شندي الآن - Shendi Now

15/11/2023

يا أخوانا محتاجين شخص سايق عربية في سواكن او بورتسودان و جااااي إتجاه شندي عندنا آمانة عاوزين يستلمها و يجيبها لينا معاهو لانو محتاجين ليها شدييد في أقرب وقت ...

التحت دا رقمي للتواصل و فضلا شيييرك للبوست دااا
0919959808 ☎️

13/11/2023

لو طلبت منك تعلمني حاجة انت عابر فيها ،، وبتفيدني في رحلة التطوير لقدام حتعلمني شنو 🤗

بوست الناس تساعد بيه بعض 💚

12/11/2023

عندنا كتير بنقول فلان ده زول بيت..

زول بيت دي كلمة حلوة شديد لكن نحن مرات بنستخدمها غلط
مثلا مرات الواحده بتلبس توبها من راجل أختها في الأيام الأوائل وبعد زمن يتعودوا عليه ويبقي زول بيت خلاص تاني هو يجي داخل ساي وهي تقعد ساي..
نفس الشي العروس تعمل حساب لأخو راجلها الأيام الأولى..
وتاني تبقي زولة بيت يتونسوا مع بعض ويهظروا مع بعض وياكلوا مع بعض وتقعد بدون توب والراجل بكون شايف الموضوع عادي والمجتمع شايفو عادي و خلاص الحاله واحده..

مع إنو الحاجات دي حرام لكن بقت مألوفة عندنا وبقينا نشوفها حاجة عادية لدرجة إنو لو في واحدة لبست توبها من راجل أختها ولا حماها ولا ودعمها و ود خالتها الزي أخوانها في ناس بتستغرب فيها وتطلعها معقدة خصوصا لو كانوا أصغر منها...

فحقو إنتي لما يكون عندك زول بتعتبريهو زول بيت أو زي أخوك برضو تلبسي توبك منه لأنو المسألة م مسألة خجل ولا مسألة إحترام عشان تقعدي معاهو هو وتلبسي من الضيف
المسألة مسألة دين يعني إذا الحياء م منعك الدين بمنعك..

وحقو انت الولد برضو حتي لو بعتبروك زول بيت م تدخل ساي بدون إستئذان.. ( وم تصفق يديك جم باب البرندة أديها فرصة تلبس توبها ) و سلم من بعيد نا تصافح غير محارمك

عشان م نتحايل على الدين بكلمة زول بيت وكلمة زي أخوك والحالة واحده ماف اي حاله واحده...

11/11/2023

عندنا زوجة عمي اتوفت بشندي و راقد جنبي هسي ضيف جاء معزي واحد شاب ثلاثيني زول بسيط من أهل البادية ، اتوضى
و قرأ كل أذكار النوم من راسو و قاعد الآن في سريرو بقرا في الإخلاص و المعوذتين و بمسح في جسدو و قالي النوم موت! ، صحيني معاك لصلاة الفجر ..

نعمة المحافظة على السنة لا يعدلها نعمة 💚

09/11/2023

حلة بازارات و إنكشحت في مدينة #شندي ..

05/11/2023

اتخيل في اغنية فيها سخرية من أحاديث البخاري ل رؤي محمد نعيم سعد ومعاها رابر اسمو امين طالعة ترند ومحققة أعلى نسبة مشاهدات في احد كلمات الأغنية بقول الرابر :

بكتب كلام مقدس ما شغل تجاري
رواه شيخ الطريقة ما رواه البخاري

ولسا بنسال عن الحرب دي قامت ليه وعايزينها تقيف وفي ملايين مننا بشجعو محتويات منحطة وتافهة زي دي 💔

02/11/2023

ليمون مركز ١٠٠ جنيه
ليمون بارا ١٠٠ جنيه
ليمون توتي ١٠٠ جنيه
ليمون شندي ١٠٠ جنيه
و الليمون الباااارد دا .. بي ١٠٠ جنيه

ما مصدق ولا شنو ههه ؟!
أيوة بي ١٠٠ جنيه ١٠٠ جنيه 😂

01/11/2023

🔳 الأصول :

