Sindhi Ajrak TV

04/12/2025

اِنّا لِلّهِ وَاِنّا اِلَيْهِ رَاجِعُوْن
انتھائي دل جهوريندڙ خبر رئيس محمد ايوب انڙ جو ڀائٽيو رئيس شوڪت علي انڙ صاحب رئيس محمد رمضان انڙ جو پيارو ڀاءُ اڳوڻو يوسي چيئرمين سروري تنظيم تعلقی نيو سعيدآباد نائب صدر رئيس محمد جمن انڙ ھن فاني جهان ماني لاڏاڻو ڪري ويو آهي جنهن جي جنازي نماز رات 30 8 ڳوٺ محمد رمضان انڙ تعلقو نيو سعيدآباد ۾ ادا ڪئي ويندي رابطي لاء 03013884042 /03063033339
Shoukat Unar
Makhdoom MehboobzmTeam

04/12/2025

ڇني گل گلاب جا ڪيئي ڌارو ڌار
اڙي موت ميار ايڏو ساڙ سڳنڌ سين.
نهايت ئي ڏک افسوس سان هي خبر ونڊجي ٿي ته انڙ برادري جي معزز شخصيت وڏيري محمد ايوب انڙ جو ڀائيٽو صوبائي وزير خوراڪ مخدوم محبوب الزمان جي ڪوآرڊينيٽر اسان جي پياري ڀاء شوڪت علي انڙ جو ننڍو ڀاءُ محمد جمن انڙ لاڏاڻو ڪري ويو آهي. هي جهان فاني آهي هر نفس کي موت جو ذائقو چکي دارالفنا کان دارالبقا ڏانهن وڃڻو آهي. پر هي گل ٽڙڻ کان اڳ ئي ڪومائجي ويو. جمن شوڪت جي ڀائرن ۾ ننڍو پر نهايت حسين و جميل سريلو سٻاجهو سيبتو سلڇڻو موتيءَ جو داڻو هو. راڄائتي وڙائتي محبتي مهمان نواز يارويس امير توڙي غريب کي وس آهر ڪم اچڻ وارو نوجوان آهي. مون ڪڏهن به کيس ڪنهن تي ارهو ٿيندي نه ڏٺو سدائين پيو مرڪندو هو. يونين ڪائونسل رمضان انڙ جو اڳوڻو چيئرمين رهيو. پاڻ راهو برادري جي باهمت نوجوان رئيس عمران راھو جيڪو ساڳي يوسي جو ضلعي ڪائونسل مٽياري جو ميمبر هو ان سان گڏ يوسي جي عوام جي ڀرپور خدمت ڪئي. ڪڏهن به نه وساري سگهنداسين ته هنن ٻنهي نوجوانن يوسي جي سڀني اسڪولن کي سولر سسٽم ڏنو جيڪا تقريب سروري ھائوس نيوسعيدآباد تي ٿي هئي. جمن انڙ ئ عمران راھو جي تعليم دوستيءَ جو اهو قدم سدائين پيو ساراهبو. سوشل ميڊيا تي به سندس لکڻيون مختصر يا گهٽ ئي صحيح پر ڏاڍيون سٺيون ۽ پيار ڀريون هونديون هيون. هي سدا ملوڪ نوجوان نفرتن کان ڪوهين ڏور محبتون ورهائڻ وارو هو هر ڪنهن کي عزت پيار آڇڻ وارو قربائتو انسان هو. سندس ڪمهلي وڇوڙي جيءُ جھوري وڌو آهي سردي هلندڙ آهي ۽ هاڻي بهار ايندو پر
گلن جي موسم ڪليون نه آنديون
بهار آندا پٽن جا لاشا.
اجل جي راھ هر ڪنهن کي وٺڻي آهي هتي ڪير نه رهڻو آ اسين سڀ الائي ڪهڙي خيالن جي محلن ۾ موت کي وساري ويٺا آهيون موت انٽر حقيقت آهي وڏا وڏا پلان پيا جوڙيندا رهندا آهيون پر بقول اياز ته
ٿو پشتون ڏي ديوارن کي ۽جيئن لاءِ ڇا ڇا نه ڪري
انسان ته مٽيءَ جي منهين آ جا ڊهندي ويرم ڪانه ڪري..
بس جمن يار هيءَ نه ويل وڃڻ جي رب پاڪ تنهنجي بي حساب مغفرت فرمائي تنهنجي قبر کي جنت جو باغ بڻائي. پيارا شوڪت هن صدمي ۾ توهان جنهن ڪرب پيڙاءَ تڪليف مان گذرندا رهندا اهو درد لفظن م نٿو بيان ڪري سگهجي. جمن سڀني سريلو سڄڻ هو جنهن جي تر جي ڪيترن ئي ماڻهن جي اندر ۾اوطاق جڙيل آهي. ڀائر ساھ کان مٺا هوندا آهن پر جيڪڏهن اهي جمن جهڙا صدورا سداملوڪ سلڇڻا نيڻن ٺار هجن ته پوءِ انهن پڄاڻان انسان جي پيرن هيٺان زمين ۽ مٿي تان آسمان گم ٿي ويندو آهي. هن روح رهڙيندڙ گهري گهاءَ تي ڏک ۾توهان سان برابر جا شريڪ آهيون.
چشم تر آيا هئا سين کڻي اکڙين سندي آلاڻ ھليا وينداسين ڀونر آهيون وٺي سرهاڻ هليا ويندا سين
اسين گهڙي پل جا مسافر راشد رڳو ڀرجي وڃي مهراڻ هليا ويندا سين.
الوداع
پيارا جمن انڙ
الوداع

