြောင်းဖူး၊ အာလူး၊ အရသာအတွက် (ဆား၊ အသားမှုန့်၊ အချိုမှုန့်) တို့ကို ထည့်ပြီ နောက်ထပ် ၂မိနစ်ခန့် မီးအသင့်တင့်ဖြင့် အဖုံးအုပ် တည်ထားပါ။

၆။ ထို့နောက် (ကန်စွန်းရွက်၊ မုန့်ညှင်းရွက်၊ အပ်မှို) တို့ကို ထပ်ထည့်ပေးပါ။

ရ။ နောက်ဆုံးမှ မြေပဲထည့် ရောမွှေ။ အပေါ်မှ နံနံပင်၊ ကြက်သွန်မြိတ်၊ နှမ်းများ ဖြူးပေးပါ။

၈။ အရသာရှိစွာဖြင့် မာလာရှမ်းကော ဟင်းလျာကို သုံးဆောင်နိုင်ပါပြီ…


Crd Food House

#ကြွပ်ကြွပ်ရွရွအရသာရှိလှတဲ့ မေမေ့လက်ရာ အပ်မှိုကြော်MI ပရိသတ်ကြီးတို့ရေ။ အပ်မှိုဆိုတာ များသောအားဖြင့် မာလာဟင်း နှင့် ဟော...
20/06/2024

#ကြွပ်ကြွပ်ရွရွအရသာရှိလှတဲ့ မေမေ့လက်ရာ အပ်မှိုကြော်

MI ပရိသတ်ကြီးတို့ရေ။ အပ်မှိုဆိုတာ များသောအားဖြင့် မာလာဟင်း နှင့် ဟော့ပေါ့ပ်များမှာ ထည့်စားတာများကြပါတယ်။ အပ်မှိုကို ကြွပ်ကြွပ်ကလေး ကြော်စားလို့ရတယ်ဆိုတာ သိတဲ့သူနည်းကြပါသေးတယ်။
ဒီအပ်မှိုအကြွပ်ကြော်လေးအိမ်မှာကြော်ကျွေးလို့ကတော့ အရသာရှိလွန်းလို့ ၃မိနစ်အတွင်း ပန်းကန်ပါ ပြောင်သွားမယ်ဆိုတာ အာမခံလောက်အောင် အရသာရှိပါတယ်။ သင်္ကြန်ပိတ်ရက်မှာ ဘယ်မှမသွားပဲ အိမ်မှာနေပြီးချက်စားမယ်ဆိုရင်လည်း အဆင်ပြေလှပါတယ်။ကဲ..ဘယ်လိုကြော်မလဲကြည့်လိုက်ရအောင်။

လိုအပ်သောပစ္စည်း-

အကြော်အတွက် - အပ်မှို၊ ကြက်ဥ နှင့် အကြော်ခံမှုန့်။
အရသာအတွက် - ဇီယာစေ့မှုန့်၊ ငရုတ်သီးမှုန့်၊ဆား သုံးမျိုးရောကာ အမှုန့်ဖြူးသောဗူးထဲထည့်ထားပါ။ထိုနောက် ကြက်သွန်မြိတ်အနည်းငယ် ပါးပါးလှီးပေးထားပါ။

ပြုလုပ်နည်း

၁။ ကြက်ဥတစ်လုံးကိုခွဲပြီး အနှစ်ရောအကာပါ ရောခလောက်ထားပါ။
၂။ အပ်မှိုကို ကြက်ဥခလောက်ထားသောရေဖြင့် ဟိုဘက်ဒီဘက်နံ့အောင် ဆွတ်ပေးလိုက်ပါ။
၃။ ပြီးနောက် အကြော်ခံမှုန့်ဖြင့်ကပ်ပေးလိုက်ပါ။
၄။ ထို့နောက် ဆီပူပူထဲမှာ ၂မိနစ်ခန့်ထည့်ကြော်ပေးလိုက်ပါ။
၅။ ဆီမှဆယ်ယူပြီးသော အပ်မှိုကြော်ကို ၃ မျိုးစပ်အမှုန့်ဖြင့် ဖြူးပေးလိုက်ပါ။ပြီးနောက် ကြက်သွန်မြိတ်လေးကို အပေါ်ကဖြူးပေးလိုက်ပါ။
စားလို့ကောင်းအရသာရှိလှတာမို့ တစ်အိမ်သားလုံးက သင့်ကို ကျေးဇူးတင်နေမှာပါ။ အော် ---မေ့လို့။ကလေးတွေအစပ်မစားဘူးဆိုရင် ငရုတ်သီးမှုန့် လေး လျှော့ထည့်ဖို့ သတိပေးပါရစေ။ ကဲ..အခုပဲ ကြော်စားကြည့်ကြပါဦး။


Crd #မူရင်းရေးသားသူ

အလွန်စားကောင်းတဲ့ ငှက်ပျောဆနွင်းမကင်းလုပ်နည်းလေး ရေးပေးလိုက်ပါတယ်ငှက်ပျောဆနွင်းမကင်းဆနွင်းမကင်းတွေထဲမှာတော့ ငှက်ပျောဆနွင...
19/06/2024

အလွန်စားကောင်းတဲ့ ငှက်ပျောဆနွင်းမကင်းလုပ်နည်းလေး ရေးပေးလိုက်ပါတယ်

ငှက်ပျောဆနွင်းမကင်း

ဆနွင်းမကင်းတွေထဲမှာတော့ ငှက်ပျောဆနွင်းမကင်းကို အကြိုက်ဆုံးပါပဲ။ အဲတာကြောင့် နည်းအမျိုးမျိုး နဲ့စမ်းလုပ်ကြည့်ခဲ့တယ်။ ဒီနည်းကတော့ အကောင်းဆုံးနဲ့လူကြိုက်အများဆုံးပါပဲ။ ဒီနည်း နဲ့လုပ်ပြီး ၄ နှစ်ဆက်တိုက် နိဗ္မာန် ဈေး မှာရောင်းတာ အရမ်းရောင်းကောင်းလို့အများကြီးလှူ ဖြစ်ခဲ့ပါတယ်။ အဲတာကြောင့် သူများတွေ လဲသိအောင်လို့မျှဝေပေးတာပဲ။ အိစံ နဲ့ခင်တဲ့သူတွေကိုတော့ တော်တော်များများ ပြောပြခဲ့ဘူးပြီးသားပါ။

