فاعل خير

22/02/2023

اول بوست في صفحتنا بعد تعديل الاسم

محتاجين للعلاجات دي لي اول حالة عندنا في الصفحة
سعرها 6300

قدر ما الله أداك خت..🍀
قدر ما الله أداك مد..🌿

06/01/2023

تم تعديل اسم الصفحة لفاعل خير لمساعدة المرضي وكفالة الأيتام والمحتاجين تمنى التفاعل ❤️😎❤️

06/01/2023

السادة خطباء المساجد الأفاضل لحظه من فضلكم✋
رجاء وليس امر فى خطبة الجمعة القادمة
من فضلكم لا تحدثونا في خطب الجمعة عن اقتراب عيد الأضحى
والإسراء والمعراج ، ولا عن إفشاء السلام...

الناس يعيشون أزمة معيشية صعبة، والناس تئنُ من قسوة المعيشه ، ومن جشع التجار
الناس تبكي بصمت دون دموع .

اعلموا أن من يجلس أمامكم ويسمع خطبتكم هم أناس سارحون مقهورون ، بالهم مشغول في كيفية تأمين علبة حليب لأطفالهم ، أو تسديد مصاريف الدراسة ، أو دفع فواتير متراكمة كهرباء ومياه ، أو ديون متأخرة

من فضلكم تحدثوا عن حرمة احتكار السلع ، عن التراحم فيما بين الناس ، عن وجوب مراعاة المعسر في الدَين الذي عليه
عن أهمية التكافل الاجتماعي في هذه الأزمات

وعن مصير المحتكرين والفاسدين في ظل هذه الحروب العالمية

حدثونا أن المعاملة من الدين ، وأن الدين ليس صلاة وصياماً وعبادات فقط بل هو كل شئ

احكوا لنا عن فضل من يسامح في حقه إذا كان ميسوراً ، وفضل من يدخل السرور إلى قلب إنسان يعاني الحرمان ، وفضل من يطعم الجائع ويكفي حاجة المحتاج.

مع كل الاحترام والتقدير للجميع

04/01/2023

نوثق لكم أجمل اللحظات ❤️🥰❤️

Elfaroog media production..
Sudan 🇸🇩..
For more infor call 📱.
0915536747 📩☎️
0922610400
https://m.facebook.com/102224698483357
نوثق لكم اجمل اللحظات ..

28/12/2022

الزواج

15/11/2022

اولاد اختك لمن يجوك الصباح بدري و يلقوك نايم 😂

30/09/2022

هو انتي قايلة في زول بحبك زي أبوك 💙🌸..

