https://www.facebook.com/113840311206844/

Osman Hassan السقا, Rabak (2024)

04/05/2024

الله يدينا العافيه والباقي كلو بنشتري

10/04/2023

إنطلاق حملة لتحقيق:10K
ناس الحـسابات الضعيفة اجيو نتـابع بعضنا ومردودة في ثواني 🚨مرحبا بالجميع والرد مضمون✅✅

Osman Hassan

#الجميع

27/02/2023

لما تتلاقوا عشان تفتحوا بيتكم .. بتتلاقى ثقافتكم الاتربيتوا عليها .. طريقتكم الاتعلمتوا تحلوا بيها المشاكل .. و عاداتكم في الونسة و الكلام ..

هل اتربيتوا تتحاوروا وللا اتربيتوا على الكواريك و الصوت العالي و الاساءة و الكلام الكعب ..

و هل اتربيتوا لما يكون في مشكلة تجروا على أنكم تطلعوا المعاكم غلطان ؟ وللا تهربوا بالسكوت و كأنو مافي حاجة ؟

انت ما بتعرس زول براه .. بتعرس معاه ثقافته و أهله و طريقته الاتعود عليها ..

خليك واعي و فتش نفسك انت برضو .. تربيتك و ثقافتك و طريقتك و طريقة شريكك قبل شكلو و قبيلته و لون بشرته و قروشه ..
انا زاتي كيف ؟ بنفع زوج او زوجة ؟ بعالج المشاكل كيف ؟

ما تقلد .. صحح .. عيد بناء نفسك عشان تنجح شريك ..

القبيلة و الشكل و القروش و الصالة و الشيلة و المهر و الكوفير ما بيفتحوا بيت و لا بيصنعوا أسرة صاح و لا بيغنوك لما يتقفل عليكم الباب و تطلع الشخصيات الحقيقية ..

لسه بكرر ليك إنه مراجعة نفسك قبل الزواج و اثناء الزواج بتغنيك عن بلاء كتير بعدين ..
و لو حاليا عندك مشكلة زواجية صعبة و حسيت انك اتورطت مافي مشكلة .. اخد فرصة و مساحة و ما تستعجل بقرار انفصال و لا تستسلم تقول بضحي عشان ترضي زول او من اجل الأولاد ..

اخد فرصة تتعافى من المشكلة و تشوف اسبابها الحقيقية و تتعامل معاها كيف قبل تاخد قرار ..

ما تخون و تبرر انك مضغوط في زواجك و لا تهرب من المشاكل الزوجية و لا تسكت و تحرد و تخرب علاقتك اكتر مما هي مخروبة ..

و يا الماشين على زواج .. في علامات مرات بتتجاهلوها على أمل انها تتصلح .. لا .. راجعوا العلاقة كويس قبل الورطة ..

و في كل الأحوال .. ابدا ما خسران انك تستعين بمختص نفسي ..
حياتك الزوجية هي مصيرك ..
مصير مربوطة بيه صحتك النفسية ..
و صحتك النفسية راس مالك ..
صحتك النفسية صمام أمانك ..