ပါဝင်သောပစ္စည်းများ (ဘန်းအကြီး ၁ ဘန်းစာ)
၁။ သီးမွှေး ငှက်ပျောသီးမှည့်မှည့် - ၈ လုံး (သို့) သေးရင် ၉ လုံး
၂။ အုံးသီးဖတ် - ၁ ခွက်
၃။ ရွှေကြည် - ၁ ခွက်
၄။ ဂျုံ မှုန့်- ၁ ခွက် နှင့်ခွက်လေးပုံ တပုံ
၅။ သကြား - ၁ ခွက် ခွဲ
၆။ ဆား -လက်ဖက်ရည်ဇွန်း တ ဝက်
ရ။ အုံးနို့- ၄၀၀ ml
၈။ ထောပတ် - ထမင်းစားဇွန် ၈ ဇွန်း (သို့) ခွက် တ ဝက်
၉။ ဘိန်းစေ့ - အနည်းငယ်
၁၀။ စားသောဆိုးဆေး အနီရောင် - ၄ စက် (သို့) ၅ စက် (လျော့ထည့်လို့လဲရပါတယ်။မထည့်လို့လဲရပါတယ်။)

ပြုလုပ်နည်း
၁။ ငှက်ပျောသီးကို လက်ဖြင့် ခြေပါ။ (အရမ်းကျေရန်မလိုပါ။)
၂။ blender ထဲသို့အုံးသီးဖတ်၊ ထောပတ် နှင့် အုံးနို့ကို ထည့်ရျ် မွှေပါ။ (ထောပတ်က ခဲနေတာ ကိုသုံးလျှင် ပိုကောင်းပါသည်။ အရည်ပျော်နေလျျင် အရည်ကျဲကျဲဖြစ်တတ်ပါသည်။ မခဲလျှင် ရေခဲသေတ္တာထဲ ခနထည့်ထားပြီးမှ သုံးလျှင် ပိုကောင်းပါသည်။)
၃။ ဇလုံ တခုထဲတွင် ငှက်ပျောသီး ၊ ခြေထားသောအုံးသီးဖတ် အနှစ်၊ သကြား၊ ဆား၊ ရွှေကြည်၊ ဂျုံမှုန့်၊ ဆိုးဆေး အနီရောင်တို့ကိုရောရျ် သမအောင်မွှေပါ။
၄။ မုန့်ဖုတ်မည့် ဗန်းထဲကို ဆီ (သို့) ထောပတ်သုတ်ထားပါ။ ထို ဗန်းထဲသို့မုန့်အနှစ်များကို ထည့်ပြီး အပေါ်မှ ဘိန်းစေ့များကို ဖြူးပေးပါ။
၅။ ၃၅၀'F (175'C) မှာ အပူပေးထားသော oven ထဲတွင် ၁ နာရီ ထည့်ဖုတ်ပါ။ ပြီးရင် အအေးခံရျ် ကြိုက်နှစ်သက်ရာ အရွယ် ဖြတ်ရျ် သုံးဆောင်နိုင်ပါသည်။

( ၁ခွက် = 240 ml = ရိုးရိုးကော်ဖီခွက် ၁ ခွက် = ထမင်းစားဇွန်း ၁၆ ဇွန်း) ( ထမင်းစားဇွန်း = 1 tablespoon= 15 ml ) ( လက်ဖက်ရည်ဇွန်း = 1 teaspoon = 5 ml)


Crd San Homemade

ကြက်သောက်စမ်းချက်နည်း 😋😍=============ကြက်သောက်စမ်းပါဝင်ပစ္စည်းများ -- ဗမာကြက်၄၀သား- ကြက်သွန်ဖြူ၄ဥ- ဂျင်းလက်တဆစ်- စပါးလင်...
19/06/2024

ကြက်သောက်စမ်းချက်နည်း 😋😍
=============
ကြက်သောက်စမ်း
ပါဝင်ပစ္စည်းများ -
- ဗမာကြက်၄၀သား
- ကြက်သွန်ဖြူ၄ဥ
- ဂျင်းလက်တဆစ်
- စပါးလင်တပင်
- ငြုပ်သီးရှည်ခြောက်၆တောင့်
- စူကာညွန့် ဖယုံညွန့် မုန်ညှင်းစိမ်း
- မှို ၁၀ သား
- ပင်စိမ်းတစည်း ရှမ်းနံနံ
- သံပုရာသီးတလုံး
- ငြုပ်သီးစိမ်းလက်တဆုတ်
- ကြက်သွန်နီ၂လုံး
ချက်ပြုတ်နည်း -
▫️ကြက်သားကို အတုံးလေးတွေတုံး ရေဆေးပါ
▫️ဂျင်း ကြက်သွန်ဖြူ ငြုပ်ခြောက်ရှည်တောင့်ကိုမညက်တညက်ထောင်းပါ
▫️ပြီးရင် ကြက်သားကို ဆား ဆနွင်းနဲနဲ အရသာမှုန့် ငံပြာရည် ထည့်ပီး ထောင်းထားတာနဲ့ရောသမနယ်ပြီးနှပ်ထားပါ စပါးလင်အရင်းပိုင်းကိုတစောင်းလှီးထားပါ
▫️ဒယ်အိုးတလုံးတွင် ရေတလီတာထည့်ပီးတည်ထားပါ
▫️ရေဆူရင် ကြက်သားလုံးထားတာနဲ့စပါးလင်ကိုထည့်ပီးအဖုံးအုပ်ထားပါ
▫️ဆယ်မိနစ်ကြာလို့ ကြက်သားနူးလောက်ပီဆို
▫️မှို ကြက်သွန်နီလေးစိပ်ခွဲ ငြုပ်သီးစိမ်းထည့်ပီး ထပ်တည်ထားပါ အရသာပေါ့ငန်မြည်းပါ
▫️ပီးရင် အညွန့်အရွက်စုံ ရှမ်းနံနံ ပင်စိမ်းတို့ကိုထည့်ပီးအဖုံးအုပ်ပီးမီးပိတ်လိုက်ပါ ပြီးမှသံပုရာရည်ညှစ်ပီးအသင့်စားလို့ရပါပီး
သောက်ဆမ်းဟင်းဖြစ်တဲ့အတွက် ဟင်းရည်အကျဲအပြစ်ကို လိုသလောက်ရေနွေးထည့်ပီး စားသုံးနိုင်ပါတယ် 🙏💟😋