23/09/2022

* 《14》*
* ..*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
انور:( انتي اقعدي اتفاهمي معاهو)
قلتاليهو:( اتفاهم في شنو? انت شايف الحصل ده ممكن يبقي فيهو تفاهم تاني?)
انور:( العملو معاك غلط كبير...بس هو م حسي بيهو في وقتو.. و لمن حسي بالذنب و جا فتش عليك لقاك ماف)
قلتاليهو:( بعد شنو? بعد دمر حياتي? و خلاني اخلي امي و اهلي و محل م اتولدتا و اتربيت و جيت حايمه هنا في الشارع م لاقيه حق الاكل.. خلاني مشرده...و لمن بقيت بت ليل و ابوي مات وانا م شفتو ولا لاقيتو.. ده كلو هو السبب فيهو.. هو السبب في اي شي كعب حصل لي)
حاولتا امسك نفسي و م ابكي قدام انور.. بقيت ساكته و ماسكه روحي..و انور برضو ساكت... شويه كده سمعتا صوت زول قال السلام عليكم... قبلتا عاينتا لقيتو ابراهيم.. عاينتا ل انور بزعل و وقفتا شلتا شنطتي..
انور وقف معاي..
انور:( ماشه وين?)
قلتاليهو:( البيت)
و قبلتا دايره امشي مسكني ابراهيم من يدي...
ابراهيم:( دقيقه دايرك ي منيره)
فكيت يدي منو سرعه و صرختا فيهو:( فك يدي)
ابراهيم:( منيره اهدي شويه)
انور:( منيره تعالي دايرك)
مسكني من يدي و مشينا بعيد شويه من ابراهيم..
انور:( منيره هو عندو ليك كلام داير يقولو اسمعيهو و بعدين اعملي الدايراهو.. بس اسمعيهو عشان خاطري و انا حاقعد جمبكم بيجاي.. تمام)
بقيت بفكر انا حانتقم من ابراهيم ده كيف لو م اديتو وش?? لازم امثل اني سامحتو عشان اقدر اتواصل معاهو و انتقم منو.. وعيت بصوت انور:( اها قلتي شنو?)
قلتاليهو:( حاضر ي انور عشان خاطرك بس)
انور ابتمسم:( تمام طيب يلا امشي و انا حاقعد هنا لو دايراني في اي لحظه ناديني)
قلتاليهو:( حاضر)
و مشيت قعدتا في الكرسي قدام ابراهيم و قلتاليهو:( اها اتكلم سرعه)
ابراهيم ابتسم لي:( منيره وريتك انا م كنت قصدي ادمرك انا حبيتك بس ظروف شغلي خلتني ابعد و م حسيت بالذنب نحيتك قبل سنتين و م لقيت اجازه عشان اجي.. و اول اجازه جاتني السنه الفاتت طوالي جيت و مشيت ليك بس قالو لي انك ميته...زعلتا عليك شديد)
قلتاليهو:( حسيت بالذنب بعد كم سنه? 7 سنه? انت م عارف روحك دمرتني كيف? انا غشيت اهلي و وهمتهم اني ميته عشان م اعمل ليهم فضيحه.. و جيت عشتا هنا في الخرطوم كنت بفتش حق الاكل م بلقاهو.. و لمن لقيت الناس ديل و بقيت اشتغل كده.. لانو اصلا م عندي شي اخسرو.. انت فاهم انت السبب في اي شي حصل لي? فاهم انت السبب للوصلتا ليهو ده)
ابراهيم:( انا مستعد اصلح اي حاجه.. مستعد اديك قروش تشتغلي بيها..او اعمل ليك مشروع صغير...و تعيشي منو و م تضطري تشتغلي الشغل ده تاني?)
ضحكتا بصوت عااالي...
قلتاليهو:( انا عندي البكفيني و ذياده و م محتاجه لقروشك ي ابراهيم)
ابراهيم:( عارفك م محتاجه.. بس عشان م تشتغلي كده)
قلتاليهو:( انا عاجبني الشغل ده )
ابراهيم:( انت م كده م من النوع ده.. م بعجبك الشغل ده.. انتي مضطره بس.. عارفك مسكينه و بريئه)
ضحكتا من جواي علي كلام ابراهيم و ظنو الكويس فيني..
ابتسمتا و سكتا..
ابراهيم بالابتسامه دي فرح بيها.. بقت ليهو باب للصلح معاي..
ابراهيم:( خلاص ممكن تعفي عني والله شايل همك ليل نهار.. و الدايراهو انا تحت امرك فيهو)
ابتسمتا و قلتا ليهو:( خلاص ي ابراهيم.. م دايره منك شي.. و موضوعنا خلص م زعلانه منك)
ابراهيم فرح و وقف علي حيلو..
ابراهيم:( بالمناسبه دي عازمكم انتي و انور عشاء برا)
و كورك لانور..انور جا مبتسم..
انور:( خلاص اتصافيتو?)
ابراهيم:( ايوا.. يلا عازمكم عشاء)
انور:( امشو انتو براكم خلوني انا)
قلتاليهو:( لو انور م مشي انا م ماشه)
ابراهيم:( شفتا? يلا ارح كلنا.. م صدقتا هي وافقت)
انور ابتسم:( يلا)
و طلعنا مشينا مطعم...
طلبنا العشاء و قعدنا ناكل و نتونس... جا واحد داخل المطعم.. انور عاين ليهو..
انور ل ابراهيم:( بتعرف خالد محمود ده?)
ابراهيم قبل عاين ل خالد..
ابراهيم:( طبعا.. ده رائد كبير في الشرطه)
خالد شاف ابراهيم و انور و جا عليهم مبتسم...
خالد بكل هدوء:( مساء الخير)
انور و ابراهيم قامو..
ابراهيم:( اهلا اهلا بسعاده الرائد)
خالد سلم علي ابراهيم..
خالد:( كيفك ي ابراهيم? حمدلله علي السلامه)
ابراهيم:( الله يسلمك)
خالد سلم علي انور:( اهلا ي باشا)
خالد بابتسامه:( معقوله بس ي سعاده الباشا .. انت الباشا والله .. كيف اخبارك و صحتك?)
انور:( الحمدلله تمام)
خالد سلم علي..
خالد:( السلام عليكم)
ابتسمتا و قلتاليهو:( و عليكم السلام )
انور:( اعرفكم...خالد محمود.. رائد في الشرطه.. منيره عبدالقادر.. صديقه عزيزه جدا)
خالد:( اهلا و سهلا)
قلتاليهو:( اهلا بيك)
ابراهيم:( اقعد اتعشا معانا)
خالد:( بالهنا ان شاءالله...في ناس مستنييني هناك.. المره الجايه ان شاءالله)
ابراهيم:( ان شاءالله)
خالد :( يلا عن اذنكم)
و طوالي مشي..
قعدو بقينا ناكل..
انور:( طبعا خالد ده زول عندو ضمير و مخلص جدا للوطن و في شغلو)
ابراهيم:( بلاي.. انا بعرفو معرفه سطحيه م بعرف عنو كتير)
انور:( زول ممتاز جدا في شغلو.. و الحق حق.. لا بتاع رشاوي لا مصالح لا اي حاجه... سيرتو المهنيه ذي الفل...و عندو مستقبل كبير جدا في مجالو)
ابراهيم:( والله ماشاءالله)
انا عجبي خالد.. شكلو.. ملامحو.. صوتو.. طريقه كلامو.. لبسو...اي شي فيهو عجبني.. بقيت دايراهم يتكلمو عنو اكتر عشان اعرف معلومات عنو.. من كلامهم عرفتا مكتبو وين.. قلتا ممكن اكلمو ب امير و سوسو و البعملوهو.. و اتفق معاهو يقبضهم متلبسين.. طيب لو م صدقني?? او اعتبرني معاهم?? لالا هو زول كويس و كلهم بشهدو ب كده.. حسيت القدر جاب لي خالد لحدي عندي عشان استفيد منو..

سمعتا من سوسو انو نهي حالتها خطيره و راقده في العنايه.. اصلو م زعلتا عليها او ندمتا.. قلتا تستاهل اكتر من كده..
بقيت بفكر امشي ل خالد كيف و اقول شنو..
ابراهيم بقي ببدق لي و بتونس معاي...و خته في حسابي في البنك مبلغ محترم كده.. م اعترضتا قلتا خلي يخسر اكتر..
في ونستنا عرفتو عرس و عندو اولاد...و بريد مرتو شديد..
بس اسرتو عايشين برا.. م حاقدر اصل ليهم.. انا م دايره انتقم فيهو هو.. دايره انتقم في اعز زول ليهو...ذي م حانتقم من امير في هاني ولدو.. المواضيع كلها جاطت في راسي بقيت م عارفه احلها كيف و ابدا ب منو... عندي اول وحده في القائمه سميه و بعديها هشام.. و امير و مدام سوسو.. و اخيرا ابراهيم..
بس قبل م ابلغ علي امير و سوسو...لازم امير يتوجع في هاني ولدو..قعدتا يومين بفكر.. في الاخر قررتا.. ابدا ب سميه..
مشيت ل سوسو.. اتونس معاها...كل م امشي ل سوسو بلقي معلومات كتيره..
مشيت قعدتا بتونس معاها..
سالتها :( وين سميه م ظاهره)
سوسو:( سميه زعلانه علي نهي و قالت احنا السبب)
ضحكتا.. قلتاليها:( بالغت معاكم ..كيف تعملو في نهي كده?)
سوسو:( البت دي مجنونه ساي)
جو داخلين هشام و امير مبسوطين بضحكو..
سوسو:( اها بشرو? استلمتو البضاعه?)
امير:( ايوا...استلمنا بضاعه ذي الفل و ختيناها في المخزن و جينا)
هشام:( البضاعه دي لمن نبيعا حنكسب من وراها دهب)
قلتاليهم:( بضاعه شنو?)
امير:( مواد تموينيه)
استغربتا.. مواد تموينيه?? مبسوطين بيها كده?
هشام:( المهم ي امير لازم نلقي ليها تصريف بدري و سرعه.. انا راس المال حقي كلو فيها و داير ابدا اصلح المطعم الجديد)
امير:( هي اصلا محجوزه و دافعين الناس عرابين.. اصبر يومين بس و حتلقي راس مالك رجع مضاعف)
سوسو:( امنتو عليها كويس? المخزن ده بعيد و ماف حولو مباني عادي ممكن تتسرق)
امير:( لالا اتطمني ااي شارع سويا ده فاضي بس جبتا اتنين سكيورتي قاعدين.. ماف زول بقدر يمشي جمب المخزن)
الفكره جات في راسي...لازم احرق قلبهم علي بضاعتهم المبسوطين بيها دي...بس دي بضاعه شنو? انا م عرفتا.. لازم اعرف موقع المحزن و امشي احرقو ليهم.. لازم.. قبل م يبدو يبيعو البضاعه دي..

