https://www.facebook.com/109172435594557/

جمال الريــــف

Home
Sudan
Shendi
جمال الريــــف

Contact information, map and directions, contact form, opening hours, services, ratings, photos, videos and announcements from جمال الريــــف, Digital creator, Shendi.

07/12/2023

صباح الخير 💞 @@متابعين@متابعين

28/11/2023

انا بفتخر " ريفـــية " اصلي ما بدلع
راضية بالموجودة وللمافي ما بطلع
ما شرط تلاجة و بوتجاز جديد اتولع
المهم السترة لو بيت قديم ومشلع

28/11/2023

يمه كان شوفتي الخلائق
كل زول لي زولتو سايق
عادي جدا ليها،،،،،، رايق
الوليد يا يمه،،،،،، ، فايق
#المدن😥

25/11/2023

: يا فاطمه البندر لا تمشي
لا يغشك هادا اللصفان
النور بشلعلك من بره
بي جوه مقشط نيران
مفزوره فتاتن في الشارع
والشارع اودي الخيران
خيرن بتصب في المايقومه
مايقومه تغذي الخيران
والساقيه مدوره يا فاطمه
ومسروفه جداول الخزلان

اطفالن من زي اطفالنا
م بعتبو باب الجيران
الخوف في الخلوه وفي الجامع
والشيخ م رحم الحيران
انصاص الليل البت حايمه
مع واحدا صايع وسكران
يا فاطمه اخيراك مرحاتك
يا صيده البندر سعران
م كل البندر بس قالو
فد بصله تخرب الدكان
لاقيت في البندر فرسانا
قاهرين وبصونو النسوان
ولاقيت بنوتا في البندر
حرات وتقال في الميزان
الحشمه السبحه الصلايه
وفي الهجعه بكفو الضيفان
الساكنه الفلل التريانه
وم بسمعو صوته الجيران

: م شفتي التايه المغشيه
يوم مشت البندر لي قرايه
لقاها وليدا حربايه
غشاها بي اسم الحريه
قات ليهو قبيلتي وولياني
قاليها تخلف ورجعيه
مدالا سجاره وولاعه
وداها المول العصريه
طرزبها من قوز الباديه
ودلاها على الرمانسيه
وداها الشاطئ وفي رشيشه
قاليها اللحظه هدى نعيشه
ودسالا مخدر في الشيشه
ودودرها ونتفلك ريشه
وانقص جناح القمريه
شال كل حياها الداخراهو
ويا التايه حليل العزريه
وحلييييل وليانك والحله
يا الامك حره ودغريه
والشاب اتراوح لي عولو
والتايه مدمره مقليه
والبندر شتر نعلاته
وهسع في الشارع مرميه
:

: يا فاطمه طريت ايام عرسك
تنسحبي هوايدا من ليل
تتلبد خايفه ابوها يحس
خجلانه تخت في أنفاسه تشيل
وكأنها مارقه على فاحشه
أو تشرب شيشه قصاد النيل
اتخيل هادي المربيته
اول بتاوق بالحيطه
عل ماف زولا صاحي يشوفه
منسرقه تدسدس في زيته
كل هادا عشان توصل بيته
شوف زوله بتخجل من بيته
بيت زوجها تخجل تمشيلو
وين هسي حياهن يا حليلو
والبيت من بيتن نص كيلو
بتصد والناس لسع نايمه
كل خوفه ابوها تصحيلو
تتكرفس فوق طرف الساعد
مقدود ووسارو المتباعد
بيناتن ريدتا خجلانه
ومتل القمريه تقوقيلو
وين هسي حياهن نكرنو
ومن يوم خطبوها تحاحيلو
يا فاطمه زمانك يا حليلو
:
:

19/11/2023

قلب وانت ماري 💜

#جمال الريف 😍
@م@متابعين@متابعين

18/11/2023

تعال الريف
وشوف كيف المحبه هناك
يحلفو عليك إلا تقيف
أكان تنجمه منو عناك
يخدمك شافعو خدمه خفيف
تحس في تعبو كأنو جناك
تقول يا ريتني من الريف
وتنفق طال ما الله غناك

18/11/2023

بت الريف جمال تاجوج مقصر دونه
بت الريف...مستف بالعفاف ماعونه
بت الريف مادبه ديمه حارثه حصونه
ماتاقوها في منشور......وشافو فنونه

بت الريف ترد الروح.......بيجهر نوره
بت الريف ملاك الكل مناااهو حضوره
بت الريف عفاف مافارقت لي قصوره
ولا الحبت هبيل قال ليها رسلي صوره

بت الريف وشيها بفج لياالي العتمه
بت الريف بدايه لي الجمال والختمه
بت الريف تزيل الهم.....تفك الكتمه
صاينه لسانه ماشفناها جابت شتمه
ودجوده.

#التحيه لي بنات ريفنا
#جمال الريف

14/11/2023

ريف شمال كردفان😍

#جمال الريف

07/11/2023

انا مديونه ب 270 صلاه على النبي في حد هيساعدني بها

30/10/2023

مشاركه من [إيهاب]

#ريف الدمازين

30/10/2023

الصفحه صفحتكم عندكم اي مشاركه في الخاص بتخص الريف نتقبلها منكم 🤗🤗

مع تحديد البلد اشان كل شخص يشوف المكان السامع بيهو ونفسو يصل ليهو🤗

29/10/2023

اهلنا في الريف بعد تتزوج و تعمل ليك بيت براك فيهو قطية و راكوبة جميلة و قاطوع نص الحوش تسكن فيهو انت و زوجتك بعد العصر الزوجة تطلع العناقريب في ضل العصر حق القاطوع و تعمل ليك جبنة بمزاج رايق و وونسة جميلة
فعلآ الزواج حاجة حلو و الكلام دا كلو مجرد خيال مني ما عشتو والله 😂
لكن دعواتكم معاي و مع كل الشباب اللسة ما جربو العرس انو ربنا يهون لينا و يسهل لينا نعرس 🤲♥️
بعد ما كملت القراية خط لوف ❤️
و علق تعليق جميل ❤️
عشان المنظر الجميل دا خط لوووف ❤️

Address

Shendi

Website

facebook.com

Alerts

Be the first to know and let us send you an email when جمال الريــــف posts news and promotions. Your email address will not be used for any other purpose, and you can unsubscribe at any time.