Cathedral Team Nazareth - பேராலய அணி நாசரேத்

09/01/2024

இடையன்குடி - IDAIYANGUDI

இடையன்குடியின் தந்தை பிஷப் ராபர்ட் கால்டுவெல் 1814 ஆம் ஆண்டு மே மாதம் 7 ம் தேதி அயர்லாந்தில் பிறந்தார். 1841 இல் எஸ்.பி.ஜி யின் அதிகாரம் பெற்ற திருத்தொண்டராக இடையன்குடிக்கு வந்தார். கால்டுவெல் ஐயர் இடையன்குடிக்கு வருவதற்கு முன்பே அப்பகுதியில் கெரிக், சத்தியநாதன் போன்றவர்கள் கர்த்தருடைய ஊழியத்தை செய்து கொண்டிருந்தார்கள்.

கால்டுவெல் ஐயரின் இடையன்குடி கிராம சீரமைப்பு பணி :

கால்டுவெல்லுக்கு இடையன்குடி ஊரின் அமைப்பு ஒழுங்கற்றதாகவும் திட்டமிடப்பெற்ற குடியிருப்பதாகவும் தோன்றவில்லை. இடையன்குடியில் உள்ள வீடுகள் மற்றும் தெருக்கள் எல்லாம் ஒழுங்கினமாக காணப்பட்டன. இந்த நிலையை மாற்றி, நேரான தெருக்களும், அகலமான இடைவெளி விட்டுக் கட்டப்பட்ட காற்றோட்டமான வீடுகளும் உடையனவாகக் மாற்ற கால்டுவெல் அவர்கள் 1842 ஆண்டு திட்டம் தீட்டி செயல்படுத்தத் தொடங்கினார். அங்குக் குடிசைகள், சிறிய ஆலயம் போன்றவை ஏற்கனவே இருந்தன.
கால்டுவெல் அவர்கள் இடையன்குடி கிராமத்தை வடிவமைக்க மரம் ஒன்றின் மீது ஏறி வரைபடம் தயாரித்ததாகச் சொல்லப் படுகின்றது. நிலம் வாங்குவதற்கும் நிலத்தைச் சீர் செய்வதற்கும் தனது நண்பர்களிடமிருந்து நன்கொடைகள் பெற்றார். இடையன்குடியைப் புதியதொரு ஒழுங்கமைப்பில் அகலமான தெருக்களோடு நேர்த்தியாக வடிவமைத்தார். சாலைகளின் இருபக்கமும் மரங்களை நட்டுவித்தார். சரியான இடைவெளி விட்டு வீடுகளை அமைத்தார்.

கல்விக்கூடம் :

சிறுவர் சிறுமியர்க்கு எழுதவும் படிக்கவும் கற்பிக்க பாடசாலைகள் நிறுவினார் கால்டுவெல்லுக்கு இடையன்குடியில் கல்விக்கூடம் அமைப்பதற்கு இடம் வசதியாக அமைந்தது. அவர் 9 பள்ளிக்கூடங்கள் நிறுவியதாகக் குறிப்புகள் உளளன பள்ளியில் படிக்கும் மாணவர்களுக்கு நண்பகல் உணவு வழங்கும் திட்டத்தை அறிமுகம் செய்தார். பெண்கல்விக்கு இடையன்குடியில் கடும் எதிர்ப்பு இருந்தது. ஆனால் கால்டுவெல் ஊர்ப்பெரியவர்களை வாரம் ஒரு முறை சந்தித்துப் பெண்கல்வியின் இன்றியாமையை எடுத்துரைத்து அவர்களைத் தெளிவடையச் செய்தார். அவரது மனைவி எலிசாவின் உதவியுடன் பெண்களுக்குத் தையல் பயிற்சி மற்றும் கல்வி கிடைக்க வாய்ப்பளித்தார். இடையன்குடியில் 1844இல் பெண்களுக்காக உறைவிடப் பள்ளி ஒன்றைக் கால்டு வெல்லின் மனைவி எலிசா அவர்கள் தொடங்கினார்கள்.

Csi இம்மானுவேல் மருத்துவமனை :

கால்டுவெல் ஐயர் பொது மக்களுக்கு ஆரோக்கியமான வாழ்வு கிடைக்க வழிவகை செய்தார். சென்னை மாகாண கவர்னர் நேப்பியரிடம் பேசி1870 இல் இடையன் குடியில் மருத்துவமனை ஒன்று தொடங்க உரிய ஏற்பாடுகள் செய்தார். 2009 ஆண்டு முதல் திருநெல்வேலி திருமண்டலம் மற்றும் இம்மானுவேல் மருத்துவமனையும் இணைந்து ( C.S.I Eliza Caldwell Nursing College ) சி.எஸ்.ஐ. எலிசா கால்டுவெல் நர்சிங் கல்லூரி தொடங்கபட்டு சிறப்பாக செயல்பட்டுவருகிறது.
http://csielizacaldwell.org/

திரித்துவ ஆலயம் :

இடையன்குடியைில் கால்டுவெல் பிரமாண்டமான திரித்துவ ஆலயம் ஒன்று எழுப்ப விரும்பினார். இங்கிலாந்தில் உள்ள ஆலய நிர்மாண சங்கத்தாரிடம் இருந்து திரித்துவ ஆலயத்திற்கான வரைபடத்தை பெற்றுக்கொண்டார். கால்டுவெல் ஆலயம் எழுப்ப உள் நாட்டிலும் வெளிநாட்டிலும் நிதிதிரட்டத் தொடங்கினார். ஆலயத்திற்கான அடிக்கல்லை 1847 இல் நாட்டினார். கால்டுவெல் திட்டமிட்டபடி சில ஆண்டுகளுக்குள் ஆலயத்தைக் கட்ட இயலவில்லை. ஆலயத்தைக் கட்டிமுடிக்க 33 ஆண்டுகள் ஆகின. அவர் திருநெல்வேலியின் உதவி பிஷப்பாகப் பொறுப்பேற்ற பின் 1880 இல் அவர்கட்டிய திரித்துவ ஆலயம் திருநிலைப்படுத்தப்பட்டது. ஆலயத்தின் அமைப்பு, கலை நுட்பங்கள் போன்றவை கலைத்திறன் மிக்கவை.
இடையன்குடி ஆலயம் கோதிக் கட்டடக்கலை மரபைச் ((Gothic Architecture)) சார்ந்து கட்டப்பட்டது.

ஒரு கிராமத்தை உருவாக்குவது என்பது எளிதான ஒன்று அல்ல. நிலத்தைப் பிரித்து, தெருக்கள், வீட்டு மனைகள், கோயிலுக்கான இடம் போன்றவற்றை உருவாக்கினாலும் அது ஒரு கிராமமாகிவிடாது. அங்கு மக்கள் குடியமர வேண்டும். வீடுகள் அமைய வேண்டும். அவர்களுக்குத் தேவையான அடிப்படை வசதிகள் செய்யப்பட வேண்டும். ஆலயம், பள்ளிகள், மருத்துவமனை, கிணறுகள், வேலைவாய்ப்புத் திட்டங்கள் போன்றவை அனைத்தும் ஒருங்கே அமைந்தால்தான் அது வாழிடக் கிராமம் ஆகும். இதனை இடையன் குடியில் கால்டுவெல் வெற்றிகரமாகச் செய்து காட்டியுள்ளார். கால்டுவெல்லின் 33 ஆண்டுக்கால உழைப்பில் உருவாகிய திரித்துவ ஆலயமும் இடையன்குடி கிராமமும் என்றும் போற்றுதல்குரியது.