سميه كانت زعلانه علي نهي و حاسه انو امير هو الكلم اخوها عنها.. ف عشان كده بقت م بتجي تشتغل و م بترد عليهم و م عارفنها وين...انا النقطه دي استفدتا منها اني اوقع بينها هي و امير في موضوع المخزن..بس الاول لازم اشكك امير فيها...
اليوم داك قلتا ليهو ارح نسهر مع بعض.. امير وافق طوالي.. مشينا شقه حقتو...ختينا الشراب و بقينا نشرب و نتكلم..
قلتاليهو:( ي امير .. سميه م راجعه تاني?)
امير بزعل:( سميه دي وحده مجنونه...قالت انا السبب في الحصل ل نهي.. كيف يعني انا اعمل كده في نهي?)
قلتاليهو:( اي صح سوسو قالت لي كده)
امير:( نهي دي شغاله معاي من متين و شغلها كويس و م حصل اختلفنا انا و هي...انا مستحيل اعمل فيها كده)
قلتاليهو:(اي صح.. سميه دي لازم تلقوها و تراضوها لانها عارفه كل اسراركم.. و ممكن توديكم في مشاكل)
امير سكت و عاين لي مساافه..
قلتاليهو:( م تستبعد حاجه.. انا غايتو م متطمنه ليها)
امير قلق بس م حاول يظهر لي القلق ده..
امير:( م بتعرف شي و لا بتقدر تعمل حاجه)
قلتاليهو:( طيب.. المهم. لازم تلقوها و راضوها بس.. عشان م تقلق بيكم كده ب اختفاها ده)
امير:( طيب ان شاءالله)
ختيت حبه هلوسه ل امير في الشراب..عشان يتكلم و يحكي لي بالحاصل بدون م يتذكر قال شنو لمن يفوق..
لمن بدا مفعول الحبه..
قعدتا جمبو و سالتو..
--------------------------------------
---------------------
*☆نتلاقي☆☆*
*بــــــــــــــيــــــــــــــــــــجــــــــــــــة*