Crd #မူရင်းရေးသားသူ

☘️ငါးဖယ်လုံး/ဝက်သားလုံး/ကြက်သားလုံး ပြုလုပ်နည်း☘️မျှဝေလိုက်တယ်နော်ငါးဖယ်ခြစ် ဝက်သား သို့ ကြက်သား ကော်မှုန့် ဆား သကြားအရသ...
19/06/2024

☘️ငါးဖယ်လုံး/ဝက်သားလုံး/ကြက်သားလုံး ပြုလုပ်နည်း☘️
မျှဝေလိုက်တယ်နော်

ငါးဖယ်ခြစ် ဝက်သား သို့ ကြက်သား ကော်မှုန့် ဆား သကြား

အရသာမှုန့် ငရုတ်ကောင်း ကြက်သွန်ဖြူ ကြက်ဥအကာအရည် တရုတ်နံနံပင်အမြစ် ( မထည့်လည်းရ ) တို့ကို ကြိတ်

စက်ထဲထည့်ကြိတ်ပြီး အလုံးပုံစံလုပ်ပါ။ ရေခဲသေတ္တာထဲ တစ်နာရီခန့် ခဲထားပါ။
ပြီးမှ ရေနွေးပွက်ပွက်ဆူထဲ ၃မိနစ်ခန့်ထည့်ပြုတ်ပါ။

ပြီးရင်ပြန်ဆယ်ပြီး ရေခဲရေအေးထဲသို့ ပြန်စိမ်ပေးပါ။ အသားမာကျစ်ကျစ်လေးဖြစ်နေပြီဆို ပြန်ဆယ်ပြီး လေသလပ်ခံကာ နှစ်သက်သလို လုပ်စားလို့ရပါပြီ။

တာရှည်ထားချင်ရင်တော့ အလုံပိတ် ပလပ်စတစ် သို့ ဗူးများထဲသိူ့ထည့်ကာ ရေခဲသေတ္တာထဲထည့်ထားလို့ရပါတယ်။

ယိုးဒယာအကင်တွေလို ဒီတိုင်း ဆီနဲ့ထည့်ကြော်ရုံပါဘဲ။ ပေါင်းမယ်ဆိုလည်း ပေါင်းအိုးအလယ်အကန့်အသုံပြုပြီး ပေါင်းပြီး ဒီအတိုင်း အချဉ်ရေနဲ့တို့စားရုံပါဘဲနော်။


Crd #မူရင်းရေးသားသူ
Crd

အမဲချဥ်လုပ်နည်းအခုလုပ်နည်းက ရှမ်းပြည်မှာစားနေကြအမဲချဥ်လုပ်နည်းတော့မဟုတ်ဘူး ယိုးဒယားအမဲချဥ်လုပ်နည်းပါ။ နောက်တမျိုးတင်ပေးလ...
19/06/2024

အမဲချဥ်လုပ်နည်း

အခုလုပ်နည်းက ရှမ်းပြည်မှာစားနေကြအမဲချဥ်လုပ်နည်းတော့မဟုတ်ဘူး ယိုးဒယားအမဲချဥ်လုပ်နည်းပါ။

နောက်တမျိုးတင်ပေးလိုက်ပါပြီ။ 🙂
လိုအပ်ရင် ရှယ်ထားနိုင်ပါတယ်။

တစ်ပုံချင်းစီအောက်မှာ လုပ်နည်းထည့်ပေးထား
ပါတယ်။ အဆင်ပြေကြပါစေ။

Crd . Cafe

အရမ်းမိုက်တယ် ကြော်စားကြည့်ရအောင်♦အာလူးကြော်ကို မုန့်ထုတ်ထဲကအတိုင်းကြော်နည်းအတိုင်း မျှဝေပေးပါမယ် ♦အာလူး၊ သကြား၊ ငါးငံပြ...
19/06/2024

အရမ်းမိုက်တယ် ကြော်စားကြည့်ရအောင်
♦အာလူးကြော်ကို မုန့်ထုတ်ထဲကအတိုင်းကြော်နည်းအတိုင်း မျှဝေပေးပါမယ် ♦

အာလူး၊ သကြား၊ ငါးငံပြာရည်၊ ငရုတ်သီးနဲ့ ကြက်သွန်ဖြူပဲ လိုပါတယ်။

ပုံတွေထောက်ကြည့်ပေးနော်


Crd #မူရင်းရေးသားသူ

💥💥ကြက်ပဲရည်သုပ်အလွယ်လုပ်နည်း💥💥အသုံးပြုမည့်ကြက်သားများအား ဆား၊နံနွင်း၊မဆာလာအနည်းငယ်ဖြင့် နယ်ပြီးမိနစ်၂၀ခန့်နှပ်ထားပေးပါ။ပ...
19/06/2024

