Farxad-bile mr wansh*ton

25/11/2022

Saadaali oo ku guuleeso abaaalmarin lacageed. Oo Dhan $150

Berito waxaa cayaari doono xulka Dugsiga Hoose/Dhexe &Sare Ee Daarul-Caaalim iyo Dugsiga S.Y. L

• like saara post-ga, iyo boga.
• ku share garey ugu yaraan 10 Group
• Soo saaladaali meeqaa lagu kala baxaa?
▪︎DooroNumber 100 ilaa 700

Abaalmarinta waxaa heli doono qofka ugu horreeyo ee saxa saadaasha. Sharuudahana biixsha

Yaan lagaaga sheekeyn.

14/11/2022

25/02/2022

01/03/2021

24/11/2019

Sida loo xusho saaxiib fiican sanadahan dambe; Haddii
saaxiibkaa ku hilmaansiiyo mobile-ka in aad eegto waa saaxiib
fiican, laakiin haddii aad mobile kaga mashquusho waa adigoo
qolkaaga cidlada ah ku jira oo kale

24/11/2019

Sonkor iyo cusbo wey isku qasmikaraan lkn xitaa
weydiidaa cusbada wexeyna qaadataa
kaliya sonkorta.Dooro lasocodka dadka wngsn
kana dhig noloshaada mid maxaan.

24/11/2019

Wanaag ku bedel xumaan kasta, dhoola cadee goortii aad
murugeysan tahay, ku qanacsanow halka aad joogto iyo waxa
aad heysato. Had iyo jeer cafi cid kasta. Ogow dadku way is
bedelaan, qaladaad waa dhacaan, laakiin xusuusnow noloshu
waa soconaysaa

24/11/2019

Waxa jirkeyga u soo dhibtooday una soo adkeystay way u
qalantaa wixi aan gaaray Nolosha. Qofka aan lahayn
geesinimo ku filan uu ku wajaho khatar kasta oo ka hor
timaada marnaba ma gaarayo wax guul ah Nolosha

31/10/2019

Wadanka mareykanka waa wadanka 3aad oo ugu weyn aduunka, waxoo ku xigaa Ruushka iyo Kanada. wadanka mareykanka waxoo xuduudka ugu dheer la leeyahay Dalka Kanada oo ka xiga dhinaca woqooyiga, waxaa ku xiga Meksiko oo ka xigta Koonfurta. Dhinaca bariga waxaa kaga dhegen Badweynta Atlaantik dhinaca Galbeedka neh Badweynta Baasifik.Wadanka Mareykanka waxa uu leeyahay muuqaalo dabiici ah sida: buuro, geedo iyo saxaro kuwaasoo dhaca koonfur galbeed.

31/10/2019

Mareykanka (Af-Ingiriis: United States of America, loo soo gaabiyo U.S.A; Gobolada Isku Tegay ee Ameerika; carabi: الولايات المتحدة) waa dawlad Federaal Dastuuri ah dhacdana bartamaha Waqooyiga Ameerika. Waxay ka koobantahay 49 gobol iyo Degmada Kolombia, (D.C. ama "District of Colombia"), oo ah magaalo-madaxda wadanka iyo xarunta dowlada wadanka. Waxaa ka xiga dhanka waqooyi Kanada, koofur Meksiko, iyo Gobolka Alaska oo dhaca Waqooyi Galbeed Qaarada Ameerika.
Masaaxada (badka) wadanka Mareekanka waa 9.83 milyan km2, tirada dadkane waa 309 milyan Dawlada Mareykanka n xaga dhulka ama badka wadanka ku fadhiyo, waana dawlada seddexaad ee ugu dad badan aduunka, dad degen dalka mareykanka waxee gaarayaan ilaa 310 miliyan oo qof. Sidoo kale waa wadanka koowaad oo ay ku noolyihiin dad kala dhaqan iyo kala asal ah. Dhaqaalaha Mareykanka waa kan ugu balaaran dunida, ayadoo lagu qiyaasay sanadii 2008 aduun dhan 14.4 tiriliyan oo Dollarka Mareykanka wax soo saarka wadanka ee dabada loo iib geeyo.

Wadanka Mareykanka wuxuu xonimadiisa ka helay gumeestihii Boqortooyadii Ingiriiska sanadka marka oo ahaa 1776ii, wakhtigaasi oo Mareykanku ka koobnaa 13gabol oo ku yaalay dhinaca bariga ee dalkaas. Wadanka waxoo balaaraday bilaawgii 1800meeyadii, waxoona gobolo ka qabsaday wadamada Faransiiska, Isbaanishka, Ingriiska, Maksiko iyo Ruushka, waxoona ku sii darsaday labada gobol oo markaas ahaa jamhuuriyado, Teksas iyo jasiirada Hawaay. Khilaafkii ka dhashtay Gobolada Koonfurta iyo woqooyiga oo markaas ku murmaayay xukunka gobolada iyo dhinaca adoomada waxoo sababay dagaalkii sokeeyay oo dhacay sanadka marka oo ahaa 1860meeyadii. Gobolada woqooyiga ayaa ku guuleestay in ee wadanka mideeyaan isla markaaas neh oo joogsaday adoonsiga. Dagaalkii mareykanka iyo spania iyo dagaalkii aduunka kii labaad, militariga mareykanka waxaa lagu gartay in oo yahay kan ugu awooda badan aduunka.dhamaadkii Dagaalkii aduunka kii 2aadm, waxoo wadanka mareykanka ahaa wadanka kaliya oo watay bombada halista ah ee looyaqaan atombomb.Marka ee dhacday xukunkii soviet union 1991kii , wadanka mareykanka waxoo ku soo baxay wadanka kaliya oo ugu awooda ween aduunka.

