https://www.behance.net/AhmedlTagFelix

أحمد تاج فيلكس - Ahmed Tag Felix, Khartoum (2025)

30/12/2024

ArtVsArtist2024🎨
أبرز حصاد العام 2024 من الشعارات✨️
كانت سنة ضاغطة وفيها تشغيلات كتيرة وللأسف اضطريت أوقف النشر في الصفحة من فترة طويلة
لكن بإذن الله لينا رجعة عن قريب🔥
ونرجع نفيد ونستفيد
وكالعادة رأيكم يهمنا جدا🤩✨️

لطلب التصاميم تواصل على الماسنجر
أو على الواتساب 0900609150

#تصميم #شعار #فوتوشوب

20/06/2024

حنرجع لسلسلة توب 5 الكنا بنتكلم فيها عن أفضل 5 حاجات في موضوع أو مجال معين في مختلف المجالات المتنوعة.

ف ورونا كل المواضيع الحابين نتكلم عنها في البوستات الجاية في السلسلة إن شاء الله.

#تصميم #برامج #تسويق #ذكاءاصطناعي

16/06/2024

جزء من تصاميم بوسترات التهنئة بعيد الأضحى المبارك💙✨️
شاركونا رأيكم.

لطلب التصاميم تواصل على الماسنجر
أو على الواتساب: 0900609150

#تصميم #عيد #الاضحى #عيدسعيد

15/06/2024

أعزائنا المتابعون
كل عام وأنتم بخير💙✨
عيد أضحى مبارك
أعاده الله علينا وبلادنا تنعم بالأمن والإستقار وكلنا في أحسن حال🤲

#عيد #عيدسعيد #الاضحى

12/06/2024

اتكلمنا في بوست سابق عن أهم الأدوات البتساعد في كتابة المحتوى، وفي البوست دا حنتكلم عن أهم الأدوات البتساعدك في التسويق.

الأداة الأولى: Google Analytics
بتساعدك في تحليل بيانات الصفحة حقتك.

الأداة الثانية: Hootsuite
مفيدة لإدارة حساباتك في وسائل التواصل الإجتماعي.

الأداة الثالثة: Mailchimp
لو داير تعمل حملة تسويق عبر البريد الإلكتروني؛ فالأداة دي بتساعدك تنشئ الحملة وتديرها بطريقة ممتازة.

الأداة الرابعة: SEMrush
لتحسين محركات البحث، يعني بتخلي المحتوى حقك يظهر في الأول لما الناس تفتش عن الموضوع البتتكلم عنه.

ورونا لقدام حابين نتكلم ليكم عن شنو؟

#تسويق #محتوى #تصميم

11/06/2024

⭕️فرصة عظيمة للطلاب السودانيين المتواجدين في مصر ⭕️

تتيح منظمة Volunteer Hub فرصة تدريب ميداني ضمن فريقها لمدة شهرين في الفترة من 15 يوليو حتى 15 سبتمبر.

ستتيح لك هذه الفرصة اكتساب مهارات جديدة قيّمة وتكوين علاقات مهنية مفيدة.

📌شروط التقديم للتدريب :
● أن يكون التدريب مطلوب من الطالب من إدارة الجامعة
● أن تكون طالب مسجل في السنة الأخيرة في إحدى الجامعات السودانية.
● مقيم في القاهرة فترة التدريب.
● إرفاق خطاب من الجامعة ل VHO يثبت حوجتك للتدريب. الميداني، أو إرفاق مايثبت أنك في السنة الدراسية الأخيرة.
● الالتزام بمدة التدريب الميداني " شهرين".
● التقديم ب "جواز السفر او بطاقة اللجوء".

للتقديم الرجاء ملء الاستمارة عبر الرابط الموجود في التعليقات

ولو بتعرف زول ممكن يستفيد منها اعمل ليه تاق تحت.

