Shan E Watan News

Shan E Watan News رحیم یار خان کی خبریں، تبصرے، تجزے، سیاست، تجارت، تعارف، تشہیر کےلئے ہمارے پیج کو فالو کریں

ڈی پی او رحیم یار خان عرفان علی سموں نے کچہ کے مختلف پکٹس کیمپس کا دورہ کیا، جہاں انہوں نے ڈیوٹی پر موجود جوانوں سے ملاق...
08/01/2026

ڈی پی او رحیم یار خان عرفان علی سموں نے کچہ کے مختلف پکٹس کیمپس کا دورہ کیا، جہاں انہوں نے ڈیوٹی پر موجود جوانوں سے ملاقات کی اور ان کے مسائل سنے۔ اس موقع پر ڈی پی او نے جوانوں کو سخت موسمی حالات کے باوجود فرائض منصبی احسن طریقے سے سرانجام دینے پر شاباش دی۔
ڈی پی او عرفان علی سموں نے جوانوں کو عوام کے جان و مال کے تحفظ کو ہر صورت یقینی بنانے، الرٹ رہنے اور پیشہ ورانہ مہارت کے ساتھ ڈیوٹی انجام دینے کی ہدایات جاری کیں۔ انہوں نے کہا کہ کچہ کے دشوار گزار علاقوں میں تعینات جوانوں کی قربانیاں قابلِ تحسین ہیں اور محکمہ ان کی فلاح و بہبود کے لیے ہر ممکن اقدامات کر رہا ہے۔
ڈی پی او نے اس عزم کا اعادہ کیا کہ ضلع میں امن و امان کے قیام اور جرائم کے خاتمے کے لیے پولیس کا کردار مزید مؤثر بنایا جائے گا۔

08/01/2026

حکومت پنجاب ضلع بھر میں 852 آئمہ کرام کو ماہانہ 25 ہزار روپے اعزازیہ دے گی جن میں تحصیل رحیم یار خان سے 377 ،لیاقت پور سے 149 ،خان پور سے213 اور صادق آباد سے 113 آئمہ کرام شامل ہیں۔ان تمام آئمہ کرام کو آئندہ چند روز کے دوران اولین اعزازیہ جاری کر دیا جائے گا جس کے لئے ہر تحصیل میں ضلعی انتظامیہ کی جانب سے انتہائی پر وقار تقاریب کا اہتمام کیا جائے گا۔

متعدد ڈی ایس پیز کی ایس پی کے عہدے پر ترقی ' ڈپٹی ڈائریکٹر انٹی کرپشن رحیم یار خان فرخ جاوید بھی ترقی پانے والوں میں شام...
08/01/2026

متعدد ڈی ایس پیز کی ایس پی کے عہدے پر ترقی ' ڈپٹی ڈائریکٹر انٹی کرپشن رحیم یار خان فرخ جاوید بھی ترقی پانے والوں میں شامل۔

"ڈسٹرکٹ بار رحیم یارخان کے الیکشن کا بڑا معرکہ''ڈسٹرکٹ بار رحیم یار خان کے سالانہ انتخابات میں صرف ایک دن باقی رہ گیا ہے...
08/01/2026

"ڈسٹرکٹ بار رحیم یارخان کے الیکشن کا بڑا معرکہ''

ڈسٹرکٹ بار رحیم یار خان کے سالانہ انتخابات میں صرف ایک دن باقی رہ گیا ہے ۔

10 جنوری کو انتخابی دنگل سجے گا جہاں وکلاء برادری اپنے نمائندوں کا انتخاب کرے گی ۔

دونوں گروپس کے امیدواران کی جانب سے انتخابی مہم حتمی مرحلے میں داخل ہو چکی ہے، جبکہ بار میں سیاسی گہماگہمی اپنے عروج پر ہے۔ وکلاء برادری میں جوش و خروش پایا جاتا ہے اور ہر گروپ اپنی کامیابی کے لیے پُرامید دکھائی دے رہا ہے ۔

رحیم یار خان : ایڈیشنل انسپکٹر جنرل ساؤتھ پنجاب محمد کامران خان نے ڈی پی او رحیم یار خان عرفان علی سموں کے ہمراہ لیاقت پ...
08/01/2026

