قـصص واقـعـيـة ومـفـيـدة new²

خلينا من سرد القصص
باقي الحكاوي المزمنه .،؛

جيت احكي ليك
اخر نهايتي المحزنه .،؛

انا كنت انسان زول رهيف
شاديني احساس الغناء .،؛

كاتل معاني الخوف جواي

ماكنت قايل الريد عناء .،؛

صعبت علي دنياي كتير
مرات بحس تايه انا .،؛

باريت دروب المستحيل
كان القه فرصه تلمنا .،؛

ومشيت متاهات الزمن
كان ثانيه تبقه تضمنا .،؛

الا القدر كان هو القوي
جهجه ظروفنا وبشتنا .،؛

وضيع مضامين الكلام
تووو

ه فرحنا العندنا .،؛

وكل المصيبه بقولا ليك
والله جد ما مننا .،؛

لا خنا يوم شوقنا الكتير
لا بعنا نص يوم حبنا .،؛

اهلك اقولا انا ليك عديل
سدو الطريق العندنا .،؛

وخلوووو الكلام
كل الكلام الكان جميل
يتلاشى في لحظه ضناء .،؛

وتضيع مضامينك معاي
برضك جواك ضايع انا .،؛

لابد اسيبك للزمن
ما اظنو يتعاد حبنا .،؛

الا الجواي انا ليك كتير
ما تهدو ايام عمرنا .،؛

وشايل غرامك الا بس
مجبور اسيبك يا انا .،؛

وانا بدعي ليك انو الكريم
يرعاك يصونك كل سنه .،؛

ويحفظ جمالك انتي بس
يرعاكي من كل الضناء .،؛

وحقيقه مافيك ياخ كلام ....
بس كيف معاك واهلك هنا .،؛

ما ممكن الاتنين نكون
يا ما اهلك يا انا ...