10/06/2024

كتابة المحتوى هي العمود الفقري لأي استراتيجية تسويق رقمي ناجحة، وما ممكن تنجح أي خطة تسويقية بدون محتوى جيد ومناسب وملائم للفئة المستهدفة.

عشان تضمن انو المحتوى بتاعك يكون ممتاز وناجح؛ دي بعض الأدوات البتساعدك وبتسهل ليك كتابة المحتوى:
الاداة الأولى: برنامج او تطبيق Notion
بساعدك في تدوين وتنظيم الأفكار وممكن تشاركها مع غيرك للتعديل أو لو كنت تبع فريق.

الأداة الثانية: موقع Grammarly
مفيد جدا للتدقيق اللغوي عشان يكون محتواك سليم وخالي من الأخطاء.

الأداة الثالثة: Google Docs
توفر شركة قوقل كل انواع الملفات (وورد، بوربوينت، إكسيل) أون لاين لتتمكن من الوصول لها والتعديل عليها من اي مكان واي جهاز فقط عن طريق حسابك، كما يمكنك دعوة أفراد آخرين للإطلاع عليها والتعديل عليها.

ورونا لقدام حابين نتكلم عن شنو؟

#محتوى #كتابة #نوشن

08/06/2024

متابعيننا الأعزاء رجعنا ليكم بعد غياب✨
كنا مارين بظروف كتيرة ادت للوقوف لكن اسي حنواصل من تاني، وان شاء الله تكون رجعة بدون وقفة.

نخش في موضوع السلسلة الليلة:
الأدوات والبرامج البحتاج ليها عشان أقدر أصمم وأخش في المجال دا
بتختلف الأدوات والبرامج حسب عدة عوامل منها الجهاز البتشتغل بيه (لابتوب ولا تلفون) وبرضو المجال الداير تشتغل فيه.

لو اخدنا التقسيم على حسب الجهاز فحنلقى في برامج حاسوب من أهمها:
فوتوشوب، الستريتور، انديزاين، كوريل درو، افترايفيكت، بريمير

وبرامج تلفون ومن أهمها:
كانفا، بيكسيل لاب، فوتوبيا، بيكس آرت، كاب كت.

ومن حيث المجال او الغرض ف في تقسيمات كتيرة لكن اهم تقسيمين برامج لتصميم الصور وبرامج لتعديل وانشاء الفيديوهات.

حنتكلم عنهم كلهم في البوستات الجاية ان شاء الله، خليكم قريبين 🔥

#تصميم #برامج #فوتوشوب #الستريتور #كانفا

10/03/2024

الحمد لله الذي بلّغنا شهر الخير✨🌙💙
اللهم أعنّا على صيام نهاره وقيام ليله وتقبل منّا صالح الأعمال🤲

#رمضان2024

10/03/2024

المتابعين الأعزاء في كل أنحاء الوطن وخارجه
بنتمنى ان الجميع يكونوا سالمين وفي أحسن حال

كنا مضطرين ننقطع لفترة بسبب إنقطاع الشبكة عننا لفترة وبعدها تعذّر وصول خدمات الانترنت لأغلب المناطق داخل السودان.

كانت فترة صعبة ومازالت ، بس نحن دايماً بنحاول نقيف قدام الظروف، وما نسمح لأي وضع يمنعنا من اننا نقدم فايدة ولو بسيطة.
ف إن شاء الله حنحاول نرجع تاني ونواصل في بوستاتنا ومواضيعنا المتنوعة، وبالذات مع دخول شهر رمضان -ربنا يبلغنا ليه- حتكون في فعاليات كتيرة ان شاء الله✨

وبالمناسبة دي حابين نعلن انو بعد إكمال 10 دفعات من ورشة أساسيات تصميم الجرافيك بحمد الله؛ وفّرنـا الورشة كاملة على قناة في التلجرام، عشان تكون موجودة متى ما الشخص إحتاج ليها وما تضيع ابداً.
حاخلي ليكم رابط القناة في التعليقات تحت.
لو حصل حضرت معانا في دفعة من دفعات الورشة شاركنا رايك عنها✨

وحنعلن عن ورش ودورات تدريبية متخصصة بمجرد ما ترجع الشبكة في كل أنحاء الوطن بإذن الله.