رحیم یار خان : ایڈیشنل انسپکٹر جنرل ساؤتھ پنجاب محمد کامران خان نے ڈی پی او رحیم یار خان عرفان علی سموں کے ہمراہ لیاقت پور میں کھلی کچہری کا انعقاد کیا۔ اس موقع پر انہوں نے شہریوں کے مسائل بغور سنے اور متعلقہ افسران کو فوری اور مؤثر حل کے احکامات جاری کیے۔ کھلی کچہری میں عوام کی بڑی تعداد نے شرکت کی اور پولیس کی کارکردگی کو سراہا۔

پنجاب پولیس کا عملی ثبوت، سندھ پولیس کی زبانی دعوے بازیاکثر یہ کہا جاتا ہے کہ باتوں سے نہیں، عمل سے پہچان بنتی ہے۔ یہی ب...
08/01/2026

پنجاب پولیس کا عملی ثبوت، سندھ پولیس کی زبانی دعوے بازی

اکثر یہ کہا جاتا ہے کہ باتوں سے نہیں، عمل سے پہچان بنتی ہے۔ یہی بات ان دنوں پنجاب پولیس نے عملی طور پر ثابت کر دکھائی ہے۔ جہاں ایک طرف صرف بیانات، دعوے اور زبانی بھڑکیں سننے کو ملتی ہیں، وہیں دوسری طرف پنجاب پولیس نے میدان میں اتر کر نتائج دے کر سب کو حیران کر دیا ہے۔

رحیم یارخان کے کچہ کے علاقے طویل عرصے سے جرائم، ڈاکوؤں اور خوف کی علامت بنے ہوئے تھے۔ انعام یافتہ، خطرناک اور مسلح ڈاکو ریاستی رٹ کو چیلنج بنے ہوئے تھے۔ مگر ڈی پی او رحیم یارخان عرفان علی سموں کی قیادت میں پنجاب پولیس نے جس حکمتِ عملی، جرات اور پیشہ ورانہ مہارت کا مظاہرہ کیا، وہ لائقِ تحسین ہے۔

حکومتِ پنجاب کی جانب سے ایک کروڑ روپے سر کی قیمت رکھنے والا بدنام زمانہ ڈاکو میرا لٹھانی اپنے ساتھیوں سمیت سرنڈر کرنے پر مجبور ہو گیا۔ یہ محض ایک گرفتاری نہیں بلکہ ریاستی رٹ کی بحالی اور قانون کی بالادستی کی واضح مثال ہے۔ وہ ڈاکو جو کل تک قانون نافذ کرنے والے اداروں کو للکارتا تھا، آج کپتان عرفان سموں کے سامنے ہتھیار پھینکتے نظر آیا۔

ڈی پی او عرفان علی سموں کی قیادت میں پولیس نے کچہ کے علاقے میں انٹیلیجنس بیسڈ، ٹارگٹڈ اور منظم آپریشنز کیے۔ بغیر کسی بلاجواز تشہیر کے، خاموشی مگر مضبوطی سے کارروائیاں کی گئیں۔ یہی وجہ ہے کہ بڑے بڑے نامی گرامی ڈاکو یا تو قانون کے سامنے جھک گئے یا راہِ فرار اختیار کرنے پر مجبور ہو گئے۔

اس کامیابی پر شہریوں کی جانب سے رحیم یارخان پولیس کو بھرپور خراجِ تحسین پیش کیا جا رہا ہے۔ عوام کا اعتماد بحال ہونا کسی بھی پولیس فورس کی سب سے بڑی کامیابی ہوتی ہے، اور یہ اعتماد پنجاب پولیس نے اپنے عمل سے حاصل کیا ہے۔

یہ سوال بھی اپنی جگہ اہم ہے کہ جب پنجاب پولیس محدود وسائل کے باوجود ایسے خطرناک علاقوں میں کامیاب کارروائیاں کر سکتی ہے تو دیگر صوبوں میں صرف دعووں تک بات کیوں محدود ہے؟ کیا وہاں نیت کا فقدان ہے یا حکمتِ عملی کی کمی؟ یہ وہ سوالات ہیں جن پر سنجیدہ غور کی ضرورت ہے۔

آخر میں یہ کہنا بے جا نہ ہوگا کہ ڈی پی او عرفان علی سموں اور ان کی ٹیم نے یہ ثابت کر دیا ہے کہ اگر قیادت مضبوط ہو، نیت صاف ہو اور حکمتِ عملی درست ہو تو ناممکن کو ممکن بنایا جا سکتا ہے۔ پنجاب پولیس کی یہ کارروائی نہ صرف رحیم یارخان بلکہ پورے صوبے کے لیے ایک مثال ہے کہ قانون سب سے بالاتر ہے، اور ریاستی رٹ کو چیلنج کرنے والوں کا انجام سرنڈر کے سوا کچھ نہیں۔

