Aljamiat Nashriyat

27/05/2023

15/01/2023

جمعیت علمائے اسلام کے مرکزی رہنماء ضلع کیماڑی کے امیر قائد کراچی قاری محمد عثمان صاحب کا بلدیہ ٹاؤن اور شیرشاہ کے مختلف یوسیز کا دورہ ...!
جیت کتاب کی ہوگی
ان شاءاللہ ۔

31/07/2022

مفتی محمود مرکز پشاور
*حضرت مولانا فضل الرحمن کا شمولیتی تقریب سے خطاب تحریری صورت میں 30 جولاٸی 2022*
نحمدہ ونصلی علی رسولہ الکریم اما بعد
جن حضرات نے آج جمعیت علماء اسلام میں شموليت کا اعلان کیا ہے، میں سب سے پہلے اُن کو مبارکباد پیش کرتا ہوں، اُن کا شکریہ ادا کرتا ہوں، اور جمعیت علماء اسلام میں شموليت پر اُن کو خیر مقدم کہتا ہوں، چونکہ یہاں پر شموليت کا ایک اعلان بھی ہوتا ہے، اُن کے اعزاز میں اُن کو جماعت کی ٹوپیاں بھی پہناٸی جاتی ہے، مفلر بھی پہناٸے جاتے ہیں تو ذرا ماحول بدنظمی کا شکار ہو جاتا ہے، تو اُس کے لیے میں آپ تمام دوستوں سے بھی معذرت خوااہ ہوں، میڈیا کے دوستوں سے بھی معذرت خواہ ہوں، کہ ایسی صورتحال میں، اِس طرح تو ہوتا ہے اِس طرح کے کاموں میں، لیکن بہر حال کل سے آپ دیکھ رہے ہیں یہاں جمعیت کے مرکز میں آج دوسری تقریب ہے، اور اُس میں جس طریقے سے صوبے کے معزیزین کی جمعیت علماء اسلام کی طرف میلان اور جمعیت علماء اسلام میں شمولیت کا سلسلہ جاری ہے، اِسی سے آپ اِس صوبے کے عوام کے رجحان کو سمجھ سکتے ہیں، یہ عوام میں وہ حقیقی مقبوليت ہے جو آپ کو نظر آرہی ہے، فیک آٸی ڈیز کے ساتھ، جھوٹے بیانیے کے ساتھ، لمحہ بہ لمحہ کوٸی جھوٹ سوشل میڈیا پر پھیلانے سے اِس کو مقبوليت نہیں کہتے، مقبوليت اِسے کہتے ہیں جن کے مناظر آپ کل سے آج تک دیکھ رہے ہیں، اللّٰہ تعالی اِس میں اور برکت عطا فرماٸے اور بھی اضافہ فرماٸے، اور میں یہ بھی دعا کرونگا کہ اللّٰہ کرے ہمارے صفوں میں نظم و ضبط بھی آجاٸے۔
میرے محترم دوستو! یہاں پر ایک نظریاتی تقابل تو ہمیشہ رہا ہے، مختلف سیاسی پارٹیوں کے اپنے منشور ہوتے ہیں اور وہ عوام کے سامنے رکھے جاتے ہیں، فیصلہ عوام نے کرنا ہوتا ہے کہ وہ کس منشور پر اعتماد کرتے ہیں، گزشتہ ایک دو دہاٸیوں سے پاکستان میں جو جنگ ہورہی ہے نظریاتی جنگ کی بجاٸے تہذیبی جنگ نے لے لی ہے، نوجوان نسل کے اخلاق کو جس طریقے سے خراب کیا جارہا ہے، معاشرے میں بے باکی، بے حیاٸی اور بداخلاقی کو جو فروغ دیا جارہا ہے، میں آپ کو ایک بار پھر بتانا چاہتا ہوں کہ 2013 میں ایک وفد نے آکر مجھے خود بتایا تھا جو اُن کی وکالت کررہا تھا، اور مجھے کہا کہ پشتون بیلٹ میں مذہب