31/10/2019

“Zealandia”Qaarad cusub oo qarsoon oo laga heley biyaha Badweynta Pacific ga hoostooda
(Reuters)-Seynisyahanno ayaa sheegay in la helay qaarad u dhiganta saddex-meelood laba meelood Australia taas oo ku hoos jirta biyaha Badweynta Pacific ga ee koonfurta-galbeed.

Qaaraddan ayaa dhul ahaan lagu qiyaasay ku dhawaad 4.5 malyuun oo kilomitir oo isku soo wareeg ah taas oo 94% kamid ah ay biyaha hoostooda ku jirto oo aynan dusha kasoo muuqan waxa aanan ahayn keliya labo dhibcood oo kala ah New Zealand iyo New Kaledonia.

Nick Mortimer oo ah xeel-dheere ka howlgala machadka( Institute of Geological and nuclear Sciences) ee New Zealand ayaa waxa uu yidhi, “Waa arrin niyad jab nagu ah hadii aan nahay geologist sababta oo ah biyaha badda ee halkaas…,haddii aan awoodi kari lahayn in biyaha badda aan ka jiidno qaaraddani waxa ay u muuqan lahayd qof walba, waxa jira silsilado buuro ah iyo qaaraddan weyn oo qolofteedu ay kasoo muuqata badda.”

Mortimer oo hogaaminaya kooxda cilmi-baadhayaal ah oo daraasadan cinwaan uga dhigay “Zeelandia: qaaradda ka qarsoon dhulka,” taas oo tilmaameeysa in daahfurkan cusub uu muujinayo wixii saynisyahanadu ay h**e u tuhmayeen in muddo ah.

Haddii culumadani ay qiraan daahfurkan cusub waxa lagama maarmaan ah in dadka wax xardha ama sawira ay ku dari doonaan muuqaalka khariidada qaaraddan siddeedaad iyo Atlas.

Waxaa la rumeysan yahay in “Zealandia” ay ka go’day Australia ku dhawaad 80 malyuun oo sano ka hor, kadibna ay ku degtay biyaha hoostooda iyadoo ka go’day qaaraddi weynayd ee loo yaqaanay Gondwana Land.

31/10/2019

aga heley biyaha Badweynta Pacific ga hoostooda
(Reuters)-Seynisyahanno ayaa sheegay in la helay qaarad u dhiganta saddex-meelood laba meelood Australia taas oo ku hoos jirta biyaha Badweynta Pacific ga ee koonfurta-galbeed.

Qaaraddan ayaa dhul ahaan lagu qiyaasay ku dhawaad 4.5 malyuun oo kilomitir oo isku soo wareeg ah taas oo 94% kamid ah ay biyaha hoostooda ku jirto oo aynan dusha kasoo muuqan waxa aanan ahayn keliya labo dhibcood oo kala ah New Zealand iyo New Kaledonia.

Nick Mortimer oo ah xeel-dheere ka howlgala machadka( Institute of Geological and nuclear Sciences) ee New Zealand ayaa waxa uu yidhi, “Waa arrin niyad jab nagu ah hadii aan nahay geologist sababta oo ah biyaha badda ee halkaas…,haddii aan awoodi kari lahayn in biyaha badda aan ka jiidno qaaraddani waxa ay u muuqan lahayd qof walba, waxa jira silsilado buuro ah iyo qaaraddan weyn oo qolofteedu ay kasoo muuqata badda.”

Mortimer oo hogaaminaya kooxda cilmi-baadhayaal ah oo daraasadan cinwaan uga dhigay “Zeelandia: qaaradda ka qarsoon dhulka,” taas oo tilmaameeysa in daahfurkan cusub uu muujinayo wixii saynisyahanadu ay h**e u tuhmayeen in muddo ah.

Haddii culumadani ay qiraan daahfurkan cusub waxa lagama maarmaan ah in dadka wax xardha ama sawira ay ku dari doonaan muuqaalka khariidada qaaraddan siddeedaad iyo Atlas.

Waxaa la rumeysan yahay in “Zealandia” ay ka go’day Australia ku dhawaad 80 malyuun oo sano ka hor, kadibna ay ku degtay biyaha hoostooda iyadoo ka go’day qaaraddi weynayd ee loo yaqaanay Gondwana Land.

23/09/2019

Qofku in uu naftiisa ku kalsoonyahay waa midda ka dhigta mid cid kalena ku kalsoon ama isaga cid kale ku kalsoonaato. Naftaada oo aad xaqirtaa waa bilawga jabkaaga. Qofka aan naftiisa ku kalsoonayn go’aan ma qaadan karo, dhib ma xallin karo, naftiisu ma xasisho, guulna ma gaadhi karo. Kalsoonida naftu waa inta aad aaminsatahay ama aad rumaysantahay awoodaha Alle (swt) uu ku siiyay iyo nicmooyinka faraha badan ee aad haysato. Haddii adigo oo wax sameyn kara aad u malayso in aanaad waxaa awoodin, taas macnaheedu waa kalsooni darro kaa haysata naftaada.

kalsoonidu waa hubka ugu mudan ee uu u baahanyahay qof kasta oo raba in uu sameeyo is badal kana tago nolol iyo heer una guura mid ka qurux badan kana heer saraysa taa h**e. waana agabka ugu muhiimsan in uu dhiso qof kasta oo raba in uu guuleysto. kalsoonidaadu kolba inta ay leegtahay ayay farxaddaaduna tahay.