💥💥ကြက်ပဲရည်သုပ်အလွယ်လုပ်နည်း💥💥

အသုံးပြုမည့်ကြက်သားများအား ဆား၊နံနွင်း၊မဆာလာအနည်းငယ်ဖြင့် နယ်ပြီးမိနစ်၂၀ခန့်နှပ်ထားပေးပါ။

ပဲစိမ်းမှုန့်ထမင်းစားဇွန်း၄ဇွန်းခန့်နှင့်ဆားအနည်းငယ်ထည့်၍ရေဖျော်ထားပါ။

နှပ်ထားသောကြက်သားများအား ဂျင်း၊ကြက်သွန်ဖြူထောင်းထည့်၍ ရေဖြင့် မိနစ်၃၀ခန့်ပြုတ်ပါ။

ကြက်သားမှထွက်လာသော အမြှပ်နှင့်ဆီများအားဖယ်ထုတ်ပစ်ပါ။

ထို့နောက်ကြက်သားများအားဆယ်ထားပါ။

ကြက်ပြုတ်ရည်ကို ပဲရည်ချက်ရန်အတွက်သီးသန့်ဖယ်ထားပါ။

အရည်ချက်ရန် ကြက်သွန်နီ/ဖြူ ရောထောင်းပြီး ဆီအနည်းငယ်ဖြင့်ဆီသတ်ပါ။မဆလာအနည်းငယ်ထည့်ပါ။

အနံ့မွှေးလာလျင် ကြက်ပြုတ်ရည်ထည့်ပါ၊ကြက်ပြုတ်ရည်ပွက်လာလျင် ပဲစိမ်းမှုန့်ဖျော်ထားသောအရည်ကိုဖြေးဖြေးချင်းထည့်ပြီး မွှေပါ။

ပဲစိမ်းနံ့ပျောက်ပြီး မွှေးလာလျင် ပြုတ်ထားသောကြက်သားများ အနေတော်လှီးထည့်ပြီး ရှောက်ရွက်၊ဂေါ်ဖီ၊ပူစီနံ၊ငရုတ်သီးမှုန့်နှင့်သံပုရာသီးထည့်၍ စားသုံးနိုင်ပါပြီ။


Crd Mar Myint 😍😍

ချက်ဖြစ်တာလေး *ချဉ်ပေါင်ရွက်ကြက်သားကြော်*ချဉ်ပေါင်ရွက်ကိုဒီလိုလေးကြော်စားကြည့်နော်..ကိုယ်တိုင်ချက်ပြုတ်ရဝါသနာပါသူမို့ပြန...
19/06/2024

ချက်ဖြစ်တာလေး *ချဉ်ပေါင်ရွက်ကြက်သားကြော်*
ချဉ်ပေါင်ရွက်ကိုဒီလိုလေးကြော်စားကြည့်နော်..
ကိုယ်တိုင်ချက်ပြုတ်ရဝါသနာပါသူမို့
ပြန်လည်မျှဝေပေးပါရစေ🙏
Page လေးမှာလဲမျှဝေပေးမှာမို့ page လေးကို
Follow လေးလုပ်ပေးပါဦးနော်🥰
Video လေးတွေလဲတင်ထားပါတယ်ရှင့် 🫶

*ချဉ်ပေါင်ရွက်ကြက်သားကြော်*

ပထမဆုံးအနေနဲ့ချဉ်ပေါင်ရွက်ကိုရေဆေးသန့်စင်ထား
ပြီး ရေလေးနည်းနည်းလေးပဲထည့်ပြီး ခနပြုတ်ပေးလိုက်ပါတယ်.. ပြီးရင် ရေလေးတွေညစ်ထုတ်ပေးလိုက်ပါတယ်… အချဉ်အရမ်းစူးရင် အစာလိုက်ရများလို့ပါ🥰

ကြက်သားကို ပြုတ်ပြီး အနေတော်လေးတွေပြန်နွှင်ပြီး
ကြော်ထားပေးပါတယ်…

ကြက်သွန်နီ ကြက်သွန်ဖြူ စိမ်းစားငပိ - ၃မျိုးကို
ဆုံထဲထည့်ထောင်းထားပါမယ်..

ကြက်သွန်ဖြူလေး နွှင်ပြီ အခြမ်းလေးလုပ်ထားပေးပါ

ငရုတ်သီးစိမ်းလေးထပ်ခြမ်းခွဲထားပေးပါ
အတောက်လိုက်လေးထည့်ချင်လဲရပါတယ်..

ငရုပ်သီးအကြမ်းဖက်ကိုရေးဆေးပြီးစစ်ထားပါမယ်..

ပြီးရင်စောကထောင်းထားတဲ့ ကြက်သွန် နီ/ဖြူ
စိမ်းစားငပိတို့ကိုဆီသတ်ပါမယ်..

အနေတော်လေးကျက်ပြီဆို .. ငရုတ်သီးအကြမ်းဖက်
ထည့်ပါမယ်.. ခနမွှေပေးပါမယ်..