23/09/2022

* 《13》*
* ..*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
مشيت علي الباب حاولتا افتحو م قدرتا..مقفول بمفتاح... رجعتا علي الشباك حاولتا افتحو لقيتو تقيل بس بفتح معاي.. شويه شويه فتح حاجه بسيطه و البتين جوه بعاينو لي بخوف..
قلتاليهم:( تعالو ساعدوني افتحو الشباك عشان اقدر اطلعكم)
عاينو لبعض بخوف..
قلتاليهم:( يلا دايره اهربكم انا.. سرعه)
البتين قامو سرعه بقو بفتحو معاي .. الشباك فتح شويه..
قلتاليهم:( انتو ضعاف حاولو اطلعو بالفتحه دي)
جابو كرسي ختوهو و وحده طلعت و انا من برا جريتها طلعتها..
و التاني طلعت جريتها طلعتها..
و قلتاليهم:( يلا تعالو وراي)
كنت لازم اعرف حصل معاهم شنو..
طلعنا بالباب الورا.. ماف زول شافنا.. قلتا ليهم:( اقيفو ورا الشجره ديك..اسي بجيكم)
جرو الاتنين وقفو وراها.. مشيت ل الفاتح في العربيه ركبتا و قلتاليهو:( لف شمال بيجاي)
لفينا مشينا للبنات .. من شافوني جو جارين ركبو معاي و مشينا سرعه من قدام البيت..
قلتالي الفاتح:(وديني البيت)
مشينا البيت.. طلعنا انا و البنات البيت..
جبتا ليهم مويا و عصير و سالتهم..
قلتاليهم:( اسمكم منو?)
وحده قالت لي:( انا زينب و دي ايمان)
قلتاليهم:( اها احكو لي قصتكم ي زينب)
زينب:( انا و ايمان اخوات من ابوي.. هي بت ابوي م شقيقتي و جينا هنا الخرطوم عشان نشتغل لانو ابوي قال لينا اعتمدو علي نفسكم م عندي ليكم قروش.. جينا بقينا نفتش في شغل.. لقينا واحده ادتنا مناديل.. و بقينا نبيع في الاشاره)
قلتاليها:( و امير قال ليكم شنو?)
ايمان:( جا قال لينا ارح اشغلكم شغل سمح و اديكم اكل و قروش.. جانا كم مره.. في الاخر مشينا معاهو)
قلتاليهم:(اها و بعد مشيتو حصل شنو? )
ايمان:( مشينا معاهو البيت الكبير و قعدنا في الغرفه و المرا جابت لينا اكل كتيير و عصير و كده.. و ادتنا هدوم سمحه.. و اتكلمت معانا كتير انو لو سمعنا الكلام حتدينا قروش كتيره و امير هددنا انو لو م سمعنا الكلام حيضربنا.. احنا خوفنا.. امير جاب لينا كم راجل شافونا.. انا ساقني واحد.. و زينب ساقا واحد .. قبل م يسوقونا اتفقنا انو لو لمسونا او حاول يعتدو علينا حنصرخ.. و فعلا حاولو يعتدو علينا و بقينا نصرخ.. انا الراجل ضربني شديد بس حلفتا م اسكت.. لمن خاف و فكاني و خلاني.. و زينب برضو حصل معاها ذيي.. هم خافو من الكوراك حقنا.. و بكده رجعنا البيت الكبير...المرا شاكلتنا و ضربتنا.. و تاني جربنا مع رجال و برضو حصل نفس الفات و في الاخر المرا شاكلتنا و قالت حتكلم لينا امير)
قلتاليهم:( يعني ماف زول لمسكم?)
زينب:( لالا م لمسونا)
قلتاليهم:( الحمدلله.. انتو حتقعدو معاي هنا لمن القي حته اوديكم فيها.. لانو لو رجعتو الشارع امير ممكن يلاقيكم و م معروف يعمل فيكم شنو!! )
ايمان:( حاضر بنسمع كلامك في ااي حاجه)
قلتاليهم:( خلاص تمام...اعتبرو البيت بيتكم...انا ماشه مشوار و جايه)
زينب:( طيب)
و طلعتا رجعتا الفيلا.. كنت بفكر انو بيتي م آمان بالنسبه ل البنات ديل لانو امير ممكن يجي في اي لحظه.. و كمان هاني بجيني في البيت..
مشيت الفيلا دخلتا عادي.. لقيت سوسو و امير ماشين و جايين في الصاله و اعصابهم بايظه..
ابتسمتا ليهم و قلتا ليهم:( اذيكم)
امير و سوسو شافوني عاينو لبعض و ابتسمو.. عشان يدسو الخوف و التوتر الفيهم..
امير بابتسامه:( ميمي.. تعالي ادخلي)
سوسو:( اهلا ي ميمي)
ضحكتا قلتاليهم:( ميمي دي شنو كمان?)
امير:( بندلعك يااخ)
ابتسمتا و قعدتا..
سوسو:( طالعه اضرب تلفون و بجي..اقعدي ي منيره البيت بيتك)
و طلعت فوق.. قعدتا مع امير..
امير:( اها ي منيره.. الاخبار شنو?)
قلتاليهو:( تمام ماشي الحال..كيف روان و الاولاد?)
امير:( كويسين.. بس هاني.. عندو حركات الايام دي م عاجباني. .بقي بقعد برا البيت كتير و حركاتو م طبيعيه)
خوفتا من شك امير ده..
قلتاليهو:( كيف م طبيعيه?)
امير:( م عارف بس شاكي انو بعمل في حاجه غلط.. عمره م اتاخر برا البيت او قعد كتير...من جامعه للبيت طوالي.. نادر لمن يطلع..بس اسي طوالي بطلع و بتاخر كتير)
قلتاليهو:( عادي الشباب كلهم كده)
امير:(لالا.. هاني م كده.. هاني انا بعرفو.. اقل تغيير بعرفو.. هاني ده ولدي الكبير.. سندي.. و كل عزوتي.. انا كل امالي خاتيها فيهو.. عشان كده خايف عليهو شديد و م دايرو يدخل في حركات الشباب ديل.. شراب و سكر و حركات)
قلتاليهو:( الحياه دين.. كما تدين تدان... انت حافظ علي الناس عشان ربنا يحفظ ولدك)
امير عاين لي بطريقه غريبه.. و سكت..
تاني سوسو جات...قعدت.. و امير استآذن و مشي..
سوسو:( اخبارك شنو?)
قلتاليها:( تمام.. بي زهجانه م عندي صحبات)
سوسو:( نهي و سميه م بتفقو معاك?)
قلتاليها:( ااي...شايفاهم براك انتي بغيرو مني كيف)
سوسو ضحكت:( ليهم حق...انتي شلتي منهم الجمل بما حمل)
ضحكتا قلتاليها:( ده نصيبي بس... انتي نهي دي من مدني وله الابيض?)
سوسو:( مدني)
قلتاليها:( انا مشبهه عليها.. زمان كنا عايشين في مدني حاسه اني لاقيتها.. هي حلتهم اسمها شنو?)
سوسو:( اسمها........)
قلتاليها:( احنا ذاتنا كنا هناك معناها فعلا لاقيتها...ابوها اسمو منو? او العائله)
سوسو:( ابوها اسمو محمد العباس.. عائلتهم اسمها العباس.. معروفين في مدني)
فرحتا من جواي...قلتاليها:( اي صدقيني بعرفا كويس)
سوسو:( بس سميه من الخرطوم.. من الجبل)
قلتاليها:( بلاي..من وين في الجبل?)
سوسو:( في حته اسمها........ اهلها اسمهم ناس شعبان)
قلتاليها:( اها تمام طيب)
تلفوني دقي.. عاينتا لقيتو هاني...استاذنتا من سوسو و طلعتا و انا مبسوووطه...
مشيت ل هاني في الشقه القالها و لقيتو جاب الكاميرا و ركبناها و وصلناها بتلفونو.. و اتفقنا علي الخطه..

تاني يوم الظهر كنت قاعده في الصاله بحضر في التليفزيون.. و زينب و ايمان قاعدين في المطبخ ..الباب دقي..
اشرتا ليهم يقفلو باب المطبخ..قفلوهو.. و مشيت فتحتا الباب لقيتو هاني و مدا لي ذاكره..
هاني:( اتفضلي ي حلوه)
شلتا الذاكره بفرح..
قلتا ليهو:( تعال احكي لي حصل شنو?)
هاني:( حااضر بالتفاصيل حاحكي ليك)
و بقي بحكي لي..

هاني:( مشيت وقفتا قدام البيت .. مستنيها تطلع.. قعدتا ساعه مستنيها حتي جات طالعه هي و سميه.. مشيت وراهم بالعربيه.. بقيت بشاغل فيهم.. و هم اتبسمو.. شاغلتا نهي اكتر و بوجه ليها الكلام.. و وقفتا ليهم..
قلتاليهم:( ارح اركبو اوصلكم)
طوالي ركبو...نهي بقدام و سميه بورا...بقيت بتونس معاهم..
و مشيت عزمتهم سندوتشات و مشينا شارع النيل..
بنتونس كلنا.. سميه قامت تتكلم بالتلفون..
قلتال نهي:( رايك شنو ي حلوه نمشي نساهر برانا.. عندي شقه ظريفه كده نعمل فيها ليلي سمحه)
نهي ضحكت:( طوالي.. بس بقروش م ساي)
قلتاليها:( طبعا.. الدايرااهو بديك ليهو)
نهي:( خلاص اتفقنا انا حاكلم سميه تمشي و انا بمشي معاك)
قلتاليها:( ظريف.. انا حاستناك في العربيه)
نهي:( طيب)
هاني:( مشيت ركبتا و هي جات و مشينا الشقه.. شويه شويه حصل بينا.. و في الفيديو في اي حاجه.. بالذات وشها ظاهر شديد.. انا م ظاهر.. عملتها مخصوص اني م اظهر)
قلتاليهو:( تسلم لي ي رب)
هاني:( العفو.. يلا انا ماشي عندي جامعه)
قلتاليهو:( طيب)
و مشي...شلتا الذاكره و انا مبسووطه...

