Doowlo International Media

20/02/2024

Marxuumkan oo Lagu Magacaabo Fanax ayaa Shini Ku Dishay Tuulada Qooqane oo udhow Beledweyne Kadib Markii ay Gabi Ahaanba Neefta Ku Celisay oo ay ku Degtay/ Shamuumtay.

08/08/2023

Baladweyne BAAFIN BAAFIN BAAFIN

waxaa labaafinaayaa wan kasoo lumay xaafada Buundo-weyn laanta buulayaqob waxaa lagu aqoonsan karaa xarig ayaa qoorta uga xiran cidii aragta waxaa laga codsanayaa in kala xariiran numberka shaashada ku qoran siina share gareeya.

0617912590
Ama 0615516408

Ku soo dhawaada Page.kaan Like and Share ha lagu qabto si aad u hesho macluumad kii ugu dambey

26/08/2022

Baladweyne, Hiiraan State of Somalia 🇸🇴

10/08/2022

Wasiirka cusub ee Wasaaradda Macdanta iyo Batroolka XFS , Mudane Cabdirisaaq Cumar Maxamed, ayaa xilka kala wareegay Wasiirkii h**e ee Wasaaradda, Mudane Cabdirashiid Maxamed Axmed, kadib, waxaana xilka u kala wareejiyey Ra’iisul Wasaare Ku xigeenka dalka Mudane Salah Jama Munaasabada xil wareejinta ayaa ka dhacday xarunta Wasaradda Macdanta iyo Batroolka.

08/08/2022

Madaxweynaha Dowladda Hirshabeelle Mudane Cali Guudlaawe Xuseen ayaa maanta daahfuray shirka banbaxa Golaha Wasiiradda ee Dowladda Hirshabeelle.

Shirkaan ayaa waxaa ka qeybgalay Madaxweyne Ku Xigeenka Dowladda, Mudane Yuusuf Axmed Hagar, Gudoomiyaha Baarlamaanka Mudane Cabdixakiim Luqmaan Xaaji Maxamed Ku Xigeenadiisa, Xubnaha Golaha Xukuumadda, Lataliyaal sar sare iyo qeybaha kala duwan ee Bulshada:

02/08/2022

Horta ma ognahay in dal qaniya nahay haddana dadkiisa gaajeysanyihiin?

Mala socotaa Soomaaliya shidaalka ku jira hadii lasoo saaro noqon doonto dalka 3aad ee ugu wax soo saarka badan shidaalka aduunka, halka ay koobaad kala wareegi doonto dalka Nigeria.

Sido kale Somalia sanadkii tagtay waxaa laga dhoofiyay Dahab lagu qiyaasay 19M ilaa 20M dollar, balse dadka Somaliyed waxba k**a faaidin, marka laga reebo madax iyo shaqsiyaad lacago yar yar la siiyay.

Waxaa lasoconaa in kaluunka badeena ku jiro dowladaha sharciga loo siiyay hal nuuc jilaabtaan iyo kuwa iska gurta in ay ka faaidaan sanadkii 62M dollar halka ay dowladii xiligaas u saxiixday heshay 2 Million un kaliya. Isku soo duubo dalku waa hodan hogaamiyaal sax ah oo intaas garto ayaa loo baahanyahay ha ahadeen dowlada dhexe iyo kuwa maamul goboledyada, haddii kale Jiilka dambe wada faqri ah ayaan ku Jiri karnaa.

F.G Somalia waa dalka koobaad ee ugu badan soo saarka Shidaalka ee Afrika balse waa faqri , sababtuna wa hogaan xumo. balse hada waxan Larajeynayaa in taas ay ka saari doonto Dowladda Madaxweyne Hassan Sheikh iyo Wasiirka Loo magacaabay wasaaradda Mudane Abdirizak Omer Mohamed wasiirka badroolka Iyo Macdanta Biyaha Jamhuuriyadda FS.

Daldihan iyo dadsabool ah waa Soomaaliya.

01/07/2022

Jowhar: 01. Luulyo, 2022: Madaxweynaha Dowladda Hirshabeelle Mudane Cali Guudlaawe Xuseen ayaa maanta dib ugu soo laabtay Caasimada Jowhar kadib safar shaqo oo uu ku joogay Magaalada Muqdisho.