ချဉ်ပေါင်ရွက်ထည့်ပါမယ်.. အရသာအတွက် အချိုမှုန့်
ပုဇွန်ခြောက်မှုန့် ၊ ငံပြာရည် ထည့်ပါမယ်…
ကြက်သွန်ဖြူ နွှင်ထားတာလေးထည့်ပါမယ်..
ငရုတ်သီးစိမ်းလေးအုပ်ပါမယ်..
ချဉ်ပေါင်ရွက်လေးအိပြီး အရသာလေးအပေါ့အငံအဆင်ပြေပြီးဆို ကြက်သားကြော်ထားတာလေး
ရောသမလိုက်ပါတယ်.. ရိုးရိုးဆိုပေမဲ့အရမ်းစားကောင်းလို့ပါ😍🫶🫶

ဒါကတော့အိမ်မှာကြော်စားနေကြနည်းလေးပါ 🫶


Crd

အိန္ဒိယစတိုင်ကြက်သားအုန်းနို့မဆလာ ( Chicken Tikka Masala)ဒီဟင်းလေး ကို အိန္ဒိယတွေချက်သလိုမျိုး မဆလာနံ့ထုံထုံနဲ့အုန်းနို့...
19/06/2024

အိန္ဒိယစတိုင်ကြက်သားအုန်းနို့မဆလာ ( Chicken Tikka Masala)

ဒီဟင်းလေး ကို အိန္ဒိယတွေချက်သလိုမျိုး မဆလာနံ့ထုံထုံနဲ့အုန်းနို့ထည့်ပြီးအနှစ်ကျကျလေးချက်ထားတာပါ။

ချက်နည်းလေးပြောပြပေးမယ်နော်။

ပထမဆုံးကြက်သားကို လက်မခန့်အရွယ်တုံးပြီး ဆေးကြောသန့်စင်ထားပါ။
ပြီးရင် ကြက်သားကို ဒိန်ချဉ်၊ ဂျင်းထောင်း၊ ကြက်သွန်ဖြူထောင်း၊ဇီယာစေ့လှော်ထောင်းအမှုန့်၊ နံနံစေ့လှော်ထောင်းအမှုန့်၊ နနွင်း၊ အရောင်တင်မှုန့် ၊ ဆား၊ အရသာမှုန့်တ်ု့နှင့်နယ်ကာ တနာရီခန့် နှပ်ထားပေးပါနော်။
ပြီးရင် ဆီပူထဲထည့်ကြော်ပါမယ်။ အသားကျက်ပြီးတင်းတဲ့ထိ ဆီပူထဲကြော်ပေးပါနော်။
ပြီးရင်စပြီးချက်ရအောင်နော်။

ဒယ်အိုးထဲ ဆီပူလာရင် နုပ်နုပ်စင်းထားတဲ့ကြက်သွန်နီကိုထည့်ပါ။ ကြက်သွန်နွမ်းသွားရင် ခရမ်းချဉ်သီးနုပ်နုပ်ပါးပါးလှီး (တြိတ်စက်နဲ့တြိတ်လည်းရ)ထည့်ပါ။
အရောင်တင်မှုန့်ထည့်ပါ။
နနွင်းမှုန့်ထည့်ပါ။
နံနံစေ့လှော်အမှုန့်ထည့်ပါ။
ဇီယာစေ့လှော် အမှုန့်ထည့်ပါ၊
ဆားနဲ့အရသာမှုန့်ထည့်ပါနော်။
ခရမ်းချဉ်သီး အရည်ခမ်းပြီး အဆီပြန်လာရင် ကြော်ထားတဲ့ကြက်သားထည့်ပါ။ ရေအနည်းငယ်ခန့်ထည့်ပြီး အဖုံးပိတ်ကာအဆီပြန်တဲ့ထိ တည်ပေးပါ။
၅ မနစ်ကနေ ၈ မိနစ်အတွင်း အဆီပြန် ရေခမ်းတဲ့ထိ ရေပမာဏ ထည့်ပေးရတာပါ။
အဆီပြန်ရင် အုန်းနို့ထည့်ပေးပါ။ အုန့်နို့ထည့်ပြီး ကြက်သားထဲကို အုန့်နို့စိမ့်ဝင်အောင် အနည်းဆုံး ၅ မိနစ်ခန့်ချက်ပေးပါ။
ကိုယ်လိုချင်တဲ့ ဟင်းရည်အပျစ်အကျဲပေါ်မူတည်ပြီး အုန်းနို့ရည်ကိုထည့်ပါ။
ဒီဟင်းက အုန်းနို့နဲပျစ်ပျစ်နှစ်နှစ်ချက်ရတာ မျိုးပါ။ ကျဲရင် စားမကောင်းပါဘူးရှင့်။
ဟင်းလေးက အဆီပြန်ပြီး ဆိုရင် ဘက်စုံသုံး မဆလာလေးထည့်ပါ။ နှံ့စပ်အောင်မွှေပေးပြီ နံနံပင်လေးအုပ်ကာ သုံးဆောင်နိုင်ပါပြီရှင့်။

အနံ့ ၊ အရသာ ထိထိမိမိ နဲ့မွှေးကြိုင်ပြီး အရသာရှိလှတဲ့ အိန္ဒိယစတိုင် ကြက်သားဟင်းလေး တခွက် ကို တခါလောက်ချက်စားကြည့်ပါဦးနော်။

အဆင်ပြေပါစေရှင့်။


Crd #ချစ်ခြင်းဖြင့် ချက်သော စားဖွယ်စုံ

အမဲမာလာကြော်***အမဲသားမစားသူများဆောရီးပါရှင့်***မာလာရှမ်းကော လုပ်ဖို့ ပစ္စည်းမစုံသေးတုန်း အမဲမာလာလေး တင်ထား ခဲ့မယ်နော်။မာ...
19/06/2024