مشيت رسلتا الذاكره في ظرف مع الفاتح لحدي مدني علي عنوان اخو نهي..

تاني يوم قاعدين في فيلا في الحديقه انا و سوسو و امير و معانا انور و كم مره و راجل كده بنتونس.. امير عامل لينا مشاوي.. فجاه جات سميه بتتجاري و بتبكي و لابسه عبايه و مبشتنه..
من شافتنا اتخلعت و رجعت ورا.. انا و امير و سوسو قمتا جرينا عليها..
امير:( في شنو ي سميه?)
سميه:( وووب علي الحقني ي امير...اخو نهي جاها البيت و ضربها ضرب لمن بقت م واعيه و ساقها و مشي)
امير و سوسو اتخلعو شديد.. و سميه بتبكي ..
امير:( ليه حصل شنو?? )
سوسو:( ليه ضربها اتكلمي ي سميه)
سميه:( م عارفه...م عارفه عملت شنو.. بس كان بقول ليها ي فاجره ي فاجره)
ابتسمتا و فرحتا شديد بالحصل ل نهي.. قلتا في نفسي تستاهل .. بقي لي سميه دي.. اشوف ليها حاجه تطيرا هي التانيه...
سميه و امير و سوسو حاولو يعرفو نهي اخوها وداها وين و بفكرو يحلوها كيف...

بقيت بفكر لازم القي لي زول في البوليس عشان اكلمو ب ناس امير دي .. بس القي لي زول كويس وين.. و يفهم الحاصل و يفهم اني م معاهم.. القي منو و كيف و اثق فيهو كيف م عرفتا..
دقي لي انور.. سلم علي و قال دايرني اجيهو البيت ضروري.. قلبي اكلني.. حسيت ابراهيم في الموضوع.. اتحججتا ليهو اني مشغوله و كده بس اصرا انو اجيهو.. قلتا ليهو طيب بجيك المسا۽..
المسا۽ كنت عند انور.. لقيتو مستنيني في الحديقه حقت بيتو.. سلمتا و قعدتا..
انور:( اخبارك شنو?)
قلتاليهو:( تمام والله.. انت كيف?)
انور ولع سيجاره و مداها لي.. شلتها و بقيت بشرب..
انور:( والله الحمدلله ي منيره)
سكتنا.. داير يقول كلام بس متردد.. حسيت بيهو..
جات الشغاله ختت قدامنا عصير و مشت..
قلتاليهو:( مالك ي انور? قول الداير تقولو)
انور ضحك:( دائما بتفهميني)
قلتاليهو:( اكيد)
انور:( ابراهيم)
طوالي كشرتا وشي..
قلتاليهو:( الموضوع ده منتهي)
انور:( م تقفليها في وشي كده)
قلتاليهو:( انور لو سمحت الموضوع ده منتهي.. م دايره كلام فيهو)
--------------------------------------
---------------------
*☆نتلاقي☆☆*
*بــــــــــــــيــــــــــــــــــــجــــــــــــــة*

23/09/2022

* 《12》*
* ..*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قلبي اتقطع علي ابوي و اني م شفتو.. قعدتا 3 يوم في البيت زعلانه و ببكي م قادره اطلع وله الاقي زول... بقيت بتذكر في ابوي و كلامو و نصايحو و ضحكتو و صوتو لمن يآذن في الجامع.. و دخلتو البيت علينا.. و امي و تعلقها بيهو .. بقيت بسال نفسي.. ابوي عيا? تعب? حصل ليهو شنو? مات كيف? امي حصل ليها شنو بعد موتو?? الدنيا وقفت في نظرها? حصل شنو??
بقيت بسال في نفسي اسآله كتيره م ليها ااي اخر..

م لقيت اصلا زول اشكي ليهو بالحاصل لي.. ليلي الوحيده الكانت بتسمعني بس هي اسي م بتتكلم معاي بسبب شغلي.. حسيت نفسي مخنوقه و دايره اتكلم مع زول...في الاخر دقيت ل ليلي قلتا ليها تعالي لي..
فعلا جاتني بعد ساعه.. فتحتا ليها الباب.. لقت شكلي كعب و عيوني مورمه من البكي و لابسه اسود.. ليلي اتخلعت..
ليلي:( في شنو?)
قلتا ليها:( ابوي مات)
و حضننها و بقيت ببكي...
ليلي:( انا لله و انا اليه راجعون...الدوام لله)
ليلي قعدت معاي اليوم كلو و واستني.. طبعا سوسو و امير م سكتو مني.. يضربو لي اليوم كلو انو اجي الشغل بس قلتا ليهم عيانه بس.. بقيت بفكر اسي لو امير م كان منع احمد انو يعرسني و خلانا نمشي كسلا و اصالح اهلي اسي كان لاقيت ابوي و شفتو.. م مات و انا بعيده منو...
قاعدين انا و ليلي في الصاله.. انا ساكته و سرحانه.. و ليلي بتعاين لي سااي..
ليلي:( منيره.. اظن لحدي هنا كفايا.. خلي امير و خلي الانتقام و شوفي حياتك.. م تخربي حياتك ذياده... منيره انا خايفه عليك .. حاولي ارجعي اهلك ...بسامحوك.. شوفي ااي عزر .. ان شا۽الله تقولي كنتي فاقده الذاكره و م عارفه شي.. المهم القي ااي حل و ارجعي.. بعدين مع اهلك حتبقي كويسه و متطمنه.. اخير من انك قاعده كده براك)
سكتا م رديت..
ليلي:( منيره خايفه عليك انا.. امير ده قصصو كتيره و انتي براك م حتقدري عليهو..م بالساهل كده.. امير ده عندو ضهر قوي.. م بقع بالساهل)
ليلي نقنقت كتيير في موضوع امير.. كنت دايره احكي ليها اني لقيت ابراهيم.. بس تاني سكتا خليتها..
تاني يوم امير دقي لي و قال الا اجي في شغل.. قمتا مشيت مع اني م عندي نفس ل حاجه و دموعي م نشفت.. مشيت الفيلا لقيت سوسو و امير و نهي و سميه.. نهي كانت قاعده جمب امير بتتونس معاهو اول من جيت داخله..
امير:( اهلا اهلا ب ست البنات.. تعالي اقعدي جمبي هنا.. قومي ي نهي)
نهي طيرت عيونها و قامت زعلانه قعدت في الكرسي و انا جيت قعدتا جمب امير..
امير:( شنو يعني الاختفا۽ ده.. وحشتينا والله)
قلتاليهو بصوت حزين:( كنت تعبانه شويه)
اميره:( الف سلامه عليك.. اسي حاجيب ليك كاس كده تشربيهو و تنعنشي كده عشان عندنا ناس مهمين جاين اسي)
سوسو:( في حفله صغيره كده و انتي نجمه الحفله طبعا.. في فستان في الغرفه فوق.. امشي البسيهو و اجهزي لانو الناس اسي حيجو)
قلتاليهم:( حاضر)
نهي و سميه بقو بعاينو لي بزعل شديد.. بقو بغيرو مني.. امير و سوسو مهتمين بي شديد و بعملو علي رضاي.. بس هم ماف زول شغال بيهم..

