Afri ፈጣን መረጃ

22/12/2024

ከፕሬዝዳንት ኢማኑኤል ማክሮን ጋር በብሔራዊ ቤተመንግሥት በነበረን የሁለትዮሽ ውይይት ሰፋ ያለ መጠነርዕይ ባላቸው የሁለትዮሽ እና ባለብዙ ወገን ጉዳዮች ላይ ውይይት አድርገናል። ጠሚ አቢይ አህመድ

ክቡር ፕሬዚዳንት እና የፈረንሳይ መንግሥት በብሔራዊ ቤተመንግስት እና በመካሄድ ላይ ባለው የላሊበላ ውቅር አብያተ ክርስቲያናት እድሳት ሥራዎች ላደረጉት አስተዋፅዖ ምስጋናዬን አቅርቤያለሁ። በውይይታችን በተለያዩ ዘርፎች የሚኖሩ ትብብሮችን የፈተሽን ሲሆን የፈረንሳይን ኢንቨስትመንት መጨመርን አስመልክቶ ብሎም በትምህርት እና ባሕል ዘርፎች ያለንን ግንኙነት በማጠናከር ጉዳዮች ላይ ተነጋግረናል። ታሪካዊ ትስስራችንን ይበልጥ የመገንባትን አስፈላጊነትንም በውይይታችን አፅንዖት ሰጥቼ አንስቻለሁ።

21/12/2024

“የትግራይ ሰራዊት በዲዲአር ስም እንዲበተን እየተደረገ ነው” - በደብረ ጽዮን ገብረሚካኤል የሚመራው ህወሓት‼️
በዶክተር ደብረ ጽዮን ገብረ ሚካኤል የሚመራ የህወሓት ቡድን የትግራይ ክልል ጊዜያዊ አስተዳደር አመራሮች፣ ታጣቂዎችን ትጥቅ በማስፈታት እና በመልሶ ማዋሃድ ሥራ ስም፣ የትግራይ መሰረታዊ ጥያቄ ሳይመለስ የቀድሞ ተዋጊዎች እንዲበተኑ እየተደረገ ነው ሲል ክስ አሰምቷል።

የህወሓት አንዱ ክፋይ በመቐለ ከተማ፣ “የእምቢታ ዘመቻ” ብሎ የጠራው ስብሰባ ሲያጠናቅቅ፣ “ጊዜያዊ አስተዳደሩ እንዲፈፅም የተሰጠው ሥራ ሙሉ በሙሉ ወድቋል” በማለትም ገልጿል።

በሌላ በኩል የክልሉ ጊዜያዊ አስተዳደር ካቢኔ ለሦስት ቀናት ያካሔደውን ስብሰባ አስመልክቶ በአወጣው መግለጫ፣ “ክልሉን ወደ ግርግር እና የአመፅ ተግባር ለማስገባት የሚንቀሳቀሱ ላይ ጊዜያዊ አስተዳደሩ አይታገስም” ብሏል።

የሁለቱ ቡድኖች ፖለቲካዊ ሽኩቻ አሁንም ድረስ መፍትሄ ሳያገኝ እንደዘለቀ ነው፡፡

21/12/2024

20/12/2024

አሜሪካ በሰሜን ወሎ ቡግና ወረዳ ለተከሰተው ድርቅ እና የምግብ እጥረት ምግብ እየተላከ መሆኑን አስታወቀች‼️

አዲስ አበባ የሚገኘው የአሜሪካ ኤምባሲ በአማራ ክልል ሰሜን ወሎ ዞን ቡግና ወረዳ የተከሰተውን ድርቅ እና የምግብ እጥረት ተከትሎ እርዳታ ወደ ስፍራው እየተላከ መሆኑን አስታውቋል።