, Idaiyangudi
http://csielizacaldwell.org/
https://en.m.wikipedia.org/wiki/Robert_Caldwell

#பேராலயஅணிநாசரேத்

https://m.facebook.com/story.php?story_fbid=393854539667046&id=100071275083371&mibextid=Nif5oz

10/11/2023

மெய்ஞானபுரத்தின் தந்தை கனம் ஜாண்தாமஸ் ஐயா அவர்களின் பிறந்த நாள்.

Rev.JOHN THOMAS.( Father of Megnanapuram )

07/09/2023

முகநூலில் பரவி வரும் இந்த செய்தி உண்மை என்றால் குருவானவர் மற்றும ஆசிரியர் பணிக்கு பணத்தை கொடுத்தவர்களும், பணத்தை வாங்கியவர்களும் கிறிஸ்தவர்கள் என்று சொல்வதற்கு வெட்கபடவேண்டும்.

இதற்கு காரணமான திருமண்டல நிர்வாகிகளும் கர்த்தரிடத்தில் கணக்கு கொடுக்க வேண்டும்.

https://m.facebook.com/story.php?story_fbid=334440458933625&id=100071030206024&mibextid=Nif5oz

25/08/2023

சந்திரயான்-3 விண்கலத்தின் விக்ரம் லேண்டரில் லேசர் தொழில்நுட்பத்தில் இயங்கக்கூடிய எல்.பி.ஜி. பிளேட் மற்றும் உதிரி பாகங்கள் பொருத்தப்பட்டுள்ளது. இவை அனைத்தும் நாசரேத்தில் இயங்கும் கைத்தொழில் பாடசாலை அட்வான்ஸ் ட்ரெயினிங் சென்டர் ஊழியர்களால் தயாரிக்கப்பட்டதாகும்.

14/05/2023

ஊர்ல பத்து பேர சேர்த்துகிட்டு நாங்க தான் ஊர்ல சண்டியன் கோயில் எங்க சொத்துனு நினைக்ககூடாது.இந்த பத்து பேருக்கு எதிரா இன்னோரு பத்து பேரு சேரும் போது தான் தெரியும்.தூங்கி முழிச்சா ஒருத்தன் முஞ்சில இன்னொருத்தன் முழிக்கனும்னு தான் சில விஷயங்கள கடந்து போக வேண்டி.இருக்கு.

நாசரேத் அசனத்துல ஒரு 200 பேருக்கு சாம்பார் கிடைக்கல .30 நிமிடத்திற்கு மேல பிறமதத்தினர், ஊர் மக்கள் காத்து இருக்காங்க.இவங்க ஐயர கூப்ட்டு ஜெபம் பண்ணி அசனத்த முடிச்சிட்டானுங்க.

குழம்பு இல்லனா அதற்கான தீர்வ தேடனும்.அத விட்டிட்டு அசன கமிட்டில இருக்களவங்கலாம் பெஞ்சுக்கு அடியில ஒளியக் கூடாது.

பந்தி நட்க்கும் இடத்துல 2 அண்டாகுழம்ப ரொம்ப பாதுகாப்பா வச்சருக்காங்க..

எந்த மக்களும் குழம்பு இல்லாமல் வீடு திரும்ப கூடாது என்ற உறுதியுடன் இருந்த சில நண்பர்களின் உறுதியால் காத்திருந்தவர்களுக்கு சாம்பார் கிடைத்தது.

அசன விருந்து ஆரம்பித்த நேரம் 4,30 மணி முதல் 7.30மணி வரை ஆண்கள் வாலிபர்கள் சிறுவர்கள் அனைவருக்கு தங்கள் உடல் சக்திக்கு மீறி வேகமாகவும் ஆர்வமாகம் வேலை செய்து அசனத்தை சிறப்பாக செய்திருந்தனர்.

13/05/2023

06/05/2023

நாசரேத் தூய யோவான் பேராலயம் கடைசி இரண்டு வருட அசன வரவு , செலவு ஒரு பார்வை.

Printing book ரூ.1,07,000 இருந்தது ரூ.43,000 மாக குறைந்துள்ளது. எப்படி என்று புரியவில்லை ?

கேமரா ரூ.8,500 , நேரடி ஒளிபரப்பு ரூ.43,000 மொத்தம் ரூ.51,500 .அசனம் நிகழ்வை முகநூலில் நேரடி ஒளிபரப்பில் மக்கள் அனைவரும் இலவசமாக பார்த்துக் கொண்டிருக்கையில் யாருக்காக இவ்வளவு பணம் செலவழிக்கிறார்கள்.

மற்ற செலவுகளும் நாசரேத் சபையோர் பார்வைக்கு.

05/05/2023

குருவானவர் ஒய்வு வயது 70 இருந்து 60 ஆக குறைத்து புதிய இளம் குருவானவர்களை நியமித்தால் மட்டுமே இதற்கு தீர்வு.

குருவானவர்கள்,
#ஊழியத்திற்காக வந்தார்களா?
#ஊதியத்திற்காக வந்தார்களா?

21/02/2023

Holy Trinity English Church.Tuticorin - தூய திரித்துவ ஆங்கில ஆலயம். தூத்துக்குடி

273 ஆண்டுகளுக்கு முன் 17 மற்றும் 18 ஆம் நூற்றாண்டுகளில், பல்வேறு ஐரோப்பிய சக்திகள் இந்தியப் பகுதியைக் காலனித்துவப்படுத்தின. டச்சுக்காரர்கள் 1658 ஆம் ஆண்டு போர்த்துகீசியரிடம் இருந்து தூத்துக்குடியை கைப்பற்றினர்.கி.பி 1750 ஆம் ஆண்டில் டச்சு கிழக்கிந்திய நிறுவனம் டச்சுக்காரா்கள் தேவனை ஆராதிப்பதற்காக தூத்துக்குடியில் ஒரு ஆலயத்தை கட்டினார்கள். அதுதான் பீச் ரோட்டில் உள்ள தூய திரித்துவ ஆங்கில ஆலயம் ( Holy Trinity English church ) ஆகும். இந்த ஆலயம் பழைய துறைமுகம் எதிரில் அமைந்துள்ளது.

ஆலயத்தின் முன் கதவுக்கு மேல் சுவரில் டச்சு கிழக்கிந்திய நிறுவனத்தின் சின்னம் மற்றும் ஆண்டை குறிக்கும் வகையில் VOC & MDCCL என்ற எழுத்துக்கள் டச்சு மொழியில் பொறிக்கபட்டுள்ளன. VOC (Vereenigde,Oost-Indische & Compagine - ஐக்கிய டச்சு கிழக்கிந்திய கம்பெனி ) மற்றும் MDCCL என்பது ரோமானிய எண்களில் தேவாலயம் கட்டப்பட்ட 1750 ஆண்டை குறிப்பதாகும்.

1789ம் ஆண்டு தூத்துக்குடியில் இருந்த டச்சு கவர்னரின் வேண்டுகோளை ஏற்று ஏப்ரல் 17, 1792 அன்று தூத்துக்குடிக்கு விஜயம் செய்த SPCK இன் முதல் மிஷனரி ரெவ. ஜான் டேனியல் ஜெனிக்கே கிட்டத்தட்ட 20 நாட்கள் அங்கேயே இருந்து டச்சு நாட்டினருக்கும், தமிழ் சபையினர்க்கும் ஜெர்மானிய மொழியிலும், தமிழிலும் தேவாலயத்தில் பிரசங்கம் செய்தார். அந்த ஆராதனைகளில் ஜெர்மன் பாடல்கள் மட்டுமே பாடப்பட்டன.

