Is-ogol media

30/10/2022

Alshabaab Waxay Caado Kadhigteen Iney Daadiyaan Dhiiga Shacabka Soomaaliyeed.
Waxa Ay Laaynayaan Waa Shacabka, Waxa Ay Baabi'inayan Waa Hantida Shacabka, Waxay Mugdi Geliyeen Mustaqbalka Jiilka Soo Koraya, Saxaafada Oo Aan Anagu Qeyb Kanahay Waxa Lagudboon Iney Shacabka U Sheegaan Iney Iska Dhiciyaan Cadowga Argigixisasada.

19/10/2022

Al- Shabaab ayaa qarax ku burburiyey buundada degmada Buuloburde. Al- Shabaab ayaa dhoorjeer oo h**e isku dayay burburinta buudooyinka guud ahaan gobolka Hiiraan

Is-ogol media

12/10/2022

Dowlada Soomaaliya Oo Warsaxaafadeed Kasoo Saartey Xariga Saxafi Cabdalla Muumin

05/10/2022

Radiaha ciidamada xooga dalka ayaa xaqiijiyey geerida afhayeenka Al-Shabaab Cali Dheere. Dowlada ayaa sheegtey afhyeenka inuu u dhintey dhaawac kasoo gaarey dagaal ka dhacay deegaanada gobolka Hiiran

Warkan ayaa ururka argigixasada Shabaab rumeyn amaba beenin

Source: SNA

03/10/2022

Ra’iisul Wasaaraha Xukuumada Federaalka Soomaaliya Mudane Hamza Abdi Barre, ayaa si kulul u cambaareeyey weerarkii bahalnimada ahaa ee ka dhacay magaalada Beledweyne ee xarunta gobolka Hiiraan oo dad aan waxba galabsan lagu laayey.

Ra’iisul Wasaaraha ayaa amray in Wasaaradda Caafimaadka iyo Hay’adaha kale ee dowladdu gurmad deg-deg ah u fidiyaan dhaawacyada ka dhashay qaraxa.

“Falkaan wuxuu caddeyn u yahay sida ay weli ugu ooman yihiin kooxaha nabadiidku daadinta dhiigga dadka Shacabka ah, waana mid ay rabaan in ay ku niyad jabiyaan dadka u istaagay dagaalkooda, dhiigga dadkeenna qiimaha badan ee maalin walba ay daadinayaan ma’ahaan mid looga hari doono” ayuu yiri Ra’iisul Wasaaraha.

Mudane Xamse ayaa bulshada Soomaaliyeed waxa uu mar kale ugu baaqay inay xoojiyaan dagaalka lagu ciribtiraayo kooxahan xagjirka ah ee banneystay nafta, maalka iyo sharafka ummadda.

Ra’iisul Wasaare Xamse ayaa tacsi u diray qoysaska iyo ehellada dadkii naftooda ku weeyey weerarkii maanta ka dhacay Beledweyne, waxuuna Allah uga baryey caafimaad deg-deg ah in uu siiyo dadkii ku dhaawacmay qaraxaasi.

01/10/2022

Kabtan Ibrahim Traore ayaa ku dhawaaqay in awood Millateri ay kula wareegeen Burkina Faso ee galbeedka Afrika, isla markaasna laalay dastuurka

Burkina Faso ayaa noqoneysa dalkii ugu danbeeyey oo African ah oo militariga wadanka awood kula wareego

Source :- AFP

30/09/2022

GEDO, JUBBALAND: Shacab lagu dilay ceel biyood laga qodayay deegaanka Gariley ee Gobalka Gedo.

Al shabab ayaa 12 qof oo u badan dad shacab ku dishay ceel biyood laga qodayay deegaanka Gariley oo u dhaxeeya Degmooyinka Bardheere iyo Ceelwaaq, waxaa ay meesha ku guben garigii riiga ah & dhaman alaabtii lagu qodayay ceelka.

Bulshada deegaanka ayaa inoo sheegtay in Al shabab ay gubeen injineeradda ceelka qodayay & shacabkii la socday dhammantood.

Radio Daljir

30/09/2022

Taliyihii Booliska Gobolka Banaadir Jeneraal Farxaan Qaroole Oo Ku Geeriyoodey Qarax Miino Oo Dhulka Loogu Aasey.

