Saw James Vlog

21/11/2024

Celebrating my 10th year on Facebook. Thank you for your continuing support. I could never have made it without you. 🙏🤗🎉

17/10/2024

27/09/2024

ဒီနေ့ စက်တင်ဘာလ ၂၇ ရက်နေ့ည Friday Fight 81 မှာ သန့်စင် ဟာ ဂျပန်ဖိုက်တာ တာခဲရု နဲ့ ရင်ဆိုင်ရမှာ ဖြစ်ပြီး စိုးလင်ဦးကတော့ နဗီ နဲ့ ထိုးသတ်ကြရမှာ ဖြစ်ပါတယ်။

ဒီ Friday Fight 81 ပွဲရဲ့ သန့်စင် ပါတဲ့ ပထမပိုင်းကို Facebook နဲ့ YouTube တို့မှာ Online က အခမဲ့တိုက်ရိုက်ကြည့်ရှုနိုင်မှာဖြစ်ပြီး စိုးလင်းဦး ပါတဲ့ ဒုတိယပိုင်းကတော့ One Website ကနေ Pay Per View နဲ့ တိုက်ရိုက်ဝယ်ကြည့်ရမှာဖြစ်ပါတယ်။ One နဲ့ စာချုပ်ချုပ်ထားတဲ့ နိုင်ငံတကာ ရုပ်သံလိုင်းတွေကလည်း တိုက်ရိုက်ပြသကြမှာ ဖြစ်ပါတယ်။

27/09/2024

ထောင်ကားတွေ အများကြီး ကြည့်ခဲ့ဖူးတယ်။ Prison Break ကို season အလိုက် စီးရီး ကြည့်ခဲ့ဖူးတယ်။ ထောင်စာအုပ်တွေ ဟိုးငယ်ငယ်ကတည်းက ဖတ်ခဲ့ဖူးတယ်။ ဆရာလူထုဦးလှ ရဲ့ ထောင်နဲ့လူသား ၊ နောက် ဘဝကြေးမုံထောင်အတွေ့အကြုံ၊ နောက် ကိုသန်းဇော် ရဲ့ ထောင်စာအုပ်တွေ ၊ အင်းစိန်အောင်စိုးရဲ့ စာအုပ်တွေ အများကြီး။

ထောင်ထဲမှာ ထောင်စာအုပ်ဖတ်တာလောက် အရသာရှိတာ မရှိဘူးလို့ ပြောရမယ်။ ကျတော် ထောင်ထဲမယ်တုန်းက ပါပီလွန် နဲ့ ဗင်ဂို စာအုပ် ဖတ်တုန်းက ရသကို ဘယ်လိုမှ ထုတ်ပြောလို့မရဘူး။ ဘယ်လိုမှန်းကို မသိဘူး။ ကျတော့် ဒီအကောင့်သစ်ထဲမှာ ရှိတဲ့ ကျတော်နဲ့ အတူနေခဲ့ရဖူးတဲ့ ထောင်နားနီးချင်းတွေတော့ သိကြမယ်။

ထောင်ဆိုတာ ဘယ်လိုမျိုးလဲ၊ ထောင်ကျရင် ဘယ်လိုခံစားရလဲဆိုတာ ထောင်မကျဖူးရင် ပြောပြလို့ သိမြင်ခံစားဖို့ မလွယ်ကူဘူး။ ကျတော်နေခဲ့ရတဲ့ ၅ ဆောင်တိုက်မှာ တိုက်ခန်းဖေါ်တွေထဲမယ် အနုပညာသမားတွေ မနည်းဘူး။ ဦးဇာဂနာ က သူ့ရဲ့ ကင်မရာမန်း ကို ပြောနေတာ ကြားခဲ့ဖူးတယ်။ မင်း ဒီထောင် တိုက်ခန်းရဲ့ ဖွဲ့စည်းပုံ နေရောင်ကျတာ အလင်းအမှောင် တွေကို မှတ်ထား၊ ငါတို့ တစ်နေ့ ပြန်ရိုက်ကြမယ်ပေါ့။ စာရေးဆရာ ဇာတ်ညွှန်းရေးဆရာ ကိုဇော်သက်ထွေး လည်းရှိတယ်။ ကျတော် မရောက်ခင် အဲအခန်းမှာ နေသွားသူက ရန်ရန်ချန်း။