ኤምባሲው በኦፊሴላዊ የፌስቡክ ገፁ እንዳስታወቀው በወረዳው እንደተከሰተ ከሰሞኑ እየወጡ ያሉ ሪፖርቶች ላይ ክትትል አድርጓል።

"የኢትዮጵያ ህዝብን ለመደገፍ አጋሮቻችን ምግብ እና አልሚ ምግቦችን ወደተጠቁት ስፍራዎች እየላኩ ነው" ያለው ኤምባሲው ሁኔታውን በቀጣይም በመከታተል ችግሩን ለመቅረፍ እንደሚሰራ አስታውቋል።
በአስር ሺዎች የሚቆጠሩ ሰዎች የምግብ እጥረት እንዳጋጠማቸው እና ርሃብ መከሰቱን የቡግና ወረዳ ማስታወቁ ይታወሳል።

20/12/2024

በአፋር ክልል አዋሽ ትናንት ከምሽቱ 4:30 አካባቢ የመሬት መንቀጥቀጥ መከሰቱን ተገልጿል።

በአፋር ክልል በተደጋጋሚ ሲሰማ የነበረው የመሬት መንቀጥቀጥ ቆሞ የነበረ ቢሆንም ትናንት ማታ ንዝረቱ መሰማቱን ምንጮቼ ገልፀዋል።

ፈጣንና ወቅታዊ መረጃዎችን ለማግኘት 👇👇👇
🛑 👉 https://t.me/Afritoday
🛑 👉 https://t.me/Afritoday

19/12/2024

ዩክሬን የሩሲያን ጦር ለመግፋት ከሌሎች የውጊያ ድንበሮች ሳይቀር ወታደሮቿን በማስፈር ላይ ናት ተብሏል

የሩሲያ ጦር ቁልፍ ተብላ በምትጠራው ፖክሮቭስክ ከተማን እየከበበ ነው ተባለ።

አንድ ሺህ ቀን ያለፈው የሩሲያ-ዩክሬን ጦርነት እንደቀጠለ ሲሆን አዳዲስ ክስተቶችን እያስመዘገበ ይገኛል።

ዩክሬን ባሳለፍነው ነሀሴ በምስራቅ የውጊያ ግምባር የሩሲያን ጦር ግስጋሴ ለመግታት በሚል በኩርስክ በኩል አዲስ ጥቃት ከፍታ ነበር።
ዩክሬን ሩሲያን በኩርስክ በኩል ውጊያ ማጥቃት የጀመረችው ፖክሮቭስክን ለመቆጣጠር እየገሰገሰ ያለው የሩሲያ ጦር ለመግታት ነበር።

ይሁንና ሩሲያ ፖክሮቭስክ ከተማን ለመቆጣጠር የጀመረችውን ውጊያ ከማቋረጥ ይልቅ የቀጠለች ሲሆን ከተማዋን ሙሉ ለሙሉ ለመቆጣጠር ጫፍ ላይ ደርሳለች ተብሏል።

ዩሮ ኒውስ የብሪታንያ መከላከያ ያወጣው መግለጫን ዋቢ አድርጎ እንደዘገበው የሩሲያ ጦር ፖክሮቭስክ ከተማን ለመቆጣጠር አንድ ሶስት ኪሎ ሜትር ብቻ ቀርቶታል ብሏል።

ከተማዋ የዩክሬን ጦር ቁልፍ የሎጅስቲክስ እና ወታደራዊ አመራር መስጫ ማዕከል ሆና ስታገለግል ቆይታለች።

ፈጣንና ወቅታዊ መረጃዎችን ለማግኘት 👇👇👇
🛑 👉 https://t.me/Afritoday
🛑 👉 https://t.me/Afritoday

19/12/2024

አንድ ኩላሊቱን በመስጠት የሚስቱን ሩሀማ ህይወት የታደገው ሀብታሙ

ከDMC real estate የ1 ዓመት የቤት
ክራይ ሙሉ ብር ሰጥተውታል::

ፈጣንና ወቅታዊ መረጃዎችን ለማግኘት 👇👇👇
🛑 👉 https://t.me/Afritoday
🛑 👉 https://t.me/Afritoday

19/12/2024

በናይጄሪያ ለተማሪዎች በተዘጋጀ የድጋፍ መርሃ ግብር ላይ በተከሰተ ግርግር ቢያንስ የ32 ህጻናት ህይወት አለፈ

በደቡብ ምዕራብ ናይጄሪያ ኦዮ ግዛት የተማሪዎች የድጋፍ ካርኒቫል ላይ በተከሰተ ግርግር ቢያንስ 32 ህጻናት መሞታቸዉን የመንግስት ባለስልጣናቱ ሃሙስ እለት አስታውቀዋል።