29/09/2022

Ciidanka Xooga Dalka Soomaaliyees Qeybta 60-aad Oo Howlgal Ka Sameeyey Deegaano Katirsan Gobolka Baay Ayaa Sheegey Inay Burburiyeen Maxkamad Shabaabku Ku Lahaayeen Deegaanka War'iishe.
Sidoo Kale Waxay Sheegeen Inay La Wareegeen Gacan Kuheynta Deegaanada Buulo-jadiid, Raamo-odooy , Iyo Moodo Moodo.

27/09/2022

Ciidanka xoogga dalka oo kaashanaya maamulka gobolka Bakool ayaa maanta howlgalo lagu baacsanayo haraadiga kooxaha argagixisada ah ee Al shabaab waxaa ay ka sameeyeen deegaano dhowr ah oo hoos yimaada magaaladda Xudur.

Deegaanada sida gaarka ah howlgalka looga sameeyay oo ciidanka xoogga ay gaareen ayaa waxaa ka mid ah Farag, Wargaloole, Luwaay weyne iyo Huuyaley, waxaana deegaan isaga baxay kooxaha Khawaarijta oo dadka shacabka ah ku dhibaateyn jiray.

Telefishinka Qaranka Soomaaliyeed

26/09/2022

Seddax xubnood oo ka tirsanaa argagixisada Al-Shabaab ayaa ku geeriyooday qarax miino oo galabta ay ku aasayeen degaanka Baardhabaq oo hoos taga degmada Buuloburde ee gobolka Hiiraan.

Dhagarqabayaashaas ayaa doonayey in miinooyinka ay aasayeen ay ku dhibaateeyaan shacabka adeegsada wada xariirisa Buuloburde iyo degaanka Baardhabaq, balse ayaga ayuu ku qarxay.

Saraakiil ka tirsan ciidanka qaranka iyo masuuliyiin ka tirsan maamulka HirShabeelle ayaa gaaray goobta uu qaraxu kula kacay xubnahaas argagixisada ka tirsanaa.

26/09/2022

Ciidamada Daraawiishta Koofur Galbeed Oo Hawlgal Ay Saakey Sameeyeen Ku Qabsadey Deegaanka Saydheelow Ee Gobolka Baay

25/09/2022

12/09/2022

Waxaa isa soo taraya qilaafka u dhexeeya Deni iyo Dowlada federaalka ayadoo la ogsoonyahay inuu Deni kasoo qeyb geli waayay shirkii golaha wada tashiga qaranka waliba asigoon ku maqnayn safar dibadeed. Deni ayaa h**ey u sheegey ineysan la shaqeyn karin koox argigixisada ku milan oo xilal wada siinaya

Maanta ayaa markale mar uu ka furaayay tababar dimuqraadiyada looga hadlaayay madcweyne Deni markale sheegey ineysan Puntland la shaqeyn karin koox iswadata, xilalkana wada qeybsada

Deni « Dowlada Puntland lama shaqeyn karto koox amaba group iswadata»

Maxay kula tahay qilaafkan inuu ku salaysanyahay?

11/09/2022

Madaxweynaha maamulka Puntmand Deni ayaan aalada fogaan araga ugu qeyb galay shirkii golaha wada tashiga qaranka

Deni ma wuxuu dhaliilsanyahay hab maamulka Hassan Sheikh mise howlo kale ayuu ku mashquuley?

08/09/2022

Madaxweynaha Somalia mudane Hassan Sheikh Mohamud ayaa ka tacsiyeeyey geerida queen Elisabeth II.

08/09/2022

Boqorad ingiriiska queen Elisabeth oo geeriyootey

07/09/2022

Madaxweynaha dalka Ukraine ayaa sheegey iney Ukraine wado howsheedii adduun badbaadinta sidaa owgeedna ay Somalia usoo diri doonaan 28,600 tona oo qamadi ah. Qamadidan ayaa la qiyasaayaa inay Somalia soo gaari doono isbuucyad nagu soo aadan

07/09/2022

Golaha Ammaanka ee Qaramada Midoobay ayaa maanta Gelinka danbe kulan ka yeelanaya xaaladda Soomaaliya xilli Abaaro baahsan ay kajiraan meelo kamid ah Soomaaliya

kulan ayaa la filayaa in warbixin la xariirta xaalada Soomaaliya looga dhageeysan doonaa Ergayga Gaarka ah ee Xoghayaha Guud u qaabilsan Soomaaliya James Swan iyo qaar kamid ah Wakiilada Beesha Caalamka u jooga Soomaaliya,kuwaas oo sanad walba shirarka looga hadlao arrimaha Soomaaliya ka qeyb galla