کی جڑیں گہری ہیں اور مذہب کی اِن گہری جڑوں کو اکھاڑنے کے لیے ہمارے پاس عمران خان سے مناسب اور آدمی نہیں ہے، اور ہم نے این جی اوز کے ذریعے سے پندرہ سال پیسہ خرچ کیا ہے تاکہ نوجوان نسل کو ہم اپنے آباؤاجداد کے اخلاق اور تہذیب سے دور کردے، ہمارا آبائی جو تہذیبی سلسلہ ہے اُس کو ختم کردیا جاٸے، بزرگوں سے نوجوانوں کا تعلق کاٹ دیا جاٸے، بزرگوں کا احترام ختم ہو جاٸے، ماں باپ کی عزت ختم ہو جاٸے اور کہا جاٸے کہ ہماری مرضی، یہ اپنی مرضی والی مخلوق اِس نے معاشرے کو تباہ کیا، اِس نے قوموں کی تہذیب کو تباہ کیا، اِس نے پشتون قوم کے پشتون ولی کو تباہ کیا، اُس کے روایات کو تباہ کیا، اُس کی مہمان داری کو تباہ کردیا، یہ بداخلاقی انسانی تاریخ میں منظم طریقے کے ساتھ، باقاعدہ ایک مہم جوٸی کے ساتھ، باقاعدہ ایک بین الاقوامی فنڈنگ کے ساتھ، اِس طرح اپنی تہذیب کے خلاف کوٸی تحریک نہیں آٸی جس طرح انصاف کے نام پر ایک تحریک پاکستان میں کام کررہی ہے، میں اللّٰہ کا شکر ادا کرتا ہوں کہ اِس کا مقابلے کرنے کی اللّٰہ نے ہمیں توفیق عطاء کی، اور کل بھی میں نے کہا کہ ایسی باطل نظریے اور باطل طبقے کے خلاف اگر میں اکیلا بھی لڑوں گا تو انشاء اللّٰہ سوادِ اعظم کہلاوں گا (نعرہ تکبیر کے نعرے)۔
میرے محترم دوستو! آج کچھ پتہ چلا کہ چینج رجیم کون ہے، کس کے خلاف سازش ہوٸی ہے، کہتے ہیں بین الاقوامی سازش کے تحت مجھے اقتدار سے نکالا گیا، بین الاقوامی طاقت کے ذریعے آپ کو نہیں نکالا گیا، بین الاقوامی طاقت کے ذریعے آپ کو لایا گیا تھا، ہم تمہاری اصلیت کو جانتے ہیں، تمہارے پیچھے کون سی طاقتیں کارفرما ہیں، اور مجھے افسوس اِس بات پر ہے، میرے ملک کی اشرافیہ، ایلیٹ کلاس چاہے وہ کسی بھی ادارے سے تعلق رکھتا ہو، اُن کے گھروں کے اندر اِن کو سپورٹ ملی ہے، وہ بین الاقوامی نیٹ ورک کے ساتھ وابستہ رہے ہیں، ہم نے کوٸی معمولی جنگ نہیں لڑی، لیکن اُن کو اقتدار سے نکالنا ابھی کافی نہیں ہے، ابھی اِن کے نام و نشان کو بھی مٹانا ہے ( ان شاء اللّٰہ)، تو لہذا ہتھیار نہیں ڈالنے، میدان جنگ میں رہنا ہے، سیاسی جنگ لڑنی ہے، آٸین کی جنگ لڑنی ہے، لیکن پبلک کو بتانا ہے، میں علماٸے کرام سے بھی عرض کرنا چاہتا ہوں کہ اگر کوٸی طاقت ہمارے نوجوان کے اخلاق کو تباہ کرتا ہے، بڑے چھوٹے کا فرق ختم کرتا ہے، اپنے بزرگوں سے اُس کی نسبت کو ختم کرتا ہے، تو سب سے پہلا فرض علما کرام کا بنتا ہے کہ وہ گلی گلی کوچے کوچے، مسجد مسجد، مدرسہ مدرسہ جاکر قوم کو اسلام کی راہ بتاٸے، اور اگر اُن کو یہ خیال ہے کہ میرے پاس بھی کچھ مولوی ہے تو اِس طرح کے مولوی فرنگی کے ساتھ بھی ہوا کرتے تھے، اِن سے مرعوب نہ ہونا، یہ ہمارے علماٸے کرام کی چھٹی انگلی ہے جسے ہم نے کاٹ کر پھینک دیا ہے۔