Dhawr arrimood ayaynu ku dareemi karnaa in qof ama adigaba xaaladani kulasoo daristay waxaana ka mid ah: Qofka oo aan ku qanacsanayn muuqaalkiisa, qayb ka mid ah xubnaha jidhkiisa ama ficiliadiisa sida: qosolka, codka, dhererka, midabka, socodka. Waxa ka mid ah qofka oo aan rumeysanyn in uu u qalmo inuu gaadho meel sare ama uu qaban karo hawl gaar ah; ka dibna wax kasta ku riixa qof kale oo uu is leeyahay waxan ayuu kaaga habboonyahay; iyada oo aanay ka ahayn taageero uu qofkaas uun uu u hayo balse ay ka tahay; isaga oo is leh adigu uma qalantid waxaas ama meeshaas. Waxa ka mid ah cabisada joogtada gaar ahaan in uu ka baqo mustaqbalka, guusha, fashilka iyo waxyaabaha kale ee ku xeeran; taasoo ka hor istaagaysa in uu adeegsado kartidiisii. Waxa ka mid ah qofka oo isku deygiisu aad u yaryahay. Haddii uu isku dayana caqabadaha u nugul oo markaba niyad jaba. Joogteyn la’aan ay sababtay aaminaad darro ka haysata in uu shaygaas ka midha dhalin karo..iwm.


Waxa jira waxyaaba kalsoonidaada hoos u dhigaaya iyo kuwa kale oo sare u qaadaya. Kuwaas oo kaaga baahan in aad mar kasta fiira gaar ah u yeelato kana digtoonaato.

Waxa kor u qaada: Waxa ka mid ah:

ü inaad sameyso tijaabooyin sida in aad dajisato yool aad hiigsanayso ka dib aad jaangoyeso qorshayaal iyo himilooyin fudfudud oo aad u xadidaday waqti ka dib aad ficil ku darto si aad ugu gaadho yoolkaaga. Mar kasta oo aad dhanka hiraalkaaga talaabo u qaado waa mar kasta oo aad naftaada wax badan aamiinto. Jidka yarina ka weyn ayuu kugu ridayaa. Illaa aad mashaariic iyo hawla waawayn aad marka dambe ku dhiirato hawl yaraana aad ugu guuleysato.

ü in aad kor u qaado hankaaga oo mar walba meesha aad joogto hadda, barri aad hoos usoo eegto adigoo haddana sii hiigsanayaa halkaa aad gaadhay meel kasii h**eysa. Ha ka ficil qaadan ka kaa dambeeya, hana la tartamin kan kula midka ah ee hortaada eeg markasta iyo kolba ka kaa h**eeya.

ü waxa kale oo ka mid ah baadhitaanno aad ku sameyso dadka nolasha heer ka gaadhay gaar ahaan kuwooda laxaadka la’. Inkastoo lagu tilmaamo in ay naafo yihiin, marka aad aragto noloshooda sida ay u maareeyeen iyo sida ay u gaadheen wax kasta oo ay hiigsanaayeen waxa aad ogaanaysaa in naafadu ay ka duwantahay lixaad aad beeshay balse ay tahay adigoo dhamaystiran oo haddana adeegsan waayay awoodaha Alle ku siiyay. Waxa kuusoo baxaysa dadkani in ay kula mid yihiin qaarkoodna aad kaba fursad badantahay marka loo eego waxa ay haystaan ama halka ay nolasha ka bilaabeen.

Waxa hoos u dhiga: waxa ka mid ah:

Adiga oo dhagta la raac raaca erayada hoos u dhigaaya hankaaga ee kaaga imanaaya qaar ka mid ah ehelkaaga, ama asxaabtaada. Adiga oo dhagaysta erayada taban ee gudahaaga kasoo baxaaya kuwaas oo ay ka mid yihiin: Hebel iyo heblaayaba way iska noolyihiin waxna ma sameeyaan ee adiguna iska nooloow uun. Adiga oo ka baqa fashil kugu yimaada. Xirfadaaha aad adeegsanayso oo liita. Iyo iimaankaaga oo hoos u dhaco.

Damacaaga fogee, oo ha dooran xumaanta
Duruusta nolasha, duruufaha ka dhex raadi
Ka dheerow dadkana, ka dillaaya hankaaga
Wixii aan dambi layn, ha u daymo la’aanin….

Imaankaagu haddii uu siyaado waxay ka dhigantahay kalsoonidaada ayaa badatay. Kalsoonidaadu haddii ay badatana naftaada ayaa xasishay. Ka dib waxa aad ku guuleysan kartaa wax kasta oo aad u dhaqaaqdo . H**e u soco sidii wax dhaga la’ oo aan maqlahayn hadalada iyo dhacdooynka niyad jabka kuu keenaya. Waxa kaliya ee kusoo xidho ha noqdo Diinta Islaamka oo ay asaas u yihiin Qur’aanka iyo Axaadiistu. Wixii aad taqaan ku dhaqan, wixii kalana la kaasho inta ehelka u ah.