Kulanka Golaha Ammaanka ee Qaramada Midoobay ayaa diirada lagu saari doonaa Arrimaha la xiriira Ammaanka, Abaaraha iyo dhibatooyinka kale ee xilligaan ka jira dalkeena Soomaaliya, iyada oo madaxda ay siweyn uga doodi doonaan xaaladaha kajira Soomaaliya iyo sida looga gudbi karo

05/09/2022

Ra’iisul wasaaraha cusub ee dalka ingiriiska ayaa loo doortey haweeneydan ayadoo xukunka kala wareegi doonto Ra’iisul wasaarihii iscsiley ee John Bors

05/09/2022

Ciidanka xoogga dalka oo howlgal qorsheysan ka fuliyay deegaano hoos yimaada magaaladda Buula-burde ee gobolka Hiiraan ayaa gacanta ku dhigay deegaano dhowr ah oo ay ka mid yihiin, Ceemooy. dhagax yaalle, Kilad gubadleey iyo Ceelka-dabyoole 20KM u jira degmada Buulo Burde.

Ciidanka xoogga ayaa sido kale gacanta ku dhigay doomo ay lahaayeen kooxaha argagaxisada ah ee Al shabaab oo ku xernaa wabiga shabeelle, kuwaasi oo argagaxisada ay u isticmaali jireen in ay ku qaataan saanadda, dhaawacyada iyo gurmadka, waxaana ay aheyd bar isku socod oo ay u adeegsadaan gobolada shabeelooyinka iyo gobolada dhaxe.

Saraakiisha Ciidanka xoogga dalka ayaa sheegay in ay howlgalka sii wadayaan tan iyo inta laga xureynayo kooxaha argagaxisada ah deegaanada Hirshabeelle.

Source: Radio Mogadishu

03/09/2022

MADAXWEYNE XASAN SHEEKH OO SI ADAG UGA HADLAY FALKII GURRACNAA EE AY ARGAGIXISADU KA GAYSTEEN DEEGAANADA HIRSHABEELLE IYO GALMUDUG.

Muqdisho, Sibteembar 03, 2022: Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa cambaareeyay falkii bahalnimada ahaa ee ay argagixisada arxan-laawayaasha ah ee Al-Shabaab ku xasuuqeen muwaaddiniin Soomaaliyeed oo nolol-maalmeedkooda caadiga ah watay, kuwaasi oo ku sugnaa deegaanada Afar-irdood iyo Cadakibir ee kala hoos yimaada Gobolka Hiiraan ee Dowlad-goboleedka Hirshabeelle iyo Gobolka Galgaduud ee Dowlad-goboleedka Galmudug.

Madaxweynaha ayaa tilmaamay in ficillada gurracan ee argagaxisadu, ee aan sal iyo raad toonna ku lahayn diinta Islaamka, waddaniyadda iyo dhaqanka suubban, ay tusaale u yihiin cadaawadda ay u qabaan shacabkeenna biri-mageydada ah iyo sida ay caqabadda ugu yihiin guud ahaan horumarka dalka.

Sidoo kale, Madaxweyne Xasan Sheekh Maxamuud ayaa xusay in nabad-diidka Al-shabaab aysan Shacabka Soomaaliyeed u oggolayn nolol, nabad, xasillooni, amni iyo hurumar, taas beddelkeedana ay isku dayayaan cabsi-gelinta, daadinta dhiigga muwaaddiniinta, dhaca hantidooda,burburinta ceelasha ay dadka reer miyiga ahi xoolaha ka waraabsadaan iyo xasuuqa dadka rayidka ah.

"Dadka Soomaaliyeed waa og yihiin dhagarta iyo arxan-darrada argagixisada bannaysatay dhiiggooda iyo maalkooda, waxaana rajeynayaa in ay adkeystaan oo aanay isdhiibin maalmahaan kooban ee ka haray dabar-goynta kooxdan sharwadeyaasha ah ee naf la caariga ah, aniga oo dhammaan shacabka Soomaaliyeed ugu baaqaya inay taageero buuxda la garab istaagaan ciidamadeenna halyeeyada ah ee dagaalka kula jira kooxdan fitnawadayaasha ah, dhabbaha kaliya ee looga adkaan karana waa isku duubni iyo inaan u midowno dagaalka ka dhanka ah argagixisada"

Madaxweynaha Jamhuuriyadda ayaa sheegay in shacabka iyo dowladda Soomaaliyeed oo is garabsanaya ay tallaabooyin wadajir oo degdeg ah qaadayaan kuwaas oo lagu bartilmaameedsanayo Argagixisada Al-Shabaab, si loogula xisaabtamo jarriimooyinka ay u geysteen dadka biri-mageydada ah ee ay ku laayeen deegaanno ka tirsan gobolka Hiiraan ee Dowlad-goboleedka Hiirshabeelle iyo guud ahaan dalka.