تو اس حوالے سے ہمیں سوچنا چاہیے، میں ایک بات عرض کردینا چاہتا ہوں، عدليہ ایک ادارہ ہے، اور عدليہ کسی بھی ریاست کے لیے ایک ناگزیر ادارہ ہوا کرتا ہے، اور اُس کا احترام ہم اپنا فرض سمجھتے ہیں، اُن کی عزت و توقیر ہم اپنا فرض سمجھتے ہیں، لیکن اگر ایک فرد اپنی ذات میں جج کے عہدے پر فاٸز ہوکر اپنے رویے سے متنازعہ بن جاتا ہے اور وہ اپنے اوپر فرض کرلیتا ہے کہ میں نے ایک فریق کو تحفظ دینا ہے، عدلیہ کے ادارے کو میں نے اُس کے حق میں تسليم کرنا ہے، اور اُس کے یے عدلیہ اور ادارے کو استعمال کرنا ہے، تو میں اُن کو بتانا چاہتا ہوں کہ اِس کے بڑے دور رس نتائج ہوا کرتے ہیں، آپ پوری نتائج کو نہ دیکھا کرے، آپ نے تو فوری طور پر ایک فریق کو جسے آپ چاہے ریلیف مہیا کردی لیکن دور رس نتائج یہ ہوتے ہیں کہ اِسی سے ریاستیں ٹوٹ جاتی ہیں، اِسی سے ریاستیں تباہ ہو جاتی ہیں، مجھے پتہ ہے میں اِس میدان کا آدمی ہوں، درانی صاحب یہاں بیٹھے ہیں کیا یہاں پر منظم طریقے سے ادارے کے اندر کے لوگوں نے جن کو میں شخصی طور پر بھی جانتا ہوں اُنہوں نے ادارے کو استعمال کرکے ہمارے خلاف جھوٹے کیس نہیں بناٸیں، بنانے کی کوشش نہیں کی، لیکن ہم نے کیا جواب دیا، ہم نے کہا کہ ہمارے خلاف کوٸی بھی فاٸل آٸے گی تو ہمیں اپنے کردار کا پتہ ہے، ہمیں اپنے دامن کا پتہ ہے کہ وہ کتنا اُجلا اور صاف ہے، اگر تم نے بدنیتی کے ساتھ ہمارے دامن پر کالا داغ لگانے کی کوشش کی وہ فاٸل ہم تمہارے منہ پر مار دیں گے (نعرہ تکبیر کے نعرے)۔
میرے محترم دوستو! آج یہ لوگ ہمیں آزادی کا درس دیتے ہیں جن کے آباواجداد کی پوری تاریخ غلامی سے بھری ہوٸی ہے، جنہوں نے غلامی کے علاوہ کچھ سیکھا نہیں، آج وہ نٸی نسل کو آزادی کا درس دے رہے ہیں، اِس کو پتہ ہے آزادی کس چیز کو کہتے ہیں، آپ برطانیہ جاٸے اور کنزرویٹیو فرینڈز آف اسراٸیل کے کنڈیڈیٹ کے لیے ایک پاکستانی نژاد کے مقابلے میں ووٹ مانگے، تب بھی آپ آزادی کی بات کرینگے، فارن فنڈنگ کیس میں تمہارے پاس اسراٸیل سے پیسہ آیا ہے، تمہارے پاس انڈیا سے پیسہ آیا ہے، تمہارے یہاں گھر کا کرایہ نو سال امریکی قونصلیٹ دیتا رہا ہے، پھر بھی تم آزادی کی بات کرتے ہو، اب ہم نے تمہیں پہچان لیا ہے جہاں جس کے کابینہ میں سارے