في حاجات مابتلقاها في الكتب و المدارس وقاعات الدراسة ولا بدخلوا ليها كورسات.
دي الحاجات البتعلما الواحد في بيتهم وهو صغير بشوف
جدو .. حبوبة..
أبوهو… أمو..
أخوانو .. أخواتو
بعملوها ب صورة طبيعية
الحاجات دي بتنغرس في قلبو وهو صغير ويتربى عليها
وينشأ بيها..
وكلما يكبر ..
بتكبر جواهو.
إسمها (الأصول) ..
⬅️ لما تقوم ل حاج كبير في المواصلات .. دي أصول.
⬅️ لما تشيل ل حجة كبيرة القفة .. دي أصول.
⬅️ لما تطلّع الكرسي تحت الشجرة ل حاج عبدون .. دي اصول.
⬅️ لما تلاقي بت الجيران ماشه تجيب عيش من الفرن بعد الساعة 10 في الليل تقوم ترجعا وتجيب ليهم العيش انت..
دي أصول.
⬅️ لما تبيت مع ناس في بيتهم تقوم الصباح تشد الملايه وتطبق البطانية..
دي أصول.
⬅️ لما تكون قاعد مع ناس وتسافر منهم ل حتة تانية.. تتصل بيهم وتطمنهم انك وصلت بالسلامة.. دي أصول.
⬅️ لما جيرانكم يكون عندهم عرس تفتح ليهم الصالون عشان ضيوفهم كتار .. دي اصول.
⬅️ لما جاركم يرقد مستشفى تزورو ومعاك (كيس موز)..
دي أصول.
⬅️ لما تمشوا ل ناس مساكين زيارة ويرسلوا ولدهم في نص النهار للدكان ويجيب ليكم (حاجة باردة) تقوم تجبر ب خاطرهم وتشربا وانت مستعجل..
دي أصول.
⬅️ لما زول يسلّم عليك وانت مشغول .. تخلي اي حاجة وتبتسم في وشو وتسلم ب حرارة ..
دي أصول.
⬅️ لما زول يتصل بيك وماترد عليهو لأنك وقتها كنت مشغول..
لما تفضى .. ترجع ليهو
ولو ماعندك رصيد اتصال ترسل رسالة .. دي أصول.
الناس عموماً ماعاوزين منك حاجة كتيرة .. بكفيهم منك(الإهتمام) و (التقدير) و ديل مابكلفوك حاجة.
ال ما إتعلّم الحاجات دي في بيتهم يتعلما من أصحابو وجيرانو .
لأنو دي حاجات بتوري الناس إنك (ود ناس) وبتعرف الإصول.

01/11/2023

لاتنسوا الحوقلة

01/11/2023

لا تلهيهم تجارة و لابيع عن ذكر الله ..💚

حاجه زهراء 22 عام تكافح في مهنة بيع الشاي بسوق #شندي
لم يشغلها عملها عن تلاوة كلام ربها ..

#همم

01/11/2023

عاوز اتكلم عن موضوع حساس و حساس جدا و في بيوت كتيرة خربت و إتقفلت بسبب الموضوع دا ...

أقارب الزوجة من ود عم ، ود خالة قريبين باللفة ...الخ
طيب يا قريب الزوجة اعرف إنو قريبتك دي اتزوجت و بقت
في عصمة راجل و النقطة دي لازم تتقبلها و تتعامل معاها علي الأساس دا ، يعني زمان بتجي منقشط تووووش لا احم ولا
دستور و ونسه و فلانة سوي الجبنة و سوي العصير ...الخ

هسي ما بنفع الكلام دا و ما تقول لي إتربينا سوا و هي زي اختي و الكلام الفارغ الما بسمن ولا بغني من جوع دا و نفرض إنو خلاص كاتلاك الحنية و عايز تواصل أرحامك يبقي تستأذن و في وجود زوجها أو محرم من محارمها و ياما حصلت بلاوي سودة من الأقارب ديل و انتي كزوجة قريبك العاطل دا بيخرب عليك بيتك لازم تكوني حازمة في الأمور دي و تحفظي بيتك من الخراب لأنو ماف راجل (أكرر راجل ) بيقبل الأمور الفارغة دي بعداك انتي أختاري إما بيتك ولا قريبك العاطل دا !

و إنت كزوج احسم اي حاجة بتودي لي مواضيع زي دي و حافظ علي عرضك و ما تبقى ديوث قاعد في البيت زي كيس الجوافة
او الدلوكة لا بتودي ولا بتجيب و اخييييرا يا جماعة الناس ترجع للدين و للشريعة و تشوف رأي الدين بيقول شنو في المواضيع الأسرية دي ؟!! راجعو سورة النور كمثال فقط!

و ماف حاجة اسمها نيتي بيضاء ( معليش يا أبو نية بيضاء ) الدين قال كلمتو نيتك البيضاء دي بلها و أشرب مويتها
و نقطة سطر جديد .✋️

- منقول بتصرف 💚

31/10/2023

التفاوض أو الحسم أسباب ..

لا تتكل عليها ولا تعلق قلبك بها

علق قلبك بالذي رزقك قبل الحرب وأثناء الحرب..

بالذي يسر لك بعد الضيق ...

ويسر لك أسبابا ما كانت في تدبيرك ولا في تفكيرك...

بالذي أمنك في وقت الخوف وبالذي سلمك في وقت الهلاك..