ይህው ክስረት ያጋጠመው ረቡዕ ዕለት በኢባዳ ግዛት ዋና ከተማ በባሾነው።ሁለተኛ ደረጃ ትምህርት ቤት ነው። የግዛቱ መንግስይ ቃል አቀባዩ ዶቱን ኦዬሊሳ ለጋዜጠኞች 32 ሰዎች መሞታቸውን ቢያረጋግጡም፣ ፖሊስ ከሰጠው ሙሉ መግለጫ በኋላ አሃዙ ሊለያይ እንደሚችልም አክለዋል።

ኦሞሌዋ አዚዝ የተባለች ከ7 አመት ልጇ ጋር በስፍራው የተገኘች አንዲት የዓይን እማኝ ለአናዶሉ እንደተናገችው በቂ ጥበቃ ባለመኖሩ ወደ ካርኒቫል ግቢ ውስጥ ለመግባት የሚሞክሩ ሰዎች በዘፈቀደ ሲገቡ ነበር ብላለች። በቦታው ላይ ያሉ ሰራተኞች መቆጣጠር ባለመቻላቸው ብዙ ሰዎች መውደቃቸውን እና መረጋገጥ መፈጠሩን አክላለች።

አዘጋጆቹ ለ5,000 ህጻናት ምግብ እና የስጦታ ዕቃዎች አቅርቦትን አዘጋጅቶ እንደነበረ ቢያሳውቁም ረቡዕ ከጠዋቱ 5 ሰአት ላይ ወደ 8,000 የሚጠጉ ሰዎች ተገኝተዋል። በስፍራው የሚገኙ በርካታ ምንጮች እንደተናገሩት ተጎጂዎቹ የግቢውን ዋና በር ሰብረው ለመግባት ሲሞክሩ መረጋገጡ በመፈጠሩ አስከፊው አደጋ ደርሷል።

18/12/2024

" አዲስ ሰላማዊና ፖለቲካዊ ትግል አካሂዳለሁ " - በደብረጽዮን (ዶ/ር) የሚመራው ህወሓት

አዲስ ሰላማዊ ፓለቲካዊ ትግል ለማካሄድ ማቀዱን በደብረፅዮን ገብረሚካኤል (ዶ/ር ) የሚመራው ህወሓት አስታወቀ።

ምን አይነት አዲስ ሰላማዊ የፓለቲካ ስልት ለማካሄድ እንዳቀደ ያላብራራው ደርጅቱ " ሰላማዊና ፓለቲካዊ ትግል ብቸኛ የችግሮች መፍትሄ ነው " ሲል አክለዋል

የደርጅቱ ሊቀመንበር ደብረፅዮን ገብረሚካኤል (ዶ/ር ) ዛሬ በተጀመረ የክፍተኛ ካድሬዎች ውይይት ማስጀመሪያ የመክፈቻ ንግግራቸው ፤ " ያለውን ወቅታዊ ሁኔታ በመገምገም አዲስ ሰላማዊ የፓለቲካ የትግል ስልት ህወሓት ቀይሷል " ያሉ ሲሆን " ስልቶቹ ከመተግበር በፊት ከድርጅቱ ከፍተኛ አመራሮች ለመግባባት ያለመ መድረክ መጥራት አስፈልጓል " ብለዋል።

" ህወሓት እንዳትበተን እና እንድትድን ከፍተኛ አመራሩ ተገቢ ትግል አካሂደዋል " ሲሉም ተደምጠዋል።

" ከቅርብ ጊዜ ወዲህ እየተደረጉ ያሉ እንቅስቃሴዎችና ለውጦች የተለየ የትግል ስልት ፣ ለየት ያለ መመካከርና መደጋገፍ የሚጠይቁ ናቸው " በማለትም አክለዋል።