طلعتا الغرفه فوق عشان البس و اعمل ميكب لاني كنت م عامله حاجه في وشي... جو داخلين نهي و سميه ..وقفو بعملو ميكب في المرايا..
نهي:( انتي ي سميه شكلو الشغل ده عجبك شديد.. زمان حنسناك عليهو رفضتي و عملتي فيها شريفه)
عرفتا الكلام لي بس سكتا ابيت ارد..
سميه:( اي والله عجبني شديد.. زمان كنت عامله شريفه و م بنخدع بالقروش و المظاهر...بس اسي القروش بقت تعجبني شديد و ببيع اي شي عشانها)
نهي:( ايوا روقتي شديد و بقيتي تلعبي بالقروش.. يحليل جيتي مقطعه و م عندك غير عبايتك المعفنه ديك و بتشحدي في الاكل و الهدوم البتسترك)
اللحظه ديك اتغزتا شديد و قمتا طوالي مشيت علي نهي..
وقفتا قدامها و قلتاليها:( انتي قاصداني انا صح?)
نهي:( العلي راسو بطحه بتحسس عليها)
قلتاليها:( نهي.. الزمي حدودك معاي.. و احترمي نفسك)
نهي:( لمن تحترمي نفسك انتي الاول)
قلتاليها:( نهي انتي م قدري و احترمي نفسك و الزمي حدودك عشان م اتعامل معاك بطريقتي)
نهي ضحكت:( ههههه واي خوفتيتي.. كدي وريني حتتعاملي معاي كيف ي حلوه?)
سمعتا صوت سوسو بتنادينا.. ( منيره.. نهي..سميه)
قلتاليها:( حتشوفي براك ي حلوه)
و طلعتا مشيت.. و انا بقول في نفسي:( ايامك قربت ي نهي)
الضيوف جو و امير مسكني من يدي و عرفني بيهم و كلهم ماتو فيني..و انا بقيت بتونس و اتدلع علي الناس و مسكتا كل القعده علي حسابي.. نهي و سميه زعلانين شديد مني و بعاينو بزعل و انا قصدتا اني اغيزهم و ازعلهم ذياده.. قاعده في الكرسي براي كنت مشغوله بتلفوني.. فجاه حسيت مويا اتكبت في راسي رفعتا راسي بخلعه.. لقيت نهي واقف..
نهي بكل برود:( سوري م شفتك)
و مشت..
انا من الزعل دايره اطرشق..عرفتها قاصده الحركه.. احرجتني قدام الناس شديد بقو بعاينو لي.. طوالي شلتا منديل و مسحتا العصير من شعري و وشي.. و قعدتا عادي كانو م حصل حاجه.. بس من جواي دايره اطرشق من الزعل.. قضيت السهره و رجعتا البيت زعلانه شديد و بفكر انتقم كيف من نهي دي.. جا في بالي هاني..بقيت بفكر الم هاني مع نهي كيف?.. يمكن بتعرفو? لالا م اظن.. معناها انا الا احكي ل هاني ب نهي و اكلمو يلاقيها عشان اصورا و انتقم منها.. و بلقي عنوان اهلها عن سوسو او امير..

تاني يوم دقيت ل هاني جاني..
جا داخل طوالي قال لي:( اديني حبه من حقت المره الفاتت)
ضحكتا قلتاليهو:( غالي و الطلب رخيص)
مشيت جبتا ليهو صينيه فيها شراب و كاس و تلج و الحبوب.. طوالي شال الحبوب بلع منها وحده و بقي بشرب في الشراب و و اتكل علي الكنبه..
هاني:( يلا اؤمري ي هانم)
ضحكتا قلتاليهو:( عندي وحده واقفه لي في حلقي و دايره اطيرا من قدامي)
هاني:( بس كده? جيبي اسمها بس و في ثواني حتكون مافيشه في الدنيا كلها)
ضحكتا قلتاليهو:( م كده بس دايره افضحا .. دايره ليها تصوير صغير كده يصل لاهلها)
هاني:( بس كده? حاضر عيوني ليك انا مطلوب مني شنو?)
قلتاليهو:( حاقول ليك.. حاديك عنوانها و حاديك صورتها.. انت تمشي ليها و بكلمه وحده منك هي حتمشي معاك.. توديها اي شقه و نكون مجهزين الكاميرا...نصور البحصل.. و انا بعد داك بتصرف)
هاني يضحك:( والله انتي شيطانه)
قلتاليهو:( هي البدت و تتحمل البحصل)
هاني:( اوعي يوم تنتقمي مني انا كمان)
ضحكتا قلتاليهو:( الا لو اذيتني)
هاني:( معقوله بس..مستحيل)
قلتاليهو:( خلاص اسي مفروض نلقي لينا شقه)
هاني:( الشقه جاهزه م عندك مشكله)
قلتاليهو:( خلاص طيب معناها بكرا ننفذ البحصل)
هاني:( حااضر)
قلتاليهو:( تسلم ي رب)

