Habraac Media

06/11/2022

U soco sida Yaxaaska oo ka hel caafimaad !

Kumaankun dad ah oo dalka Shiinaha ku nool ayaa ku biiraya barnaamijka habsocodka yaxaas oo loo bixiyay ‘u guurguuro sida yaxaaska ama xamaaratada’ oo ka hel caafimaad.

Ujeedku waa in dadku ka bogsadaan xanuunnada dhabarxanuunka ah ee ka heysta jirka iyo xubnaha kala goosyada ah. Dad badan ayaana ku biiraya sida ay kusoo warramayaan warbaahinta gudaha ee dalka Shiinaha.

Muuqaallo aad u baahay oo laga duubay magaalooyinka Xiangshan iyo Changsha ayaa muujinaya ka qeybgalayaasha oo ku lebisan dhar isku midab ah – gacmaha iyo lugahana ku sita walxo ka difaaci kara gawaanka adag ee dhulka ay ugu soconayaan sida yaxaasyada.

Dhaqdhaqaaqa ayaa sida la tilmaamay waxaa looga golleeyahay in lagu yareeyo loogana bogsado dhabarka xanuunka iyo isku jirka lafaha u baahan inay si bedqab ah u kala baxaan. Waxaase la doonayaa in qofku in badan joogteeyo qaab socodkan si uu faa’iidadeeda u helo.

Habraac Media

27/10/2022

Guriga waa Dugsiga ugu h**eeya ee carruurta wax lagu baro, hooyadana waa macalinka Dugsigaasi.

Hooyo qaado tilmaamaha sawirada si carruurta aad darsi fiican u siiso.

26/10/2022

Aabe Wiil uu dhalay oo Jira Labo Bilood Sabab layaab leh gacanta uga jabiyay !

Gobolka Imo ee koonfurta dalka Nageria waxaa ka dhacay fal dad badan ka argagaxeen, kaddib markii aabe lagu magacaabo Confidence Amatobi gacanta ka jabiyay cunug yar uu dhalay oo la sheegay in labo bilood kaliya jiro.

Warbaahinta dalka Nageria ayaa tabinaya in aabahan arxanka daran uu cunugiisa aadka u yar gacanta ka jabiyay, kaddib markii uu dhibsaday kana carrooday oohintiisa badan, waxaana aabahan la sheegay in si naxariis darro ah cunugaasi yar gacanta uga jabiyay.

Ciidamada booliiska dalka Nageria iyo kooxaha u dooda xaquuqda carruurta ayaa baadigoob ugu jira soo qabashada aabahan arxanka daran ee gacanta ka jabiyay cunugiisa, waxaana la sheegay in dhuumasho ku jiro aabaha falkan ku kacay.

Hooyada dhashay cunuga yar ayaa sheegtay in falka n uu dhacay khamiistii lasoo dhaafay, waxa ayna xustay in aabaha u dhiibtay cunuga yar si ay bannaanka u aado,balse cunuga markii uu ooyay kaddib aabaha oo carrooday cunuga gacanta ka jabiyay.

Waxa ay sheegtay hooyadan in cunuga ooyintiisa kusoo baxday ayna weediisay aabaha waxa ku dhacay, waxa uuna u sheegay in uu ka xanaaqay oohinta cuniga sidaasna dhibaatada sababtay in gacan ka jabto ugu geestay.

Hooyada oon ogaan in cunuga gacanta ka jaban yahay ayaa markii dambe aragtay cunuga yar oo gacanta ka barartay, aabaha ayaa sidoo kale ogaaday in cunuga yar jaban yahay uuna galay fal dambiyeed weyn.

Aabaha arxanka daran ayaa markii uu ogaaday in wiilka jabantahay biilaabay in gacanta uu xiro. Intaas kadib xaaskiisa iyo wiilka yar ayuu guriga ku xiray kana qaatay telfoonkeedii halkaasi oo ay muddo laba maalmood ah ku jireen.