" ህዝቡ ተበትኗል ወደ ቄየው አልተመለሰም፤ ባለበት ቦታ ሆኖም ከፍቶታል ፤ በዚህ ላይ የአመራር ችግር ተጨምሮበት ህዝቡ እጅግ ከፍቶታል ፤ ስለሆነም ህዝብ ለማዳን የትግል ስልቶቻችን በማስተካከል ካለፈው የበለጠ ሰላማዊ ፓለቲካዊ ትግል ማካሄድ ይጠብቅብናል " ሲሉ ተደምጠዋል።

በደብረፅዮን ገብረሚካኤል ( ዶ/ር ) የሚመራው ህወሓት የደርጅቱ ማእከላዊ ኮሚቴ ያካሄዱትን ውይይት ተከትሎ የሚካሄድ የከፍተኛ ካድሬዎች ስብሰባ ታህሳስ 9 እና 10 /2017 ለሁለት ቀናት በመቐለ የሰማእታት ሀውልት አዳራሽ እንደሚካሄድ የድርጅቱ ይፋዊ የማህበራዊ የትስስር ገፅ ላይ ሰፍሯል።

TikvahEthiopiaFamilyMekelle

18/12/2024

ግብፅ የህዳሴውን ግድብ ጉዳይ በተመራጩ ፕሬዝደንት ዶናልድ ትራምፕ ለሚመራው አዲሱ የአሜሪካ መንግስት ለማቅረብ እየሰራች መሆኑን አል አረቢያ አል ጃዲድ የተሰኘው ጋዜጣ ዘግቧል

ጋዜጣው የግብፅ መንግስታዊ ምንጮቹን ጠቅሶ እንደዘገበው የግብፅ የመስኖ ሚኒስትር የቴክኒክ ሰራተኞች ግድቡ በሚያስከትለው ባደረሰው ጉዳት ላይ አዳዲስ መረጃዎችን እንዲያዘጋጁ ታዘዋል፡፡

ከእነዚህ መካከልም ባለፉት አራት አመታት ውስጥ የግብፅ መንግስት ውሀ ለማጣራት በሚል ያወጣውን ወጪ የሚገልፅ እንደሚገኝበት አስረድቷል፡፡ በአጠቃላይ በግድቡ ውሀ ሙሌት የተነሳ በግብፅ ላይ የደረሰውን ጉዳት በዝርዝር የሚተነትን አዲስ መረጃና ሰነድ በማዘጋጀት ለአዲሱ የትራምፕ አስተዳደር ለማቅረብ ዝግጅቱ እየተጠናቀቀ እንደሚገኝም ገልጿል፡፡

በቀጣይነትም ግድቡ በሙሉ አቅሙ ስራ በሚጀመርበት ወቅት በግብፅ ላይ የሚያስከትለውን አደጋ የሚገልፀው ይህ ሰነድ ወደፊት በግድቡ ስራ ላይ ስምምነት ላይ እንዲደረስ የሚል ምክረ ሀሳብ የሚይዝ መሆኑም ተገልጿል፡፡ ግብፃዊያን ይህንን ሰነድ እያዘጋጁ ባሉበት ወቅት ሱዳንም ተመሳሳይ ሰነድ በማዘጋጀት አብረው ለትራምፕ ለማቅረብ ማቀዳቸውን ጋዜጣው ጨምሮ አስረድቷል፡፡

ትራምፕ በስልጣን ላይ በነበሩት ወቅት በግድቡ ዙሪያ ሶስቱን አገራት ለመሸምገል ጥረት ማድረጋቸው የሚታወስ ነው፡፡ በወቅቱ ውዝግቡን ለመፍታት በሚል አንድ የስምምነት ሰነድ አዘጋጅተው የነበረ ቢሆንም በዚያ ሰነድ ላይ ኢትዮጵያ አልፈርምም ማለቷ ይታወሳል።