RYK Police Police department Rahim yar Khan Lover #رحیمیارخان #پنجاب

صدارتی ایوارڈ یافتہ نامور سرائیکی شاعر امان اللہ ارشد دار فانی سے رخصت ہو گئے،انا للّٰہ وانا الیہ راجعون امان اللہ ارشد ...
07/01/2026

صدارتی ایوارڈ یافتہ نامور سرائیکی شاعر امان اللہ ارشد دار فانی سے رخصت ہو گئے،
انا للّٰہ وانا الیہ راجعون
امان اللہ ارشد سادہ طبیعت کے درویش منش انسان تھے، نعتیہ کلام سمیت کئی شعری مجموعوں کے مصنف تھے، انکی شاعری میں ڈوہڑہ، گیت، غزل، نظم، نعت، قطعہ سمیت انقلاب کلام شامل تھے، مرحوم و مغفور امان اللہ ارشد کو با کمال شاعری منفرد لہجے اور خوبصورت اسلوب بیاں سے شہرت ملی، انکے لکھے گئے کلام کی گائیکی سے کئی فنکاروں و گلوکاروں کو شہرت ملی، وہ اپنے پرستاروں کے دلوں میں ہمیشہ ہمیشہ کیلئے زندہ رہیں گے۔۔۔
انکی نماز جنازہ میں مختلف مکاتب فکر کے لوگوں کا جم غفیر تھا۔۔۔
اللہ کریم پیارے حبیب صلی اللہ علیہ وآلہ وسلم کے صدقے ارشد سئیں کے درجات بلند فرمائے آمین ثم آمین۔
مہر اسد

رحیم یار خان : ڈپٹی کمشنر ظہیر انورجپہ کی ڈسٹرکٹ پریس کلب آمدو نومنتخب صدرڈسٹرکٹ پریس کلب راؤ نعمان اسلم، سینئرنائب صدرج...
07/01/2026