Hooyada iyo wiilkeeda waxaa usoo gurmaday oo gacan siiyay dariskooda, waxaana cunuga si degdeg ah loo geeyay isbitaal halkaas oo cunuga yar gacanta looga jaray kaddib markii gacanta barartay sidoo kale gudaha ka jiratay .

Habraac Media

25/10/2022

Gabar Gabay ku karbaashtay raga dhaqanka xun ee gabdhaha kufsada muuqaaladana ka duuba

"Ninka gaaridii uu qabee gogol la jiifeysay
Ee xilaha Guule ugu dhigee gaarna uga yeelay.
Gurboodka iyo caruurtoo dhashee guudka ugu qaaday.
Go'iisiyo marada uga dhaweed gadaya ceebteeda.
Misna dunida gaarsiiya ee geliya facebook-ga
Waa gocor xishoodkii geboo garashadii beelay.
Oo damiirka laga gowracee gabari yay raacin"



Habraac Media

21/10/2022

Bilicda iyo hormarka deegaanka waxaa horseed u ah helida wadooyinka.

Halkaan waxaad ka daawan kartaa barnaamij gaaban oo aan idinkaga sameynay Degmada Dayniile.

🎥 Waxaa iska kaashaday

Habraac Technology iyo Pixel Digital

Habraac Media

11/10/2022

Digniin laga soo saaray isticmaalka Sharoobooyinkan oo Sababi kara geerida Carruurtaada

Fadlan share garey si looga digtoonaado

02/10/2022

Xaafadda ku taalla Qarka Buuraha ee dadka badan soo jiidatay

Aad bay u cagaaran yihiin buuraha idin muuqda. Laakiin cidlo ma ahan. Dadka ku nool xaafadda Khunzakh ee ku taalla qarka buurahan waxay dhacdaa ismaamulka Degestan ee dalweynaha Ruushka.

Waana meel kamid ah deegaannada ugu cabsida badan, hayeeshe haddana ugu neecawda iyo caafimaadka badan dunida.

Buuraha aalaaba waxaa loo tagaa dalxiis iyo tamashle. Balse dadka ku nool xaafadda waxay qarniyo badan ugu yeeraan hoygooda rasmiga ah buuraha idin muuqda.

Boqol mitir kaliya ayay u jirtaa qarka haadaanta looga dhaco buurta. Sidaas oo ay tahay, dadkeedu waxay ku raaxaystaan nolol lamid ah kuwa inta kale. 140 km ayay u jirtaa caasimadda Degestan ee Makhachkala. Waxayna joogga dhulka ka sarreysaa 2,000 oo mitir.

Dad badan oo isla Ruushka ku nool Ayaan aqoon u lahayn jiritaankeeda. Balse xaqiiqdu waxay tahay xaafaddan waxay aad ugu eg tahay meelo dunida kamid ah oo aad loogu soo dalxiis tago.

Dhowr sawirro iyo muuqaallo ah oo uu ka qaaday Slava Stepanov oo sawirqaade ah ayaa ku baahay baraha bulshada Ruushka halkaas oo aad loola dhacay. Waxaana la ogaaday in xaafadda ay asalkeedii h**e ay xarun u ahayd boqortooyadii Caucasus. Kadibna ay magaalo madax u noqotay Avar Khanate muddo sannado ah kahor inta aysan cagta marin Mangooliyiinta.

Waxay leedahay biyo dhacdyo qurux badan oo lagu dhaaya-tiirsado iyo meelo kale oo dalxiiska iyo damaashaadka ku fiican.

29/09/2022

Wiilal Soomaaliyeed oo lagu la yahay Nolol iyo Geeri iyo Waalidkii dhalay oo u murugeesan.

Fadlan share gareeya oo gaarsiiya Muuqaalkan Madaxda Qaranka si ay gacan uga geestaan helitaanka wiilashan Soomaaliyeed.