Waa hubaal in aad wax badan jiritaankaaga iyo naftaada ku qanci oo aad rumeysan; marka aad ruuxdaada nooleyso kuna noolayso Alle ka cabsi, xus, ducooyin, Qur’aanka oo aad u fiirfiirsato, akhrinta qisooyinkii anbiyada, siiradii Nabiga (csw), taariikhdii islaamka. Sidoo kale aad is raadiso oo aad is soo hesho qofka aad tahay, sababta aad u jirto waxa laguu abuuray iyo waxa adiga gaar Alle kuugu galaday ee hibo ah.

Diinta waxa aad ku baratay in Alle aadanaha uu siiyay awoodo badan, in adduunka uu u keenay inay isaga uun ku caabudaan, wanaagna ku cammiraan oo ay iyagu maamulaan; wuxuuna u sakhiray dhammaan abuurkiisa kale. Mar kale waxaad ka dhex helaysaa adiga shaqsiyadaada gaarka ah Alle nimcooyinka uu ku siiyay ee qalbiga, lixaadka, hibooyinka iyo maskaxadu ka midka yihiin. Waxaad ogaanaysaa in Alle dadkiisa cadaalad u sameeyay hadday tahay dhanka kartida iyo hadday tahay dhanka waqtiga. Ka dib waxaad is weydiinaysaa haddiiba qof uu wax awoodo in adiguna aad awoodo isla waxaas. Laakiin waa goorma waa marka aad la timaado dadaalkii uu la yimid qofkaasi mid la mid ah am ka badan.

Is weydii su'aalahan si' aad naftaada u tijaabisid qudhaadu heerka ay kalsoonidaadu tahay:

_Ma laga yaabaa in aad sameysid xilliyada qaar wax aanay naftaadu raali ka ahayn, si aad dad kale ugu farxad galisid?
_Ma waxa ku dhiiri galiya uun, Malaha ay dadka kale kaa qabaan iyo kolba sida ay kuu arkaan?
_Markay wax kuu qabsoomi waayaanba, ma horaad ka niyad jabtaa, waanaad is dhiibtaa?
_Ma waxaad ku tamirisaa uun, faallooyinka iyo kolba intaad cajab galisay ?
_Markaad qalad samaysaba, naftaada miyaad ugu yeedhaa erayada ay ka midka yihiin, waxaan ahay: Doqon, wax ma tare, dulli iyo kuwa la mid ah ?

Haddii dhammaan aad HAA, kaga jawaabto; Kalsoonida naftaadu waa mid u eeg in ay hooseyso. Waxaad se haysataa fursad aad kor ugu qaadi karto haddeer.

Guud ahaan natiijooyinka kalsoonida waxaa ka mid ah: Geesi nimo, go’aan gaadhid, guul iyo farxad. Waxaad noqon qof isku arka in uu yahay muhiim. Dadkuna ay u baahanyihiin, wax badana qabsan kara dadkana u qaban kara. Waxaad qaadan go’aano toosan kuwaas oo dhammaan kugu ridaaya jidka hiraalka kuu dajisan goor kasta. Wax badan ayaad ka gun gaadhi waxaanaad kasoo hoyn guullo badan dhan kasta oo nolasha ka mid ah. Waad xasili oo waxaad dareemi reyn reyn. Waxaanaad ogaan in aa tahay qof jira wax badanna sameyn kara sababtoo ah waxaad ogaatay in aad ka mid tahay hoggaankii adduunka. Odhan maysid waxaa ma aqaan ee waad baran, Odhan mayasid suurta gal maaha ee waad tijaabin. sidoo kale odhan maysid ma awoodo ee waad isku dayi.


Kaska ood ku hayso inaad korto buurta
kow waxa ka ah inaad gaadho korkeeda
adoo ku kalsoon kartida eebbe ku siiyay

23/09/2019

Godkan dhulka hoostiisa mara ee la yiraa Gotthard oo dhererkiisu yahay 57 Kilomitir waxaa laga dhisay buuraha Alps hoostooda, waxaana loogu tala galay inuu saxmadda gaadiidka ka qaado waddooyinka dalka Switzerland.
Waxaa uu qayb ka yahay hab isku xiraya tareennada woqooyiga iyo koofurta qaaradda Yurub. Godkan waxaa lagu tilmaamay inuu yahay mucjiso xagga injineeriyada, waxaana Switzerland ay ku guulaysatay inay waqtigii iyo lacagtii loogu tala galay ku dhisto, taas oo ah 12 bilyan oo dollar.
Mashruuca dhismaha godkan oo ah kan adduunka ugu dheer, hoosna ugu qodan, waxaa uu qaatay kudhowaad 20 sano. Switzerland waxay sheegtay inuu casriyeyn doono gaadiidka xamuulka qaada ee qaaradda Yurub.
Alaabooyinka ay hadda waddooyinka ku qaadaan malaayiin baabuur ah sanadkii, waxaa hadda kaddib qaadi doona tareennada.
Godkani waxaa uu dhaafay god dhulka hoostiisa mara waddanka Japan oo dhererkiisu ahaa 53.9 kilomitir, lana yiraahdo Seikan oo h**e u ahaa kan adduunka ugu dheer, waxaana uu kaalinta 3aad u riixay dhuunta godka isku xira dalalka Ingiriiska iyo Faransiiska oo dhererkiisu yahay 50.5 kilomitir.
Hoggaamiyaha Jarmalka, Angela Merkel, madaxweynaha Faransiiska, Francois Hollande iyo Ra'iisal wasaaraha Talyaaniga, Matteo Renzi, ayaa madaxda Switzerland kala qayb galay xafladda weyn ee furitaanka mashruucan.
Lahaanshaha sawirkaAFPDhismaha mashruucan waxaa lagu ansixiyay afti laga qaaday dadweynaha Switzerland sanadkii 1992-dii. Heerka dhuuntani waa 46 darajo oo centigrade ah. Injineerradu waxay buuraha hoos u qodeen 2.3 kilomitir, waxayna burburiyeen 73 nooc oo dhagxaan ah, intii hawshaasi socotayna waxaa ku dhintay sagaal qof oo shaqaale ahaa. Waxaana godkaasi laga soo saaray 28m oo ton oo dhagxaan ah.
Waxaa uu hadda isku xirayaa Rotterdam oo Netherlands ah iyo Genoa oo Talyaaniga ah. Marka uu si buuxda u hawl galo bisha December ee sanadkan.
Waqtiga safarka ee magaalaooyinka Zurich iyo Milan saacad ayaa laga jaray, waxayna noqon doontaa laba saacadood iyo 40 daqiiqo.
260 tareennada xamuulka qaada ah iyo 65 tareennada dadku raaco ayaa maalin walba ka gudbi doonaa dhuuntaas safar qaadan doona 17 daqiiqo oo keliya.
Dhuunta waxaa lagu dhisay lacag canshuur ah oo shidaalka lagu kordhiyay iyo canshuurta waddooyinka, waxaana ay dib ugu soo xaroon doontaa muddo toban sano gudahood ah. Bangiga Switzerland waxaa uu sheegay in faa'iidooyinka dhuuntan ay ka mid noqon doonaan alaabooyinka oo sahal isugu-gudba iyo dalxiiska oo sare u kaca.