مشیر اور کچھ وزیر بھی اور اُن کے گورنر بھی یا امریکہ کے شہری یا یورپ کے کسی ملک کے شہری ہو، وہ ہمیں آزادی کا درس دیتا ہے، تو ہم جانتے ہیں کہ آزادی کس کو کہتے ہیں، آزادی کے لیے تیرے آقاٶں کے ساتھ میرے آکابر نے سو سال سے زیادہ کا جہاد لڑا ہے، آزادی کا درس میرے پاس ہے، غلامی کا درس تیرے پاس ہے ، مجھے اپنے آباواجداد کا کردار بھی معلوم ہے اور تیرے آباواجداد کا کردار بھی معلوم ہے، تمہیں اپنے آباٶاجداد کا کردار مبارک، مجھے ااپنے آباواجداد کا کردار مبارک، ہمارے کردار پر انگلیاں اُٹھاؤ گے، ہمیں معاشرے میں ذلیل کروگے، اور پھر ہم سے توقع رکھتے کہ ہم تمہاری خوشامد کرے، کسی بھی ادارے میں جتنا طاقتور سے طاقتور کوٸی شخص ہے، میں آج اُن کو پیغام دینا چاہتا ہوں کہ دل کی کانوں سے سن لو ہم نے کسی طاقتور کے رعب کو تسلیم نہیں کیا (قائد تیری جرآت کو سلام کے نعرے)۔
اور ان شاء اللّٰہ العزیز اِس وقت ایک حکومتی اتحاد موجود ہے، پہلی بات تو یہ ہے کہ یہ سارے لوگ ایک جگہ کیوں اکھٹے ہیں، مذہبی لوگ، سیکولر لوگ، نیشنلسٹ، علاقاٸی قوم پرست، لیفٹ اور راٸٹ، سنٹرلسٹ، سب اکھٹے کیوں ہوگٸے ہیں، اِس لیے کہ وہ ملک کو بچانا چاہتے ہیں، اُن کو پتہ ہے کہ ملک دشمن عنصر پاکستان میں بیرونی فنڈنگ، بیرونی سپورٹ کے ذریعے داخل ہوچکا ہے اور وہ ملک کو کھوکھلا کررہا ہے اور ادارے کے لوگ اِن سے وابستہ ہیں، جب تک وہ ادارے کے اندر ہیں تب تک پتہ نہیں چلتا، جب وہ اپنی لباس اُتار دیتے ہیں اور اپنے لباس میں ہوتے ہیں، پھر ہمیں پتہ چلتا ہے کہ اسلام آباد پریس کلب کے سامنے کون لوگ اکھٹے ہوگٸے، کن کی گھروں میں آنٹیاں رو رہی ہیں، اِن کے خاوند دیکھے گھروں میں اِن پر عورتوں کی حکومت اور ہم پر رعب ڈال رہے ہیں، یہ عورتوں کے نوکر ہمارے حاکم بنتے ہیں، تو اِن چیزوں سے ہمیں نہ ڈرایا کرو۔
میرے ساتھیوں میں پوری قوم سے اپیل کرنا چاہتا ہوں، اب جو ضمنی الیکشن آٸیں گے ایک پارٹی کی طرح رہیں گے
ان شاء اللّٰہ، کوٸی یہ فرق نہ کرے ملک ہے تو ہم سب ہے،آج ہم نے نظریاتی طور پر ملک کو بچانا ہے، اس کے جغرافیے کو بچانا ہے، اور میں یہ بات کیوں کہہ رہا ہوں، میں ایسے خواہ مخواہ سیااسی بات نہیں کررہا، میں پہلے بھی جلسوں میں کہہ چکا ہوں کہ اِس نے نہیں کہا کہ پاکستان کو تین ٹکڑوں میں تقسیم کیا جاٸے، اِس سے اِن کے ایجنڈے کا پتہ چلتا ہے یا نہیں، کشمیر کے بارے میں کہا تھا کہ تین حصوں میں تقسیم ہوگا، تو اپنی حکومت میں کردیا یا نہیں کردیا، ہمیں امانت اور دیانت سکھاتے ہو، اور کشمیر کی پوری اسمبلی ایک آدمی نے پیسے سے خریدی ہے، یہ سیاست ہے؟ یہ جمہوریت ہے ؟ ملک کا آٸین ہے، آٸین کو اُس معنی ہم نے پہنانی ہے آٸین ہے معنی نہیں ہے۔