နောက်ပိုင်း ပန်းချီထိန်လင်း ရဲ့ ထောင်နဲ့ပတ်သက်တဲ့ အနုပညာပြပွဲတွေ ကြည့်ခဲ့ရတယ်။ ပြည်တွင်းမှာရော ပြည်ပမှာရောပေါ့။ ငိုရ မျက်ရည်ဝဲရ နှပ်ချေးတွေသုတ်ရ။

ဘဝမှာ မင်းဟာ တစ်ခါထောင်ကျ ဖူးရင် တစ်သက်မမေ့ဘူး လို့ ပြောခဲ့တဲ့ အဘကိုလည်း အမှတ်ရမိပါရဲ့။ တစ်ကယ့်ကို မမေ့ပါဘူး။ အချို့ လာဘ်စားသော တိုင်းပြည်၊ တိုင်းပြည်ကို အာဏာရှင်ဆန်စွာ အုပ်စိုးသော ကမ္ဘာနိုင်ငံ​တွေထက် ဆိုးတာမို့ မြန်မာမှာ ထောင်ကျတဲ့ အထဲက သုံးပုံ နှစ်ပုံလောက်က အကြမ်းအားဖြင့် အပြစ်မရှိပဲ ထောင်ထဲ လာနေရသူတွေ ဖြစ်ပါတယ်။

ကဲ စကားတွေက ဝေ့ဝှိုက်နေတာမို့ အခုပုံထဲက အကြောင်းပြောဖို့မေ့နေတာ။ သူ့မကျူးလွန်ခဲ့တဲ့ အမှုအတွက် ထောင်ထဲမယ် နှစ်ပေါင်းများစွာ နေခဲ့တဲ့ မင်းသားကြီး အဂျေးဒီဗန် က ထောင်ထဲက မထွက်ချင်ခဲ့ဘူး။ သူ့ကားလေးကို ကြည့်ရင်း ရင်ထဲမှာ ဝေဒနာတွေ မျာစွာ ထိမိခံစားရ။ ဒါက သူတို့ အနုပညာ သူတို့ အတတ်ပညာတွေ ပေါ့။

ပြောချင်တာက ဒီလို ထောင်တွင်းအခန်းတွေပါ ထည့်သွင်းရိုက်ကူးထားတဲ့ Fight Delta Fight ဆိုတဲ့ ရုပ်ရှင်ကား Page ကို ရှာပြီး Like, Shared လုပ်စေချင်လို့ ရှည်ရှည်ဝေးဝေးတွေ လျှောက်ရေးနေတာပါ။ ဆယ့်လေးမျဉ်းဇောင်း ဒလန်ဝတီအတွက် အားဖြည့်ကြရအောင်။ ဒီအထိ ဖတ်လာပေးတဲ့ သူကို ကျေးဇူးတင်တယ်။ ဘာဖြစ်လိုလဲ ဆိုတော့ ကျတော့်ကို ခင်မင်စိတ်၊ တလရအပေါ်သက်ဝင်စိတ်တွေ ရှိနေလို့ပေါ့။ ကွန်းမန့်ပေးချင်သူများကို ဖိတ်ခေါ်ပါတယ်။
🙏🙏🙏