قل يا الله... وادع دعاء الواثق المتوكل الصابر

قل يا رب ... واستغث استغاثة الغريق الذي لم يجد قشة ليتعلق بها

قل اللهم ... وفض لجام حاجاتك جميعها

قل يا حي يا قيوم ...أقم حالنا وأحي قلوبنا وعقولنا بنورك ورحمتك

وسبحانه من قريب مجيب

ويا لهفنا على بعدنا عنه ...

اللهم أمنك وأمانك وسلمك وسلامك ونصرك ورزقك يا رب.

✍️ محمد عوض فقير

31/10/2023

مطرنا بفضل الله
اللهم صيباً نافعا
اللهم عليك بالدعامة ومن ساندهم

31/10/2023

تم تهكير حساب اخونا عبدالعزيز أمان

31/10/2023

الدعامة مدعومين من دول كبيرة بهالة إعلامية ضخمة وحسابات كثيرة بغرض نشر وتضخيم الجنجويد وشرخ المجتمع السوداني واحباط روحه المعنوية

30/10/2023

اللهم صل وسلم على نبينا محمد

30/10/2023

استغفر الله

30/10/2023

*أجمل ﺧﻄﺎﺏ ﻏﺮﺍﻣﻲ ﻣﻦ دار الوثائق من عام 1962م*

(ﺍﻟﺸﻤﺎﻟﻴﺔ - ﻣﺮﻛﺰ شندي - ﻗﺮﻳﺔ الشقالوة)
*التاريخ 1962/6/11م*
الي ﺧﺎﻟﻲ ﺍﻟﺤﺎﺝ ﺍﻟﺨﺪﺭ ﻭﺩ ﺍﻟﻔﻀﻞ
ﻭﻣﻨﻪ إﻟﻰ ﻣﻴﻤﻮﻧﺔ - ﻳﺠﺪﻫﻢ ﺑﺨﻴﺮ -
ﺷﻜﺮﺍً ﻟﺴﺎﻋﻲ ﺍﻟﺒﺮﻳﺪ

ﺇﻟﻰ ﻣﻴﻤﻮنة ﺑﺖ ﺍﻟﺨﺪﺭ ، ﻭﺭﻕ ﺍﻟﺴﺪﺭ .
ﻋﺎﺷﻘﻚ ﻃﺸﺎ ﻭﻭﺩﺭ ، ﺿﺮﺏ ﺍﻟﺒﻨﺎﺩﺭ ﻋﺸﺎﻥ ﻳﺠﻴﺐ ﺍﻟﻤﺎﻝ ﻭﻋﺎﺭﻓﻚ ﺭﺍﺟﻴﺎﻫﻮ ﻋﻠﻰ ﺍﺣﺮ ﻣﻦ ﺍﻟﺠﻤﺮ .