اور میرے محترم دوستو ہم اس بات سے ڈر رہے ہیں کہ اگر یہ تہذیب چل رہی ہے، اگر یہ نظریہ فروغ پارہا ہے، تو پھر پاکستان کی نظریاتی شناخت ہم ختم کردیں گے، پاکستان کی نظریاتی شناخت کو ہم نے زندہ رکھنا ہے، آٸین کو زندہ رکھنا ہے، آٸین کو زندہ رکھے گے تو ادارے موجود ہوں گے، اگر ادارے آٸین کو مانتے ہی نہیں تو پھر کیا کرے، تو پشاور والوں آپ سے بھی کہنا چاہتا ہوں یہاں پشاور میں بھی تھوڑا پرابلم ہے، اُس کو بھی آپ لوگوں نے ٹھیک کرنا ہے، یعنی آپ بتاٸے آٸین ہمارے بلدیاتی اداروں کی بات کرتا ہے، بلدیاتی اداروں کی اختیاارات کی بات کرتا ہے، لیکن اس صوبے میں جب وہ شکست کھاگٸے ہیں اور مجموعی طور پر حکومتی پارٹی اقلیت میں ہے، جمعیت کے ساتھ برابر برابر ہے، سارے ملکر یہ اِن کے مقابلے میں اقلیت میں ہے، اور قانون بنایا جارہا ہے کہ اِن کو لوگوں کی خدمت کرنے کا اختیار نہیں ہے ، سارے فنڈ اِن پر بند کردو، تو پھر آپ کو میداان میں نکلنا ہوگا، پھر آپ یہ بات سن لے کہ یہ ہاتھ جوڑ کر عدالتوں کو درخواستیں دے کر منت سماجت کرکے آپ یہ حق حاصل نہیں کرسکیں گے، آپ عوام کے نماٸندے ہیں عوام کو میدان میں لاکر اِن کے گریبان میں ہاتھ ڈال دے، آپ کے اختیار سلب کرنے والے یہ ہوتے کون ہے۔
تو ان شاء اللّٰہ ہم نے یہ پگڑیاں اس لیے نہیں پہنیں کہ سرجھکا کے چلنا ہے، سر اُٹھا کے چلنے کے لیے پہنیں ہے، میں ایک بات کہنا چاہتا ہوں کہ جتنے معزیزین آج یہاں تشریف لاٸے ہیں فخر اعظم صاحب ہیں ہمارے باجوڑ کے معزیزین ہیں پی ٹی آٸی کے باقاعدہ وہاں کے عہدیدار، ضلع اور ڈویژن کے صدر، کرم ایجنسی کے وہ بھی آنے والے ہیں، یہ سب اب جمعیت میں آنے والے ہیں، اب یہ جو جمعیت کے جھنڈے والی ٹوپی پہنیں ہے تو یہ رسول اللّٰہﷺ کا جھنڈا ہے اب اِس کی لاج رکھنی ہے، اور اُس کا حق ادا کرنا ہے، تو اللّٰہ تعالی ہمیں کامیابیوں سے سرفراز فرماٸے، میرا جی چاہتا ہے کہ میں اِن تمام مشران کے گھروں میں جاکر اجتماعات کرو، اُن کے پاس جاٶ اور وہاں پر حاضری دو، کچھ ہمارے حالات ایسے ہے کہ میں اُن کا شکر گزار ہوں کہ اُنہوں نے ہمارے اِس مرکز میں اِس پروگرام پر اکتفا کیا، لیکن آپ کا میرے اُوپر قرض ہے ان شاء اللّٰہ میں آپ کے گھر پر بھی حاضری دوں گا۔ بہت بہت شکریہ جی
ضبط تحریر:
ممبر ٹیم جے یو آٸی سوات

