کشمیر کلچرل اکیڈمی کے زہر اہتمام پاکستان کے یوم آزادی کے موقع پر مشاعرہ کا انعقاد
مفت سٹی سکین, اینجو گرافی, لیپرو سکوپی, نیورو ری ہیب سمیت دیگر سہولیات۔
WN! اردو
سمندر پار کام کرنے والے ڈاکٹرز کی جانب سے ٹنڈالی میں قائم کردہ مڈلینڈ اسپتال میں مفت اینجوگرافی, سٹی سکین اور نیورو ری ہیب کی سہولت بھی مہیا کر دی گئی۔ آزادکشمیر میں بجلی کی لوڈ شیڈنگ کے مسائل کے باعث مریضوں کو علاج کی بہترین سہولیات فراہم کرنے کے لیے سولر انرجی کا استعمال بھی شروع کر دیا ہے یوں مڈ لینڈ اسپتال آزادکشمیر میں سولر انرجی کے ذریعے توانائی کی ضرورت پورا کرنے والا پہلا اسپتال بھی بن گیا۔
مڈ لینڈ اسپتال کا قیام 2005 کے تباہ کن زلزلہ کے بعد عمل میں لایا گیا۔2013 میں اسپتال انتظامیہ نے غریب اور مستحق مریضوں کے لیے ٹنڈالی کے مقام پر عمارت کی تعمیر کے بعد خدمت کا آغاز کیا اور آج تک 6 لاکھ سے زائد مریضوں کو مفت چیک اپ, ادویات اور آپریشن کی سہولت فراہم کر چکا ہے ۔پیر کے روز وزیر صحت آزادکشمیر نثار انصر ابدالی , سیکرٹری صحت آزادکشمیر,سنئیر ممبر بورڈ آف ریونیوچوہدری لیاقت سمیت برطانیہ ,متحدہ عرب امارات سے آئے ڈاکٹرز نے اسپتال میں نیورو ری ہیب, اینجو گرافی, سٹی سکین اور سولر انرجی یونٹ کا افتتاح کیا اس موقع پر گفتگو کرتے ہوئے وزیر صحت نثار انصر ابدالی نے مڈ لینڈ اسپتال کی خدمات کو سراہا اور زبردست الفاظ میں خراج تحسین پیش کیاانکا کہنا تھا کہ مڈ لینڈ اسپتال آزادکشمیر میں عالمی معیار کی صحت کی س
الہان عمر لائن آف کنٹرال پر کشمیر کے دونوں حصوں کو ملانے والے پل کے بند گیٹ پر کھڑے ہو کر بھارتی مقبوضہ کشمیر کی طرف دیکھ رہی ہیں.
موگا دیشو سے کشمیر تک کا سفر
الہان عمر کا آزاد کشمیر میں لائن آف کنٹرول پر واقع "امن پل" کا دورہ کیا
لائن آف کنٹرول کے ایک طرف دشمن اور لائن آف کنٹرول کے دوسری جانب استحصالی گروہ, دونوں سے آزادی چاہیے
ذوالفقار علی, ڈبلیو این اردو
الہان عمر نے جنگ زدہ علاقے کو اس وقت چھوڑا تھا جب وہ آٹھ برس کی تھیں. وہ 40 سال کی عمر میں ایسے ہی ایک علاقے میں واپس گئیں. امریکی کانگریس کی خاتون رکن الہان عمر, جنھوں نے دہائیوں پہلے اپنا بچپن جنگ زدہ علاقے صومالیہ میں گذارہ, پاکستان کے زیر انتظام کشمیر میں چکوٹھی قصبے کے قریب پل کے بند گیٹ پر کھڑی ہیں.
وہ پل کے اس پار کشمیر کے اس حصے کو دیکھ رہی ہیں جو بھارت کے قبضے میں ہے.
کشمیر کے خطے کو سابق امریکی صدر بل کلنٹن نے دنیا کا خطرناک ترین علاقہ قرار دیا تھا.
اس پل کا گیٹ مارچ 2019 سے بند ہے.
یہ گیٹ اس لیے بند ہے کہ فروری 2019 میں پلوامہ حملوں کے بعد انڈیا نے مظفر آباد اور سرینگر کے درمیان بس سروس معطل کردی۔
انڈیا نے پلوامہ حملے کا الزام پاکستان پر لگایا تھا ۔ پاکستان نے اس کی سختی سے تردید کی تھی.