ﺳﻼﻡ ﻟﻴﻜﻲ ﻭﻟﻠﻨﺎﺱ ﺍﻟﺒﺮﻳﺪﻭﻛﻲ ..
ﻭﺍلبيكچنوﻛﻲ يطيرو ﻓﻲ ﺑﻠﺪ ﺍﻟﻠﻪ
،، ﻳﺼﻠﻚ ﺟﻮﺍﺑﻲ ﺩﺍ ﻭﻳﻠﻘﺎﻛﻲ ﻓﻲ ﺧﻴﺮ ..
ﺍﻣﺎ ﺍﻧﺎ ﺍﻥ ﺳﻌﻠﺘﻲ ﻣﻨﻲ ، ﻻ ﺗﻨﻘﺼﻨﻲ ﺷﻲ ﺳﻮﻯ ﺭؤياكي ..
ﻣﻦ ﻳﻮﻣﻲ ﺍﻟﺮﻛﺒﺖ ﺍﻟﻘﻄﺮ ﻭﻗﺒﻠﺘﺎ ﻏﺎﺩﻱ .. ﺳﺎﻓﺮﺕ ﺍﻧﺎ ﺍﻟﺠﺘﺔ ﻭﻗﻠﻴﺒﻲ ﺧﻠﻴﺘﻮ ﻣﺸﻌﻠﻖ ﻓﻲ ﺍﻟﻤﺸﻠﻌﻴﺐ ﺍﻟﻤﻌﻠﻖ ﻓﻲ ﻣﺮﻕ ﺩﺍﻧﻘﺘﻜﻢ .. ﻋﺸﺎﻥ ﻛﻞ ﻣﺎ ﺗﺠﻲتختيلك ﺑُﻘﺮﺓ ﻟﺒﻴﻨﺔ ﺗﺰﺣﻴﻬﻮ ﺑﺸﻴﺸﻲ لا ﻏﺎﺩﻱ ﻭﺗﻄﺮﻳﻨﻲ ، ﺗﻠﻮﻟﺢ ﻓﻴﻬﻮ ﻫﺒﺎﻳﺐ ﺍﻟﻐﻲ ، ﺳﻴﺪﻭ ﻳﻄﻤﺶ ﺑﺎﻟﺒﻨﺎﺩﺭ ﻭﺷﺎﻭﻳﺎﻫﻮ ﻧﺎﺭ ﺍﻟﻐﻲ ..
ﺍﻣﺎ ﺑﻌﺪ :-
ﺍﻓﻴﺪﻛﻢ ﺍﻧﻲ ﻭﺻﻠﺖ ﺍﻟﺨﺮﺗﻮﻡ ، ﻭﺭﻛﺒﺖ ﺍﻟﺘﻜﺴﻲ قلتلو ﻭﺩني ﺍﻟﺴﺠﺎﻧﺔ ﻋﻠﻲ ﻧﺎﺱ ﺧﺎﻟﻲ ﺍﻟﺒﺸﻴﺮ ، ﻭﺻﻠﺖ ﺍﻟﺒﻴﺖ ﻟﻘﻴﺖ ﺍﻟﺴﺘﺮﺓ ﻣﺮت ﺧﺎﻟﻲ ، ﺍﺳﻜﺘﻲ ﻣﺎ ﺑﺘﻘﻮﻟﻲ ﺍﻟﺴﺘﺮﺓ ﺍﻟﻤﻴﺤﻼﻧﺔ ﺩﻳﻚ .. ﺳﻤﻨﺖ ﻭﺑﻘﺖ ﻗﺪﺭ ﺍﻟﻠﻴﻠﺔ ﻭﺑﺎﻛﺮ ، ﻧﺎﻥ ﺍﻟﻘﺮﺍﺭﻳﺺ ، ﺍﻟﻘﺮﺍﺭﻳﺺ ، ﺍﻭﻝ ﻣﺎ ﺩﺧﻠﺖ ﺟﺎﺑﻮ ﻟﻲ ﺻﺤﻦ ﻗﺮﺍﺻﺔ ﺑﻲ ﺩﻣﻌﺔ ﻓﻮﻗﺎ ﻟﺤﻴﻤﺎﺕ ، ﻭﻧﺎﺱ ﺍﻟﺒﻨﺪﺭ ﻳﺎ ﻣﻴﻤﻮﻧﺔ ﻛﻞ ﻳﻮﻡ ﺑﻴﻀﺒﺤﻮ ، ﻣﻮ ﻣﺘﻞ ﻧﺎﺱ ﺑﻠﺪﻧﺎ ﻳﻀﺒﺤﻮ ﻣﻦ ﺍﻟﺴﻮﻕ ﻟﻠﺴﻮﻕ .. (ﻭﺍﻟﻀﺒﻴﺤﺔ ﻳﺎ ﻋﻨﺰ ﻛﺒﻴﺮﺓ ﻳﺎ
ﻋﻨﺎﻕ ﻟﺪﻏﺎﻧﺔ)
وشفتي ﻳﺎ ﻣﻴﻤﻮﻧﺔ ﺍﻟﻠﻤﺒﺔ ﺍﻟﻠﺖ ﺍﻟﻜﻬﺮﺑﺎﺀ ﻣﺎ ﻋﻨﺪﻫﺎ ﺷﺒﻪ ﻋﻼ ﺍﻧﺘﻲ. ﺍﺻﺒﺮﻱ ﻟﻲ ﺑﺲ ﺍﻥ ﻣﺎ ﻋﺮﺳﺘﻚ ﻭﺟﺒﺘﻚ ﺍﻟﺨﺮﺗﻮﻡ ﻭﺳﻮﻳﺖ ﻟﻚ ﺍﻟﺒﻴﺖ ﻛﻠﻮ ﻟﻴﻤبات ﻣﺎ ﺗﺪﻳﻨﻲ ﺍﻳﺪﻙ ، ﺗﻮﻟﻌﻲ ﻭﺗﻄﻔﻲ ﺳﺎﺍﺍﺍﺍﺍﻛﺖ ..!
ﺍﻋﺮﻓﻚ ﺍﻧﻮ ﺍﻟﻤﻨﺪﻳﻞ ﺍﻟﻠﺨﺪﺭ ﺍﻻﺩﻳﺘﻴﻨﻲ ﻟﻴﻬﻮ ﺧﺎﺗﻴﻬﻮ ﻓﻲ ﻗﻌﺮ ﺍﻟﺸﻨﻄﺔ .. ﻛﻞ ﻣﺮﺓ ﺍﻣﺮﻗﻮ ﻭﺍﻋﺎينلو ﻭﺍﻃﺮﺍﻛﻲ.