12/09/2019

Dalka Brunei ayaa si weyn looga hadal hayay caalamka kaddib markii dalkaasi lagu soo roggay ku dhaqanka shareecada Islaamka islamarkaasna la ciqaabayo ciddii geysata dambiyada sida Sinada balse weli waxaa halkaasi ka taagan aamusnaan, sida uu ku warramayo weriyaha BBC Jonathan Head .

Caasimadda Brunei, waa Bandar Seri Bagawan, waa magaalo xasiloon, waxaana ku yaalla misaajido waaweyn oo lagu xardhay qoraallo luqadda carabiga ah oo dhaldhalaya, waxaana sidoo kale lagu arkaya waddooyika magaalada sawirka hoggaamiyaha dalkaas, Suldaan Xasan Al Bolkiah.

Dalkan waxaa uu ka mid yahay dalalka yar ee weli uu ku haray nidaamka ku saleysan dhaxaltooyada maamulka ee adduunka, Suldaanka waxaa uu awood ku leeyahay baarlamaanka dalkaas.

Suldaan Xasan Al Bolkiah hadda waxaa uu isku hayaa jagooyinka kala ah, Ra'iisul wasaaraha, wasiirka arrimaha dibadda, wasiirka gaashaadhigga, wasiirka maaliyadda iyo hoggaamiyaha arrimaha islaamka dalka Brunei.

Hadalkiisa ayaa sharci ka ah dalkaasi oo ah in lagu dhaqmo.

Dal soo rogey shareecada islaamka iyo cabasho ka dhalatay
Madaxweynaha Kenya oo ''la la'yahay''
Image copyright GETTY IMAGES Suldaan Xasan Al Bolkiah ayaa ah nin awood leh
Image caption Suldaan Xasan Al Bolkiah ayaa ah nin awood leh
Diinta Islaamka

Brunei waxaa guumeystay Ingiriiska tan iyo sannadkii 1984-tii, markii uu dalka xoriyadda qaatay waxaa looga dhawaaqay mabaadii'da Islaamiga ah ee ku saleysan nidaamkii dhaxaltooyada maamulka ee qowmiyadda Malay.

Dadka reer Brunei, waxaa dhaqan u ah 'ilaalinta luqadda Malay, dhaqanka iyo caadooyinka bulshadaas, ku dhaqanka shareecada islaamka, qiyamka nidaamka dhaxaltooyada maamulka.

Brunei waxaa guumeysanayay Ingiriiska tan iyo sannadkii 1984-tii oo ay xoriyadda qaadatay
Image caption Brunei waxaa guumeysanayay Ingiriiska tan iyo sannadkii 1984-tii oo ay xoriyadda qaadatay
Tan iyo markii uu dalkan xoriyadda qaatay, Suldaanka Brunei waxaa uu dalka u jiheeyay nidaamka ah ilaalinta iyo ku dhaqanka shareecada islaamka.

Dominik Mueller oo ah khabiir ka faalooda arrimaha islaamka koonfur bari qaaradda Aasiya kana howlgala macadka barashada cilmiga bulshada ee Halle ee ku yaalla Jarmalka si dhawna ula socday xaaladda Brunei ayaa yiri sidatan, "Suldaanka wuxuu si joogta ah dalka uga dhaqangeliyay shareecada islaamka saddexdii sanno ee lasoo dhaafay, gaar ahaan markii ugu horreesyay uu xajka tegay sannadkii 1987-kii, waxaa uu dhowr jeer soo saaray shuruuc adag oo oo waafaqsan shareecada islaamka"

Xilli salaadda Jimcaha ay tukanayaan dadweynaha reer Brunei
Image caption Xilli salaadda Jimcaha ay tukanayaan dadweynaha reer Brunei
Muelller waxaa uu intaas ku daray 'arrintani wxay si gaar ahaaneed uu dabada uga riixayo Suldaanka balse waxaa sidoo kale uu u arkaa in loo baahan yahay nidaam siyaasadeed oo u horseedi karo inuu sii ambaaqado dowlad Islaami ah xilli ay soo wajaheyso mucaarado Islaami ah oo su'aal gelin karta nidaamka dhaxltooyada ee maamulkiisa'

Dalka Brunei, looma ogolo inay ka howlgalaan mucaaradka iyo dadka madaxabannaan ee u doodo bulshada rayidka tan iyo markii uu xoriyadda dalkaas qaatay, waxaa dalka ka taagan xaalad degdeg ah tan iyo sannadkii 1962-dii taas oo mamnuuceysa xoriyatul qowlka.