30/11/2025

30/11/2025

نيوسعيدآباد لڳ قومي شاھراه تي ڪميجا شاخ بس اسٽاپ تي نواب شاه کان حيدرآباد ايندڙ ڪار جي اڳيان اوچتو اڳيان ويندڙ ٽرالر اچي ويو نتيجي ۾ ڪار ڊرائيور ڪار کي بچائڻ لا۽ فوٽ پاٿ تي چاڙھي ڇڏيو جنھن سبب ڪار اندر ويٺل سڪرنڊ واسي غلام مصطفا جٽ ، محسن جٽ، اسد جٽ ۽ فھد جٽ زخمي ٿي پيا آھن زخمين کي شروعاتي طبي امداد ڏيڻ لا۽ نيوسعيدآباد تعلقا اسپتال آندو ويو آھي جتان طبي امداد ڏئي وڌيڪ طبي علاج ڪرائڻ لا۽ پمس اسپتال نواب شاه اماڻيو ويو آھي،

28/11/2025

سنڌ بينڪ جا سڀ ملازم هاري ڪارڊ وٺڻ زميندار جي عزت غير محفوظ پئسن جي لالچ ۾ بدقسمت ٿيڻ لڳا شھر نيوسعيدآباد جي اهم شخصيت سيد فيملي سان تعلق رکندڙ سيد زاهد حسين شاهه لڪياري سان بينڪ مينئجر جو غلط رويو بدتميزي سان پيش اچڻ لڳو
افسوس ان ڳالهه جو آهي ته هارين ۽ آبادگارن زميندارن جو بينڪ آڏو ڪٽارو لڳل

26/11/2025

ڪي ڪي ایف اسپتال ۾ 14 سالن جي ٻارڙي کي غلط انجڪشن، وارثن ۽ انتظاميا وچ ۾ سخت تڪرار

حیدرآباد ۾ ڪي ڪي ایف اسپتال ٻارڙي امِ افصی کي غلط انجڪشن لڳائڻ جي معاملي تي ڇڪتاڻ جو مرڪز بڻجي وئي آهي۔ وارثن جو چوڻ آهي ته 14 سالن جي ٻارڙي کي 104 بخار هئڻ باوجود ڊاڪٽر غلط انجڪشن هڻي ڇڏيو، جنهن بعد ٻارڙي جي حالت وڌيڪ خراب ٿي وئي۔