ﻣﺸﻴﺖ ﻣﻊ ﺧﺎﻟﻲ ﺍﻟﺒﺸﻴﺮ ﻟﻠﻈﺎﺑﻄﻴﺔ ﻭﻗﺎﻟﻮ ﺧﻼﺱ ﺑﻴﺸﻐﻠﻮﻧﻲ ﻓﻲ ﺍﻟﺒﻮﻟﻴﺺ ..
ﻭﺑﻌﺪﻳﻦ ﻳﺎ ﻣﻴﻤﻮﻧﺔ ﺑﻌﺪ ﺷﻬﺮﻳﻦ ﻛﺪﻱ .. ﺭﺳﻠﻲ ﻟﻲ ﻣﻘﺎﺳﻚ .. ﺭﺳﻠﻴﻬﻦ ﻣﻊ ﺍﻗﺮﺏ ﺯﻭﻝ ﺟﺎﻳﻲ ﻣﻦ ﻃﺮﻓﻜﻢ. ﺭﺳﻠﻲ ﺟﻼﺑﻴﺔ ﻣﻦ ﺟﻼﻟﻴﺒﻚ ﻋﺸﺎﻥ ﺍﻗﻄﻊ ﻟﻚ
ﺗﻼﺗﺔ ﺯﻳﻬﺎ ﻟﻠﻌﺮﺱ .. ﻭﺭﺳﻠﻲ ﻟﻲ ﻓﺮﺩﺓ ﻧﻌﺎﻝ ﻣﻦ ﻧﻌﻼﺗﻚ .. ﻋﺸﺎﻥ ﺍﺷﺘﺮيلك ﺟﻮﺯﻳﻦ ﻧﻌﻼﺕ ..
ﻭﻓﻲ ﺍﻟﺨﺘﺎﻡ ﺳﻠﻤﻲ ﻟﻲ ﻋﻠﻰ ﺍﻟﻨﺎﺱ ﻣﻦ ﺟﻢ.............
ﻭﺩ ﻋﻤﺘﻚ ﻭﺧﺘﻴﺒﻚ
ﺳﺮ ﺍﻟﺨﺘﻢ ﻭﺩ ﺍﺑﺸﻮﺭﺓ

*الجوﺍﺏ ﺣﻘﻴﻘﻲ: ﻣﻦ ﺩﺍﺭ ﺍﻟﻮﺛﺎﺋﻖ 1962م*

30/10/2023

( فَلَمَّا كُتِبَ عَلَيْهِمُ الْقِتَالُ إِذَا فَرِيقٌ مِّنْهُمْ يَخْشَوْنَ النَّاسَ كَخَشْيَةِ اللَّهِ أَوْ أَشَدَّ خَشْيَةً ۚ)

والله ياخواننا الدنيا دي دوارة

2012 كان في جماعة كده شغالين معاي نقاشات بل مناظرات حول الجهاد بالسنان وداعش وانو انتو يا سلفيين ما بتحبو الجهاد وفيهم الكان ماشي نينوا مبايعا للبغدادي حيث دولة الإسلام بين العراق والشام 😂 مناظرات ومعط وفيهم الهددني بالقتل عديل وطلعني كافر موالي للطواغيت😆

اها يوم جاهم الجهاد الحقيقي جوة بيوتهم جهاد الدفع ومقاتلة البغاة الخوارج ( الدعامة) شوف عيني دي دفنو دقن ولبدو زي الدبيب اب لكس 😆 لا وكمان شغالين في رفاهية كانو الموضوع مايهمهم ومبسوطين وآخر صور من افخم المطاعم والكافيهات الدولية

والله لولا المجال الان لا يسمح بفتح ملفات زي دي لردمتهم حتى يروا شعاعا هؤلاء القعدية
ومنشوري ده عايز اتفشى شوية بس لانو واقف لي في حلقي وقدر ماصبرت غلبني وده مقدمة لي ردم جايي قدام ان شاء الله...

وبالمقابل

الآن انظروا إلي دعاة السلفيين وطلبة العلم كيف يحرضون شبابهم على مناصرة القوات المسلحة بل ويقنتون في الصلوات دعاء ابتهالا لرب العالمين بأن يخزي الدعامة المارقين
حتى انخرط شباب السلفيين مجاهدين عن الدين والعرض والأرض ومنهم من مات نحسبه شهيدا ومنهم من ينتظر وما بدلوا تبديلا
والخزي والعار على القعدية



✍️ ابوجنان احمد جبور 30 أكتوبر 2023م في نص الحرب للذكرى

30/10/2023

ماهو اول ما وقعت عينك عليه

30/10/2023

*دكتور الجزولي دفع الله رئيس وزراء الفترة الانتقاليه السابق يكتب .. تدمير ثلاث خطط للمؤامرة وتبقت خطتان*

