Sudan Link

16/06/2024

Sudan ❤️

24/05/2024

جابوها رجال أسهروا الأمقال ضاقوا مشروبا اللالوبة
سوا ليها جرس ختوا ليها حرس مدفع يصوبا
علوا ليها ترس جابوا ليها فرس شدوا لي ركوبا اللالوبة

ود سعيد كسلان طالب الوصلان في جناح توبا
صلي يا رحمن للنبي العدنان شافع الأوبا اللالوبة

عليه أفضل الصلاة والسلام🤍

21/05/2024

‏أدونا فُنْدُقكم .. ندق ونديكم
‏كان أبيتوا تدونا .. الكاروشة تمسكم

‏ "ادونا فُنْدُقكم" كانت من اكتر العبارات البتدل على التعاون والتراحم بين الجيران السودانين سواء في الأدوات، الأكل، وغيرها من الحاجات .

ومن أبلغ الأغاني السودانيه الاتقالت في حق الجار:
"جاري وأنا جارو...ومتين ازور دارو..
بتمنالو الجنة ...واتعذب بي نارو "🤍

تاقوا لينا جيرانكم الفي الخرطوم
البتشيلو منهم فُنْدُقهم ..
وقولوا ليهو ربنا يلمنا في ساعة خير🙏

19/05/2024

الوحش يقتل ثائراً والأرض تنبت ألف ثائر💪❤️

استشهد في سبيل الدفاع عن وطنه الملازم أول :محمد صديق، وقد كان ممن يُشار إليه بالبنان في الجرأة على الظلم وعُلو صوت الحق.

ألف رحمه ونور تنزل عليك ي رب 🙏

17/05/2024

شوقى لى نور الحقيقه النبى الجاب الطريقة
يامفرج كل ضيقا غايث الأمة وشفيقه❤️

اللهم صل وسلم على سيدنا محمد🤍

16/05/2024

العبارات البتتكتب في الركشات او المواصلات بجد بتكون معبرة عننا لكن بطريقتهم الخاصة😂😂🤍

اكتبوا لينا اغرب جملة قريتوها في ركشة او مواصلات وخلونا نشوف العجائب😂🤍

15/05/2024

بكرة يا الخرطوم تعودي...
جنة الدنيا ودلالها..❤️

14/05/2024

تعالوا نتذكر اخواتنا وأمهاتنا ستات الاشتقنا ليهم في الخرطوم ❤️
ورينا ست الشاي الاتذكرتها اسمها منو !؟

13/05/2024

تاق لينا ناسك النفسك تقعد معاهم القعدة دي😔💔

12/05/2024

اذكر بقعة أمدرمان ..وانشر في ربوعنا امان
ذكر يا شبابي زمان ..دارنا ودار ابونا زمان❤️

ناس امدرمان اكتر مكان مشتاقين ليهو في امدرمان شنو!؟


#أمدرمان

11/05/2024

حاجة آمنة أصبرى
عارف الوجع فى الجوف شديد
عارفك كمان ما بتقدرى
اصبرى .. اصبرى❤️

10/05/2024

أحمد يا حبيبي سلام عليك
يا مسكي وطيبي سلام عليك
زين الانبياء سلام عليك
ازكى الازكياء سلام عليك
اصفى الاصفياء سلام عليك
من رب السماء سلام عليك
أحمد يا حبيبي سلام عليك
يا مسكي وطيبي سلام عليك

صلوا على رسول الله🤍

09/05/2024

يا ماشي للخرطوم سلّم عليها شديد..
قولّيها واحشاني فارقنا ما بالإيد..

سلّم علي بُرّي والماشي لي بحري..
سلّم على الستات الصحيو من بدري..
مهما قِست أيام ماشين دوام دُغري..

يا ماشي للخرطوم سلّم عليها شديد..
قول ليها صبرِك كيف؟!

اكتبوا لينا في الكومنتات اكتر مكان اشتقتوا ليهو في الخرطوم!؟
وبإذن الله حتعود❤️

09/05/2024

مواصلات بس الخرطوم الجريف 1975م

08/05/2024

في رحاب المرغنية..
سلام ي غنية ي مريم المرغنية💚

أحد اللقطات المميزة لحولية الست مريم في
📍سنكات شرق السودان.

