20/04/2023
منقول من صفحة عمر محمد نور
أنا عمر قرافي دة ما بعرف اطبل لي زول وكبير عندي ربنا والاعور بقول ليهو اعور في عينو وعارف كلامي دة حيزعل ناس كتار بي جازهم وعندي استفسارات مشروعة لقيادة القوات المسلحة حاقولها بوضوح واليحصل يحصل :
١/ ليه لم يتم استدعاء قوات الاحتياط .
٢/ لماذا لم تعلن حالة الطوارئ في مثل هذه الظروف المعقدة .
٣/ لماذا لم يعزل المتمرد هو واخيه من رتبهما ووصفهما بالخيانة العظمى .
٤/ لماذا لم يتم استدعاء اعداد كافية من الجنود بقدر الاحتياح فاعداد الدعم السريع كبيرة جدا .
٥/ لماذا لم يتم انشاء محاكم ميدانية بامر عسكري طوارئ .
٦/ لماذا لم يتم استدعاء الأمن والشرطة بأمر طوارئ وتسليحهم ليشاركوا اخوانهم في التصدي لما يحدث على الارض .
٧/ لماذا نعمل على اطالة امد الحرب وارهاق كاهل المواطن في غياب تام للكهرباء والمياه والأمن .
٨/ لماذا لا ندخل في مواجهة شاملة مع هؤلاء المتمردين وشغالين معاهم اخوي واخوك ...بقاعدة حبيبي اضربني وانا بضرب ليك ..
٩/ لماذا ولماذا ولماذا ولماذا ولماذا والباقي قاعد في عبي دة بطلعوا في الوقت المناسب ...
الله يرضا عليكم عندنا شعب بلغ به السيل الزبى وعندنا اسر مرعوبة وناس بتموت وانتو شغالين لي هدنة ورا هدنة .... بلوا الناس ديل بل زي الناس يا فضوها سيرة ....كرهتونا البلي ......
نصر الله قواتنا المسلحة واعزها واعز الوطن .......لان اموت فدى وطني شامخ الراس خير لي من الدهنسة والمليس وشغل الاونطة دة ....انتو قايلين نفسكم بتتداوسوا في الخلا ... في اطفال هنا ونساء ومرضى وكت الشغلة انجبرتو عليهو والزول دة اتمرد ليكم جوة الخرطوم يبقى كثافة نيران وافراد وبل حاسم بدون تأخير ... قلتو واليحصل يحصل