11/09/2024

ဒီ Page ကို အားပေးကြပါအုံးခင်ဗျာ

11/09/2024

အရင်က ရိုက်ပြီးသိမ်းထားတဲ့ ဟာ့ဒစ်တွေ ပြန်ရှာပြီး ကြည့်နေတာ ဓါတ်ပုံတွေရော ရုပ်သံတွေရော အများကြီးရှိနေတာကို တွေ့ရတယ်။ ဟာ့ဒစ်ပေါင်း ၇ လုံး အပြည့်ပဲ။ ဒါတောင် ပျောက်သွားတဲ့ ဟာ့ဒစ်တွေ ရှိနေသေးတယ်။ ခေတ်ကောင်းဘက်ကို ဦးတည်ခဲ့ချိန် မြန်မာ့ရုပ်ရှင်ကို တိုးတက်အောင် လုပ်ခဲ့ကြသူတွေကို အားပေးခဲ့ကြတာ အများကြီး ရှိခဲ့ကြပါတယ်။ အခုပုံထဲက ရုပ်ရှင်ဆို စင်ကာပူမှာ ပွဲပေါင်း အများကြီး ရုံပြည့်ရုံလျှံ ပြသနိုင်ခဲ့ကြတယ်။ အားပေးခဲ့ကြတယ်။ မခရစ္စတီးနားခီ ရဲ့ လက်ရာ မုဒြာရဲ့ခေါ်သံ ရုပ်ရှင်ကားပါ။ ၂၀၁၈ မေလ ထဲမှာ ပြသခဲ့တာ ဖြစ်ပါတယ်။ ဒီလို ပုံတွေ ပြန်ကြည့်ရင်း အချို့ကိုပဲ ပြန်တင်ဖြစ်တော့မယ်။ အချို့ ကိုတော့ ပြန်မတင်တော့ဘူး။

10/09/2024

စိတ်တွေက တက်လိုက် ကျလိုက်ပဲ
ဒီလိုအလုပ်တွေ လုပ်မယ်ကြံလိုက် မလုပ်ဖြစ်လိုက်နဲ့ပေါ့…
တတ်နိုင်သလောက် ကြိုးစားကြည့်ပါအုံးမယ်…
YouTube လေးကို Subscribe လုပ်ပေးကြပါအုံး အမျိုးတို့ရေ.. ဒီလိုလေးတွေကနေ ပိုငွေလေးများရရင် ပိုကူညီပေးလို့ ရတာပ… အမျိုးရင်းတွေတော့ သိကြမှာပါလေ…

https://youtube.com/

01/09/2024

Karen Wrist Tying 2024 Singapore
စင်ကာပူနိုင်ငံ Yeo Building တွင် ကျင်းပသော ကရင့်ရိုးရာချည်ဖြူဖွဲ့ အခမ်းအနား (၁၈.၈.၂၀၂၄)

https://youtu.be/x1GB1IzmwQI

22/08/2024

Zoomers ရိုက်ကူးခဲ့သူ ဒါရိုက်တာ Dylan Chow နှင့် တွေ့ဆုံခြင်း
https://youtu.be/LJFwNeFn-qg

22/08/2024

ဇွဲကပင် မျိုးချစ် ကရင်လူငယ်များအဖွဲ့ (စင်ကာပူ) က ကြီးမှူးကျင်းပတဲ့ ၁၃ ကြိမ်မြောက် ကရင့်ရိုးရာ လက်ချည်ပွဲ မှတ်တမ်းပုံများ
၂၀၂၄ ဩဂုတ်လ ၁၈ ရက်နေ့

19/06/2024

အန်တီ ဒေါ်အောင်ဆန်းစုကြည် ကို ကျတော်ဘယ်လို စတင်သိခဲ့တာလဲဆိုတာကို မနှစ်က သူ့မွေးနေ့အပြီးမှာ စဉ်းစားခဲ့ပါတယ်။ စာလည်း ရေးခဲ့ပါတယ်။ သူမရဲ့ ၇၈ နှစ်မွေးနေ့အပြီး ၂၀၂၃ ခုနှစ် သြဂုတ်လ ၂၂ ရက်နေ့က ဗွီဒီယိုရိုက်ကူးခဲ့ပြီး အခုမှ ကျတော့်ရဲ့ Saw James Vlog YouTube ကို အမှတ်တရအနေနဲ့ တင်လိုက်ပါတယ်။ လင့်ကို ကွန်းမန့်မှာထည့်ပေးထားပါတယ်။
ဒီဓါတ်ပုံလေးကတော့ ကျတော် ပထမဆုံးတွေ့ဖူးတဲ့ ပုံလေးဖြစ်ပါတယ်။
အမျိုးတွေရော အန်တီကို ဘယ်လို စသိခဲ့ကြတာလဲ?