கனம் ஸ்வார்ட்ஸ் ஐயரவர்கள் தரங்கம்பாடியிலிருந்து திரு.ராயப்பன், திரு.சத்தியநாதன் என்ற இரண்டு மிஷனெரிகளை இப்பகுதியில் ஊழியம் செய்ய அனுப்பினார். இவர்களின் ஊழியத்தினால் அதே ஆண்டில் 272 பேர் ஞானஸ்நானம் பெற்று திருச்சபையில் இணைந்தனர். வெகுகாலமாக இவர்களுக்கு இவ்வாலயத்திலேயே தமிழில் ஆராதனை நடத்தப்பட்டது.

1795 முதல் 1818 வரையிலான 23 ஆண்டு கால ஆங்கிலேயர் ஆக்கிரமிப்பின் ஒரு காலத்தில், இந்த "டச்சு தேவாலயம்" பிரிட்டிஷ் நாட்டவர்களாலும், கிழக்கிந்திய கம்பெனி அதிகாரிகளாலும் பயன்படுத்தப்பட்டது.

273 வருடம் பழமையான வாய்ந்த இந்த ஆலயத்தில் நடைபெற்ற ஆராதனையில் பங்கு பெற்றவர்களில் கனம் ஸ்வார்ட்ஸ் ஐயரவர்கள், மிஷனெரி ரிங்கள் தோபே மற்றும் பேராயர். கால்டுவெல் ஆகியோர் குறிப்பிடத்தக்கவர்கள்.

CSI தூத்துக்குடி - நாசரேத் திருமண்டலத்தால் தற்போது நிர்வாகம் செய்யபடும் இந்த ஆலயம் எல்லா ஞாயிற்றுக் கிழமைகளிலும் காலை, மாலை வேளைகளில் ஆங்கில முறைப்படி ஆராதனை நடைபெறுகிறது.





#பேராலயஅணிநாசரேத்

https://m.facebook.com/story.php?story_fbid=223722663346902&id=100071275083371&mibextid=Nif5oz

16/01/2023

தமிழர் திருநாளாம் பொங்கல் 15.01.2023 அன்று எங்கள் குழந்தைகள் மற்றும் எங்கள் நண்பர்களுடன் நாசரேத் அருகில் உள்ள திருமறையூர் முதியோர் இல்லத்தில் வைத்து தமிழர் திருநாள் சிறப்பாக கொண்டாடபட்டது.

https://m.facebook.com/story.php?story_fbid=151801497201427&id=110699387978305&mibextid=Nif5oz

#பேராலயஅணிநாசரேத்

06/12/2022

தூத்துக்குடி சண்முகபுரம் ஆலயத்திற்கு வந்த சி.எஸ்.ஐ மாடரேட்டர் விரட்டியடிக்கப்பட்ட சம்பவம் பரபரப்பை ஏற்படுத்தியுள்ளது.

தூத்துக்குடி - நாசரேத் திருமண்டல பெருமன்ற கூட்டம் தூத்துக்குடி சண்முகபுரம் சி.எஸ்.ஐ ஆலயத்தில் இன்று நடைபெறுவதாக அறிவிக்கப்பட்டிருந்தது. இந்த கூட்டத்தில் பாதிரியார்களின் ஓய்வு வயதை 67ல் இருந்து 70ஆக உயர்த்துவது தொடர்பான தீர்மானம் நிறைவேற்றப்பட இருந்தது.

இதற்கு திருமண்டல பெருமன்ற உறுப்பினர்கள் கடும் பலர் எதிர்ப்பு தெரிவித்த வருகின்றனர். இந்நிலையில் இன்று காலை பேராயர் (பொறுப்பு) ரவீந்திரன், மாடரேட்டர் தர்மராஜ் ரசாலம் ஆகியோர் இன்னோவா காரில் சண்முகபுரம் சி.எஸ்.ஐ ஆலயத்திற்கு வந்தனர். அப்போது ஆலய வளாகத்தில் கூடியிருந்த திருமண்டல பெருமன்ற உறுப்பினர்கள், அவர்களை உள்ளே விடாமல் தடுத்து விரட்டியடித்தனர்.

ஏற்கனவே பேராயராக இருந்த தேவசகாயம் பல்வேறு குற்றச்சாட்டுகள் எழுந்ததால் நீக்கப்பட்டார். தற்போது உள்ள மாடரேட்டர் இன்னும் ஒரு மாத காலத்தில் ஓய்வு பெறும் நிலையில், 3 ஆண்டுகள் பதவியை தக்கவைப்பதற்காக ஓய்வு வயது உயர்த்தி தீர்மானம் நிறைவேற்ற இருப்பதாக திருமண்டல பெருமன்ற உறுப்பினர்கள் குற்றம் சாட்டியுள்ளனர்.

06/12/2022

கிறிஸ்மஸ் , ஈஸ்டர் , புது வருட பண்டிகை காலங்களில் ஆலயத்தில் நடைபெறும் ஆராதனைகளை ஆலயத்தில் வெளிய அமர்ந்திருக்கும் சபையோர் நேரலையாக பார்க்க தொலைக்காட்சி (Television,TV ) வெளி வாடகைக்கு எடுத்து பொருத்து கின்றனர் இதனால் ஆண்டுதோறும் ஒரு இலட்சத்திற்கும் அதிகமான பணம் வாடகையாக நமது ஆலய நிர்வாகம் கொடுக்கிறது.

இந்த பணத்தை நமது சபை மக்கள் உற்சாகமாக கொடுக்கும் காணிக்கை பணத்தில் இருந்து செலுத்துகின்றனர். ஆகவே தேவையில்லாத இந்த செலவை குறைக்கவும், நமது காணிக்கை பணம் எவ்விதத்திலும் வீணாக செலவாகாதபடி மற்ற சி.எஸ்.ஐ. தேவாலயங்களில் உள்ளதுபடி நிரந்தரமாக தொலைகாட்சி பொருத்தும் வண்ணம் ஆலய நிர்வாகம் நடவடிக்கை எடுக்க வேண்டும்.என்று நாசரேத் தூய யோவான் பேராலயத்தில் வைத்து பேராலய அணி சார்பாக முன்னாள் சேகர தலைவர் Rev. ஆல்பர்ட் ஜெயசிங் தாமஸ் அவர்களை சந்தித்து கோரிக்கை வைத்தோம். ஐயர்வாள் அவர்கள் தொலைகாட்சி அடுத்த முறை நிரந்தரமாக வைக்கபடும் என்று உறுதிமொழி அளித்தார்கள். பணிமாறுதல் காரணமாக அவர்கள் வேறு சேகரத்திற்கு சென்று உள்ளதால் தற்போதைய நாசரேத் சேகர தலைவராக உள்ள மர்காஷிஸ் ஐயா அவர்கள் நடவடிக்கை எடுக்க முன் வரவேண்டும்.