17/12/2024

ኢትዮጵያ የውጭ ባንኮች ገብተው እንዲሰሩ ፈቀደች

የህዝብ ተወካዮች ም/ቤት የውጭ ባንኮች በሀገር ውስጥ ገብተው እንዲሰሩ የሚፈቅድ አዋጅ አፀደቀ። የምክር ቤት አባላት፤ የውጭ ባንኮች እንዲገቡ መፈቀዱ የሀገር ውስጥ ባንኮች ላይ ተጽእኖ ሊኖረው እንደሚችል ስጋታቸውን ገልጸዋል

17/12/2024

ኢትዮጵያ ክሪፕቶ ከረንሲን ለመገበያያነት ለመጠቀም የሚያስችል መመሪያ ልታወጣ እንደምትችል የብሔራዊ ባንክ ገዢ ጥቆማ ሰጡ‼️

የኢትዮጵያ ብሔራዊ ባንክ የክሪፕቶ አሴትን እና የዲጂታል ገንዘብን በኢትዮጵያ መጠቀም የሚያስችል መመሪያ ወደፊት ሊያወጣ እንደሚችል የተቋሙ ገዢ አቶ ማሞ ምህረቱ ገለጹ።

ብሔራዊ ባንክ መመሪያውን የሚያወጣው በማዕከላዊ ባንኪንግ፣ በገንዘብ ፖሊሲ እና በገንዘብ አስተዳደር ያሉ ዓለም አቀፍ “ለውጦችን” እና “እድገቶችን” እያየ መሆኑን አቶ ማሞ ተናግረዋል።

አቶ ማሞ ይህን ያሉት የኢትዮጵያ ብሔራዊ ባንክ የአዋጅ ማሻሻያ ዛሬ ማክሰኞ ታህሳስ 8፤ 2017 በተወካዮች ምክር ቤት በጸደቀበት ወቅት ከፓርላማ አባል ለቀረበ ጥያቄ በሰጡት ማብራሪያ ነው።

አዲሱ አዋጅ ካካተታቸው አዳዲስ ድንጋጌዎች መካከል ክሪፕቶ ከረንሲ እና የዲጂታል ገንዘብን መጠቀም የተመለከተው አንዱ ነው።

አዋጁ “አስፈላጊ ሆኖ ሲያገኘው ብሔራዊ ባንክ ካልፈቀደ በስተቀር፤ ክሪፕቶ ከረንሲ ወይም ሌላ ማንኛውንም ዲጂታል ወይም የኤሌክትሮኒክ ገንዘብ በመጠቀም ክፍያ መፈጸም አይችልም” ሲል ክልከላ ያስቀምጣል።

አዋጁን በመተላለፍ በእነዚህ መንገዶች ክፍያ የፈጸመ ማንኛውም ሰው፤ ከሶስት ዓመት በማይበልጥ ቀላል እስራት እና ከአስር ሺህ ብር በማይበልጥ መቀጮ እንደሚቀጣም ተደንግጓል።

17/12/2024

አማርኛ‼️‼️

አማርኛ ቋንቋ በአውሮፓ ብቻ በስምንት ዩኒቨርሲቲዎች ይሰጣል‼️

👉ታዋቂው የጀርመኑ ሀምቡርግ ዩኒቨርሲቲ አማርኛን ለማስተማር ከሰሞኑ እንቅስቃሴ ጀምሯል።

የኢትዮጵያው አማርኛ ቋንቋ በአውሮፓ ባሉ ዩንቨርሲቲዎች ማስተማር ከተጀመረ አንድ ክፍለ ዘመን አልፎታል፡፡

ከሰሞኑ ደግሞ የጀርመኑ ሐምቡርግ ዩንቨርሲቲ በአማርኛ ቋንቋ ዙሪያ ባዘጋጀው ጉባኤ ላይ እንደገለጸው በሴሜቲክ ቋንቋዎች ምድብ ስር ካሉ ቋንቋዎች ውስጥ አማርኛ በተናጋሪ ብዛት ከአረብኛ በመቀጠል ሁለተኛው ነው፡፡

