16/12/2020
Sidiicaamooy afrikaay, auropaay, aasiyal dulah tanoonay taamah tanoonay qafarah taakubeeh qafar afat yabtam edde anuk inkih assalaamuqaleykum waracmatullaahi wabarkaatuhuu.
Qafar qunxaaneytaay idoolaay sayyooy baaxol tanoonay Elle aninnaan baaxol sin baaxo mano siinik tamqem kee sin kinnaane muxxuttam siinih qaagita.
Takkay immay qafar yaanam d**o baaxoy d**o maraay sinni kinnaane yangem xiqe waa maray cuggat qikta akkaluk xiinan.
Takkay immay nanu woomara hinninoy agatak teenat qikta agat hinninom inkih naaxige.
Sababaay qafar baaxo baarih nabaah mango milionul loowinta qafaray baaxo lehiyyak manguk aki agat kee dowaal nabsiraacataay, curriyyat goranaay, Kalahari kaadu qidaddok axcih taama wayak eleelitan baaxo kinni. Woh yaanam qafar baaxo culek mayandulluma maliggaa axcuk baaxo xaylok tayse manoh yaqiisheen. Baaxo xaylok taysem marah Kah Elle iyyan baaxo kinni.
Takkay immay asaaku qafar baaxo dabbok tuddagnak beedi nee eleelitaah ni qunxaaneyti tuddagnak dabboh auropah badat garab loowo maliteeh yamanal garab loowo maliteeh Toh inkih qafar baaxol rakaakayaay, rasuuy, daqaaraak ilaa awda miraacisinnaanih num qafarah yaakube mara qunxa intik abaluk qafaraf qunxa intik abaluk qafar kee qafar afak Maraakee Marin AF dabboh eleelitak barte qafar qunxaaney taama wayah uma xintot geytima. Woh yaanam qunxaaneyti barteeh miraacisele axcuk hangi Elle luk suge mirocti gacak temeete axcem duudah qafar ahafaan Baaxo miraacisak temeete kasle bartekal miraacisak temeetemmay sinning nasab kee baaxo mistir dacriseenih baaxo nel tabsen.
Awayah tugactek barte qunxa numuy qunxaaneyti fanat uma manoh sugey ixxigal liggayak sugeh qunxaaneyti xongolol geesaamit baaxo kee barte qunxaaneyta cuggi aracal samlisak baaxo teddeerek baraay ike orbaana inte nikasleey sinni adoytiitiy lih sugeenik inkih akke wayta way wakaaytu cuggi aracal samlisak qunxaaneyti esserookee taama way daggoysaanam cabba heenih qunxaaneytak kudaanamak abittanam sin kassiisa. Kedook Ilaa awdah tuduure mablak ASA.