10/10/2022

தூத்துக்குடி - நாசரேத் திருமண்டலதால் நிர்வாகிக்கும் விக்டோரியா CBSE பள்ளி தொடங்கிய முதல் வருடம் 100 மாணவர்களாக இருந்த பள்ளியின் மாணவர் சேர்க்கை தற்சமயம் 800க்கும் மேற்பட்ட மாணவர்களுடன் தூத்துக்குடி மாநகராட்சியில் சிறப்பாக செயல்பட்டு வருகிறது. 40 ஆசிரியைகள் உட்பட 30-க்கும் மேற்பட்ட அலுவலர்கள் பணிபுரியும் இப்பள்ளியில் ஆசிரியர் மற்றும் அலுவலர்களுக்கும் சரிவர சம்பளம் தரவில்லை ' சம்பளம் கேட்டால் மிரட்டுகின்றனர்' என்று பள்ளி ஆசிரியைகள் போராட்டத்தில் ஈடுபட்டனர்.இதனால் அங்கு படிக்கும் 800க்கும் மேற்பட்ட மாணவர்களுடைய படிப்பு கேள்விகுறியாகிவிட்டது.இதனால் மாணவர்களும் , பெற்றோர்களும் மன உளைச்சலுக்கு ஆளாகி உள்ளார்கள்.

02/10/2022

மெய்ஞ்ஞானபுரம் - மெஞ்ஞானபுரம் - Meignanapuram

1830 வருடம் நெடுவிளை கிராமத்தில் கோவில் பூசாரியின் மகன் பாம்பு கடித்து உயிருக்கு போராடி கொண்டிருக்கும் போது ஜெர்மனியை சேர்ந்த கனம் C.T.E. ரேனியஸ் (1790-1838) மிஷனரி மருந்துவ உதவி செய்து உயிரை காப்பாற்றினார். இதனை அறிந்த மற்றவர்களும் ரேனியஸ் ஐயரின் சுவிசேஷகத்தால் பாவ, சாப, கட்டுகளிலிருந்து, கர்த்தராகிய இயேசு கிறிஸ்துவின் நாமத்தினால் விடுவிக்கப்பட்டு, நித்திய ஜீவனுக்குள் பிரவேசிக்கும் பாக்கியத்தைப் பெற்றுக் கொண்டவர்களாய் மொத்த கிராமமும் இரட்சிக்கபட்டு கிறிஸ்தவ கிராமமாக மாறியது. இதனால் ரேனியஸ் ஐயர் நெடுவிளை கிராமத்தின் பெயரை மெஞ்ஞானபுரம் என்று மாற்றினார், மெஞ்ஞானபுரம் என்றால் "Place of True Wisdom" "உண்மையான ஞானத்தின் இடம்" என்று பொருள்படும்.

மெஞ்ஞானபுரத்தின் தந்தை கனம் ஜாண் தாமஸ் (1808-1870 ) அவர்கள் மெஞ்ஞானபுரத்திற்கு 1837 ம் ஆண்டு பிப்ரவரி 5 ம் நாள் இங்கிலாந்தில் ( வேல்ஸ் ) இருந்து நற்செய்திபணி அறிவிக்க வந்து சேர்ந்தார். ஜாண் தாமஸ் அவர்களின் மனைவி மேரி டேவிசும் கணவனும் மனைவியாக மெஞ்ஞானபுரத்தின் சுற்று வட்டாரங்களில் பல கிராமங்களுக்கு நடந்துசென்றே நற்செய்தி பணியை செய்தார்கள். மெஞ்ஞானபுரத்தில் ஜான் தாமஸ் அவரது மனைவியும் ஆண் மற்றும் பெண் பாட சாலையையும் ஏற்படுத்தினர்.1841 இல் எலியட் டக்ஸ்போர்ட் பெண்கள் பள்ளியும், 1844 இல்,ஆண்களுக்கான உறைவிடப் பள்ளியும் நிறுவினர். இக்கல்வி கூடத்தில் பயின்ற மாணவர்கள் கல்வியிலும் ஒழுக்கத்திலும் சிறந்து விளங்கினர்

கனம் ஜாண் தாமஸ் அவர்கள் , அநேகர் கிறிஸ்தவர்களாக மாறியதால் ஆண்டவரை ஆராதிப்பதற்கு ஆலயத்தில் போதிய இடவசதி இல்லாதமையால் புதிய ஆலயம் கட்ட 1844 ம் ஆண்டு ஜுன் மாதம் 20 ம் நாள் அஸ்திபாரம் போட்டு 1847 ஆம் ஆண்டு டிசம்பர் 9 ஆம் தேதி ஆலயம் கட்டி முடிக்கப்பட்டு கனம் ஜான் தாமஸ் ஐயர்வர்களால் தூய பவுலின் ஆலயம் பிரதிஷ்டை செய்யபட்டது. ஆலயத்தின் உபயோகத்திற்காக பெரிய ஆலய மணி இங்கிலாந்திலிருந்து கப்பல் மூலமாய் கொண்டு வரபட்டு ஆலயத்தில் பொருத்தபட்டது. இந்த ஆலயத்தின் மணியோசை இரண்டு கிலோ மீட்டர் தொலைவு வரை கேட்கும் திறன் கொண்டதாய் இருந்தது.இவ்வாலயம் 192 அடி உயர கோபுரத்தை உடையதால் இதற்கு “ONE RUPEE CHURCH” "ஒரு ரூபாய் தேவாலயம்" என்ற பெயரும் உண்டு ஏனெனில் முற்காலத்தில் ஒரு ரூபாய் மதிப்பு 192 பைசாவாக இருந்தது.

33 ஆண்டுகளாக ஓயாமல் உழைத்து, மெஞ்ஞானபுரத்திற்கும் அதனை சுற்றியுள்ள கிராமங்களுக்கும் தன் வாழ்க்கையை அர்பணித்த ஜாண் தாமஸ் ஐயர் அவர்கள் தன்னுடைய 62 ம் வயதில் 1870 ம் ஆண்டு மார்ச் மாதம் 28 ம் நாள் பிற்பகல் 3 மணிக்கு கர்த்தருடைய ராஜ்யத்தில் பிரவேசித்தார். மெஞ்ஞானபுரத்து திருச்சபை மக்கள் ஜாண் தாமஸ் அவர்களின் நற்செய்தி பணியை நினைவுகூர்ந்து ஒவ்வொரு வருடமும் ஜனவரி மாதத்தின் இறுதி வியாழக்கிழமை அன்று மிகப்பெரிய அசன பண்டிகை நடத்துகின்றார்கள். இதில் அதை சுற்றி இருக்கும் நூற்றுக்கணக்கான கிராமங்களில் இருந்து 10 இலட்சத்திற்கும் அதிகமான பொது ஜனங்கள் ஐக்கிய பந்தியில் கலந்து கொண்டு வருகின்றார்கள்.

இன்று மெஞ்ஞானபுரம் மக்கள் கல்வியிலும், சமுதாய அந்தஸ்திலும் உயர்ந்து இருப்பதற்கு காரணம் இயேசு கிறிஸ்துவின் அழைப்பை ஏற்று, தன்னுடைய வாழ்க்கை, குடும்ப உறவுகள், சொத்து சுகங்கள் எல்லாவற்றையும் ஒதுக்கி வைத்து விட்டு, மெஞ்ஞானபுரத்திற்கு வந்து, சுவிசேஷம் , சமுதாய நற்பணி , கல்வி மற்றும் மருத்துவம் போன்றவற்றை அளித்த மேலை நாட்டு மிஷனரிகள் என்றால் மிகையாகாது.

https://m.facebook.com/story.php?story_fbid=197595055959663&id=100071275083371

#பேராலயஅணிநாசரேத்

18/09/2022

திருநெல்வேலி திருமண்டலம் சார்பில் 2002 ஆண்டு ECE, EEE மற்றும் CSE பாடபிரிவுகளுடன் சாயர்புரம் டாக்டர்.ஜி.யு.போப் பொறியியல் கல்லூரி தொடங்கப்பட்டது. தற்போது CSI தூத்துக்குடி-நாசரேத் திருமண்டல நிர்வாகத்தின் கீழ் இயங்குகிறது.