سرینگر-مظفرآباد کے درمیان چلنے والی بس کے مسافر کشمیر کے دونوں حصوں کو ملانے والے اسی پل سے پیدل گزر کر آرپار جاتے تھے. یہی پل اس مقام پر کشمیر کو تقسیم کر ے والی لاٰٰئن آف کنٹرول بناتا ہے.
مہاجرین جموں و کشمیر کی رہائشی بستیوں کی تعمیر نو کا اعلان ۔
وزیراعظم آزادکشمیر سردار تنویر الیاس کا 90 دن میں عوام کو تبدیلی دیکھائی دینے کا اعلان, نو منتخب وزرا
چوہدری یاسر سلطان, عبدالماجد خان اور چوہدری مقبول کی وادی نیوز سے گفتگو
امریکی کانگریس رکن الہان عمر
امریکہ کی ڈیموکریٹ کانگریس رکن الہان عمر کے دورہ مظفرآباد میں صدر آزادکشمیر سے ملاقات کے بعد میڈیا سے گفتگو
الہان عمر نے میڈیا سے گفتگو کرتے ہوئے کہا کہ مودی انتظامیہ کیجانب مسلم مخالف کاروائیوں پر ہماری نظر ہے مجھے امید ہے کہ میرے اس دورہ کے دوران زیادہ لوگوں سے تنازعہ کشمیر پرگفتگو ہوگی۔ کانگرس رکن نے کہا کہ ہماری فارن افیئرز کمیٹی میں بھی انسانی حقوق معاملوں پر سماعت ہے جس میں کشمیر پر بھی بات ہوگی میں اپنے دورے کے آخر پر باقاعدہ پریس کانفرنس کر کے میڈیا کے سوالوں کی جواب دوں گی
علی امین گنڈا پور کی صدرات میں اجلاس
پی ٹی ائی ممبران اسمبلی کا نجی ہوٹل میں اجلاس ,28 ممبران کی شرکت۔۔۔3 ممبران نے کل ووٹنگ ہونے کی صورت میں ساتھ دینے کی یقین دہانی
آزادکشمیر میں تحریک عدم اعتماد کی تیاریاں
پاکستان میں اسمبلی تحلیل ہونے کے بعد آزادکشمیر میں تحریک انصاف کی حکومت کے خاتمے کے لیے تحریک عدم اعتماد لانے کابلاول بھٹو کا اعلان ,پاکستان تحریک انصاف کے سات سے زائد ممبران اسمبلی کا پیپلز پارٹی کو تحریک عدم اعتماد میں ساتھ دینے کا وعدہ ۔۔۔
رپورٹ; وقاص کاظمی
اسلام آباد میں پیپلز پارٹی آزادکشمیر کے صدر چوہدری یاسین کی رہائش گاہ پر پیپلز پارٹی اور مسلم لیگ ن کے 19 ممبران اسمبلی بیٹھک میں تحریک عدم اعتماد لانے کا حتمی فیصلہ کیا گیا جبکہ چند دن قبل سابق وزیراعظم پاکستان راجہ پرویز اشرف کی رہائشگاہ پر پیپلز پارٹی میں شمولیت کے خواہشمند تحریک انصاف کے ممبران اسمبلی کو فاروڈ بلاک بنانے کا ٹاسک دیا گیا۔دیوان غلام محی الدین, عاصم بٹ اور اکبر ابراہیم کی مضبوط فاروڈ بلاک بنانے کی کوشیشں جاری ہیں اہم ذرائع کے مطابق ممبران اسمبلی چوہدری مقبول ,ریاض گجر, حامد رضا اور رفیق نئیر سمیت دیگر ممبران اسمبلی اڑان بھرنے کو تیار ہیں اور تحریک عدم اعتماد کی صورت میں یہ تعداد 12 سے زائد ہو سکتی ہے۔
جنگات کٹائی۔۔۔۔۔۔جنگلات اہلکار ملوث
WN! اردو
آزاد کشمیر میں جنگلات کا محکمہ جنگلات کی نسل کشی میں مصروف