03/06/2024

သူမတူ အကျဉ်းသား

အရင်ကတည်းက ထောင်နဲ့ပတ်သက်တဲ့ စာအုပ်ပေါင်းများစွာကို စာရေးဆရာများစွာက ရေးသားခဲ့ကြပါတယ်။ အချို့ကို ဖတ်ဖူးခဲ့ပြီး အချို့ကိုတော့ မဖတ်ဖူးသေးပါ။ ငယ်ငယ်ကလေးဘဝက “ဘဝကြေးမုံ ထောင့်အတွေ့အကြုံ” ဆိုတဲ့ စာအုပ်ကို ဖတ်ဖူးခဲ့တယ်။ မူလတန်းအရွယ်လောက်က ဖြစ်မယ်ထင်တယ်။ သေသေချာချာ မမှတ်မိတော့ဘူး။ နောက် ဆရာလူထုဦးလှ ရဲ့ “ထောင်နှင့်လူသား” စာအုပ်ကိုလည်း ဖတ်ဖူးခဲ့ပါတယ်။ အဲတုန်းက ထောင်ဆိုတာ မမြင်ဖူး မသိဖူးသေးသော နေရာ ဖြစ်ပြီး အထက်တန်းကျောင်း တက်ရတော့မှ မိမိတက်တဲ့ ကျောင်းရှေ့တည့်တည့်မှာ အကျဉ်းထောင်ရှိနေတာမို့ ထောင်အုတ်ရိုးနီနီ ကို မြင်တွေဖူးခဲ့ပါတယ်။ ထောင်အထဲကိုတော့ လှမ်းမမြင်ရတာမို့ မိမိဖတ်ခဲ့ဖူးသော စာအုပ်များထဲကလို အဆောင်တွေ ရှိလိမ့်မည်ဟု မှန်းဆမိခဲ့ပါတယ်။ ထောင်ပတ်ဝန်းကျင် အနီးအနားမှာ လည်း အကျဉ်းသားများကို ဝတ်စုံဖြူ ခြေချင်းသံတညံညံ နဲ့ အလုပ်များလုပ်နေကြတာကို ရံဖန်ရံခါ တွေ့မြင်ဖူးခဲ့ပါတယ်။ ကျောင်းဆရာ ဆရာမများက မင်းတို့ ပညာတတ်အောင်သင် လိမ်လိမ်မာမာနေ၊ မဟုတ်ရင် သူတို့လို နေရလိမ့်မယ်လို့ ဆုံးမခံခဲ့ရဖူးပါတယ်။ နောက် မိမိမှာ စာကြိုးစားပြီး လိမ္မာသော်လည်း ထောင်ထဲကို ရောက်ခဲ့ရပြီး အဲတုန်းကဆို ဆရာ ဆရာမများရဲ့ ဆုံးမစကားများကို ကြားရောင်ကာ ပြုံးမိပါသေးတယ်။ စာတော် လိမ္မာရုံမက ရဟန်းသံဃာများကို ရိုသေကူညီခဲ့တာကတစ်ကြောင်း မိမိနိုင်ငံကြီးကို တိုးတက်စေချင်တဲစေတနာတွေကြောင့်တစ်ကြောင်း အုတ်ရိုးအတွင်းသို့ ရောက်ခဲ့ရတာတွေကို ဆရာမတွေနဲ့ ကြုံရင် ပြန်ပြောပြချင်ပါသေးတယ်။ ထောင်ထဲသို့ရောက်မှ ဖတ်ခဲ့ရတာကတော့ ပါပီလွန်နှင့်ဗင်ဂို ဆိုတဲ့ ဘာသာပြန်ထောင်စာအုပ် ဖြစ်ပါတယ်။