ቋንቋው ከሚሰጥባቸው ሀገራት መካከል ጀርመን፣ ጣልያን፣ ፈረንሳይ፣ ብሪታንያ፣ ሩሲያ እና ሌሎችም ሀገራት ዋነኞቹ ናቸው፡፡
የጀርመኖቹ በርሊን እና ሐምቡርግ ዩንቨርሲቲዎች አማርኛ ቋንቋን ከሚያስተምሩት መካከል ሲጠቀሱ ኔፕልስ፣ ፓሪስ፣ ዋርሶው፣ ቅዱስ ፒተርስበርግ እና ለንደን ዩንቨርሲቲዎችም በማስተማር ላይ ይገኛሉ ተብሏል፡፡

የዓለማችን ቁጥር ሁለት ልዕለ ሀያል ሀገር የሆነችው ቻይና አማርኛን ከሚያስተምሩት ሀገራት መካከል አንዷ ስትሆን ሩሲያ ደግሞ ከዩንቨርሲቲ ባለፈ በሁለተኛ ደረጃ ትምህርት ቤቶች ላይ በማስተማር ላይ ትገኛለች ።
አል አይን

16/12/2024

ኘሬዝደንት ረሲፕ ጣይብ ኤርዶጋን ኢትዮጵያ እና ሶማሊያን ሊጎበኙ መሆናቸው ተገለፀ‼️
የቱርክ ኘሬዝደንት ሬሲኘ ጣይብ ኤርዶጋን በኢትዮጵያ እና ሶማሊያ ጉብኝት ሊያደርጉ እንደሆነ ተገልጿል።

ኘሬዝደንቱ በፈረንጆች አዲስ አመት 2025 የመጀመሪያዎቹ ሁለት ወራት ውስጥ በሁለቱ ሃገራት ጉብኝት እንደሚያደርጉ ኤ ኒዉስ ዘግቧል።

ኢትዮጵያ እና ሶማሊያ የነበራቸውን አለመግባባት የፈቱበትን ስምምነት ባለፈው ሳምንት በኤርዶጋን አደራዳሪነት ማድረጋቸው ይታወሳል።

(አዩዘሀበሻ)

15/12/2024

የሩሲያ ኃይሎች ወደ ስትራቴጂካዊቷ የምስራቅ ዩክሬን ፖክሮቭስክ ከተማ ተቃረቡ።

ከደቡብ በኩል እየገፉ ያሉት የሩሲያ ኃይሎች ወሳኝ ከተባለች የፖክሮቭስክ ከተማ 1.5 ኪሎሜትር ርቀት ላይ መሆናቸውን የሩሲያ የጦር ጸኃፈዎችን ጠቅሶ ሮይተርስ ዘግቧል።

የአሜሪካዋን አሪዞና ግዛት ያህል የተቆጣጠረችው ሩሲያ ልዩ ያለችውን ዘመቻ ከጀመረችበት ከ2022 ወዲህ በፍጥነት እየገሰገሱ ነው ተብሏል።

ዩክሬን የተወለደው ታዋቂው የሩሲያ ጦር ደጋፊ ጸኃፊ ዩሪ ፖዶሊያካ እንገለጸው ከደቡብ ማጥቃት ያደረጉት የሩሲያ ኃይሎች ከከተማ በ1.5 ኪሎሜትር ርቀት ላይ ደርሰዋል። [አል አይን]

15/12/2024

‹‹ወደቡን ኢትዮጵያ ሙሉ ለሙሉ እንድትጠቀምበት ሐሳብ አቅርበናል፣ አሁንም ድረስ የኢትዮጵያን ምላሽ እየተጠባበቅን ነው››ጂቡቲ‼️

የጂቡቲ መንግሥት የኢትዮጵያና የሶማሊያን ውጥረት ለማርገብ ኢትዮጵያ ሙሉ በሙሉ የታጁራን ወደብ በማስተዳደር እንድትጠቀምበት ያቀረበው ሐሳብ እስካሁን ምላሽ አለማግኘቱን አስታወቀ።