وارثن موجب جڏهن هو شڪايت لاءِ اسپتال جي ميڊيڪل سپرنٽنڊنٽ وسيم شيخ وٽ پهتا ته هن غلطي تسليم ڪرڻ بدران کين بدتميزي ڪئي۔ سوشل ميڊيا تي وائرل وڊيو ۾ ايم ايس کي وارثن سان غير مناسب رويو اختيار ڪندي پڻ ڏسي سگهجي ٿو۔
نوٽيس وٺڻ جو مطالبو ڪيو آهي

26/11/2025

ٻانڌي مھراڻ ھائي وي تي رڪشا جي چين ۾ لوئي ڦاسڻ سبب ڊرائيور فوت ٿي ويو
خبر موجب: ٻانڌي لڳ ڳوٺ ٻڍو خان سيٺار واسي رڪشا ڊرائيور ساگر سيٺار روزگار ڪرڻ بعد پنھنجي گھر وڃي رھيو ھو ته مھراڻ ھائي وي تي سندس ئي لوئي رڪشا جي چين ۾ ڦاسي پئي جنھن سبب ھو ڪري سخت زخمي ٿي پيو ، جنھن کي مقامي ماڻھن رورل هيلٿ سينٽر ٻانڌي پھچايو جتي ھو زخمن جا سور نه سھندي فوت ٿي ويو ، جڏهن ته فوتي نوجوان جو مڙھ ضروري ڪاروائي بعد سندس اباڻي ڳوٺ منتقل ڪيو پيو وڃي ، جڏهن ته نوجوان جي فوتگي جو اطلاع ملندي ئي گھر ۾ ڪھرام برپا ٿي ويو آهي ،

25/11/2025

نيوسعيدآباد کان پراڻي سعيدآباد لنڪ تان پنھنجي ڳوٺ شھنشاه گلاب جو ڳوٺ طرف پيادل ويندڙ نوجوان ڳوٺاڻي حمير قمبراڻي ولد لکاڏنو قمبراڻي کي نيوسعيدآباد ريگيوليٽر وٽ بلا ڪکي ورتو آھي نوجوان کي ڳوٺاڻن طبي علاج ڪرائڻ لا۽ نيوسعيدآباد تعلقا اسپتال پنھچايو جتي کيس شروعاتي طبي امداد ڏئي وڌيڪ طبي علاج ڪرائڻ لا۽ نازڪ حالت ۾ پمس اسپتال نواب شاه اماڻيو ويو آھي،

24/11/2025

نيوسعيداباد ۾ ٻن مختلف واقعن ۾ ھڪ 7سالن جو معصوم ٻارڙو فوت ۽ ھڪ پورھيت سخت زخمي ٿي پيو زخمي نواب شاھ اسپتال منتقل تفصيل موجب نيوسعيداباد شھر لڳ
مھراڻ ھائي وي تي ڳوٺ بچل ڪاڪا جي سامھون نوروز خان پٺاڻ جي سرن جي بٺي تان ھڪ ٽرالي سرن سان ڀرجي نڪتي ته واٽ تي بيٺل ھڪ 7سالن جي معصوم ٻارشيبران علي پٽ اشرف علي پنجابي جي مٿان ٽرالي مان سرون ڪرڻ ڪري اھو معصوم ٻارڙو سخت زخمي تي پيو جنھنکي تعلقا اسپتال نيوسعيداباد آندو پئي ويو ت واٽ تي فوت ٿي ويو تعلقا اسپتال ۾ ڊيوٽي ڊاڪٽر محمد زمان پٺاڻ سندس فوت ٿيڻ جي تصديق ڪئي وارثن پوليس ۾ رپورٽ داخل ڪرائڻ بنان لاش کڻائي ويا بئي طرف نيوسعيداباد شھر ۾ پراڻي ايم سي بي بينڪ عمارت ڀرسان ھڪ جڳھ جي کوٽائي ڪندي ھڪ پورھيت سوڍل پٽ مظھر علي مٿان مٽي جي ڀت ڪرڻ ڪري دٻجي ويو ء جنھنکي فوري طور تعلقا اسپتال نيوسعيداباد آندو ويو جتي کيس فوري طبي امداد ڏيئي ھوش ۾ آڻي گھر اماڻيو ويو