Milatariga Suudaan "waa qasab in dalka lagu xukumo shareecada Islaamka"

Haweeney Muslin ah oo taageero ku heshay sawir ay la gashay kooxaha Islaamka neceb

Warbaahinta xorta ah ee dalkan looma ogolo inay wararka tebiyaan halka warbaahinta loo arko inay baalmarayaan xeerka lagu xannibayo albaabada laisugu dhufto, sida lagu sameeyay wargeyska Brunei Times sannadkii 2016-kii.

Brunei waxay ku tiirsan tahay dakhliga kasoo gala wax soo saarka shidaalka
Image caption Brunei waxay ku tiirsan tahay dakhliga kasoo gala wax soo saarka shidaalka
Waxaa adag in weriyo uu booqdo dalkaasi, dadka waxay ku wanaagsan yihiin soo dhaweynta iyo caawinta martida, balse waxaa adag in aad ka dhaadhiciso inay ka war bixiyaan arrimaha ku saabsan sharciga islaamka ee dalkaas lagu soo roggay.

Dadka waxay ka walaacsanayeen la kulanka koox ka socotay BBC, dowladda wax jawaab ah k**a aysan bixin cosdsiyo dhowr ah oo aan u gudbinay.

Xaaladda Nolosha

Koox ka tirsan muslimiinta dalkan oo aan kula kulanay misaajidka weyn ee Al-Safiyuddiin ayaa inoo sheegay in arrintani ay ka hadli karaan oo kaliya ah mas'uliyiinta jagooyinka ka hayo dalkaas.

Dhaqaalaha Brunei ayaa hoos u dhacay, shaqo la'aanta dhalinyarada waa middii ugu darneyd ee ku habsata dalkaas, xilli ay meesha ka baxday shaqooyinkii dowladda.

Webiga ku yaalla magaalada Limbang
Image caption Webiga dhexmara bartamaha magaalada Limbang
Inkasta oo aanan war laga heyn, dowladda waxay wadaa barnaamij loogu magac daray higsiga sannadka 2035-ka kaas oo lagu wado in Brunei ay ku ballaariso wax soo saarka iyo ku tiirsanaanta gaaska dabiiciga ah iyo batroolka.

Waa xilli duhur ah oo la joogo maalin Jimca ah, waddooyinka magaalada caasimadda ah ee Bandar Seri Bagawan waa ay maran yihiin, xilli dadka ay aadeen misaajidada, waxaa albaabada laisugu dhuftay iskuulada iyo xafiisyada.

Markii la gaaray habeenka Sabtida, qaar kamid ah dadweynaha Brunei waxay ka taallabeen xadka Malaysia si ay ugu soo caweeyaan halkaasi, waxay u raadsadaan sigaarka, khamriga iyo heesaha oo aanan laga ogoleyn dalkooda.

Qaar kamid ah dadweynaha Brunei waxay ku caweeyaan huteelo ku yaalla dhanka Malaysia
Image caption Qaar kamid ah dadweynaha Brunei waxay ku caweeyaan huteelo ku yaalla dhanka Malaysia
Halkan waa magaalada Limbang oo ku taalla dhinaca Malaysia, huteelada iyo goobaha lagu caweeyo halkan wa ay buux dhaafeen, waxaana halkan la dhigay baabuur lagu arkayo taarikada dalka Brunei.

Mid kamid ah, goobta waxaan kula kulanay, koox aanan muslim aheyn oo ku caweynaya halkan.

Waxaan weydiyay in noloshooda ay saameyn ku yeelatay shareecada islaamka lagu soo roggay Brunei? Waxay ii sheegeen in si xor ah halkan ay u yimaadaan isla markaasna nolol wanaagsan ay ku heystaan Brunei.

10/09/2019

CASHARKII KONTONKA SHILLIN EE DHABAR-ADAYGGA.
====================================

Waxyar kadib markii wiil dhalinyaro ah oo magaciisu yahay Darby uu jaamacadda ka qalin-beddeshay(qalin-jabiyey)ee uu go'aansaday in uu dahab qodashada ku biiro, ayaa waxaa soo martay fursad baraysa in "Maya" marka lagu yiraahdo aadan MAYA u qaadan oo quusan.

Galab isaga oo kaalmaynaya adeerkiis oo ay dhex joogaan beertiisa oo dad madow aad u badan ahi uga shaqeeyaan, ayaa albaabkii loo soo galay. Haddii uu eegay waa gabar yar oo madoow ah oo iridka taagan. Adeerkiis ilmahii ayaa uu kor u eegay kadibna cod ku qaylin ah ku yiri "Maxaa aad doonaysaa?
"Ilmahii ayaa cod baqdin ah ku tidhi "Hooyaday ayaa ii soo dirsatay kontonkeedii shillin""Ma aan siinayo ee orod gurigiinnii aad" ayaa adeerkiis ugu warceliyey."Haye mudane" ayaa ay tidhi balse ma dhaqaaqin ee waa sii taagnaatay.