دعواتنا للسودان وكل أهلنا في كل مكان ربنا يجمعنا في بلدنا ويجعلها آخر أيام للفراق والتشتت بإذن الله.

02/02/2024

صباح الخير🤩🎉

تم التعرّف علي من ِقبل فيسبوك كمنشئ محتوى صاعد هذا الأسبوع🔥

Facebook recognized me as a top rising creator this week!✨️

01/02/2024

أكثر 5 مجالات مطلوبة في المستقبل

مع تسارع عجلة التطوّر والإنتاج والتقدّم، التنبؤ بمجالات المستقبل صعب جدًا، لكن عمومًا واضح أنه التوجّه ماشي على التكنولوجيا والتحول الرقمي في كي شي.

وحاليا دي أكتر مجالات متوقع انها تكون رائدة في المستقبل:

1-التكنولوجيا وعلم البيانات - Technology and Data Science:
نحن حالياً في زمن بقت فيه البيانات هي السلعة الأهم والأكبر، وكل المواقع والتطبيقات بتجمع بيانات مستخدمينها والشركات بتدفع فيها قروش كتيرة عشان تاخدها وتستخدمها للترويج والإعلان، عشان كدا بقت المعرفة بتحليل البيانات مطلوبة جداً وظهرت مجالات وتخصصات جديدة زي ال Big Data.

2-الذكاء الإصطناعي - Artificial Intelligence:
مع تطوّر الذكاء الإصطناعي والثورة الحاصلة فيه حالياً، بقت المعرفة بيه مهمة شديد، والأميّة تحولت من عدم معرفة القراءة والكتابة ثم إلى الأميّة التكنلوجيّة وبقت حالياً عدم معرفة التعامل مع الذكاء الإصطناعي.
وعلى عكس الكلام البتقال أنه الذكاء الإصطناعي حياخد مكان ووظائف الناس، فالذكاء الإصطناعي هو وسيلة وأداة بتساعدك عشان تنجز شغلك ومهامك بشكل أسرع وأكفأ، والحيشيل مكانك هو الشخص البعرف يتعامل معاه كويس.

3-تطوير البرمجيّات - Software Development:
تعلّم التطوير والبرمجة عمومًا بفتح الأبواب أمام فرص وظيفية متنوعة كتيرة في عالم رقمي متزايد، وبيزوّد الشخص بمهارات قيمة مطلوبة بشدة وممكن يشتغل بيها كمستقل.

4-التجارة الإلكترونية - E-Commerce:
التوجّه في التجارة حاليا ماشي نحو التجارة الألكترونيّة، اللي هي البيع عبر الانترنت والمواقع الإلكترونيّة، لأنها بتوفر ميزات كتيرة ما موجودة في التجارة التقليديّة، زي الوصول للأسواق العالميّة والراحة للبائع والمستهلك وتقليل التكلفة لأنه ما بتحتاج محلات.

5- التسويق الرقمي - Digital Marketing:
ممكن نقول أنه التسويق الرقمي هو المحرّك البشغل كل المجالات دي، لأنه بدون تسويق مافي زول حيعرفك ولا حيعرف خدماتك البتقدّمها، فمهما كان مجالك فالتسويق الرقمي مهم جدًا، غير أنه من أكتر الوظائف المطلوبة حالياً.

