01/12/2022
Naarta jahhanamo dusheeda waxaa la saaray buundo lagu magacaabo siraad(صراط). Waa jidka uu mari doono qof walba oo doonaya inuu jannada galo.
Jidkaas nabi Muxamed salallaahu caleyhi wasalam iyo ummadiisa (anaga) ayaa u hormari doona.
Waa jid mugdi ah oo ka jilicsan tinta, ka afbadan seefta. Haddii aad dunida kusoo shaqeysatay si fudud ayaad uga gudbeysaa.
Waalidkaaga, walaalahaaga iyo asxaabtaada aad jeceshahay ayaad arkeysaa maalintaas laakiin wax uma qaban kartid .
Meel ka sokeysa jannada waxaa taagan oo kuugu sugayo nabi Muxamed salallaahu caleyhi wasalam, nabigii aad jecleyd ood ku salin jirtay, ee diinta xaqa ah kusoo gaarsiiyay, kuu kala iftiinshahay wadada liibaanta iyo tan khasaaraha.
Ceeb ayay kuugu tahay halkaan markaad mareyso inaad ku salin weydo xabiibkeena salallaahu caleyhi wasalam.
Qof walba dambigiisii uu horay usoo galay waxaa looga dhigayaa jawaano ciid ah oo kale , culeys ayuu la dhaqaaqi weynayaa, haddii aad cuslaato waa kuu dhib oo halaag ayaad qarka u saaran tahay.
Haddii ay kuu fududaato waxaad uga gudbi doontaa jidkaas sida hilaaca oo kale.
Intaad nooshahay jaanis ayaad heysataa is xisaabi oo maalintaas adag usii diyaar garoow.
Alle ha inaga mid dhigo dadka jidkaas siraadka ah si nabad ah uga gudbo. aamiin aamiin yaa rabi .