19/11/2025

حيدرآباد: نوراني بستي ۾ اڻڄاتل هٿياربندن جي فائرنگ ۾ ٻن ماڻهن جي قتل جو معاملو
وارثن لاشن سان گڏ سينٽرل جيل روڊ تي ڌرڻو هڻي ڇڏيو ڌرڻي سبب ٽريفڪ جي آمدرفت معطل، شهرين کي سخت تڪليف
وارثن پاران پوليس خلاف نعريبازي

19/11/2025

سڪرنڊ ڀرسان چار ميل اسٽاپ وٽ اسلام آباد کان ڪراچي ڏانهن سفر ڪندڙ فيصل ڪوچ جو گڏھ گاڏي کي ٽڪر لڳڻ سبب ڪوچ ڪلٽي ٿي پئي جنهن جي نتيجي ۾ وڏي انگ ۾ ماڻهو زخمي ٿي پيا جنهن کي ھمدرد ايمبولينس سروس وسيلي تعلقہ اسپتال سڪرنڊ آندا ويا ڪافي ماڻهو اڃان تائين بس ۾ ڦاٿل جڏهن ته موٽر پوليس ريسڪيو 1122 ۽ سڪرنڊ پوليس پڻ موقعي تي پھچي وئي

18/11/2025

سنڌ بار ڪائونسل جي ميمبرن ۽ وڪيل اڳواڻن ڪراچي بار جو صدر عامر نواز وڙائچ ، سند بار ڪائونسل جو ميمبر وڪيل ڪي بي لغاري ، وڪيل حسيب الله جمالي ۽ ٻيا 27 آئيني ترميم خلاف عوامي رابطا مھم جي سلسلي م ميھڙ پھتا . جتي ميھڙ ۾ وڪيل رستم علي چانڊيو ، رئيس قربان علي چانڊيو پاران کيس چانڊيه ھائوس تي آجياڻو ڏنو ويو. جڏھن ته ميھڙ م شھري اتحاد جي چيئرمين ۽ جي ڊي اڳواڻ نياز علي برڙو جي چانھ پارٽي, سنڌ يونائٽيڏ پارٽي جي آفيس م آجياڻي سميت مختلف ھنڌن تي ٿيل پروگرامن ۾ شرڪت ڪئي .

ان موقعي تي ڪراچي بار جي صدر ۽ سند بار ڪائونسل جي ميمبر وڪيل عامر نواز وڙائچ تقريبن کي خطاب ڪندي چيو ته پاڪستان ۾ آئيني بحران آھي 26 ترميم سبب عدالتون تباھ ٿي ويون ۽ 27 ترميم عدالتن جو جنازو ڪڍي ڇڏيو ۽ ھن وقت سپريم ڪورٽ جي عمارت قبرستان بڻجي وئي آھي . 26 ترميم بعد جيڪا ترميم ڪئي وئي آھي ته ججن جي سينارٽي ختم ڪئي وئي آھي. ترميم تحت ججن جي بدليون به سياستدانن جي مرضي مطابق ڪيون وينديون.

تقريبن کي ميھڙ بار جي صدر وڪيل علي اصغر پتوجو ، وڪيل منور جتوئي ، وڪيل شير علي چانڊيو ، وڪيل محمد علي ڪانڌڙو ۽ بين خطاب ڪيو.