13/06/2024
!!
بعد ما عرفنا انه الموضوع خطير ليه ؟؟؟ ولازم نعالجه ليه !؟
خلوني
اوريكم
ليه الاطفال بكذبوا !!
لكن قبل اوريكم ، افتكروا معاي انه الاطفال ممكن يكذبوا عشان سببين برضو ⁉️
1️⃣ ممكن يكذب
عشان عنده قدرة لغوية هائلة " او زي ما بنقول عليه زول مفتح ، وشفت " يعني طفل بيعرف ينمق الكلام وبيقدر يقنعك بسرعة ، الطفل بيتخذ الحاجة دي عادة وبيعتبرها مهارة وبرضو بتكون عنده لذة منها .
وانت ممكن تساعده على الكذب في الحالة دي ، اذا بقيت بتضحك وبتجامله وبتشجعه .
يا جماعة !؟؟ الموضوع خطير ويحتاج حذر 😎.
لانه دت بعد يكبر شوية بتلقاهو سايق الناس بالخلاء ، والكلام المنمق بخليه يكذب بسهوله .
2️⃣ السبب التاني انه الطفل ممكن يكون عنده خيال ووواسع !!
ايواة الخيال الواسع ، لانه الاطفال بيفكروا وبيتعملموا زي العلماء العباقرة عندنا 😂 ،
ف ممكن يوصف ليك شئ ، بناء على شئ اخر شاهده !! ف هو بيفتكر انه الاشياء كلها واحد .
مثلا لو شاف خروف العيد عنده قرون ، ممكن يجي يقول ليك انا شفته كديسة " قطة " عندها قرون ويحلف ليك يقول ليك" واحت الله شفتها🔊😂 " ، ايواه هو ممكن فعلا يكون شاف القطة بس ما ركز شديد مع راسها فيه قرون ولا لاه ، لكن هو مركز مع خروف العيد 😂 وخياله بقول ليه انه القطة فيهة قروون .