عاجل نيوز

♦️ما فعلته هيئة قيادة الجيش من تحطيم لهذه المؤامرة وتدمير كتلتها الصلبة يخلّد أسماءهم في سجل تاريخنا النضالي الذي ندرسه للأجيال القادمة .
♦️لقد تم
1️⃣الخطة (1) فرض الاتفاق الإطاري الذي يجعل الدعم السريع تابعاً لرئيس مجلس سيادة مدني فيتيح له تسليحاً يجعله صنواً للجيش بل بديلاً له ، وينشئ جهاز مخابرات بديلاً لجهاز المخابرات الحالي .
2️⃣الخطة (2) اغتيال البرهان وكباشي وياسر العطا ومحمد عثمان وكبار ضباط الجيش والاستيلاء على السلطة وتكوين حكومة يعترف بها فولكر .
3️⃣الخطة (3) الإستيلاء على مطار يسهل عملية وصول الإمداد العسكري واللوجستي في حال فشلت خطة الإستيلاء الخاطف على السلطة لخوض معركة ضارية تحقق لهم الوصول للسلطة .
هذه الخطط تم تدميرها بيقظة الاستخبارات العسكرية والمخابرات العامة وسرعة التعامل العسكري الذي جعل هذه السيناريوهات تتبخر .
تبقت خطتان :
4️⃣الخطة (4) صناعة بنغازي سودانية بالسيطرة على ولاية أو محلية لاستنساخ الحالة الليبية بعد فشل استنساخ الحالة اليمنية .
5️⃣الخطة (5) إطالة أمد الحرب بجلب مقاتلين مرتزقة من غرب إفريقيا بما يطيل من معاناة الشعب وتهيئة البلاد لتدخل دولي يفرض الحل الذي عجزوا عن تحقيقه بالخطط الأربعة الماضية .
هاتان الخطتان قيادة الجيش على وعي تام بهما وتعمل على تدمير أي فرصة وسد أي ثغرة تؤدي إليهما .
واجب الشعب بقواه السياسية والمجتمعية:
1/ الوعي التام بهذه المؤامرة وتفاصيلها .
2/ الصبر على تداعيات الحرب وآثارها فالمؤامرة كبيرة وهي حرب وليست نزهة، حرب لهزيمة مخطط خلفه دول وليست مليشيا فقط .
3/ تفعيل وتصعيد أساليب العمل المدني الداعم للمجهود الحربي من مجهود إعلامي وتكافلي ومعلوماتي وخدمي واجتماعي .

إنما النصر صبر ساعة .

🥎🏀⚾

30/10/2023

• اليوم دخلت عصابات مليشيا التمرد إلي مركز خدمات البترول الرئيسي (C PF) بحقل بليلة النفطي بولاية غرب كردفان .. المتمردون يعوثون فساداً في الحقل منذ الصباح.. نهبوا مقار الشركات الخاصة هناك.. ونهبوا كل المعدات الفنية والتقنية بالمركز ..
• آن لمن ظلوا يساندون مليشيا التمرد ظناً منهم أنها تحارب الكيزان لتأتي لهم بالمدنية والديمقراطية.. آن لكثيرين من أبناء المسيرية الذين يحملون السلاح مع جيش التمرد .. آن لهؤلاء أن يعلموا أن دخول مليشيا التمرد إلى مركز خدمات البترول الرئيسي ببليلة يعني عملياً توقف ضخ بترول السودان إلى مصفاة الجيلي ..
• ويعني عملياً أن الخط الناقل لبترول السودان سيتعطل ..
• ويعني توقف شعلة النفط في الحقول الفرعية القادمة من مناطق البرصاية ، نيم ، كنار، موقا، زرقة حديد وحقول أبيي .. كل هذا الخير سيتوقف بدخول مليشيا التمرد إلي حقل بليلة النفطي اليوم ..
• اليوم سيفقد أكثر من 10 ألف مواطن من أبناء المسيرية وظائفهم .. ستتوقف مرتباتهم اعتباراً من اليوم حيث ظلّت ولاية غرب كردفان تدفع مرتبات موظفيها بانتظام منذ اندلاع الحرب اللعينة لأن نصيب الولاية يأتيها رغداً من قسمة ثروة البترول ..
• اليوم سيكون أبناء قبيلة المسيرية الذين صمُّوا آذانهم عن سماع أصوات المخلصين من أهلهم ، سيكونون اليوم وجهاً لوجه أمام الحقيقة المُرّة.. سيكتشفون اليوم أن مليشيا التمرد أعطتهم (الدشيشة والحصحاص).. وليس المن والسلوي كما كانت تمنيهم منذ سنوات !!
• الحزن عام على السودان كله اليوم.. وهذا درس قاسي لمن يدعمون مليشيا التمرد ظناً منهم أنها ستقضي على الكيزان في الخرطوم وستفتح لهم أبواب السلطة في القصر الجمهوري ..
• الحزن عام في السودان كله اليوم.. لكنه أكثر مرارة في ديار المسيرية ..
• لله الأمرُ من قبل .. ومن بعد ..