கல்வி நகரம் சாயர்புரத்தில் தொழில்நுட்பக் கல்லூரி அமைய வேண்டும் என்ற சாயர்புரம் மக்களின் எண்ணத்தின் விளைவாக சாயர்புரம் போப் மேல்நிலைப் பள்ளி பழைய மாணவர் சங்க (OBA ) விற்பனைப் பத்திரம் மூலம் வாங்கப்பட்ட தேரி நிலத்தில் 1842ல் சாயர்புரத்திற்கு மிஷனரியாக வந்து கல்விப் பணியையும் , சமயப் பணியையும் தனது இரு கண்களாகக் கொண்டு சாயுர்புரத்தை கல்வி நகரமாக மாற்றிய சாயர்புரத்தின் கல்வி தந்தை Dr.G.U.போப் அவர்கள் பெயரில் "முதலில் இருங்கள் அல்லது முதல்வருடன் இருங்கள்". "“Be first or be With the First”. என்ற பொன்மொழியுடன் இக்கல்லூரி தொடங்கபட்டது.

2002 ஆண்டில் 3 பாடபிரிவுடன் தொடங்கபட்ட இக்கல்லூரி 16 வருடம் கடந்த பின் 2018 ஆண்டில் மெக்கானிகல் மற்றும் சிவில் பாடபிரிவுகள் தொடங்கபட்டன. கல்லூாி தொடங்கி 20 வருடம் கடந்தாலும் இக்கல்லூரியில் முதுகலை பொறியியல் ( Master of Engineering ) பட்டப்படிப்புகள் தொடங்கபடாமல் உள்ளன.

2002 ஆண்டு தொடங்கபட்ட மற்ற தனியாா் பொறியியல் கல்லூாிகள் தன்னாட்சி ( autonomous ) அதிகாரத்துடன் வளா்ச்சி அடைந்துள்ள நிலையில் போப் கல்லூாி அதற்கு இணையான வளா்ச்சி அடையாததிற்கு காரணம் புதிய பாடபிாிவுகளை ( Artificial Intelligence and Data Science, Bio-Technology, Bio-Medical ) காலத்திற்கு ஏற்றாா் போல் தொடங்காது , கல்லூாி உள்கட்டமைப்பு வசதி , விடுதி வசதி, கல்லூரி மேற்படிப்பு வசதி மற்றும் போக்குவரத்து வசதிகளை நிா்வாகத்தில் இருந்தவா்கள் மேம்படுத்தாதது தான்.

தமிழகத்தில் 440க்கும் மேற்ப்பட்ட அண்ணா பல்கலைக் கழகத்துடன் இணைப்பு பெற்ற பொறியியல் கல்லூரிகள் உள்ளன. அவற்றுடன் 118 தன்னாட்சி அதிகாரத்துடன் இயங்கி வரக்கூடிய சுயநிதி தனியார் கல்லூரிகளும் உள்ளன. இவற்றுடன் போப் கல்லூாி போட்டி போட வேண்டுமானால். மற்ற தன்னாட்சி கல்லூரிக்கு இணையான புதிய பாடபிாிவுகள் , தரமான அனுபவமிக்க பேராசிரியர்கள் மற்றும் கல்லூாியின் உள் கட்டமைப்புகளை உருவாக்க முன் வரவேண்டும்.

Dr. G U Pope Engineering College. Sawyerpuram.

டாக்டர் ஜி.யு.போப் பொறியியல் கல்லூரி . சாயர்புரம்

https://m.facebook.com/story.php?story_fbid=201625158885727&id=110699387978305

#பேராலயஅணிநாசரேத்

16/09/2022

CSI தூத்துக்குடி - நாசரேத் திருமண்டலம். நாசரேத் சேகரம் சங்க இனவழி (2021 - 2022 ) வருட காணிக்கை பணம் குறித்த ஆண்டு அறிக்கையில் அக்டோபர் 2021 இல் நமது நாசரேத் சேகரம் 17.25.007.58/- ரூபாய் கடனில் இருந்தது அதனை சரி செய்து. மார்ச் 2022ல் கையிருப்பில் முடித்துள்ளோம் என்று நமது நாசரேத் சேகர தலைவர், அருள்திரு. அறிவர். மர்காஷிஸ் டேவிட் வெஸ்லி ஐயர் அவர்கள் பணவரவு, செலவு ஏதுவும் குறிப்பிடபடாமல் அறிக்கை சமர்ப்பித்து உள்ளார்கள்.

நமது திருமண்டலத்தில் முதன்மை ஆலயமாம் தூய யோவான் பேராலயம் சார்ந்த சேகரத்தில் 17.25.007.58/- ரூபாய் கடன் இருந்தது என்றால் நிச்சயமாக ஏற்றுக்கொள்ள கூடியது அல்ல. கையிருப்பில் பணம் இருக்கும் போது கடன் எப்படி ஏற்பட்டு இருக்கும்.

1. கடன் வாங்கி செலவு செய்ய வேண்டிய அவசியம் என்ன ?

2. கடன் வாங்க ஒப்புதல் அளித்தது யார் ?

3. கடன் அளித்தவர்களின் விபரம்.

4. கடன் வாங்கி செலவு செய்த பணியின் விபரம்.

5. கடன் அடைக்கும் முன் , பின் கையிருப்பில் உள்ள பணத்தின் விபரம்.

6. கடன் வாங்கும் போது இருந்த சேகர செயலாளர் , பொருளாளர் மற்றும் சேகர தலைவர் விபரம்.

7.கடனை அடைக்கும் போது இருந்த சேகர செயலாளர் , பொருளாளர் மற்றும் சேகர தலைவர் விபரம்.

போன்ற கேள்விக்கான விடையை முன்னாள் மற்றும் இன்னாள் சேகர தலைவர் சபை மக்களுக்கு விளக்கம் அளிக்க வேண்டும்.

#பேராலயஅணிநாசரேத்

29/08/2022

சாயர்‌‌புரம் - SAWYERPURAM

சாயர்புரம் சுற்றியுள்ள பகுதியான சுப்ரமணியபுரம், பெருங்குளம், சிவஞானபுரம், சிவத்தையாபுரம போன்ற ஊர்களில் 1815க்கு முன்பே கிறிஸ்தவம் ஒரளவு பரவியிருந்தது. சிலர் கிறிஸ்தவத்தை ஏற்றுக் கொண்டிருந்தனர். கிறிஸ்தவத்தை தழுவியவர்களுக்கு அவர்கள் ஊர்களில் கடும் எதிர்ப்பு இருந்தது. கிறிஸ்தவர்கள் அவர்களின் ஊர்களில் இருந்து தனிமைப் படுத்தப்பட்டனர்.அங்கு வசிக்க வீடுகள் இல்லாமல் பரிதாப நிலைக்கு தள்ளபட்டனர்.