အမဲမာလာကြော်

***အမဲသားမစားသူများဆောရီးပါရှင့်***

မာလာရှမ်းကော လုပ်ဖို့ ပစ္စည်းမစုံသေးတုန်း အမဲမာလာလေး တင်ထား ခဲ့မယ်နော်။

မာလာအနှစ်ရှိပြီးသားဆိုရင် အရမ်းလွယ်ကူပါတယ်ရှင့်။

အမဲသားကို ပြားပြားနဲ့ပါးပါးလေး ဖြစ်အောင်လှီးပါနော်။ ပြီးရင်ရေဆေးသန့်စင်ပြီး ဆား(မာလာအနှစ်မှာဆားပါထားခဲ့ရင် လျှော့ထည့်ဖို့ အကြံပေးပါရစေ)၊အရသာမှုန့် ၊ နနွင်းနဲ့ရေအနည်းငယ်ခန့်ထည့်ပြီး ပြုတ်ထားပါနော် ။
အသားနူးရင် ဆီပူမှာ နီလာတဲ့ထိ ကြော်ပေးပြီ ဆယ်ထားပေးပါနော်။
ပြီးရင် အိုးထဲဆီပူလာရင် ထောင်းထားတဲ့ ကြက်သွန်ဖြူကို ထည့်ကြော်ပါ နီလာရင် မာလာအနှစ်ထည့်ပါ (အသားပမာဏပေါ်မူတည်ပြီးထည့်ပါနော် ၊ များလွန်းရင်လည်းစားမကောင်းပါဘူး )၊ ကြော်ထားတဲ့အမဲသားကို ထည့်မွှေပါနော်။ အရသာ ဖြည့်စွက်ဖို့ လိုရင် ပဲငံပြာရည်အကြည်နဲ့ အရသာမှုန့် ထည့်ပပါ။ ရေ လက်ဖက်ရည် ပန်းကန်တဝက်ခန့်ထည့်ပြီး ရေကုန်တဲ့ထိချက်ပါ။ရေခမ်းပါက အိုးချကာ နှမ်းလှော်နဲ့မြေပဲကြော်ထည့်ကာ ပြင်ဆင်သုံးဆောင်နိုင်ပါပြီ။

အမဲသားမစားသူများ တခြားအသားကို အစားထိုးပြီး လုပ်လို့ရပါတယ်ရှင့်။

လွယ်ကူ အဆင်ပြေကြပါစေရှင့်။


Crd #ချစ်ခြင်းဖြင့် ချက်သော စားဖွယ်စုံ

သရက်သီးစိမ်း သနပ်လုပ်နည်း သရက်သီးအား အတုံးသေးလေးများတုံး၍ရေဆေးပါထို့နောက်သရက်သီးတုံးလေးတွေကို ဆားနယ်ပြီး ၅ နာရီခန့် ဆားရ...
18/06/2024

သရက်သီးစိမ်း သနပ်လုပ်နည်း

သရက်သီးအား အတုံးသေးလေးများတုံး၍
ရေဆေးပါ
ထို့နောက်သရက်သီးတုံးလေးတွေကို ဆားနယ်ပြီး ၅ နာရီခန့် ဆားရေစိမ်ထားပေးရပါမယ်။
၅နာရီပြည့်ပြီဆိုရင်သရက်သီးတွေကို
ဆားရည်သွန်ပြီ
ဇကာတစ်ခုနဲ့ ရေစစ်ထားပေးပါ။

မုန်ညင်းစေ့
စမုံစပါး
(ဇီယာ ပဲနံ့သာ အနည်းငယ် )တို့အား

လှော်ထားပါ
ပြီးရင် ဆီကိုအပူပေးထားပါ
ဆီဆူလာပြီဆိုရင် မီးပိတ်

နနွင်းမှုန့်
ငရုပ်သီးအစိမ်းမှုန့်
သကြား
မဆလာ
ဆားအနည်းငယ် ရယ်
​လှော်ထားတာလေးတွေပါ
အပူပေးထားတဲ့ ဆီအိုးထဲသို့ထည့်မွှေပါ

ပြီးရင် မီးပြန်ဖွင့်ပြီး မီးခပ်အေးအေးနဲ့ ခဏ မွှေပြီးဆီသတ်ပေးပါ
မီးဖိုပေါ်မှချ သရက်သီးတွေနဲ့အတူ လှီးထားတဲ့ကြက်သွန်ဖြူ လေးတွေကို ရောထည့်မွှေပေးပြီး အအေးခံထားပေးပါ

သရက်သီးလေးတွေအေးသွားပြီဆိုရင်တော့
ပုလင်းတစ်ခုအတွင်း ထည့်လိုက်ပါ
ထည့်ပြီးပြီဆိုရင်တော့ သရက်သီးမြုပ်သည် အထိဆီသပ်ထားတဲ့ ဆီတွေအားလုံးထည့်ပေးရပါမယ်

နောက် ၃ရက်လောက် ဆိုရင်တော့ သန့်ရှင်းလတ်ဆတ်ပြီး အရသာရှိတဲ့ သရက်သီးသနပ်လေးရပါပြီနော်
နည်းမတူရင် ဆောရီးပါ
🌸 🌸


Crd #ဆွေဇင်

ထိုင်းစတိုင် ကင်းမွန်ချဥ်ချဥ်စပ်စပ်သုပ်😋😋နေအရမ်းပူတော့ အပြင်ထွက်ပြီ ဆိုင်မှာ သွားမစားချင်တဲ့ အသဲလေးတွေအတွက်အိမ်မှာသုပ်စာ...
18/06/2024

ထိုင်းစတိုင် ကင်းမွန်ချဥ်ချဥ်စပ်စပ်သုပ်😋😋

နေအရမ်းပူတော့ အပြင်ထွက်ပြီ ဆိုင်မှာ
သွားမစားချင်တဲ့ အသဲလေးတွေအတွက်
အိမ်မှာသုပ်စားလို့ရအောင် ရေးပေးလိုက်ပြီနော်😝