✍️عبدالماجد عبدالحميد

29/10/2023

لايوجد اسوء من تكالب الديون على الشخص
وقلة الدخل فقد تجعل اعز الناس يشك في وفائك
وارذل الناس يتهمك بالبخل

29/10/2023

إنتبه يا مواطن ويا مواطنة !!

الأن في قرابة 100 ألف حساب جديد تم إنشاءه في الفيس بوك من قبل قحت والجنجويد لي تلميع صورتهم من جديد .

في حسابات تحمل صور لي الجيش وتحمل مسميات عسكرية .

في خطة إعلامية ضخمة تقوم بالإعداد لها قحت ومن معها لي العودة من جديد وعمل غسيل دماغ كامل لي الشعب السوداني من جديد .

الشغل الجاري حاليا دا جبار جداا وفي دول ممولاهو بقروش ودولارات تقيلة .

عازين يسوقو لي نفسهم من جديد وفي معلومات كتير وقصص أخري كتير تم تجهيزها لي نشرها في السوشيال ميديا وفي شغل سواقه بالخلا تقيل جدااا جاي الفترة القادمة .

كلها تشكيك في مقدرات الجيش السوداني وبتقول أنه سبب مشاكل السودان وغيرها من القصص الكتيرة حتشوفوها الايام القادمة في المقابل تلميع لي مقدرات وقدرات الدعم السريع المحلول وأستخدام شماعة الكيزان من جديد ورمي كل مشاكل السودان الحالية والقديمة فيهم ولي تهييج الشعب السوداني وجعله ينتفض من جديد في ثورة شعبية تطيح بالجيش وفتح مجال لهم ولي الطرف الآخر العسكري ( الدعم السريع) لي الوصول لي السلطة من خلال ثورة شعبية.

الحسابات الوهمية حتنتشر في الصفحات التي فيها أكبر عدد من السودانيين كصفحات القنوات الاخبارية كالعربية والجزيرة وغيرها من الصفحات الفيها متابعين كثر .

في الايام القادمة حتشوفو صورة حمودك كتير جدااا وحسابات منزلة صورتو في البروفايل وشوية شوية بتجي صور أخري جاهزة ومعدة الأن حتنزل في مرحلة أخري متقدمة .

عشان ماتقولو الناس القاعدة برا دي نايمة وماجايبة خبر لي السودان .

ديل اولاد بلد وأصحاب أحزاب سياسية باعو نفسهم لي الأجنبي ضد بلدن .
الأجنبي هو الأن البيدفع كل شئ وبيقدم دعم غير محدود لي للوصول لي غاياته في الأخير للسيطرة علي السودان وعلي خيرات السودان .

الناس تكون واعية وفاهمة جداااا وماتنومو في العسل البلد دي مستهدفة مستهدفة مستهدفة .

اللهم قد بلغت أللهم فأشهد .

29/10/2023

ما دايرالك الميتة ام رمادا شح ** دايراك يوم لقى بدميك تتوشــح

دا إن اداك وكــــــــــتر ما بيقـول اديت
أب درق الموشح كلو بالـــــــــسوميت
أب رسوة البكر حجر شـــــراب سيتيت
كاتال في الخلا وعقبن كريم في البيت
وفوق اخوي أبو جمال مهلب جمال الأنصاري حفظه الله بقول

كوفيتك الخودة ام عصــــــــــــا بولاد
درعك في ام لهيب زي الشمس وقاد
سيفك من سقايتو استعـــــجب الحداد
قارحك غير شكال ما بـــيقربو الشداد

يا بقت عقود السم يا جرعة عقود السم
يا مقنع بنـــــــــــــات جعل العزاز منجم
الخيل عركـــــــــــسن ماقال عدادن كم
فرتاك حافـــــــــــلن ملاي سروجن دم

وماهو الفافنوس ماهو الغليد القوص
ود المك عريس خيلا بـــجن عركوس
احي على سيفـــــــــــوا البحد الروس

29/10/2023

مرات حُكَما رايقين في كلامنا ، بصارَى
ومرة معلمين ندي الحصص بجدارة
مرة مثقفين.... بالبدلة والنضارة
وإن دارت عبوساً ناس دواس وعوارة.