မိမိမှာ ထောင်ထဲမှာနေခဲ့ဖူးသော်လည်း မှတ်မှတ်သားသားအနေနဲ့ စာအုတ်မရေးထုတ်နိုင်ခဲ့ပါ။ ရေးရန် အတန်တန်ကြိုးစားခဲ့သော်လည်း ခေါင်းစဉ်လောက်နဲ့ တစိတ်တပိုင်းလောက်သာ အကြမ်းရေခဲ့ဖူးပါတယ်။ ယခုအခါ ပါမောက္ခ မစ္စတာရှောင်တာနယ်က သူထောင်က ထွက်ပြီးမကြာခင်မှာပင် မြန်မာနိုင်ငံက ထောင်တွင်း အတွေ့အကြုံများကို စာတစ်အုပ် ကို အင်္ဂလိပ်ဘာသာနဲ့ ရေးသားထုတ်ဝေလိုက်ပါတယ်။ An Unlikely Prisoner လို အမည်ပေးထားပါတယ်။ မစ္စတာရှောင်ရဲ့ ကြိုးစားအာထုတ်မှုကြောင့် လက်ရှိမြန်မာ့နိုင်ငံအကျဉ်းထောင်ထဲရှိ အခြေအနေများအား ကမ္ဘာကိုသိစေတဲ့ ခေတ်ပြိုင်သမိုင်းမှတ်တမ်းတစ်ခုလည်း ဖြစ်ပါတယ်။ မစ္စတာရှောင်တာနယ်ဟာ နိုင်ငံခြားသားတစ်ယောက်ဖြစ်ပေမယ့် ၂၀၂၁ စစ်အာဏာသိမ်းအပြီးမှာ မြန်မာနိုင်ငံ အင်းစိန်အကျဉ်းထောင်မှာ ဖမ်းဆီးထိမ်းသိမ်းခံခဲ့ရပြီး အတန်ကြာ အကျဉ်းကျခံခဲ့ရတာဖြစ်ပါတယ်။ သူ့စာအုပ်ထွက်ပြီးမကြာခင်မှာပဲ ဆရာအေကေမိုးက မြန်မာဘာသာ ပြန်ဆိုပြီး “သူမတူအကျဉ်းသား” လို့ အမည်ပေးခဲ့ပါတယ်။ မူရင်းစာအုပ်ရော ဘာသာပြန်စာအုပ်ရောကို အစအဆုံးမဖတ်ရသေးပါ။ ကံကောင်းချင်တော့ မြန်မာပြန်ထားတဲ့ စာအုပ်ကို All Young Burmese League YouTube Channel မှာ ကိုနေမျိုးဇင် ဖတ်ပြလို့ အပိုင်းလိုက် နားထောင်နေရပါတယ်။ မပြီးသေးဘူးပေါ့။