የጂቡቲ መንግሥት የውጭ ጉዳይ ሚኒስትር መሐመድ ዓሊ ዩሱፍ የአፍሪካ ኅብረት ኮሚሽንን ለመምራት እየተደረገ ባለው ውድድር ላይ ዕጩነታቸውን በሚመለከት፣ አዲስ አበባ በሚገኘው የአገሪቱ ኤምባሲ ሐሙስ ታኅሳስ 3 ቀን 2016 ዓ.ም. በሰጡት መግለጫ ወቅት ነው ይህ የተነገረው።

አገራቸው ለኢትዮጵያ ያቀረበችውን ወደብ አስመልክቶ ከሪፖርተር ጥያቄ የቀረበላቸው የውጭ ጉዳይ ሚኒስትሩ፣ ‹‹ወደቡን በጋራ ለማስተዳደርና ኢትዮጵያ ሙሉ ለሙሉ እንድትጠቀምበት ሐሳብ አቅርበናል፣ አሁንም ድረስ የኢትዮጵያን ምላሽ እየተጠባበቅን ነው፤›› ብለዋል።

ሚኒስትሩ በነሐሴ ወር አገራቸው ኢትዮጵያ ወደቡን እንድትጠቀምበት የሚለውን ሐሳብ ባቀረበችበት ወቅት በሰጡት ማብራሪያ፣ ‹‹በአሁኑ ወቅት ከታጁራ ወደብ የሚገባንን ጥቅም እያገኘን አይደለም። በሁለት ወራት ውስጥ አንድ መርከብ ብቻ ነው እያስተናገደ የሚገኘው። የጂቡቲ መንግሥት ይህንን ወደብ ለመገንባት 60 ሚሊዮን ዶላር ወጪ አድርጓል። ከታጁራ ወደብ እስከ ባሎህ ግዛት ድረስ ያለውን መንገድ ለመገንባት ደግሞ 110 ሚሊዮን ዶላር ወጪ አድርጓል። በታጁራ ወደብ ለሠራተኞች ደመወዝ እየተከፈለ ያለው ከዶላሌ ወደብ ከሚገኝ ገቢ ነው። ይህ መሆኑ ትክክል ነው ትላላችሁ? አይደለም፤›› ማለታቸው ይታወሳል።

የውጭ ጉዳይ ሚኒስትሩ በቱርኪዬ አመቻችነት ባለፈው ሳምንት በጠቅላይ ሚኒስትር ዓብይ አህመድ (ዶ/ር) እና በሶማሊያው ፕሬዚዳንት ሀሰን ሸኪህ መሐመድ መካከል ስምምነት በመፈረሙ መደሰታቸውን ገልጸው፣ ድንበራቸው በየብስ የተከለለ አገሮች በዓለም አቀፍ ሕግጋት መሠረት የባህር በር የማግኘት መብት ላይ ያላቸውን ምልከታም አብራርተዋል።

‹‹የተባበሩት መንግሥታት ድርጅት የባህር በር ማግኘትን የተመለከተው ኮንቬንሽን በጣም ግልጽ ድንጋጌዎችን የያዘ ነው። ወሰናቸው በየብስ የተከበበ አገሮች ነፃ፣ መተንበይ የሚቻልና ያልተደናቀፈ የባህር በር የማግኘትና የመጠቀም መብት አላቸው። በዓለም አቀፉ የሕግ ማዕቀፍ መሠረት የእነዚህ አገሮች መብት በትክክል በተግባር ላይ እንዲውል ጠንክረን መሥራት ያለብን ይመስለኛል፤›› ብለዋል።

ሚኒስትሩ አገራቸው ለኢትዮጵያ የታጁራ ወደብን በአማራጭነት ማቅረቧንም አስታውሰዋል። ‹‹የባህር በር ተጠቃሚነትን በተመለከተ ጂቡቲ ከጎረቤቶቿ ጋር በአጋርነትና በትብብር ለመሥራት ሁሌም ክፍት ናት። ነገር ግን በአገሮች መካከል የሚደረጉ የግልግል ዳኝነቶች በዓለም አቀፍ ሕጎች መሠረት መከናወናቸው ጠቀሜታው የላቀ ነው፤›› ብለዋል።