12/11/2023
Dhusamareb, 12 November 2023
Guddoomiyaha Golaha Baarlamaanka Galmudug iyo Guddoomiyaha Caasimadda Galmudug ayaa Galabta Dhaggax-dhigay Dhismaha Cusub ee Aqalka Golaha Wakiillada Galmudug
Munaasabadda dhagax-dhigga waxaa kasoo qeyb-galay Wasiirro ka tirsan Xukuumadda Galmudug, Xildhibaanno, Hawl-wadeennada Golaha, Maamulka Caasimadda Dhusamareb iyo Marti-sharaf kale.
Guddoomiyaha Caasimadda Mudane Cabdiraxmaan Geeda-Qorow ayaa ammaanay kaalinta Baarlamaanka ee dawlad-dhiska iyo midnimada Galmudug, isaga oo xusay horumarka ay ku tilaabsatay Caasimaddu muddadii uu shaqeynayey Baarlamaanku.
Guddoomiyaha Golaha Wakiilada Galmudug Dr Maxamed Nur Gacal ayaa ugu horreyn u mahad-celiyey Madaxweynaha Dawladda Galmudug dawrkii uu ku lahaa guulihii uu gaaray Baarlamaanku Xilligii uu jiray iyo in uu Gacan-weyn ka geysanayo hir-gelinta dhismahaan aan Maanta Dhagaxa-dhigayno.
Kadib Guddoomiyaha ayaa faah-faahiyey qeybaha uu dhismuhu ka koobnaa-doono sida; Hoolalka Shirarka, Xafiisyada Guddoonka iyo Adeegyadooda, kadibna waxaa ku xigi doona dhismaha Xafiisyada Maamulka Golaha iyo Dhismaha Deegaanka Xildhibaanada oo laga hirgelin-doono Xarunta Golaha ayuu yiri Guddoomiye Gacal.
Mudanayaasha Golaha iyo Wasaaradda Hawlaha Guud ee Galmudug ayaa balan-qaaday in ay ka hawl-gali doonaan dedejinta iyo xaqiijinta in lagu guuleysto dhameystirka dhismahaan mudda kooban Inshaa Allah.