சாமுவேல் சாயர் 1776 வருடம் பிறந்தார் இவரது தந்தை கிழக்கிந்திய கம்பெனியின் கடல் படையில் உயர் பதவியில் இருந்தார். சாமுவேல் சாயர் குடும்பம் பாளையங்கோட்டை இல் குடியிருந்தனர் இவர் போர்ச்சுக்கல் வணிகர் ஆவார். சாயர் அவர்கள் பாளையங்கோட்டையிருந்த திருச்சபைக்கு கெளரவப் பொருளாளராக பணியாற்றிய போது திருவைகுண்டம் பகுதியில் கிறிஸ்தவ மக்கள் வீடு இல்லாமல் துயரப்படும் விஷயம் சாமுவேல் சாயருக்கு தெரிய வந்தது. எனவே அவர்கள் குடியிருக்க நிலம் வாங்கிக் கொடுக்க முடிவு செய்தார். சுப்பிரமணியபுரம் ஊருக்கு வடபுறம் அடர்ந்த வனப்பகுதியில் 150 ஏக்கர் நிலப்பரப்பை விலைக்கு வாங்கி SPCK சபையிடம் 1810ஆம் ஆண்டு நன்கொடையாகக் கொடுத்தார்.

ஓரு சில கிறிஸ்தவர்கள் SPCK சபையிடம் இலவசமாக மனை பெற்று ஓடைக்கு வடபுறமாக உள்ள காடுகளை அழித்து நிலமாக்கி 1814ம் ஆண்டு ஓலையால் வேயப்பட்ட குடிசை வீடுகளை கட்டி குடியேறினர். அவ்வாறு புதிதாக கட்டி குடியேறிய அவ்வூருக்கு மக்கள் சாமுவேல் சாயரின் நினைவாக சாயர்புரம் என பெயர் சூட்டினர்.

1842ல் சாயர்புரத்திற்கு மிஷனரியாக வந்து கல்விப்பணியையும் , சமயப்பணியையும் தனது இரு கண்களாகக் கொண்டு சாயுர்புரத்தை கல்விநகரமாக மாற்றிய Dr.G.U.போப் தனது குறிப்பில் சாயர் அவர்கள் விலைக்கு வாங்கி கொடுத்த 150 ஏக்கர் நிலம் இருந்ததினால்தான்; தான் நினைத்தபடி கல்விக்கூடங்களையும், கிராமத்தையும் நேர்த்தியாக நிர்மாணிக்க முடிந்ததாக தெரிவித்துள்ளார்.

1849ல் Dr.G.U போப் சாயர்புரத்தை விட்டு சென்றபின் Rev.M.Rose, Rev.H.C.Huxtable, Rev.J.Brotherton, Rev.J.Earnshaw, Rev.R.J.French, Rev.J.Graitton, Rev.J.Adamson, Rev.J.A.Sharrock, Rev.A.J.Godden, Rev.P.G.Kerslake, Rev.W.E.Evans போன்ற மேலை நாட்டு மிஷனரிகள் 1937ம் ஆண்டுவரை இங்கிருந்து பணி செய்ததின் விளைவாக இன்றும் தினமும் அதிகமான மாணவ , மாணவிகள் சாயர்புரத்திற்கு வந்து இங்குள்ள கல்வி நிலையங்களில் கல்வி கற்று செல்கின்றனர்.

தேரிக்காட்டின் வெப்பம், வறட்சி, அவ்வவ்போது ஏற்பட்ட பஞ்சம் , பிறமதத்தினரின் எதிர்ப்பு ஆகியவற்றை நேரடியாக சந்தித்து
சாயர்புரத்தை மேம்படுத்த அயராது உழைத்த மேலைநாட்டு மிஷனரிமார்களின் சாட்சியான கிறிஸ்தவ வாழ்க்கை என்றென்றும் போற்றுதற்குறியது.

https://www.facebook.com/110699387978305/posts/200345175680392/

https://m.facebook.com/story.php?story_fbid=195269982858837&id=100071275083371

#பேராலயஅணிநாசரேத்

22/08/2022

ST RAPHAEL'S HOSPITAL SAWYERPURAM - புனித ரபாயேல் மருத்துவமனை சாயர்புரம்

"மருத்துவ சுவிசேஷம்". மூலம் SPG யால் 168 ஆண்டுக்கு முன் 1854 வருடம் இந்தியாவில் துவங்கப்பட்ட முதல் மருத்துவமனை சாயர்புரம் செயின்ட் ரஃபேல் மருத்துவமனை ஆகும்.

1854 இல் சாயர்புரத்தில் ஆங்கில மிஷனெரி ரெவ். ஹக்ஸ்டபிள் அவர்களால் இம்மருத்துவமனை ஓலை வீட்டில் சிறிய கிளினிக்காக தொடங்கப்பட்டது. Rev. Huxtable அவர்கள் மருத்துவமனையின் முதல் மருத்துவர் ஆவார்.

1874 ல் மருத்துவமனையை ஓட்டு கட்டிடமாக மாற்றி பொிய மருத்துவமனையாக மாற்றியவர் Rev. ஆடம்ஸன் ஐயர் அவர்கள்.

1877-1879 ல் பஞ்சம் ஏற்பட்டு கொடிய தொற்று நோய்கள் பரவிய போது செயின்ட் ரஃபேல் மருத்துவமனையில் பணிபுரிந்த மருத்துவர்கள் மற்றும் பணியாளர்கள் நோயாளிகளுக்கு சிறந்த சிகிச்சை அளித்து மகத்தான மருத்துவ சேவை செய்தனர்.

மருத்துவமனையின் முதல் இந்திய மருத்துவர் டாக்டர். ஏ. ஜோசப் அவர்கள் 1881 வருடம் பொறுப்பேற்று 1896 வரை சிறப்பாக பணி ஆற்றினார்.

நோயாளிகளுக்கு குறைந்த கட்டணத்தில் சிகிச்சை அளிக்கபட்டதால் 1947 மற்றும் 1952 க்கும் இடைபட்ட காலத்தில் 459 அறுவை சிகிச்சைகள் இம்மருத்துவமனையில் நடந்துள்ளன.

சாயர்புரத்தில் 1854 வருடம் ஆங்கில மிஷனெரிகளால் அர்பணிப்பு , தியாகம், ஊழிய வாஞ்சையால் உருவான புனித ரபாயேல் மருத்துவமனையின் ( St Raphael's Hospital ) நோக்கம் நிறைவேறியதா என்பதை மருத்துவமனையின் தற்போதைய வளர்ச்சியை வைத்து நாம் அறிந்துக்கொள்ளலாம்.

St Raphael's Hospital sawyerpuram
புனித ரபாயேல் மருத்துவமனை சாயர்புரம்.

https://www.facebook.com/110699387978305/posts/148661864182057/

#பேராலயஅணிநாசரேத்

21/08/2022

தூத்துக்குடி - நாசரேத் திருமண்டலம் மற்றும் நாசரேத் சேகரம் சார்பாக சபையோர் காணிக்கை பணத்தில் அடிக்கல் நாட்டப்பட்டு தொடங்க படுவதாக சொல்லபட்ட கல்வி நிலையங்கள் தொடங்கபடாதது நாசரேத் சபையோர்க்கு ஏமாற்றத்தை அளிக்க கூடியது.

05.01.2017 அன்று பிரதம பேராயரின் ஆணையாளர் Rev. D. ஜெசுசகாயம் அவர்களால் நாசரேத்தில் வைத்து பல் மருத்துவ கல்லூரி தொடங்கபட அடிக்கல் நாட்டப்பட்டது.