နိုင်ငံခြားသားတစ်ယောက်အဖို့ အထူးသဖြင့် ပညာကိုသာ စိုက်လိုက်မတ်တပ် လုပ်ခဲ့တဲ့ ပညာရှင် ပါမောက္ခတစ်ယောက်အနေနဲ့ တော့ သူ့အတွေ့အကြုံတွေက အတော်လေးမသက်မသာ ဖြစ်တာကို တွေ့ရပါတယ်။ သူလုံးမမျှော်လင့်ထားတဲ့ အနေအထားတွေကို ကိုတွေ့ကြုံခဲ့ရတာပါ။ ခက်ခဲတဲ့အနေအထားတွေကို ဖြတ်သန်းရင်း မြန်မာမိတ်ဆွေကောင်းတွေနဲ့ ထောင်ထဲတွေ့ကြုံရတာတွေကို အသေးစိတ်ဖေါ်ကျူးထားတာ ဖြစ်လို့ ခေတ်ပြိုင်မှတ်တမ်းလေ့လာလိုသူများ ဖတ်သင့်ပါတယ်။ သူက အင်္ဂလိပ်လိုရေးတာမို့ နိုင်ငံတကာကနေ မြန်မာ့အကြောင်း ကို သိရှိနိုင်သွားပါတယ်။ အထူးသဖြင့် နိုင်ငံခြားသားတစ်ယောက်ကို ဖမ်းဆီးခဲ့တဲ့ မှတ်တမ်းအဖြစ်လည်း သမိုင်းမှတ်တမ်းဝင်ခဲ့ပါပြီ။

စောဂျိမ်း
၃.၆.၂၀၂၄

20/05/2024

ရှယ်ပါရစေနော်
🎉 Facebook recognised me as a top rising creator this week!

17/05/2024

“ည” ရုပ်ရှင်ကားကို ကျတော်တို့ ဝိုင်းကူညီခဲ့ကြတယ်။ စင်ကာပူရောက် မြန်မာတွေ အားပေးခဲ့ကြတယ်။ ဘာဖြစ်လို့လဲ ဆိုတော့ မြန်မာ့ရုပ်ရှင်တွေကို အဆင့်မီလာအောင်၊ ထိုးထွက်လာအောင် ကြိုးစားလာကြတဲ့ လူငယ်တွေကို အားပေးချင်လို့ဖြစ်ပါတယ်။ မင်းသား ဇဏ်ခီ နဲ့ ဒါရိုက်တာ ခရစ္စတီးနားခီတို့ စတင်ထိုးဖေါက် လာခဲ့ကြပြီး လူငယ် များကလည်း ဒီလို ကြိုးစားလာခဲ့ကြတာ ဖြစ်ပါတယ်။ တိုင်းပြည်က အတက်ဖက်ကို ဦးတည်ချိန် အဖက်ဖက်က တိုးတက်စေချင်တဲ့ စိတ်တွေကြောင့် ဖြစ်ပါတယ်။ ဒါရိုက်တာရော သရုပ်ဆောင်တွေပါ ၃၀ တန်းတွေ ၊၂၀ တန်း လူငယ်ခြေတက်​တွေဖြစ်လို့ လူငယ်တွေကို အားပေးချင်ကြလို့လည်း ဖြစ်ပါတယ်။ ဒါရိုက်တာ ထူးပိုင်ဇော်ဦး နဲ့ မင်းသား မင်းသမီးတွေကိုယ်တိုင် လာပြီး ပရိတ်သတ်တွေ့ဆုံခဲ့တာပါ။ ဒီပွဲမှာ ပုံတွေ အများကြီး ရိုက်ဖြစ်ခဲ့သလို ကျတော့်ရဲ့ အရင်အကောင့်မှာ တင်ပေးခဲ့ဖူးပါတယ်။ အခုတော့ အဲဒီအကောင့် မရှိတော့ပါဘူး။ အရင်ပို့စ်မှာ ညီမငယ် မြတ်နိုးအေး ရဲ့ ပုံကို တင်ပေးခဲ့ပြီး အခုတစ်ခါတော့ မင်းသမီး နန်းထရေစီ ရဲ့ ပုံကို တင်ပေးလိုက်ပါတယ်။ အခု နန်းထရေစီ ကို မတွေ့မိတော့ပါ။ သိကြသူများ ကွန်းမန့်ပေးကြပါ။ အခြားပုံများကိုတော့ အလျဉ်းသင့်သလို တင်ပေးသွားမှာဖြစ်ပြီး ရိုက်ကူးခဲ့တဲ့ ရက်ကတော့ ၂၀၁၈ မေလ ၁ ရက်နေ့က ဖြစ်ပါတယ်။