ကင်းမွန် ..... ၂၀ ကျပ်သား
ကြက်သွန်နီ ... ၃လုံး (ပါးပါးလှီးထားပါ)
ခရမ်းချဉ်သီး .... ၂လုံး (ပါးပါးလှီးထားပါ)
ငရုပ်သီးစိမ်း ..... လိုသလောက် (ပါးပါးလှီးပါ)
သံပုရာသီး .... ၂လုံး
ကြက်သွန်ဖြူ.....၅မွှာ (ဓားပြားရိုက် နုတ်နုတ်စဉ်းထားပါ)
နံနံပင်....အနည်းငယ် (ပါးပါးလှီးထားပါ)
အချိုမှုန့်.... အနည်းငယ်
ငါးငံပြာရည် .... ၁ဇွန်း
ထန်းလျက်..... အနည်းငယ်
ထိုင်းငါးပိရည်... အနည်းငယ်

အရင်ဆုံး ကင်းမွန်ကို အညစ်အကြေးတွေထုတ် မျက်လုံးတွေထုတ်ပြီဆေးကြောသန့်စင်ထားပါ
ရေပွက်ပွက်ဆူနေသော အိုးထဲကို ဆားအနည်းငယ်ထည့်ပြီ ကင်းမွန်ထည့်လိုက်ပါ ခဏကြာ ဆယ်ပြီရေစစ်ထားပါ

အချဥ်ရည်စပ်နည်း

ငါးငံပြာရည်
ကြက်သွန်ဖြူ
ထန်းလျက်
သံပုရာသီးညှစ်ထည့်
ငရုပ်သီးစိမ်း
ထိုင်းငါးပိရည်
အချိုမှုန့်
ရောမွှေ အရသာမြည်း ချဥ်ငံစပ်အရသာလေးဆိုရပြီ😋😋

သုပ်နည်း

ပန်းကန်တလုံးထဲကို ကင်းမွန် ခရမ်းချဉ်သီး ကြက်သွန်နီ ထည့်ပြီ အချဥ်ရည်ထည့်လိုက်ပါ
ရောနယ် အရသာမြည်း ချဥ်ငံစပ်လေးနဲ့
ပူနေတာနဲ့ ရှယ် 😁😁
🌸 🌸


Crd #ဆွေဇင်

ငါးရံ့ခြောက်နဲ့ ခရမ်းချဉ်သီးဟင်းငါးရံ့ခြောက်ကို အနေတော်တုံးပြီ ရေဆေးထားပါခရမ်းချဥ်သီး အနေတော်လှီးထားပါကြက်သွန်နီ ငရုပ်သီ...
18/06/2024

ငါးရံ့ခြောက်နဲ့ ခရမ်းချဉ်သီးဟင်း

ငါးရံ့ခြောက်ကို အနေတော်တုံးပြီ ရေဆေးထားပါ
ခရမ်းချဥ်သီး အနေတော်လှီးထားပါ

ကြက်သွန်နီ ငရုပ်သီး ထောင်းထားပါ
ဒယ်အိုးထဲဆီထည့် နနွင်းမှုန့်ထည့် ဆီပူလာရင်
ငရုပ်သီးထောင်းဆီသတ် ခရမ်းချဉ်သီးထည့် ဆားအချိုမှုန့် ထည့်မွှေပြီ ငါးခြောက်စိမ်ထားတာထည့်ချက် ငရုပ်သီးစိမ်းထည့်အဖုံးအုပ်
ရေခန်းရင်ရေနည်းနည်းထပ်ထည့်
ကျက်ခါနီး နံနံပင်အုပ်ပါ။
🌸 🌸


Crd #ဆွေဇင်

အိမ်ကလူကြီးတွေကြိုက်တဲ့ မန်ကျည်းရွက်ထောင်းမန်ကျည်းရွက်ကို ရေစင်အောင်ဆေးပီးရေ စစ်ထားပါ။ပုစွန်ခြောက် ရေဆေးပြီးထောင်းထားပါက...
18/06/2024

အိမ်ကလူကြီးတွေကြိုက်တဲ့

မန်ကျည်းရွက်ထောင်း

မန်ကျည်းရွက်ကို ရေစင်အောင်ဆေးပီး
ရေ စစ်ထားပါ။
ပုစွန်ခြောက် ရေဆေးပြီးထောင်းထားပါ
ကြက်သွန်နီ ကြက်သွန်ဖြူထည့်ထောင်း
ညက်ပီဆိုရင် မန်ကျည်းရွက်ထည့်ထောင်းပါ
ဆား အချိုမှုန့် အနည်းငယ်စီ ငါးပိမီးကင် ငရုပ်သီးလှော်မှုန့် ထည့်ထောင်းပါ
လိုချင်တဲ့အနေအထားလေးရပြီဆိုရင် မြေပဲဆီလေးဆမ်းထည့်ပြီ ပန်းကန်ထဲထည့် ထမင်းပူပူလေးနဲ့ဆို ကွက်တိပဲ
စားလိုရပြီနော်😁
🌸 🌸


Crd #ဆွေဇင်

ที่อยู่

Bang Bon Street
Bangkok
10150

เบอร์โทรศัพท์

+66886357180

เว็บไซต์

แจ้งเตือน

รับทราบข่าวสารและโปรโมชั่นของ Food Myanmarผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

วิดีโอทั้งหมด

ဂဏန္းမဆလာခ်က္ ခ်က္စားႀကမယ္ ဂဏန်းမဆလာချက် ချက်စားကြမယ်
ဂဏန္းမဆလာခ်က္ ခ်က္စားႀကမယ္ ဂဏန်းမဆလာချက် ချက်စားကြမယ်

ဂဏန္းမဆလာခ်က္ ခ်က္စားႀကမယ္ ဂဏန်းမဆလာချက် ချက်စားကြမယ်

အရမ္းစားလို႔ေကာင္းတ့ဲ ျမန္မာဟင္းခ်က္နည္း ( 4 ) မ်ိဳး
အရမ္းစားလို႔ေကာင္းတ့ဲ ျမန္မာဟင္းခ်က္နည္း ( 4 ) မ်ိဳး