28/09/2022

WhatsApp oo billaabaysa hab cusub oo dad badan ay hal mar isku wici karaan

Barta ay dadka badan kuwada sheekeestaan ee WhatsApp ayaa maalmaha soo socda soo bandhigi doonto hannaan cusub oo ay dadka isticmaala isku wici karaan, iyagoo adeegsanaya mareeg la wadaagi karo.

Milkiilaha shirkadda tiknolojiyadda Meta, Mark Zuckerberg, ayaa qoraal uu soo saaray ku shaaciyay in todobaadka soo socda bartan lagu soo kordhin doono hannaankan cusub ee dadka badan halmar kuwada xiriiri karaan.

Mark Zuckerberg, ayaa sheegay Hannaankan cusub ee WhatsApp lagu soo kordhinayo loogu magac daray “Call Links”, kaa oo isticmaalaha u sahlaysa inuu sameeyo link ay ku soo biiri karaan illaa 32 qof oo kale oo hal mar wada sheekeesan kara.

“Waxaynu WhatsApp-ka ku soo daraynaa hab wax lagu waco laga bilaabo todobaadkan, markaas oo aad dadka la wadaagi kartid link aad wicitaan ku samayn kartid. Sidoo kale waxaynu tijaabinaynaa hannaan muuqaal aanan xogtiisa la jabsan karin oo ay soo geli karaan illaa 32 qof. Dhawaan fisha xog intaasi dheer'' ayuu yiri Mark Zuckerberg.

Habraac Media

28/09/2022

Qaxwo lagu cabo koob la afgembiyay iyo Sababaha keenay !

Kupi Khop waa nuuc qaxwaha kamid ah oo dadka koobka uu ku jiro lagu siiyo isaga oo foorara ama afkiisu uu xagga dhulka ujeedo.

Dad badan waxay shaaha iyo qaxwaha jecel yihiin inay isaga oo diirran ay ku fiiqsadaan fiijaanka. Laakiin, dhaqankan yaabka leh ee ka jira Induniisiya, wuxuu dhigaya in koobka qaxwaha laguugu soo shubayo uu ahaado mid ku ganbisan weel fidsan. Waxaana cabaha ama qofka dhamaya uu ku fuuqsanaya tubo.

Si aayar aayar ah oo miyirqab leh ayaa laga doonaya in qofka loo shubayo ee cabaya koobka oo ku ganbisan weelka u feydo si uu tubada uga cabo. Marka la sameynaya, waxaa qofka diyaarinaya uu marka h**e sida caadiga ah koobka ugu shubayaa qaxwaha kadibna wuxuu afka ka saaraya weel fidsan kahor inta uusan daba-gedin koobka.

Kuwa jecel inay habkan u cabaan qaxwaha ayaa ku doodaya in maadama koobka la afgenbiyay uu sii heysanayo diirimaadka oo uusan horay ka qaboobeynin. Waxaa kale oo ay qabaan inuu yahay mid bedqaba mar haddii ciid ama cayayaan iyo wixii la halmaala aysan ku bideynin gudaha koobka.

24/09/2022

Qowmiyad kunool dalka Itoobiya waxaa dhaqan u ah in ninka gabadha uu guursanayo uu garaaco ama uleeyo kahor inta uusan la aqal gelin,. Talaabadan ayaana tijaabo u ah gabadha la guursanayo.

Gabadha la guursanayo ee la garaacayo haddii ay xanuunsato oo ay oyso ninka waa uu ka baxaa guurkeeda, waxaana lagu calaamadeenayaa naag aan adkeysi laheyn oon reerkeeda dhaqan karin una adkeysan karin baahida iyo xaaladaha kale ee adag.

Haddii gabadha la garaaco aysan oynin una adkeesato usha waxaa loo diiwaangelinayaa mid guuleesatay oo adkeysi badan una qalanta in la guursado, sidaasna ayaana deg deg loogu aqal geynayaa.