قلتا امشي ل سوسو هي الحاعرف منها عنوان بيت اهل نهي .. لبستا و مشيت ليها..
جيت داخله الفيلا سمعتها بتتكلم في التلفون مع امير..
سوسو:( انت امشي شوف تاني.. الاتنين الجبتهم ديل خوافات و كوركو كم مره و فضحونا مع الناس.. كم راجل اشتكي منهم و قال اول من يقرب عليها تكورك و تصرخ باعلي صوت و حتلم عليهو الناس....... م لقيت اي طريقه ي امير معاهم جد غلبتا شاكلتهم و حبستهم في الغرفه الورا..... ااي تعال ليهم اتفاهم معاهم بطريقتك....ااي خوفهم اعمل اااي شي.... تمام ي امير... يلا سلام)
انا اتخلعتا و زعلتا شديد من كلام سوسو...طوالي طلعتا مشيت لفيت بالنجيله بورا..ماشه براحه خايفه زول يشوفني.. مشيت علي الغرفه الفي اخر النجيله.. و عاينتا بالشباك للبنات في الغرفه لقيتهم قاعـدين ببكو...و في اثر ضرب علي يدهم.. شكلو سوسو او زول تاني ضربهم..
--------------------------------------
---------------------
*☆نتلاقي☆☆*
*بــــــــــــــيــــــــــــــــــــجــــــــــــــة*

23/09/2022

* 《11》*
* ..*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بقيت يشوف في طريقه اجي بيها الفيلا عشان اشوف البحصل فيها.. م لقيت اي طريقه ارجع بيها.. دقيت ل امير م ردا لي.. سوسو م قدرتا ادق ليها تاني..
مشيت ل سميه و نهي لقيتهم مافيشات في البيت.. دقيت ليهم تلفوناتهم مقفوله.. م فهمتا الحاصل شنو.. دقي لي هاني قال جايني.. قلتا ليهو كويس ..
هاني بقي متعلق بي شديد و كل يوم بجيني.. كل مره بحاول اجرجر هاني عن شغل ابوهو و علاقاتو لقيتو م عارف اي حاجه.. بقيت م بمشي ل روان.. قلتا ليها لقيت شغل بعيد و خليتها..

قاعدين انا و هاني في الصاله و قدامنا شراب بنشرب و بنتونس .. قمتا جبتا حبوب هلوسه.. مديتها ل هاني..
قلتاليهو:( الحبوب دي مفعولها رهيب جدددا.. حتخليك تعيش في عالم تاني)
هاني :( جيبي ااي شي بجرب طوالي)
شال مني الحبه بلعها طوالي..ابتسمتا ليهو
و اتكل علي الكنبه ورا ..
قلتاليهو:( حامشي اجهز و اجيك)
و قمتا مشيت.. كنت مبسوطه اني حادمر هاني.. حاخد حق احمد بيدي..حاكسر قلب امير علي ولدو.. ذي م انكسر قلبي انا و ام احمد علي احمد..

تاني يوم مشيت الفيلا هناك.. كان في لمه و ناس.. المهم في نص الونسه قمتا مشيت المطبخ عشان اجيب تلج.. لمحتا بالباب حق المطبخ الورا في الحديقه في بتين قاعدين.. مشيت عليهم.. لقيتهم البتين الجابهم امير من الاشاره.. مشيت عليهم لقيتهم قاعدين بتكلمو من شافوني سكتو و خافو..
ابتسمتا ليهم و قلتاليهم:( اسمكم منو?)
سكتو م ردو..
كان شكلهم خايفين شديد..
قلتاليهم:( انتو شنو الجابكم هنا? امير?)
برضو سكتو..
قلتاليهم:( ردو علي عشان اساعدكم.. م تخافو.. احكو لي انتو هنا بتعملو شنو?)
وحده منهم بخوف قالت لي:(امير قال لو سمعنا الكلام حيدينا قروش كتيره)
قلتاليها:( تسمعو الكلام في شنو? )
الوقت داك سمعتا صوت مدام سوسو بتناديني..
سوسو:( منيره)
اتلفتا عليها..
قلتاليها:( ايوا)
سوسو:( تعالي دايرنك جوه)
و مشيت طوالي..لمن وصلتها قلتا ليها:( ديل شغالات جداد?)
سوسو:(ااي.. تعالي.. انور بفتش فيك)
و دخلنا البيت.. حاولتا ارجع ليهم تاني بس م لقيت ااي طريقه..
شويه كده ساقني واحد و مشيت معاهم..

راسي بقي جايط ب البنات البجيبهم امير..و تقريبا بشغلهم عندو ذينا.. بس ديل صغار ليه يخرب حياتهم كده.. حاولتا اعمل حاجه م لقيت.. م قدرتا.. لا امير لا سوسو م بتكلمو.. و لا نهي و سميه كمان.. اتذكرتا انور.. هو قريب ل امير.. قلتا يمكن عارف حاجه.. دقيت ليهو م ردا لي.. خليتو قلتا برجع لي..

قاعده في الصاله و بحضر في التليفزيون.. بس بالي في امي و اهلي.. من الصباح هم في بالي م عارفه ليه.. بقيت بسال في نفسي:( ي رب عاملين كيف? عايشين كيف? الحاصل عليهم شنو?) مره قريب ل سنتين من خليتهم.. جا في بالي اساعدهم ارسل ليهم قروش.. طوالي شلتا التلفون و دقيت ل الفاتح السواق ..
قلتاليهو:( تعالي لي فوق) و مشيت فتحتا الدولاب طلعتا قروش كتيره ختيت في ظرف كم مليون لاهلي و ختيت في ظرف تاني اتنين مليون ل الفاتح..اديت اهلي من قروشي حقت شغل روان ابيت اديهم من قروش شغلي التاني ده..
طلعتا الصاله لقيت الفاتح مستنيني..
مديت ليهو الظرف و الورقه فيها عنوان البيت..
قلتاليهو:( الفاتح.. معليش حاتعبك..بس دي حاجه ضروريه جدا.. ممكن تمشي لي كسلا?)
الفاتح:(كسلا? حاضر بمشي)
قلتاليهو:(تمشي العنوان ده و تديهم الظرف ده?)
الفاتح:( اقول ليهم من منو? )
سكتا قلتاليهو:( م عارفه.. ديل اهلي بس م تقول مني و م تجيب سيرتي خالص.. اتصرف اديهم القروش دي و خلاص.. ارميها من فوق الحيطه او اي شي.. بس لا.. اتطمن لي عليهم.. شوفهم قاعدين.. م عارفه)
قعدتا علي الكرسي و بقيت ببكي.. راسي كان جايط و كلامي كلو جايط م عارفه اقول شنو.. ماف حاجه قادره اقولها..
الفاتح حني علي..
الفاتح:( بتصرف انا م مشكله.. م تزعلي روحك.. و م بجيب سيرتك ابدا)
قلت ليهو:( طيب ي الفاتح..و الظرف التاني ده حقك.. اخد بكره اجازه و امشي كسلا)
الفاتح:( تسلمي استاذه منيره ..عن اذنك )
و طلع..