Madaxweynaha waxaa garoonka diyaaradaha ee Maxamed Dheere kusoo dhoweeyay Kusimaha Gudoomiyaha Baarlamaanka ahna Gudoomiye Ku Xigeenka 2aad ee Baarlamaanka Dowladda Hirshabeelle Mudane Mahad Xasan Cusmaan xubnaha labada gole ee Dowladda, Maamulka Gobolka, iyo kan degmada, Saraakiisha amniga iyo bulshada qeybaheeda kala duwan.

29/06/2022

Xildhibaan Abdirizak Ciid "Ma jirto mashruuc dowladu ay Hiiraan ka Hirgalisay nuuc kasta ha noqdee maxaa sababay.? waxa uu hor dhigay wasiirka wasaarada maaliyada Somaliya.

27/06/2022

Khaalid Maxamuud Cusmaan iyo Cabdikariin Shabeelow oo kamid ahaa saxafiyiinta Telefishinka Maamulka HirShabeelle islamarkaana saakay ku dhaawacmay Qarax ka dhacay duleedka degmada Matabaan ayaa loo qaaday magaalada Guriceyl ee gobalka Galgaduud, si diyaarad looga qaado halkaas loona geeyo Muqdisho.

Khaalid, ayaa la sheegay in uu soo gaaray dhaawac culus, halka ay sidoo kale weerarkaas ku dhintayn Askar katirsan ciidanka dowladda, waxaana wafdiga la weeraray saakay hogaaminayay guddoomiyaha gobalka Hiiraan Cali Jeyte.

16/05/2022

Banaanbax Lagu Tageerayay Madaxweynaha Cusub Mudane Hassan Sheikh Mohamud oo markale Loo doortay Madaxweynaha Soomaliya ayaa lagu Qabtay manta Magalada Beledweyne.

Isku soo baxyo balaaran oo lagu Taageerayo Madaxweynaha Cusub ee Jamhuuriyadda Federaalka Soomaaliya Mudane Xasan Shiikh Maxamuud oo ay is kugu soo baxeen Bulshada ku Nool Magaalada Baladweyne ee Gobalka Hiiraan Ayaa lagu qabtay Magaalada B/weyne.

Dhamaan Dadkii kasoo qeyb galley dibada baxa oo ay Masuuliyiintu ugu h**eeyaan ayaa si diiran usoo dhaweeyay Madaxweyne Xasan shiikh oo soomaaliya hogaamin doona afarta sano ee soo socota.

13/05/2022

04/05/2022

Eng. Abdullahi Ali Hassan oo ahaay wasiir kii h**e ee wasaaradda Ganacsiga iyo Warshadaha ayaa ku dhawaaqay inuu yahay musharax u taagan xilka Madaxweynaha JFS.

Eng. ABDULLAHI waa masuul 30 kii sano ee ugu dambeey ka shaqeynayay arimaha waxbarashada, gargaarka, ganacsiga, dib' u heshiisiinta iyo siyaasadda.

Waa xog ogaal aan dalka kabixin naftiisane u huray sidii uu dadkiisa uga saari lahaa dhibaatada abaaraha, colaadda iyo hubanti la'aanta siyaasadeed.

Waxaan lajoogaa xilligii uu khibraddisa shaqo xog ogaalnimo uu dalka iyo dadka ugu faa'ideyn ahaa.

dadka yaqaan Eng. Abdullahi ayaa sheegay in Siyaasad dabacsan, diin, akhlaaq iyo nabad ayaa lagu yaqaan Eng. Abdullahi Ali Hassan.

29/04/2022

Waxaa maanta magaaladda Muqdisho si weyn loogu soo dhaweeyay Musharrax Madaxweyne Mudane Abdinur Sheikh Mohamed oo u taagan qabashada xilka ugu sareeyo dalka, waxaa soo dhaweyntiisa qeyb lixaad leh ka qaatay bulshawa weynta ku dhaqan magaaladda Muqdishu gaar ahaan, ururrada haweenka, dhallinyarada iyo siyaasiyiin saaxiib dhaw u ah Musharrax Madaxweyne Mudane Abdinur Sheikh Mohamed.

Professor Abdinur waxa uu ka mid ahaa tiirarkii ugu xooganaa Midowga Musharraxinta mucaaradka ah ee u istaagay ka badbaadinta hagar-daamooyinkii uu dalka la damacsanaa maamulka waqtigiisu dhamaaday. Waxaa laga filan karaa haddii uu ku guuleysto xilka Madaxweyne in uu ka shaqeeyo kaabayaasha dhaqaalaha, xoojinta xiriirka arrimaaha dibadda, dib u heshiisiinta iyo hagaajinta amniga dalka.