Adeerkay shaqadiisii ayaa uu isaga laabtay mana dareensanaba inanta ama gabadha yar ee albaabka wali taagan. Mar dambe ayaa uu dhankeedii soo eegay oo arkay waana qayliyey "Soo kuma odhan orod oo gurigiinnii aad, orod hadda tag haddii kale waa aan kuu soo jeensannin""Haye mudane" ayaa ay tiri balse tallaabo ma qaadin.
Adeerkiis jawaan uu siday ayaa uu inta dhigtay oo alwaax ag yaallay soo qaaatay ayaa uu ku soo dhaqaaqay isaga oo u muuqda mid dhib gaysan doona. Darby neefta ayaa ku ceshantay. Waxaa u muuqatay in uu goobjoog u ahaan doono dambi dil ah oo dhici doona. Waxa uu ogaa in adeerkiis uu aad u caro darnaa. Waxa uu ogaa in ilmo madoow ahi uusan awood u lahayn in uu ku soo hadal cesho qof caddaan ah.

Markii adeerkiis soo gaaray halkii inantu taagnayd ayaa ay inta tallaabo horay u qaaday oo hortiisa soo istaagtay, korna u eegtay ayaa ay qaylo halkii ugu dambaysay ku dhawaaqday ayey ku tiri "Hooyadeey waa in ay heshaa kontonkeedii shillin". Adeerkiis waa istaagay, cabbaar eegayay kadibna inta alwaaxii iska dhigay oo jeebkiisa gacanta gashtay soo bixiyey lacag dhan konton shillin kadibna siiyey. Ilmahii lacagtii ayaa ay qaadatay kadibna gadaal-gadaal iridkii uga baxday ayada oo wali eegaysa ninkaas ay ka adkaatay. Markii ay baxday ayaa adeerkiis santuukh ku kor fariistay kadibna cirka ku dhaygagay isaga oo la yaabban jeedalka inantaas yari ay ku dhufatay. Darby isaguna sidaas oo kale ayaa uu feker ku maqanyahay.

Waxa ay noqotay markii ugu horraysay ee uu arko ilmo madoow addoon ah, oo ka adkaaday mudanihiisa caddaanka ahaa.Sidee ayaa ay inantaas ama gabadhaas yari awooddaas u heshay? Maxaa adeerkiisii uu yaqaanay carradiisa ka dhigay shimbir sidii la rabay laga yeelay? Waa maxay awoodda indho-sarcaadkaah ee inanta yari ay adeegsatay, ee keentay in ay maamusho ninkii ay addoomada u ahaayeen iyada iyo waalidkeedba? Waydiimahaas iyo kuwo kale ayaa ka dhex walalac-laynayagudaha maskaxda Darby, jawaabna uma uusan helinin illaa sanado badan kadib oo ah markauu sheekadaan iiga sheekaynayo.

La yaab ayaa ay ahayd in marka mudane Darby uu iisheegayo sheekadaan uu taagnaa halkii inanta yari kaga adkaatay odaygii adeerkiis ahaa. Waxaa ayadana yaab sii leh in aan aniguna labaatan iyo shan sano oo la soo dhaafay aan darsayay awooddaas keentay in inantaas yar ee madowga ah ee aan aqoontana lahayn ay ka adkaato odaygaas. Annaga oo meeshaas taagan ayaa markii uu sheekadii ii dhammeeyey Darby uu igu yidhi: "Maxaa aad ka garatay sheekadaan?
Maxaa aad u malayn in ay ahayd awoodda inanta yari ay adeegsatay?

Haddaba adigu akhristoow, maxaa aad ka garatay, maxaa se ka faa`iidday?

Hadii aad ka heshay qormadan lawadaag asxaabtaada kale si ay kula faaiidaystaan.. mahadsanidin...
BUUGGA : THINK AND GROW RICH
Turjamdii: Dr Jama Sahal

06/09/2019

Diblomaasiyadda Kenya ee Kamau uu hoggaaminayo
September 6, 2019
Dhegeysiga dacwada badda waxuu ka bilaabanaya Maxk**ada ICJ September 9, 2019 haddii uusan jadwalka isbedelin. Dowladda Soomaaliya ayaa horgeysay Maxk**ada ICJ, dacwad ka dhan ah dowladda Kenya August 28, 2014. Maalintaas wixii ka dambeeyey, xiriirka Muqdisho iyo Nairobi, aad ayuu u sii xumaanaayey.

Ka dib markii wadahadalo xaldoon ah, oo soo jiitamayey muddo shan sanadood ah ay miro dhallinwaayeen, ayaa dowladda Soomaaliya maxk**ada ka codsatay inay go’aan ka gaarto sohdinta badda ee labada dal, ayadoo la raacayo qaanuunta baddaha caalamiga.

Halkii Kenya laga sugayey ka soo warcelinta (muddaca) dacwada, ayay Oktoobar 7, 2015 soo gudbisay diidmo hor u dhac ah. Hase yeeshee, Maxk**adda ICJ ayaa Febraayo 2, 2017 gaashaanka ku dhufatay, doodii marmarsiyada ahayd ee Kenya (preliminary objections). Qaraarku wuxuu caddeyay, inkastoo uu heshiis h**e jirey, haddana maxk**ada k**a horistaagayo gudagashadda waajibkeeda dacwadda hortaal.

