15/01/2024
.. الشعب_السوداني 😂😂😂😂
ناس عجيبة، الواحد ممكن يرتاح ليك بدون سبب ✋وممكن برضو يكرهك بدون سبب 😂😂😂
💉ياخ ديل الواحد لو راكب ملح مع زول، و جاء ماش جنب ناس يعمل فيها إنو ده السواق بتاعة 😂😂😂
ناس لذيذة بشكل 😂😂😂
💉الواحد ممكن يشاكلك في عشرة جنية 👉 ولو لقيتو قاعد يأكل في مطعم يخسر عليك 300جنية فطور👍
ويقول ليك ارح نشرب الجبنه 😂😂 ما قلت ليكم، الناس عندها فهم تاني
💉ما بدورو الحقارة، الواحد لو احترمته يشيلك في راسو 👉 ولو اتلكلكت معاهو بشيلا معاك سته صفر😂😂😂
ياخي ديل قال ليك أتنين اتشاكلو، بعد شوية، اتلاقو في المواصلات، قام القدام دفع للوراء، 😕 وقت جاء ينزل، عاين ليهو، وقال ليهو ما تقول شكلتي معاك نسيتا 😂😂😂😂😂😂
ما قلت ليكم الناس دي، ما عارف جاية من ياتو كوكب 😊😊
ناس تحيرك
الواحد لو جمعك معاهو أي موقف يبقي صاحبك ويشيل رقمك👉، لكن الغريبة إنو ما بدق ليك نهائ 😂😂😂
💉الناس دي بتعرف في أي حاجة 😂😂😂
كدي يوم أركب حافلة وافتح موضوع، 😂😂
كورة مثلا حتلقي أكبر المحللين الرياضيين في أفريقيا والوطن العربي 😂
او اتكلم في السياسية اوووو ديل ناس السياسية😂😂، يقوم ليك واحد في حافلتكم دي يحل ليك مشكلة، البوسنة والهرسك، ويوضح ليك سياسة، الولايات المتحدة خلال العشرين سنة الأخيرة😂 مش كدة وبس، ويضع ليك خطة للخروج من هذا الوضع خلال ثلاث أيام فقط😂😂😂😂
وبعد يكمل كلامو، يمشي يقيف في صف العيش😂😂😂😂
ناس عجيييبة
لاكن طييييبة للآخر، ياخي دا جوهو اهلو، زيارة لما جو ماشين قال يوصلهم المحطة مشي معاهم للبيت 😂😂😂😂
تصور كيف يكون الحال لو ماكنت سوداني
وأهل الحارة ديل اهلي....
لْـۆ كملت القراية أمانة في رقبتك ليوم الدين
صلي علي النبي ❤❤❤
صلي الله عليه وسلم
سودانی وخلیک سودانی💜💙