29/07/2022

پشاور: پی ٹی آئی کے رہنما سابق صوبائی وزیر افتخار مہمند ، خاور خان مہمند، پی ٹی آئی کلچراینڈ سپورٹس ونگ کے صدر کلیم اللہ خان طورو اور عوامی نیشنل پارٹی کے رہنما فضل احد مہمند جے یو آئی میں شامل ۔

02/07/2022

مولانا عظیم اللہ عثمان
امیدوار برائے وائس چیئرمین یوسی 6 شیرشاہ کراچی

02/07/2022

تلاوت قرآن پاک ۔

02/07/2022

جیت کا نشان
شیر کا نشان
امیدوار برائے وائس چیئرمین یوسی 6 مولانا عظیم اللہ عثمان کو اپنا قیمتی ووٹ دیکر کامیاب بنائیں۔ علماء کرام کی گستاخوں کو الیکشن والے دن ووٹ کی طاقت سے بتائیں کہ ہم اہل حق ساتھ تھے ہیں اور رہیں گے۔
انشاءاللہ کامیابی آپ کی مقدر ہے۔

30/06/2022

کشمیر سے براہ راست

30/06/2022

پنجاب اور سندھ کے اندر ہمیں نمائندگی نہیں دی جارہی،
پنجاب اور سندھ میں ہمارا راستہ روکا جا رہا ہے،
انتخابات اور انتخابی عمل پر اعتراض ہے،
انتخابی عمل میں کہیں پر بھی دھاندلی ہوگی تو جمعیت علماء وہاں ڈٹ کر دھاندلی کا مقابلہ کرے گی،
ڈنڈا ماری سے نجات دلائیں،
انتخابی اصلاحات ضروری ہے،
ہمارے بھی گلے ہیں اسمبلی میں نہیں کسی اور فورم پر کریں گے،
جب آئین پاکستان بن رہا تھا، تو جہاں آپ کے نانا تھے مدمقابل میرے دادا تھے،
جہاں آپ کی والدہ تھی مدمقابل میں میرے والد صاحب تھے،
خوش قسمتی ہے کہ آپ اور ہم ایک صف میں ہے،
اس بات کی دعوت دیتا ہوں کہ آئیں اور صاف شفاف انتخابات جو اس قوم کا مطالبہ ہے اس حوالے سے عملی اقدامات کرے۔
*وفاقی وزیر مواصلات مفتی اسعد محمود صاحب نے وزیر خارجہ بلاول بھٹو زرداری کو اسمبلی فلور پر کھری کھری سنا دی۔*

29/06/2022

مرکزی جمعیت اہل حدیث پاکستان کے سینئر نائب امیر ڈاکٹر علی محمد ابوتراب، مولانا سید عتیق الرحمن شاہ اور عبدالوہاب سیٹھار کی قائد کراچی قاری محمد عثمان صاحب سے ملاقات کے لیے جامعہ عثمانیہ شیرشاہ آمد آج ہونے والی آل پارٹیز کانفرنس میں شرکت کی دعوت دی۔
اس موقع پر صاحبزادہ مولانا عظیم اللہ عثمان بھی موجود تھے۔

28/06/2022

‏اسلامی نظریاتی کونسل کی طرف سے وزیر اعظم پاکستان جناب میاں محمد شہباز شریف کے نام خط میں اپیل کی گئی ہے کہ بلا سود معیشت کے لیے وفاقی شرعی عدالت کے فیصلے کے خلاف سٹیٹ بینک کی اپیل کو واپس لینے میں اپنا کردار ادا کریں۔