شاركنا برأيك في مستقبل المجالات دي، وحابين نتكلم عن شنو الأسبوع الجاي؟

#بيانات #ذكاءاصطناعي #برمجة #تجارة #تسويق #رقمي

31/01/2024

مشروع هوية بصرية جديد🔥
بالتعاون مع مركز السودان للإبداع Sudan Creative Hub - SCH
لصالح وكالة إيفانا Evana agency 🎨

تفاصيل المشروع:
تصميم لوقو وبروفايل وكفر وبطاقة هوية لوكالة ايفانا للإبداع.
كالعادة رايكم يهمنا✨
رابط المشروع كامل على بيهانس في التعليقات👇

لطلب التصاميم تواصل على الماسنجر
أو على الواتساب 0900609150

#لوقو #شعار #تصميم #هوية

30/01/2024

ّف_على_مجال_تصميم_الجرافيك✨️
مَرتِبات مصممّي الجرافيك

مستويات المصمّمين بتتحدد على حسب الخبرة والمهارات والمسؤوليات سواء كان في الشركات كسلّم وظيفي أو كان كعمل مستقل.

وبتتدرّج بالشكل التالي:

🔶 مصمّم مبتدئ - Junior graphic designer:
◽الخبرة: من 0 إلى سنتين.
◻️المسؤوليات:
-تعلّم وتطبيق مبادئ التصميم بجانب البرامج.
-تنفيذ مهام التصميم تحت إشراف المصمّمين الكبار.

🔶مصمّم أكبر - Senior graphic designer
◻️الخبرة: من 3 إلى 5 سنوات
◻️المسؤوليات:
-الإشراف على المصمّمين المبتدئين.
-العمل على مشاريع إبداعيّة كاملة.

🔶المدير الفنّي - Art director:
◻️الخبرة: من 6 إلى 8 سنوات.
◻️المسؤوليات:
-إدارة فريق التصميم.
-التعامل مع العملاء والتعاون مع رؤساء الفرق الأخرى.

🔶المدير الإبداعي - Creative director:
◻️الخبرة: أكثر من 10 سنوات.
◻️المسؤوليات:
-إنشاء الخطط الإستراتيجيّة وإدارة الحملات الإعلانية.
-التعامل المباشر مع المدراء.

وطبعا المستويات دي ممكن تختلف من مؤسسة للتانية حسب حجمها ومن مكان للتاني، لكن الثابت أنو المصمم بيتقدم في المستويات دي حسب خبرته ومهاراته ومشاركته في الأعمال الإبداعية الجماعية.✨
وممكن البوست الجاي نتكلم عن المرتّبات التانية😂💸
ورونا اذا دايرين.

#تصميم #جرافيك #مصمم
#

29/01/2024

ّف_على_مجال_تصميم_الجرافيك
أقسام تصميم الجرافيك أو ال Graphic design🎨

تصميم الجرافيك أنواعه وأقسامه كتيرة ومختلفة، وبتختلف التقسيمات دي على حسب طبيعة التقسيم نفسها، ف ممكن يكون في نوع خاشي في أكثر من تقسيم، والتقسيمات دي بتحتاج تعرفها عشان تحدد حتتخصص في اي نوع بالضبط.
فحنشوف الأقسام دي حسب كل ناحية.

أول حاجة من ناحية الأبعاد -إذا جاز التعبير- ممكن يتقسم ل تصميم 2D ثنائي الأبعاد، وتصميم 3D أو ثلاثي الأبعاد، والنوع الأخيرة دا خاشي فيه التصميم المعماري برضو.

ثانياً من ناحية الحركة:
في تصميم ثابت، وفي تصميم متحرك اللي هو ال motion graphic: دا بيكون فيديوهات فيها رسوم توضيحية معاها تعليق صوتي او موسيقى أو اي صوت تاني (والفيديوهات دي ممكن تكون 3D برضو).

ثالثاً من ناحية الغرض من التصميم عندنا الانواع دي:

▪تصميم الهوية البصرية: دا بيكون فيه شغل الشعارات وعناصر الهوية البصرية حقت العلامة التجارية زي البروفايل والكفر والكروت والورق المروس والختم وغيرها.

▪تصاميم السوشال ميديا: تصميم البوسترات الدعائية لمنصات التواصل الاجتماعي والحملات الإعلانية وغيرها.