Soomaaliya iyo Kenya waxay ku kala aragti duwan yihiin jihaynta soohdinta marta xeebta ay waddaagaan. Soomaaliya waxay aaminsan tahay in xuduudeeda badda ay si toos ah ula socoto midda dulka, taasoo ah xariiqda toosan ee loo yaqaan (median line or equidistance line). Aragtida Soomaalia waa tan caalamka guud ahaan isku raacsan yahay.

Kenya waxay ku adkeysaneysaa in sohdin-baddeedka ay la wadaagto Soomaaliya ay tahay barbar dhac (parallel) ka soo burqata xariiqda toosan ee labada dal wadaagaan. Sheegashadaas, waxay Kenya ku heleeysaa dhul-badeed Soomaaliyeed oo baaxadiisa lagu qiyaasay 100,000 Sq Km, lana mid ah qiyaas dhuleed (bedka) gobolka Jubaland.

Ismandhaafka wuxuu sii xoogeystey, kadib markii ay dowladda Kenya ku xadgudubtey ujeeddada heshiiskii is-afgaradka ee lagu gaarey Nairobi, 2009kii. Kaas oo xusayaa inuusan xallineyn wixii muran ahaa ee labada dal h**ey ugu socdey ee ku saabsanaa sohdinta kala qaybisa xeebahooda.

2012kii Kenya iyadoo hab qaldan u isticmaalaysa heshiiskii, ayey shirkadaha shidaalka baara ka xaraashtay 8 waxaad oo 7 ka mid ah ku yaalaan aaga Jamhuuriyadda Soomaaliya. Falkaas sharci darrada ah wuxuu xadgudub bareer ah ku yahay, xuquuqda sahaminta iyo uruurinta dakhliga ay ka qaadatay, (The East African – August 25, 2012).

Xaraashka Kenya ee badda Soomaaliyeed waxay daba socotey markii hab qadarin la’aan ah oo ay isla weyni ku dheehan tahay, ay gacan dhaaf ku sameysay madaxbannaanida iyo qaranimadda Soomaaliya. Oktoobar 2011, Kenya waxay si ulakac ah ugu xadgudubtay xuduuda Soomaaliya ayadoo ujeeddadeedu ahayd inay hesho maamul goboleed Soomaaliyeed oo hoostaga “buffer state.

29/08/2019

Maalin Wanaagsan dhamaan inta qaaliga ❤🙏

Aduun raggi ka dhamaaday ama aad ugu yaraaday oo Dumar keliya ku soo haray Ilaah nama tuso, waxaa dhici lahayd in Ninki yiraahda Guur doon baan ahay ay Dumarka magaalada oo dhan intay dharka arooska ku soo labistaan ay cayrsadaan 😀

La Wadaag Asxaabtaada si ay kula qoslaan

28/08/2019

Waxaa halkan kuugu diyaarsan hal-xiraalayaal 10ah iyo jawaabohood.

Tiro shibiro ah ayaa waxaa ay saarantahay geed quraca dushiis, sidoo kale tiro kalena waa ay hoos fadhidaa geedka, hadii shibiraha hoos jooga ay midi ka duusho oo ay kuwa sare aado, kooxda sare waxaa ay noqonayaan laba jibaarka (labanlaabka) shimbiraha hoose, dhankakale hadii sidaa si lamida kuwa sare ay midi kasoo duusho kooxda hoose u timaado kuwa hoos jooga iyo kuwa sare joogaa waxaa ay noqo nayaan tiro is le,eg.
Hadaba sheeg tira kor joogta iyo kuwa hoos jooga ee shimbiraha ah?

Tira shibiraha ah ee geedka dul saaran waa 7
Tirada shibmiraha ee geedka hoos fadhiyana waa 5
2) Waxaad sheegta suurada qur`aanka ku jirta ee aayad kastaa oo suuradaa kamida ay ku jirto lafdiga “الله”

Waa suura Al-Mujadila
3) أحمر وليس أحمر فماهو؟

بحر ا لأحمر Bada cas ) Red sea)
4) Magaalo cagaaran, dhismeheeduna casaan yahay, dadkeeduna uu madow yahay.

Waa tuma magaaladaasi?

Qaraha ama xabxabka
6) يوجد في السماء ولا يوجد في الماء ما هو؟

حرف السين ( س)
5) Ameriaca waa laga helaya, Australia waa laga helayaa, Europe waa laga helayaa xitaa Africa wa laga helayaa balse Asia laga helimaayo, sheeg waxaas?

waa xarafka R
6) Weel caanihii laga dhamoo canugu heemaadshay oo ciida loo dhigay afkii laga cashaynaayey, cayn kaasna anigaa arkee waa cajabe sheega? (Abwaan Gooni Cabdi Xaji).

Waa naasaha Xoolaha
7) Sheeg xubinta mar alaale iyo markii ay wasakhowdo noqota cadaan?.

Waa Carabka
8) Sheeg wax markii wax lagu darana yaraada ( gaabta), markii wax laga qaadana weynaada (dheerada)?.

Waa godka (bohosha)
9) sheeg naflayda aan ukun iyo ilmo toona foolan?

Waa labka
10) Wax cad oo madow baan arkee car,e yaa sheega (Sayid Maxamed Cabdulle Xasan).

Waa indhaha

Wax cad oo madow ina carow saw indhaha maahan
Fadlan share garee si ay uga faaideystaan asxaabtaadu.

waxaa qorey: Mohammed El gabanow fadlan xuquuqda dhowr