24/11/2023
یہ گروپ فوٹو میرے اور آپ کے ان فیس بُک دوستوں کا ہے ۔ جو ہماری پروفائلز میں موجود تو ہیں لیکن یہ نہ کبھی اچھے پر کچھ بولتے ہیں نہ برے پر ۔ بس دیکھ کر چلے جاتے ہیں ۔
یہ صرف فیس بک پر ایسے نہیں معاشرے میں بھی ایسے ہیں۔ بس دنیا میں تماشہ دیکھنے آئے ہیں۔ نہ ان کو اچھے کام والوں کو شاباشی دینی آتی ہے نہ کبھی کسی زیادتی پر سوال کرنے کی ہمت ہوتی ہے۔
مجھے پہلے لگتا تھا کہ سادہ سے لوگ ہیں بیچارے ، اللہ سائیں کے معصوم بندے ۔۔ پر میرا دوست کہتا ہے یہ معصوم نہیں ہیں ان کا کام کپڑے ہینگ کرنے کا ہے، نئے نویلے کپڑے ۔ کبھی سیاستدان اپنے جلسوں میں لے جاتے ہیں کپڑے ہینگ کرنے تو کبھی مولوی صاحبان، تو کبھی سرکاری بادشاہ۔۔۔۔
طاقت کے متلاشیوں کو دو جاندار ہمیشہ بہت پسند ہیں۔ ایک ایسے انسان جو سوال نہیں کرتے دوسرے وہ بھیڑ جن کو کان پکڑ کر جہاں کھینچ جاؤ وہاں چلے آتے ہیں۔