Waa hogaamiye horay loo tijaabiyay wax tarkiisa hogaamineed.

28/04/2022

Soomaaliya in ay doorasho ka dhacdo ninka sabab u ahaa oo habiin iyo maalin u soo jeeday waa Xildhibaan Abdirazak Omar Gudoomiyaha Guddiga Qabanqaabada Doorashada Gudoonka Golaha Shacabka Baarlamaanka JFS.

Waxaa uu qabtay Doorashadii ugu adkeyd ee loo qabto Guddoonka Baarlamanka JFS.
Waxaad si xirfad & degenaan ku jirto uga tallaabsatay caqabadihii laguu dhigay oo dhan.

Waxaad xusuusisay Xildhibaanadii soonaa in aanay qasaarin Codkoda oo ay kaga fogaadaan qaadashada laaluush, waxaan mudan tahay in dulqaadkaas & shaqadaas adag ee ummadda u soo qabatay in lagugu abaal mariyo waadna heli,

Xildhibaan Abdirizak Ninkii dalka badbaadiyay✅

27/04/2022

17/04/2022

Xildhibaan Abdirizak Omar Mohamed oo loo doortay Gudoomiyaha Guddiga Doorashada Gudoonka Golaha Shacabka JFS.

09/04/2022

Wasaaradda Amniga Soomaaliya ayaa fartay Hey’adda Socdaalka iyo Jinsiyadda Soomaaliya in ay kala laabato warqadda dal-ku-joogga Wakiilkii Midowga Afrika Francisco Madiera.

05/04/2022

Qoraal xalay xilli dambe ka soo baxay hay’adda nabadsugidda dawladda federaalka ah ee Soomaaliya ee NISA ayaa lagu sheegay inay heleen xog la xidhiidha, in kooxda al Shabaab ay beegsanayaan madaxweynaha Somalia Maxamed Cabdullaahi Farmaajo iyo Ra’iisal Wasaaraha, Maxamed Xuseen Rooble.

Qoraal lagu baahiyey barta twitterka ee hay’adda NISA ayaa lagu sheegay inay xogta ay heleen ay la wadaageen madaxweynaha iyo ra’iisal wasaarahaba.

Arrintan ayaa ku soo beegmaysa iyada oo Ra’iisal Wasaare Rooble uu maalmo ka hor warbaahinta la wadaagay halis amni oo ka dhan ah.

02/04/2022

Gudoomiye ku xigeenka Guddiga Doorashada heer Federaal Abuukaate Mowliid Haaji Mataan ayaa Hirshabeelle ku edeyay in ayna fahan ka haysan Habraaca Dhameystirka Doorashada.

02/04/2022

Madaxweyne Farmaajo ayaa Khadka Telefoonka ula xidhiidhay Madaxweyne Muuse

Villa Somalia ayaa Qoraalkan Baahisay;

"Muqdisho, 2da Abriil 2022: Madaxweynaha JFS Mudane Maxamed Cabdullaahi Farmaajo ayaa khadka telefoonka kula xiriiray Madaxweynaha Soomaaliland Mudane Muuse Biixi Cabdi oo ay ka wada hadleen khasaaraha hantiyeed ee ka dhalatay dabkii ka kacay Suuqa Waaheen ee magaalada Hargeysa.

Madaxweynaha Jamhuuriyadda ayaa la wadaagay Walaalkiis Madaxweyne Muuse Biixi Cabdi tiiraanyada iyo walaaceenna ku aaddan dhibaatada soo gaartay ganacsatada Soomaaliyeed iyo magaalada Hargaysa, isagoo soo bandhigay sida ay uga go'an tahay Dowladda Federaalka Soomaaliya in ay garab istaagto dadka ganacsatada ah ee ku hanti beelay musiibadan.

“Ganacsatada hantidooda ku waayey musiibadan iyo guud ahaan Bulshada Soomaaliland waxaan la garab taagannahay taageero iyo duco, waxaana ugu baaqayaa dadka Soomaaliyeed meel walba oo ay joogaan in ay is abaabulaan oo ay gacan u fidiyaan walaalahood.”

Dhankiisa, Madaxweyne Muuse Biixi Cabdi ayaa uga mahadceliyey Madaxweynaha Jamhuuriyadda Federaalka Soomaaliya sida ay uga go'an tahay garab istaagga ganacsatada ku waayey hantidooda dabka xalay ka kacay suuqa Hargaysa.