24/09/2022

Waxay dhimatay iyada oo aqrinaysa Quraanka kariimka ah

Muuqaalka haweeney Muslimad ah oo u dhalatay dalka Induniisiya – oo geeriyootay iyada oo aqrinaysa Kitaabka Qur’anka – ayaa aad ugu baahay baraha bulshada dalkaas.

Waxaana qof walba oo daawaday uu Eebbe uga baryay inuu Jannooyinkiisa ku casuumo.

Muuqaalka oo socday 22 ilbiriqsi ayaa la rumeysan yahay in lagu duubay goob xaflad diimeed ay ka socotay. Waxaana la arkayaa haweeneyda oo si aayar ah gadaal ugu sii dhacaysa kahor inta uusan nuxuusin codkii ay ku aqrinaysay kitaabka Quraanka oo labadeeda gacmood ku jiray.

Waxay aqrinaysay bilowga suuratul-Baqara. Markii si kastaba, degdeg loogu qaaday isbitaalka, dhaqaatiirta ayaa ku dhawaaqay inay geeriyootay.

Dad badan oo hooyadan oo kale ah ayaa nasiib u hela inay malagu u yimaado iyaga oo aqrinaya aayadaha Quraanka kariimka ah.

Sannadkii 2017, xaafidul-Quraan Induniisiya u dhashay ayaa dhintay isaga oo aqrinaya kitaabka Quraanka.

21/09/2022

Tuug arrin layaab leh sameeyay !!

Ninkan tuuga ah ayaa gaari nuuca raaxada ah ka xaday goob shidaalka looga shubto, tuuga ayaana markii uu gaariga la dhaqaaqay uu socday daqiiqado waxa uu maqlay cunug yar oo ka oynaya qeybta dambe ee gaariga.

Tuugii ayaana go'aansaday in cunuga yar ee ku jira gaariga uu xaday dib ugu soo celiyo waalidkiisa, waxa uuna gaarigii uu xaday kusoo celiyay isla goobtii uu ka qaatay, waxa uuna kasoo dejiyay cunigii yaraa ee gaariga ku jiray.

Ninkan tuuga ah ayaa isaga oo careesan u tagay waalidka dhalay ilmaha yar ee gaariga looga tagay, waxa uuna u sheegay waalidka in ay yihiin '' kuwa qeyrul masuul ah oo gaari uga dhax tagay cunug yar ''.

Tuuga ayaana waalidka dhalay ilmaha yar farta ka saaray kadibna dib ugu laabtay gaarigii uu xaday lana tagay, waxaana ugu dambeyn tuugan layaabka leh soo qabtay ciidamada booliiska oo xabsi dhigay.

Habraac Media

20/09/2022

Nin ayaa gabar ay saaxiibo yihiin ku ballamiyay hotel si ay uga wada casheeyaan, balse gabadhii waxa ay h**ey usoo wadatay gabdho kale oo ay saaxiibo yihiin si ay ula casheeyaan ninkaas lacagtiisana laga dhargo.

Markii la casheeyay ayaa qolada hotelka ninkii u keeneen boono ay ku qoran tahay lacag badan , ninkii ayaana diiday in uu bixiyo lacagta,waxa uuna sheegay in kaliya bixinayo lacagta raashinkii ay cuneen isaga iyo saaxiibtiis si gaar ahna ugu soo booneeyaan.

Hablihii kale ee raashinka xaasidnimada u cunay xaalka ayaa ku xumaaday, mid walbana in ay ehelkeeda wacato oo lacagta laga bixiyo ku qasboonaatay !!

19/09/2022

Dadka Shiinaha oo looga digay in ay taabtaan dadka Ajaaniibta iyo Sabab layaab leh oo keentay

Dowladda Shiinaha ayaa uga digtay muwaadiniintooda in ay taabtaan ama la fal galaan dadka ajaaniibta ah ee kunool gudaha Shiinaha, kaddib markii dalkaasi laga diiwaangeliyay kiiskii ugu horreeyay ee cudurka furuq-daanyeerka.