7.12.2018 அன்று பேராயர் Rev.தேவசகாயம் அவர்களால் நாசரேத்தில் வைத்து Canon Arthur Margoschis Public School ( CBSE) பள்ளி தொடங்கபட அடிக்கல் நாட்டப்பட்டது.

ஆனால் அடிக்கல் நாட்டபட்டு 5 வருடம் கடந்த பிறகும் கல்வி நிலையங்கள் இன்றளவும் தொடங்கபடாதது ஏமாற்றத்தை அளிக்கிறது.

ஒரு காரியத்தின் துவக்கத்தை பார்க்கிலும் முடிவு நல்லது என்ற வேதவசனத்தின்படி அடிக்கல் நாட்டபட்டு தொடங்கபட இருந்த கல்வி நிலையங்கள் விரைவில் தொடங்கபட திருமண்டல மற்றும் சேகர நிர்வாகிகள் முயற்சி எடுக்க வேண்டும்.

ஒரு காரியத்தின் துவக்கத்தை பார்க்கிலும் முடிவு நல்லது.
(பிரசங்கி 7:8 )

Canon Arthur Margoschis Public School ( CBSE)
csi Dental College Nazareth

#பேராலயஅணிநாசரேத்

03/08/2022

செயின்ட் ஜான்ஸ் மாதிரி பள்ளி நாசரேத் - St John's Model School Nazareth

130 வருடத்திற்கு முன் 1892 வருடம் கனம் ஆர்தர் மர்காஷிஸ் ஐயர் அவர்களால் செயின்ட் ஜான்ஸ் மாதிரி பள்ளி நாசரேத்தில் தொடங்கப்பட்டது.

1877 வருடம் செயின்ட் ஜான்ஸ் ஆசிரியர் பயிற்சி பள்ளியை மர்காஷிஸ் ஐயர்வர்கள் பெண்கள் பள்ளியின் ஓரு பகுதியில் நிறுவினார்கள். அதில் படித்த மாணவிகள் ஆசிரியர் பயிற்சி பெறுவதற்காக மாடல் ஸ்கூல் தூய யோவான் பெண்கள் பள்ளியின் ஒரு பகுதியில் மர்காஷிஸ் ஐயர் அவர்களால் தொடங்கபட்டது.

1892- ல் கட்டப்பட்ட இந்த பள்ளி தற்போது, கட்டிடங்கள் உடைந்த நிலையில் வகுப்பறைகள் பயன்படுத்த முடியாத நிலையில் சிதிலமடைந்து கிடக்கிறது. இதே நிலை நீடித்தால்,ஒரு சில ஆண்டுகளில் பள்ளி இழுத்து மூடும் நிலை ஏற்படும்.

இப்பள்ளியில் உள்ள ஓட்டு கட்டிடத்தை கான்கிரீட் கட்டிடமாக மாற்ற தூத்துக்குடி நாசரேத் திருமண்டல பேராயர் அருட்திரு S.E.C தேவசகாயம் அவர்களால் 15/02/2018 அன்று அடிக்கல் நாட்டப்பட்டது. என்றாலும் எவ்வித கட்டிட பணியும் துவங்காமல் அடிக்கல் நாட்டப்பட்ட நிலையிலேயே கட்டிடங்கள் பாழடைந்து காணப்படுகின்றன.

நூற்றாண்டு விழா காணும் இந்த பள்ளியில் படித்த மாணவ, மாணவிகள் இன்று தொழில் துறை, மற்றும் உயர்ந்த பொறுப்புகளில் நல்ல பதவிகளில் இருந்து வருகின்றனர். இப்பள்ளியில் படித்த மாணவர்கள் எந்த நிலையில் உயர்ந்திருந்தாலும், இந்த பள்ளியை மறக்க கூடாது பள்ளியின் வளர்ச்சிக்கு அவர்கள் உதவ முன் வேண்டும். ஆயிரக்கணக்கான மாணவர்களின் எதிர்காலத்திற்கு வித்திட்ட இப்பள்ளியின் வளர்ச்சி, உட்கட்டமைப்பு மற்றும் இதர பள்ளித் தேவைகள் சந்திக்கபட்டு புதுபொழிவுடன் இப்பள்ளி செயல்பட ஆர்வலர்கள் முன் வரவேண்டும்.

https://chat.whatsapp.com/FYnDJMBbcIv9XxQJalkol4

https://www.facebook.com/110699387978305/posts/196652202716356/

#பேராலயஅணிநாசரேத்

22/05/2022

அசன கமீட்டி செயலாளரை தேர்ந்து எடுப்பதற்காக நடைபெற்ற காட்டுமிராண்டி தனமான காரியங்களை பார்க்கும் போது நாசரேத் கிறிஸ்தவர்கள் ஆலய வாஞ்சை உள்ளவர்கள், தேவனுக்கு பயந்தவர்கள், படித்தவர்கள் , நாகரீகமானவர்கள் , என்ற பெயரை நான் இழந்து விட்டோம் என்றே தோன்றுகிறது .ஏன் இத்தனை ஆரவாரம். கெட்ட வாா்த்தைகள், விசில் அடிப்பது, அநாகரிகமாக கத்துவது தான் கிறிஸ்தவ மார்க்கமா. ஆலய காரியங்களில் சண்டை போடுவதும் அதற்கு உறுதுணையாக இருப்பதும் சந்ததித்திற்கு சாபத்தை வருவிக்கும் என்று நம்முடைய பிள்ளைகளுக்கு சொல்லி கொடுக்க தவறிவிட்டோம்.

இயேசு கிறிஸ்து தன் சுயஇரத்தத்தை சிந்தி சம்பாதித்த சபை. சபையில் அரசியல் பண்ணி சண்டை போட்டு கொண்டு உங்கள் பிள்ளைகளுக்கு சாபத்தை வைத்து விட்டு போகாதீர்கள்.

கெட்டவாா்த்தைகளால் திட்டுவதும், விசில் அடித்து கத்துவதும் நடந்து முடிந்த அசன கமீட்டி பொதுகுழு கூட்டம் திருமண்டல தோ்தலை ஞாபகம் படுத்துகிறது.

பிரசங்கி, Chapter 5 : 6.

உன் மாம்சத்தைப் பாவத்துக்குள்ளாக்க உன் வாய்க்கு இடங்கொடாதே, அது புத்திபிசகினால் செய்தது என்று தூதனுக்குமுன் சொல்லாதே, தேவன் உன் வார்த்தைகளினாலே கோபங்கொண்டு, உன் கைகளின் கிரியையை அழிப்பானேன்?

https://www.facebook.com/110699387978305/posts/133238089057768/

https://www.facebook.com/110699387978305/posts/178132961234947/

#பேராலயஅணிநாசரேத்

21/05/2022

நமது தூய யோவான் ( St. John's Cathedral, Nazareth ) பேராலயத்தில் கோடை விடுமுறையையொட்டி விடுமுறை வேதாகம பள்ளி ( VBS ) Vacation Bible School வகுப்புகள் ஆரம்பமாகியுள்ளன.

சிறுவர்கள் தினந்தோறும் ஜெபிக்கவும், வேதம் வாசிக்கவும், முறையாக வேதத்தைக் கற்றுக் கொள்ளவும், தியானிக்கவும், ஆண்டவருக்கு சாட்சியாக வாழவும் அவர்களை வழிநடத்தி உற்சாகப்படுத்துவதே இவ்வூழியத்தின் நோக்கமாகும்.