Madaxweyne Maxamed Cabdullaahi Farmaajo ayaa Alle uga baryay inuu hanti ka khayr badan ugu baddalo ganacsatadii uu khasaaraha ka soo gaaray musiibadan.

DHAMMAAD."

01/04/2022

Guddiga Doorashada Hirshabeelle SEIT ayaa shahaada Murashaxnimo gudoonsiiyay 4 Murashax oo ku tartamaya Kursiga Tirsigiisu yahay HOP #019.

1. Abdirahman Elmi Siyaad
2. Faadumo Khaliif Guuleed
3. Mohamed Abdulkadir Mohamed
4. Ahmed Mohamed Ibrahim

Doorashada kursigaas ayaa la qaban doona Maalinta Bari ah 02/04/2022.

31/03/2022

Guddiga Hirgalinta Doorashada Hirshabelle waxa uu shaacinayaa Guddiga Xulista Ergada (GXE) iyo Jadwalka cusub ee labada kursi ee hoos ku xusan.

jadwalkii cusub Waa sida tan;

01/04/2022. Diiwaangelinta ergada iyo Murashixiinta.

02/04/2022: qabashada doorashada.

✅HOP #019
✅HOP #059

29/03/2022

HAGRASHADU MAFIICNEE
HALYEEYADA U HIILIYA.

Musharax Xildhibaan Mohamed Abdikadir Mohamed Garyaqaan Mahomed Abdulkadir
Waa musharax utaagan Kursiga Hop019.

Mohamed Abdikadir Mohamed waa Sargaal dhalinyaro ah oo ku dhashay Baladweeyne ku barbaaray Baladweeyne ku wax bartay Baladweeyne ka shaqeeyo Baladweeyne.

Mohamed Abdikadir waa musharaxa kaliyah ee Xisbi iyo Qolo qooni ah wadan waa musharax ku yimid Rabitaanka Dadkiisa iyo Deegaankiisa

Waa musharax ka yimid Guud ahaan bulshada Dagan Gobalka Hiiraan qaasatan Beesha Faramage Samatalis (Reer Ugaas) ee leh Kursiga Hop019.

Haldoorka dhalinyarada ha loo hiiliyo

24/03/2022

Diyaarad siday meydadka AUN XL h**e Aamino Maxamed Cabdi ayaa goordhow soo caga dhigatay garoonka diyaaradaha ee Aadan Cadde.

Inta Badan madaxda Soomaali ah ayaa goob-joog ah garoonka.

24/03/2022

Wararkii ugu dambeeyey xaalada Beledweyne.

Xaaladda magaalada Beledweyne ayaa saakay degan, kadib markii xalay fiidkii ay laba qarax ay ka dhaceen, islamarkaana ay ku dhinteen dad badan oo ay ka mid aheyd xildhibaan Aamina Maxamed oo ka tirsaneyd xubnaha murashaxiinta ee halkaasi doorashada u joogay.

Sidoo kale waxaa qaraxyadaas ku dhintay siyaasiga Dhuxul Cali oo mar soo ahaa xildhibaan Baarlamanka Soomaaliya ka tirsana.

Qaraxyadan ayaa saameyn xoogan ku yeeshay magaalada, waxaana sidoo kale ka dhashay burbur lixaad leh, iyadoo lasoo warinayo inay kordheen tirada dhimashada & dhaawaca.
Ku simaha taliyaha saldhigga Booliska Beledweyne oo saaka Wariyeyaasha kula hadlay goobaha ay qaraxyadu ka dhaceen ayaa shaaca ka qaaday in aysan weli hayn tirakoob sax ah oo ku aadan khasaaraha rasmiga ah ee ka dhashay qaraxyadaasi, wuxuuna sheegay inay ku reebeen shacabka Beledweyne xaalad murugo badan oo bedashay jawigooda.

"Qaraxa hadda ka dhacay meesha aan taaganahay isbitaalka hortiisa oo inta ku dhimatay tirakoobkooda aanan heyn illaa iyo hadda oo dad aad u fara badan ay ku dhammaadeen," ayuu yiri ku simaha taliyaha saldhigga Booliska ee magaalada Beledweyne.

Sidoo kale wuxuu intaasi kusii daray "Qaybta siliga ee iridda oo iyadana qarax kale uu ka dhacay oo ismiidaamis ah oo qof jaakad xiran ah marka illaa iyo hadda masoo koobi karno dhimashada inta ay tahay,".