အရမ္းစားလို႔ေကာင္းတ့ဲ ျမန္မာဟင္းခ်က္နည္း ( 4 ) မ်ိဳး #fbreels #fbreelsvideo #reelsfb #reelsvideo #reelsinstagram

အရမ္းစားေကာင္းတဲ့ ဟင္းခ်က္နည္း ( ၄ ) မ်ိဳး
အရမ္းစားေကာင္းတဲ့ ဟင္းခ်က္နည္း ( ၄ ) မ်ိဳး

အရမ္းစားေကာင္းတဲ့ ဟင္းခ်က္နည္း ( ၄ ) မ်ိဳး

မီးကျောင်းသားစားဖူးကြလား ထိုင်းနိုင်ငံမှာရောင်းတယ်နော် #fbreels #fbreelsvideo @topfans

ပုဇြန္၊ဆိတ္သား၊ခရမ္းသီးႏွပ္၊ငါးခူႏွင့္ခ်ဥ္ေပါင္ ဟင္းခ်က္နည္း ( 4 ) မ်ိဳး 😍😘 #food #fbreels #foodie #fun

ပုဇြန္၊ဆိတ္သား၊ခရမ္းသီးႏွပ္၊ငါးခူႏွင့္ခ်ဥ္ေပါင္ ဟင္းခ်က္နည္း ( 4 ) မ်ိဳး 😍😘
ပုဇြန္၊ဆိတ္သား၊ခရမ္းသီးႏွပ္၊ငါးခူႏွင့္ခ်ဥ္ေပါင္ ဟင္းခ်က္နည္း ( 4 ) မ်ိဳး 😍😘

ပုဇြန္၊ဆိတ္သား၊ခရမ္းသီးႏွပ္၊ငါးခူႏွင့္ခ်ဥ္ေပါင္ ဟင္းခ်က္နည္း ( 4 ) မ်ိဳး 😍😘 #food #fbreels #foodie #fun

အရမ္းစားလို႔ေကာင္းတ့ဲ တုန္းယန္ ဟင္းရည္ ခ်က္စားႀကမယ္ 🤪🤧
အရမ္းစားလို႔ေကာင္းတ့ဲ တုန္းယန္ ဟင္းရည္ ခ်က္စားႀကမယ္ 🤪🤧

အရမ္းစားလို႔ေကာင္းတ့ဲ တုန္းယန္ ဟင္းရည္ ခ်က္စားႀကမယ္ 🤪🤧

ဝက္ကလီစာ အခ်ိဳခ်က္ ခ်က္စားႀကမယ္ 😘😍

ဝက္ကလီစာ အခ်ိဳခ်က္ ခ်က္စားႀကမယ္ 😘😍
ဝက္ကလီစာ အခ်ိဳခ်က္ ခ်က္စားႀကမယ္ 😘😍

ဝက္အူ အခ်ိဳခ်က္ ခ်က္စားႀကမယ္ 😘😍

ျမန္မာဟင္းခ်က္နည္း ( 4 ) မ်ိဳး ...
ျမန္မာဟင္းခ်က္နည္း ( 4 ) မ်ိဳး ...

ျမန္မာဟင္းခ်က္နည္း ( 4 ) မ်ိဳး ...

ေခါက္ဆြဲေႀကာ္နည္း ( 4 ) မ်ိဳး 🤪🥰😍
ေခါက္ဆြဲေႀကာ္နည္း ( 4 ) မ်ိဳး 🤪🥰😍

ေခါက္ဆြဲေႀကာ္နည္း ( 4 ) မ်ိဳး 🤪🥰😍

ထိုင္း နာမည္ႀကီး အသုပ္ ( ၄ ) မ်ိဳး ..
ထိုင္း နာမည္ႀကီး အသုပ္ ( ၄ ) မ်ိဳး ..

ထိုင္း နာမည္ႀကီး အသုပ္ ( ၄ ) မ်ိဳး ..

ထိုင္း နာမည္ႀကီး အစားအေသာက္ခ်က္နည္း ( 10 ) မ်ိဳး ..😘🥰😍
ထိုင္း နာမည္ႀကီး အစားအေသာက္ခ်က္နည္း ( 10 ) မ်ိဳး ..😘🥰😍

ထိုင္း နာမည္ႀကီး အစားအေသာက္ခ်က္နည္း ( 10 ) မ်ိဳး ..😘🥰😍 #foodie #thaifood

အရမ္း စားလို႔ေကာင္းျပီးခ်က္ရတာလဲလြယ္ကူတ့ဲ ထိုင္းစတိုင္ႀကက္သားခ်က္နည္း ..

ရှောက်သီးသုပ်နည်းလေးပါရှင့်

ဆလက်ရွက်သုပ်လေး လုပ်စားကြရအောင် တင်ပေးလိုက်ပါတယ်

ေရခူသုပ္ သုပ္စားႀကမယ္ ...

ေရခူသုပ္ သုပ္စားႀကမယ္ ...
ေရခူသုပ္ သုပ္စားႀကမယ္ ...

ေရခူသုပ္ သုပ္စားႀကမယ္ ...

ခ်ဥ္၊ငံ၊စပ္ သခြားသီးေထာင္း .... အရမ္းစားလို႔ေကာင္း ...

ခ်ဥ္၊ငံ၊စပ္ သခြားသီးေထာင္း .... အရမ္းစားလို႔ေကာင္း ...
ခ်ဥ္၊ငံ၊စပ္ သခြားသီးေထာင္း .... အရမ္းစားလို႔ေကာင္း ...

ခ်ဥ္၊ငံ၊စပ္ သခြားသီးေထာင္း .... အရမ္းစားလို႔ေကာင္း ...

ทางลัด

แชร์

ประเภท

ครีเอเตอร์วิดีโอ อื่นๆใน Bangkok

แสดงผลทั้งหมด

คุณอาจจะชอบ