Madaxa ka hortagga cudurrada faafa ee dalka Shiinaha, Wu Zunyou, ayaa qoraal uu soo saaray ku xaqiijiyay in la diiwaangeliyay kiiskii ugu h**eeyay ee cudurka furuq-daanyeerka, waxa uuna dadka Shiinaha ugu baaqay in aysan taaban kana fogaadaan ajaaniibta.

Wu Zunyou wuxuu shacabka Shiinaha ugu baaqay in ay ka fogaadaan la kulanka dadka dhawwaan kasoo safray dalalka dibadda iyo kuwa ajaaniibta ah ee Shiinaha ku sugan si uusan ugu dhici cudurka furuq-daanyeerka.

Digniintan Shiinaha soo saaray ayaa abuuray carro badan, waxaana dadka qaar u fasireen in tallaabadani ay tahay faquuq iyo cunsuriyad si gaar ah loogu geesanayo ajaaniibta kunool gudaha Shiinaha.

19/09/2022

Hooyo Buundo ka kor dhistay Laami hormara Iskuul Wiilkeedu dhigto!

Hooyo beernugeylku ka batay oo ku nool Shiinaha ayaa adduun lacag oo ka badan hal milyan oo yuan una dhiganta ($154,000) ku bixisay dhismaha laba buundo oo kor mara laamiga kusoo jeeda iskuulka uu dhigto wiilkeeda – si ay u hubsato in inankeeda iyo ilmaha la socdaba ay si nabdooni leh uga soo gudbaan laamiga.

Hooyadan oo magaceeda lagu sheegay Meng ayaa dhawaan u sheegtay warbaahinta in laamiga hormara iskuulka inankeeda uu marwalba si joogto ah u mashquul iyo ciriiri badnaa. Mana lahan taraafiko iyo ilaalo si gaar ah ula socota xawaaraha ay baabuurta maraysa ku socdaan taas oo cabsi badan ku abuurtay hooyooyin badan oo iyadu kamid tahay. Mana ahayn dhib iyo cabsi ku gaar ah ardayda marka ay timaado gudbitaanka laamiga. Waxaa sidoo kale ku dhib qabay barayaasha iskuulka.

Sabab kale oo ay hooyadani sheegtay inay u dhistay kaabadda ayay ku sheegtay in inankeeda uu marwalba guriga yimaado isaga oo kabihiisu ka dhiiqoobeen madaama afaafka iskuulka ay dhiiqo badneyd.

18/09/2022

Kabo Qofka Indhoolaha caawinaya oo lasoo saaray!

Shirkad laga leeyahay dalka Austria ayaa dhawaan soo saartay kabo caaqil ah oo foodda looga rakibay jiheeye dareenside ah oo dadka araga la’ ka caawinaya inay ka hortagaan ama ka joogsadaan halisaha kusoo fool leh marka ay soconayaan.

Qiimaha la iibinayo kabahan ilaa hadda waa €3,200 ($3,850) halkii joogba. Waxaana gebi ahaan loo hindisay horumarinta habsocdaalka indhoolayaasha. Kabaha waxaa ku xiran kaamerad iyo sameecad ku wada xiran bluetooth-ka mobilka qofka xiran kabaha.

Waxaase dhici karta in xattaa qof kale oo aan la socon sitaha uu hagi karo ama uu siin karo tilmaamo caawin kara si uu u gaaro halka uu ku jeedo – iyada oo isla mar ahaantaana uu ka foojignaanayo halisaha lasoo gudboonaan kara.

26/08/2021

Abwaan Abdukadir Mohamed Hassan iyo gabaygii "guurdoon ayaan ahay"

06/08/2021

Habraac Media Waa warbaahin Gaar looleeyahay ujeedada loo aas aasayna ay tahay soo gudbinta Warbixinada wax dhisaya.

05/08/2021