Madaxweyne Xasan ayaa bogaadiyey dadaallada naf-hurnimada leh ee ay wadaan Ciidamadeenna geesiyaasha ah iyo Shacabka is abaabulay ee ku nool Gobolka Hiiraan ee Hirshabelle iyo Gobolka Galgaduud ee Galmudug si ay isaga dulqaadan dhagarta cadowga ummadda Soomaaliyeed, isagoona baaq adag u diray shacabka Soomaaliyeed meel walba oo ay joogaan si loo ciribtiro kooxaha dhiigyacabka ah ee caadeystay gumaadka iyo dibindaabyada dadka Soomaaliyeed.

01/09/2022

Xukuumada Cusub Ee Dan-Qaran Oo RW Hamza Abdi Barre Hogaaminayo Ayaa Yeelatey Kulankii Ugu Horeeyay Oo Todobaadle Ah , Waxana Sida Ay Xukuumadu Sheegtey Lagaga Hadley Xaalada Amniga, Tan Abaaraha Iyo Safaradii Reysalwasaaruhu Kukala Tagey Magaalada Beledweyne Iyo Dalka Tanzania

01/09/2022

MADAXWEYNAHA OO XAFIISKIISA KU QAABAILAY KU-XIGEENKA XOGHAYAHA GUUD EE ARRIMAHA BANI'AADAMNIMADA

Muqdisho, Sibteembar 01, 2022; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kulan kula qaatay Madaxtooyada Qaranka Ku-xigeenka Xoghayaha Guud ee Qaramada Midoobay u qaabilsan Arrimaha Bani'aadamnimada iyo Gargaarka Degdegga ah OCHA Mudane Martin Griffiths.

Madaxweyne Xasan Sheekh Maxamuud ayaa la wadaagay Martin Griffiths qorsheyaasha dowladda Federaalka Soomaaliya ee ku aaddan wax ka qabashada arrimaha bani'aadamnimada ee ka dhashay saameynta abaaraha ka jira dalkeenna iyo qeybo ka mid ah gobolka Geeska Afrika, taas oo u baahan in si wadajirka ah la isaga kaashado heer dowladeed iyo heer Caalam intaba.

Sidoo kale, Madaxweynaha ayaa tilmaamay in shacabka iyo dowladda Soomaaliyeed ay ahmiyadda siinayaan ka jawaabidda baahiyaha deg deg ah ee bulshada iyo barnaamijyada ku saleysan hiigsiga fog, si xal waara loogu helo caqabadaha soo noqnoqday ee ay ka mid yihiin abaaraha iyo isbeddelka cimilada, isagoo hoosta ka xariiqay in diirradda la saaro xilligan sidii gargaarka bani'aadamnimo loogu saleyn lahaa shaqo abuur qaran, maalgashi, hannaan ka tarjumayo isku filnaansho dhaqaale iyo horumar waara.

Madaxweyne Xasan Sheekh ayaa ku bogaadiyey hay’adda OCHA taageerada iyo garab istaagga joogtada ah ee ay siiyaan shacabka Soomaaliyeed, waxa uuna ku adkeeyey in ay xoojiyaan gargaaridda dadka abaaruhu saameeyeen iyo wax ka qabashada xaaladaha bani'aadamnimo ee ka dhashay.

Dhankiisa, Mudane Martin Griffiths Ku-xigeenka Xoghayaha Guud ee Arrimaha Bani'aadamnimada iyo Gargaarka Degdegga ah ee OCHA ayaa sheegay in dowladda Federaalka Soomaaliya ka caawin doonaan arrimaha mudnaanta u leh ee ku saabsan horumarinta iyo dadaallada wax looga qabanayo saameynta baahsan ee ka dhalatay isbaddalka cimilada.

Source: Villa Somalia

31/08/2022

Ra’iisul Wasaaraha Xukuumadda Federaalka, Mudane Hamza Abdi Barre ayaa maanta qaabilay Maamulaha Bangiga Adduunka ee Soomaaliya, Kristina Svensson, oo ay ka wada hadleen wadashaqeynta Bangiga Adduunka iyo hey’adaha dowladda Federaalka.