09/03/2021
America waxay weydiisaneysaa kuwa fiisooyinka loo diiday Trump xiligiisii inay dib u codsadaan, Madaxweynaha Mareykanka Joe Biden (Sawirada Gaarka ah) Madaxweynaha Mareykanka Joe Biden (Sawirada Gaarka ah) 3/9/2021 - Markii ugu dambeysay ee la cusbooneysiiyay: 3/9/2021 - 11:15 AM (Makka Al-Mukarramah) Wasaaradda arrimaha dibedda Mareykanka ayaa Isniintii sheegtay in inta badan dadka dalbaday fiisooyinka Mareykanka loona diiday go'aanka Trump darteed ay raadin karaan inay dib u eegaan codsiyadooda ama ay xaraystaan kuwa cusub. Madaxweynihii h**e ee Mareykanka Donald Trump ayaa soo saaray go’aan uu ku mamnuucayo soo galitaanka muwaadiniinta 13 dal oo badankood yihiin Muslimiin. Madaxweyne Joe Biden ayaa baajiyay go’aankii ka h**eeyay ee Trump ee ahaa in la mamnuuco Muslimiinta bishii Janaayo 20, oo ahayd maalintii ugu h**eysay ee uu xafiiska qabto, isaga oo ku tilmaamay "nabar ku ah damiirkeena qaran."
Afhayeenka wasaaradda arrimaha dibedda Mareykanka Ned Price ayaa sheegay in kuwa dalbaday fiisooyinka ee loo diiday ka hor 20-kii Janaayo, 2020, inay codsadaan oo ay bixiyaan khidmadooda.
Wuxuu intaas ku daray in kuwa loo diiday ama kadib January 20, 2020, ay soo gudbin karaan codsi si dib loogu eego codsiyadooda iyada oo aan loo baahnayn in dib loo dalbado ama la bixiyo lacag dheeri ah. Sida laga soo xigtay xogta Waaxda Arimaha Dibada, ilaa 40,000 oo qof ayaa laga hor istaagay inay soo galaan Mareykanka xayiraada tan iyo bishii Diseembar 2017, kadib markii maxkamada sare ee Mareykanka ay ogolaatay nooc ka badal ah oo ah xayiraadii safarka ee asalka ahayd.
