25/02/2024
Bismillah waxaa halka aan rabaa inan ku soo gudbiyo nuqul mahadcelin iyo bogaadin ah .
Haddii aan u daadego ujeedka qormadeeyda.
Shaqo tii igu farxadda badneed ahna middii iigu adkeed si guud shaqo u badan mutatawacnimo . Horey waxa aan ka soo shaqeeyay xaruumo kala duwan oo u badan kuwa dawladda waxaa aan safar ku maray badi 9-ka Gobol ee Puntland ka kooban tahay iyo wakhtiyo kala duwan jarmaado iyo guuro ba leh , raf iyo laami leh, dooxo iyo buuro leh ,hawd iyo cadduun leh intaasna waxaa aan maray anoo gaarin da’da 22-ka waxaa ayna ii ahayd mid fikir iyo soo jeed leh. waaqici ahaanna waxa ay iga dhigtay qof fahan ahaan dhisan oo fahmi karaa xaalada iyo xiiliyada kal duwan xaajooyinka aadanah, duruuf walba ku shaqayn kara, dulqaad badanna ii sameysay .
Ku soo biiristeydi Carafaat iyo Isbitaalka hooyada iyo dhallaanka ee Yashfiin waxa ay ii ahayd meel aan ku bartay wax badan oo aan h**ey u ogeyn waxa ay iga dhigtay mid jeclaaday samafalka iyo arrimaha bulshada kuwooda aan hadli karin waxa ayna i dhaxal siisay in aan isdhiibin , dhibkasta xamilli kara habdhaqankeyga iyo fikirkeygana kor u qaata.
Shaqo waa sharaf aya horay loo yiri balse qeexitanka saxda ah ee eraygaas waxaan fahmay markaan jawwiga shaqada hadda aan hayo kusoo biiray. Waxaan noqday mid dareema jiritaan sax ah isla markaasna leh jiho toosan iyo jaangoyn saxan.
Shaqada baaxadda leh ee carafaat uu u hayo bulshada waa mid aan dhagaha uun kala socon jiray.
Shaqaalaha iyo hawl wadeenada isbitaalku waa kuwo ku shaqeeya xaalado kala duwan iyo bulsho aan wacyi ahaan u dhisnayn una abuuran dhaliil iyo abaal ka dhaca . Cajiib!! . Waa meeshii ugu horraysay aan ku arko team dhan oo shaqdoodu tahay ilaalinta bukaanka iyo soo gudbinta cabashooyinkooda.
Hadde ogoow dhakhaatiir takhasus ah, xirfadlayaal caafimaad oo aqoon iyo khibrad ku hubaysan, maamul sare oo tayaysan intuba waa joogaan oo shaqada waa hayaan blse haddana intaas un u adeeegidda bulshada laguma hallayn.
Marka aan ka sii baxayo shaqadu waa mid aan istaag lahayn kuwa qaarna waa kuwo
Habeenka kala barkii hawshooda ku jira . Qaybta la siixiyo bukaan jiifka isbitaalka bukaannadu waa kuwo hurdda , kalkaaliyaasha ( Gabdhaha iyo Wiilasha) mahan kuwo heley raaxada iyo nafiska hurdada habeenki oo waxa ay ku luloonayan ( seexda) kuraasta ay fadhiyaan dareenkuda iyo dhagahuudo waa kuwo la jira bukaanada qaarkood yaa mara qololka waa u farxad iyo niyadsami marka ay arkan bukaanaduuda cafimaadka qaba, Qaybta gar gaarka deg degga waxa aan u bixiyay “kuwii birta ka sameysana “oo waxa ay u adeegayan dhaawaca dhiig baxaya oo faashadda iyo dhaymada u tahay cafimaad iyo nafis , mid dhiban, danyar hareysan moowjadaha dhaqaale yari iyo mid deegan , qaar hadalkaada u yahay laab diirsi .
“Qofkii aan dadka u mahad celin , Ilaahna uma mahad naqo”. من لا يشكر الناس ، لا يشكر الله-"
Waxaan rabaa inan u madceliyo Mamulaha Carafatiyo Xareed Madaxa Marketing-ka Abdalla Abdisalam oo ah shaqsiyaadka kala duwan ee la shaqeeyey kuwoodi kulansaday sifo dhowr ah oo amaan iyo bogaadin mudan uguna h**eyso wanaag , hogaanimo dhameystiran iyo ixtiraam iyo la dhaqanka dadka ay hurmoodka u yihiin waana ii farxad inan ka garab shaqeeyo waa wax aan ku amaanayo dhaqankooda wanaagsan .
Guud ahaanba hawl-wadeenada iyo shaqaalaha Isbitaalka Carafaat waxaa aan hadalkeyga leeyahay “aad baad u mahadsan tihiin saaxiibayaal, run ahaanti waxaad tihiin dad mudan ku dayasho ee Rabbi ha’idinku garab galo howsha balaaran ee aad umadda soomaliyeed u haysaan.”
Mahadsanidiin
