04/01/2025
ဒီရက်ပိုင်းမှာ KPay သုံးသူတွေကြား ငွေကြေးပျောက်ဆုံးမှုတွေ တစ်ခုပြီး တစ်ခု တက်လာတယ်။ လူအများ အဆင်ပြေအောင် ဆောင်ရွက်ပေးတဲ့ Mobile Banking ဝန်ဆောင်မှုတွေ အထူးသဖြင့် KPay အသုံးပြုသူတွေကို လူလိမ်အဖွဲ့အစည်းတွေက အဓိက ထားပြီး လိုက်လိမ်နေတာဖြစ်ပြီး လူအများစုကလဲ လိမ်ခံလိုက်ရတာတွေ ၊ ခိုးခံလိုက်ရတာတွေ ကြုံတွေ့လာတယ်။ သူတို့တွေက ဘယ်သူတွေလဲ ? ဘယ်ကလဲ ? ဘယ်လို့လဲ ဆိုတာထပ် သူတို့ ဘယ်လိုလိမ်စားလဲ ၊ သူတို့ လိမ်နည်းတွေက ဘာတွေလဲ နဲ့ လိမ်ခံရပြီဆိုရင် ဘာလုပ်ရမလဲ ပြောပြချင်ပါတယ်။
လူလိမ်တွေ ဘယ်လိုလုပ်ကြသလဲ?
1) ဘဏ်ဝန်ထမ်း အဖြစ်သူဟန်ဆောင်ကြတယ်။ လူလိမ်တွေဟာ ဘဏ်ဝန်ထမ်းတစ်ယောက်လို ဟန်ဆောင်ပြီး လူကို တိုက်ရိုက် ဖုန်းဆက်မယ်။ သင့်ရဲ့ KPay အကောင့် ပိတ်မခံရအောင် ၊ စနစ်တစ်ခု လိုအပ်တယ်လို့ ပြောပြီး OTP ကုဒ်တောင်းမယ်။ OTP Code ရတာနဲ့ အဲ့ကနေ တဆင့် ငွေတွေ လိမ်ယူမယ်။
2) False Promotions. လူလိမ်တွေဟာ Social Media ပေါ်မှာ (အများဆုံး Facebook) ကနေတဆင့် Promotion တစ်ခုတင်ပြီး မတန်တဆ စျေးနဲ့ ဝယ်သူတွေကို ဆွဲဆောင်ကြတယ်။ SMS ကနေ Wave ထဲ ငါးသိန်း ဝင်နေတယ်။ ထုတ်ချင်ရင် ငါးသောင်းအရင်လွဲပါ ၊ ဘာညာနဲ့ လုပ်မယ်။ ကိုယ့် လောဘကြောင့် အဲဒီ Promotion တွေကို သရေယိုပြီး ငွေလွဲလိုက်လို့ကတော့ ကုန်ပြီလို့ သာမှတ်ပါ။
ဒါက အခု လက်ရှိ လူ အတော်များများ လိမ်ခံရတဲ့ နည်းတွေပါ။ ကျနော်လဲ အပါအဝင်ပေါ့။ အရင်နှစ်လောက်က Si Thu Exchange ဆိုတဲ့ Page ကနေ Bath ဝယ်ဖို့ လုပ်ရင်း ၄၆ သိန်း လိမ်ခံလိုက်ရပါတယ်။ ကျွန်တော် လိမ်ခံရတာက KBZ Mobile Banking ကနေပါပဲ။ လိမ်ခံလိုက်မှန်း သိသိချင်း KBZ ဘဏ်ကို ချက်ချင်းပြေးပြီး အကျိုးအကြောင်း ပြောပြပေမဲ့ သူတို့မှာ ဖောင်ဖြည့်ဖို့ စာရွက်ပေးနိုင်တာကလွဲပြီး ကျန်တာ ဘာမှမလုပ်ပေးနိုင်ပါဖူး။ အတော်အသုံးမကျတဲ့ ဝန်ဆောင်မှုတခုပါ။ ဖောင်ဖြည့်ပြီး မပြီးသေးပါဖူး ၊ ရဲစခန်း မှာ လိမ်ခံရတဲ့ အကြောင်း အမှုဖွင့် (ပ- အမှတ်စဥ်) ယူပြီး သူတို့ဆီ ပြန်အကြောင်းကြားဖို့ မှာလိုက်ပါသေးတယ်။ အမှုဖွင့်တယ်ဆိုတာ ကြုံရာကျပန်း "ရော့ အင့်" ဆိုပြီး ဖွင့်မရဖူးဆိုတာ ဘဏ်က လူကြီးတွေ မသိတာလား လမ်းကြုံရင် KBZ က ဝန်ထမ်းတွေကို မေးကြည့်ပေးပါဦး။
လိမ်ခံလိုက်ရပြီဆိုရင် ဘာလုပ်ရမလဲ?