#பேராலயஅணிநாசரேத்

20/05/2022

கர்த்தருக்காக கர்த்தருடைய வீட்டைக் குறித்த பக்தி வைராக்கியம் :

இயேசு, தன்னுடைய மூன்றரை வருட ஊழியத்தின் துவக்கத்திலும், முடிவிலும் எருசலேம் தேவாலயத்தில் வாங்குகிறவர்களையும்; விற்கிறவர்களையும் துரத்தி ஆலயத்தைச் சுத்திகரித்தார் (யோவான் 2:13-17, மத். 21:12-13). தேவனுடைய வீடு துவக்கத்திலாகிலும் வியாபார வீடாய் இருந்தது. அதைக் கள்ளர் குகையாக்கிவிட்டார்கள், ஆகையால், கர்த்தருடைய வீட்டைக்குறித்த பக்தி வைராக்கியம் இயேசுவை பட்சித்தது. கர்த்தருடைய மணவாட்டி சபை பரிசுத்தம் உள்ளதாய், மகிமை பொருந்தியதாய் காணப் படவேண்டும் என்பது இயேசுவின் விருப்பம். பரிசுத்தம் உள்ள ஆண்டவர் வந்து உலாவுகிற இடமாகக் காணப்பட வேண்டும். பொல்லாத சத்துரு சபை மக்களைக் கறைப்படுத்தி, மாம்சீக பாவத்திலும், பண ஆசையிலும் விழத்தள்ளி மணவாட்டியைக் கறைப்படுத்த முயற்சிக்கிறான்.

பினகாஸ் என்ற வாலிபன், இஸ்ரவேல் சபை மக்கள் மோவாபிய, மீதியானிய ஸ்திரீகளோடு பாவம் செய்த வேளையில், அவர்கள் மத்தியில் கர்த்தருக்காக வைராக்கியம் பாராட்டினான். அவன் சபையைப் பரிசுத்தப் படுத்தினதினால் கர்த்தருடைய கோபாக்கினையின் வாதை நிறுத்தப்பட்டது. ஆகையால் கர்த்தர் நித்திய ஆசாரிய பட்டத்தை அவனுக்கும் அவன் சந்ததிக்கும் கொடுத்து அவனைக் கனம் பண்ணி, ஆசீர்வதித்தார். கர்த்தருக்காக நீங்கள் வைராக்கியம் பாராட்டும் போது கர்த்தர் உங்களையும் உங்கள் சந்ததிகளையும் ஆசீர்வதிப்பார்.

இயேசு கிறிஸதுவைப் போல, பினகாஸ், நெகேமியா , யெகூவைப் போல, கர்த்தருக்காக பக்தி வைராக்கியம் பாராட்டுகிறவர்களாக நாம் காணப்படவேண்டும் என்று கர்த்தர் விரும்புகிறார். பாவங்கள், அசுத்தங்களோடு சபையில் நடக்கிற சம்பவங்களுக்குப் பரவாயில்லை என்று கூறி ஒத்துப்போகாதிருங்கள்.

மேய்ப்பர்கள், ஏலியைப் போல தன் பிள்ளைகள், விசுவாசப் பிள்ளைகள் பாவம் செய்வதைக் கண்டும் காணாமல் இருந்து விடாதிருங்கள். கணக்கு கேட்கிற எஜமானாகக் கர்த்தர் வரப்போகிறார். கர்த்தருடைய நியாயத்தீர்ப்பு கர்த்தருடைய வீட்டிலிருந்து துவங்கும்

தீத்து 2 : 14
எண்ணாகமம் 25:11,12,13
யோவான் 2:17
நெகேமியா 6
நெகேமியா 13

கர்த்தருக்காக வைராக்கியம் பாராட்டுகிறவர்களைக் கர்த்தருடைய கண்கள் நோக்கிப்பார்க்கிறது.
கர்த்தருக்காக நீங்கள் பக்தி வைராக்கியம் பாராட்டும் போது கர்த்தர் உங்களையும் உங்கள் சந்ததிகளையும் ஆசீர்வதிப்பார்.

#பேராலயஅணிநாசரேத்

15/05/2022

நாசரேத் தூய யோவான் பேராலய அசன கமீட்டி பொது குழு கூட்டம் இன்று ( 15.5.2022 ) கஸ்பா பள்ளிகூடத்தில் சபையோர் முன்னிலையில் நடைபெற்றது. அசன கமீட்டி கூட்டத்தில் செயலாளர் மற்றும் துணை செயலாளரை தேர்ந்து எடுக்கும் போது இரு பிரிவினர் இடையே நடைபெற்ற தள்ளுமுள்ளு மோதலாக மாறி கைகலப்பில் முடிந்தது சுமார் அரைமணி நேரம் நடைபெற்ற பிரச்சனைக்கு பிறகு தாங்களாகவே முன்மொழிதல் மற்றும் வழிமொழிதல் எதுவும் இன்றி செயலாளர் மற்றும் துணை செயலாளர் பதவிக்கு இரு அணியின் நபர்களை தேர்ந்து எடுத்து கொண்டனர்.

தூய யோவான் பேராலயத்தின் புனிததன்மையை கெடுக்காத வகையில் அசன கமீட்டி பொதுகுழு கூட்டத்தை பேராலய வளாகத்தில் நடத்தாமல் கஸ்பா பள்ளிகூடத்தில் நடத்தியதற்கு நன்றிகள்.

#பேராலயஅணிநாசரேத்

13/05/2022

நாசரேத் தூய யோவான் பேராலயம் அசன பண்டிகை காய்கறி வெட்டும் பணி சபை மக்களால் சிறப்பாக நடைபெற்று வருகிறது. நேரம் இரவு 12 மணி.

#பேராலயஅணிநாசரேத்

13/05/2022

நாசரேத் தூய யோவான் பேராலய 94-வது பிரதிஷ்டை & அசன பண்டிகை விழா.

என் நாமம் இந்த ஆலயத்தில் என்றென்றைக்கும் இருக்கும்படி, நான் அதைத் தெரிந்துகொண்டு பரிசுத்தப்படுத்தினேன்; என் கண்களும் என் இருதயமும் எந்நாளும் இங்கே இருக்கும்.

2 நாளாகமம் 7 : 16

I have chosen and consecrated this temple so that my Name may be there forever. My eyes and my heart will always be there.

2 Chronicles 7 : 16

தூத்துக்குடி- நாசரேத் திருமண்டல தலைமை பேராலயமான நாசரேத் தூய யோவான் பேராலய 94-வது பிரதிஷ்டை & அசன பண்டிகை விழாவை முன்னிட்டு இன்று மே 13 மாலை 6:30 மணிக்கு பிரதிஷ்டை பண்டிகை ஆராதனை மற்றும் பாடகர் குழு சிறப்பு பாடல்கள் நடைபெறுகிறது. ஆராதனை முடிவில் சிறப்பு வானவேடிக்கை நடைபெறுகிறது. அதன் பின்னர் ஐக்கிய விருந்து பரிமாறப்படுகிறது.

மே 14-ஆம் தேதி சனிக்கிழமை அதிகாலை 3.30 மணிக்கு பிரதிஷ்டை விழா அசன பண்டிகை திருவிருந்து ஆராதனை நடைபெறுகிறது. மாலை 4 மணிக்கு அசன வைபவம் நடை பெறுகிறது.

அனைவரும் பங்கு பெற்று தேவ ஆசீர்வாதம் பெற அன்புடன் அழைக்கிறோம்.

#பேராலயஅணிநாசரேத்

https://www.facebook.com/110699387978305/posts/177627684618808/