اس ویڈیو میں آپ دیکھ سکتے ہیں کہ سبز درخت کٹے ہوئے ہیں اور لوگ سلیپرز اپنے کندھوں پر اٹھائے سڑک کی طرف لے جارہے ہیں. یہاں سے یہ لکڑی مقامی لوگوں کو فروخت ہوتی ہے یا پھر گاڑیوں پر لاد کر اسمگل کی جاتی ہے. یہ سب کچھ دن کے اجالے میں ہورہا ہے. یہ وادی جہلم میں چناری کے علاقے دولڑی ہے جہاں جنگل کے کمپارٹمنٹ 15 میں بغیر کسی روک ٹوک کے درختوں کی نسل کشی ہورہی ہے۔ کھلے عام درختوں کی بے دریغ کٹانی کوئی عام آدمی نہیں بلکہ جنگلات کے محکمہ کا ایک فارسٹ گارڈ اکرم کر رہا ہے جو وہاں پر ہی تعینات ہے۔ اس بارے میں محکمہ جنگلات کے اعلی حکام کو اطلاع دی جس کے بعد بعض افسران موقع پر تو گئے مگر انہوں نے کارروائی نہیں کی۔ یہ ویڈیو سوشل میڈیا پر بھی وائرل ہوئیں لیکن حکام نے کوئی کاروائی نہیں کی جس سے صاف ظاہر ہوتا ہے کہ حکام درختوں کی نسل کشی میں ملوث ہیں. آزاد کشمیر میں سالوں سے جنگلات کی نسل کشی ہورہی ہے ۔ایک اندازے کے مطابق آزار کشمیر میں 8-4 فیصد جنگلات رہ چکے ہیں۔ اگر اسی رفتار سے جنگلات کٹتے رہے تو کچھ سالوں میں جنگلات ختم ہو جائیں گے اور پھر نہ بارش ہوگی اور نہ ہی برف باری۔ یہ قحط کی سی صورت حال ہوگی اور مقامی لوگ نقل مکانی پر مجبور ہو جائیں گے۔
چناری میں تیندوے کا حملہ، خاتون ٹیچر سمیت دو افراد زخمی
WN! اردو
ہٹیاں بالا کے گاوں سرائی میں تیندوا آبادی میں گھس آیا تیندوے کے حملہ سے خاتون ٹیچر سمیت دو افراد زخمی ہوئے۔زخمیوں کو ڈی ایچ کیو اسپتال منتقل کیاگیا۔دونوں افراد معمولی زخمی ہوئے جنہیں طبی امداد دے دی گئی۔
دس کروڑ سے زائد مالیت کی ہیروئین پکڑ لی گئی۔
WN! اردو
سٹی پولیس کی کارروائی دس کلو کے لگ بھگ ہیروین برآمد چار افراد کو گرفتار کر لیا گیا۔چار افراد کو شہر کے تین مختلف مقامات سے گرفتار کیا گیا ۔ سرفراز نامی شخص کو پولیس انٹیلی جنس کی بنیاد پر گرفتار کر کے اس کے قبضہ سے ہیروئن برآمد کی گئی۔ سرفراز کی نشان دہی پر باقی تین افراد کو مانک پیاں ، دومیل اور امبور کے مقام سے گرفتار کر کے مجموعی طور پر دس کلو کے لگ بھگ ہیروئین برآمد کی گئی عالمی مارکیٹ میں ہیروئین کی قیمت دس کروڑ سے زائد ہوگی ایس ایس پی مظفرآباد یاسین بیگ کے مطابق ممکنہ طورپر ہیروئین بیرون آزاد کشمیر سے لائی گئی تھی ہیروئن مقامی طور پر بھی فروخت کی جانا تھی اور بیرون آزاد کشمیر بھی بھجوائی جانا تھی ہیروئن فروشوں کا نیٹ ورک تلاش کر کے توڑنے کی کاروائی کر رہے ہیں انکا کہنا تھا کہ پولیس تفتیش کر رہی ہے کہ منشیات کس راستے سے آزاد کشمیر میں کیسے پہنچی اور کس راستے سے آزاد کشمیر سے باہر لے جائی جا سکتی ہے تفتیش مکمل ہونے سے قبل کچھ سوالات کے جوابات ممکن نہیں۔