စင်ကာပူမှာ ၂၀၁၃ လောက်ကနေ ၂၀၂၀ လောက်အတွင်းကမှာ လုပ်ခဲ့ကြတဲ့ပွဲတွေ အများစုရဲ့ မှတ်တမ်းတွေ ကျတော့်ဆီမှာ ရှိပါတယ်။ ဘယ်ဟာတွေကို တင်စေချင်လဲ ဆိုတာ အဲတုန်းက မှတ်မိသူများ၊ ကိုယ်ပုံလေးတွေ ပါနိုင်မယ် ဆိုသူများ Comment ရေးပေးသွားကြပါအုံး။

ရုပ်သံများကို YouTube Channel ( )မှာလည်း သွားရောက် ရှာဖွေ ကြည့်ရှုနိုင်ပါတယ်။

16/05/2024

အရင်က ရိုက်ဖူးတဲ့ ပုံလေးတွေ၊ ရိုက်ဖူးတဲ့ ရုပ်သံတွေ၊ ရိုက်ဖူးတဲ့ ပွဲတွေကို ပြန်ပြီး စာရေးတင်တာဖြစ်စေ ရုပ်သံလုပ်တင်တာဖြစ်စေ ကြိုးစားကြည့်မလားလို့။ ဥပမာ -၂၀၁၅ ရွေးကောက်ပွဲတုန်းက စင်ကာပူသံရုံးရှေ့မှာ နေ့မအိပ် သွားရိုက်ခဲ့တဲ့အကြောင်းမျိုးတွေ ၊ ဆီးဂိမ်းမှာ မြန်မာပရိတ်သတ်တွေရဲ့ အားပေးမှု မှတ်တမ်းတွေ၊ သင်္ကြန်ပွဲတွေ… စသဖြင့်ပေါ့။ ဘယ်ဟာတွေက စတင်စေချင်လဲ ဆိုတာ အဲတုန်းက မှတ်မိသူများ၊ ကိုယ်ပုံလေးတွေ ပါနိုင်မယ် ဆိုသူများ Comment ရေးပေးသွားကြပါအုံး။

အခုပုံကတော့ စင်ကာပူမှာ “ည” ရုပ်ရှင်ကားပြစဉ်တုန်းက မင်းသမီး ညီမငယ် မြတ်နိုးအေးကို ရိုက်ဖြစ်တဲ့ ပုံလေးပါ။ ၂၀၁၈ မေလ ၁ ရက်နေ့က ဖြစ်ပါတယ်။ Golden Mile က Carnival ရုပ်ရှင်ရုံမှာ “ည” ဆိုတဲ့ကား ပြခဲ့တုန်းက ဒါရိုက်တာ ထူးပိုင်ဇော်ဦး ဦးဆောင်တဲ့ မင်းသား မင်းသမီးတွေ လာပြီး ပရိတ်သတ်တွေ့ဆုံပွဲ လုပ်ခဲ့တာပါ။ ပရိတ်သတ်တစ်ယောက် နဲ့ ဆယ်ဖီဆွဲနေစဉ် အမှတ်တမဲ့ မှတ်တမ်းတင်ခဲ့တာလေးပါ။

13/05/2024

ကြိုးစားပြီး မကြာခင် တင်ပါမယ်

ကမ္ဘာကိုပတ်နေကြတဲ့ Starlink ဂြိုဟ်တုများအကြောင်း လေ့လာမိသလောက် ဝေမျှရင်ကောင်းမလားလို့ စဉ်းစားနေပါတယ်...

11/05/2024

ဒီအထဲမှာ နောက်ပြန်ရှာကြည့်တော့ ၂၀၁၅ ဆီးဂိမ်းကပုံတွေ အများကြီး တွေ့သဗျ… ကင်မရာစကိုင်ကတည်းက snap ရိုက်ချက်များ…