رحیم یار خان : ڈپٹی کمشنر ظہیر انورجپہ کی ڈسٹرکٹ پریس کلب آمدو نومنتخب صدرڈسٹرکٹ پریس کلب راؤ نعمان اسلم، سینئرنائب صدرجاوید اقبال، نائب صدرشیخ جہانگیراشرف، جنرل سیکرٹری سکندر زمان چوہدری، جوائنٹ سیکرٹری چوہدری محمد حفیظ، فنانس سیکرٹری عزیر الحق چوہدری، سیکرٹری اطلاعات چوہدری وسیم امیر، ایگزیکٹو ممبران بلال حبیب، حیات خاور، رانا محمد عثمان، غلام حسن مہر، رفعت شیخ، جام شبیراحمد، غلام مصطفیٰ اورحسین احمد کو بلا مقابلہ کامیاب ہونے پر مبارکبادوگلدستہ پیش کیا اورنیک تمناؤں کااظہارکیااس موقع پر ڈپٹی کمشنرظہیرانورجپہ نے اظہار خیال کرتے ہوئے کہا کہ وزیراعلیٰ پنجاب مریم نوازشریف کی ہدایات پرضلع رحیم یارخان کے پارکس،بازاروں کوماڈل،گرین بیلٹس،صفائی ستھرائی کے حوالہ سے روزانہ وزٹ کیاجاتا ہے تاجروں اوردکانداروں کو بھی چاہیے کہ ماڈل بازاروں کوخوبصورت بنانے میں اپناکرداراداکرتے ہوئے اپنی دکانوں کے شٹر کوصاف ستھرااور اس پرپینٹ کروائیں،سائن بورڈزایک ہی سائزکے لگوائیں تاکہ بازاراورخوبصورت لگ سکیں سڑکوں پرجانورلیکرگھومنے والوں کوبھی وارننگ جاری کی ہوئی ہے کہ وہ اپنے جانوروں کو شہرکی حدودمیں بالکل نہ لیکرگھومیں سڑکوں کے اطراف میں لگائے گئے گرین بیلٹس کویہ جانورخراب کردیتے ہیں جس سے شہرکی خوبصورتی مانندپڑجاتی ہے جہاں مسائل ہیں وہ ا نہیں بھی دیکھ رہے ہیں اوران پرپوری توجہ دیتے ہوئے مسائل کوحل بھی کیاجارہا ہے،شہریوں سے بھی ہماری اپیل ہے کہ ذمہ دارشہری ہونے کردار نبھاتے ہوئے شہرکوصاف ستھرارکھیں جگہ جگہ کچرا کیلئے باسکٹس لگارکھی ہیں سڑکوں پرکچراڈالنے کے بجائے ان باسکٹ میں کچراڈالیں،ڈپٹی کمشنرنے مزیدکہا کہ رحیم یارخان ایک خوبصورت شہرہے اوراسے مزیدخوبصورت بنانے میں ہم سب نے ملکرکرداراداکرنا ہے،گرین بیلٹس وپارکس کی تزین وآرائش ودیکھ بھال کیلئے ہارٹیکلچرکا قیام میں لایاجاچکاہے جوجلد رحیم یارخان میں اپناکام شروع کردیگا، اکثر سوشل میڈیاپرپوسٹیں بھی نظرسے گزرتی ہے کہ شہرمیں بیشتر مسائل جن پرتوجہ نہیں دی جاتی ایساہرگزنہیں ہے وہ روزانہ سوشل میڈیاچیک کرتے ہیں اورجوبھی مسائل ہوتے ہیں انہیں فوری حل کروانے کیلئے کوشاں رہتے ہیں،انہوں نے مزیدکہا کہ پریس کلب کے ممبران وعہدیداران کااتحاد بھی مثالی ہے اوریہ ہمیشہ سے اپنی مثبت صحافت کاکرداراداکرتے آئے ہیں،نومنتخب قیادت سے توقع ہے کہ وہ صحافتی اقدار، آزادی صحافت اور صحافی برادری کے مسائل کے حل کے لیے مؤثر کردار ادا کرے گی، انہوں نے امید ظاہر کی کہ نومنتخب قیادت شہر کی ترقی، امن و امان اور مثبت سرگرمیوں کے فروغ کے لیے اپنا بھرپور کردار ادا کرے گی آزاد، ذمہ دار اور باخبر صحافت کسی بھی جمہوری معاشرے کی بنیاد ہوتی ہے ڈسٹرکٹ پریس کلب رحیم یار خان نے ہمیشہ عوامی مسائل کو اجاگر کرنے میں کلیدی کردار ادا کیا ہے آخر میں نومنتخب صدر راؤ نعمان اسلم اور جنرل سیکرٹری سکندر زمان چوہدری نے آنے والے تمام معزز مہمانوں کا شکریہ ادا کرتے ہوئے کہا کہ ضلعی انتظامیہ اورڈسٹرکٹ پریس کلب کاہمیشہ چولی دامن کاساتھ رہا ہے،ڈسٹرکٹ پریس کلب ہمیشہ کی طرح شہری وعلاقائی مسائل کے حل کیلئے ضلعی انتظامیہ کے شانہ بشانہ کھڑا ہے۔

07/01/2026

رحیم یار خان : میاں امتیاز احمد سابق ایم این اے و جنرل سیکرٹری مسلم لیگ ن کی سابق گورنر پنجاب صدر پاکستان پیپلزپارٹی جنوبی پنجاب مخدوم سید احمد محمود سے لاہور میں ملاقات ۔

مخدوم سید احمد محمود کی خیریت دریافت کی اس موقع پر میاں احمد امتیاز، عبدالوحید بھٹی، محمد معاذ وحید بھٹی بھی موجود تھے ۔

پنجاب کے یہ علاقے اس وقت شدید دھند کی لپیٹ میں ہیں #دھند اس وقت #رحیمیارخان سمیت تقریباً پورے #پنجاب کو اپنی لپیٹ میں...
07/01/2026

پنجاب کے یہ علاقے اس وقت شدید دھند کی لپیٹ میں ہیں #دھند اس وقت #رحیمیارخان سمیت تقریباً پورے #پنجاب کو اپنی لپیٹ میں لے چکی ہے۔۔

رحیم یار خان : میپکو سرکل کے 4 اہلکار معطل سپریٹنڈنگ انجینئر آپریشن میپکو رحیم یار خان عبدالحفیظ بھٹی نے محکمانہ فرائض م...
07/01/2026