▪تصميم واجهة المستخدم أو ال Ui design: دا بيكون شغل تصميم واجهات تطبيقات التلفون أو واجهات المواقع الإلكترونية.

رابعاً التقسيم حسب مكان العرض:
▪️في تصميم رقمي: دا تصميم أي حاجة بتتعرض في الشاشة، ودا خاشي فيه كل الأنواع السابق ذكرها، بالإضافة للرسم الرقمي والتوضيحي.

▪️وفي تصميم للطباعة:
ودا خاشي فيه عناصر الهوية البصرية البتطّبع زي الكروت والورق المروس، بالاضافة إلى شغل الكتب والمجلات واللافتات وأخيراً التصميم للتغليف والمنتجات.

وأخيراً، يتطلب كل مجال من هذه المجالات مهارات محددة وبرامج مختلفة وفهمًا لمتطلبات كل مجال، لتوصيل الرسائل المطلوبة بشكل فعال بصريًا.
ورينا مهتم بياتو نوع منهم🤩✨️

#تصميم #جرافيك #شعار #لوقو

27/01/2024

كيف تزيد فرص نجاحك في التقديم للوظائف؟
وما هو نظام تتبع المتقدمين ATS؟

أول حاجة نظام تتبع المتقدمين أو Applicant Tracking System المعروف إختصاراً ب (ATS) هو برنامج بساعد أصحاب العمل والتوظيف على إدارة وتبسيط سير عملية التوظيف بشكل أكثر كفاءة وسرعة وآلية.

وعشان تزيدة فرصك في المرور بنجاح عبر النظام دا وتخلي سيرتك الذاتية تصل لناس الموارد البشرية (الHr) إتّبع النصائح دي:

▪️ إستخدم الكلمات الرئيسيّة ذات الصلة:
اقرأ الوصف الوظيفي كويس وشوف المهارات الرئيسية والمؤهلات والشروط المطلوبة، وخليها مضمنة في السي في؛ لأن خوارزميات ال ATS بتعمل ليها مسح وتتعرف عليها، بس أهم شي تكون حقيقية.
(بإختصار خصص سيرة ذاتية لكل وظيفة حسب المتطلبات)

▪️إختر تنسيقًا بسيطًا وواضحًا:
إستخدم تنسيق واضح ومباشر، وأبعد من إستخدام الألوان والأشكال الكتيرة.

▪️ إستخدم خطًا قياسيًا:
إستخدم خطوط شائعة ومعروفة زي خط Arial أو Times New Roman، وإتجنب الخطوط الغريبة أو غير المألوفة؛ عشان ممكن ما يتم التعرف عليها.

▪️احفظ سيرتك الذاتية بالصيغة الصحيحة:
الأفضل حفظ الملف بصيغة PDF دائمًا، وبرضو راجع المتطلبات ممكن يكون طالبين صيغة معينة.

▪️ تصحيح الإملاء والقواعد:
راجع الصياغة أكتر من مرة عشان تتأكد أنو ما فيها أخطاء إملائية أو أخطاء في الكتابة.

▪️اختبر سيرتك الذاتية:
في مواقع بتعمل ليك تقييم لسيرتك الذاتية عشان تعرف هل هي متوافقة مع نظام ال ATS ولا لأ (حأخلي ليكم روابطها في التعليقات)

ولو محتاج لتصميم سيرة ذاتية ممكن تتواصل معانا وترسل لينا التفاصيل على الواتساب 0900609150 وبنزبطها ليك👌
وبالتوفيق✌️✨

#وظائف #تقديم

أحمد تاج فيلكس - Ahmed Tag Felix

30/12/2024

20/06/2024

16/06/2024

15/06/2024

12/06/2024

11/06/2024

10/06/2024

08/06/2024

10/03/2024

10/03/2024

02/02/2024

01/02/2024

31/01/2024

30/01/2024

29/01/2024

27/01/2024

Address

Telephone

Website

Alerts

Contact The Business

Videos

Shortcuts

Share

Category