بليل انور اتصل علي قال لي:( عندي واحد صحبي داير تمشي ليهو)
قلتاليهو:( حاضر)
قال لي:( جاي من سفر عزيهو لي..ده عزيز علي)
قلتاليهو:( انت تامر ي انور)
طبعا انور ده راقي شديد و كريم شديد.. بديني قروش بدون عد و بدون سبب.. عشان كده اصلا م برفض ليهو طلب.. خاتاهو ل قدام اكيد حاحتاج ليهو في يوم..
المهم جهزتا و الفاتح وصلني البيت و مشي..
دخلتا دقيت الباب.. فتحت لي الشغاله..
طوالي قالت لي:( مدام منيره?)
ابتسمتا في مدام دي و قلتاليها:( ايوا)
قالت لي:( اتفضلي)
دخلتا البيت كبير شديد و سمح.. و فااضي.. مشينا علي السلم طلعنا فوق.. قعدتا في الصاله..
الشغاله:( استاذ ابراهيم اسي حيجي... تشربي شنو? )
قلتاليها:( اي حاجه بارده)
الشغاله :( حاضر)
و مشت.. بقيت بعاين في الصاله الكبيره الراقيه بس شكلها جديده ماف زول عايش فيها..
بعد شويه جا طالع ابراهيم القالو ده.. لابس برمودا و تيشيرت و جا علي مبتسم و قال لي:( مساء الخير)
عاينتا ليهو بابتسامه و قلتاليهو:( مساء النور)
في لحظه... الابتسامه اختفت...و الدنيا دي سودت قدامي و وقفتا مخلوعه...و هو كمان ابتسامتو مشت و مخلوعه شديد.
ابراهيم:( منيره?? ??)
قلتاليهو لخلعه:( ده انت?? ?)
و دموعي طوالي نزلت و جسمي بقي برجف حيلي م شالني.. طوالي قعدتا علي الكرسي..
ابراهيم قعد علي الكرسي القصادي...
اخر زول كان ممكن اتوقع اني الاقيهو تاني ابراهيم... الاقيهو في شغلي ده?? ابراهيم? بعد كل السنين دي??
ختيت يدي في راسي و دنقرتا و انا دموعي نازله.. ابراهيم ساكت ساااي بعاين لي...و هو كمان مصدوم شديد...
البت الشغاله جابت مويا و عصير ختتو و مشت..
انا رفعتا راسي شربتا حبه مويا عشان اقدر ابل ريقي.. و قمتا طوالي شلتا شنطتي.. ابراهيم قام معاي.. و جا علي..
ابراهيم بتمتمه:( ماشه وين?)
قلتاليهو:( م يخصك زح من قدامي و اياك تلمسني بيدك)
ابراهيم:( م حالمسك بس اقعدي دقيقه نتكلم)
مسحتا دموعي و قلتاليهو:( ماف حاجه نتكلم فيها)
و مشيت و هو ماشي بوراي..
ابراهيم:( منيره انا عارف اني غلطه عليك..بس ي منيره انا م كان في نيتي اني اكذب عليك..و كنت داير ارجع بس...) سكت
قبلتا عليهو كوركتا فيهو:( م قدرتا? انت م حاسي روحك عملتا شنو? ضميرك ده ليله وحده بس انبك? م حسيت انك ضيعتا بت صغيره م بتعرف حاجه? )
ابراهيم:( ضميري انبني و رجعتا و سالتا عنك السنه الفاتت قالو انتي ضايعه و ناس بقولو انك ميته)
قلتاليهو:( ااي ميته انا.. بالنسبه ل اهلي و كسلا كلها و اي زول بعرف منيره انا ميته.. و بالنسبه ليك كمان)
و مشيت علي الباب جرا وراي مسكني من يدي..
صرختا فيهو:( م تمسكني ..اوعي تلمسني.. و اوعي اشوفك تاني)
و طلعتا و خبطا الباب وراي..
م عارفه وصلتا البيت كيف.. بس دخلتا الصاله رميت شنطتي و قعدتا في الكرسي و بقيت ببكي..
شوفت ابراهيم خربت علي ااي شي.. كسرتني و ذكرتني بالحصل كلوو.. ابراهيم السبب في الحاصل لي.. هو السبب في ااي شي.. هو الوصلني لحته دي و لشغل ده.. هو سبب... حانتقم منو ذي م حانتقم منهم كلهم...
تاني يوم ابيت اطلع ضربتا ل سوسو قلتا ليها:( تعبانه م جايه)
م كان عندي مزاج لاي حاجه..قفلتا تلفوني و قعدتا..

تاني يوم جاني الفاتح...دقي الباب.. قمتا عاينتا بالفتحه لقيتو الفاتح.. فتحتا سرعه..
قلتاليهو:( ادخل ي الفاتح.. حمدلله علي السلامه)
الفاتح :( الله يسلمك)
دخل.. وقفتا قدامو مستنياهو يتكلم..
الفاتح:( مشيت و اديتهم القروش)
قلتاليهو:( لاقيت منو?)
الفاتح:( حجه بخيته)
من قال اسم امي قعدتا علي الكرسي و بقيت ببكي بحرقه..
امي عايشه.. الحمدلله...الحمدلله..طولتا م سمعتا اسمها..
الفاتح:( م تبكي ي استاذه منيره)
مسحتا دموعي و قلتاليهو:( و تاني?)
الفاتح:( قلتا ليها دي قروش حقت راجلك عبدالقادر و شالتها طوالي)
قلتاليهو:( م لاقيت ابوي?)
الفاتح:( حاج عبدالقادر اتوفي)
اتخلعتا شديد و صرختا..
قلتاليهو:( ابوي مات?? ?)
بقيت ببكي .. الفاتح قعد في الكرسي الجمبي و بقي بواسيني..
--------------------------------------
---------------------
*☆نتلاقي☆☆*
*بــــــــــــــيــــــــــــــــــــجــــــــــــــة*