ورونا بتعرفوا شنو عن ثقافة أهلنا البجا في شرق السودان!؟ وانتظرونا في تفاصيل اكتر عن شرق السودان وأهله.🤍

08/05/2024

07/05/2024

والله نحن مع الطيور .. الما بنعرف ليها خرطة
ولا في إيدها جواز سفر .. نمشي في كل المدائن
نبني عشنا بالغناوي ..وننثر الأفراح دُرر
الربيع يسكن جوارنا .. والسنابل تملا دارنا
والرياحين والمطر .❤️

06/05/2024

ياطالع الشجرة
جيب لي معاك كتاب أطفالنا تقراه
جيب لي معاك علاج لو درنا نلقــــاه
وحليب كتير بالحيل موجود وبي وفرة
يا طالع الشجرة❤️

05/05/2024

POV:زول قدم في اللوتري وما شالوه
هو في السوشيال ميديا😂😂😂

تاقوا لينا ناسكم البقدموا كل سنة وما فقدوا الأمل😂😂

04/05/2024

فلان دا شالتو الهاشمية ساي!!
ما تشيلكم الهاشميه وتتدبسوا!!
والله ياخ شالتني الهاشمية بس!!

مصطلح "شالتني الهامشية"
من المصطلحات المشهوره شديد عندنا في العامية السودانية، والهامشية في اللغة ضد العقلانية،

وبتتقال العبارة دي للزول لمن يعمل حاجه بتسرع او حماس زياده في غير محلو، من غير ما يدرسها بعقلانية وحكمة.

تاقوا لينا اصحابكم الطبيعي شايلاهم الهاشميه، وقولوا ليهم اخر مره عملتو شنو!؟😂😂

04/05/2024

بالليل حبوبة تحجينا
وقت نبرد تغطينا
حبوبة كلامها بالدنيا
وحنانها كتير مكفينا

مع فاطمة السمحة نساهر
لمن شالها الغول الماكر
قبال ما يهل حسن الشاطر
بوراها نكون ادسينا

وتقول البحفظ لي حجاي
او يحكي يقول اي حكاية
بديهو جوايز وهدايا
وتحل من توبها وتدينا

حبوبة عشان خايفة علينا
تنصحنا دوام وتوصينا
وكل ما نقول تفرح بينا
راجعنا دروسنا وصلينا

اللمة معاها بتفرحنا
بنحبها ونريدها انحنا
نشبك فيها تدلعنا
ننوم وتشيلنا تودينا

علي قيم ومبادئ ربتنا
بنكون نايمين تجي تفقدنا
يا رب تحفظ حبوبتنا
يا رب يا رب تسلم لينا❤️

03/05/2024

اكتبوا لينا أغرب خزعبلات مرّت عليكم واستغربتوا منها 😂😂😂🤍

03/05/2024

يا حبيبي يا مُحمد يا عروس الخافقين
يا مؤيد ي مُمجد يا إمام القبلتين
منْ رأى وَجهك يسعد ي كريم الوالدين
حَوضك الصافي المبرد ملكنا يوم النشور

اللهم صل وسلم على سيدنا محمد ❤️

02/05/2024

يا الخرطوم، يا العندي جمالك جنة رضوان
طول عمري ما شفت مثالك اي مكان
أنا هنا شبيت يا وطني، زيك ما لقيت يا وطني
في وجودي،أحبك و غيابي في، يا بلد أحبابي❤️

01/05/2024

أوّل عيّد عمال في السودان❗️❗️

كان حدثاً مثيراً ومدهشاً في عام 1951 م لمن قرر اتحاد عام نقابات السودان إصدار كُتّيب صغيرا من بضع صفحات بعنوان"أول مايو، عيد العمال".

ومن الزمن داك بقا الاحتفال بعيد العمال حاجه أساسيه من خلال أسلوب الليالي العُمالية البتنظمها نقابات العمال في مختلف مدن السودان، وبتذكر فيها كل ما يخص العمال من حقوق، وقوانين، ومطالب
واي حاجه بتخص العامل وأسرته.

وفي اليوم العالمي للعُمال..
التحية لكل عمال بلادي..🇸🇩🤍

عُمال المدن..
كلات المواني..
الغبش التعاني ..
بحارة السفن ..
حشاشة القصوب ..
لقاطة القطن..
الجالب الحبال ..
الفي إطن الفرن ..
الشغلانتو نار..
والجو كيف سخن ..
فرق شتی بین ..
ناساً عيشا دين ..
مجرورة وتجر ... ...
تكدح بـ الأجر ومرة بلا أجر ...
عيشهم كمهو وديشهم هان قدر ...!!

كل التحية والتقدير ليكم🤍

01/05/2024

العمال اصحاب الحق
هي البتقرر والتتولى
هي البتحدد سير المصنع....
إيد العامل هي العاد تنتج
ما المكنات الأمريكية.
زيت العامل ياهو البطلع
مو المكنات الأمريكية

30/04/2024

📍فرقة عِقد الجلاد الغنائية عام 1986 م

اكتب لينا في الكومنتات اكتر غنية بتحبها ليهم🤍

29/04/2024

:POV
ناس الخرطوم لمن ناس الولايات يسألوهم اها راجعين متين!؟😂😂