رحیم یار خان : میپکو سرکل کے 4 اہلکار معطل سپریٹنڈنگ انجینئر آپریشن میپکو رحیم یار خان عبدالحفیظ بھٹی نے محکمانہ فرائض میں غفلت برتنے اور خراب /جلنے والے 1385میٹرز ایم اینڈ ٹی لیبارٹری نہ بھجوانے پر مختلف سب ڈویژنوں کے 4اہلکاروں کو معطل کردیاہے اور فوری طورپر میپکو رحیم یار خان سرکل آفس رپورٹ کرنے کی ہدایت کی ہے۔جمال دین والی سب ڈویژن صادق آباد کے لائن سپریٹنڈنٹ گریڈ سیکنڈ محمد ندیم جمال کو 105، گلشن اقبال سب ڈویژن رحیم یار خان کے لائن سپریٹنڈنٹ گریڈ فرسٹ احمد علی خان کو 652، میاں والی قریشیاں سب ڈویژن خانپور کے لائن سپریٹنڈنٹ گریڈ سیکنڈ زاہد شکور اورخانبیلہ سب ڈویژن لیاقت پور کے قائمقام لائن سپریٹنڈنٹ سیکنڈ /لائن مین فرسٹ عبدالحلیم کو 515اُتارے گئے میٹرزایم اینڈ ٹی لیبارٹریز نہ بھجوانے پر معطل کیاگیاہے۔ چاروں اہلکاروں نے جولائی 2022ء سے 3جنوری 2026ء تک مذکورہ تعداد میں خراب اور جلنے والے میٹرز اپنے دفاتر سے شعبہ ایم اینڈ ٹی میں ڈیٹا ریٹریول کے لئے نہیں بھیجے جسکی وجہ سے صارفین اور کمپنی دونوں کو نقصان کا سامناکرناپڑا۔ سپریٹنڈنگ انجینئر آپریشن میپکو رحیم یار خان سرکل نے متعلقہ ڈویژنوں کے ایگزیکٹو انجینئرز کو ہدایت کی ہے کہ چاروں معطل ہونے والے اہلکاروں کے خلاف چارج شیٹ تیارکی جائے اوران کے خلاف پاکستان واپڈا ای اینڈ ڈی رولز 1978ء کے تحت کاروائی کا آغاز کیاجائے

07/01/2026

رحیم یار خان : ڈپٹی کمشنر ظہیر انور جپہ کا پیرا فورس انفورسمنٹ افسران کے رننگ ٹیسٹ کا دورہ، انتظامات اور شفافیت کا تفصیلی جائزہ۔

رحیم یار خان : پیرا فورس بھرتیوں کے سلسلہ میں امیدواران کے لیے ایک میل طویل دوڑ کا سخت مرحلہ، ضلع بھر سے مرد و خواتین امیدواران کی بڑی تعداد شریک۔

رحیم یار خان : مرد امیدواران کے لیے مقررہ وقت میں دوڑ مکمل کرنا لازمی، خواتین امیدواران کے لیے بھی ایک میل مقررہ وقت میں مکمل کرنے کی شرط۔

رحیم یار خان : رننگ ٹیسٹ بستی کہور پل سے دڑی سانگھی تک منعقد، سیکیورٹی اور ٹریفک کے خصوصی انتظامات۔

رحیم یار خان : بھرتیوں کے عمل کی نگرانی ضلعی انتظامیہ، پیرا فورس، پنجاب پولیس، ٹریفک پولیس اور ریسکیو ٹیموں کے اشتراک سے کی جا رہی ہے۔

رحیم یار خان : ایڈمنسٹریٹر آفیسر رانا ریاست علی کی زیر نگرانی رننگ ٹیسٹ، ایس ڈی ای او پیرا فورس ضیاء اللہ گوندل کی بھی شرکت۔

رحیم یار خان : ڈپٹی کمشنر کی جانب سے میرٹ، شفافیت اور نظم و ضبط کو یقینی بنانے کی ہدایات۔

رحیم یار خان : باصلاحیت نوجوانوں کا انتخاب عوامی تحفظ کو مضبوط بنائے گا۔ ڈپٹی کمشنر ظہیر انور جپہ

رحیم یار خان : طبی سہولیات، ہنگامی ریسپانس اور نظم و ضبط برقرار رکھنے کے لیے ریسکیو ٹیمیں اور ادارے الرٹ رہیں۔ ڈپٹی کمشنر ظہیر انور جپہ

Address

Firdous Market Rahim Yar Khan
Zahir Pir
64200

Telephone

+923007821789

Website

Alerts

Be the first to know and let us send you an email when Shan E Watan News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Shan E Watan News:

Shortcuts

Share

Category