كلمات وأفعال شيخنا الحبيب ميسر جمال الأنصاري

والله الواحد شعر جسمو واقف شوك ومليان فخر للحلق ربنا يحفظكم ويبارك فيكم

28/10/2023

اضحك مع خلعة الجنجويدي 😂
هرب ودالذين 😂😂

#بلبسياجنجويد
#بلبس يامرتزقة

28/10/2023

القوات المسلحة تمشط محلية أمبدة وتقت*ل عشرات المتمردين وتستلم مركبات
السبت ٢٨ أكتوبر ٢٠٢٣م

28/10/2023

😁😂

28/10/2023

سقوط المئات في اشتباكات بين قبيلتي السلامات والهبانية جنوب دارفور

28/10/2023

شوفو اسم صاحب الحساب ده التقول عازمنو 😂😂😂

28/10/2023

هل تصدقوا انو الدفن والبل الحصل للجنجويد في نيالا ده لو صوروهو وصوروا الجثث بتاعت الجنجويد ديل حيتصنف إبا دة جماعية عديل
قوة قوامها 400 تاتشر بكامل عتادهم غير المواتير والمركبات التانية الدعمهم بيها مطار ام جرس في تشاد ديل كلهم جو هاجمين على الفرقة 16 مشاة مدينة نيالا وبفضل الله ثم بتكتيكات الجيش وبكر وفر وانسحاب وتقدم تم مسح هذه القوة بطريقة تجعلك تشفق عليهم
الطيران والمدفعية والمشاة بطشو الجنجويد بطش يسطره ويخلده التاريخ

#بلبسياجنجويد

28/10/2023

انا لما اشوف طفل صغير 😂👇

28/10/2023

عجبا لمن يتكاسل عن صلاة الفجر ثم ينهض نشطا للعمل
كيف تقوم لرزقك ولا تقوم لرازقك ( مالكم لا ترجون لله وقارا) !

إبدأ يومك بصلاة الفجر 💚

27/10/2023

حالة رقم "20" || الحوجة رسوم عملية موية بيضاء

عندنا عمنا من النازحين #بشندي عندو مشكلة في عينو و مشى للدكتور قاليهو عندك موية بيضاء و العين متأخرة و محتاج عملية مستعجلة عشان ما يفقدها و هو علي قد حالو و ما عندو شيء ، فنحنا عاوزين نوفر ليهو رسوم العملية و هي 135.000ج

اي مبلغ فايض كالعادة حيتحول للحالة البعديها و ما تنسوا ترسلو لي إشعار التحويل على الواتس و ما تنسى إنو شييرك بينقذ حياة غيييرك 💚
...
قدر ما الله أداك خت..🍀
قدر ما الله أداك مد..🌿

📥للتبرعـــ💰ــات :-

🏧بنك الخرطوم - فرع شندي:
2277411
🏧بنك فيصل - فرع شندي:
51098916
◼️للتحويل من حساب بنكي آخر:
▪️رقم البطاقة:
6392560092123831
🔘كل الحسابات بإسم:
إبراهيم حسب الرسول الحسين عبدالله

●للتواصل و الإستفسار:-
☎️ 0919959808
إتصال + واتساب

27/10/2023

مصير كل المتعاونين مع مليشيات الدعم السريع

#بلبس يامرتزقة

27/10/2023

https://youtu.be/lEsb3ldXtjc?si=0RKZKFHPZvzQAsXn

(( ما هي فضائل صخرة بيت المقدس ؟ ))▪️قال ابن القيم رحمه الله :وكل حديث في الصخرة : فهو كذب مفترى، والقدم الذي فيها كذب موضوع، مما عملته أيدي المزورين، وقد أك...

26/10/2023

لايخدعنك اعلام القحاطة الخونة

لا صحة لاشاعة نيالا الأمر اشبه بما حدث بالمدرعات هم هزمو على ارض الواقع والآن دور الإعلام القحتي في تحقيق نصر إعلامي بالتزامن مع مفاوضات مزعومة بجدة اليوم.

26/10/2023

القحاطي اللا وطني لاترضيه انتصارات الجيش

لما قلنا الجيش مسيطر على المدرعات قال طلس
ولما قلنا الجيش مسيطر على وادي سيدنا برضو قال طلس
ولما قلنا الجيش مسيطر على سلاح الاشارة برضو قال طلس
ولما قلنا الجيش مسيطر على القيادة العامة قال طلس
ولما قلنا الجيش بل الجنجويد وعدمهم التاتشرات لمن بقوا يسوقو تكاتك وركشات برضو قال طلس
وهكذا حال القحاطي دائما ضد الوطن وضد المواطن وسينال عقابه اقل عقاب طلقة في الدروة يمشي لي الله بس



#بلبس ياقحاتة
#بلبس ياجنجويد