28/06/2022

*وفاقی وزیر مولانا اسعد محمود کا قومی اسمبلی میں برات کا اعلان*

*جن سیاسی مخالفین کی سوئی فقط جمعیت علماء پر اٹکی ہوئی رہتی ہے وہ تو اب بھی مولانا اسعد صاحب کے بیان میں جملوں کی تقدیم و تاخیر، کلام کے شکستگی و سلامتی پر توجہ مرکوز رکھیں گے، یا کہیں گے کہ فورا حکومتی اتحاد سے الگ کیوں نہیں ہو جاتے؟*
*پر سیاست بڑی بے رحم وادی ہے، یہاں ہر قدم حکمت اور احتیاط کے ساتھ رکھنا پڑتا ہے۔*

*خیر حاصل کلام یہ ہے کہ وفاقی شرعی عدالت کے فیصلے کے خلاف نیشنل بینک کی اپیل پر جمعیت علماء اسلام کے پارلیمانی لیڈر مولانا اسعد محمود کا تنقیدی بیان سامنے آگیا، اور حکومت کے اس اقدام سے مکمل برات کا اعلان کیا، الحمد للّٰہ۔*

*‏پاکستان کے عوام اسلامی نظام چاہتے ہیں، ‏وفاقی شرعی عدالت نے سود کے خلاف تاریخی فیصلہ دیا،*
*عوام کو کیوں شریعت کے مطابق معاشی نظام نہیں دینا چاہتے،*
*حکومت سود کیخلاف اپیل پر واضح موقف دے،*
*ابہام بتایا جائے ہم دور کریں گے ،*
*اتنا بڑا فیصلہ تن تنہا کر لیں یہ کسی صورت قابل قبول نہیں ہے،*
*گزشتہ 3دہائیوں سے سود کے نظام کے خلاف ایک جدوجہد چل رہی تھی،‏ اب ایک اور فیصلہ آیا جس پر قومی سطح پر پاکستانیوں کو جشن منانا چاہیے تھا،‏*
*ہم اتحادی ہیں، متعلقہ وزارت اکیلے فیصلہ نہیں کر سکتی۔*

وفاقی وزیر مواصلات مفتی اسعد محمود صاحب کا جرأت مندانہ خطاب

27/06/2022

پہلے مرحلے میں پونے سات لاکھ ووٹ ڈھائی سو سے زائد نشستین لے کر 14 اضلاع میں جے یو آئی دوسرے نمبر پر رہی ہے
14 اضلاع میں دوسرے نمبر پر آنے کے باوجود نتائج کو
رد کرتا ہوں۔
قائد سندھ علامہ راشد خالد محمود سومرو صاحب
پہلے مرحلے میں پونے سات لاکھ ووٹ ڈھائی سو سے زائد نشستین لے کر 14 اضلاع میں جے یو آئی دوسرے نمبر پر رہی ہے
14 اضلاع میں دوسرے نمبر پر آنے کے باوجود نتائج کو
رد کرتا ہوں۔
قائد سندھ علامہ راشد محمود سومرو

26/06/2022

جمعیت علما ٕاسلام ضلع پشاور کے زیر اہتمام سوشل میڈیاکنونشن سے صوباٸی ترجمان حاجی عبدالجلیل جان اظہار خیال کرتے ہوۓ۔

26/06/2022

*اسلام آباد: قائدِ جمعیۃ حضرت مولانا فضل الرحمان صاحب کا تقریب سے مدلل گفتگو ۔

26/06/2022

خیبر پختونخوا اور بلوچستان کے بعد آج سندھ میں بھی کتاب کا راج ہوگا ۔

21/06/2022

14/03/2022

06/02/2022

21/01/2022

السلام علیکم ورحمتہ اللہ وبرکاتہ