လိမ်ခံလိုက်ရတာ သိသိချင်းမှာ ဘဏ်ကို သွားမယ့်အစား အရေးကြီးဆုံးက ရဲစခန်းကို အရင် သွားပါ။ ရဲစခန်းမှာ အကျိုးအကြာင်း ပြောပြပြီး ရဲစာထဲမှာ တောင်းဆိုရမယ့် အချက်အလက်တွေ ထည့်သွင်းရေးခိုင်းပါ။
၁) လူလိမ်ရဲ့ Bank Account နဲ့ KPay Account အချက်အလက်များ။
၂) လူလိမ်ရဲ့ နာမည်၊ ဖုန်းနံပါတ်၊ NRC အချက်အလက်များ။
၃) ငွေစီးဆင်းသွားတဲ့ အကောင့်တွေကို တားဆီးပေးဖို့။
ဒီသုံးချက်ကတော့ မဖြစ်မနေ ရေးမှ ရပါမယ်။
ချက်ချင်းကြီး အမှုဖွင့်ဖို့က အဆင်မပြေနိုင်ရင်တော့ ရဲစာ ရယူပြီးတာနဲ့ ဘဏ်ကို သွားပြီး သက်ဆိုင်ရာ မန်နေဂျာ နဲ့ တွေ့ပြီး ချက်ချင်းလုပ်ဆောင်ခိုင်းပါ။ လူလိမ် Bank Account (သို့) Kpay ကနေတဆင့် လိမ်ခံလိုက်ရတဲ့ ငွေတွေ စီးဆင်းသွားတဲ့ Account မှန်တမျှ အကုန် ပိတ်ခိုင်းပါ။ လိမ်သွားတဲ့ လူလိမ် Bank Account / Kpay ရဲ့ Personal Information ကို တောင်းကြည့်လို့ရပါပြီ။ အဲ့ခါကျရင် လူလိမ်ရဲ့ Bank Account ရဲ့ နောက်ကွက်က Information (Name,Phone,NRC) သိရမှာဖြစ်ပြီး သက်ဆိုင်ရာ ရဲစခန်းမှာ လူလိမ်မှုနဲ့ တရားစွဲဖို့ ပြင်စဥ်ပါ။ အကယ်၍ အရှည် / အရှည် မဖြစ်ချင်ဖူးဆိုရင်တော့ ဖုန်းဆက်ပြီး ညှိနှိုင်းဆောင်ရွက်ပါ။ ဒါက လုပ်ရမဲ့ နည်းလမ်းပါ။
လူလိမ်တွေက ဘယ်နေမလဲ ?
ဟုတ်ပါတယ်။ သူတို့အထိ မရောက်အောင် ကြားထဲမှာ ဘယ်လိုတွေ လုပ်မလဲ၊ ရှင်းပြပေးပါမယ်။
- A ဆိုတဲ့ ကျွန်တော့်ဆီက ငွေကို B ဆိုတဲ့ လူလိမ်က တိုက်ရိုက်မယူပဲနဲ့ C ဆိုတဲ့ ကြားခံသမား Third Party တဦးရဲ့ ဘဏ် Acc ကို အသုံးချပြီး ငွေလွဲခိုင်းတယ်။ A ဆိုတဲ့ ကျနော့်ငွေတွေကို C ရဲ့ Bank Account ထဲ ရောက်တော့မှ C Bank Account ကနေ တဆင့် တခြား ဘဏ်တွေကို လူလိမ် B က ဘဏ်ပြောင်းပြီးလွဲခိုင်းတယ်။ ဒါက အလွယ်ဆုံး မြင်အောင် ရှင်းပြတာပါ။
ကျနော့်ကို လိမ်သွားတဲ့ ကောင်ဆိုရင် သူက C ဆိုတဲ့ ကြားခံ (Third Party - 1) အပြင် ၊ D ဆိုတဲ့ နောက်ထပ် ကြားခံ (Third Party - 2) ကိုပါ အသုံးချပြီး နောက်ဆုံးမှ သူ့ Account ထဲကို ငွေထည့်ခိုင်းခဲ့သွားတာပါ။ တချို့ လူလိမ်တွေကျတော့ ငွေမယူပဲ ၊ တန်ကြေးတူတဲ့ (ရွှေ ၊ ပစ္စည်း) တမျိုးမျိုးကို ဝယ်ယူသွားတာမျိုးတွေလဲ ရှိပါတယ်။ ဘဏ်ဝန်ထမ်းတွေရဲ့ အသုံးမကျမှု ၊ ခေါင်းရှောင်တာတွေကြောင့် လိမ်ခံလိုက်ရပြီဆိုရင် ဘာတာဝန်ယူမှ တာဝန်ခံမှု မရှိတဲ့ အတွက် ငွေတွေ ဆုံးရှုံးရတဲ့ လူဦးရေ မနည်းတော့ပါဖူး။ လိမ်ခံလိုက်ရတဲ့ ငွေတွေကြောင့် စိတ်ဆင်းရဲ ၊ ကိုယ်ဆင်းရဲ နဲ့ ဘဝကို ဖြတ်သန်းတဲ့ လူတွေလဲ မနည်းတော့ပါဖူး။ အခုချိန်ထိလဲ အဲ့လို လိမ်တဲ့ အကွက်ကို သိနေတာတောင်မှ ဘယ်သူမှ တာဝန်ယူပြီး မဖမ်းစီးနိုင်သေးပါဖူး။
အားလုံးပဲ အဆုံးထိ ဖတ်ပေးတဲ့ အတွက် ကျေးဇူးတင်ပါတယ်။
